120/2001 FORU DEKRETUA, MAIATZAREN 21EKOA, NAFARROAKO INGURUMEN HEZKUNTZAREN BATZORDE AHOLKU-EMAILEA ERATZEN DUENA
BON N.º 76 - 22/06/2001
NAFARROAKO INGURUMEN ARLOKO ESTRATEGIAN PARTE HARTZEN DUTEN ERAKUNDEAK
Nafarroako Gobernuak konponbide teknikoak, arau-emaileak, finantzarioak, fiskalak eta bestelakoak gure ingurumenaren kalitatea zaindu eta hobetzeko nahikoa ez direla ikusirik, eta ingurumenaren arloko arazo gehienek gizartean dutela jatorria iritzirik, parte-hartze publikoa izan duen prozesu bat sustatu eta koordinatu du, Ingurumen, Lurraldearen Antolamendu eta Etxebizitza Departamentuaren bitartez, Nafarroako Ingurumen Hezkuntzaren arloko Estrategia (NIHE) finkatu eta garatzeko. Estrategia horrek Nafarroan ingurumenaren arloan garatzen den politikaren gizarte neurriak sustatzeko balio behar du eta, horrekin batera, gure erkidegoko sektoreak neurri horiek garatzeko lanetan ardurakide bilakatzeko. Proiektu horretan honako talde-erakunde hauek parte hartzen ari dira aktiboki: Nafarroako Administrazio Publikoak (Gobernua, udalak, kontzejuak eta mankomunitateak); hainbat produkzio sektoretako eta zerbitzuetako enpresa pribatuak eta enpresa publikoak; sindikatuak eta enpresaburuen elkarteak; hiritarren elkarteak, lanbide elkargoak, unibertsitateak eta ikastetxeak (publikoak eta itunduak), hala nola gizarte komunikabideak (prentsa, irratia, telebista).
Parte-hartze publikoa ingurumen hezkuntzarako ezinbesteko tresna da -izan ere, horrela adierazita dago Espainiako Ingurumen Hezkuntzarako Liburu Zurian-, aldaketa pertsonal eta sozial sakonak ahalbidetzen dituelako. Baina, horretaz gainera, garapen orekatua sustatzeko ezinbesteko osagarria ere bada. Garapen orekatuaren kultura eraikitzea gizabanako, talde, enpresa, erakunde eta herritar entitate askoren ekarpenak integratzeko prozesu kolektibo gisa hartu beharra dago.
Parte-hartze hori bideratzeko, egun dauden ahalbideak garatu eta hobetu eta bide berriak ireki behar dira, herritarren lankidetza errazteko eta euren ahalegina erabilgarria eta garrantsitsua dela agerian jartzeko.
Aurreko guztia kontuan harturik, eta Nafarroako Gobernuak Ingurumen Hezkuntzaren arloko Estrategian parte hartzen duten guztiekin hartutako konpromisoari eutsi nahian, egoki ikusi da organo kolegiatu bat eratzea, hots, organo aholku-emaile ez lotzaile bat, Administrazioaren ingurumen hezkuntzako politika eta programak formulatzeko orduan, Estrategia horretan parte hartzen duten gizarte sektore guztiek iritzia eman dezatela ahalbidetzeko eta, orobat, gizarte sektore guztiek NIHEren barrenean hartutako konpromisoen segimendua eta ebaluazioa egiteko.
Horrenbestez, Ingurumen, Lurraldearen Antolamendu eta Etxebizitza kontseilariak proposaturik eta Nafarroako Gobernuak bi mila eta bateko maiatzaren hogeita batean hartutako erabakiarekin bat etorriz,
DEKRETATU DUT:
1. Nafarroako Ingurumen Hezkuntzaren Batzorde Aholku-emailea (NIHBA) sortzea, orohar, gure erkidegoko gizarte sektore guztiek Nafarroako ingurumen arloko politikaren neurri sozialen garapenari dagozkion kontu guztietan parte hartzeko organo gisa, eta berariaz, Nafarroako Ingurumen Hezkuntzaren arloko Estrategia ezarri, garatu eta haren segimendua egiteko lanekin loturikoetan.
2. Nafarroako Ingurumen Hezkuntzaren Batzorde Aholku-emailea Nafarroako Gobernuko Industri, Merkataritza, Turismo eta Lan Departamentuari atxikita geldituko da.
2. artikulua . Eginkizunak.
Nafarroako Ingurumen Hezkuntzaren Batzorde Aholku-emaileari honako eginkizun hauek dagozkio:
a) Nafarroako Foru Komunitateko Administrazioari ingurumen hezkuntza eta komunikazioa Nafarroan garatzeko jarduketak proposatzea.
b) Nafarroako Ingurumen Hezkuntzaren arloko Estrategian gizarte sektoreek hartutako konpromisoak bete ditzatela sustatzea, eta konpromiso horien segimendua eta ebaluazioa egitea.
c) Nafarroako Gobernuko Ingurumen, Lurraldearen Antolamendu eta Etxebizitza Departamentuak ingurumen hezkuntza eta komunikazioaren arloan egiten dizkion galdera guztiei buruzko txostenak egitea.
d) Departamentu horri ingurumen hezkuntza eta komunikazioari buruzko proposamen eta aholkuak luzatzea.
1. Nafarroako Ingurumen Hezkuntzaren Batzorde Aholku-emailea honako hauek osatuko dute:
a) Batzordeburua: Nafarroako Gobernuko Ingurumen, Lurraldearen Antolamendu eta Etxebizitza kontseilaria.
b) Batzordeburuordea: Ingurumen zuzendari nagusia.
c) Nafarroako Ingurumen Hezkuntzaren arloko Estrategian parte hartzen duten ondoko gizarte sektore hauetatik ordezkari bana: lurraldeko administrazioa; toki administrazioa, enpresa publikoak; komunikabideak; enpresa pribatuak; lanbide elkargo eta elkarteak; sindikatuak; ingurumen hezkuntzaren arloko enpresak; herritarren elkarteak; irakaskuntza ez-unibertsitarioa eta unibertsitate mailako irakaskuntza.
Aurreko atalean aipatu gizarte sektoreak Foru Dekretu honetako 1. eranskinean azaltzen diren entitateak dira.
Sektore bakoitzak bere ordezkaria proposatu beharko dio Ingurumen, Lurraldearen Antolamendu eta Etxebizitza Departamentuari, gero, Departamentuko titularrak foru agindu bidez izenda ditzan. Izendapenean batzordekide titular eta ordezko bat ageriko dira, aipatu sektore bakoitzeko.
d) Idazkaria: Ingurumenari buruzko Informazio eta Hezkuntzaren Ataleko burua, hizpidea eta botoa izanen dituena.
2. Batzordeburuak ahalmena izanen du, kasuan-kasuan eztabaidatu behar diren gaiak ikusita, arlo horretan adituak diren pertsona edo taldeei bilkuretara joateko eskaera edo gonbitea luzatzeko.
3. Nafarroako Gobernuko Ingurumen, Lurraldearen Antolamendu eta Etxebizitza Departamentuak ahalmena izanen du Batzordearen koordinazioa eta aholkularitza teknikoa Nafarroako Ingurumen arloko Baliabideen Zentroaren ardura duen entitatearen esku uzteko.
4. artikulua . Funtzionamendua.
Batzordearen antolamendu eta funtzionamenduari dagokionez, Administrazio Publikoen Araubide Juridikoari eta Guztiendako Administrazio Prozedurari buruzko azaroaren 26ko 30/1992 Legearen II. Tituluko II. Kapituluan Administrazio Publikoetako zuzendaritza organoetarako xedatutakoari segituko zaio. Dena den, egoki iritziz gero, barne funtzionamendurako Erregelamendu bat onets dezake.
Ahalmena ematen zaio Ingurumen, Lurraldearen Antolamendu eta Etxebizitza kontseilariari Foru Dekretu hau garatzeko behar diren xedapenak eman ditzan.
Foru Dekretu honek Nafarroako ALDIZKARI OFIZIALean argitara eman eta biharamunean hartuko du indarra.
Iruñean, bi mila eta bateko maiatzaren hogeita batean.-Nafarroako Gobernuko lehendakaria, Miguel Sanz Sesma.-Ingurumen, Lurraldearen Antolamendu eta Etxebizitza kontseilaria, Jesús Javier Marcotegui Ros.
NAFARROAKO INGURUMEN ARLOKO ESTRATEGIAN PARTE HARTZEN DUTEN ERAKUNDEAK
NAFARROAKO INGURUMEN ARLOKO ESTRATEGIAN PARTE HARTZEN DUTEN ERAKUNDEAK
Lurraldeko Administrazioa
Lehendakaritza, Justizia eta Barne Departamentua.
Ekonomi eta Ogasun Departamentua.
Ingurumen, Lurraldearen Antolamendu eta Etxebizitza Departamentua.
Hezkuntza eta Kultura Departamentua.
Osasun Departamentua.
Gizarte Ongizate, Kirol eta Gazteri Departamentua.
Herrilan, Garraio eta Komunikazio Departamentua.
Nekazaritza, Abeltzaintza eta Elikadura Departamentua.
Industri, Merkataritza, Turismo eta Lan Departamentua.
Toki Administrazioa
Udalak:
Iruñeko Udala
Lizarrako Udala
Tafallako Udala
Tuterako Udala
Mankomunitateak:
Iruñeko Mankomunitatea
Jurramendiko Mankomunitatea
Beste batzuk:
Nafarroako Udalerri eta Kontzejuen Federazioa
CEDERNA-Garalur
Estellerriko Turismo Partzuergoa
Bardeetako Junta
Enpresa Publikoak
Nafarroako Enpresa eta Berrikuntzarako Europako Zentroa, S.A. (CEIN)
Gestión Ambiental, Viveros y Repoblaciones de Navarra, S.A.
Nekazaritzako eta Abeltzaintzako Institutu Tekniko eta Kudeaketarenak ITGG-ITGA
Navarra de Medio Ambiente Industrial, S.A.
Nafarroako Toki Azpiegiturak,.S.A. (NILSA)
Nafarroako Ureztalurrak, S.A.
Komunikabideak:
Prentsa idatzia:
Diario de Navarra
Diario de Noticias
Telebista:
TVEren Nafarroako Zentroa
Canal 4 TV
Irratiak:
Cadena Ser
Radio Universidad de Navarra
Beste batzuk:
Terra Films Producciones
Enpresa Pribatuak
Agrupación Española de Fabricantes de Conservas Vegetales (AGRUCON)
Nafarroako Industriaren Elkartea (AIN)
Asociación Navarra de Empresas de Transporte (ANET)
Kanpalekuen elkartea
Cabodevilla Asociados
Caja Navarra
Centro Técnico Nacional de Conservas Vegetales del Ebro
Conservas Vegetales del Ebro (CONSEBRO)
Energía Hidroeléctrica de Navarra (EHN, S.L.)
Consultoría y Gestión (EIN, S.L.)
Eroski
Gestión Territorial y Medio Ambiente
Industrias Químicas de Navarra (INQUINASA)
Lucas Girling-TRW
Papelera Navarra, S.A.
Recuperación Ambiental, S.L. (REAM).
Terra
Unión de Cooperativas Agrarias de Navarra (UCAN)
Volswagen Navarra, S.A.
Lanbide Elkargo eta Elkarteak
Lanbide elkargoak:
Mendi ingeniarien elkartea
Nekazaritzako ingeniarien elkargo ofiziala
Oihan ingeniarien elkargo ofiziala
Soziologo eta Politologoen elkargo ofiziala
Biologoen elkargo ofiziala
Euskal Herriko Arkitektoen elkargo ofiziala
Industri ingeniarien elkargo ofiziala
Lanbide elkarteak:
Nafarroako Lan enpresen Elkartea (ANEL)
Merkataritza eta Industri Ganbera Ofiziala
Sindikatuak
CCOO
ELA/STV
UAGN
UGT
Ingurumen Hezkuntzako Enpresa eta Ekipamendua
Lizasoko Kontzejua. Orgiko Aisiarako Natur Eremua, Aiansoro, S.L.
Arbunies y Lecumberri Asociados
Artelatz
Concha Fernández de Pinedo aholkularitza
Eguzki Lore
Fira, S.L.
Haritz Berri Baserri eskola
Hirusta
Naturalia
Ostadar, S.L.
Herritarren Elkarteak
Nafarroako Ehiztarien Elkartea (DECANA)
Aitonak
Altxonbideen lagunen Elkartea
Iratxe Kontsumitzaileen Elkartea
Alde Zaharreko auzo-elkartea
Nafarroako Unesco Zentroa
Alaiz Kolektiboa
Nafarroako Gazteriaren Konseilua-Anat Lane
Gurutze Gorria
Ekologistak Martxan
Econavarra
Urtxintxa Aisialdiko Eskola
Nafarroako Mendi Federazioa
Gorosti Natur Zientzien Elkartea
Nafarroko scout katolikoak
Irakaskuntza Ez-Unibertsitarioa
Ikastetxeak:
Los Sauces-Barañain I.P.
Antsoaingo Ezkaba I.P.
Irakasleei Laguntzeko Zentroa
San Cernin ikastetxea
La Compasión ikastetxea
Arte eta Lanbideen eskola
Berako BHI
Zizurko BHI
Burlatako Ibaialde BHI
Cintruenigoko La Paz BHI
Lizarrako Puy ikastetxea
Lizarra ikastola
San Fermin ikastola
Unibertsitateko Irakaskuntza Sistema
Unibertsitateak:
Nafarroako Unibertsitatea (Hezkuntza Departamentua; Zoologia Departamentua).
Nafarroako Unibertsitate Publikoa (Ekonomia Departamentua; Administrazio eta Zerbitzuetako langileak; Psikologia eta Pedagogia Departamentua; Soziologia Departamentua; Nafarroako Soziologiako Ikasleen Elkartea).
Urrutiko Hezkuntzarako Unibertsitate Nazionala
Fundazioak
Unibertsitatea-Gizartea Fundazioa. Nafarroako Unibertsitate Publikoa
Enpresa-Unibertsitatea Fundazioa. Nafarroako Unibertsitatea.
Iragarkiaren kodea: A0105978