LEXNAVARRA
81/2012 FORU DEKRETUA, ABUZTUAREN 1EKOA, BIDAIA AGENTZIETAKO ETA EKITALDIEN KUDEAKETAKO GOI MAILAKO TEKNIKARI TITULUAREN EGITURA ETA CURRICULUMA EZARTZEN DITUENA NAFARROAKO FORU KOMUNITATEAN.
BON N.º 242 - 13/12/2012; corr. err., BON 26/09/2013
- Zioen Azalpena
- 1. artikulua. Xedea.
- 2. artikulua. Identifikazioa.
- 3. artikulua. Lanbide erreferentea eta lanbide jarduera.
- 4. artikulua. Curriculuma.
- 5. artikulua. Lanbide moduluak eta prestakuntza unitateak.
- 6. artikulua. Heziketa zikloan sartzeko bideak.
- 7. artikulua. Ziklotik beste ikasketa batzuetara pasatzea.
- 8. artikulua. Baliozkotzeak eta salbuespenak.
- 9. artikulua. Gaitasun unitateek lanbide moduluekin duten korrespondentzia.
- 10. artikulua. Irakasleak.
- 11. artikulua. Irakaslekuak eta ekipamendua.
- Lehen xedapen gehigarria.Tituluaren baliokidetasunak.
- Bigarren xedapen gehigarria.Beste lanbide trebakuntza batzuk.
- Azken xedapenetan lehena. Ezarpena.
- Azken xedapenetan bigarrena.Indarra hartzea.
1. ERANSKINA. LANBIDE ERREFERENTEA
2. ERANSKINA. CURRICULUMA
3. ERANSKINA. PRESTAKUNTZA UNITATEAK
4. ERANSKINA. BALIOZKOTZEAK ETA SALBUESPENAK
5. ERANSKINA. LANBIDE MODULUEN ETA GAITASUN UNITATEEN ARTEKO KORRESPONDENTZIA
6. ERANSKINA. IRAKASLEAK
7. ERANSKINA. LEKUAK
1. Lanbide Kualifikazioei eta Lanbide Heziketari buruzko ekainaren 19ko 5/2002 Lege Organikoak Kualifikazioen Katalogo Nazionalaren definizioan aurrera egitea ahalbidetu du. Lanbide sektore edo arlo bakoitzerako kualifikazio batzuk zehaztu dira katalogoan, hiru mailatan antolatuak, eta horiexek osatzen dute lanbide heziketako tituluen curriculumaren muina.
Hezkuntzari buruzko maiatzaren 3ko 2/2006 Lege Organikoak lanbide ikasketen antolaketa eta haien egituraren eta antolamenduaren printzipio orokorrak arautzen ditu hezkuntza sistemaren barnean. Etapa, maila eta ikasketa mota guztiak eredu koherente batean biltzen ditu, zeinean heziketa zikloek funtzio garrantzitsuak betetzen baitituzte, lanbide gaitasunen, gaitasun pertsonalen eta gaitasun sozialen garapenari lotuak, eta, funtsean, lanbide kualifikazioaren, lan munduan sartzearen eta helduen bizitzan parte hartzearen esparruetan kokaturik.
Ekonomia Iraunkorrari buruzko martxoaren 4ko 2/2011 Legeak, lanbide heziketari dagokionez, helburu hau du ezarrita: prestakuntza-eskaintza produkzio-sistemak eta gizarteak eskatzen dituzten lanbide gaitasunetara etengabe egokitzeko erraztasunak ematea, lanbide heziketako tituluak eguneratu eta egokitzeko sistema arin baten bitartez. Halaber, adierazten du beharrezkoa dela hezkuntza administrazioak behar diren ekimenak abiaraztea lanbide heziketaren eskaintza gizartearen premietara eta kasuko lurralde eremuko ekonomiaren premietara egokitzeko. Bestalde, lanbide heziketako maila ertaineko eta goi mailako zikloetako irakaskuntzetan sartzeko bete beharreko baldintzak aldatzen ditu.
Foru dekretu honen bidez, Bidaia Agentzietako eta Ekitaldien Kudeaketako goi mailako teknikari titulua eskuratzea ahalbidetzen duen goi mailako heziketa zikloaren egitura eta curriculuma ezartzen dira. Hezkuntza sistemako lanbide heziketaren antolamendu orokorra ezartzen duen uztailaren 29ko 1147/2011 Errege Dekretuaren 8. artikulua aplikatuz, eta Nafarroako Foru Eraentza Berrezarri eta Hobetzeari buruzko abuztuaren 10eko 13/1982 Lege Organikoaren 47. artikuluan Nafarroako Foru Komunitateari arlo honetan ematen zaizkion eskumenak erabiliz, honako curriculum honek uztailaren 24ko 1254/2009 Errege Dekretua garatzen du, Bidaia Agentzietako eta Ekitaldien Kudeaketako goi mailako teknikari titulua ezarri eta horren gutxieneko ikasketak finkatzen dituena.
Bestalde, Nafarroako Foru Komunitateko hezkuntza sistemaren esparruan lanbide heziketaren antolamendua eta garapena arautzen dituen maiatzaren 26ko 54/2008 Foru Dekretuak lanbide heziketako tituluen curriculuma garatzeko eredu bat definitu du, estrategia eta arau berriak ekarri dituena enpresara hobeki egokitzeko, ikasketen antolaketa malgutzeko, ikastetxeen curriculum-autonomia areagotzeko eta ikasleei prestakuntza zabalagoa emateko.
Horregatik, Bidaia Agentzietako eta Ekitaldien Kudeaketako goi mailako teknikari tituluaren curriculuma Nafarroako Foru Komunitaterako egokitu eta garatzean, kontuan hartu dira maiatzaren 26ko 54/2008 Foru Dekretu horrek onetsi dituen diseinuari buruzko jarraibideak.
2. Araudi honetan elementu hauek jorratzen dira, titulu honetako curriculuma osatzen dutenak: lanbide erreferentea, curriculuma, ikasketen antolaketa eta sekuentziazioa, sarbideak eta ezarpenerako baldintzak.
Titulu honen lanbide erreferenteak, arau honen 3. artikuluan aurkeztu eta 1. eranskinean garatzen denak, oinarrizko bi alderdi ditu: tituludunaren lanbide profila eta haren lan ingurunea izanen den produkzio sistema. Lanbide profilaren barnean, haren gaitasun orokorra zein den definitzen da eta erreferentzia gisa hartu diren lau lanbide kualifikazioak azaltzen dira. Lau lanbide kualifikazio horiek, alegia, Turismoko zerbitzuak eta produktuak saltzea, otsailaren 20ko 295/2004 Errege Dekretuak arautzen duena, Bidaia konbinatuak eta ekitaldiak sortzea eta kudeatzea, Tokiko turismoa sustatzea eta bisitariari informazioa ematea eta Turistak eta bisitariak gidatzea, abenduaren 14ko 1700/2007 Errege Dekretuak arautzen dituenak, hainbat gaitasunek definitzen duten lanbide jarduketarako gune batean biltzen dira. Gune horrek, euskarri gisa gehitu diren lanbide moduluekin batera, badu zabaltasun nahikoa eta behar adinako espezializazioa goi mailako teknikari honek lana lortzen ahalko duela bermatzeko.
Produkzio sistemari dagokionez, zenbait zehaztapen ezartzen dira tituludun hauek beren lanean eta lanbidean izanen duten inguruneari buruz, Nafarroarako elementu bereizgarriak kontuan hartuz. Gutxienez ere bi dimentsio osagarri dituen sistema batean kokatzen da ingurune hori. Lehenbizikoa geografikoa da, tituludun hauen lanbide jarduera Estatuko eta atzerriko beste zona batzuekin loturik dagoelako eta zona horiek elkarri eragiten diotelako. Bigarrena denboraren dimentsioa da, eta lanbideak etorkizunean izanen duen bilakaerari buruzko ikuspegi prospektiboa dakar.
3. Laugarren artikulua, berari loturik dagoen 2. eranskinarekin batera, Nafarroan arautzen den titulazioaren curriculum osagaiaz ari da eta bi zatitan banaturik dago. Alde batetik, titulu honen helburuak daude eta, bestetik, lanbidearen ikaskuntzaren muina osatzen duten lanbide moduluen garapena eta iraupena. Iraupenaren definizioari dagokionez, bi irizpide erabiltzen dira: orduen kopurua eta Europako kredituen kopurua (ECTS). Lehenengoa interesgarria da prestakuntza jarduera antolatzeko, eta bigarrena irizpide estrategikoa da, Europako esparruaren barneko mugikortasunarekin eta ikasketa unibertsitarioen eta lanbide heziketako goi mailako heziketa zikloen arteko baliozkotzearekin zerikusia duena. Lanbide modulu guztien curriculumak badu orientabide didaktikoen atala. Orientabide horiek moduluen ikuspuntuari, koordinazioari eta sekuentziazioari eta lan unitateen eta irakaskuntza-ikaskuntza jardueren tipologiari eta definizioari dagozkie.
4. Arau honen esparruan moduluen erreferentziazko sekuentziazioa arautzen da zikloko bi kurtsoetan, bai eta lanbide modulu bakoitza prestakuntza unitatetan zatitzeko modua ere. Zatiketa horrek bide ematen du lanbide prestakuntzaren beste eskaintza batzuei ekiteko; horien xedea langileen hobekuntza izan daiteke, edota gaitasuna ebaluatu eta onartzeko prozedurak eta prestakuntza eskaintzak berak bat egiten duten ibilbideen diseinua. Elementu hori 5. artikuluan eta 3. eranskinean garatzen da.
5. Sarbideei eta baliozkotzeei dagokienez, 6. artikuluak Batxilergotik heziketa ziklo honetara sartzeko bideak arautzen ditu, 7. artikuluak zehazten du nola pasa daitekeen beste ikasketa batzuetara Bidaia Agentzietako eta Ekitaldien Kudeaketako goi mailako teknikari titulurako heziketa zikloa amaitu eta gero, 8. artikuluak baliozkotzeak eta salbuespenak arautzeko esparrua definitzen du, eta 9. artikuluak (5. eranskinean garatua) lanbide moduluen eta titulu honetako kualifikazioetako gaitasun unitateen arteko korrespondentziak ezartzen ditu, haiek egiaztatu, baliozkotu edo salbuesteko.
6. Azkenik, foru dekretu honek arautzen duen azken elementua 10. eta 11. artikuluetan eta dagozkien 6. eta 7. eranskinetan deskribatzen da, heziketa ziklo hau ezartzeko baldintzez ari baitira horiek guztiak. Baldintza horiek irakasleen profilari eta behar diren irakasleku eta ekipamenduen ezaugarriei buruzkoak dira.
Horrenbestez, Hezkuntzako kontseilariak proposaturik, eta Nafarroako Gobernuak 2012ko abuztuaren 1ean egindako bilkuran harturiko erabakiarekin bat,
DEKRETATU DUT:
Foru dekretu honen xedea da Bidaia Agentzietako eta Ekitaldien Kudeaketako goi mailako teknikari tituluaren egitura eta curriculum ofiziala ezartzea Nafarroako Foru Komunitatean. Titulu hori Ostalaritza eta Turismoko lanbide arlokoa da.
2. artikulua . Identifikazioa.
Bidaia Agentzietako eta Ekitaldien Kudeaketako goi mailako teknikari titulua ondoko elementuen bidez identifikatzen da:
a) Izena: Bidaia Agentziak eta Ekitaldien Kudeaketa.
b) Maila: 3. Goi Mailako Lanbide Heziketa.
c) Iraupena: 2000 ordu.
d) Lanbide arloa: Ostalaritza eta Turismoa.
e) Europako erreferentea: HNSN - 5b (Hezkuntzaren Nazioarteko Sailkapen Normalizatua).
3. artikulua . Lanbide erreferentea eta lanbide jarduera.
Foru dekretu honen 1. eranskinean zehazten dira tituluaren lanbide profila, gaitasun orokorra, kualifikazioak eta gaitasun unitateak, lanbide gaitasunak, gaitasun pertsonalak eta sozialak, bai eta produkzio sistemaren erreferentzia, haren Nafarroako ingurunea eta haren prospektiba ere, maiatzaren 26ko 54/2008 Foru Dekretuaren 21. artikuluan ezarritakoari jarraituz. Dekretu horren bidez, Nafarroako Foru Komunitateko hezkuntza sistemaren esparruan lanbide heziketaren antolamendua eta garapena arautzen dira.
1. Bidaia Agentzietako eta Ekitaldien Kudeaketako heziketa zikloaren helburu orokorrak eta hura osatzen duten lanbide moduluak foru dekretu honen 2. eranskinean ageri dira.
2. Heziketa ziklo hau ematen duten lanbide heziketako ikastetxeek programazio didaktiko bat prestatuko dute, zikloak dituen lanbide moduluetako bakoitzerako. Programazio hori lan unitateen bitartez garatu eta zehaztuko da.
5. artikulua . Lanbide moduluak eta prestakuntza unitateak.
1. Heziketa ziklo hau osatzen duten lanbide moduluak foru dekretu honen 2.B) eranskinean garatu dira, uztailaren 24ko 1254/2009 Errege Dekretuaren 10. artikuluan ezarritakoarekin bat. Errege dekretu horrek, izan ere, Bidaia Agentzietako eta Ekitaldien Kudeaketako goi mailako teknikari titulua ezarri eta horren gutxieneko ikasketak finkatzen ditu.
2. Lanbide modulu horiek bi ikasturtetan antolatuko dira, foru dekretu honen 2.B) eranskinean ezarritako denbora banaketaren arabera. Maiatzaren 26ko 54/2008 Foru Dekretuaren 16.2 artikuluan dauden arauekin bat, denbora banaketa horrek erreferentziazko balioa izanen du heziketa ziklo hau ematen duten ikastetxe guztientzat, eta Hezkuntza Departamentuaren baimena beharko da hartan edozein aldaketa egiteko.
3. Lanbide moduluak foru dekretu honen 3. eranskinean ezarritako prestakuntza unitateetan antolaturik ematen ahalko dira, bizitzan zeharreko prestakuntza sustatze aldera. Lanbide modulu bakoitza osatzen duten prestakuntza unitateen edukietan modulu horretako eduki guztiak bildu behar dira.
4. Prestakuntza unitate bakoitzaren ziurtagiriak Nafarroako Foru Komunitatean soilik izanen du balioa. Modulu bateko prestakuntza unitate guztiak gaindituz gero, ikasleak lanbide moduluaren ziurtagirirako eskubidea izanen du eta horrek Estatu osoan izanen du balioa, heziketa zikloan sartzeko baldintza akademikoak betetzen baldin badira.
6. artikulua . Heziketa zikloan sartzeko bideak.
1. Foru dekretu honetan arautzen den heziketa zikloan sartzeko, Hezkuntza sistemako lanbide heziketaren antolamendu orokorra ezartzen duen uztailaren 29ko 1147/2011 Errege Dekretuaren 18. artikuluan ezarritako baldintzak bete beharko dira.
2. Giza eta Gizarte Zientzien modalitateko Batxilergoa ikasi duten ikasleek lehentasuna izanen dute heziketa ziklo honetan sartzeko, uztailaren 24ko 1254/2009 Errege Dekretuaren 13. artikuluak ezarri bezala.
7. artikulua . Ziklotik beste ikasketa batzuetara pasatzea.
1. Bidaia Agentzietako eta Ekitaldien Kudeaketako goi mailako teknikari tituluak zuzeneko sarbidea ematen du goi mailako beste edozein heziketa ziklotarako, onarpenerako ezartzen diren baldintzekin betiere.
2. Bidaia Agentzietako eta Ekitaldien Kudeaketako goi mailako teknikari tituluak zuzeneko sarbidea ematen du unibertsitateko graduko tituluak eskuratzeko ikasketetarako, onarpenerako ezartzen diren baldintzekin betiere.
3. Uztailaren 24ko 1254/2009 Errege Dekretuaren 14.3 artikuluaren arabera, baliozkotzeen araubidea errazteko asmoz, lanbide heziketako goi mailako teknikari tituluen eta unibertsitateko graduko ikasketen arteko kreditu-onarpenari buruzko arauaren esparruan, 120 ECTS kreditu esleitu zaizkie foru dekretu honetan ezarritako ikasketei, heziketa ziklo honetako lanbide moduluen artean banatuak.
8. artikulua . Baliozkotzeak eta salbuespenak.
1. 4. eranskinean zehazten dira Hezkuntza Sistemaren Antolamendu Orokorrari buruzko urriaren 3ko 1/1990 Lege Organikoaren babesean ezarritako lanbide heziketako tituluen lanbide moduluen eta dekretu honetan egitura eta curriculumaren garapena ezarriak dituzten lanbide moduluen arteko baliozkotzeak.
2. Lanbide moduluak beste lanbide modulu batzuekin, gaitasun unitateekin eta goi mailako hezkuntzako ikasketekin baliozkotzeari eta salbuesteari dagokienez, uztailaren 24ko 1254/2009 Errege Dekretuaren 15. artikuluan eta uztailaren 29ko 1147/2011 Errege Dekretuaren 38. artikuluan araututakoa aplikatuko da.
9. artikulua . Gaitasun unitateek lanbide moduluekin duten korrespondentzia.
1. Lanbide Kualifikazioei eta Lanbide Heziketari buruzko ekainaren 19ko 5/2002 Lege Organikoaren 8. artikuluan ezarritakoaren arabera egiaztaturiko gaitasun unitateen eta Bidaia Agentzietako eta Ekitaldien Kudeaketako goi mailako teknikari titulurako ikasketak osatzen dituzten lanbide moduluen arteko korrespondentziak, haiek baliozkotzeko edo salbuesteko erabiliko direnak, foru dekretu honen 5.A) eranskinean ageri dira.
2. Halaber, titulu bereko ikasketak osatzen dituzten lanbide moduluen eta gaitasun unitateen arteko korrespondentziak, haiek egiaztatzeko erabiliko direnak, foru dekretu honen 5.B) eranskinean zehaztu dira.
1. Heziketa ziklo honetako ikasketak osatzen dituzten lanbide moduluetan irakaslanean aritzea Bigarren Hezkuntzako katedradunei, Bigarren Hezkuntzako irakasleei eta Lanbide Heziketako irakasle teknikoei dagokie. Foru dekretu honen 6 A) eranskinean ezarritako espezialitateetakoak izan behar dute.
2. Irakasleei eskatzen zaizkien titulazioak, oro har, otsailaren 23ko 276/2007 Errege Dekretuaren 13. artikuluan ezarritakoak dira. Dekretu horren bidez, maiatzaren 3ko 2/2006 Lege Organikoan aipatzen diren irakasle kidegoetan sartzeko eta espezialitate berriak eskuratzeko erregelamendua onetsi zen, eta lege organiko horren hamazazpigarren xedapen iragankorrean aipatzen den sarrera araubide iragankorra arautu. Irakaslanari dagokionez aurrekoen baliokideak diren titulazioak foru dekretu honen 6 B) eranskinean ageri dira irakasleen espezialitate desberdinetarako.
3. Titulu hau osatzen duten lanbide moduluak irakasteko, ikastetxe pribatuetako irakasleei edo Hezkuntzakoak ez diren administrazioetako ikastetxe publikoetako irakasleei eskatuko zaizkien titulazioak foru dekretu honen 6.C) eranskinean azaltzen dira.
11. artikulua . Irakaslekuak eta ekipamendua.
1. Heziketa ziklo honetako ikasketak emateko behar diren irakaslekuak foru dekretu honen 7. eranskinean ezarritakoak dira.
2. Irakaslekuek azalera nahikoa izanen dute, haietako bakoitzean ematen diren lanbide moduluei dagozkien irakaskuntza jarduerak garatu ahal izateko. Gainera, baldintza hauek bete beharko dituzte:
a) Irakaslekuaren azalera zehazteko, kontuan hartuko da zenbat lagunentzat den. Azalera nahikoa izanen da irakaskuntza-ikaskuntza jarduerak behar adinako ergonomia eta mugikortasunarekin egin ahal izateko.
b) Irakaslekuetan nahikoa leku izanen da altzari, ekipamendu eta lanerako tresna osagarrietarako.
c) Irakaslekuetan erabiltzen diren makinetarako eta ekipamendurako segurtasun tarte edo eremuak errespetatu beharko dira.
d) Laneko arriskuen prebentzioari buruzko arauak, lanpostuko segurtasunari eta osasunari buruzkoak eta gainerako arau aplikagarriak beteko dira.
3. Ikasle talde batek baino gehiagok erabiltzen ahalko dituzte irakaslekuak, heziketa ziklo eta hezkuntza etapa berekoak izan edo ez.
4. Irakaslekuek ez dute nahitaez itxituraz bereizirik egon behar.
5. Irakasleku bakoitzean behar adina ekipamendu jarri behar da, ikasleei ikaskuntzaren emaitzen lorpena eta irakaskuntzaren kalitatea bermatzeko. Gainera, baldintza hauek beteko dituzte:
a) Ekipamendu, makina, eta abarrekoek ongi ibiltzeko behar duten instalazioa edukiko dute. Segurtasunari eta arriskuen prebentzioari buruzko arauak eta aplikatu behar diren gainerakoak beteko dituzte.
b) Ekipamenduen kopurua eta ezaugarriak ikasle kopuruaren araberakoak izanen dira, eta ikaskuntzaren emaitzak lortzea ahalbidetuko dute, irakasleku bakoitzean ematen diren lanbide moduluetako ebaluazio irizpideak eta edukiak kontuan izanik.
6. Hezkuntza Departamentua arduratuko da irakasleku eta ekipamenduen kopurua eta ezaugarriak egokiak izan daitezen modulu bakoitzeko ikaskuntzaren emaitzen araberako irakaskuntza eta ikaskuntza prozesuak garatzeko, eta ikasketen eboluzioak sortzen dituen eskarietara egokitu daitezen, horrela ikasketen kalitatea bermatuko baita.
Lehen xedapen gehigarria .Tituluaren baliokidetasunak.
Uztailaren 24ko 1254/2009 Errege Dekretuaren hirugarren xedapen gehigarriarekin bat, Bidaia Agentzietako eta Ekitaldien Kudeaketako goi mailako teknikari tituluak (dagokion curriculuma foru dekretu honetan arautzen da) honako titulu hauen ondorio akademiko eta profesional berberak izanen ditu: Bidaia Agentzietako goi mailako teknikari titulua, abenduaren 17ko 2215/1993 Errege Dekretuak ezarria, eta Bidaia Agentzietako teknikari espezialista, Ostalaritza eta Turismo arlokoa, Hezkuntzari buruzko abuztuaren 4ko 14/1970 Lege Orokorraren arabera.
Bigarren xedapen gehigarria .Beste lanbide trebakuntza batzuk.
Lanerako Prestakuntza eta Orientabideak moduluak trebakuntza ematen du laneko arriskuen prebentzioko oinarrizko jardueretarako behar diren lanbide erantzukizunak hartzeko (horiek Prebentzio Zerbitzuen Erregelamendua onesten duen urtarrilaren 17ko 39/1997 Errege Dekretuan ezarrita daude), baldin eta moduluak gutxienez 45 irakastordu baditu, uztailaren 24ko 1254/2009 Errege Dekretuaren hirugarren xedapen gehigarriaren 3. atalean ezarritakoarekin bat.
Azken xedapenetan lehena.- Ezarpena.
Nafarroako Foru Komunitateko Hezkuntza Departamentuak 2012-2013 ikasturtean ezarriko du foru dekretu honetan arautzen den curriculuma.
Azken xedapenetan bigarrena .Indarra hartzea.
Foru dekretu honek Nafarroako Aldizkari Ofizialean argitaratu eta biharamunean hartuko du indarra.
Iruñean, 2012ko abuztuaren 1ean.-Nafarroako Gobernuko lehendakaria, Yolanda Barcina Angulo.-Hezkuntzako kontseilaria, José Iribas Sánchez de Boado.
1. ERANSKINA. LANBIDE ERREFERENTEA
A) Lanbide profila
a) Lanbide profila.
Bidaia Agentzietako eta Ekitaldien Kudeaketako goi mailako teknikari tituluaren lanbide profila zehazten duten alderdiak ondokoak dira: gaitasun orokorra, lanbide gaitasunak, gaitasun pertsonalak eta sozialak, eta Lanbide Kualifikazioen Katalogo Nazionalaren barnean titulu horri dagozkion lanbide kualifikazioak.
b) Gaitasun orokorra.
Titulu honen gaitasun orokorra da bidaia konbinatuak eta orotariko ekitaldiak programatu eta egitea, eta turismoko zerbitzuak saltzea bidaia agentzien eta beste banaketa unitate batzuen bitartez; horretarako, marketin programak garatzeko ekintzak proposatuko dira eta bezeroen gogobetetasuna ziurtatuko da.
c) Kualifikazioak eta gaitasun unitateak.
Bidaia Agentzietako eta Ekitaldien Kudeaketako goi mailako teknikari tituluan biltzen diren kualifikazioak eta gaitasun unitateak honako hauek dira:
Lanbide kualifikazio osoak.
HOT095-3: Turismoko zerbitzuak eta produktuak saltzea.
-UC0266-3: Turismoko zerbitzuak eta bidaiak saltzea.
-UC0267-2: Bidaia agentzietako kudeaketa ekonomiko-administratiboa garatzea.
-UC0268-3: Turismoaren arloko informazio eta banaketa unitateak kudeatzea.
-UC1057-2: Turismo jardueretan ingelesez komunikatzea, erabiltzaile independentearen mailarekin.
HOT330-3: Bidaia konbinatuak eta ekitaldiak sortu eta kudeatzea.
-UC1055-3: Bidaia konbinatuak, txangoak eta lekualdaketak prestatu eta gauzatzea.
-UC1056-3: Ekitaldiak kudeatzea.
-UC0268-3: Turismoaren arloko informazio eta banaketa unitateak kudeatzea.
-UC1057-2: Turismo jardueretan ingelesez komunikatzea, erabiltzaile independentearen mailarekin.
Osatu gabeko lanbide kalifikazioak.
HOT0336-3: Tokiko turismoa sustatzea eta bisitariari informazioa ematea.
-UC0268-3: Turismoaren arloko informazio eta banaketa unitateak kudeatzea.
-UC1057-2: Turismo jardueretan ingelesez komunikatzea, erabiltzaile independentearen mailarekin.
-UC1074-3: Turismoaren arloko informazioa kudeatzea.
-HOT335-3: Turistak eta bisitariak gidatzea.
-UC1069-3: Jardun esparruan kultura-interesa duten ondasunak eta ondarea interpretatzea turistei eta bisitariei.
-UC1070-3: Jardun esparruko naturguneak eta natura-interesa duten beste ondasun batzuk interpretatzea turistei eta bisitariei.
-UC1072-3: Gidaritza eta animazioko turismo zerbitzuetan ingelesez komunikatzea, erabiltzaile trebearen mailarekin.
-UC1073-3: Gidaritza eta animazioko turismo zerbitzuetan ingelesa ez den atzerriko hizkuntza batean komunikatzea, erabiltzaile trebearen mailarekin.
d) Lanbide gaitasunak, gaitasun pertsonalak eta sozialak.
1) Turismo merkatua aztertzea, kontsumitzaileen beharrak, lehiatzaileen estrategiak eta sektorearen bilakaera ezagutzeko eta, horrela, negozio aukerak aurkitzeko.
2) Bezeroen eskarietara kalitatean, denboran eta prezioan egokituko diren bidaia konbinatuak eta beste turismo zerbitzu konplexu batzuk programatu eta eskaintzea.
3) Bezeroen asmo eta beharretara egokituko diren biltzarretarako, azoketarako eta beste ekitaldi batzuetarako zerbitzuak programatu eta eskaintzea.
4) Hornitzaileak kalitatea/prezioa erlazioaren arabera hautatzea, eta kostuak eta etekinak kalkulatzea, eskaintzaren azken prezioa finkatzeko.
5) Sustapen eta komunikazio programak eta banaketa sistemak proposatzea, enpresaren eskaintza merkatuan ezagutarazteko, eta horien eraginkortasuna kontrolatzea.
6) Bezeroei turismo zerbitzuetako hainbat aukera aholkatu eta proposatzea, haien eskaerak interpretatuz eta beharrak aztertuz, betiere haien asmoei erantzun ahal izateko.
7) Turismoko zerbitzuen eta produktuen erabilera eskubideak erreserbatzea, aplikatu beharreko tarifak kalkulatuz, eta horiek berresteko bonuak eta dokumentuak ematea.
8) Bidaia agentzietako antolaketa egiturak ezartzea eta sailak administratzea, giza baliabideak zein baliabide materialak optimizatzeko eta emaitzak kontrolatzeko.
9) Zereginak betetzean, sektoreari dagozkion informazioaren eta komunikazioaren teknologietako tresnak maiz aplikatzea, eta horietan etengabe eguneratuta egotea.
10) Eskaintzarekin lotuta egonen den salmenta osteko zerbitzua abian jarri eta bezeroei arreta ematea, bezeroen eskaerei eta/edo erreklamazioei erantzuteko eta haien gogobetetasuna eta zerbitzuen kalitatea ziurtatzeko.
11) Bere kargura dauden langileak motibatzea eta funtzioak eta zereginak eskuordetzea, betiere parte-hartzea, errespetua, tolerantziazko jarrerak eta aukera berdintasunaren printzipioak sustatuz.
12) Nork bere enplegua sortzeko enpresa-espiritua mantentzea.
13) Administrazio zereginak garatzea legeen, ekonomiaren eta enpresaren arloko eskakizunak betetzeko, fakturazio, kobrantza eta ordainketako eragiketak barne, eta bezeroekiko eta hornitzaileekiko betebeharrak ekonomikoki likidatzeko.
B) Produkzio sistema
a) Lanbide eta lan ingurunea.
Profesional honek turismo sektorean egiten du lan, bidaia agentzia txikizkarien, handizkarien eta handizkari-txikizkarien azpisektorean, baita harreran eta ekitaldietan espezializatutako agentzietan ere. Beren konturako langileak dira, beren bidaia edo ekitaldi agentzia kudeatzen dutenak, edo besteren konturako langileak, bulegoko eta/edo saileko langile edo buru gisa lan egiten dutenak, honako arlo funtzional hauetan: administrazioa, erreserbak, turismoko zerbitzuak, produktuen salmenta eta ekitaldiak.
Lanbide eta lanpostu garrantzitsuenak hauek dira:
-Bidaia agentziako bulegoko burua.
-Bidaia agentziako saileko burua.
-Bidaia agentea.
-Bidaia aholkularia.
-Ekitaldien antolatzailea.
-Bidaia zerbitzuen eta bidaia programatuen saltzailea.
-Turismoko zerbitzuen eta bidaien sustatzaile komertziala.
-"Booking" edo erreserba saileko langilea.
b) Nafarroako lurralde ingurunea.
Turismo jarduera handitzea eta, batez ere, gizarte maila desberdinetara hedatzea zenbait faktoreren ondorio izan da: oporraldia handitzea, errentak hobetzea eta aisiaren eta jostetaren kultura garatzea. Nafarroa ez da egon gertatzen ari den gorakada horretatik kanpo.
Turismo jarduerak oso bilakaera azkarra izan du eta, Turismoaren Mundu Erakundeak eman dituen aurreikuspenen arabera, hurrengo hamarkadetan nabarmen handituko da sektore hau. Gainera, sektorearen joera berriek lurraldean barreiatuagoak dauden turismo ereduetara jotzen dute; horien artean nabarmentzekoa da naturguneei eta landa eremuei lotutako josteta jardueren hazkunde handia.
Diagnostiko hori Nafarroari ere aplikatzen ahal zaio; bertan, asko handitu eta dibertsifikatu da azken hamarkadetan ostatu eskaintza. Turismo sektoreko hazkunderik handiena, hain zuzen ere, lehen halako zerbitzuak eskaintzen ez zituzten eremuetan eta ostatu motetan gertatu da, eta horrek erakusten du turismoa gehiago hedatu dela lurraldean barna.
Bisitariari egiten zaion eskaintzaren ikuspuntutik, Nafarroak turismoko lau eremu handi ditu (Pirinioak, Iruña eta Iruñerria, Erdialdea eta Erribera); horien inguruan eskualde zehatz batzuk biltzen dira eta zerbitzu hauek eskaintzen dituzte: hegaztiak behatzea, jarduera mikologikoa, ekodestinoak, aintzirak eta urtegiak, osasun turismoa, elurretako kirola, golfa, bide berdeak, Done Jakue Bidea, judutegiak, turismo enologikoa, leizeak eta elezaharrak, landa turismoa eta nekazaritza turismoa, Nafarroan ikastea, kultur baliabideak eta monumentuak, gastronomia, txirrindularitza mendiko bizikletan, ehiza eta arrantza, festak eta tradizioak eta mendiko ibilaldiak.
Nafarroak, naturaren eta kulturaren arloko balio turistikoetan, zeharkako faktoreetan eta herrialdeko beste sektore batzuetan oinarriturik, turismoko erreferente bereizi bat izateko helburua izan dezake, eta turismoaren arloko ekonomia berri bat garatu, non enpresek aisiarako askotariko eskaintza eginen duten eta prozesu turistikoaren fase guztiak profesionalizatuko diren, kontuan harturik teknologia eta berrikuntza funtsezkoak izanen direla helmuga turistikoetan; hala, produktu berezi eta bereiziak eskainiko dira, balioa emanen zaie Nafarroako turismoko arlo erakargarriei, batez ere naturari, gastronomiari eta kulturari, sustapen eta merkaturatze ekintzen bitartez.
Nabarmendu behar da, Moderna Planak ezartzen duen moduan (Nafarroaren Garapen Ekonomikorako Eredua), Ostalaritza eta Turismoko klusterrak bederatzigarren postua duela enplegu kopuruari dagokionez, kluster esportatzaileen artean. Gainera, plan horren diagnostikoko azterlanak profesionalen defizita dagoela erakusten du, batez ere lanbide heziketako goi mailako teknikariena. Sektorearen garrantzi estrategikoa eta etorkizuneko garapenerako duen ibilbide ahalmena lotuz, ikusten da lan profil espezializatuen prestakuntza garrantzizkoa dela, esate baterako Bidaia Agentzietako eta Ekitaldien Kudeaketako titulu honek ematen duena.
c) Prospektiba.
Bidaietarako bitartekaritza sektoreak, atzerantz doan jarduera bat ez izateaz gainera, gorakada nabarmena izan du azken urteotan. Baina agentziak, etorkizunari begira, espezializatu egin beharko dira, langile kualifikatuetan inbertitu beharko dute, Internet erabili, eta bidaiariei aholkuak eta laguntza emateko jarduerak gehitu egin beharko dituzte. Bidaia agentziek teknologia berrien erronkari aurre egin behar diote, teknologia horiek ahalik eta gehien erabiliz, kontuan harturik oinarrizko tresnak direla kalitatearen eta, beraz, prestakuntzaren alde egin behar duen zerbitzu batentzat, bezeroak ere eskuragarri duen informazio ugariari etekinik handiena ateratzeko. Hornitzaileei dagokienez, zalantzarik gabe, agentzia oraindik ere gakoa da salmenten eta sustapen komertzialaren sarearentzat.
Bidaia agentziak, definizioz, balio erantsia dira funtsean, eta hornitzaileak eta bezeroak lotzen dituzte. Horretarako, kalitatezko zerbitzua eskaini behar dute, eta ez soilik bidaietako txartelak saldu, hori kontsumitzaileentzat geroz eta errazagoa delako (hornitzaileen web orriak, on line agentziak, etab.). Beharrezkoa da agentziaren oinarrizko ardatza den horretan sakontzea, aukerarik onena (bezeroaren gustuetara ahalik eta gehien egokitzen dena eta berme onena duena) bilatzeaz arduratzen den agenteak ematen duen "segurtasuna-konfiantza" elementua ustiatuz. Horixe da agentzia beste bide batzuetatik bereizten duena. Agentziek, bidaien eta aholkularitzaren arloko espezialista gisa bereizten direnez, horretan jarri behar dute arreta, eskuragarri dauden turismoko produktu eta zerbitzu ugarien artean bereizketa egiteko, kalitatea ziurtatuz.
Azkenik, ekitaldien sektorea proiekzio hoberena duten sektoreetako bat bilakatu da eta gehiago handituko da hurrengo urteetan, marketin tresna errentagarrienetako bat baita enpresentzat. Horrekin bat, aipatu behar da Espainia biltzarrak egiteko helmuga nagusietako bat bilakatu dela. Sektorearen joeren artean, nabarmentzen dira espezializazioa, kontzentrazioa, bereizkuntza, aholkularitza eta konplexutasuna. Sormena eta profesionaltasuna dira bezeroek gehien eskatzen duten faktorea, eta berrikuntzak eta kalitatea nahi izaten dituzte beti zerbitzuetan.
Moderna Planak helburu hauek ezarri ditu turismo iraunkorraren sektorearentzat: bezeroari eskainitako balio turistikoa handitzea, turismoko berrikuntza eta produktu berrien garapena bultzatzea eta Estatuko eta nazioarteko merkatuak garatzea Nafarroako turismoko produktuentzat. Horretan lagunduko du Bidaia Agentzietako eta Ekitaldien Kudeaketako goi mailako teknikariak.
2. ERANSKINA. CURRICULUMA
A) Heziketa zikloaren helburu orokorrak
a) Kontsumitzaileei, lehiari eta sektorearen bilakaerari buruzko informazioa identifikatzea eta hautatzea, negozio aukerak ezagutzeko ikerketa teknika egokiak aplikatuz.
b) Zerbitzu-hornitzaileei, kalitate estandarrei, merkatuko prezioei eta bezeroen eskariei buruzko informazioa aztertzea, eta, horretarako, bidaia konbinatuak eta beste turismo zerbitzu konplexu batzuk programatzeko eta eskaintzeko ezarritako prozedurak eta araudi indarduna aplikatzea.
c) Bezeroen eskariari eta bilkuren merkatuari buruzko informazioa aztertzea, eta biltzarrak, konbentzioak, azokak eta bestelako ekitaldiak programatzeko eta eskaintzeko koordinazio beharrak eta norberaren eta besteren baliabideak zehaztea.
d) Aldagai ekonomikoak eta kalitatekoak baloratzea, eta hornitzaileak hautatzeko hainbat metodo aplikatzea.
e) Marketineko tresnak eta estrategiak aztertzea, eta sustapen, komunikazio eta banaketako programak proposatzeko aplikazioak eta faseak ezagutzea.
f) Turismoko zerbitzuak eta antzekoak hautatzea, eta, horretarako, kontsumitzaileen beharrak, motibazioak eta nahiak identifikatzea, bezeroari aholkuak emateko eta aukerarik onena proposatzeko, gutxienez atzerriko bi hizkuntza erabiliz.
g) Hainbat zerbitzuren eta hornitzaileren tarifak identifikatzea, eta turismoko zerbitzuak eta produktuak erabiltzeko eskubideak erreserbatzera zuzenduko den zenbatekoa kotizatzea eta/edo kalkulatzea, betiere indarra duen araudia kontuan izanik.
h) Bidaia agentzien eta zerbitzu-hornitzaileen berezko dokumentazioa zehaztea, bidaiei eta beste zerbitzu batzuei buruzko dokumentazio egokia emateko prozedurak aplikatuz.
i) Giza baliabideak eta baliabide materialak aztertzea eta, horretarako, lanpostuak, langileen eginkizunak eta ekipamendua zehaztea, bidaia agentzietako sailak administratzeko eta antolaketaren egiturak ezartzeko.
j) Bezeroekin eta hornitzaileekin fakturatzeko eta likidatzeko prozesuak aztertzea, eta legearen, ekonomiaren eta enpresaren arloko eskakizunak identifikatzea bidaia agentzietako eta ekitaldien kudeaketako administrazio zereginak garatzeko.
k) Informatikako aplikazioak eta kudeaketakoak zehaztea, baita informazioaren eta komunikazioaren teknologiak ere, eta ematen diren zerbitzuen eraginkortasuna handitzeko duten erabilgarritasuna aintzat hartzea.
l) Zerbitzuen prozedurak eta salmenta osteko jardunak zehaztea, kalitate protokoloak aplikatzeko teknikarik egokienak hautatuz.
m) Jarrera positiboak aztertzea, eta partaidetza, errespetua, tolerantzia eta pertsonen arteko aukera berdintasuna baloratzea, bere kargura dauden langileak motibatzeko.
n) Negozio aukerak ezagutzea eta identifikatzea, merkatua eta proiektuen bideragarritasuna aztertuta enpresa-espiritua mantentzeko.
B) Lanbide moduluak
a) Izena, iraupena eta sekuentziazioa
Bidaia Agentzietako eta Ekitaldien Kudeaketako goi mailako teknikariaren curriculumeko lanbide moduluen zerrenda ematen da jarraian, izena, iraupena eta denbora banaketa zehazturik.
| KODEA | IZENA | ORDUAK, GUZTIRA | KLASEAK ASTEAN | KURTSOA |
| 0171 | Turismo merkatuaren egitura | 100 | 3 | 1. |
| 0172 | Protokoloa eta harreman publikoak | 130 | 4 | 1. |
| 0173 | Turismo arloko marketina | 150 | 5 | 1. |
| 0383 | Helmuga turistikoak | 150 | 5 | 1. |
| 0384(1) | 0384a) Baliabide turistikoak I | 130 | 4 | 1. |
| 0384b) Baliabide turistikoak II | 100 | 3 | 1. | |
| 0397 | Turismoko produktuen kudeaketa | 90 | 4 | 2. |
| 0398 | Turismoko zerbitzuen salmenta | 110 | 5 | 2. |
| 0399 | Turismo bitartekaritzako entitateen zuzendaritza | 90 | 4 | 2. |
| 0179(1) | 0179a) Ingelesa I | 100 | 3 | 1. |
| 0179b) Ingelesa II | 70 | 3 | 2. | |
| 0180(1) | 0180a) Frantsesa I | 100 | 3 | 1. |
| 0180b) Frantsesa II | 70 | 3 | 2. | |
| 0401 | Lanerako prestakuntza eta orientabideak | 70 | 3 | 2. |
| 0402 | Enpresa eta ekimen sortzailea | 70 | 3 | 2. |
| 0400 | Bidaia agentzien proiektua eta ekitaldien kudeaketa | 110 | 5 | 2. |
| 0403 | Lantokietako prestakuntza | 360 | Enpresaren ordutegian | 2. |
| (1) 0384, 0179 eta 0180 moduluak bi prestakuntza modulutan banatuta daude, arrazoi pedagogikoak eta antolaketa arrazoiak direla eta. | ||||
b) Lanbide moduluen garapena
Lanbide modulua: Turismo merkatuaren egitura.
Kodea: 0171.
Baliokidetasuna, ECTS kreditutan: 8.
Iraupena: 100 ordu.
Ikaskuntzaren emaitzak eta ebaluazio irizpideak.
1. Turismo sektorea, haren bilakaera historikoa eta egungo egoera dagokien testuinguruan sartzen ditu, eta jarduera sozioekonomiko gisa dituen ondorioak aztertzen ditu.
Ebaluazio irizpideak:
a) Turismo sektorearen oinarrizko elementuak zehaztu ditu.
b) Turismoaren bilakaera aztertu du.
c) Turismo sektorearekin lotzen diren erakunde publikoak eta pribatuak identifikatu eta zehaztu ditu.
d) Turismo jarduerak gune turistikoaren garapen ekonomikoari eta sozialari dagokionez duen garrantzia baloratu du.
e) Turismoaren arloko Estatuko eta nazioarteko topaketak identifikatu ditu, baita sektorerako duten garrantzia ere.
f) Teknologia berriek turismo sektorean duten erabilera aintzat hartu du, baita turismoa dinamizatzeko elementu gisa duten eragina ere.
2. Turismo tipologiak identifikatzen ditu, eta eskariarekin eta aurreikus daitekeen bilakaerarekin lotzen ditu.
Ebaluazio irizpideak:
a) Turismo tipologiak definitu ditu, eta haien oinarrizko ezaugarriekin lotu ditu.
b) Banaketa geografikoaren arabera kokatu ditu turismo tipologiak.
c) Kokalekuan eragina duten faktoreak zerrendatu ditu, betiere eskualdeko turismo motaren arabera.
d) Eskualde bateko turismo garapenaren alde onak eta alde txarrak deskribatu ditu.
e) Estatuko turismo tipologien joerak aztertu ditu.
f) Nazioarteko turismo tipologien joerak aztertu ditu.
g) Eskarian eragina duten faktoreak baloratu ditu, baita horien gainean eta horien banaketaren gainean sor dezakegun eragina ere.
3. Eskaintza turistikoa aztertzen du, eta haren osagai nagusiak eta bitartekaritzako eta banaketako bideak zehazten ditu.
Ebaluazio irizpideak:
a) Eskaintza turistikoa definitu du, eskaintzaren elementuekin eta oinarrizko egiturarekin batera.
b) Bitartekaritza turistikoko bideak zehaztu ditu, baita banaketako sistema berriak ere.
c) Tipologiaren eta oinarrizko ezaugarrien arabera bereizi ditu turismoko ostatu enpresak.
a) Garraiobide turistikoak eta horiekin lotzen diren zerbitzuak identifikatu ditu.
b) Eskaintza osagarria zehaztu du.
c) Gune turistikoaren berezitasunak deskribatu ditu.
d) Turismoak gune turistikoaren ekonomian duen garrantzia baloratu du.
4. Eskaintza turistikoa zehazten du, eragina duten faktoreekin eta elementuekin lotuz, eta gaur egungo joerak ere zehazten ditu.
Ebaluazio irizpideak:
a) Eskari turistikoaren faktoreak kontzeptualizatu eta zehaztu ditu.
b) Tipologiaren eta nazionalitatearen arabera sailkatu ditu bezeroak.
c) Eskariaren malgutasunean eragina duten kanpoko elementuak deskribatu ditu.
d) Eskari turistikoaren motibazio nagusiak zehaztu ditu.
e) Eskariaren urtarokotasuna zehaztu du, baita urtarokotasunaren joerak iraultzeko teknikak ere.
f) Bezero motaren araberako erosketa metodologia aztertu du.
g) Eskariaren gaur egungo joerak eta garatzeko bidean diren merkatuak ikertu ditu.
h) Bezeroak ezagutzeak eskari turistikoaren dinamizatzaile gisa duen garrantzia baloratu du.
Edukiak:
Turismo sektorearen testuingurua.
-Turismoaren bilakaera.
-Turismoak Nafarroako Foru Komunitatean izan duen bilakaera.
-Turismo sektorearekin lotzen diren tokiko, eskualdeko, Estatuko eta nazioarteko erakunde publikoak eta pribatuak.
-Jarduera turistikoak biztanleria gune baten garapenean duen garrantzia baloratzea.
-Nafarroako Foru Komunitateko jarduera turistikoaren azterketa sozioekonomikoa, eta gune turistikoen garapenean duen eragina.
-Teknologia berriak informazio eta sustapen turistikoko iturri gisa baloratzea.
-Turismo arloko langilea bere lanbidearen esparruan baloratzea.
Turismo tipologiak eta joerak identifikatzea:
-Turismo tipologiak eta beren ezaugarriak.
-Nafarroako Foru Komunitateko turismo tipologiak eta beren berariazko ezaugarriak.
-Turismo tipologia nagusien kokapen geografikoa finkatzea.
-Tokiko eta eskualdeko turismo tipologien joerak.
-Estatuko turismo tipologien joerak.
-Nazioarteko turismo tipologien joerak.
Eskaintza turistikoa aztertzea:
-Eskaintza turistikoa.
-Nafarroako Foru Komunitateko eskaintza turistikoa.
-Bitartekaritza turistikoa. Banaketa bideak.
-Turismoko ostatu enpresak.
-Garraiobide turistikoak.
-Eskaintza osagarria.
-Gune turistikoa.
-Turismoak gune turistikoarentzat duen garrantzi ekonomikoa.
-Turismoak Nafarroako Foru Komunitatearentzat eta eskualdeko gune turistikoentzat duen garrantzi ekonomikoa.
Eskari turistikoaren ezaugarriak:
-Eskari turistikoaren ezaugarriak Nafarroako Foru Komunitatean.
-Eskari turistikoaren malgutasunean eragina duten kanpoko elementuak.
-Eskari turistikoaren motibazioak.
-Eskariaren urtarokotasuna. Urtarokotasuna iraultzeko ekintzak.
-Eskari turistikoaren gaur egungo joerak.
-Bezeroek eskariaren elementu dinamizatzaile gisa duen garrantzia baloratzea.
Orientabide didaktikoak.
Lanbide modulu honek beharrezkoa den prestakuntza jasotzen du, ikasleek turismo merkatuaren ingurunea ezagutzeko oinarrizko trebetasunak beregana ditzaten; merkatua tokian-tokian, Estatuan eta nazioartean nola egituratuta dagoen jakiteko oinarrizko ezagutzak emanen zaizkie, eta sektore honek eremu jakin baten garapen ekonomikorako duen garrantzia ulertzen lagunduko zaie.
Trebetasun horiek ondoko alderdi funtsezkoak biltzen dituzte:
-Teknologia berriak eta informazioa kudeatzeko aplikazio informatikoak aplikatzea.
-Turismo merkatua aztertzea, aldakorra baita eta bai eskariaren bai eskaintzaren joerek etengabe eguneratuta egon behar baitute.
-Turismo merkatua osatzen duten oinarrizko elementuak aztertu eta zehaztea.
-Turismoaren arloko eskaintza eta eskaria eratzen dituzten sektoreen edo enpresen oinarrizko funtzionamendua behatzea.
Modulu hau bukatutakoan, ikasleek gai izan behar dute turismo merkatua aztertzeko, horrela ezagutuko baitituzte turismo mota desberdinak, kontsumitzaileen beharrak, lehiatzaileen estrategiak eta sektorearen bilakaera, betiere negozio aukerak aurkitzeko xedez; halaber, bezeroen eskarietara kalitatean, denboran eta prezioan egokituko diren bidaia konbinatuak, beste turismoko zerbitzu konplexu batzuk, biltzar eta azoketarako zerbitzuak eta beste ekitaldi batzuk programatu eta eskainiko dituzte, gutxienez atzerriko bi hizkuntza erabiliz.
Modulu hau nabarmenki teorikoa denez, komenigarria litzateke ikasgelan baliabide informatikoak izatea, ikasleek eskura izan ditzaten modulu honetako edukien gaineko informazio iturriak azkar eta eguneratuak.
Bestalde, ikasleengan sustatu behar da modulu honetako ezagutza teorikoak zikloko gainerako moduluetan aplikatzeko gaitasuna, baita benetako egoera praktikoak modulu honetan landutako oinarri teorikoekin lotzeko gaitasuna ere, errealitatea hobeki ezagutu ahal izateko. Hala, heziketa zikloaren helburuak, oro har, modu egokian eskuratzen ahalko direla bermatzen da.
Egokientzat proposatzen den edukien sekuentziazioa oinarrizko edukien atalean ezarritako ordena bera da. Lau atal hauetan antolaturik daude:
-Turismo sektorearen testuingurua.
-Turismo tipologiak eta horien joerak identifikatzea.
-Eskaintza turistikoa aztertzea.
-Eskari turistikoaren ezaugarriak.
Modu sistematiko eta antolatuan lantzeko, atal horiek hiru eduki multzotan banatzea proposatzen da:
I. multzoa: Turismoari buruzko hastapena.
II. multzoa: Eskaintza turistikoa.
III. multzoa: Eskari turistikoa.
Turismoari buruzko hastapenaren multzotik hastea gomendatzen da, turismo sektorearen testuingurua ezagutzeko; ondoren, sektore horretako entitate publikoak eta pribatuak aztertzea eta, azkenik, turismo tipologiak eta haien joerak identifikatzea. Iradokitzen da eskaintza turistikoaren multzoarekin jarraitzea, ostatu enpresak eta bitartekaritza eta garraio enpresak ezagutzeko, baita gune turistikoak eskaintzen ahal duen eskaintza osagarria ere. Azkenik, eskari turistikoaren multzoa landuko litzateke, eskari horren ezaugarriak ezagutu eta aztertzeko.
Eduki horiek lan unitatetan antolatuko dira; lan unitate bakoitzak berez zentzua izanen du, eta helburuak, irakaskuntza-ikaskuntzako jarduerak eta ebaluazioa zehaztea ahalbidetuko du. Lan unitateen multzoak moduluko ikaskuntzaren bitartez emaitza egokiak lortzea ahalbidetu behar du.
Modulu honetan lortu nahi diren helburuak ongi betetzeko, jarduerak egitea iradokitzen da, oinarrizko printzipio hauek kontuan harturik:
-Informazioaren eta komunikazioaren teknologien (IKT) erabilera sustatzea, horiek erabiltzea beharrezkoa den jardueretan.
-Gaien zenbait eduki eguneratzea beharrezkoa dela erakustea (estatistikak, eskariaren eta eskaintzaren joerak, etab.).
-Ikasleek arlo honetan landutako ezagutza orokorrak lan eginen duten autonomia erkidegoari, probintziari edo herriari egokitzea.
-Informazioa bilatzea informazio iturri fidagarriak erabiliz eta egokiena, eguneratuena eta egiatiena bereizi eta hautatuz.
-Gaurkotasun handiko komunikabideen irakurketak egitea, ikasleak inguruan duten munduko errealitatearekin lotzeko.
-Enpresa eta ideia berritzaileei buruzko informazioa ematea, ikasleen sormena sustatzeko.
Modulua garatzeko erabiliko diren baliabide osagarrien oinarri gisa, askotariko estrategiak aplikatu beharko lirateke ikasleei beren jakintza etengabe eguneratzeko eta gauza berriak ikasteko gogoa piztu dakien, hala nola:
-Hoteletan eta eskaintza turistikoaren kategoria desberdinak osatzen dituzten bestelako establezimenduetan bisitaldiak egitea.
-Ikerketa proiektuak, dokumentazio fitxak, proposamen pedagogikoak, bideoak eta aurkezpen informatikoak aztertzea.
-Arlo honetako berariazko aldizkarietako artikuluak irakurtzea.
-Jardunean dauden profesionalekin solasaldiak eta elkarrizketak izatea, sektorearen ikuspegi orokorra izateko eta, bereziki, Nafarroarena.
Azkenik, eta modulu hau Bidaia Agentzietako eta Ekitaldien Kudeaketako goi mailako teknikariaren curriculumeko gainerakoekin lotzeari dagokionez, komenigarria litzateke adieraztea Turismo merkatuaren egitura moduluko edukiak oinarrizkoak direla ikasleek gainerako edukiak ulertzeko, hau da, modulu honek lotura zuzena du titulua osatzen duten moduluetako edozeinekin, eta ikasleei turismo sektorearen ikuspegi orokorra eman behar die, hala ikuspuntu ekonomikotik nola sozialetik.
Bukatzeko, zeharkako gaiekin lan egiten saiatu beharko dela aipatu nahi dugu. Hezkuntza xedeen artean honako hauek lantzea komeniko litzateke: berdintasunerako hezkuntza, gizalegea, tolerantzia, elkartasuna, laguntasuna, hizkera ez sexista, ingurumena errespetatu eta zaintzea, etab.
Lanbide modulua: Protokoloa eta harreman publikoak.
Baliokidetasuna, ECTS kreditutan: 8.
Kodea: 0172.
Iraupena: 130 ordu.
Ikaskuntzaren emaitzak eta ebaluazio irizpideak.
1. Protokolo instituzionala aplikatzen du, eta, horretarako, antolaketa sistemak aztertzen ditu eta protokoloaren eta lehentasun ofizialen araudia erabiltzen du.
Ebaluazio irizpideak:
a) Protokolo instituzionala osatzen duten elementuak zehaztu ditu.
b) Ekitaldi ofizialetako burutza ezartzeko irizpideak finkatu ditu.
c) Antolatu beharreko ekitaldi motaren arabera gonbidatuak antolatzeko sistemak zehaztu ditu.
d) Estatuko eta beste erakunde batzuetako protokoloari eta lehentasun ofizialei buruzko araudia ezagutu du.
e) Garatu beharreko ekitaldiaren araberako protokolozko programak egin ditu.
f) Protokolozko ekitaldien diseinua eta plangintza zehaztu ditu.
g) Ekitaldi moten araberako hainbat motatako gonbidapenak diseinatu ditu.
h) Protokolozko ekitaldien barruan banderen arloko antolamendua zehaztu du.
2. Enpresen protokoloa aplikatzen du, eta, horretarako, ekitaldiaren izaeraren eta motaren arabera eta helburu den publikoaren arabera, zein diseinu eta antolaketa elementu izanen dituen deskribatzen du.
Ebaluazio irizpideak:
a) Antolatu beharreko ekitaldien izaera eta mota zehaztu ditu.
b) Protokolo eta komunikaziorako eskuliburuak diseinatu ditu.
c) Zein publikori zuzentzen zaion identifikatu du.
d) Enpresetako protokolozko ekitaldien antolaketa eta diseinuko elementuak identifikatu ditu (burutza, gonbidatuak, eguna, ordua, lekua, etab.).
e) Ekitaldiaren garapenean protokoloa zuzen aplikatu dela egiaztatu du.
f) Ekitaldia behar bezala garatzeko beharrezko dokumentazioa zerrendatu du, ekitaldi mota kontuan izanik.
g) Antolatu beharreko ekitaldiaren programa eta kronograma prestatu ditu.
g) Antolatu beharreko ekitaldiaren aurrekontu ekonomikoa kalkulatu du.
3. Harreman publikoen oinarriak eta elementuak aplikatzen ditu turismoaren esparruan, eta oinarri eta elementu horiekin lotzen diren teknikak hautatu eta aplikatzen ditu.
Ebaluazio irizpideak:
a) Harreman publikoetako oinarriak eta printzipioak definitu ditu.
b) Enpresa eta erakunde turistikoetako nortasun korporatiboaren elementuak identifikatu eta zehaztu ditu.
c) Turismo sektoreko erakunde publikoetako eta pribatuetako marka nagusiak identifikatu ditu.
d) Irudi korporatiboaren kontzeptua eta horren osagaiak identifikatu eta sailkatu ditu.
e) Enpresa eta erakunde turistikoek proiektatutako irudi motak ezagutu ditu.
f) Komunikaziorako bideak eta prozesuak identifikatu ditu.
g) Hitzezko eta hitzik gabeko adierazpeneko askotariko teknikak aplikatu ditu.
h) Harreman publikoetako baliabideak ezagutu eta baloratu ditu.
i) Komunikatu beharreko produktuaren arabera hautatu ditu hedabideak.
j) Enpresa eta erakunde turistikoetako irudiaren, nortasun korporatiboaren, komunikazioaren eta harreman publikoen garrantzia baloratu du.
4. Bezeroarekin komunikazioa ezartzen du, eta erabilitako teknikak erabiltzaile motarekin lotzen ditu.
Ebaluazio irizpideak:
a) Bezeroari ematen zaion arreta egokiaren helburuak aztertu ditu.
b) Bezeroari arreta emateko teknikak zehaztu ditu.
c) Bezeroari arreta emateko moduak bereizi ditu.
d) Harreman zuzenaren eta zeharkakoaren ekintzak aplikatu ditu.
e) Bezeroarekiko komunikazio teknikak erabili ditu.
f) Bezero motak zehaztu ditu.
g) Bezeroari arreta emateko prozesuetako jarrerak eta trebetasunak erakutsi ditu.
h) Taldea dinamizatzeko eta taldearen elkarreraginerako teknikak definitu ditu.
5. Kexak, erreklamazioak eta iradokizunak kudeatzen ditu, eta bezeroa behar bezala gogobetetzearekin lotzen diren ebazpen faseak deskribatzen ditu.
Ebaluazio irizpideak:
a) Kexen, erreklamazioen eta iradokizunen kontzeptu formalak eta ez-formalak definitu eta aztertu ditu.
b) Ostalaritza eta turismoko enpresetako bezeroen kexen arrazoi nagusiak ezagutu ditu.
c) Kexen, erreklamazioen edo iradokizunen komunikazio bideak identifikatu ditu, baita antolamenduan duten hierarkizazioa ere.
d) Kexek, erreklamazioek eta iradokizunek etengabeko hobekuntzako elementu gisa duten garrantzia baloratu du.
e) Dagokion eskumenen esparruaren barruan bezeroaren gogobetetasuna lortzeko, kexen eta erreklamazioen kudeaketan jarraitu beharreko faseak ezarri ditu.
f) Turismo enpresetako establezimenduetan bezeroen erreklamazioen arloan indarra duen legezko araudia bete du.
g) Bezeroari arreta emateko eta kexak eta iradokizunak kudeatzeko eskuliburu korporatibo batek bildu behar dituen funtsezko puntuak diseinatu ditu.
6. Bezeroari arreta behar bezala emateko jarrerak erakusten ditu, eta jasotako tratuari dagokionez bezeroek espero zutena gainditzearen garrantzia aztertu du.
Ebaluazio irizpideak:
a) Bezero mota desberdinek espero dutena aztertu du. b) Enpatiazko jarrera lortu du.
b) Sinpatia-jarreraren garrantzia baloratu du.
c) Bezeroekiko, goragokoekiko eta lankideekiko errespetuzko jarrera baloratu du une oroz.
d) Jarrera profesionala lortu du.
e) Zuhurtasun-jarrera lortu du.
f) Irudi korporatiboaren garrantzia baloratu du.
Edukiak:
Protokoloari buruzko hastapena.
-Definizioa. Protokoloaren jatorria eta bilakaera.
-Ostalaritza enpresetan protokoloa menderatzearen garrantzia eta protokolozko ekitaldien proiekzioak.
-Protokoloaren oinarrizko arauak.
-Protokolo motak.
Erakundeetako protokoloa aplikatzea:
-Erakundeetako protokoloaren definizioa eta elementuak.
-Ekitaldi ofizialetako burutza motak.
-Gonbidatuak antolatzeko sistemak.
-Estatuko eta autonomia erkidegoetako protokoloaren eta lehentasun ofizialen arloko araudiarekiko interesa.
-Protokolozko ekitaldien proiekzioa.
-Protokolozko ekitaldien proiekzioa.
-Gonbidapenak diseinatzea.
-Estatu bisitaldiak.
-Protokolozko ekitaldietan banderak antolatzea.
Enpresetako protokoloa aplikatzea:
-Enpresetako protokolozko ekitaldien motak eta helburuak.
-Helburu den publikoa identifikatzea eta ekitaldia egokitzea.
-Enpresa bateko protokolo eta komunikaziorako eskuliburua.
-Enpresetako protokolozko ekitaldiak.
-Antolatu beharreko ekitaldiaren programa eta kronograma prestatzea.
Turismoaren esparruan harreman publikoen oinarriak eta elementuak aplikatzea:
-Harreman publikoak aplikatzea eta baloratzea turismoaren, enpresaren eta erakundeen esparruan.
-Harreman publikoen baliabideak.
-Irudi korporatiboa.
-Gorputz adierazpena. Irudi pertsonala. Trebetasun sozialak.
-Irudi motak.
-Espainiako turismoaren irudia.
Bezeroekin izaten den komunikazioa.
-Komunikazioaren prozesua.
-Hitzik gabeko komunikazioa.
-Hitzezko komunikazioa.
-Bezeroari ematen zaion arretaren aldagaiak.
-Bezeroari arreta emateko modalitateak.
-Bezeroari arreta egokia ematearen funtsezko puntuak, hura enpresarekin zein harreman fasetan dagoen kontuan harturik.
-Bezeroaren leialtasuna lortzea.
Kexak, erreklamazioak eta iradokizunak kudeatzea:
-Kexak, erreklamazioak eta iradokizunak.
-Ostalaritza eta turismoko enpresetako bezeroen kexen arrazoi nagusiak.
-Kexa, erreklamazio eta iradokizunak jasotzeko elementuak.
-Kexa eta erreklamazioak kudeatzeko faseak.
-Turismo enpresetako establezimenduetan bezeroen erreklamazioen arloan indarra duen legezko araudia.
-Erreklamazioen kudeaketan tresna informatikoak erabiltzea.
Bezeroei arreta emateko jarrerak:
-Bezeroei zerbitzua emateko jarrera.
-Bezeroekiko, goragokoekiko, mendeko langileekiko eta lankideekiko errespetua izatea.
-Jarrera profesionala.
-Zuhurtasunaren balioa lan esparruaren barnean.
-Irudi korporatiboaren balioa.
Orientabide didaktikoak.
Modulu honen xedea da ikasleek beharrezkoa den prestakuntza lortzea, bezeroei arreta emateko eginkizunak betetzeko eta erakunde zein enpresetako protokoloari buruzko ezagutzak lortzeko, honako jarrera eta trebetasun hauek garatuz, besteak beste:
-Bezeroei arreta ematearen inguruko alderdi guztiei buruzko jarrerak garatzea ikasleengan.
-Erakundeetako protokoloaren oinarrizko tresnak eskuratzea.
-Enpresetako ekitaldien protokoloa aztertu eta proiektatzea.
-Kexak, erreklamazioak eta iradokizunak ebazteko tresnak kudeatzea.
Modulu hau bukatutakoan, ikasleek gai izan behar dute bezeroak eskatutako informazioa emateko, erakunde eta enpresetako protokoloa aplikatzeko, protokolo arauen oinarrizko alderdiak turismoaren esparruan aplikatzeko, bezeroekin komunikatu eta arreta egokia emateko eta erreklamazio, kexa edo iradokizunen aurreko ohiko prozedurak aplikatzeko.
Lanbidearen ezaugarriak direla-eta, garrantzi handia dute langilearen gaitasun sozial eta pertsonalek; horregatik, alderdi teknikoak bultzatzeaz gainera, ikasleen lanbide eta giza kalitatea sustatzen duten balioak ere landu behar dira zikloko ikaskuntza garaian.
Modulu hau teoriko praktikoa da eta, beraz, komenigarria litzateke gelak softwarea duten ekipo informatikoak izatea, bezeroei informazioa emateko simulagailuak aplikatzeko, ahozko eta idatzizko mezuak erabiliz. Edonola ere, irakasleak hesiak jarriko ditu, ikasleek komunikazioa zailtzen duten mezu desitxuratuak jaso ditzaten eta, ondorioz, erabaki okerrak hartzeko bidea jarri; hala, benetako egoeretara egokitzen lagunduko duten akatsak eginen dituzte.
Bestalde, ikasleengan sustatu behar da modulu honetako ezagutza teorikoak zikloko gainerako moduluetan aplikatzeko gaitasuna, baita benetako egoera praktikoak modulu honetan landutako oinarri teorikoekin lotzeko gaitasuna ere, errealitatea hobeki ezagutu ahal izateko. Hala, heziketa zikloaren helburuak, oro har, modu egokian eskuratzen ahalko direla bermatzen da.
Egokientzat proposatzen den edukien sekuentziazioa oinarrizko edukien atalean azaltzen den aurkezpen ordena bera da, izan ere, bezeroei arreta emateko eginkizunetan eta erakunde zein enpresetako protokoloari buruzko ezagutzetan honelako alderdiak biltzen dira:
-Protokoloari buruzko hastapena.
-Erakundeetako oinarrizko protokoloa.
-Enpresetako protokoloa.
-Bezeroari arreta egokia emateko elementuak.
-Kexa, erreklamazio eta iradokizunak kudeatzea.
-Bezeroari arreta egokia ematearen arloko oinarrizko jarrerak.
Modu sistematiko eta antolatuan lantzeko, eduki horiek hiru eduki multzotan banatzea proposatzen da:
I. multzoa: Hastapena eta Protokoloa ekitaldien kudeaketan aplikatzea.
II. multzoa: Bezeroarekin komunikazioa izatea eta informazioa eta arreta ematea.
III. multzoa: Erreklamazioak, kexak edo iradokizunak jasotzea.
I. multzoarekin hasiz, protokoloaren oinarriak ikasten dira, bai eta askotariko protokolo ekitaldien antolaketan eta diseinuan nola aplikatu ere. II. multzoan, bezeroarekin komunikazioa izatearen eta informazioa eta arreta ematearen arloko edukiak lantzen dira, komunikazio prozesuarekin hasiz, ikasleek ulertu behar baitute garrantzizkoa dela entzutea, kasu bakoitzeko bezero mota ezagutu aurreko urrats gisa. Horren ondoren, bezeroari arreta emateko prozesua landuko da, gatazkak sortzea ekar dezaketen egoerak saihestuz. Azkenik, III. multzoan, erreklamazioak, kexak eta iradokizunak modu eraginkor batean tratatzen ikasiko da. Hori hala, bezeroen gogobetetze osoa lortzea lanbide modulu honen laburpen helburua da.
Eduki horiek lan unitatetan antolatuko dira; lan unitate bakoitzak berez zentzua izanen du, eta helburuak, irakaskuntza-ikaskuntzako jarduerak eta ebaluazioa zehaztea ahalbidetuko du. Lan unitateen multzoak moduluko ikaskuntzaren bitartez emaitza egokiak lortzea ahalbidetu behar du.
Modulu honetan lortu nahi diren helburuak ongi betetzeko, ondoko jarduera hauek egitea iradokitzen da, besteak beste:
-Ekitaldi publikoak aztertzea, protokoloaren oinarrizko arauen betetze maila egiaztatuz.
-Nobleziako eta errege-erreginen familiako pertsona zehatz batzuek dituzten titulu historikoak aktiboki bilatzea.
-Turismo arloko merezimendu domina eta plakak jaso dituzten azkenekoek horretarako zer merezimendu egin duten aztertzea.
-Era askotako protokolozko ekitaldiak diseinatu eta antolatzea.
-Pertsona ospetsu desberdinei ematen zaien tratamendua identifikatzea.
-Interneten (egunkari digitala) edo gaurkotasuneko egunkari batean bilatzea Nafarroan, Estatuan edo nazioartean izan diren enpresa bilerei buruzko albiste garrantzitsuenak, protokoloa antolatzeari buruzko azterketa eta eztabaida egiteko (ekitaldi mota, argazkiak, gonbidatzaileak, gonbidatuak eta bileraren garapena).
-Protokolozko egoera desberdinak, turismo enpresa batean ohikoak direnak, planteatzea, ekitaldiak beren egitura eta barne antolamendua, dokumentuak eta berezitasunak azalduz zehazteko.
-Aretoak, guneak, banderak, altzariak, pertsonak, komunikabideak eta protokolozko ekitaldi baten edozein partaide antolatzeko planoak eta grafikoak egitea.
-Turismo enpresa edo erakunde batek sustapen kanpaina batean izan behar dituen harreman publikoen kasu zehatzak aztertzea, irudi eta nortasun korporatiboaren garrantzia baloratuz.
-Turismo enpresa batek FITURen jarriko duen stand bat diseinatzea, instalaziorako beharrezkoa den guztia zehaztuta.
-Erreklamazio edo kexen prozesuei lotutako egoera desberdinetan esku hartzeko metodoak praktikatzea, bezeroen leialtasuna lortzeko aukera gisa.
Zerbitzuaren kalitatearekin lotutako edukiei dagokienez (kasu honetan protokolozko zerbitzu bat), alde batera uztekoak dira kontzeptu huts bat, adierazpen errepikari bat edo etorkizunean lortzeko zerbait izatea. Garrantzitsua da kalitate kontzeptua, zenbait estandarrekin, egunean-egunean agertzen den zerbait dela ulertzea, hots, protokoloa behar duen ekitaldi bakoitzean; ez da ezer zoriaren mende utzi behar, eta protokolozko ekitaldia normaltasunez eta parte-hartzaileendako egoera deserosorik izan gabe gauzatu behar da.
Protokoloa eta harreman publikoak moduluaren edukiak Bidaia Agentzietako eta Ekitaldien Kudeaketako zikloko gainerako moduluen elementu integratzaileak dira, modulu desberdinetako ezagutzak erlazionatzen baitira. Modulu honetako edukiak oinarrizkoak dira ikasleek gainerako edukiak ulertzeko, hau da, lotura zuzena dute titulua osatzen duten moduluetako edozeinekin.
Lanbide modulu hauek ematen dituzten irakasleen arteko koordinazioa funtsezkoa da, ez bakarrik prestakuntza homogeneoa eta jarduketa irizpide berberak bermatu behar direlako, baizik eta ikasleek hobeki ulertuko dutelako lanbide figura bat baino gehiago, muntaketan parte hartuz aginduak interpretatzen dituztenean, eta diseinuan, aginduak ematen ahal dituzten uneetan.
Azkenik, zeharkako gaiekin lan egiten saiatu beharko da, eta talde lana bultzatuko da, lanak edo jarduerak ikasle taldeek diseinatuz, horrela ikasleek sakonago ikusiko baitute sektore horretan hain ohikoa den elkarlana.
Lanbide modulua: Turismo arloko marketina.
Kodea: 0173.
Baliokidetasuna, ECTS kreditutan: 10.
Iraupena: 150 ordu.
Ikaskuntzaren emaitzak eta ebaluazio irizpideak.
1. Turismo arloko marketina zehazten du, eta berau osatzen duten oinarrizko elementuak ezagutzen ditu.
Ebaluazio irizpideak:
a) Marketinak turismo sektorean duen garrantzia justifikatu du.
b) Zerbitzuen marketinaren berezitasunak, oro har, eta turismo arloko marketinaren beraren berezitasunak bereizi ditu.
c) Turismo arloko marketinaren kontzeptuak, definizioak eta oinarrizko tresnak deskribatu ditu.
d) Marketinaren bilakaera eta etapak bereizi ditu.
e) Marketinaren tresnen garrantzia baloratu du.
f) Marketina kontsumitzailearengana bideratzeko faktore eta irizpide eraginkorrak definitu ditu.
g) Marketin zuzendaritzako egiturak eta ikuspegiak alderatu ditu.
h) Turismo enpresaren merkataritza funtzioan marketinaren beharra identifikatu du.
i) Turismo arloko marketinaren joerak aztertu ditu.
2. Merkatuaren segmentazioa eta produktuak/zerbitzuak merkatuan duen kokapena interpretatzen du, datu kuantitatiboak eta kualitatiboak kontuan izanik.
Ebaluazio irizpideak:
a) Merkatuaren segmentazioa kontzeptualizatu eta sailkatu du.
b) Turismoan gehien erabiltzen diren segmentazioko aldagaiak aztertu ditu.
c) Segmentazioa eraginkorra izateko baldintzak definitu ditu.
d) Segmentazioak turismo enpresen merkataritza-estrategia diseinatzean duen garrantzia ezagutu du.
e) Merkatuko segmentuak identifikatu eta baloratu ditu, baita produktuaren/zerbitzuaren arabera duten erakarmena ere.
f) Merkatuko segmentuak estaltzeko estrategiak definitu ditu.
g) Produktuak merkatuan duen kokapena identifikatu du.
h) Merkataritza tresnak baloratu ditu, baita merkatuko segmentuekin bateragarri izatea ere.
3. Marketin mix-aren elementuak identifikatzen ditu, eta turismo sektorean duten aplikazioa ezagutzen du.
Ebaluazio irizpideak:
a) Marketin mix-aren elementuak identifikatu ditu.
b) Produktu baten bizi-zikloko etapak identifikatu ditu, baita erabaki estrategikoak hartzearekin duten lotura ere.
c) Produktuaren mailak eta elementuak aztertu ditu, baita zerbitzugintza-sistema baten aplikazioa ere.
d) Turismo sektoreko marka-politikak zehaztu ditu, eta produktua gainerakoez bereiztearen garrantzia baloratu du.
e) Prezioak eta bere baldintzatzaileek turismo enpresetako merkataritza tresna gisa duten garrantzia baloratu du.
f) Turismo sektorerako prezio egokiak finkatzeko metodoen bidez kalkulatu ditu prezioak.
g) Turismo sektorean publizitatearen, harreman publikoen, salmenta sustapenaren eta merchandising-aren garrantzia ezagutu du.
h) Turismo azokek eta bestelako topaketa profesionalek marketineko tresna gisa betetzen duten zeregina baloratu du, eta beste sustapen estrategia batzuekin duten aldea ezarri du.
i) Turismo sektorearen zuzeneko eta zeharkako banaketarako bideak eta/edo merkaturatzeko bideak identifikatu ditu.
j) Banaketa globaleko sistemen garrantzia ezagutu du, baita industria turistikoan duten eragina ere.
4. Teknologia berriak aplikatzen ditu turismo arloko marketinean, eta marketin horren politikak garatzerakoan dituen aplikazioak eta aukerak aztertzen ditu.
Ebaluazio irizpideak:
a) Teknologia berriak eta horien erabilera zehaztu ditu.
b) Marketineko teknologia berrien aplikazioak identifikatu ditu.
c) Turismoko produktuak eta/edo zerbitzuak merkaturatzeko sarea erabiltzea baloratu du.
d) Datu-base baten aplikazio ofimatikoak erabili ditu.
e) Merkataritza arloko ikerketan eta lehiarako abantaila sortzerakoan datu-baseek duten aplikazioa ezagutu du.
f) Zuzeneko marketinean eragina duten faktoreak zehaztu ditu.
g) Zuzeneko marketin-estrategia konbinatua garatzeko jarraibideak ezarri ditu.
5. Marketin plana zehazten du, eta enpresa motekin eta produktuen/zerbitzuen motekin lotzen du.
Ebaluazio irizpideak:
a) Marketin plana osatzen duten oinarrizko elementuak deskribatu ditu.
b) Turismo enpresa batean marketin planak duen garrantzia baloratu du.
c) Marketin planarekin lotzen diren enpresa eta erakunde arloko beste plan batzuk aztertu ditu.
d) Marketin planean eragina duten inguruneko faktore nagusiak identifikatu ditu.
e) Merkatuko lehia eta potentziala aztertu ditu.
f) Ekintza plana egin du, eta estrategiak eta taktikak finkatu dira bertan.
g) Proposatutako estrategiak ezartzeko eta marketin planaren helburuak lortzeko beharrezko baliabideak definitu ditu.
h) Marketin planaren betetze maila eta kalitatea kontrolatu ditu eskuratutako teknikekin.
i) Ezarritako jarraibideak erabiliz aurkeztu du marketin plana inplikatutako arduradunen aurrean.
j) Proposatutako marketin plan bat abian jartzeak ingurumenaren gainean dituen eraginak baloratu ditu.
6. Kontsumitzaileen eroste erabakiaren prozesua ezagutzen du, eta motibazioak eta beharrak aztertzen ditu.
Ebaluazio irizpideak:
a) Turismoko produktuen/zerbitzuen kontsumitzaileen beharrak eta motibazioak identifikatu ditu.
b) Kontsumitzailearen eroste erabakiaren prozesuak dituen faseak identifikatu ditu.
c) Eroste erabakiaren prozesuan inplikatutako eragileak zehaztu ditu.
d) Marketinaren, publizitatearen eta harreman publikoen eragin psikosoziala aztertu du, baita horiek erosteko prozesuan duten eragina ere.
e) Erosketa osteko prozesuko funtsezko puntuak eta leial bihurtzeko aukerak zehaztu ditu.
f) Kontsumitzaileen ikuskera eta gogobetetasuna deskribatu eta baloratu ditu, kalitate kontroleko prozesuen bitartez.
7. "Kontsumerismoaren" irizpideak zehazten ditu eta gizartearekin, marketinarekin eta etikarekin lotzen ditu.
Ebaluazio irizpideak:
a) Merkatuko ekonomien berezitasunak eta kritikak zehaztu ditu.
b) Kontsumerismoaren jatorria eta Espainian izan duen bilakaera identifikatu du.
c) Enpresek egoera horren aurrean duten erreakzioa aztertzeko azterlanak egin ditu.
d) Enpresen eta gizartearen erantzunak zehaztu dira eta printzipio etikoak ezarri ditu.
e) Europar Batasunean eta Espainian kontsumitzailea babesten duten arauak identifikatu ditu.
f) Kontsumitzaileen eskubideak eta betebeharrak aztertu ditu.
Edukiak:
Turismo arloko marketinaren ezaugarriak:
-Turismo arloko marketina.
-Ostalaritzaren eta turismoaren sektorearekin duen lotura.
-Turismoko zerbitzu eta produktuen ezaugarriak.
-Marketinaren funtzioaren bilakaera: kontsumitzailearenganako orientabidea.
-Marketineko zuzendaritzaren ikuspegiak.
-Marketinaren etorkizuna.
Turismo merkatuen segmentazioa interpretatzea:
-Segmentazioa: kontzeptua eta erabilera.
-Segmentazioa eraginkorra izateko betebeharrak.
-Turismoan gehien erabiltzen diren segmentazio aldaerak.
-Segmentazioa turismo enpresen merkataritza estrategiaren diseinuan aplikatzea.
-Merkatua betetzeko estrategia motak.
-Merkatuan duen kokalekua: Kontzeptuak. Estrategiak. Metodoak.
-Merkataritza tresnak eta segmentuen bateragarritasuna.
Marketin mix-a eta horren elementuak identifikatzea:
-Aplikazioa eta estrategiak.
-Produktua-zerbitzua. Mailak eta elementuak.
-Zerbitzugintza-sistema.
-Produktuaren bizi-zikloa eta helmuga turistikoak.
-Turismoko produktu berriak garatu eta merkaturatzea.
-Marka-politikak turismo sektorean.
-Prezio-politikak turismo sektorean.
-Prezioak finkatzeko metodoak.
-Sustapen turistikoa sustapeneko mix-ean: publizitatea, harreman publikoak, salmenten sustapenak/merchandising-a, turismo azokak, Work-Shops, Fam-Trips eta beste batzuk.
-Erakusleihoak atontzea, marketina salmenta gunean.
Turismo arloko marketinari aplikatutako teknologia berrien azterketa:
-Marketin zuzena turismoan eta teknologia berriak.
-Marketina Interneten.
-Datu-baseak.
-Marketineko datu-base baten garapenaren helburu orokorrak.
-Marketin zuzena.
-Marketin zuzenaren politiken euskarri eta garapenerako materialak.
-Marketin zuzena eta horren garapena.
Marketin planaren ezaugarriak eta plana prestatzea:
-Marketin plana. Elementuak eta xedea.
-Inguruneko faktoreen azterketa eta aurreikuspenak.
-Segmentazioa eta publiko objektiboa.
-Ekintza planak: estrategiak eta taktikak.
-Salmenten helburuak eta kuotak.
-Estrategiak bultzatzeko eta helburuak lortzeko beharrezkoak diren baliabideak.
-Marketinaren jarraipena eta kontrola.
-Planaren aurkezpena eta sustapena.
-Kasu praktikoak.
-Planaren ingurumen auditoretza.
Kontsumitzailearen eroste erabakiaren prozesua interpretatzea:
-Kontsumitzaileen beharrak eta motibazioak.
-Erabakitze prozesuaren faseak.
-Erosketa osteko fasea eta leial bihurtzea.
-Kontsumitzaile berriak turismo sektorean.
-Ongizatea eta bizi kalitatea kontsumoan.
-Bezeroaren gogobetetasuna eta kalitatea kontrolatzeko tresnak. Turismo sektoreko enpresetan ezartzea.
Kontsumerismoaren irizpideak zehaztea:
-Oinarrizko sistemen eta kontzeptuen deskribapena eta azterketa.
-Kontsumerismoa.
-Deskribapena, kontzeptua eta ezaugarriak.
-Bilakaera Espainian.
-Enpresaren erreakzioa eta erantzuna.
-Europar Batasunean eta Espainian kontsumitzailea eta bere eskubideak arautzen dituen araudia: legedi orokorra eta berariazkoa.
-Kontsumitzaileen eskubide eta betebeharrak.
-Erreklamazioak.
Orientabide didaktikoak.
Modulu honen helburua da ikasleek oinarrizko trebetasunak lortzea, turismo merkatua kontsumitzaileen beharrak, lehiatzaileen estrategiak eta sektorearen bilakaera kontuan harturik aztertzeko, horrela negozio aukerak aurkitu ahal izateko. Trebetasun horiek honelako alderdiak biltzen dituzte:
-Turismo arloko marketina osatzen duten oinarrizko elementuak ezagutzea.
-Produktuak-zerbitzuak merkatuan duen kokapena eta segmentazioa interpretatu eta ezagutzea.
-Marketin mix-aren elementuak identifikatzea turismo sektorean.
-Turismo arloko marketinean teknologia berriak aplikatzea.
-Marketin plana zehaztea.
-Kontsumitzaileen eroste erabakiaren prozesua ezagutu eta aztertzea.
-Kontsumerismoaren irizpideak zehaztea.
Modulu hau bukatutakoan ikasleek gai izan behar dute merkataritza-ekintzen garapenerako erabilgarriak diren marketin teknikak aplikatzeko, enpresaren irudia adierazteko, turismoko liburuxka bat diseinatu eta merkaturatzeko eta marketin plan bat prestatu eta aurkezteko.
Ikuspuntu didaktikotik, modulu hau teoriko-praktikoa da eta, hortaz, teoriak eta praktikak, irakasuntza-ikaskuntza prozesu bereko alderdiak diren aldetik, etengabeko prozesu bat eratu behar dute, ikasleek errazago egin ditzaten beren jarduerak.
Komenigarria litzateke ikasgelan baliabide informatikoak izatea, ikasleek eskura izan ditzaten moduluko edukien gaineko informazio iturri azkar eta eguneratuak.
Egokientzat proposatzen den edukien sekuentziazioa oinarrizko edukien atalean ezarritako ordena bera da. Oinarrizko edukiak zazpi ataletan antolaturik daude:
-Turismo arloko marketina.
-Turismo merkatuen segmentazioa.
-Marketin mix-a.
-Turismo arloko marketinari aplikatutako teknologia berriak.
-Marketin plana.
-Kontsumitzailearen erabakitze prozesua.
-Kontsumerismoa.
Modu sistematiko eta antolatuan lantzeko, atal horiek hiru eduki multzotan banatzea proposatzen da:
I. multzoa: Turismo arloko marketina eta merkatuen segmentazioa.
II. multzoa: Marketin plana eta marketin mix-a.
III. multzoa: Kontsumoa eta erosteko erabakiaren prozesua.
Turismo arloko marketinaren multzoarekin hastea gomendatzen da, jarduera turistikoak azken hamarkada hauetan izan duen hazkunde izugarriaren arrazoiak aztertuz. Gaur egungo merkatuetan izaten ari diren aldaketa etengabe eta azkarrek, horien artean globalizazioak, lehiakortasun handiak eta iraultza teknologiak (horren adierazle nagusia Internet), enpresa ingurune berri bat sorrarazi dute, eta horrek berarekin ekarri du merkatuak eta negozioak berregokitzea eta, aldi berean, enpresen jokabidea aldatzea. Horri bezeroen behar eta eskarien bilakaera gehitzen bazaio, turismo enpresek ezin diote itzuri egin marketina aplikatu beharrari gauzak egiteko modua hobetzeko, enpresak bere helburuak lortu eta bezeroek beren nahi eta beharrak bete ditzaten.
Marketin mix-aren eduki multzoarekin jarraitzea iradokitzen da, izan ere, estrategia finkatu ondoren, merkatura eraginkortasunez iristeko zer aldagai erabiltzen ahal den ezarri beharko baita. Aldagai horiek egokiro konbinatu beharko dira, merkataritzako estrategia garatzeko eta aurreikusitako helburuak lortzeko. Turismo enpresek modu egituratu eta sistematikoan planifikatu behar dituzte beren marketin ekintzak denbora epe jakin batzuetarako, eta horretarako erabiltzen duten tresna marketin plana deitzen da Bestalde, informazioaren eta komunikazioaren teknologia berriak erabat aldatzen ari dira turismo enpresek kontsumitzaileekin dituzten harremanak eta, beraz, jarduera turistikoa ulertzeko modua eta teknologia horiek turismo arloko marketinari aplikatzeko modua.
Azkenik, Kontsumoa eta erosteko erabakiaren prozesua izeneko multzoa landuko litzateke, turismo sektorean kontsumitzailea ezinbesteko atala baita eta turismo arloko marketinaren xede. Enpresak merkataritza arloan hartzen dituen erabakien muina da turista.
Eduki horiek lan unitatetan antolatuko dira; lan unitate bakoitzak berez zentzua izanen du, eta helburuak, irakaskuntza-ikaskuntzako jarduerak eta ebaluazioa zehaztea ahalbidetuko du. Lan unitateen multzoak moduluko ikaskuntzaren bitartez emaitza egokiak lortzea ahalbidetu behar du.
Modulu honetan lortu nahi diren helburuak ongi betetzeko, jarduerak egitea iradokitzen da, oinarrizko printzipio hauek kontuan harturik:
-Teknologia berrien erabilera sustatzea horiek erabiltzea beharrezkoa den jardueretan.
-Gaien zenbait eduki eguneratzea beharrezkoa dela erakustea (estatistikak, joerak, etab.).
-Ikasleek arlo honetan landutako ezagutza orokorrak lan eginen duten autonomia erkidegoari, probintziari edo herriari egokitzea eta horretan aplikatzea.
-Informazioa bilatzea informazio iturri fidagarriak erabiliz eta egokiena, eguneratuena eta egiatiena bereizi eta hautatuz.
-Gaurkotasun handiko komunikabideen irakurketak egitea, ikasleak inguruan duten munduko errealitatearekin lotzeko.
-Enpresa eta ideia berritzaileei buruzko informazioa ematea, ikasleen sormena sustatzeko.
Xede zehatz bateko jarduera laburrez gainera, irismen handiko jarduerak egitea iradokitzen da, lan unitatetan antolaturik, hala nola:
-Liburuxka bat diseinatu eta prestatzea, horren faseak deskribatuz eta beharrezkoak diren agiriak pilatuz.
-Marketin plan bat prestatzea, faseak azalduz.
-Gaurkotasun handieneko joerei egokitutako marketin formula berriak aplikatzearekin zerikusia duten jarduerak.
Turismo arloko marketina izeneko lanbide moduluaren edukiak Bidaia Agentzietako eta Ekitaldien Kudeaketako goi mailako teknikariaren heziketa zikloko gainerako moduluen elementu integratzaile bat dira, modulu guztietako ezagutzak erlazionatzen baitituzte eta, gainera, negozio baten, baita helmuga turistiko baten, kudeaketan eraginkorrena eta erabiliena den tresna izatera iritsi baita marketina. Modulu honek funtsezko ikaskuntzak ematen ditu, turismo enpresa bat gaur egungo merkatuan mantendu eta sustatzeko.
Modulu honetarako baliabide didaktikoek eta laneko materialek zabalak eta askotarikoak izan behar dute, horien artean aipagarri:
-Bidaia agentzia-bulego baten simulazioa. Artxibategiak, apalak, bulegoko askotariko materiala.
-Gelako liburutegiko eskuliburuak eta liburuak. Ikasleentzat erreferentzia den eskulibururen bat erabiltzen ahalko litzateke.
-Sarean instalatutako ordenagailuak, Interneteko sarrera dutenak.
-Aurkezpenak egiteko proiekzio sistema.
-Bereizmen handiko inprimagailua.
-Helmuga turistikoak kudeatzeko eredu informatikoak.
-Helmuga sustatzeko mapa digitalak.
-GDSko, LDSko eta turismoko zerbitzuen hornitzaileetarako lizentzia.
-Material inprimatua: mapa turistikoak, turismo eremu desberdinetako liburuxkak edo beste batzuk.
-Espainiako, Europako eta munduko gainerako tokietako bidaien gidaliburuak.
-Nafarroako Foru Komunitateko, autonomia erkidegoetako eta gainerako herrialdeetako informazio turistikoari buruzko liburuxkak.
-Turismo sektoreko prentsa orokorra eta espezializatua.
Lanbide modulua: Helmuga turistikoak.
Kodea: 0383.
Baliokidetasuna, ECTS kreditutan: 12.
Iraupena: 150 ordu.
Ikaskuntzaren emaitzak eta ebaluazio irizpideak.
1. Espainiako geografia turistikoa identifikatzen du eta Espainiaren banaketa administratiboa eta erliebearen, hidrografiaren eta klimaren alderdirik adierazgarrienak bereizten ditu.
Ebaluazio irizpideak:
a) Geografia turistikoaren kontzeptua identifikatu du, baita helmugen osoko ezagutzarako duen garrantzia ere.
b) Espainiako lurralde eta administrazio antolamendua identifikatu du, eta autonomia erkidegoak, probintziak, eskualderik adierazgarrienak eta udalerri turistiko garrantzitsuenak bereizi eta espazio geografian kokatu ditu.
c) Espainiako erliebearen ezaugarri nagusiak, unitate fisikoak eta gorabehera geografikoak identifikatu eta deskribatu ditu.
d) Hidrografiaren eta itsasertzaren elementu bereizgarri nagusiak identifikatu ditu.
e) Paisaia bereizgarriak eta bertako landaredia identifikatu eta deskribatu ditu, baita naturgune babestu nagusiak ere.
f) Espainiako klimaren ezaugarri nagusiak identifikatu eta deskribatu ditu.
g) Espainiako Estatuaren osotasunean biztanleriak duen banaketa aztertu du.
h) Espainiako kulturen eta herrien elementu bereizgarri nagusiak identifikatu ditu.
i) Espainiako autonomia erkidegoetako hizkuntzen, kulturen, ohituren, erritoen eta sinesmenen aniztasuna baloratu du.
j) Helmuga turistikoak aztertzeko materialak eta iturriak identifikatu ditu.
2. Europako eta munduaren gainerako geografia turistikoaren elementu nagusiak identifikatzen ditu, eta kontinenteen eta horien Estatuen banaketa politikoa, erliebea, hidrografia eta klima ezagutzen ditu.
Ebaluazio irizpideak:
a) Turismoaren Munduko Erakundearen eginkizunak deskribatu ditu, herrialdeak eskualdeetan eta azpieskualdeetan banatzearen testuinguruan.
b) Turismoaren Munduko Erakundearen eskualde eta azpieskualde turistikoak identifikatu ditu, eta espazio geografikoan kokatu ditu.
c) Europako lurralde antolamendua eta antolamendu politikoa aztertu ditu.
d) Europako unitate fisiko nagusiak identifikatu ditu.
e) Europar Batasuneko kide diren herrialdeak eta kide ez direnak bereizi ditu, baita Europa barneko eta kanpoko mendeko lurraldeak ere, eta eremu geografikoan kokatu ditu.
f) Europako erliebearen, hidrografiaren eta itsasertzaren elementu eta ezaugarri bereizgarrienak eta adierazgarrienak deskribatu ditu.
g) Unitate fisiko, paisaia eta landaredi adierazgarrienak deskribatu ditu, baita naturgune babestu nagusiak eta Europako klimaren ezaugarri nagusiak ere.
h) Europako kulturen eta herrien ezaugarririk nabarmenenak aztertu ditu.
i) Europako Estatuetako hizkuntzen, kulturen, ohituren, erritoen eta sinesmenen aniztasuna baloratu du.
j) Munduko gainerako eskualdeetako eta azpieskualdeetako erliebearen, hidrografiaren, landarediaren, klimaren eta kultura-aniztasunaren ezaugarririk adierazgarrienak deskribatu ditu.
3. Espainiako helmuga turistiko nagusiak identifikatzen ditu, eta horien baliabideak eta turismo eskaintza deskribatzen eta baloratzen ditu.
Ebaluazio irizpideak:
a) Helmuga turistikoak haien eremu geografikoan kokatu ditu.
b) Espainiako helmuga turistikoak zehaztu ditu, horien espezializazio turistikoaren arabera.
c) Helmuga turistikoen tipologia bakoitzean turismo eskaintza garrantzitsuena ezagutu du.
d) Helmuga turistikoetako baliabide kulturalak, naturalak eta beste mota batekoak identifikatu ditu.
e) Hainbat faktoreren arabera hautatu ditu helmuga turistikorik garrantzitsuenak: merkataritzaren arabera, joeraren arabera edo sustapenaren arabera.
f) Helmuga turistiko berean bat egiten duten turismo tipologiak identifikatu ditu.
g) Zenbait informazio iturri erabili ditu.
4. Europako eta munduaren gainerako helmuga turistiko nagusiak identifikatzen ditu, eta horien baliabideak eta turismo eskaintza deskribatzen eta baloratzen ditu.
Ebaluazio irizpideak:
a) Nazioarteko helmuga turistiko nagusiak haien eremu geografikoan kokatu ditu.
b) Nazioarteko helmuga turistikoak zehaztu ditu, horien espezializazio turistikoaren arabera.
c) Nazioarteko helmuga turistikoen tipologia bakoitzean turismo eskaintza garrantzitsuena ezagutu du.
d) Nazioarteko helmuga turistikoetako baliabide kulturalak, naturalak eta beste mota batekoak identifikatu ditu.
e) Hainbat faktoreren arabera hautatu ditu helmuga turistikorik garrantzitsuenak: merkataritzaren arabera, joeraren arabera edo sustapenaren arabera.
f) Helmuga turistiko berean bat egiten duten turismo tipologiak identifikatu ditu.
g) Zenbait informazio iturri erabili ditu.
Edukiak.
Espainiako geografia turistikoa identifikatzea.
-Lurralde eta administrazio antolamendua. Autonomiaren, herrialdearen, probintziaren, eskualdearen eta udalerriaren kontzeptua. Identifikazioa.
-Erliebea. Ezaugarriak. Unitate fisikoak.
-Demografia: biztanleriaren banaketa.
-Autonomia erkidegoetako sinesmenekiko, hizkuntzekiko eta elementu bereizgarriekiko errespetua.
-Geografia turistikoa aztertzeko aplikazio informatikoak eta beste iturri batzuk.
Nafarroako Foru Komunitateko geografia turistikoa identifikatzea.
-Lurralde eta administrazio antolamendua.
-Nafarroako udalerriak, eskualdeak eta izendapen geoturistikoak identifikatzea.
-Erliebea. Nafarroako ezaugarriak eta unitate fisikoak.
-Nafarroako demografia eta biztanleriaren banaketa.
Europako eta munduaren gainerako geografia turistikoa identifikatzea.
-Turismoaren nazioarteko erakundea. OMT. Kontzeptua eta eginkizunak. Eskualdeak eta azpieskualdeak.
-Europako lurralde antolamendua eta antolamendu politikoa. Europar Batasuneko kide diren herrialdeak eta kide ez direnak. Europa barneko eta kanpoko mendeko lurraldeak.
-Europako unitate fisikoak.
-Europako kultura aniztasuna: kulturak, herriak, hizkuntzak.
-Munduaren gainerakoaren geografikoa turistikoa: Turismoaren Munduko Erakundeko eskualdeen eta azpieskualdeen erliebearen, hidrografiaren, landarediaren, klimaren eta kultura aniztasunaren ezaugarri bereizgarriak.
-Herrialde horietako arraza, sinesmen eta elementu bereizgarriak errespetatzeko jarrera.
Espainiako helmuga turistiko nagusiak identifikatzea.
-Eguzki eta hondartzako Espainiako helmuga turistikoak. Penintsulako eta uharteetako itsasertzeko gune turistikoak.
-Espainiako helmuga turistiko kulturalak. Kultura ibilbideak.
-Espainiako hiri arloko helmuga turistikoak.
-Landa eta natura arloko Espainiako helmuga turistikoak.
-Jolasaren eta aisialdiaren arloko Espainiako helmuga turistikoak.
-Kirolaren (golfa, eskia, uretako kirolak, zaldiak, abentura eta elurra) eta osasunaren eta edertasunaren arloko helmuga turistikoak.
-Helmuga turistikoetako ekitaldi handiak.
Nafarroako Foru Komunitateko helmuga turistiko nagusiak identifikatzea.
-Nafarroako Foru Komunitateko kultura arloko helmuga turistikoak. Kultura ibilbideak.
-Nafarroako hiri arloko helmuga turistikoak.
-Landa eta natura arloko Nafarroako helmuga turistikoak.
-Jolasaren eta aisialdiaren arloko Nafarroako helmuga turistikoak.
-Kirolaren (golfa, eskia, uretako kirolak, zaldiak, abentura eta elurra) eta osasunaren eta edertasunaren arloko helmuga turistikoak.
-Nafarroako helmuga turistikoetako ekitaldi handiak.
Europako eta munduaren gainerako helmuga turistiko nagusiak identifikatzea.
-Eguzki eta hondartzako helmuga turistikoak. Itsasertzeko, uharteetako eta artxipelagoetako gune turistikoak.
-Kulturaren arloko helmuga turistikoak. Kultura ibilbideak.
-Hiri arloko helmuga turistikoak. Hirietako turismo eskaintza.
-Landa eta natura arloko helmuga turistikoak.
-Jolasaren eta aisialdiaren arloko helmuga turistikoak.
-Kirolaren (golfa, eskia, uretako kirolak, zaldiak, abentura eta elurra) eta osasunaren eta edertasunaren arloko helmuga turistikoak.
-Helmuga turistikoetako ekitaldi handiak.
Orientabide didaktikoak:
Lanbide modulu honek beharrezkoa den prestakuntza ematen du helmuga turistikoei buruzko aholkuak eta informazioa emateko, ondarearen kultur errealitatea eta natur ingurunea eremu bakoitzeko eskaintza turistikoaren barnean txertatuz. Turismo arloko aholkuak eta informazioa ematearen eginkizunek honelako funtsezko alderdiak jasotzen dituzte:
-Helmuga turistikoen inguruko baliabideei eta eskaintzari buruzko informazioa bildu eta aztertzea bidaia hasi aurretik.
-Turistei informazioa eta aholkuak ematea bisitaldiak eta bidaiak egiten dituztenean.
Eginkizun horiei lotutako lanbide jarduerak bidaietako eta helmugako laguntza eta gida zerbitzuan aplikatzen dira.
Modulu hau bukatutakoan ikasleek gai izan behar dute turismo merkatua aztertzeko, eta bezeroen eskarietara kalitatean, denboran eta prezioan egokituko diren turismo zerbitzuak eta ekitaldiak programatu eta eskaintzeko. Bezeroen asmoak betetzeko aholkuak eman eta alternatibak proposatzea, eta parte-hartzea eta errespetua, tolerantziazko jarrerak eta aukera berdintasuneko printzipioak sustatzea bere ardurapean dauden langileekiko, eginkizunak eta zereginak eskuordetuz.
Modulu hau teoriko-praktikoa denez, komenigarria litzateke ikasgelan baliabide informatikoak izatea, ikasleek eskura izan ditzaten moduluko edukien gaineko informazio iturri azkar eta eguneratuak.
Egokientzat proposatzen den edukien sekuentziazioa oinarrizko edukien atalean ezarritako ordena bera da. Lau atal hauetan antolaturik daude:
-Espainiako eta bereziki Nafarroako geografia turistikoa identifikatzea.
-Europako eta munduaren gainerako geografia turistikoa identifikatzea.
-Espainiako eta bereziki Nafarroako Foru Komunitateko helmuga turistiko nagusiak identifikatzea.
-Europako eta munduaren gainerako helmuga turistikoak identifikatzea.
Modu sistematiko eta antolatuan lantzeko, atal horiek hiru eduki multzotan banatzea proposatzen da:
I. multzoa: Geografia turistikoa. Espainia, Europa eta munduaren gainerakoa.
II. multzoa: Helmuga turistikoak Espainian eta Nafarroan.
III. multzoa: Helmuga turistikoak Europan eta munduaren gainerakoan.
I. multzoarekin (Espainiako, Europako eta munduaren gainerako tokietako geografia turistikoa) hastea gomendatzen da, xehetasunez aztertzen baitu lurralde bakoitzeko testuinguru turistikoa, alderdi geografiko eta sozialak oinarri hartuta helmuga turistikoak eratzerakoan. II. multzoarekin jarraitzea iradokitzen da, hau da, Espainiako helmuga turistikoak landuz eta bereziki Nafarroakoak; arreta berezia jarriko da produktuen tipologia nagusietan eta eremu bakoitzean duten nagusitasunean. III. multzoarekin amaitzen ahal da (Helmuga turistikoak Europan eta munduaren gainerakoan). Aurreko multzoaren ezaugarri berberak ditu, baina nazioarteari begira, batez ere Europari. Gomendatzen den beste aukera bat da I. eta II. multzoetako edukiak eta I. eta III. multzoetakoak tartekatzea, geografia eta helmugak erlazionatuz.
Eduki horiek lan unitatetan antolatuko dira; lan unitate bakoitzak berez zentzua izanen du, eta helburuak, irakaskuntza-ikaskuntzako jarduerak eta ebaluazioa zehaztea ahalbidetuko du. Lan unitateen multzoak moduluko ikaskuntzaren bitartez emaitza egokiak lortzea ahalbidetu behar du.
Modulu honetan printzipio metodologiko orokor hauek proposatu dira, egiten diren jarduerak garatzeko:
-Metodologia aktibo eta motibatzailea erabiltzea, ikaslearen parte-hartzea eskatuko duena irakaskuntza-ikaskuntza prozesuko eragile aktibo gisa.
-Taldean egindako lanak gaur egungo teknologiak erabiliz aurkeztea.
-Helmuga turistikoekin zerikusia duten web orrialdeak bilatzea.
-Informazioaren eta komunikazioaren teknologien erabilera sustatzea.
-Jardueretan talde lana sustatzea, ahal denean eta komenigarria denean.
Halaber, modulu honetan lortu nahi diren helburuak ongi betetzeko, jarduerak egitea iradokitzen da, lanbide modulu honetako edukiekin zerikusia duten zenbait alderdi kontuan harturik:
-Helmuga turistikoetako mota desberdinen espezializazioa aztertzea.
-Helmugen ingurune fisikoaren elementu bereizgarrienak deskribatzea, geografia turistikoaren ikuspegitik.
-Helmuga turistiko aipagarrienak identifikatzea, eskaintza, baliabide eta ezaugarri nabarmenenak aztertuz.
-Turismo merkatuko helmugarik aipagarrienak hautatzeko informazioa eguneratzea.
Hormako mapen edo mapa mutuen edo elkarreragileen bidez ezagutzea Nafarroako, Espainiako, Europako eta munduaren gainerako tokietako geografia fisiko eta politikoa.
-Mapa fisiko, politiko eta turistikoak prestatzea, eta ibilbide turistikoak, parke nazionalak, natur parkeak, Gizadiaren Ondare diren hiriak, etab. identifikatzea.
-Mapa batean itsasertzak, hondartzak eta interesa duten herriak identifikatzea.
-Estatuko eta nazioarteko ekitaldi garrantzitsuenak kokatzen dituzten mapak egitea.
-Turismo tipologia garrantzitsuenak geografikoki kokatzen dituzten mapak prestatzea.
Modulua garatzeko erabiliko diren baliabide osagarrien oinarri gisa, askotariko estrategiak aplikatu behar lirateke ikasleei beren jakintza etengabe eguneratzeko eta gauza berriak ikasteko gogoa piztu dakien, hala nola:
-Berariazko tokietan bisitaldiak egitea, eskaintza turistikoari dagokion helmuga tokian bertan ikusteko.
-Jardunean dauden profesionalen ponentziak, sektorearen ikuspegi orokorra eta bereziki Nafarroako egoerarena ematen dutenak.
-Kasuan kasuko eremuan eta Espainian egiten diren ekitaldiak ikustea.
-Ikasgelan baliabide bibliografikoak eta ikus-entzunezkoak erabiltzea.
-Aplikazio informatikoak erabiltzea helmuga turistikoak kudeatzeko.
-Helmuga sustatzeko mapa digitalak erabiltzea.
Modulu hau Bidaia Agentzietako eta Ekitaldien Kudeaketako goi mailako teknikariaren curriculumeko gainerakoekin lotzeari dagokionez, komenigarria litzateke adieraztea Helmuga turistikoak izeneko moduluko edukiak oinarrizkoak direla ikasleek gainerako edukiak ulertzeko, hau da, modulu honek lotura zuzena du titulua osatzen duten moduluetako edozeinekin, baina batez ere Baliabide turistikoak I (Espainia-Nazioartea) eta Baliabide turistikoak II (Nafarroa) moduluarekin, eta horrek ikasleei turismo sektorearen ikuspegi orokorra emanen die, hala ikuspuntu ekonomikotik nola sozialetik.
Bukatzeko, aipatu behar da lanbide honetarako garrantzizkoenak diren zeharkako gaiekin lan egiten ahalegindu beharko dela, hala nola: berdintasunerako hezkuntza, gizalegea, tolerantzia, elkartasuna, laguntasuna, hizkera ez sexista, ingurumena errespetatu eta zaintzea, etab.
Lanbide modulua: Baliabide turistikoak I.
Kodea: 0384a).
Baliokidetasuna, ECTS kreditutan: 6.
Iraupena: 130 ordu.
Ikaskuntzaren emaitzak eta ebaluazio irizpideak.
1. Lurraldeko baliabide turistikoak identifikatzen ditu eta horien tipologia, ezaugarriak eta babeserako araudia aztertzen ditu.
Ebaluazio irizpideak:
a) Autonomia erkidego bakoitzeko baliabide turistikorik nabarmenenak hauteman ditu.
b) Tipologien arabera eta kasuak kasu indarra duen legediari jarraituz sailkatu ditu.
c) Baliabide mota zehaztu du, eta haren berezitasunak eta bereizgarritasunak kontuan izanik azaldu du.
d) Eremuen edo zonen araberako baliabide turistikoen datu-baseak diseinatu ditu, eta, horrela, zonan dauden baliabideen araberako turismo eremuen tipologiak bereizi ditu.
e) Baliabideetarako dagoen lege eta erakunde babesa zehaztu du.
f) Baliabideak babesteko organismoak eta erakundeak ezagutu ditu.
g) Baliabide turistiko bat bere tipologiaren eta ezaugarrien arabera izendatzea eskatzeko eskaera-prozesua zehaztu du.
h) Ondasun edo baliabide bat modurik egokienean kataloga dadin eskatzeko beharrezko dokumentuak bildu ditu.
2. Artearen oinarrizko kontzeptuak interpretatzen ditu, eta Espainiako ondare artistikoa zehazten du.
Ebaluazio irizpideak:
a) Arte unibertsalaren oinarrizko alderdiak identifikatu ditu.
b) Herrialdeko arte adierazpen nagusiak hauteman ditu.
c) Eredu unibertsalen eta Estatukoen prototipo artistikoak ezagutu ditu.
d) Estilo bakoitzaren ezaugarri teknikoak eta kulturalak bereizi ditu.
e) Pinturaren zein eskulturaren eta arkitekturaren arloko arte adierazpenak biltzen dituen kultura baten funtsezko ildo kontzeptual nagusiak identifikatu ditu.
f) Turismo jarduera duten kultura zentro interesgarriak ezagutu ditu.
3. Espainiako ondare soziokulturala identifikatzen du eta haren aniztasuna aztertzen du.
Ebaluazio irizpideak:
a) Ondare historiko eta kultural motak sailkatzeko funtsezko helburuak eta elementuak identifikatu ditu.
b) Baliabidearen tipologia eta garrantzia sailkatzeko egokiak diren baliabideen deskribapenik egokienak eta baliabideak berak identifikatu dituzten fitxak prestatu ditu.
c) Espainian Gizadiaren Ondare izendatutako hiriak identifikatu ditu, baita munduko ondarearen zerrendan sartzen diren beste ondasun batzuk ere, hala nola interes kulturaleko ondasunak eta beste mota bateko ondasun sailkatuak.
d) Beste mota bateko baliabideak (gastronomia, museoak, etnografia, etnologia eta tradizioak) sailkatzeko eta interpretatzeko formulak diseinatu ditu.
e) Erkidegoetako jai tradizionalak sailkatu ditu, eta nazioarteko interes turistikoa dutenak, Estatu barruan interesa dutenak eta autonomia erkidegoetan ospatzen direnak bereizi ditu.
f) Estatuko museo eta kultura zentro nagusiak eta horien eduki orokorrak identifikatu ditu.
4. Espainiako naturaren eta paisaiaren arloko ondarea aztertzen du eta baliabide turistiko gisa zehazten eta interpretatzen du.
Ebaluazio irizpideak:
a) Naturaren eta paisaiaren arloko baliabideak sailkatzeko funtsezko helburuak eta elementuak identifikatu ditu.
b) Naturgune babestuen eta ez babestuen motak sailkatu ditu (itsasertza, mendia, hezeguneak eta abar).
c) Egun dauden legezko sailkapenen ezaugarriak zehaztu ditu.
d) Bisitaria sentsibilizatzeko eta turismoaren eta naturaren arteko erlazioan gatazkei aurrea hartzeko metodoak proposatu ditu.
e) Informazio geografikoko sistemak erabili ditu naturaren arloko baliabideak turismorako planifikatzeko eta erabiltzeko tresna gisa.
f) Naturaren arloko ondarearen lege eta erakunde babesa zehaztu du: ondare-babeseko organismoak eta erakundeak, nazioarteko akordioak eta hitzarmenak, Europar Batasuneko araudia.
5. Ondare artistikoa, soziokulturala eta historikoa oro har interpretatzen du, eta baliabide turistiko gisa aplikatzeko beharrezko estrategiak aztertzen ditu.
Ebaluazio irizpideak:
a) Interpretatzeko metodorik egokienak ezarri ditu.
b) Interpretazio sistema desberdinak zehaztu ditu, azalduko den baliabide motaren eta esku-hartzearen xede denaren arabera.
c) Interpretazio-plangintza egin du, betiere jarduteko mailaren arabera eta faseen arabera.
d) Interpretazio-plangintzako faseak behar bezala identifikatu ditu.
e) Baliabideak interpretatzeko moduak deskribatu ditu, hala nola ibilbideak, interpretazio-argitalpenak, seinaleak eta kartelak, erakustaldiak, ikus-entzunezko bitartekoak eta bisitari zentroak.
f) Interpretazioan ebaluazioa eta kontrola egiteko metodoak zehaztu ditu.
g) Gogobetetasunari buruzko galdera sortak diseinatu ditu.
Edukiak.
Lurraldeko baliabide turistikoak identifikatzea.
-Baliabide turistikoak. Sailkapena eta tipologia.
-Baliabideen ezaugarriak haien tipologiaren arabera.
-Baliabideen azterketa. Baliabidearen balioa, berezitasun maila, eta eremu bateko eskaintza turistikoaren zati gisa duen erlazioa.
-Baliabide turistikoen arloko legedia.
-Baliabide turistikoei eta horiek babesteari, mantentzeari eta aintzat hartzeari buruzko Europako eta Espainiako babes araudia. Baliabideen katalogazioa.
-Baliabideen babesean esku hartzen duten erakundeak. UNESCO (Hezkuntza, Zientzia eta Kulturarako Nazio Batuen Erakundea), EB (Europar Batasuna) eta Estatuko eta autonomia erkidegoetako erakundeak. Esku hartzen duten beste erakunde batzuk.
Artearen oinarrizko kontzeptuen interpretazioa:
-Pintura.
-Eskultura.
-Arkitektura.
-Beste arte adierazpen batzuk.
-Mugimendu eta estilo artistiko desberdinak Espainiako pinturan, eskulturan, arkitekturan eta beste arte adierazpen batzuetan, historiaurretik gaur egun arte.
Espainiako ondare historiko-artistikoaren eta soziokulturalaren identifikazioa eta azterketa.
-Ondarea baliabide turistiko gisa. Ondare kontzeptua. Kultur ondasuna.
-Ondarea eta ondareko ondasunak Espainian. Kultur turismoa.
-Museoak eta beste kultur zentro batzuk.
-Eskualdeko, Estatuko eta nazioarteko turismo-interesa duten festak eta adierazpenak. Araudia.
-Espainiako gastronomia. Tradiziozko prestaketa eta produktuak. Abanguardiako sukaldaritza.
-Enologia Espainian. Ardogintzako eremuak eta jatorrizko deiturak.
-Etnografia eta artisautza. Eremu bakoitzaren bereizgarri diren produktuak. Motak.
-Ondare ez-materiala. Deskribapena eta edukia. Musika herrikoia. Dantza. Tradizioak. Beste kultur adierazpen batzuk.
-Autonomia erkidegoetako herri arkitekturaren tipologia.
-Espainiako naturaren eta paisaiaren arloko ondarearen azterketa.
Naturaren eta paisaiaren arloko ondarea:
-Naturaren eta paisaiaren arloko baliabideen kontzeptua. Motak.
-Naturaren arloko baliabide bat turistiko gisa baloratzeko elementuak.
-Babeserako figurak eta mailak.
-Araudia.
-Espainiako naturgune babestuak eta horien araudia.
-Naturaren eta paisaiaren arloko ondareari laguntzeko programa europarrak.
-Ondasun horiek turismorako aprobetxatzeko programa europarrak, Estatukoak eta beste laguntza batzuk.
-Eremuak atzeman eta kokatzeko teknologia berriak, kartografiako programak eta beste batzuk.
-Jarduera turistikoak ingurumenean duen eragina.
-Ingurumena mantentzeko neurriak. UNESCOren zeregina.
-Turismoa eta iraunkortasuna. Turismo iraunkorra helmugak garatzeko faktore gisa.
Ondare historikoa, artistikoa eta soziokulturala oro har interpretatzea:
-Naturaren eta kulturaren arloko ondarea bisitariei ezagutarazteko metodoak.
-Ondarearen interpretazioaren esanahia.
-Ondarearen interpretazioa kudeaketako sistema gisa.
-Interpretaziorako erabilienak diren bitartekoak eta plangintza.
-Interpretazio sistemak ebaluatzeko eta kontrolatzeko metodoak diseinatzea.
Orientabide didaktikoak:
Modulu honen helburua da ikasleek oinarrizko trebetasunak erdiestea, eremu edo eskualde bateko baliabide turistikoak identifikatu eta sailkatzeko, kontuan harturik ondare soziokulturalaren eta naturalaren interpretazioa horren garapenerako funtsezko oinarrietako bat dela. Artea aztertzea Espainiako ondarea interpretatu, baloratu eta ezagutzeko tresna bat izanen da, horrela beharrezkoak diren oinarrizko premisak ezartzen ahalko baitira turisten eta bisitarien informazio nahiei erantzuteko. Era berean, ikasleak gaitzen dira naturaren arloko ondarea baloratzeko bai eskualdeko bai Estatuko naturguneak aztertzearen bidez, eta gaitzen dira, halaber, turisten eta bisitarien informazio nahiei erantzuteko beharrezkoak diren ekintzak identifikatzeko.
Arrazoi pedagogikoak direla eta, komenigarritzat jotzen da Baliabide turistikoak modulua bi modulutan banatzea; hots, Baliabide turistikoak I, Estatuko eta nazioarteko esparruetan oinarritua, eta Baliabide turistikoak II, Nafarroan espezializatua.
Baliabide turistikoak I moduluak honelako funtsezko alderdiak biltzen dituzten trebetasunak garatzen ditu:
-Autonomia erkidegoetako baliabide turistikoak ezagutzea.
-Eremu edo eskualde bateko ondare soziokulturala eta naturala interpretatzea.
-Estilo artistikoak identifikatzea Espainiako pinturan, eskulturan, arkitekturan eta beste arte adierazpen batzuetan.
-Naturaren arloko ondarea baloratzea bai eskualdeko bai Estatuko naturguneak aztertzearen bidez.
-Baliabide turistikoak ustiatu eta aprobetxatzeko egokienak diren esku-hartzeak ezagutzea, ingurumena zaindu eta mantentzeko beharrezkoak diren faktoreak eta ekintzak identifikatuz.
Modulu hau bukatutakoan, ikasleek gai izan behar dute baliabide turistikoei buruzko aholkuak eta informazioa emateko, ondarearen kultur errealitatea eta natur ingurunea eremu bakoitzeko eskaintza turistikoaren barnean txertatuz.
Modulu hau teorikoa da batez ere eta, horregatik, hori ematen duten irakasleek, edukiak garatzen dituztenean, baliabide turistiko gisa ustiatzen diren ondasun naturalen eta ondarearen balioa agerian jarri behar dute ikasleen aurrean. Horretarako, azalpen teknikak erabiliko dira, landa lan eta ikerketa errazen bidez parte hartzeari irekiak, turismoari aplikatutako erabilerei eta babesari buruzko gogoeta eta ebaluazioa sustatuz. Prozesu honetan, komunikazio eta informazioko teknologia egokienen erabilera sustatuko da.
Bestalde, ikasleek modulu honetako ezagutza teorikoak zikloko gainerako moduluei aplikatzeko bidea jarri behar da.
Egokientzat jotzen den edukien sekuentziazioa jarraian azaltzen den aurkezpen ordena bera da. Bost ataletan antolaturik dago:
-Artearen oinarrizko kontzeptuak.
-Lurraldeko baliabide turistikoak.
-Espainiako ondare historiko-artistikoa eta soziokulturala.
-Naturaren eta paisaiaren arloko ondarea.
-Ondare historikoa, artistikoa eta soziokulturala oro har interpretatzea.
Modu sistematiko eta antolatuan lantzeko, atal horiek hiru eduki multzotan banatzea proposatzen da:
I. multzoa. Artea.
II. multzoa. Baliabide turistikoen ezaugarriak.
III. multzoa. Natur eta paisaia ondarea.
I. multzoarekin hastea gomendatzen da, sarrera gisa, artearen oinarrizko kontzeptuak interpretatu ahal izateko eta Espainiako arte mugimendu eta estilo desberdinen ezaugarriak ezagutzeko: aurrehistoria, lehen kulturak, arte erromatarra, arte bisigodoa, arte islamiarra, mudejarra eta mozarabiarra, prerromanikoa, erromanikoa, gotikoa, errenazimendukoa, barrokoa, neoklasizismokoa, modernismokoa eta joera eta estilo berriak. II. multzoarekin jarraitzea iradokitzen da. Lurraldeko baliabide turistikoen identifikazioa eta araudia lantzen da, baita baliabide horien babesean esku hartzen duten erakundeak ere. Espainiako ondare historiko, artistiko eta soziokulturalaren identifikazioa eta azterketa, baita ondare horren zabalkundea, iraunkortasuna eta kudeaketa ere. Bukatzeko, Espainiako naturaren eta paisaiaren arloko ondarea landuko da, naturaren arloko ondarea bisitariei hurbiltzeko metodoak erabiliz, jarduera turistikoak ingurumenean duen eragina identifikatuz eta kulturaren eta naturaren arloko ondare guztia orokorrean erlazionatuz.
Eduki horiek lan unitatetan antolatuko dira; lan unitate bakoitzak berez zentzua izanen du, eta helburuak, irakaskuntza-ikaskuntzako jarduerak eta ebaluazioa zehaztea ahalbidetuko du. Lan unitateen multzoak moduluko ikaskuntzaren bitartez emaitza egokiak lortzea ahalbidetu behar du.
Moduluaren helburuak lortzeko aukera ematen duten irakaskuntza-ikaskuntzako prozesuko jarduketa ildoak honako hauek izanen dira:
-Teknologia berriak eta aplikazio ofimatikoak aplikatzea baliabideak atzeman eta aztertzeko.
-Legedi aplikagarria ezagutzea.
-Kultura eta ondarea bisitariei eskaini eta hurbiltzeko formula berriei buruzko ikerketa, landa lanak eginez.
-Kulturaren edo naturaren arloko ondarea izateagatik turismoaren aldetik interesa duten tokietara bisitaldi gidatuak egitea.
Edonola ere, Bidaia Agentzietako eta Ekitaldien Kudeaketako goi mailako teknikari tituluaren barnean ematen den prestakuntza guztian, eta irakasleen jarrera profesionalaren ondorioz, ikasleek honako hauek bermatuko dituen jarduketa izatea lortu behar da:
-Kalitateko estandarrak.
-Laneko arriskuei aurrea hartzeari buruzko legezko eskakizun guztiak betetzea.
-Bezeroen beharrak eta jarrera errespetatzea bidaia agentzietako zerbitzuak erabiltzen dituztenean.
-Ingurumena errespetatzea, energia baliabideen aprobetxamendu nazionala, bai ingurumen arrazoiengatik bai arrazoi ekonomikoengatik, eta iraunkortasuna zer den ezagutu eta errespetatzea.
-Lan ingurunea errespetatzea ikasgelan, tailerrean eta landa lanean.
-Sektorearen barnean beharrezkoa den lanbideko deontologia.
Azkenik, modulu honek Bidaia Agentzietako eta Ekitaldien Kudeaketako goi mailako teknikariaren curriculumeko gainerakoekin duen loturari dagokionez, komenigarria litzateke adieraztea Baliabide turistikoak I izeneko moduluko edukiek lotura estua dutela, Baliabide turistikoak II modulukoekin ez ezik, honako lanbide modulu hauekin: Turismo merkatuaren egitura, Helmuga turistikoak, Turismoko produktuen kudeaketa eta Turismoko zerbitzuen salmenta.
Lanbide modulua: Baliabide turistikoak II.
Kodea: 0384b).
Baliokidetasuna, ECTS kreditutan: 4.
Iraupena: 100 ordu.
Ikaskuntzaren emaitzak eta ebaluazio irizpideak.
1. Nafarroako baliabide turistikoak identifikatzen ditu eta horien tipologia, ezaugarriak eta babeserako araudia aztertzen ditu.
Ebaluazio irizpideak:
a) Nafarroako baliabide turistikorik nabarmenenak hauteman ditu.
b) Tipologien arabera eta kasuak kasu indarra duen legediari jarraituz sailkatu ditu.
c) Baliabide mota zehaztu du, eta haren berezitasunak eta bereizgarritasunak kontuan izanik azaldu du.
d) Eremuen edo zonen araberako baliabide turistikoen datu-baseak diseinatu ditu, eta, horrela, zonan dauden baliabideen araberako turismo eremuen tipologiak bereizi ditu.
e) Baliabideetarako dagoen lege eta erakunde babesa zehaztu du.
f) Baliabideak babesteko organismoak eta erakundeak ezagutu ditu.
g) Baliabide turistiko bat bere tipologiaren eta ezaugarrien arabera izendatzea eskatzeko eskaera-prozesua zehaztu du.
h) Ondasun edo baliabide bat modurik egokienean kataloga dadin eskatzeko beharrezko dokumentuak bildu ditu.
2. Artearen oinarrizko kontzeptuak interpretatzen ditu, eta Nafarroako ondare artistikoa zehazten du.
Ebaluazio irizpideak:
a) Nafarroako arte adierazpen nagusiak hauteman ditu.
b) Eredu unibertsalen edo Estatukoen ezaugarri teknikoak eta kulturalak eta prototipo artistikoak ezagutu ditu, Nafarroaren esparruan.
c) Pinturaren zein eskulturaren eta arkitekturaren arloko arte adierazpenak biltzen dituen tokiko kultura baten funtsezko ildo kontzeptual nagusiak identifikatu ditu.
d) Nafarroan turismo jarduera duten kultura zentro interesgarriak ezagutu ditu.
3. Nafarroako ondare soziokulturala identifikatzen du eta haren aniztasuna aztertzen du.
Ebaluazio irizpideak:
a) Ondare historiko eta kultural motak sailkatzeko funtsezko helburuak eta elementuak identifikatu ditu.
b) Baliabidearen tipologia eta garrantzia sailkatzeko egokiak diren baliabideen deskribapenik egokienak eta baliabideak berak identifikatu dituzten fitxak prestatu ditu.
c) Kultur intereseko sailkapenean sartuta dauden ondasunak zein herri eta kokapenetan dauden zehaztu du.
d) Beste mota bateko baliabideak (gastronomia, museoak, etnografia, etnologia eta tradizioak, Nafarroako herrietakoak) sailkatzeko eta interpretatzeko formulak diseinatu ditu.
e) Herrietako festa tradizionalak sailkatu ditu, eta nazioartean, Estatuan eta Nafarroan duten interes turistiko-kulturalarengatik bereizi ditu.
f) Nafarroako museo eta kultura zentro nagusiak eta horien eduki orokorrak identifikatu ditu.
4. Nafarroako naturaren eta paisaiaren arloko ondarea aztertzen du eta baliabide turistiko gisa zehazten eta interpretatzen du.
Ebaluazio irizpideak:
a) Nafarroako naturgune babestuen eta ez babestuen motak sailkatu ditu.
b) Nafarroako Foru Komunitatean dauden legezko sailkapenen ezaugarriak zehaztu ditu.
c) Bisitaria sentsibilizatzeko eta turismoaren eta naturaren arteko erlazioan gatazkei aurrea hartzeko metodoak proposatu ditu.
d) Informazio geografikoko sistemak erabili ditu naturaren arloko baliabideak turismorako planifikatzeko eta erabiltzeko tresna gisa.
e) Nafarroaren barnean natur ondareak legearen eta erakundeen aldetik zer babes duen zehaztu du.
f) Nafarroan ondarea babestu edo kudeatzeko dauden erakunde eta instituzioak zein diren azaldu du.
5. Nafarroako ondare artistikoa, soziokulturala eta historikoa oro har interpretatzen du, eta baliabide turistiko gisa aplikatzeko beharrezko estrategiak aztertzen ditu.
Ebaluazio irizpideak:
a) Nafarroako ondarea interpretatzeko metodorik egokienak ezarri ditu.
b) Interpretazio sistema desberdinak zehaztu ditu, Nafarroan dauden baliabide moten arabera.
c) Lurraldean dauden baliabideen interpretaziorako plangintza egin du.
d) Ingurunean dauden baliabideen interpretaziorako plangintzaren faseak behar bezala identifikatu ditu.
e) Baliabideak interpretatzeko moduak deskribatu ditu, hala nola ibilbideak, interpretazio-argitalpenak, seinaleak eta kartelak, erakustaldiak, ikus-entzunezko bitartekoak eta bisitari zentroak.
f) Interpretazioan ebaluazioa eta kontrola egiteko metodoak zehaztu ditu.
g) Gogobetetasunari buruzko galdera sortak diseinatu ditu.
Edukiak.
Nafarroako baliabide turistikoak identifikatu eta sailkatzea:
-Nafarroako turismo sektorea. Antolaketa eta ekonomiari egiten dion ekarpena.
-Baliabide turistikoak Nafarroan. Sailkapena eta tipologia. Naturaren eta kulturaren arloko baliabideak; baliabide ukigarriak/baliabide ukiezinak.
-Baliabideen azterketa. Baliabidearen balioa, eta Nafarroako eskaintza turistikoaren zati gisa duen erlazioa.
-Baliabide turistikoei buruzko foru legedia, eta horietan nola aplikatzen den.
-Nafarroako baliabide turistikoei eta horiek babesteari, mantentzeari eta aintzat hartzeari buruzko babes araudia.
-Nafarroako turismoaren arloko lurralde antolamendua, baliabideen euskarri gisa eta horiek egituratzeko modu gisa.
-Funtsezkoak eta osagarriak diren baliabide eta zerbitzuak Nafarroako Foru Komunitatean.
Nafarroako artearen oinarrizko kontzeptuen interpretazioa:
-Arte mugimendu eta estiloak Nafarroako pinturan, eskulturan, arkitekturan eta beste arte adierazpen batzuetan.
-Interpretazioko elementu kritikoak. Nafarroaren eta bere ingurunearen kasu zehatza.
-Nafarroako arte erakusgarri nagusiak.
Nafarroako ondare historiko-artistikoaren eta soziokulturalaren identifikazioa eta azterketa.
-Kultur turismoa: kontzeptua. Kulturari lotutako turismoa produktu turistiko gisa.
-Nafarroako kultur turismo eta ondarea. Done Jakue Bidea kultur produktu gisa. Turismoko eta kulturako beste ibilbide batzuk.
-Museoak eta beste kultur zentro batzuk. Nafarroako Museoa.
-Nafarroako ekitaldi kulturalak eta festak. Jaialdiak eta programak. Festak eta tradizioak. Azokak eta merkatuak.
-Bilkurei lotutako turismoa Nafarroan: feriak, workshop-ak, biltzarrak eta pizgarriak. Jardueraren azalpena eta jarduera horien bilakaera.
-Nafarroako gastronomia. Tradiziozko prestaketa eta produktuak. Kalitate markak. Nafarroako gastronomiarekin lotutako azokak eta ekitaldiak.
-Nafarroako enologia. Ardogintzako eremuak eta jatorrizko deiturak. Nafarroako enologiarekin lotutako azokak eta ekitaldiak. Ardoaren ibilbidea.
-Etnografia eta artisautza. Eremu bakoitzaren bereizgarri diren produktuak. Motak.
-Ondare ez-materiala. Deskribapena eta edukia. Musika herrikoia. Dantza. Tradizioak. Beste kultur adierazpen batzuk.
-Nafarroako eskualde batzuetako eta besteetako herri arkitekturaren tipologia.
-Turismoko produktuak garatzeko plana. Toki entitateak. Turismo partzuergoak.
-Nafarroako natur eta paisaia ondarearen azterketa:
-Nafarroako naturaren arloko baliabide bizi eta inerteak.
-Foru araudia.
-Nafarroako paisaia desberdinak, eta horiek sorrarazi dituzten faktore natural eta kulturalak interpretatzea.
-Natura Nafarroan: naturgune babestuak. Natur parkeak. Errege Bardea, biosferaren erreserba. Ibarrak, ibaiak, basoak eta bide berdeak.
-Nafarroako babesgune babestuak, BILak, Zainketa Bereziko Eremuak (ZBE) eta beste babes figura batzuk.
-Naturaren eta paisaiaren arloko ondareari laguntzeko programa europarrak.
-Eremuak atzeman eta kokatzeko teknologia berriak, kartografiako programak eta beste batzuk. SITNA.
-Landa turismoa eta naturaren ingurukoa. Esanahaia eta Nafarroako turismoaren berrikuntzak. Turismoa eta landa garapena. Zergatia-ondorioa.
-Ingurumena mantentzeko neurriak. Bestelako turismoa.
Nafarroako ondare historikoa, artistikoa eta soziokulturala oro har interpretatzea.
-Naturaren eta kulturaren arloko ondarea bisitariei ezagutarazteko metodoak.
-Nafarroako ondarea testuinguru orokor batean interpretatzea.
-Ondarearen interpretazioa eta horren kudeaketa Nafarroan.
-Interpretaziorako erabilienak diren bitartekoak eta plangintza lurralde esparruan.
-Interpretazio sistemen ebaluazioa eta kontrola. Erabiltzen diren metodoak.
Orientabide didaktikoak.
Modulu honen helburua da ikasleek oinarrizko trebetasunak erdiestea, Nafarroako eremu edo eskualde bateko baliabide turistikoak identifikatzeko, kontuan harturik ondare soziokulturalaren eta naturalaren interpretazioa horren garapenerako funtsezko oinarrietako bat dela. Trebetasun horiek ondoko alderdi funtsezkoak biltzen dituzte:
-Nafarroako Foru Komunitateko baliabide turistikoak ezagutzea.
-Nafarroako eskualdeetako ondare soziokulturala eta naturala interpretatzea.
-Estilo artistikoak identifikatzea Nafarroako pinturan, eskulturan, arkitekturan eta beste arte adierazpen batzuetan.
-Natur ondarea baloratzea naturguneak aztertzearen bidez.
-Ingurumena kontserbatzeko beharrezkoak diren ekintzak identifikatzea, eta baliabide turistiko gisa ustiatu eta aprobetxatzean iraunkortasuna eta mantentzea kontuan hartu beharrekoak direla jakitea.
Artea aztertzea Nafarroako Foru Komunitateko ondare artistikoa interpretatu, baloratu eta ezagutzeko tresna bat izanen da, horrela beharrezkoak diren oinarrizko premisak ezartzen ahalko baitira turisten eta bisitarien informazio nahiei erantzuteko. Era berean, modulu honek ikasleari gaitasuna ematen dio natur ondarea baloratzeko, inguruneko naturguneak aztertzearen bidez.
Modulu hau bukatutakoan, ikasleek gai izan behar dute baliabide turistikoei buruzko aholkuak eta informazioa emateko, ondarearen kultur errealitatea eta natur ingurunea eremu bakoitzeko eskaintza turistikoaren barnean txertatuz.
Modulu hau teorikoa da batez ere eta, horregatik, hori ematen duten irakasleek, edukiak garatzen dituztenean, baliabide turistiko gisa ustiatzen diren ondasun naturalen eta ondarearen balioa agerian jarri behar dute ikasleen aurrean. Horretarako, azalpen eta parte-hartze teknikak erabiliko dira eta landa lan eta ikerketa errazak eginen dira, baliabideei aplikatutako erabilerei eta babesari buruzko gogoeta eta ebaluazioa sustatzeko.
Egokientzat jotzen den edukien sekuentziazioa jarraian azaltzen den aurkezpen ordena bera da. Bost ataletan antolaturik dago:
-Artearen oinarrizko kontzeptuak Nafarroaren esparruan.
-Nafarroako baliabide turistikoak.
-Nafarroako ondare historiko-artistikoa eta soziokulturala.
-Natur eta paisaia ondarea.
-Nafarroako ondare historikoa, artistikoa eta soziokulturala testuinguru orokor batean interpretatzea.
Modu sistematiko eta antolatuan lantzeko, atal horiek hiru eduki multzotan banatzea proposatzen da:
I. multzoa. Artea Nafarroan.
II. multzoa. Nafarroako baliabide turistikoak eta kultur ondarea.
III. multzoa. Natur eta paisaia ondarea.
I. multzoarekin hastea gomendatzen da, sarrera gisa, artearen oinarrizko kontzeptuak interpretatu ahal izateko eta Nafarroako arte mugimendu eta estilo desberdinen ezaugarriak ezagutzeko: Paleolitikotik Neolitikora. Erromanikoa eta gotikoa. Garai horietako arte adierazpen nagusiak, eta Errenazimendutik gaur egun arteko arte adierazpen nagusiak. Nafarroako Done Jakue Bidearen aipamen berezia. Kontuan hartu behar da abiapuntua Baliabide turistikoak I moduluan landutako oinarrizko edukiek osatzen dutela.
II. multzoarekin jarraitzea iradokitzen da. Nafarroako baliabide turistikoen identifikazioa eta araudia lantzen da, baita baliabide horien babesean esku hartzen duten erakundeak ere. Nafarroako ondare historiko, artistiko eta soziokulturalaren identifikazioa eta azterketa, baita ondare horren zabalkundea, iraunkortasuna eta kudeaketa ere.
Bukatzeko, Nafarroako natur eta paisaia ondarea landuko da, natur ondarea bisitariei hurbiltzeko metodoak erabiliz eta jarduera turistikoak ingurumenean duen eragina identifikatuz; halaber, ondarearen gaineko azterketa ikuspegi orokorrago batekin osatuko da, zeinean lurraldeari lotutakoak soilik ez diren faktoreak sartuko diren. Adibidez, Done Jakue Bidea sakonago aztertuko da nazioarteko testuinguru batetik begiratuta, baita gastronomia ere, nazioarteko ikuspegi kultural batetik hartuta.
Eduki horiek lan unitatetan antolatuko dira; lan unitate bakoitzak berez zentzua izanen du, eta helburuak, irakaskuntza-ikaskuntzako jarduerak eta ebaluazioa zehaztea ahalbidetuko du. Lan unitateen multzoak moduluko ikaskuntzaren bitartez emaitza egokiak lortzea ahalbidetu behar du.
Moduluaren helburuak lortzeko aukera ematen duten irakaskuntza-ikaskuntzako prozesuko jarduketa ildoak honako hauek izanen dira:
-Teknologia berriak eta aplikazio ofimatikoak aplikatzea Nafarroako baliabideak atzeman eta aztertzeko.
-Foru legedi aplikagarria ezagutzea.
-Kultura eta ondarea bisitariei eskaini eta hurbiltzeko formula berriei buruzko ikerketa, Nafarroako hainbat eskualdetan landa lanak eginez.
-Nafarroako interesgune turistikoetan bisitaldi gidatuak egitea.
Edonola ere, Bidaia Agentzietako eta Ekitaldien Kudeaketako goi mailako teknikari tituluaren barnean ematen den prestakuntza guztian, eta irakasleen jarrera profesionalaren ondorioz, ikasleek honako hauek bermatuko dituen jarduketa izatea lortu behar da:
-Kalitateko estandarrak.
-Laneko arriskuei aurrea hartzeari buruzko legezko eskakizun guztiak betetzea.
-Bezeroen beharrak eta jarrera errespetatzea bidaia agentzietako zerbitzuak erabiltzen dituztenean.
-Ingurumena errespetatzea, energia baliabideen aprobetxamendu nazionala, bai ingurumen arrazoiengatik bai arrazoi ekonomikoengatik, eta iraunkortasuna zer den ezagutu eta errespetatzea.
-Lan ingurunea errespetatzea ikasgelan, tailerrean eta landa lanean.
-Sektorearen barnean beharrezkoa den lanbideko deontologia.
Azkenik, modulu honek Bidaia Agentzietako eta Ekitaldien Kudeaketako goi mailako teknikariaren curriculumeko gainerakoekin duen loturari dagokionez, komenigarria litzateke adieraztea Baliabide turistikoak II izeneko moduluko edukiek lotura estua dutela, eta kontuan hartu behar dela Baliabide turistikoak I eta Helmuga turistikoak lanbide moduluak ematen dituzten irakasleekin edukiak koordinatu behar direla.
Lanbide modulua: Turismoko produktuen kudeaketa.
Kodea: 0397.
Baliokidetasuna, ECTS kreditutan: 6.
Iraupena: 90 ordu.
Ikaskuntzaren emaitzak eta ebaluazio irizpideak.
1. Bidaia konbinatuak aztertzen ditu, eta horien merkatua eta elementuak identifikatzen ditu.
Ebaluazio irizpideak:
a) Bidaia konbinatuak hainbat parametroren arabera definitu eta sailkatu ditu.
b) Bidaia konbinatuei aplika dakiekeen araudia ezagutu eta aztertu du.
c) Bidaia konbinatuak osatzen dituzten turismo zerbitzu nagusiak eta osagarriak deskribatu ditu.
d) Bidaia konbinatuen programek eta kontratuek eduki behar dituzten elementuak, edukiak eta klausulak identifikatu eta deskribatu ditu.
e) Tipologia zehaztu du, eta garraio eta ostatuko bitartekarien eginkizunak definitu ditu, baita bidaia konbinatuen antolatzaileekin ezartzen diren lanbide harremanak ere.
f) Bidaien antolatzaileen, txikizkarien eta zerbitzu-emaileen artean ezartzen diren lanbideko, ekonomiako eta kontratuko harremanak ezagutu ditu.
g) Zerbitzu-hornitzaileak hautatzeko baldintzak aztertu ditu.
h) Zerbitzu-emailearen eta antolatzailearen arteko akordioen/hitzarmenen baldintzak zehaztu ditu.
i) Agentzia hartzaileek eta korrespontsalek bete beharreko eginkizunak deskribatu eta aztertu ditu.
j) Bidaia konbinatuen merkatua, gaur egungo joerak eta era horretako turismo produkturako aurreikuspenak aztertu ditu.
2. Bidaia konbinatuak diseinatzen eta kotizatzen ditu, prozesu bakoitzerako informazioa erabiliz eta egokiena den metodologia aplikatuz.
Ebaluazio irizpideak:
a) Bidaia konbinatuak diseinatu aurretik egin beharreko merkatu-ikerketaren teknikak aplikatu ditu.
b) Bidaia konbinatuen osagai nagusien eta osagarrien hautaketa justifikatu du.
c) Hornitzaileekin negoziatzeko baldintzak eta akordioak definitu ditu, hainbat irizpide kontuan izanik.
d) Bidaia konbinatuetan garraio zerbitzuei, ostatuari eta abarri ezartzen zaizkien tarifak, zergak, tasak eta bestelako baldintza bereziak aztertu ditu.
e) Kostuak, deskontuak, komisioak, irabazi-marjina, errentagarritasun-atalasea, zergak eta salmenta-prezioa kalkulatzeko eta zerbitzuak kotizatzeko metodologia aplikatu du.
f) Bidaia konbinatuak diseinatzeari eta kotizatzeari buruzko dokumentuak bete ditu.
g) Bidaia konbinatuen informazioa bilatzeko, diseinatzeko eta kotizatzeko berariazko aplikazio informatikoak erabili ditu.
h) Bezeroarekiko arretarekin eta kalitatearen kudeaketarekin lotzen diren alderdiak kontuan hartu ditu.
3. Bidaia konbinatuak zerbitzu-emaileekin koordinatzen ditu, banaketarako sistema orokorrak erabiliz.
Ebaluazio irizpideak:
a) Bidaia konbinatuen eragiketaren eta erreserbaren faseak eta prozesuak identifikatu eta definitu ditu.
b) Garraioa, ostatua eta beste zerbitzu osagarri batzuk erreserbatzeko eragiketak ezagutu ditu.
c) Zerbitzu ematea hornitzaileekin koordinatzeko modua zehaztu du.
d) Zerbitzuak emateko beharrezkoak diren agiriak zehaztu eta aztertu ditu.
e) Zerbitzuak kudeatu eta erreserbatzeko aplikazio informatikoak erabili ditu.
4. Ekitaldien merkatua identifikatzen du, eta horien tipologia eta horien zerbitzu adierazgarrienak aztertzen ditu.
Ebaluazio irizpideak:
a) Hainbat motatako ekitaldiak deskribatu eta zehaztu ditu, baita egintzen tipologia ere.
b) Ekitaldiak garatzeko beharrezkoa den eskaintza turistikoa aztertu du.
c) Ekitaldietan eskatu ohi diren zerbitzu motak zerrendatu eta zehaztu ditu.
d) Ekitaldiak erakartzearekin lotzen diren organismoen eta enpresa publiko eta pribatuen tipologia eta eginkizunak identifikatu eta aztertu ditu.
e) Ekitaldiak egiten laguntzen duten babesleen eta entitate laguntzaileen eginkizuna deskribatu du.
f) Ekitaldien gaur egungo merkatua aztertu du, baita izan dezakeen bilakaera ere.
g) Ekitaldiek helmuga turistiko espezializatuetan sortzen duten eragin ekonomiko eta soziala aztertu du.
h) Informazioa bilatzeko hainbat sistema informatiko aplikatu ditu.
5. Hainbat motatako ekitaldiak antolatzen ditu, eta horien plangintzaren, programazioaren eta zuzendaritzaren ezaugarriak ezartzen ditu.
Ebaluazio irizpideak:
a) Ekitaldien proiektuak lantzeko metodologia zehaztu du.
b) Ekitaldiko antolatzailearen eta kontratatzailearen eginkizunak zehaztu ditu.
c) Ekitaldi motaren arabera beharrezkoak diren giza baliabideak, tresneria teknikoa eta materiala aurreikusi ditu.
d) Antolatu beharreko egintzaren araberako zerbitzu-hornitzaileak eta langileak hautatu ditu.
e) Zerbitzuen arabera banakatutako aurrekontuak landu ditu eta prezioa, kostuak eta irabazi-marjina kalkulatu ditu.
f) Zerbitzuak hornitzaileekin, laguntza-langileekin eta bezeroekin koordinatu ditu.
g) Espazio eta lokal itxietako larrialdi kasuetan aurreikusten diren segurtasun neurriak kontuan izan ditu.
h) Dokumentuen kudeaketarako ezarri diren protokoloak jarraitu ditu.
i) Bezeroarekiko arretarekin eta kalitatearen kudeaketarekin lotzen diren alderdiak kontuan hartu ditu.
6. Hainbat motatako ekitaldiak ikuskatzen ditu, zerbitzu ematea koordinatuz eta kontrolatuz.
Ebaluazio irizpideak:
a) Giza baliabideak koordinatu ditu ekitaldiaren barruan, eta eginkizunak eta kokalekuak esleitu ditu.
b) Tresneriaren, altzarien eta beste elementu batzuen kokalekua eta antolamendua ikuskatu ditu.
c) Tresneria teknikoaren funtzionamendua egiaztatu du.
d) Ekitaldiaren dokumentazioa kudeatu du: karpetak, kredentzialak eta abar.
e) Bertaratuei, instalazioei eta xede horrekin erabilitako objektuei dagozkien protokolo arauak ezagutu ditu.
f) Publizitate euskarriak eta horien kokalekua definitu eta zehaztu ditu ekitaldia garatzean.
g) Harreran, ekitaldiaren barruan eta ekitaldia amaitzean bezeroarekiko arretarako prozedurak identifikatu ditu.
h) Mota horretako egintzetan laguntzako langileek izan behar dituzten jarrerak kontuan hartu ditu.
i) Zerbitzuaren faktura egiteko eta hornitzaileei eta kontratatutako langileei ordaintzeko prozedura aplikatu du.
j) Bezeroarekiko arretarekin eta kalitatearen kudeaketarekin lotzen diren alderdiak kontuan hartu ditu.
Edukiak.
Bidaia konbinatuak aztertzea.
-Bidaia konbinatuak. Kontzeptua. Tipologia eta araudia.
-Bidaia konbinatuen elementuak.
-Bidaia konbinatuen programa. Bidaia konbinatuen kontratua. Baldintza orokorrak. Aseguruak.
-Bitartekariak. Tipologia. Bidaia konbinatuen antolatzaileen eginkizunak eta horiekiko harremanak.
-Antolatzailearen, txikizkariaren eta zerbitzu-hornitzaileen arteko lanbide harremanak.
-Lankidetza hitzarmenak, negoziazioa eta ordainketa moduak.
-Agentzia hartzaileak eta korrespontsalak.
-Bidaia konbinatuen merkatua. Produktu mota horren joerak eta aurreikuspena.
Bidaia konbinatuen diseinua eta kotizazioa.
-Bidaia konbinatua diseinatu aurretik egin beharreko merkatu-ikerketaren teknikak aplikatzea.
-Bidaia konbinatua diseinatzea. Osagaiak. Azterketaren, programazioaren, merkaturatzearen, eragiketaren eta sekuentziazioaren faseak.
-Hornitzaileak hautatzea. Negoziazioa. Irizpideak.
-Zerbitzuen kotizazioa.
-Prezioaren osagaiak.
-Tarifak eta baldintza bereziak, deskontuak, doakotasunak eta beste batzuk.
-Zergak eta tasak.
-Kostuak. Irabazi-marjina eta puntu geldia.
-Amaierako salmenta prezioaren kalkulua.
-Pasaporteak eta bisak.
-Bidaia konbinatuen diseinuaren eta kotizazioaren ondoriozko dokumentazioa.
-Merkaturatzea. Euskarriak.
-Kalitatea bidaia konbinatuetan.
-Aplikazio informatikoak.
Bidaia konbinatuen eta zerbitzu-emaileen arteko koordinazioa.
-Turismoko zerbitzuak kudeatu eta erreserbatzeko berariazko aplikazio informatikoak.
-Bidaia konbinatuen eragiketa eta erreserba. Prozesuak.
-Garraioa, ostatua eta beste zerbitzu osagarri batzuk antolatu eta erreserbatzea.
-Agentzia hartzaileekin koordinatzea.
-Dokumentazioa: mota, helburua eta ematea.
-Fakturazioa. Ordaintzeko moduak.
Ekitaldien merkatua identifikatzea.
-Ekitaldiak. Tipologia. Kontzeptua eta eginkizuna. Ezaugarriak.
-Parte-hartzaileak. Laguntzaileak. Gizarte programa.
-Ekitaldiak garatzeko beharrezkoa den turismo eskaintza. Gutxieneko baldintzak.
-Ekitaldi moten arabera eskatzen diren zerbitzuak.
-Ekitaldiak erakartzea: esku hartzen duten erakunde eta enpresa publiko eta pribatuak. OPC. Convention Bureau.
-Babesleak eta entitate laguntzaileak.
-Gaur egungo merkatua eta sektoreak izan dezakeen bilakaera. Eragin ekonomiko eta soziala helmugetan. Eragina Nafarroan.
-Informaziorako aplikazio informatikoak.
Ekitaldiak antolatzea.
-Proiektua: Diseinua. Faseak. Aurre-ekitaldia. Ekitaldian zehar eta ekitaldiaren ondoren. Garapenerako metodologia. Programak prestatzea.
-Ekitaldiak antolatzeko giza baliabideak eta baliabide tekniko eta materialak. Ekipamenduak.
-Dokumentazioaren formalizazioa.
-Kostuak kalkulatzea: aurrekontuak, balorazioa eta irabazi-marjina.
-Bezeroen eta ekitaldiaren antolatzailearen arteko koordinazioa.
-Segurtasun plana.
-Ekitaldiaren dokumentazioa kudeatzea. Dokumentazio turistiko osagarria.
-Ekitaldien kudeaketarako aplikazio informatikoak.
Ekitaldiak gainbegiratzea.
-Koordinazioa eta kontrola ekitaldian zehar.
-Langileak. Eginkizunak eta kokalekua.
-Tresneria teknikoa, altzariak eta askotariko materiala.
-Ekitaldiaren dokumentazioa: karpetak, kredentzialak eta abar.
-Protokolo arauak aplikatzea hainbat ekitaldi motatan.
Publizitate eta informazio euskarriak ekitaldietan.
-Harrera egitea, ekitaldian zehar arreta ematea eta agurtzea. Prozedura.
-Likidazioa. Bezeroentzako fakturazioa. Zerbitzu-hornitzaileei eta kontratatutako langileei ordaintzea.
-Ekitaldietako zerbitzuen kalitatea.
Orientabide didaktikoak.
Modulu honek bidaia konbinatuak kudeatzeko eta ekitaldiak antolatzeko beharrezkoa den prestakuntza ematen du. Prestakuntza honek ikasleei beharrezkoak diren trebetasunak ematen dizkie bi produktu mota horien kudeaketa integrala egiteko, horien elementu eta ezaugarrien identifikaziotik abiatuta, oinarrizkoak baitira diseinurako, antolaketarako, merkaturatzea egiteko, eta abar.
Eginkizun horri lotutako lanbide jarduerak arlo teknikoetan eta/edo produktuen arloetan aplikatzen dira, batez ere agentzia handizkarietan, agentzia handizkari-txikizkarietan eta, halaber, bidaia konbinatuak prestatzen eta merkaturatzen dituzten agentzia txikizkarietan. Era berean, modulu horri lotutako eginkizunak enpresen eta antolakundeen pizgarrietarako bidaietan espezialistak diren agentziek garatzen dituzte.
Modulu honetan, zenbait turismo produkturen kudeaketako funtsezko alderdiak biltzen dituzten trebetasunak garatzen dira:
-Bidaia konbinatuak zehaztu, diseinatu, antolatu eta kotizatzea.
-Bidaia konbinatuak merkaturatu eta banatzea.
-Merkatuak ikertzea.
-Produktua sortzea, oporretako eta negozio edo bileretako kontsumitzailearen joera eta ohitura berriak kontuan harturik.
-Zenbait eratako ekitaldiak identifikatzea.
-Ekitaldiak antolatu eta garatzea eta fase guztiak kontrolatzea.
Modulua bukatutakoan, ikasleek gai izan behar dute bidaia konbinatuen eta zenbait eratako ekitaldien kontsumitzaileei buruz beharrezkoa den informazioa identifikatu eta hautatzeko, baita sektorearen bilakaera ikusteko ere, negozio aukerak ezagutzeko ikerketa teknika egokiak aplikatuz.
Halaber, ikasleek gai izan behar dute, alde batetik, zerbitzu-hornitzaileei, kalitate estandarrei, merkatuko prezioei eta bezeroen eskaerari buruzko informazioa identifikatu eta aztertzeko, bidaia konbinatuak eta ekitaldiak programatu eta eskaintzeko ezarrita dauden prozedurak eta araudia aplikatuz, eta, bestetik, gai izan behar dute bileren merkatuari eta bezeroen eskaerari buruzko informazioa aztertzeko, biltzarretarako, azoketarako eta beste ekitaldi batzuetarako zerbitzuak programatu eta eskaintzeko koordinazio beharrak eta baliabide berekiak eta besterenak zehaztuz.
Bestalde, gai izan behar dute tarifak aplikatzeko, kotizatzeko eta aldagai ekonomikoak zein kalitatekoak baloratzeko, marketinaren tresnak eta estrategiak aztertzeko (faseak eta aplikazioak ezagutuz sustapen, komunikazio eta banaketa programak proposatzeko), bai eta bezeroen behar, motibazio eta asmoak identifikatzeko ere. Orobat, bidaia konbinatuak eta ekitaldiak prestatzeko dokumentazioa erabili beharko dute, indarra duen araudiaren barnean.
Azken batean, beharrezkoa den ezagutza lortu behar dute bezeroari aholkuak eman ahal izateko eta bidaia konbinatuen eta ekitaldien kudeaketako fase guztietan esku hartzen duten elementuak eta baliabideak kontrolatu eta koordinatzeko, horretarako egokiak diren aplikazio informatikoak erabiliz. Prozesu honetan, garrantzizkoa da jarrera positiboak garatzea, partaidetza, errespetua, tolerantzia eta pertsonen arteko aukera berdintasuna baloratuz.
Turismoko produktuen kudeaketa izeneko modulu hau teoriko-praktikoa denez, komenigarria litzateke ikasgelan baliabide informatikoak izatea, ikasleek eskura izan ditzaten moduluko edukien gaineko informazio iturri azkar eta eguneratuak, eta lana xede orokorreko aplikazio informatikoak erabiliz antolatu eta planifika dezaten.
Proposatu den edukien sekuentziazioari dagokionez, bidaia konbinatuetako edukien eta ekitaldietako edukien bereizketak zehazten du, mota desberdinetakoak baitira.
Oinarrizko edukien atalean azaldutakoaren arabera, sei ataletan antolatuta daude:
-Bidaia konbinatuak aztertzea.
-Bidaia konbinatuen diseinua eta kotizazioa.
-Bidaia konbinatuen eta zerbitzu-emaileen arteko koordinazioa.
-Ekitaldien merkatua identifikatzea.
-Ekitaldiak antolatzea.
-Ekitaldiak gainbegiratzea.
Irakaskuntza-ikaskuntza sisteman komenigarria da bi atal bereiztea; bata, era desberdinetako bidaia konbinatuak planifikatu eta prestatzeko metodologia aplikatzeari buruzkoa da, eta, bestea, proiektuak, aurrekontuak eta egintzen diseinua eginez ekitaldiak antolatzeari buruzkoa.
I. multzoa: Bidaia konbinatuak.
II. multzoa: Ekitaldiak antolatzea.
I. multzoari dagokionez, sekuentzia logikoa mantentzen da; lehenik, bidaia konbinatuen azterketa, era horretako bidaiak agentzietan kudeatu eta saltzen diren turismo produktuetako bat baitira (kontzeptualizazioa, tipologia, ezaugarriak, etab.), eta, bigarrenik, ateratzen diren elementu eta erlazio guztien balorazioa, diseinu integralarekin eta kotizazioarekin jarraitzeko; eta, azkenik, bidaia konbinatuen eta zerbitzu-emaileen arteko koordinazioa.
II. multzoari dagokionez, ekitaldien merkatua (tipologia) identifikatu eta ezagutuz has daiteke, batez ere biltzarren eta negozio bileren merkatua, gero horien elementuen antolaketarekin eta konfigurazioarekin jarrai daiteke eta prozesu guztiaren gainbegiraketarekin bukatu.
Eduki horiek lan unitatetan antolatuko dira; lan unitate bakoitzak berez zentzua izanen du, eta helburuak, irakaskuntza-ikaskuntzako jarduerak eta ebaluazioa zehaztea ahalbidetuko du. Lan unitateen multzoak moduluko ikaskuntzaren bitartez emaitza egokiak lortzea ahalbidetu behar du.
Modulu honetan planteatutako helburuak nahi bezala lor daitezen, zenbait jarduera egitea proposatzen da, besteak beste:
-Ikasle talde batek informazio zehatz bati buruz egindako ikerketen emaitzak aurkeztea ikasgelako gainerakoei, aurkezpena egiteko teknologia egokiak erabiliz.
-Helmuga zehatz baterako bidaia konbinatuen antolaketari buruzko ikerketa proiektu txikiak egitea.
-Nafarroan ekitaldi zehatz baten kudeaketa proiektu bat egitea, eta emaitzak ikasgelan aurkeztea.
Modulua garatzeko erabiliko diren baliabide osagarrien oinarri gisa, askotariko estrategiak aplikatu behar lirateke ikasleei beren jakintza etengabe eguneratzeko eta gauza berriak ikasteko gogoa piztu dakien, hala nola:
-Enpresa berritzaileak, ikerketa proiektuak, dokumentazio fitxak, bideoak eta aurkezpen informatikoak aztertzea.
-Ekitaldiak egiten direneko instalazioak bisitatzea.
-Gaurkotasun turistikoa berrikusi eta aztertzea bidaia konbinatuei eta ekitaldien merkatuari dagokienez.
-Jardunean dauden profesionalen ponentziak, bidaia konbinatuen eta ekitaldien merkatuko joerak azalduko dituztenak, bereziki Nafarroakoak.
Modulu honek Bidaia Agentzietako eta Ekitaldien Kudeaketako goi mailako teknikariaren curriculumeko gainerakoekin duen loturari dagokionez, komenigarria litzateke adieraztea Turismoko produktuen kudeaketa izeneko moduluko edukiek lotura estua dutela beste modulu batzuetako edukiekin, bereziki hauekin: Turismoko zerbitzuen salmenta eta Protokoloa eta harreman publikoak.
Bukatzeko, aipatu behar da lanbide honetarako garrantzizkoenak diren zeharkako gaiekin lan egiten ahalegindu beharko dela, hala nola: berdintasunerako hezkuntza, gizalegea, tolerantzia, elkartasuna, laguntasuna, hizkera ez sexista, ingurumena errespetatu eta zaintzea, etab.
Lanbide modulua: Turismoko zerbitzuen salmenta.
Kodea: 0398.
Baliokidetasuna, ECTS kreditutan: 8.
Iraupena: 110 ordu.
Ikaskuntzaren emaitzak eta ebaluazio irizpideak.
1. Bidaia agentzietako hainbat zerbitzu mota zerrendatzen ditu eta berauek osatzen dituzten elementuak aztertzen eta zehazten ditu.
Ebaluazio irizpideak:
a) Bidaia agentzietan sal daitezkeen garraiatzeko moduak identifikatu eta zehaztu ditu.
b) Garraio-hornitzaile nagusiak identifikatu ditu, baita eskaintzen dituzten produktuak eta zerbitzuak ere.
c) Zerbitzuaren tarifa eta baldintza nagusiak aztertu ditu, baita aplikatzen zaizkien tasak eta zergak ere.
d) Hainbat garraiobidetan pertsonak garraiatzeari aplika dakiokeen araudia interpretatu du.
e) Turismoko ostatuetan eskaintzen dituzten zerbitzuak/produktuak eta aplikatzen dituzten tarifak identifikatu eta zehaztu ditu.
f) Turismoko ostatuak erregulatzeko oinarrizko araudia interpretatu du.
g) Bidaia konbinatuen salmenta zehaztu du, baita merkatuko hornitzaile eta produktu nagusiak ere.
h) Bidaia agentzietan sal daitezkeen beste zerbitzu batzuk eta horien tarifak eta baldintzak zehaztu ditu.
i) Banaketarako sistema orokor nagusiak ezagutu ditu.
j) Internet bidezko turismo zerbitzuen salmenta eta bidaia agentzia birtualen eginkizuna aztertu ditu.
2. Salmenta teknikak aplikatzen ditu eta horien ezaugarriak, prozedurak eta sekuentziazioa identifikatzen ditu.
Ebaluazio irizpideak:
a) Bezero tipologiak ezagutu ditu, baita turismoko zerbitzuak erostean dituzten beharrak eta motibazioak ere.
b) Bidaia agentzietako salmenta tekniken oinarrizko printzipioak identifikatu ditu.
c) Bidaia agentzietako zerbitzuen/produktuen salmentaren etapetako prozesuak ezagutu ditu.
d) Negoziazio prozesua deskribatu du eta teknika egokiak aplikatu ditu.
e) Telefono bidezko salmentarako metodoak ezagutu ditu.
f) Salmenta tekniken aplikazioa baloratu du, bidaia agentzietako merkataritza-kudeaketako tresna gisa.
3. Zerbitzuen salmenta egiten du eta salmentarekin lotzen diren prozedurak zehaztu eta aplikatzen ditu.
Ebaluazio irizpideak.
a) Bidaia agentzietako zerbitzuen/produktuen salmentan erabiltzen diren informazio iturriak identifikatu eta zehaztu ditu.
b) Zerbitzuei/produktuei, horien berariazko baldintzei, tarifei eta helmugei buruzko informazioa lortu du.
c) Bezeroei aholkuak eman dizkie produktuaren/zerbitzuaren edo helmugaren alderdi orokorrei eta berariazkoei buruz.
d) Turismoko zerbitzuak erreserbatzeko eta berresteko prozesuak zehaztu eta aplikatu ditu.
e) Berresten ez den kasuetako prozedura deskribatu du, eta beste aukera batzuk eskaini ditu.
f) Dokumentazioa betetzeko eta artxibatzeko ezarritako prozedurari jarraitu dio.
g) Indarra duen araudia identifikatu eta aplikatu du.
h) Erreserbak kudeatzeko sistema informatikoak, terminalak eta banaketarako sistema orokorrak aplikatu ditu.
i) Bidaia agentzietako bezeroentzako arreta zerbitzuaren kalitatearen parametroak identifikatu ditu.
j) Bidaia agentzietako zerbitzuen salmentarako berariazko komunikazio teknikak eta bezeroentzako arretako teknikak aplikatu ditu.
4. Itxierako eta salmenta osteko eragiketak egiten ditu, prozedura estandarizatuak deskribatuz eta aplikatuz.
Ebaluazio irizpideak:
a) Agentziek zerbitzu-emaileentzat luzatutako dokumentu mota desberdinak zehaztu ditu.
b) Turismoko zerbitzuak/produktuak saltzeari dagokion dokumentazioa kudeatu eta luzatu du.
c) Zerbitzuak fakturatzeko eta horiekin lotutako dokumentazioa luzatzeko prozedura formalizatu du.
d) Zerbitzuak kobratzeko hainbat sistema eta forma zehaztu ditu.
e) Kreditu-politikan eragina duten aldagaiak ezagutu ditu, balizko arriskuak kontuan izanik.
f) Ezereztatzeak kudeatzeko prozedura identifikatu du, indarra duen araudia kontuan izanik.
g) Bidaiaren edo zerbitzuaren aurreko informazioak/jarraibideak zehaztu ditu.
h) Salmenta osteko prozesuak eta bezeroak leial egiteko prozesuak identifikatu ditu.
i) Dokumentazioa luzatzeko sistema informatikoak, terminalak eta banaketarako sistema orokorrak aplikatu ditu.
Oinarrizko edukiak.
Bidaia agentzietako zerbitzuen tipologia.
-Garraioaren salmentako bitartekaritza.
-Aireko, lurreko eta itsasoko garraioaren tipologia eta ezaugarriak.
-Hornitzaileak. Eskaintzen dituzten produktu eta zerbitzuak.
-Tarifa nagusiak. Garraioaren baldintzak.
-Kostu baxuaren ("low cost") kontzeptua, jatorria eta bilakaera.
-Garraioari buruz indarra duen araudia.
-Erabiltzaileen eta garraiolarien eskubideak eta betebeharrak.
-Turismoko ostatuaren salmentako bitartekaritza.
-Tipologia. Eskaintzen dituzten produktu eta zerbitzuak. Tarifak.
-Indarra duen araudia. Legezko sailkapena Nafarroako Foru Komunitatean eta beste autonomia erkidego batzuetan.
-Bidaia konbinatuen salmentako bitartekaritza. Produktu eta hornitzaile nagusiak.
-Turismoko beste zerbitzu batzuen salmentako bitartekaritza. Identifikazioa. Ezaugarriak, tarifak eta baldintzak. Bidaia aseguruak. Baldintzak. Kontratuak.
-Bitartekaritza jatetxe arloan. Identifikazioa. Ezaugarriak, tarifak eta baldintzak.
-Hornitzaileak. Hautaketa. Sailen araberako egitura.
-Bakarkako bezeroentzako, enpresentzako, taldeentzako eta beste kolektibo batzuentzako proposamenak prestatzea.
-Banaketarako sistema orokorrak. Sistema informatikoak, hornitzaileetarako sarbidea.
-Internet bidezko salmenta. Agentzia birtualak. Web 2.0. Sare sozialak.
Saltzeko tekniken aplikazioa.
-Bezeroa. Tipologia. Erosteko beharrak eta arrazoiak.
-Saltzeko teknikak. Oinarrizko printzipioak. Etapak.
-Gorputzaren lengoaia.
-Bezeroarengan konfiantza sortzea.
-Bezeroaren behar eta nahiak ikertzea.
-Produktuaren/zerbitzuaren aurkezpena.
-Negoziazioa. Prozesua eta teknikak. Estrategia berriak.
-Telefono bidezko salmenta. Salmenta osteko zerbitzua, balio erantsia.
-Salmenta tekniken garrantzia baloratzea bidaia agentzietako merkataritza-kudeaketan.
Zerbitzuen salmenta.
-Bidaia agentzietan zerbitzuak saltzeko informazio iturriak. Tipologia eta erabilera.
-Zerbitzuei/produktuei eta helmugei buruzko informazioa eta aholkularitza.
-Salmentako prozedura.
-Zerbitzu eskaria.
-Produktuen/zerbitzuen erreserba. Erreserba sistemak.
-Erreserbaren egoerak. Zerbitzuak berrestea. Ez berrestea. Alternatibak. Itxaron zerrenda. Aldaketak.
-Salmentaren formalizazioa. Gordailua.
-Datuen erregistroa. Dokumentu euskarriak. Erabiltzeko eta artxibatzeko prozedura.
-Indarra duen araudia.
-Ekipo informatikoak, terminalak eta GDS. Produktuaren kanpo kudeaketaren sistema informatikoak, "front office".
-Bidaia agentzietako zerbitzu salmentaren kalitatea.
Itxierako eta salmenta osteko eragiketak.
-Zerbitzuak emateko dokumentuak. Tipologia.
-Dokumentuak emateko prozedura: bonuak, txartelak, bidaia-txartelak eta garraio tituluak. Erreserba zenbakiak.
-Zerbitzuen dokumentazioa bezeroari ematea.
-Fakturatzeko prozedura.
-Salmentako dokumentuak. Tipologia. Eginkizunak.
-Zerbitzuak kobratzeko sistemak eta moduak. Kreditu-politikak.
-Ezerezteak. Prozedura. Araudia aplikatzea.
-Zerbitzuaren/bidaiaren aurreko jarraibideak. Informazioa eta aholkularitza.
-Salmenta osteko prozesuak eta balorazioa, merkataritzaren eta leialtasuna bilatzearen ikuspegitik.
-Aplikazio informatikoak, terminalak eta GDS. Produktuaren kanpo kudeaketarako sistema informatikoak, "front office", eta barne kudeaketarako sistemaren hastapena, "back office".
Orientabide didaktikoak.
Lanbide modulu honek bidaia agentzietan turismoko zerbitzu eta produktuak saltzeko lanetan beharrezkoa den prestakuntza ematen du.
Prestakuntza honek ikasleei beharrezkoak diren trebetasunak ematen dizkie bidaia agentzietan eskaintzen diren turismoko produktu eta zerbitzu ugarien salmentarako prozesu osoa gauzatzeko, horretarako behar diren aplikazio informatikoak erabiliz.
Produktu eta zerbitzu ugari horien artean: hegazkin txartelak, lurreko garraioetako txartelak, hala nola trenetakoak edo ibilgailuen alokairua, itsasoko garraioetako txartelak, hala nola itsas-bidaiak, itsasoko linea erregularrak eta itsasontzien alokairua; halaber, hoteletako eta hoteletatik kanpoko ostatu mota guztiak, bidaia aseguruak, bisitaldiak, txangoak, zenbait ikuskizun eta ekitalditarako sarrerak, zerbitzu programatuak, bezeroaren neurrira egindako zerbitzuak, bidaia konbinatuak, etab., bai bakarkako bezeroentzat bai taldeentzat, negozioak, oporrak eta bestelako arrazoiak direla-eta egiten dituztenean bidaiak.
Eginkizun horri lotutako lanbide jarduerak zerbitzu salmentako, informazioko eta bezeroarekiko arretako prozesuetan aplikatzen dira, bidaia agentzia txikizkarietan eta handizkari-txikizkarietan. Jarduera horietan funtsezkoak dira trebetasun hauek:
-Zerbitzu-hornitzaileen turismoko zerbitzu eta produktuei buruzko informazioa eta aholkuak ematea, baita bidaia bat egiteko asmoa dagoenean bezeroarentzat interesa duena ere.
-Turismoko zerbitzuen hornitzaileen tarifak, baldintzak eta ezaugarriak aztertzea.
-Turismoko zerbitzu eta produktuak erreserbatzea. Berrestea eta berresten ez den kasurako alternatibak, salmenta, fakturazioa eta salmenta osteko zerbitzua.
-Turismoko zerbitzuak erreserbatzearen eta saltzearen ondoriozko administrazio prozesuak kudeatzea.
-Teknologia berriak eta bidaia agentzietako kanpo eta barne kudeaketarako berariazko aplikazio informatikoak aplikatzea, bai eta banaketako sistema orokorrak eta terminalak eta zerbitzu-hornitzaileen programak eta ofimatika ere.
-Salmentako eta salmenta osteko teknikak aztertzea, eta bezeroenganako arreta eta haien leialtasuna bilatzea, balio erantsi gisa.
Modulua bukatutakoan, ikasleak gai izan behar du, lehenik, honako hauen gaineko informazioa identifikatu, hautatu eta aztertzeko: garraio zerbitzuen, ostatuen eta beste turismo produktu batzuen hornitzaileak, merkatuko prezioak eta bezeroen eskaria, turismoko produktu eta zerbitzu konplexuak programatu eta eskaintzeko ezarrita dauden prozedurak eta araudi indarduna aplikatuz, bai eta aldagai ekonomikoak eta kalitatekoak baloratzeko ere, hornitzaile egokienak hautatzeko metodoak aplikatuz, kontsumitzaileen beharrak, motibazioak eta nahiak identifikatuz bezeroari aholkuak eman eta aukerarik onena proposatzeko, salmenta haren gogoa betez gauzatzen ahaleginduta betiere. Bigarrenik, gai izan behar du aplikazio informatikoak zehazteko eta batik bat kanpokoa den kudeaketarako sistema informatikoa erabiltzeko, jardueran ohikoak diren produktu eta zerbitzuen erreserbak egin ahal izateko. Hirugarrenik, gai izan behar du fakturazioko eta administrazioko oinarrizko lanak IKTak erabiliz egiteko, ematen diren zerbitzuen eraginkortasuna handitzeko erabilgarriak direla kontuan izanik.
Modulu hau teoriko-praktikoa da, nahiz eta alde praktikoa den nagusi. Horrenbestez, funtsezkoa da ikasgelan baliabide informatikoak izatea, ikasleek eskura izan ditzaten moduluko edukien gaineko informazio iturri azkar eta eguneratuak, eta bereziki kanpo eta barneko kudeaketa sistemari buruzkoak.
Egokientzat proposatzen den edukien sekuentziazioa oinarrizko edukien atalean ezarritako ordena bera da. Oinarrizko edukiak lau ataletan antolaturik daude:
-Bidaia agentzietako zerbitzuen tipologia.
-Saltzeko tekniken aplikazioa.
-Zerbitzuen salmenta.
-Itxierako eta salmenta osteko eragiketak.
Irakaskuntza-ikaskuntza sistematikoa eta ordenatua izan dadin, atal horiek hiru multzotan banatzea proposatzen da:
I. multzoa: Bidaia agentzietako zerbitzuen tipologia.
II. multzoa: Saltzeko tekniken aplikazioa.
III. multzoa. Zerbitzuen salmenta. Itxierako eta salmenta osteko eragiketak.
I. multzoko edukia bidaia agentzietan eskaintzen diren zerbitzu motei buruzko da. Multzo hau III. multzoaren (batez ere praktikoa denaren) oinarri teorikoa da, eta zerbitzuen salmentaren kudeaketa lantzen da, hau da, produktu eta zerbitzuen erreserbak eta kudeaketa horren ondoriozko ekintzak eta eragiketak, administratiboak barne. II. multzoari dagokionez, horren edukia saltzeko teknikei eta bezeroarekiko komunikazioari lotuta dago. Nahiz eta hiru multzoak lotuta egon, gomendatzen den irakaskuntza-ikaskuntzaren ordena honako hau da: I. multzoa, II. multzoa, III. multzoa, edo, bestela, I. multzoa, III. multzoa, II. multzoa.
Eduki horiek lan unitatetan antolatuko dira; lan unitate bakoitzak berez zentzua izanen du, eta helburuak, irakaskuntza-ikaskuntzako jarduerak eta ebaluazioa zehaztea ahalbidetuko du. Lan unitateen multzoak moduluko ikaskuntzaren bitartez emaitza egokiak lortzea ahalbidetu behar du.
Modulu honetan planteatutako helburuak nahi bezala lor daitezen, zenbait jarduera egitea proposatzen da, oinarrizko printzipioak kontuan harturik:
-Komunikazioko teknologia informatikoen erabilera sustatzea, horiek erabiltzea beharrezkoa den jardueretan.
-Gaien zenbait eduki eguneratzea beharrezkoa dela erakustea (estatistikak, eskariaren eta eskaintzaren joerak, etab.).
-Ikasleek arlo honetan landutako ezagutza orokorrak lan eginen duten autonomia erkidegoari, probintziari edo herriari egokitzea.
-Informazioa bilatzea informazio iturri fidagarriak erabiliz eta egokiena, eguneratuena eta egiatiena bereizi eta hautatuz.
-Gaurkotasun handiko komunikabideen irakurketak egitea, ikasleak inguruan duten munduko errealitatearekin lotzeko.
-Enpresa eta ideia berritzaileei buruzko informazioa ematea, ikasleen sormena sustatzeko.
-Modulua garatzeko erabiliko diren baliabide osagarrien oinarri gisa, askotariko estrategiak aplikatu behar lirateke ikasleei beren jakintza etengabe eguneratzeko eta gauza berriak ikasteko gogoa piztu dakien.
Modulua garatzeko erabiliko diren baliabide osagarrien oinarri gisa, askotariko estrategiak aplikatu behar lirateke ikasleei beren jakintza etengabe eguneratzeko eta gauza berriak ikasteko gogoa piztu dakien, hala nola:
-Bidaia agentzietan eta/edo erreserben zentralean bisitaldiak egitea.
-Garraioko hornitzaileak eta azpiegiturak bisitatzea.
-Ikerketa proiektuak, dokumentazio fitxak, proposamen pedagogikoak, bideoak eta aurkezpen informatikoak aztertzea.
-Turismoko liburuxkak aztertu eta irakurtzea, baita komunikabide espezializatuetako artikuluak ere.
-Jardunean dauden profesionalen ponentziak, produktuen eta zerbitzuen salmentari buruzko ikuspegi orokorra emanen dutenak, bereziki Nafarroari dagokionez.
Modulu honek Bidaia Agentzietako eta Ekitaldien Kudeaketako goi mailako teknikariaren curriculumeko gainerakoekin duen loturari dagokionez, komenigarria litzateke adieraztea lotura handia dagoela, honako hauekin bereziki: Turismoko produktuen kudeaketa, Bitartekaritzako entitateen zuzendaritza eta Ingeleseko eta Frantseseko moduluak. Azkenik, saltzeko teknikak gutxienez ere atzerriko bi hizkuntzatan (ingelesa eta frantsesa) aplikatzeko trebetasuna garatuko da. Iradokitzen da, gainera, modulu hau ingelesez ematea, irakasbide den hizkuntza gisa.
Bukatzeko, aipatu behar da lanbide honetarako garrantzizkoenak diren zeharkako gaiekin lan egiten ahalegindu beharko dela, hala nola: berdintasunerako hezkuntza, gizalegea, tolerantzia, elkartasuna, laguntasuna, hizkera ez sexista, ingurumena errespetatu eta zaintzea, etab.
Lanbide modulua: Turismo bitartekaritzako entitateen zuzendaritza.
Kodea: 0399.
Baliokidetasuna, ECTS kreditutan: 8.
Iraupena: 90 ordu.
Ikaskuntzaren emaitzak eta ebaluazio irizpideak.
1. Turismo zerbitzuetako bitartekaritzako entitateak zehazten ditu, eta horien eginkizunak, sailkapenak eta aplikatzekoa den araudia identifikatzen ditu.
Ebaluazio irizpideak:
a) Turismoko zerbitzuen eta produktuen bitartekaritzako entitateen kontzeptua identifikatu du.
b) Sektoreak jardueraren hasieratik izan duen bilakaera deskribatu du.
c) Bidaia agentziak indarra duen araudiaren arabera sailkatu ditu eta haien eginkizunak zehaztu ditu.
d) Funtzionamendurako berariazko eskakizunak aztertu ditu.
e) Beste mota bateko bidaia agentziak zehaztu ditu, horien espezializazioari eta eskaintzen dituzten zerbitzuei erreparatuta.
f) Beste tipologia batzuetako bitartekaritza entitateak identifikatu ditu, zerbitzuen espezializazioaren arabera.
g) Turismo bitartekaritzako entitate mota desberdinen eginkizunak zehaztu ditu.
h) Turismo bitartekaritzako entitateei aplika dakiekeen Europako, Espainiako eta autonomia erkidegoko araudia ezagutu du.
i) Turismo bitartekaritzako profesionalaren jarrerak zehaztu ditu.
j) Turismo zerbitzuetako bitartekaritza jarduera eta horien eginkizunak arautzen dituzten Estatuko eta nazioarteko erakundeak eta elkarteak zeintzuk diren azaldu du.
2. Turismo bitartekaritzako entitateak antolatzen ditu, antolaketaren egiturak eta enpresa plangintzako prozesuak aztertuz.
Ebaluazio irizpideak:
a) Turismo bitartekaritzaren sektoreko enpresa- antolaketaren kontzeptua definitu du, baita mota horretako antolaketak zuzendu behar dituzten printzipioak ere.
b) Sektoreko enpresek izaten dituzten enpresa-antolaketa motak eta sistemak deskribatu ditu.
c) Turismo bitartekaritzako enpresek izaten dituzten antolaketa egiturak zehaztu ditu.
d) Arloak eta/edo sailak zehaztu ditu, baita horien artean dauden loturak ere.
e) Organigramak diseinatu ditu, turismo bitartekaritzako enpresen ezaugarriei eta tipologiei erreparatuta.
f) Lanpostuetan bete beharreko eginkizunak, erantzukizunak eta zereginak deskribatu ditu.
g) Enpresa plangintzaren kontzeptua definitu du.
h) Plangintza prozesuaren etapak ezarri ditu.
i) Enpresa-kudeaketako tresna gisa plangintzak duen garrantzia baloratu du.
3. Turismo bitartekaritzako entitateen errentagarritasuna kontrolatzen du, eta prozesu ekonomikoak eta finantzarioak zehazten ditu.
Ebaluazio irizpideak:
a) Turismo bitartekaritzako entitateetako kudeaketa ekonomikoko eta finantzarioko kontzeptua deskribatu du.
b) Ondarearen kontzeptua interpretatu du eta haren elementuak eta ondare-masak identifikatu ditu.
c) Aurrekontuaren kontzeptua eta funtzioa aztertu ditu.
d) Hainbat motatako aurrekontuak sailkatu eta prestatu ditu eta neurri zuzentzaileak aplikatu ditu.
e) Turismo bitartekaritzako enpresen finantza-egitura zehaztu du.
f) Mota horretako enpresen ustiapen kostuak definitu eta sailkatu ditu.
g) Kostuak kalkulatzeko eta egozteko prozedurak aplikatu ditu.
h) Turismo bitartekaritzako enpresen errentagarritasuna aztertu du.
i) Ratioak, irabazi-marjinak eta errentagarritasun-atalasea kalkulatu eta interpretatu ditu.
j) Kudeaketako aplikazio informatikoak erabili ditu.
4. Administrazio kudeaketa egiten du, eta bitartekaritza enpresen prozesuak zehazten ditu.
Ebaluazio irizpideak:
a) Zerbitzu-hornitzaileekiko eta bezeroekiko harremanen ondoriozko turismo bitartekaritzako enpresen administrazio prozesuak identifikatu eta zehaztu ditu.
b) Bezeroen eta hornitzaileen administrazio kudeaketari buruzko dokumentazioa formalizatu du.
c) Araudi fiskala eta bidaia agentzien araubide berezia aztertu ditu.
d) Gertakarien administrazio kudeaketarako prozedura ezagutu du.
e) Kutxako ohiko eragiketak eta banku-entitateekin egin beharrekoak identifikatu eta zehaztu ditu.
f) Barne dokumentuen eta zerbitzu-hornitzaileen hornikuntza, inbentarioa eta kontrola egiteko prozedurak identifikatu ditu.
g) Turismo bitartekaritzako entitateen banaketako eta merkataritzako estrategiak ezagutu ditu.
h) Administrazio eta merkataritzako kudeaketarako sistema informatikoak aplikatu ditu.
5. Giza baliabideak zuzentzen ditu, eta langileak antolatzeko, hautatzeko eta prestatzeko metodoak zehazten ditu.
Ebaluazio irizpideak:
a) Turismo bitartekaritzako enpresa motaren arabera lantaldeak zuzentzeko sistemarik egokienak zehaztu ditu.
b) Langileen txandak, ordutegiak eta oporrak diseinatu eta planifikatu ditu, enpresa motaren arabera eta indarra duen araudia aplikatuz.
c) Hainbat aldagairen araberako langile beharrak kontuan izan ditu (eskari handiagoa, produktu berriak eta abar).
d) Enpresa motaren eta bete beharreko lanpostuaren arabera langileak hautatzeko metodorik egokienak ezarri ditu.
e) Enpresako eskuliburuaren kontzeptua definitu du, eta haren edukia eta funtzioa aztertu ditu.
f) Langileen motibazioarekin lotzen diren estrategiak zehaztu ditu.
g) Turismo bitartekaritzaren esparruko lanbide karreren arloko prestakuntzaren eta garapenaren beharra kontuan hartu du.
6. Turismo bitartekaritzako zerbitzuen kalitatea kudeatzen du eta, horretarako, enpresari hobekien egokitzen zaion kalitate sistema aztertzen, hautatzen eta aplikatzen du.
Ebaluazio irizpideak:
a) Turismo bitartekaritzako enpresen azpisektoreko kalitate kontzeptua eta haren helburuak identifikatu ditu.
b) Kalitate sistemen aplikazioa baloratu du.
c) Arau estandarizatuetan oinarritutako kalitate sistemaren aplikazioa ezagutu du.
d) Kalitate sistema bat ezarri aurreko sistemak zehaztu ditu: langileen prestakuntza eta enpresen antolaketa hobetzeko eta kalitateko taldea.
e) Arloetako eta sailetako prozesuen diseinua eta elaborazioa finkatu ditu.
f) Kalitatea kudeatzeko tresnak zehaztu eta aplikatu ditu (autoebaluazioa, hobekuntzaren plangintza, adierazleen sistemak, inkesta sistemak eta kexen eta iradokizunen sistemak).
g) Kalitatea kudeatzeko sistema aplikatu du.
Edukiak.
Turismo bitartekaritzako entitateen ezaugarriak.
-Bidaia agentziak. Kontzeptua. Bilakaera historikoa. Izaera, jarduera eta legezko sailkapena.
-Funtzionamendurako berariazko betebeharrak.
-Lizentzia lortu eta ezereztea. Sukurtsalak baimentzea.
-Atzerriko bidaia agentziak.
-Bidaia agentzietako fidantzak eta arbitraje-komisioak.
-Bidaia agentzien jarduerak gauzatzea.
-Bidaia agentzietako lanbide jardueren babesa: arau-hausteak eta zehapenak.
-Enpresen joera berriak. Kontzentrazioa.
-Bidaia agentzia espezializatuak. Eskaintzen dituzten zerbitzuak.
-Turismoko zerbitzu eta produktuen bitartekaritzaren eta kudeaketaren beste figura batzuk.
-Erreserben zentralak.
-Turismo zerbitzuen bitartekaritzako jarduerari aplika dakiokeen Europako, Espainiako eta autonomia erkidegoko araudia.
-Lanbide deontologia.
-Tokiko, Estatuko eta nazioarteko erakundeak eta elkarteak.
Turismo bitartekaritzako entitateen antolaketa.
-Turismo bitartekaritzako enpresak. Printzipioak. Berezitasunak. Ingurunea.
-Sistemak eta azpisistemak. Kontzeptuak. Antolaketa motak.
-Antolaketaren egiturak. Koordinazioko mekanismoak.
-Sailak edo arloak. Sailen arteko harremanak.
-Organigramen diseinua. Lanpostuen eta eginkizunen diseinua. Loturen diseinua.
-Plangintza eta enpresa planak. Estrategiak eta politikak. Korporazio arloko eta negozio arloko erabaki estrategikoak.
-Plangintzak enpresen kudeaketan duen garrantzia baloratzea.
Turismo bitartekaritzako entitateetan errentagarritasuna kontrolatzea.
Turismo bitartekaritzako enpresen kudeaketa ekonomiko eta finantzarioaren kontzeptua.
-Ondarea. Kontzeptua. Ondare masak eta elementuak.
-Turismo bitartekaritzako enpresen balantzeak eta emaitzen kontuak aztertzea.
-Turismo bitartekaritzako enpresen diru-sarreren eta gastuen egitura aztertzea.
-Aurrekontuak. Motak. Aurrekontuak egitea. Kontrola, desbideraketak eta neurri zuzentzaileak.
-Finantzaketa. Inbertsioak.
-Kostuak. Motak. Turismo bitartekaritzako enpresen kudeaketaren ondoriozko kostuen kalkulua eta egozpena.
-Errentagarritasuna aztertzea. Ratioak, irabazi-marjina eta errentagarritasun-atalasea kalkulatzea.
-Aurrekontuarena ez den kontrola. Informazio estatistikoa. Txosten eta azterketa bereziak. Barne auditoretza. Inkestak. Behaketa pertsonala.
-Kudeaketa ekonomiko-finantzariorako aplikazio informatikoak.
Administrazio eta merkataritza kudeaketa egitea.
-Zerbitzu-hornitzaileekiko harremanen ondoriozko administrazio prozesuak. Prozedurak. Dokumentuak: likidazioak, fakturen ordainketa, BSP eta beste batzuk.
-BEZa. Kontzeptua. Zerga-tasak. Bidaia agentzien araubide berezia. Araudia.
-Bezeroekiko harremanen ondoriozko administrazio prozesuak. Prozedura. Dokumentuak.
-Kutxetako eta bankuetako kontrola. Bankuetako informazioa aztertzea.
-Ez-ordaintzeen eta itzulketen kudeaketa.
-Biltegiaren kudeaketa. Inbentarioak. Barneko eta kanpoko dokumentuen izakinak kontrolatzea.
-Merkataritza arloko kudeaketa eta banaketarako bideak. Merkataritza politikaren gakoak. Estrategiak. Negozioa biltzeko eta bezeroak, enpresak, taldeak eta beste kolektibo batzuk mantentzeko metodologia.
-Administrazio eta merkataritza arloko kudeaketarako aplikazio informatikoak.
Giza baliabideen zuzendaritza turismo bitartekaritzako entitateetan.
-Lantaldeen zuzendaritza: zuzendaritza sistemak, aginte motak eta lidergoa.
-Langileen antolaketa: txandak, ordutegiak, egutegiak eta beste planifikatzea.
-Plantillak aurreikustea.
-Langileak hautatzea. Metodoak.
-Enpresako eskuliburua. Kontzeptua, edukia eta eginkizuna.
-Motibazioa. Kontzeptua. Produkziorako pizgarrien estrategiak.
-Coaching.
-Prestakuntza. Prestakuntza programak. Lanbide karrerak.
Turismo bitartekaritzako zerbitzuen kalitatea.
-Turismo sektoreko kalitatearen kontzeptua, bilakaera, elementuak eta printzipio zuzentzaileak.
-Turismo bitartekaritzako enpresen azpisektoreko helburu orokorrak.
-Espainiako Kalitate Turistikoa. Q marka.
-Enpresaz kanpoko aholkularitza enpresa baten kalitate kontroleko sistema ezartzea.
-Kalitatea kudeatzeko tresnak erabiltzea: autoebaluazioa, hobekuntzaren plangintza, adierazleen sistemak, inkesta-sistemak, kexen eta iradokizunen sistemak.
Orientabide didaktikoak.
Modulu honek beharrezkoa den prestakuntza ematen du, bidaia agentzietako eta turismo bitartekaritza eta banaketako beste enpresa batzuetako zuzendaritza lana egiteko. Prestakuntza honek enpresa-kudeaketarako beharrezkoak diren ezagutzak eta trebetasunak ematen dizkie ikasleei.
Modulu honekin lotutako lanbide eginkizunek zenbait trebetasun biltzen dituzte, horien artean nabarmen:
-Turismo bitartekaritzako entitateak osatzen dituzten edo horietan esku hartzen duten elementuen arteko erlazioen multzoa diseinatzea.
-Administrazio eta merkataritza arloko kudeaketa egitea.
-Aurrekontu arloko kontrola eta aurrekontu arlokoa ez dena.
-Turismo bitartekaritzako entitateetan errentagarritasuna kontrolatzea.
-Giza baliabideak zuzentzea turismo bitartekaritzako entitateetan; horrek berarekin dakar, besteak beste, antolaketaren egitura eta zenbait lan egiteko eginkizunak zehaztea, langileak motibatzea, lidergoa bere gain hartzea eta barne komunikazioa.
-Turismo bitartekaritzako zerbitzuen kalitatearen barnean bezeroaren gogobetetzea kontrolatzea.
Modulua bukatutakoan ikasleek gai izan behar dute hornitzaileak hautatzeko aldagai ekonomikoak eta kalitatekoak baloratuz, produktu eta zerbitzuak sustatzeko programak prestatzeko, eta banaketarako egokienak diren komunikazio tresnak erabiltzeko marketineko tresnak eta estrategiak aplikatuz. Horretarako, bidaia agentzien eta bitartekaritzako beste enpresa batzuen jarduerak berak sortzen duen barne eta kanpoko dokumentazioa behar bezala erabili beharko dute, bidaiei eta beste zerbitzu batzuei buruzko dokumentazioa luzatzeko zenbait prozedura aplikatuz.
Halaber, ziklo honetako ikasleek bidaia agentzietako eta ekitaldien kudeaketako eginkizun administratiboaren ondoriozko prozesuak eta eragiketak menderatuko dituzte, hala nola, fakturazioa eta likidazioa bezeroekin eta hornitzaileekin, legeen, ekonomiaren eta enpresaren arloko baldintzak identifikatuz.
Gainera, modulu hau egiten dutenek gai izan beharko dute giza baliabideak eta baliabide materialak aztertzeko, honako hauek zehazturik: lanpostuak, langileen eginkizunak eta bidaia agentzietako eta bitartekaritzako beste enpresa batzuetako antolaketaren egiturak ezarri eta sailak administratzeko ekipamendua. Orobat, kudeaketako emaitzak kontrolatuko dituzte. Alde horretatik, gai izanen dira honako hauek zehazteko: kalitate sistemako elementuak, eskuliburuak, prozedurak eta erregistroa, eskaintzari lotutako salmenta osteko jarduketak eta bezeroari arreta ematea bere eskariei eta/edo erreklamazioei erantzuteko, gogobetetzea eta zerbitzuen kalitatea ziurtatuz, horretarako teknikarik egokienak hautaturik.
Modulu honek sustatu behar du ikasleek lidergo gaitasuna garatuko dutela, taldeari helburuak lortzeko lana gogoz egiten lagunduz. Hala, irakasleek jarrera positiboak bultzatuko dituzte, parte-hartzea, errespetua, tolerantzia eta talde lana baloratuz eta, horretarako, eginkizunak eta lanak eskuordetzearen aldeko jarrerak garatuz. Azken batean, bitartekaritza enpresetan zuzendaritza lana eraginkortasunez egiteko ezagutzak eta trebetasunak eskuratzea.
Turismo bitartekaritzako entitateen zuzendaritza izeneko modulu hau teoriko-praktikoa denez, datuen bilaketa eta tratamendua ohikoa izanen da ikasgelako lanean eta, horretarako, komenigarria izanen da ikasgelan baliabide informatikoak izatea, modulu honetako edukiekin lotutako kudeaketa programez horniturik; baita ikasgelako liburutegi bat ere, zenbait informazio iturriz osatua.
Irakaskuntza-ikaskuntza sisteman, egokientzat proposatzen den edukien sekuentziazioa edukien atalean ezarritako ordena bera da. Edukiak sei ataletan antolaturik daude:
-Turismo bitartekaritzako entitateen ezaugarriak.
-Turismo bitartekaritzako entitateen antolaketa.
-Turismo bitartekaritzako entitateetan errentagarritasuna kontrolatzea.
-Administrazio eta merkataritza arloko kudeaketa egitea.
-Giza baliabideen zuzendaritza turismo bitartekaritzako entitateetan.
-Turismo bitartekaritzako zerbitzuen kalitatea.
Modu sistematiko eta antolatuan lantzeko, atal horiek hiru eduki multzotan banatzea proposatzen da:
I. multzoa: Turismo bitartekaritzako entitateen enpresa sistema.
II. multzoa: Giza baliabideen zuzendaritza turismo bitartekaritzako entitateetan.
III. multzoa: Turismo bitartekaritzako zerbitzuen kalitatea.
Multzo bakoitzaren izaera kontuan harturik, I. multzoarekin hastea gomendatzen da, zeinean ikasleek enpresa ikuspegitik zehaztuko baitituzte turismo bitartekaritzako entitateak, haien izaeraren, jardueraren eta legezko sailkapenaren arabera; horren ondoren, arlo ekonomiko-finantzarioa eta merkataritza arloa osatzen dituzten elementuen arteko erlazioen multzoaren antolaketa, kontrol eta kudeaketarekin jarraituko da. II. multzoarekin jarraitzea iradokitzen da. Horren edukiek enpresaren beste arlo edo unitate bat lantzen dute, giza baliabideena. Edukiek honako arlo hauek biltzen dituzte, besteak beste: pertsona taldeen zuzendaritza antolaketa esparru estrategiko batean, zeinean ezagutzek, trebetasunek, motibazioak eta pertsonen beren sormenak zeregin garrantzitsua baitute. Eta, azkenik, III. multzoarekin bukatuko da. Horren edukiak kalitatearen ingurukoak dira, hots, kontzeptua argitzea, bilakaera, helburuak, kalitatea kontrolatzeko sistema baten ezarpena, tresnak erabiltzea, etab.
Eduki horiek lan unitatetan antolatuko dira; lan unitate bakoitzak berez zentzua izanen du, eta helburuak, irakaskuntza-ikaskuntzako jarduerak eta ebaluazioa zehaztea ahalbidetuko du. Lan unitateen multzoak moduluko ikaskuntzaren bitartez emaitza egokiak lortzea ahalbidetu behar du.
Modulua garatzeko erabiliko diren baliabide osagarrien oinarri gisa, askotariko estrategiak aplikatu behar lirateke ikasleei beren jakintza etengabe eguneratzeko eta gauza berriak ikasteko gogoa piztu dakien, hala nola:
-Turismo kudeaketako enpresak bisitatzea, zuzendaritza taldeko langileekin elkartuz.
-Ikerketa proiektuak, dokumentazio fitxak, bideoak eta aurkezpen informatikoak aztertzea.
-Jardunean dauden zuzendaritzako profesionalen ponentziak, bitartekaritza enpresaren eta, bereziki, Nafarroako bitartekaritza enpresaren ikuspegi orokorra emanen dutenak.
-Jardunean dauden profesionalen ponentziak, bitartekaritza enpresetarako pertsonen kontratazioan profil profesionalaren ikuspegia emanen dutenak.
Modulu honek Bidaia Agentzietako eta Ekitaldien Kudeaketako goi mailako teknikariaren curriculumeko gainerakoekin duen loturari dagokionez, komenigarria litzateke adieraztea Turismo bitartekaritzako entitateen zuzendaritza izeneko moduluko edukiek lotura berezia dutela beste modulu hauekin: Turismoko produktuen kudeaketa, Turismoko produktuen salmenta eta Bidaia agentzien proiektua eta ekitaldien kudeaketa.
Lanbide modulua: Ingelesa I.
Baliokidetasuna, ECTS kreditutan: 4.
Kodea: 0179a).
Ikaskuntzaren emaitzak eta ebaluazio irizpideak.
1. Bere intereseko gaien gainean edo eguneroko bizitzako jardueren gainean ingelesez eta ahoz emandako informazio bateko ideia nagusiak ulertzen ditu, buruz buruko komunikazio egoeretan zein bestelakoetan, solaskideek argi eta astiro hitz egiten dutelarik.
Ebaluazio irizpideak:
a) Mezu labur batzuk, hala nola abisuak, oharrak edo iragarkiak, osorik ulertu ditu, inguruko hotsek distortsio handirik eragin ez duten egoeran.
b) Zehaztasunez identifikatu ditu bere jardueraren elementu aurreikusgarriekin zerikusia duten datuak eta ekintzak, hala nola zenbakiak, kantitateak eta denborak.
c) Argi eta hizkuntza estandarrean ari diren ingeles hiztun batzuen arteko elkarrizketaren gaia identifikatu du.
d) Bere eguneroko jarduerei buruz hizkera argian esan zaiona zailtasunik gabe ulertu du (noizean behin zerbait errepikatzeko edo beste modu batera esateko eskatzen utzi zaio).
e) Eguneroko ohiko gaiei buruzko mintzaldi grabatuetan edo solaskidea aurrean izan gabe, argi eta astiro mintzatuz emandako informazioen funtsezko elementuak identifikatu ditu.
2. Testu idatzi konplexuetako lanbide informazioa interpretatzen du; horretarako, ulermenez aztertzen ditu edukiak.
Ebaluazio irizpideak:
a) Askatasun maila altuarekin irakurri du, irakurketaren estiloa eta abiadura testu eta helburu desberdinei egokituz eta erreferentzia iturri egokiak erabiliz horiek aukeratu ondoren.
b) Norberaren espezialitateko gaien gaineko gutunak interpretatu ditu eta erraz atzeman die funtsezko esanahia.
c) Xehetasun osoz interpretatu ditu testu luzeak eta konplexu samarrak, norberaren espezialitatearekin zerikusia dutenak, betiere pasarte zailak berriz irakurtzeko aukerarekin.
d) Lanbideko gai sorta zabal baten inguruko albiste, artikulu eta txostenen edukia eta garrantzia azkar identifikatu ditu, eta sakonago aztertzea komeni den erabaki du.
e) Lanbidearen arloko testu konplexuen itzulpenak egin ditu; horretarako, laguntza materiala erabili du, beharrezkoa izan den kasuetan.
f) Euskarri telematikoen bidez (posta elektronikoa, faxa) jasotako mezu teknikoak interpretatu ditu.
g) Norberaren espezialitateko jarraibide luze eta korapilatsuak interpretatu ditu.
3. Eguneroko bizitzako gaiei buruz nahikoa arin eta garbi mintzatzen da aurrez aurreko edo urrutiko elkarrizketetan, hitz eta esapide sinpleak erabiliz.
Ebaluazio irizpideak:
a) Mintzatzeko intonazio egokia eta ahoskera argi eta ulergarria erabili ditu, atzerritar doinua nabarmena izan arren, mintzakideek noiz edo behin zerbait errepikatzeko eskatu behar izan badute ere.
b) Aurreikusi gabeko egintza edo gertaeren deskripzioak edo kontaketak egin ditu, ongi ulertzeko moduko xehetasun mailarekin.
c) Itzulinguruak erabili ditu hiztegiaren hutsuneak gainditzeko.
d) Doitasunez mintzatu da, behar adinako hiztegia eta esaldi errazak eta estandarizatu samarrak erabiliz, norberaren lanbide eremuarekin zerikusia duten kantitate, zenbaki, ezaugarri eta gertaeren inguruko informazioa ematerakoan.
e) Ingelesezko ahozko adierazpena komunikazio egoerara egokitu du, hitzik gabeko komunikaziorako behar diren elementuak erantsiz.
4. Bere intereseko gaiekin zerikusia duten agiriak bete eta gutunak, mezuak edo jarraibideak idazten ditu ingelesez, komunikazio eraginkorrak eskatzen duen kohesio eta koherentziarekin.
Ebaluazio irizpideak:
a) Formularioak, txosten laburrak eta bestelako dokumentu normalizatuak edo errutinakoak bete ditu, okerrik gabe eta berariazko terminologia erabiliz.
b) Gutunak, faxak, mezu elektronikoak, oharrak eta txosten sinple eta zehatzak idatzi ditu, horrelako testuei dagozkien arauak betez.
c) Eguneroko gaiei buruzko informazioak, aldizkari eta liburuxketatik, Internetetik eta beste iturri batzuetatik jasoak, fidagarritasunez laburtu ditu, jatorrizko testuetako hitzak eta antolaketa erabiltzeko aukera izan delarik, testu laburrak edo laburpen koherenteak sortzeko ohiko formatu batean.
d) Gutunak, deskribapenak eta gai orokorrei edo norberaren intereseko gaiei buruzko beste idazki batzuk egin ditu, datuak, iritzi pertsonalak edo sentimenduak adieraziz, zehaztasun eta doitasun maila nahikoarekin.
e) Norberaren jarduerari dagozkion dokumentuak egitean zuzentasun nahikoa lortu du oinarrizko elementu gramatikaletan, puntuazio zeinuetan eta ohiko hitzen ortografian, egitura koherente eta sendoa osatu du, eta eguneroko bizitzan norberari interesatzen zaizkion gai gehienei buruz nahikoa argi mintzatzeko moduko hiztegia erabili du.
f) Idatzizko dokumentuak egitean kontuan hartu ditu hartzailearen ezaugarri soziokulturalak eta komunikazioaren ingurunea.
g) Testuinguruan kokatzearen eta koherentziaren irizpideak aplikatu ditu itzulpen tresnek emandako informazioa hautatzeko.
5. Beste pertsona batzuekin ingelesez mintzatzen da, elkarren intereseko eguneroko gaiei buruz hizketa sinple eta zuzena eginez.
Ebaluazio irizpideak:
a) Aurrez aurreko elkarrizketa sinpleak hasi, jarraitu eta bukatu ditu interes pertsonaleko gaiei buruz.
b) Eguneroko egoerei buruzko ahozko elkarrizketa laburretan parte hartu du zailtasunik gabe, gai ezagunak hizpide hartuta.
c) Noizbehinka solaskideei zerbait argitu edo errepikatzeko eskatu die, iragar daitezkeen egoerez ari direnean.
d) Elkarrizketa kasuan kasuko komunikazio inguruneari dagokion moduan hasi edo amaitzeko ohiko hitz egokiak erabili ditu.
e) Ahozko interakzioa, hitzik gabeko mintzaira barne, komunikazio motaren (aurrez aurrekoa edo urrutikoa), komunikazio egoeraren (formala edo informala) eta solaskidearen ezaugarri soziokulturalen arabera egokitu du.
f) Norberaren lanbide eremuko gizarte interakzioko ohiko egoeren inguruan mintzatzeko behar bezain aberatsa den hiztegia erabili du.
Edukiak.
Ahozko mezuen azterketa:
-Eguneroko bizitzako mezuak ulertzea.
-Mezu zuzenak eta telefono bidezkoak.
-Bidaia agentzietako eta ekitaldien kudeaketako sektorearen berariazko terminologia oinarrizkoa.
-Ideia nagusiak eta bigarren mailako ideiak.
-Baliabide gramatikalak: aditz denborak, preposizioak, phrasal verb-ak, lokuzioak, baldintza eta zalantza adieraztea, boz pasiboaren erabilera, perpaus erlatiboa, zehar estiloa, aditz modalak.
-Beste hizkuntza baliabide batzuk: adostasuna eta desadostasuna, hipotesiak eta espekulazioak, iritziak eta aholkuak, pertsuasioa eta ohartarazpena.
Mezu idatziak interpretatzea:
-Mezuak, testuak, lanbideko eta eguneroko artikulu oinarrizkoak ulertzea.
-Euskarri telematikoak: faxa, posta elektronikoa, burofaxa.
-Bidaia agentzietako eta ekitaldien kudeaketako sektorearen berariazko terminologia. "False friends".
-Ideia nagusiak eta bigarren mailako ideiak.
-Baliabide gramatikalak: aditz denborak, preposizioak, phrasal verb-ak, I wish + lehenaldi bakuna edo perfektua, I wish + would, If only; boz pasiboaren erabilera, perpaus erlatiboa, zehar estiloa, aditz modalak.
-Erlazio logikoak: aurkaritza, kontzesioa, konparazioa, baldintza, kausa, helburua, ondorioa.
-Denbora erlazioak: lehenagokotasuna, ondorengotasuna eta aldiberekotasuna.
Ahozko mezuak sortzea:
-Ahozko mezuak:
-Ahozko mezuak bidaltzeko erabilitako erregistroak.
-Bidaia agentzietako eta ekitaldien kudeaketako sektorearen berariazko terminologia oinarrizkoa. "False friends".
-Baliabide gramatikalak: aditz denborak, preposizioak, phrasal verb-ak, lokuzioak, baldintza eta zalantza adieraztea, boz pasiboaren erabilera, perpaus erlatiboa, zehar estiloa, aditz modalak.
-Beste hizkuntza baliabide batzuk: adostasuna eta desadostasuna, hipotesiak eta espekulazioak, iritziak eta aholkuak, pertsuasioa eta ohartarazpena.
-Fonetika. Bokalezko soinu eta fonemak eta haien konbinazio eta soinuak, eta kontsonantezko fonemak eta haien taldekatzeak.
Testu idatziak sortzea:
-Lanbideko eta eguneroko mezu eta testu oinarrizkoak adierazi eta betetzea.
-Curriculum vitae-a eta euskarri telematikoak: faxa, posta elektronikoa, burofaxa.
-Bidaia agentzietako eta ekitaldien kudeaketako sektorearen berariazko terminologia oinarrizkoa.
-Ideia nagusia eta bigarren mailako ideiak.
-Baliabide gramatikalak: aditz denborak, preposizioak, phrasal verb-ak, aditz modalak, lokuzioak, boz pasiboaren erabilera, perpaus erlatiboak, zehar estiloa.
-Erlazio logikoak: aurkaritza, kontzesioa, konparazioa, baldintza, kausa, helburua, ondorioa.
-Denbora erlazioak: lehenagokotasuna, ondorengotasuna eta aldiberekotasuna.
-Testuaren koherentzia:
-Testua komunikazio testuingurura egokitzea.
-Testu mota eta formatua.
-Hizkuntzaren aldaera. Erregistroa.
-Hautaketa lexikoa, egitura sintaktikoena eta eduki garrantzitsuarena.
-Diskurtsoaren hasiera eta gaiaren sarrera. Garapena eta hedapena: exenplifikazioa eta ondorioa eta/edo diskurtsoaren laburpena.
-Puntuazio zeinuak erabiltzea.
Ahozko elkarreragina:
-Ahozko diskurtsoa mantendu eta horren jarraipena egitea:
-Hitz egiteko txanda hartu, mantendu eta lagatzea.
-Laguntzea, ulertzen dela erakustea, argitzeko eskatzea, etab.
-Komunikazioaren estiloa hartzaileari, inguruneari eta komunikazioaren helburuari egokitzea.
-Intonazioa, ahozko testuaren kohesio baliabide gisa: intonazio patroien erabilera.
-Hitzik gabeko komunikazioaren estrategiak erabiltzea, ahozko elkarreragina indartzeko.
Orientabide didaktikoak.
Lanbide modulu honen funtsezko helburua da ikasleek prestakuntza honetara iristean duten hizkuntza gaitasuna finkatzea, eta bidaia agentzien eta ekitaldien kudeaketaren arloan indartzea, bereziki nabarmenduz eguneroko bizitzako eta lanbide bizitzako ohiko komunikazio egoeretan erosotasunez aritzeko trebetasunak. Ingeleseko modulu hau biltzen duen tituluko lanbide profilaren barnean hizkuntzak trebetasunez erabiltzeak duen garrantzia kontuan harturik, komenigarritzat jo da bi kurtsoen artean banatzea, ikasleen prestakuntza aldian hizkuntzaren erabilerak etenik izan ez dezan.
Europan hainbat azterlan egin dira langileek beren lan jarduerarekin zerikusia duten egoeretan hizkuntzak erabili beharrari buruz zer dioten jakiteko. Azterlanok agerian jarri dutenez, behar hori, lehenik, hertsiki lanbide arlokoak ez diren gizarte harremanetan nabaritzen dute langileek. Beraz, modulu honetan ikasleei ingeles teknikoa irakatsi baino areago, hizkuntza ohiko komunikazio egoeretan erabiltzen irakatsi nahi zaie, profil bakoitzari dagokion lanbide ingurunea ikasgelan proposatzen diren irakaskuntza-ikaskuntzako jardueretan sartzeari uko egin gabe, noski.
Horregatik guztiagatik, eta hizkuntzetarako Europako Erreferentzia Esparruan proposatzen denarekin bat, modulu honen bidez ikasleek komunikazio eraginkorra lortu behar dute egiazko egoeretan, bizitza arrunteko egoerak izan nahiz lanbide arlokoak izan. Irakaskuntza-ikaskuntzako prozesua, helburu horri begira, nabarmenki praktikoa den ikuspuntu batetik bideratu behar da. Gramatikaren irakaskuntza aurreko kurtsoetan ikasitakoaren berrikuspen gisa hartu behar da eta ikasleentzat egiazko interesa duten komunikazio egoeretan txertatu. Horrela ikasleak errazago ohartuko dira ikasi behar duten hizkuntzan beren kasa moldatu beharra dutela. Era berean, ahalegin nagusia egin beharko litzateke ikasleak gai izan daitezen, lehen urrats batean, modu autonomo eta koherentean komunikatzeko. Geroago ekinen zaie adierazpenaren zuzentasunari, jarioari eta zehaztasunari. Ikasgelan, bai irakaslea, bai ikasleak, ingeles hutsean aritzeak ederki lagunduko du lortu nahi diren helburuak betetzen.
Irakaskuntza-ikaskuntzako prozesuan egiten diren jarduerak egokiro diseinatu behar dira, ikasleei erakusten dizkieten komunikazio egoerak ahalik eta benetakoenak izan daitezen, ulermena eta mintzamena eta, beraz, interakziorako trebetasunak bereziki indartu daitezen.
Irakurmena lantzeak aukera ona eman dezake ikaskuntza lanbide eremuaren ingurunean kokatzeko, datuak, informazioak eta berariazko hiztegia atereaz egiazko dokumentuetatik. Horiek, neurri handian, Interneten bidez eskuratzen ahalko dira. Ildo beretik lagungarria izan daiteke ikasleek aurkezpen elektronikoak egitea, beren lanbide eremuko lan prozesuak, eragiketetarako jarraibideak, ekipamenduen funtzionamendua eta abar deskribatzeko.
Komunikazioaren teknologiak oso tresna baliotsuak dira ikasleak benetako komunikazio egoeretan kokatzeko. Haietako batzuk arestian aipatu ditugu, eta beste batzuk gehitzen ahal zaizkie: webquest-ak, e-lagunekin posta elektronikoa trukatzea, e-Twinning erako proiektuetan parte hartzea, blog-etan parte hartzea, etab, Interneten dagoen baliabide iturri ia agortezina ahaztu gabe (hiztegiak, podcast-ak, vodcast-ak, argitalpen teknikoak...). Baliabide horiek eskuratzen errazak dira eta, askotan, doakoak. Kontuan hartu behar da, halaber, heziketa zikloetatik abiaturik ikasleek etengabeko irakaskuntzarako Europako programetan parte har dezaketela, Leonardo da Vinci eta Erasmus programetan, adibidez. Hori pizgarri bat gehiago izan daiteke ikasleei interesatzen zaizkien komunikazio egoera bene-benetakoak planteatzeko.
Arreta jarri behar zaion beste kontu bat gaitasun soziolinguistikoen garapena da, gaitasun horiek irakaskuntza-ikaskuntzako prozesu osoa kutsatu behar baitute. Garrantzitsua da, prestakuntza helburudun honen esparruan, bermatu ahal izatea ikasleek badakizkitela hizkuntza erabiltzeko konbentzioak, adeitasunezko arauak, erregistro desberdinak eta horiek behar bezala erabiltzearen garrantzia, eta, oro har, ingelesa ama hizkuntza duten herrien idiosinkrasia ongien definitzen duten ezaugarri kulturalak.
Ebaluazioari dagokionez, iradokitzen da prozesu horren ardatza ikasleen komunikaziorako gaitasunaren balorazioa izan dadila, hau da, ikustea nola baliatzen dituzten beren hizkuntza ezagutzak eta trebetasunak eta zenbateko gaitasuna duten komunikaziorako estrategia desberdinak erabiltzeko. Helburu horri begira seinalatu dira modulu honetako ebaluazio irizpideak eta, ildo berean, hizkuntzetarako Europako Erreferentzia Esparrua oso bitarteko baliotsua izan daiteke ebaluazio tresnak diseinatzeko.
Lanbide modulua: Ingelesa II.
Baliokidetasuna, ECTS kreditutan: 3.
Kodea: 0179b).
Ikaskuntzaren emaitzak eta ebaluazio irizpideak.
1. Edozein komunikabidek hizkuntza estandarrean emandako ahozko diskurtsoetan, lanbideari dagokion informazioa eta eguneroko gaiei buruzko informazioa ezagutzen du, eta zehaztasunez interpretatzen du mezuaren edukia.
Ebaluazio irizpideak:
Mezuaren ideia nagusia identifikatu da.
a) Hizkuntza estandarrean emandako irratiko mezuen eta grabatu edo igorritako bestelako materialen helburuari antzeman die eta hiztunaren aldartea eta tonua identifikatu ditu.
b) Bizitza sozial, profesional edo akademikoari buruz hizkuntza estandarrean egindako grabazioetatik informazioa atera du.
c) Hiztunaren ikuspegiak eta jarrerak identifikatu ditu.
d) Gai zehatzei edo abstraktuei buruz hizkuntza estandarrean eta ohiko erritmoan emandako azalpen eta mezuetan ideia nagusiak identifikatu ditu.
e) Xehetasun osoz ulertu du hizkuntza estandarrean esandakoa, baita atzean zarata dagoenean ere.
f) Hitzaldien, solasaldien eta txostenen ideia nagusiak atera ditu, bai eta hizkuntzaren aldetik konplexuak diren aurkezpen akademiko eta profesionaleko beste forma batzuk ere.
g) Mezu bat osotasunean ulertzeko garrantzia gogoan hartu du, mezuaren elementu guztiak ulertzen ez baditu ere.
2. Testu idatzi konplexuetako lanbide informazioa interpretatzen du; horretarako, ulermenez aztertzen ditu edukiak.
Ebaluazio irizpideak:
a) Askatasun maila altuarekin irakurri du, irakurketaren estiloa eta abiadura testu eta helburu desberdinei egokituz eta erreferentzia iturri egokiak erabiliz horiek aukeratu ondoren.
b) Norberaren espezialitateko gaien gaineko gutunak interpretatu ditu eta erraz atzeman die funtsezko esanahia.
c) Xehetasun osoz interpretatu ditu testu luzeak eta konplexu samarrak, norberaren espezialitatearekin zerikusia dutenak edo bestelakoak, betiere pasarte zailak berriz irakurtzeko aukerarekin.
d) Testua sektoreko zein esparruri dagokion, harekin erlazionatu du.
e) Lanbideko gai sorta zabal baten inguruko albiste, artikulu eta txostenen edukia eta garrantzia azkar identifikatu ditu, eta sakonago aztertzea komeni den erabaki du.
f) Testu konplexuen itzulpenak egin ditu; horretarako, laguntza materiala erabili du, beharrezkoa izan den kasuetan.
g) Euskarri telematikoen bidez (posta elektronikoa, faxa) jasotako mezu teknikoak interpretatu ditu.
h) Norberaren espezialitateko jarraibide luze eta korapilatsuak interpretatu ditu.
3. Ahozko mezu argiak eta ongi egituratuak ematen ditu, egoeraren edukia aztertuz eta solaskidearen hizkuntza erregistroari egokituz.
Ebaluazio irizpideak:
a) Mezu orokorrak, akademikoak, lanbidekoak edo aisiakoak emateko erabilitako erregistroak identifikatu ditu, ideien arteko lotura argi zehazturik.
b) Naturaltasunez komunikatu da, inguruabarren araberako formaltasun mailarekin.
c) Protokolo arauak erabili ditu aurkezpen formaletan eta informaletan.
d) Behar bezala erabili du lanbideko terminologia.
e) Ikuspuntuak argi adierazi eta defendatu ditu, azalpenak eta argudio egokiak emanez.
f) Bere eskumeneko lan prozesua deskribatu eta sekuentziatu du.
g) Hautatutako lan aukera edo prozedura bat zergatik hautatu den argudiatu du xehetasun osoz.
h) Diskurtsoa edo diskurtsoaren zati bat berriro egiteko eskatu du beharrezkotzat jo duenean.
4. Sektoreko, ikasketetako edo eguneroko gaiei buruzko dokumentuak eta txostenak egiten ditu, hizkuntza baliabideak dokumentuaren helburuarekin erlazionatuz.
Ebaluazio irizpideak:
a) Testu argi eta zehatzak idatzi ditu bere espezialitatearekin zerikusia duten gaiez, hainbat iturritatik jasotako informazio eta argudioak laburbilduz eta ebaluatuz.
b) Informazioa zuzentasunez, zehaztasunez, koherentziaz eta kohesioz antolatu du, informazio orokorra edo zehatza eskatzerakoan eta/edo ematerakoan.
c) Txostenak idatzi ditu, alderdi esanguratsuak nabarmenduz eta euskarritzat erabil daitezkeen xehetasun adierazgarriak eskainiz.
d) Lanbide eremuko dokumentazio berariazkoa bete du.
e) Ezarritako formulak eta hiztegi berariazkoa aplikatu ditu dokumentuak betetzean.
f) Artikuluak, jarraibideen eskuliburuak eta bestelako dokumentu idatziak laburtu ditu, hiztegi zabala erabiliz, hitzak maiz ez errepikatzeko.
g) Eginen den dokumentuaren beraren kortesia formulak erabili ditu.
5. Jarrera eta portaera profesionalak aplikatzen ditu komunikazio egoeretan; horretarako, atzerriko hizkuntzaren lurraldean ohikoak diren harremanak deskribatzen ditu.
Ebaluazio irizpideak:
a) Atzerriko hizkuntza erabiltzen duen erkidegoaren ohitura eta erabileren alderdirik garrantzitsuenak zehaztu ditu.
b) Herrialdeko gizarte harremanen protokoloak eta arauak deskribatu ditu.
c) Atzerriko hizkuntza erabiltzen duen erkidegoaren balio eta sinesmenak identifikatu ditu.
d) Sektoreari dagozkion gizarte eta lanbide alderdiak identifikatu ditu, edozein testu motatan.
e) Atzerriko hizkuntzaren lurraldeko gizarte harremanen protokolo eta arauak aplikatu ditu.
f) Jatorriko eskualdeko hizkuntza-markatzaileak ezagutu ditu.
Oinarrizko edukiak.
Ahozko mezuen azterketa:
-Lanbideko eta eguneroko mezuak ulertzea.
-Zuzeneko mezuak, telefono bidezkoak, irratikoak, grabatutakoak.
-Bidaia agentzietako eta ekitaldien kudeaketako sektorearen berariazko terminologia.
-Ideia nagusiak eta bigarren mailako ideiak.
-Baliabide gramatikalak: aditz denborak, preposizioak, phrasal verb-ak, lokuzioak, baldintza eta zalantza adieraztea, boz pasiboaren erabilera, perpaus erlatiboa, zehar estiloa, aditz modalak.
-Beste hizkuntza baliabide batzuk: adostasuna eta desadostasuna, hipotesiak eta espekulazioak, iritziak eta aholkuak, pertsuasioa eta ohartarazpena.
-Ahozko hizkuntzaren azentuak.
Mezu idatziak interpretatzea:
-Mezuak, testuak, lanbideko eta eguneroko artikulu oinarrizkoak ulertzea.
-Euskarri telematikoak: faxa, posta elektronikoa, burofaxa.
-Bidaia agentzietako eta ekitaldien kudeaketako sektorearen berariazko terminologia. "False friends".
-Ideia nagusiak eta bigarren mailako ideiak.
-Baliabide gramatikalak: aditz denborak, preposizioak, phrasal verb-ak, I wish + lehenaldi bakuna edo perfektua, I wish + would, If only; boz pasiboaren erabilera, perpaus erlatiboa, zehar estiloa, aditz modalak.
-Erlazio logikoak: aurkaritza, kontzesioa, konparazioa, baldintza, kausa, helburua, ondorioa.
-Denbora erlazioak: lehenagokotasuna, ondorengotasuna eta aldiberekotasuna.
Ahozko mezuak sortzea:
-Ahozko mezuak:
Ahozko mezuak emateko erabiltzen diren erregistroak.
Bidaia agentzietako eta ekitaldien kudeaketako sektorearen berariazko terminologia. "False friends".
Baliabide gramatikalak: aditz denborak, preposizioak, phrasal verb-ak, lokuzioak, baldintzaren eta zalantzaren adierazpenak, boz pasiboaren erabilera, perpaus erlatiboa, zehar estiloa, aditz modalak.
Beste hizkuntza baliabide batzuk: adostasuna eta desadostasuna, hipotesiak eta espekulazioak, iritziak eta aholkuak, pertsuasioa eta ohartarazpena.
Fonetika. Bokalezko soinu eta fonemak eta haien konbinazio eta soinuak, eta kontsonantezko fonemak eta haien taldekatzeak.
Gizarte harremanen, kortesia arauen eta erregistro aldeen hizkuntza-markatzaileak.
-Ahozko diskurtsoa mantendu eta horren jarraipena egitea:
Hitz egiteko txanda hartu, mantendu eta lagatzea.
Laguntzea, ulertzen dela erakustea, argitzeko eskatzea, etab.
Intonazioa, ahozko testuaren kohesio baliabide gisa: intonazio patroien erabilera.
Testu idatziak sortzea:
-Lanbideko eta eguneroko mezu eta testuak adierazi eta betetzea.
Curriculum vitae-a eta euskarri telematikoak: faxa, posta elektronikoa, burofaxa.
Bidaia agentzietako eta ekitaldien kudeaketako sektorearen berariazko terminologia.
Ideia nagusia eta bigarren mailako ideiak.
Baliabide gramatikalak: aditz denborak, preposizioak, phrasal verb-ak, aditz modalak, lokuzioak, boz pasiboaren erabilera, perpaus erlatiboak, zehar estiloa.
-Erlazio logikoak: aurkaritza, kontzesioa, konparazioa, baldintza, kausa, helburua, ondorioa.
-Denbora erlazioak: lehenagokotasuna, ondorengotasuna eta aldiberekotasuna.
-Testuaren koherentzia:
Testua komunikazio testuingurura egokitzea.
Testu mota eta formatua.
Hizkuntzaren aldaera. Erregistroa.
Hautaketa lexikoa, egitura sintaktikoena eta eduki garrantzitsuarena.
Diskurtsoaren hasiera eta gaiaren sarrera. Garapena eta hedapena: exenplifikazioa eta ondorioa eta/edo diskurtsoaren laburpena.
Puntuazio zeinuak erabiltzea.
Atzerriko hizkuntzaren (ingelesa) lurraldeetan garrantzitsuenak diren kultura elementuak identifikatu eta interpretatzea.
-Gizarte eta kultura eta protokolo arauak baloratzea nazioarteko harremanetan.
-Jarrera sozioprofesionala behar duten egoeretan, baliabide formal eta funtzionalak erabiltzea, enpresaren irudi egokia erakusteko.
-Atzerriko hizkuntzak bizitza pertsonalean eta profesionalean interesgarriak izanen diren ezagutzak sakontzeko duen garrantzia aintzat hartzea.
-Komunikazio egoeraren, solaskidearen eta solaskideen asmoen araberako erregistroak erabiltzea.
Orientabide didaktikoak.
Ingeleseko lanbide modulua bi kurtsoen artean banatu da, ikaslearen prestakuntza aldian hizkuntzaren erabilerak etenik izan ez dezan. Kontuan harturik kasu honetan Ingelesa II modulua hizkuntzaren bigarren maila bati dagokiola heziketa zikloaren barnean, ikasleen hizkuntza gaitasuna handitzera bidera daiteke, batez ere ulermenari eta ahozko adierazpenari lotutako alderdietan, bai eta espezialitateari dagozkion hizkuntzaren alderdi teknikoetan duten prestakuntza indartzera ere, alde batera utzi gabe eguneroko komunikazio egoeretan aritzeko behar diren gaitasunen garapena. Azken dimentsio horrek garrantzi berezia hartzen du ikasturte honetan, ikasleek ikaskuntza iraunkorrerako Erasmus programa europarretan parte hartzeko aukera baitute.
Horregatik guztiagatik, eta hizkuntzetarako Europako Erreferentzia Esparruan proposatzen denarekin bat, modulu honen bidez ikasleek komunikazio eraginkorra lortu behar dute egiazko egoeretan, bizitza arrunteko egoerak izan nahiz lanbide arlokoak izan. Era berean, ahalegin nagusia egin beharko litzateke ikasleak gai izan daitezen modu autonomo eta koherentean komunikatzeko eskakizun handiagoko mailarekin, zuzentasunari, jarioari eta zehaztasunari dagokienez. Ikasgelan bai irakaslea bai ikasleak ingeles hutsean aritzeak ederki lagunduko du lortu nahi diren helburuak betetzen.
Irakaskuntza-ikaskuntzako prozesuan egiten diren jarduerak egokiro diseinatu behar dira, ikasleei erakusten dizkieten komunikazio egoerak ahalik eta benetakoenak izan daitezen, ulermena eta mintzamena eta, beraz, interakziorako trebetasunak bereziki indartu daitezen. Arreta berezia jarriko da bidaia agentzietako eta ekitaldien kudeaketako ohiko jarduerari eta gertakizunen kudeaketari lotutako dokumentuen formalizazioan (erreklamazioak, kexak, informazio bereziak, etab.).
Irakurmena lantzeak aukera ona eman dezake ikaskuntza lanbide eremuaren ingurunean kokatzeko, datuak, informazioak eta berariazko hiztegia atereaz egiazko dokumentuetatik. Horiek, neurri handian, Interneten bidez eskuratzen ahalko dira. Ildo beretik lagungarria izan daiteke ikasleek aurkezpen elektronikoak egitea, beren lanbide eremuko lan prozesuak, eragiketetarako jarraibideak, kexei eta erreklamazioei erantzuteko gutunak prestatzeko eta abar.
Arreta jarri behar zaion beste kontu bat gaitasun soziolinguistikoen garapena da, gaitasun horiek irakaskuntza-ikaskuntzako prozesu osoa kutsatu behar baitute. Horiei arreta handiagoa jartzen zaie kurtso honetan modulu honen barnean, nahiz eta beste neurri batean landu ahal izan beste modulu batzuetan, esate baterako Protokoloa eta harreman publikoak eta Helmuga turistikoak moduluetan. Garrantzitsua da bermatu ahal izatea ikasleek badakizkitela hizkuntza erabiltzeko konbentzioak, adeitasunezko arauak, erregistro desberdinak eta horiek behar bezala erabiltzearen garrantzia, eta, oro har, ingelesa ama hizkuntza duten herrien idiosinkrasia ongien definitzen duten ezaugarri kulturalak.
Ebaluazioari dagokionez, iradokitzen da prozesu horren ardatza ikasleen komunikaziorako gaitasunaren balorazioa izan dadila, hau da, ikustea nola baliatzen dituzten beren hizkuntza ezagutzak eta trebetasunak eta zenbateko gaitasuna duten komunikaziorako estrategia desberdinak erabiltzeko. Helburu horri begira seinalatu dira modulu honetako ebaluazio irizpideak eta, ildo berean, hizkuntzetarako Europako Erreferentzia Esparrua oso bitarteko baliotsua izan daiteke ebaluazio tresnak diseinatzeko.
Lanbide modulua: Frantsesa I.
Kodea: 0180a).
Baliokidetasuna, ECTS kreditutan: 4.
Iraupena: 100 ordu.
Ikaskuntzaren emaitzak eta ebaluazio irizpideak.
1. Hizkuntza estandarrean egindako ahozko diskurtso argi eta errazetan jasotako eguneroko bizitzako eta lanbideko informazioa atzematen du, mezuaren eduki orokorra identifikatuz.
Ebaluazio irizpideak:
a) Mezua dagokion testuinguruan kokatu du.
b) Mezuaren ideia nagusia jaso du.
c) Mezuan ageri den berariazko informazioa identifikatu du.
d) Solaskidearen jarrera eta asmoa identifikatu ditu.
e) Komunikabide batek zabaldutako mezu baten ideia nagusiak atera ditu.
f) Ikusitako komunikazio egoera bateko argumentuaren haria identifikatu du.
g) Ikusitako sekuentzian ageri diren rolak zehaztu ditu.
2. Testu idatzi errazetan jasotako lanbide informazioa interpretatzen du; horretarako, modu ulergarrian aztertzen ditu edukiak.
Ebaluazio irizpideak:
a) Bere lanbide arloko berariazko testuak modu ulergarrian irakurri ditu.
b) Erabilitako terminologia zehatz identifikatu du.
c) Bere lanbideari buruzko testu bateko informazio garrantzitsuena atera du.
d) Berariazko testu errazen itzulpen zuzenak eta alderantzizkoak egin ditu, kontsultarako materialak eta hiztegi teknikoak erabiliz.
e) Euskarri telematikoen bidez jasotako mezua interpretatu du (posta elektronikoa, faxa).
f) Testua sektoreko zein esparruri dagokion, harekin erlazionatu du.
g) Askatasun maila batekin irakurri ditu hainbat testu mota, irakurketaren abiadura eta estiloa egokituz, nahiz eta zailtasunen bat izan oso ohikoak ez diren esamolde batzuekin.
3. Ahozko mezu erraz, argi eta ongi egituratuak sortzen ditu, mezuaren helburua eta eskuratutako hizkuntza-egiturak erlazionatuz.
Ebaluazio irizpideak:
a) Formula errazak, loturak eta elkarrekintza estrategiak erabiliz komunikatu da.
b) Behar bezala erabili du lanbideko terminologia.
c) Bere lanbide arloaren barnean lan arloko lehentasunak adierazi ditu.
d) Lanbide arlo hurbilena arintasun handi samarrarekin deskribatu du.
e) Bere lanbide sektoreko ekoizpen prozesu bati dagozkion jarduerak sekuentziatu ditu.
f) Bere espezialitatearen barneko gai bati buruzko aurkezpen labur eta prestatuak egin ditu, argi azalduta.
g) Protokolo arauak erabili ditu bere mailari egokitutako aurkezpenetan.
h) Bere lanbideari buruzko galdera labur osagarriei erantzun die.
i) Berariazko informazioa trukatu du, arintasun handi samarrez, egitura errazeko esaldiak erabiliz.
4. Testu errazak egiten ditu; horretarako, gramatika arauak eta horien helburuak lotzen ditu.
Ebaluazio irizpideak:
a) Dokumentu mota desberdinetan eskatutako oinarrizko informazioa bete du.
b) Lan eskaera bat prestatu du, lan eskaintza jakin batetik abiaturik.
c) Curriculum labur bat prestatu du.
d) Testu jakin bat bete du ikusizko euskarrien eta emandako hizkuntza-gakoen laguntzarekin.
e) Merkataritza gutun bat idatzi du, jarraibide zehatzetatik eta emandako ereduetatik abiaturik.
f) Lanbide ingurunearekin lotutako testu errazen laburpen motzak egin ditu.
5. Jarrera eta portaera profesionalak aplikatzen ditu komunikazio egoeretan; horretarako, atzerriko hizkuntzaren lurraldean ohikoak diren harremanak deskribatzen ditu.
Ebaluazio irizpideak:
a) Atzerriko hizkuntza erabiltzen duen erkidegoaren ohitura eta erabileren alderdirik garrantzitsuenak zehaztu ditu.
b) Herrialdeko gizarte harremanen protokoloak eta arauak deskribatu ditu.
c) Atzerriko hizkuntza erabiltzen duen erkidegoaren balio eta sinesmenak identifikatu ditu.
d) Sektoreari dagozkion gizarte eta lanbide alderdiak identifikatu ditu, edozein testu motatan.
e) Atzerriko hizkuntzaren lurraldeko gizarte harremanen protokolo eta arauak aplikatu ditu.
f) Jatorriko eskualdeko hizkuntza-markatzaileak ezagutu ditu.
Edukiak:
Ahozko mezu oinarrizkoak ulertzea:
-Ahozko mezuak ulertzea hainbat egoeratan: ohikoak, pertsonalak eta lanbidekoak.
-Zuzeneko, telefono bidezko eta grabatutako mezu errazak..
-Ideia nagusiak.
-Baliabide gramatikalak: perpausaren egitura, aditz denborak, lokarriak.
-Beste hizkuntza baliabide batzuk: adostasunak eta desadostasunak, iritziak eta aholkuak.
-Frantsesa ama hizkuntza ez duten hiztunek edo Europatik kanpoko herrialde frantsesdunetakoek sortutako ahozko mezuak ulertzea.
Oinarrizko mezu idatziak interpretatzea:
-Bai bizitza profesionaleko bai eguneroko bizitzako egoerekin lotuta dauden dokumentu errazak orokorrean ulertzea (erreklamazio orriak, kexak, erreserba eskaerak eta gogobetzeari buruzko galdera sortak, besteak beste, etab.).
-Ideia nagusiak.
-Dokumentu idatziak irakurtzean ideien sintesia egitea (mezu elektronikoak, faxak, erreklamazioak, besteak beste).
-Baliabide gramatikalak: perpausaren egitura, aditz denborak, lokarriak, "vous" erabiltzea frantsesez, "on" izenordaina, "politesse" formulak ("je voudrais, j'aimerais, s'il vous plaît, je vous en prie", besteak beste).
-Oinarrizko denbora erlazioak: lehenagokotasuna, ondorengotasuna eta aldiberekotasuna.
Ahozko mezu oinarrizkoak sortzea:
-Ahozko komunikazioa sortzea:
-Ahozko mezuak bidaltzeko erabilitako erregistroak.
-Bizitza profesionaleko egoerei buruzko elkarrizketetan eta azalpenetan parte hartzea.
-Adierazpen fonikoa, intonazioa eta erritmoa. "Liaison".
-Gizarte harremanen, kortesia arauen eta erregistro aldeen hizkuntza-markatzaileak.
-Ohiko eta funtsezko egitura formalak aplikatzea (perpausaren egitura, aditz denborak eta lokarriak).
-Fonetika. Adierazpen fonikoa, intonazioa eta erritmoa.
-Ahozko diskurtsoari eutsi eta segitzea.
-Hitz egiteko txanda hartu, mantendu eta lagatzea.
-Laguntzea, ulertzen dela erakustea, argitzeko eskatzea, etab.
-Baliabide linguistiko eta semantikoak erabiltzea (sinonimia).
-Intonazioa, ahozko testuaren kohesio baliabide gisa: intonazio patroien erabilera.
Oinarrizko testu idatziak prestatzea:
-Lanbidearen arloko berariazko "eredu" dokumentuak idaztea.
-Ohiko eta funtsezko egitura formalak aplikatzea (perpausaren egitura, aditz denborak eta lokarriak).
-Oinarrizko denbora erlazioak: lehenagokotasuna, ondorengotasuna eta aldiberekotasuna.
-Lokarriak: "mais", "parce que", "alors", "donc", "pour + infinitivo" "malgré + nom", besteak beste.
-Komunikazio idatzian erabiltzen diren formulak eta egitura eginak aplikatzea.
-Gutunetako formulak: idazpuruko, garapeneko eta agurreko egiturak.
-Mezu elektroniko, fax edo burofax baten egitura, baita beste dokumentu estandar batzuena ere.
-Testu koherentzia.
-Testu mota eta formatua.
-Hautaketa lexikoa, egitura sintaktikoena eta eduki garrantzitsuarena.
-Puntuazio zeinuak erabiltzea.
Jarrera eta portaera profesionalak aplikatzea komunikazio egoeretan:
-Herrialde frantsesdunetan garrantzitsuenak diren kultura elementuak identifikatu eta interpretatzea.
-Gizarte eta kultura eta protokolo arauak baloratzea nazioarteko harremanetan.
-Jarrera sozioprofesionala behar duten egoeretan, baliabide formal eta funtzionalak erabiltzea, enpresaren irudi egokia erakusteko.
-Atzerriko hizkuntzak bizitza pertsonalean eta profesionalean interesgarriak izanen diren ezagutzak sakontzeko duen garrantzia aintzat hartzea.
-Komunikazio egoeraren, solaskidearen eta solaskideen asmoen araberako erregistroak erabiltzea.
Orientabide didaktikoak.
Lanbide modulu honen funtsezko helburua da ikasleek prestakuntza honetara iristean duten hizkuntza gaitasuna finkatzea, eta bidaia agentzien eta ekitaldien kudeaketaren arloan indartzea, bereziki nabarmenduz eguneroko bizitzako eta lanbide bizitzako ohiko komunikazio egoeretan erosotasunez aritzeko trebetasunak. Frantseseko modulu hau biltzen duen tituluko lanbide profilaren barnean hizkuntzak trebetasunez erabiltzeak duen garrantzia kontuan harturik, komenigarritzat jo da bi kurtsoen artean banatzea, ikasleen prestakuntza aldian hizkuntzaren erabilerak etenik izan ez dezan.
Europan hainbat azterlan egin dira langileek beren lan jarduerarekin zerikusia duten egoeretan hizkuntzak erabili beharrari buruz zer dioten jakiteko. Azterlanok agerian jarri dutenez, behar hori, lehenik, hertsiki lanbide arlokoak ez diren gizarte harremanetan nabaritzen dute langileek. Beraz, modulu honetan ikasleei frantses teknikoa irakatsi baino areago, hizkuntza ohiko komunikazio egoeretan erabiltzen irakatsi nahi zaie, bidaia agentziei eta ekitaldien kudeaketari dagokien lanbide ingurunea ikasgelan proposatzen diren irakaskuntza-ikaskuntzako jardueretan sartzeari uko egin gabe, noski.
Horregatik guztiagatik, eta hizkuntzetarako Europako Erreferentzia Esparruan proposatzen denarekin bat, modulu honen bidez ikasleek komunikazio eraginkorra lortu behar dute egiazko egoeretan, bizitza arrunteko egoerak izan nahiz lanbide arlokoak izan. Irakaskuntza-ikaskuntzako prozesua, helburu horri begira, nabarmenki praktikoa den ikuspuntu batetik bideratu behar da. Gramatikaren irakaskuntza aurreko kurtsoetan ikasitakoaren berrikuspen gisa hartu behar da eta ikasleentzat egiazko interesa duten komunikazio egoeretan txertatu. Horrela ikasleak errazago ohartuko dira ikasi behar duten hizkuntzan beren kasa moldatu beharra dutela. Era berean, ahalegin nagusia egin beharko litzateke ikasleak gai izan daitezen, lehen urrats batean, modu autonomo eta koherentean komunikatzeko. Geroago ekinen zaie adierazpenaren zuzentasunari, jarioari eta zehaztasunari. Ikasgelan, bai irakaslea, bai ikasleak, frantses hutsean aritzeak ederki lagunduko du lortu nahi diren helburuak betetzen.
Irakaskuntza-ikaskuntzako prozesuan egiten diren jarduerak egokiro diseinatu behar dira, ikasleei erakusten dizkieten komunikazio egoerak ahalik eta benetakoenak izan daitezen, bereziki indartu daitezen ulermena eta mintzamena eta, beraz, interakziorako trebetasunak.
Irakurmena lantzeak aukera ona eman dezake ikaskuntza lanbide eremuaren ingurunean kokatzeko, datuak, informazioak eta berariazko hiztegia atereaz egiazko dokumentuetatik. Horiek, neurri handian, Interneten bidez eskuratzen ahalko dira. Ildo beretik lagungarria izan daiteke ikasleek aurkezpen elektronikoak egitea, beren lanbide eremuko lan prozesuak, eragiketetarako jarraibideak, ekipamenduen funtzionamendua eta abar deskribatzeko.
Komunikazioaren teknologiak oso tresna baliotsuak dira ikasleak benetako komunikazio egoeretan kokatzeko. Haietako batzuk arestian aipatu ditugu, eta beste batzuk gehitzen ahal zaizkie: webquest-ak, e-lagunekin posta elektronikoa trukatzea, e-Twinning erako proiektuetan parte hartzea, blog-etan parte hartzea, etab, Interneten dagoen baliabide iturri ia agortezina ahaztu gabe (hiztegiak, podcast-ak, vodcast-ak, argitalpen teknikoak...). Baliabide horiek eskuratzen errazak dira eta, askotan, doakoak. Kontuan hartu behar da, halaber, heziketa zikloetatik abiaturik ikasleek etengabeko irakaskuntzarako Europako programetan parte har dezaketela, Leonardo da Vinci eta Erasmus programetan, adibidez. Hori pizgarri bat gehiago izan daiteke ikasleei interesatzen zaizkien komunikazio egoera bene-benetakoak planteatzeko.
Arreta jarri behar zaion beste kontu bat gaitasun soziolinguistikoen garapena da, gaitasun horiek irakaskuntza-ikaskuntzako prozesu osoa kutsatu behar baitute. Garrantzitsua da, prestakuntza helburudun honen esparruan, bermatu ahal izatea ikasleek badakizkitela hizkuntza erabiltzeko konbentzioak, adeitasunezko arauak, erregistro desberdinak eta horiek behar bezala erabiltzearen garrantzia, eta, oro har, frantsesa ama hizkuntza duten herrien idiosinkrasia ongien definitzen duten ezaugarri kulturalak.
Ebaluazioari dagokionez, iradokitzen da prozesu horren ardatza ikasleen komunikaziorako gaitasunaren balorazioa izan dadila, hau da, ikustea nola baliatzen dituzten beren hizkuntza ezagutzak eta trebetasunak eta zenbateko gaitasuna duten komunikaziorako estrategia desberdinak erabiltzeko. Helburu horrekin zehaztu dira modulu honen ebaluazio irizpideak.
Lanbide modulua: Frantsesa II.
Kodea: 0180b).
Baliokidetasuna, ECTS kreditutan: 3.
Iraupena: 70 ordu.
Ikaskuntzaren emaitzak eta ebaluazio irizpideak.
1. Bere intereseko gaien gainean edo eguneroko bizitzako jardueren gainean frantsesez eta ahoz emandako informazio bateko ideia nagusiak ulertzen ditu, buruz buruko komunikazio egoeretan zein bestelakoetan, solaskideek argi eta astiro hitz egiten dutelarik.
Ebaluazio irizpideak:
a) Mezu labur batzuk, hala nola abisuak, oharrak edo iragarkiak, osorik ulertu ditu, inguruko hotsek distortsio handirik eragin ez duten egoeran.
b) Zehaztasunez identifikatu ditu bere jardueraren elementu aurreikusgarriekin zerikusia duten datuak eta ekintzak, hala nola zenbakiak, kantitateak eta denborak.
c) Argi eta hizkuntza estandarrean ari diren ingeles hiztun batzuen arteko elkarrizketaren gaia identifikatu du.
d) Bere eguneroko jarduerei buruz hizkera argian esan zaiona zailtasunik gabe ulertu du (noizean behin zerbait errepikatzeko edo beste modu batera esateko eskatzen utzi zaio).
e) Eguneroko ohiko gaiei buruzko mintzaldi grabatuetan edo solaskidea aurrean izan gabe, argi eta astiro mintzatuz emandako informazioen funtsezko elementuak identifikatu ditu.
2. Testu idatzi konplexuetako lanbide informazioa interpretatzen du; horretarako, ulermenez aztertzen ditu edukiak.
Ebaluazio irizpideak:
a) Askatasun maila altuarekin irakurri du, irakurketaren estiloa eta abiadura testu eta helburu desberdinei egokituz eta erreferentzia iturri egokiak erabiliz horiek aukeratu ondoren.
b) Norberaren espezialitateko gaien gaineko gutunak interpretatu ditu eta erraz atzeman die funtsezko esanahia.
c) Xehetasun osoz interpretatu ditu testu luzeak eta konplexu samarrak, norberaren espezialitatearekin zerikusia dutenak, betiere pasarte zailak berriz irakurtzeko aukerarekin.
d) Lanbideko gai sorta zabal baten inguruko albiste, artikulu eta txostenen edukia eta garrantzia azkar identifikatu ditu, eta sakonago aztertzea komeni den erabaki du.
e) Lanbidearen arloko testu konplexuen itzulpenak egin ditu; horretarako, laguntza materiala erabili du, beharrezkoa izan den kasuetan.
f) Euskarri telematikoen bidez (posta elektronikoa, faxa) jasotako mezu teknikoak interpretatu ditu.
g) Norberaren espezialitateko jarraibide luze eta korapilatsuak interpretatu ditu.
3. Eguneroko bizitzako gaiei buruz nahikoa arin eta garbi mintzatzen da aurrez aurreko edo urrutiko elkarrizketetan, hitz eta esapide sinpleak erabiliz.
Ebaluazio irizpideak:
a) Mintzatzeko intonazio egokia eta ahoskera argi eta ulergarria erabili ditu, atzerritar doinua nabarmena izan arren, mintzakideek noiz edo behin zerbait errepikatzeko eskatu behar izan badute ere.
b) Aurreikusi gabeko egintza edo gertaeren deskripzioak edo kontaketak egin ditu, ongi ulertzeko moduko xehetasun mailarekin.
c) Itzulinguruak erabili ditu hiztegiaren hutsuneak gainditzeko.
d) Doitasunez mintzatu da, behar adinako hiztegia eta esaldi errazak eta estandarizatu samarrak erabiliz, norberaren lanbide eremuarekin zerikusia duten kantitate, zenbaki, ezaugarri eta gertaeren inguruko informazioa ematerakoan.
e) Frantsesezko ahozko adierazpena komunikazio egoerara egokitu du, hitzik gabeko komunikaziorako behar diren elementuak erantsiz.
4. Bere intereseko gaiekin zerikusia duten agiriak bete eta gutunak, mezuak edo jarraibideak idazten ditu frantsesez, komunikazio eraginkorrak eskatzen duen kohesio eta koherentziarekin.
Ebaluazio irizpideak:
a) Formularioak, txosten laburrak eta bestelako dokumentu normalizatuak edo errutinakoak bete ditu, okerrik gabe eta berariazko terminologia erabiliz.
b) Gutunak, faxak, mezu elektronikoak, oharrak eta txosten sinple eta zehatzak idatzi ditu, horrelako testuei dagozkien arauak betez.
c) Eguneroko gaiei buruzko informazioak, aldizkari eta liburuxketatik, Internetetik eta beste iturri batzuetatik jasoak, fidagarritasunez laburtu ditu, jatorrizko testuetako hitzak eta antolaketa erabiltzeko aukera izan delarik, testu laburrak edo laburpen koherenteak sortzeko ohiko formatu batean.
d) Gutunak, deskribapenak eta gai orokorrei edo norberaren intereseko gaiei buruzko beste idazki batzuk egin ditu, datuak, iritzi pertsonalak edo sentimenduak adieraziz, zehaztasun eta doitasun maila nahikoarekin.
e) Norberaren jarduerari dagozkion dokumentuak egitean zuzentasun nahikoa lortu du oinarrizko elementu gramatikaletan, puntuazio zeinuetan eta ohiko hitzen ortografian, egitura koherente eta sendoa osatu du, eta eguneroko bizitzan norberari interesatzen zaizkion gai gehienei buruz nahikoa argi mintzatzeko moduko hiztegia erabili du.
f) Idatzizko dokumentuak egitean kontuan hartu ditu hartzailearen ezaugarri soziokulturalak eta komunikazioaren ingurunea.
g) Testuinguruan kokatzearen eta koherentziaren irizpideak aplikatu ditu itzulpen tresnek emandako informazioa hautatzeko.
5. Beste pertsona batzuekin frantsesez mintzatzen da, elkarren intereseko eguneroko gaiei buruz hizketa sinple eta zuzena eginez.
Ebaluazio irizpideak:
a) Aurrez aurreko elkarrizketa sinpleak hasi, jarraitu eta bukatu ditu interes pertsonaleko gaiei buruz.
b) Eguneroko egoerei buruzko ahozko elkarrizketa laburretan parte hartu du zailtasunik gabe, gai ezagunak hizpide hartuta.
c) Noizbehinka solaskideei zerbait argitu edo errepikatzeko eskatu die, iragar daitezkeen egoerez ari direnean.
d) Elkarrizketa kasuan kasuko komunikazio inguruneari dagokion moduan hasi edo amaitzeko ohiko hitz egokiak erabili ditu.
e) Ahozko interakzioa, hitzik gabeko mintzaira barne, komunikazio motaren (aurrez aurrekoa edo urrutikoa), komunikazio egoeraren (formala edo informala) eta solaskidearen ezaugarri soziokulturalen arabera egokitu du.
f) Norberaren lanbide eremuko gizarte interakzioko ohiko egoeren inguruan mintzatzeko behar bezain aberatsa den hiztegia erabili du.
Edukiak.
Ahozko mezu landuen azterketa:
-Eguneroko bizitzako mezuak ulertzea.
-Mezu zuzenak eta telefono bidezkoak.
-Bidaia agentzietako eta ekitaldien kudeaketako sektorearen berariazko terminologia oinarrizkoa.
-Ideia nagusiak eta bigarren mailako ideiak.
-Baliabide gramatikal aurreratuak.
-Beste hizkuntza baliabide batzuk: adostasuna eta desadostasuna, hipotesiak eta espekulazioak, iritziak eta aholkuak, pertsuasioa eta ohartarazpena.
Mezu idatzi landuak interpretatzea:
-Mezuak, testuak, lanbideko eta eguneroko artikulu oinarrizkoak ulertzea.
-Bidaia agentzietako eta ekitaldien kudeaketako sektorearen berariazko terminologia.
-Ideia nagusiak eta bigarren mailako ideiak.
-Baliabide gramatikal aurreratuak.
-Erlazio logikoak: aurkaritza, kontzesioa, konparazioa, baldintza, kausa, helburua, ondorioa.
Ahozko mezu landuak sortzea:
-Ahozko mezuak bidaltzeko erabilitako erregistroak.
-Bidaia agentzietako eta ekitaldien kudeaketako sektorearen berariazko terminologia oinarrizkoa.
-Baliabide gramatikal aurreratuak.
-Beste hizkuntza baliabide batzuk: adostasuna eta desadostasuna, hipotesiak eta espekulazioak, iritziak eta aholkuak, pertsuasioa eta ohartarazpena.
-Fonetika. Bokalezko soinu eta fonemak eta haien konbinazio eta soinuak, eta kontsonantezko fonemak eta haien taldekatzeak.
Testu idatzi landuak bidaltzea:
-Lanbideko eta eguneroko mezu eta testuak adierazi eta betetzea.
-Curriculum vitae-a eta euskarri telematikoak: faxa, posta elektronikoa, burofaxa.
-Bidaia agentzietako eta ekitaldien kudeaketako sektorearen berariazko terminologia oinarrizkoa.
-Ideia nagusia eta bigarren mailako ideiak.
-Baliabide gramatikal aurreratuak.
-Erlazio logikoak: aurkaritza, kontzesioa, konparazioa, baldintza, kausa, helburua, ondorioa.
-Testuaren koherentzia:
Ahozko elkarreragin arina.
-Ahozko diskurtso arina mantendu eta horren jarraipena egitea.
-Hitz egiteko txanda hartu, mantendu eta lagatzea modu arinean.
-Komunikazioaren estiloa hartzaileari, inguruneari eta komunikazioaren helburuari egokitzea.
-Intonazioa, ahozko testuaren kohesio baliabide gisa: intonazio patroien erabilera.
-Hitzik gabeko komunikazioaren estrategiak erabiltzea, ahozko elkarreragina indartzeko.
Orientabide didaktikoak.
Frantseseko lanbide modulua bi kurtsoen artean banatu da, ikaslearen prestakuntza aldian hizkuntzaren erabilerak etenik izan ez dezan. Kontuan harturik kasu honetan Frantsesa II modulua hizkuntzaren bigarren maila bati dagokiola heziketa zikloaren barnean, ikasleen hizkuntza gaitasuna handitzera bidera daiteke modulu hau, batez ere ulermenari eta ahozko adierazpenari lotutako alderdietan, bai eta espezialitateari dagozkion hizkuntzaren alderdi teknikoetan duten prestakuntza indartzera ere, alde batera utzi gabe eguneroko komunikazio egoeretan aritzeko behar diren gaitasunen garapena. Azken dimentsio horrek garrantzi berezia hartzen du ikasturte honetan, ikasleek ikaskuntza iraunkorrerako Erasmus programa europarretan parte hartzeko aukera baitute.
Horregatik guztiagatik, eta hizkuntzetarako Europako Erreferentzia Esparruan proposatzen denarekin bat, modulu honen bidez ikasleek komunikazio eraginkorra lortu behar dute egiazko egoeretan, bizitza arrunteko egoerak izan nahiz lanbide arlokoak izan. Era berean, ahalegin nagusia egin beharko litzateke ikasleak gai izan daitezen modu autonomo eta koherentean komunikatzeko eskakizun handiagoko mailarekin, zuzentasunari, jarioari eta zehaztasunari dagokienez. Ikasgelan, bai irakaslea, bai ikasleak, frantses hutsean aritzeak ederki lagunduko du lortu nahi diren helburuak betetzen.
Irakaskuntza-ikaskuntzako prozesuan egiten diren jarduerak egokiro diseinatu behar dira, ikasleei erakusten dizkieten komunikazio egoerak ahalik eta benetakoenak izan daitezen, ulermena eta mintzamena eta, beraz, interakziorako trebetasunak bereziki indartu daitezen. Arreta berezia jarriko da bidaia agentzietako eta ekitaldien kudeaketako ohiko jarduerari eta gertakizunen kudeaketari lotutako dokumentuen formalizazioan (erreklamazioak, kexak, informazio bereziak, etab.).
Irakurmena lantzeak aukera ona eman dezake ikaskuntza lanbide eremuaren ingurunean kokatzeko, datuak, informazioak eta berariazko hiztegia atereaz egiazko dokumentuetatik. Horiek, neurri handian, Interneten bidez eskuratzen ahalko dira. Ildo beretik lagungarria izan daiteke ikasleek aurkezpen elektronikoak egitea, beren lanbide eremuko lan prozesuak, eragiketetarako jarraibideak, kexei eta erreklamazioei erantzuteko gutunak prestatzeko eta abar.
Arreta jarri behar zaion beste kontu bat gaitasun soziolinguistikoen garapena da, gaitasun horiek irakaskuntza-ikaskuntzako prozesu osoa kutsatu behar baitute. Horiei arreta handiagoa jartzen zaie kurtso honetan modulu honen barnean, nahiz eta beste neurri batean landu ahal izan beste modulu batzuetan, esate baterako Protokoloa eta harreman publikoak eta Helmuga turistikoak moduluetan. Garrantzitsua da, prestakuntza helburudun honen esparruan, bermatu ahal izatea ikasleek badakizkitela hizkuntza erabiltzeko konbentzioak, adeitasunezko arauak, erregistro desberdinak eta horiek behar bezala erabiltzearen garrantzia, eta, oro har, frantsesa ama hizkuntza duten herrien idiosinkrasia ongien definitzen duten ezaugarri kulturalak.
Ebaluazioari dagokionez, iradokitzen da prozesu horren ardatza ikasleen komunikaziorako gaitasunaren balorazioa izan dadila, hau da, ikustea nola baliatzen dituzten beren hizkuntza ezagutzak eta trebetasunak eta zenbateko gaitasuna duten komunikaziorako estrategia desberdinak erabiltzeko. Helburu horrekin zehaztu dira modulu honen ebaluazio irizpideak.
Lanbide modulua: Lanerako prestakuntza eta orientabideak.
Kodea: 0401.
Baliokidetasuna, ECTS kreditutan: 5.
Iraupena: 70 ordu.
Ikaskuntzaren emaitzak eta ebaluazio irizpideak.
1. Lan-munduratzeko eta bizitza osoan ikasteko hautabideak identifikatu ondoren, lan-aukerak hautatzen ditu.
Ebaluazio irizpideak:
a) Norberaren nortasuna, asmoak, jarrerak eta prestakuntza baloratu dira erabakiak hartzeko.
b) Bidaia Agentzietako eta Ekitaldien Kudeaketako goi mailako teknikariarentzako enplegu eta lan sorgune nagusiak identifikatu ditu tokiko, eskualdeko, Estatuko eta Europako eremuetan.
c) Tituluaren profilari lotutako lanbide jarduerarako eskatzen diren gaitasunak eta jarrerak zehaztu ditu.
d) Bidaia Agentzietako eta Ekitaldien Kudeaketako goi mailako teknikariaren lanbide profilarekin zerikusia duten prestakuntza eta lanbide ibilbideak identifikatu ditu.
e) Etengabeko prestakuntzak duen garrantzia baloratu du, laneratu ahal izateko eta produkzio prozesuaren eskakizunetara moldatzeko gakoa den aldetik.
f) Lana bilatzeko prozesuan erabiltzen diren teknikak zehaztu ditu.
g) Tituluari lotutako lanbide-sektoreetan autoenplegurako dauden aukerak aurreikusi ditu.
2. Talde laneko estrategiak eta komunikazio trebetasunak aplikatzen ditu, eta erakundearen helburuak lortzeko duten eraginkortasuna baloratzen du.
Ebaluazio irizpideak:
a) Talde lanaren onurak baloratu ditu Bidaia Agentzietako eta Ekitaldien Kudeaketako goi mailako teknikariaren profilarekin zerikusia duten lan egoeretan.
b) Egiazko lan egoera batean eratzen ahal diren lantaldeak identifikatu ditu.
c) Komunikaziorako teknika nagusiak identifikatu ditu.
d) Komunikazio eraginkorra izateko beharrezko elementuak identifikatu ditu.
e) Lantalde eraginkorraren ezaugarriak zehaztu ditu, eraginkortasunik gabeko lantaldeen aldean.
f) Lanbide sektorean lantaldearen funtzionamendua hobetzeko behar diren trebetasun sozialak baloratu ditu.
g) Lantaldeetan erabiltzen diren dokumentuak identifikatu ditu: deialdiak, aktak eta aurkezpenak.
h) Lantaldeko kideen eginkizunen eta iritzien aniztasun beharrezkoa positiboki baloratu du.
i) Taldeko kideen artean gatazkak sortzen ahal direla eta hori erakundeen ezaugarri bat dela onartu du.
j) Gatazka motak eta horien iturriak identifikatu ditu, baita gatazkak konpontzeko prozedurak ere.
3. Lan harremanetatik sortzen diren eskubideak erabili eta betebeharrak bete egiten ditu, eta badaki horiek bereizten lan kontratuetan eta hitzarmen kolektiboetan.
Ebaluazio irizpideak:
a) Lan zuzenbidearen arloko kontzeptu nagusiak identifikatu ditu.
b) Enpresaburuen eta langileen arteko harremanetan esku hartzen duten erakunde nagusiak bereizi ditu.
c) Lan harremanetatik sortzen diren eskubideak eta betebeharrak zehaztu ditu.
d) Kontratazio mota nagusiak sailkatu ditu eta zenbait kolektiboren kontratazioa sustatzeko neurriak identifikatu ditu.
e) Indarra duen legedian lana eta familiako bizitza ongi uztartzeko ezarrita dauden neurriak baloratu ditu.
f) Soldaten ordainagiria aztertu du eta hura osatzen duten elementu nagusiak identifikatu ditu, tartean langilearen kotizazio oinarriak eta langileari eta enpresaburuari dagozkien kuotak daudela.
g) Lan harremanak aldatzearen, etetearen eta amaitzearen arrazoiak eta ondorioak identifikatu ditu.
h) Gatazka kolektiboetako neurriak eta gatazkak ebazteko prozedurak aztertu ditu.
i) Bidaia Agentzietako eta Ekitaldien Kudeaketako goi mailako teknikari tituluarekin zerikusia duen lanbide sektoreari aplikatu beharreko hitzarmen kolektibo batean itundutako lan baldintzak zehaztu ditu.
j) Lanaren antolaketaren ingurune berriak bereizten dituzten ezaugarriak identifikatu ditu.
4. Gizarte Segurantzaren sistemak estaltzen dituen egoeretan zer-nolako babesak dauden zehazten du eta prestazio motak identifikatzen ditu.
Ebaluazio irizpideak:
a) Gizarte Segurantzaren eginkizuna baloratu du, herritarren bizi-kalitatea hobetzeko zutabe nagusia den aldetik.
b) Gizarte Segurantzaren sistemako araubideak identifikatu ditu.
c) Gizarte Segurantzaren sistemak estaltzen dituen kontingentziak banan-banan aipatu ditu.
d) Enpresaburuak eta langileak Gizarte Segurantzaren sistemaren barrenean dituzten betebeharrak identifikatu ditu.
e) Inguruko herrialde nagusietan Gizarte Segurantzaren arloan dauden aldeak identifikatu ditu.
f) Gizarte Segurantzaren sistemako prestazioak sailkatu eta baldintzak identifikatu ditu.
g) Legezko langabezia egoerak zehaztu ditu zenbait kasu praktikotan.
h) Ikasleen ezaugarriei dagozkien langabezia prestazioen iraupena eta zenbatekoa kalkulatu ditu, kotizaziopeko oinarrizko prestazioak eta kotizazio gabeko prestazioak bereiziz.
5. Bere jardueraren arriskuak ebaluatzen ditu, lan baldintzak eta bere lan inguruneko arrisku faktoreak aztertuta.
Ebaluazio irizpideak:
a) Bidaia agentzien eta ekitaldien sektorean dauden jarduera motak sailkatu ditu, Bidaia Agentzietako eta Ekitaldien Kudeaketako goi mailako teknikariaren lan ingurunean, laneko arriskuak identifikatuz.
b) Dauden arrisku-faktoreak sailkatu ditu.
c) Laneko arriskuen ondorioz gerta daitezkeen kalte profesionalak (lan istripuak eta lanbide eritasunak) identifikatu ditu.
d) Enpresako arriskuak ebaluatzeko prozesua eta kontzeptua zehaztu ditu.
e) Arrisku motak identifikatu eta ebaluatu ditu eta, prebentzio neurriak proposatuta, haien segimendua egin eta haien eraginkortasuna kontrolatu du.
f) Bidaia Agentzietako eta Ekitaldien Kudeaketako goi mailako teknikariaren lanbide profilarekin zerikusia duten lan inguruneetan prebentzioari begira garrantzia duten lan baldintzak zein diren zehaztu du.
g) Lan baldintzak eta langilearen osasuna erlazionatu ditu.
h) Prebentzioaren kulturaren garrantzia baloratu du enpresaren esparru eta jarduera guztietan.
6. Enpresa txiki batean, arriskuen prebentziorako plana egiten laguntzen du, inplikatutako eragile guztien erantzukizunak eta eskumenak identifikatuta.
Ebaluazio irizpideak:
a) Laneko arriskuen prebentziorako oinarrizko araudia identifikatu du.
b) Laneko arriskuen prebentzioaren arloko eskubide eta betebehar nagusiak zein diren zehaztu du.
c) Enpresan prebentzioa kudeatzeko moduak sailkatu ditu, laneko arriskuen prebentziorako araudian ezarritako irizpideen arabera.
d) Arrisku plan bat prestatzean inplikatuta dauden eragile guztien erantzukizunak identifikatu ditu.
e) Arriskuen prebentzioaren arloan langileek enpresan ordezkaritza izateko bideak zein diren deskribatu du.
f) Laneko arriskuen prebentzioarekin zerikusia duten erakunde publikoak identifikatu ditu.
g) Aintzat hartu du garrantzitsua dela enpresan prebentzio plana izatea, larrialdietan egin beharreko jarduketen sekuentzia barne duela.
h) Bidaia Agentzietako eta Ekitaldien Kudeaketako goi mailako teknikariaren lanbide sektorearekin zerikusia duen lantoki bateko prebentzio planaren edukia definitu du.
i) Enpresa txiki edo ertain batentzako larrialdi eta ebakuazioetarako plana proiektatu du.
7. Prebentzio eta babes neurriak aplikatzen ditu, eta Bidaia Agentzietako eta Ekitaldien Kudeaketako goi mailako teknikariaren lan inguruneko arrisku egoerak aztertzen ditu.
Ebaluazio irizpideak:
a) Kalteak beren sorburuan saihesteko eta saihestezinak diren ondorioak leuntzeko aplikatu behar diren prebentzio eta babes neurriak definitu ditu.
b) Mota guztietako segurtasun seinaleen esanahia eta eremua aztertu ditu.
c) Larrialdietan jarduteko protokoloak aztertu ditu.
d) Larrialdietan, zaurituak larritasunaren arabera sailkatzeko teknikak identifikatu ditu.
e) Lehen sorospenerako oinarrizko teknikak identifikatu ditu, istripuaren lekuan aplikatu behar direnak kalte mota desberdinei aurre egiteko. Halaber, botika kutxaren osagaiak eta erabilera identifikatu ditu.
f) Langilearen osasuna zaintzeko betebeharrak eta baldintzak eta horiek prebentzio neurri gisa duten garrantzia zehaztu ditu.
Edukiak.
Lan bilaketa aktiboa:
-Lanbide-karrera egiteko interesak, gaitasunak eta motibazio pertsonalak analizatzea.
-Erabakiak hartzeko prozesua.
-Bidaia Agentzietako eta Ekitaldien Kudeaketako goi mailako teknikariaren tituluari dagokion lanbide sektorearen definizioa eta azterketa, haren eraginpeko lurraldean eta Estatuan.
-Sektoreko enpresa txiki, ertain eta handietan lana bilatzeko prozesua haren eraginpeko lurralde eremuan, Estatuan eta Europar Batasunean.
-Enplegu publikoa eskuratzeko prozesua.
-Europan ikasteko eta lan egiteko aukerak.
-Etengabeko prestakuntzak Bidaia Agentzietako eta Ekitaldien Kudeaketako goi mailako teknikariaren lan eta lanbide ibilbiderako duen garrantzia baloratzea.
-Informazio hori ematen duten tokiko, eskualdeko, Estatuko eta Europako erakundeak identifikatzea.
-Bidaia Agentzietako eta Ekitaldien Kudeaketako goi mailako teknikariarekin zerikusia duten prestakuntza ibilbideak identifikatzea tokiko, eskualdeko, Estatuko eta Europako eremuetan.
-Enplegua bilatzeko teknikak eta tresnak: curriculum vitaearen ereduak, Europako curriculum vitaea eta laneko elkarrizketak. Europar Batasunean langileen mugikortasuna errazten duten beste dokumentu batzuk.
-Autoenplegua baloratzea laneratzeko hautabide gisa.
Gatazkaren kudeaketa eta lantaldeak:
-Talde lanak erakundearen eraginkortasunari begira dituen alde onak eta txarrak baloratzea.
-Bidaia agentzien/ekitaldien sektoreko lantalde motak, betetzen dituzten eginkizunen arabera.
-Lantalde eraginkorraren ezaugarriak.
-Trebetasun sozialak. Hitzezko eta hitzik gabeko komunikaziorako teknikak. Komunikazio eraginkorrerako estrategiak.
-Lan bileretan erabiltzen diren dokumentuak: deialdiak, aktak eta aurkezpenak.
-Lantaldean parte hartzea. Kideek har ditzaketen rolen analisia.
-Gatazka: ezaugarriak, iturriak eta etapak.
-Gatazka konpondu edo ezabatzeko metodoak: bitartekotza, adiskidetzea, arbitrajea, epaiketa eta negoziazioa.
Lan kontratua:
-Lan arloko zuzenbidea.
-Banakako lan harremanen azterketa.
-Lan kontratuaren modalitateak eta kontratazioa sustatzeko neurriak.
-Lan harremanak sortzen dituen eskubideak eta betebeharrak.
-Lan baldintzak. Soldata, laneko denbora eta atsedena.
-Soldataren ordainagiria.
-Lan kontratuaren aldaketa, etendura eta amaiera.
-Langileen ordezkaritza.
-Bidaia Agentzietako eta Ekitaldien Kudeaketako goi mailako teknikariaren lanbide eremuari aplikatu beharreko hitzarmen kolektibo baten azterketa.
-Lan gatazka kolektiboak.
-Lana antolatzeko ingurune berriak: azpikontratazioa eta telelana, besteak beste.
-Langileentzako onurak antolaketa berrietan: malgutasuna, gizarte onurak eta beste batzuk.
Gizarte Segurantza, lana eta langabezia:
-Gizarte Segurantzaren sistema, elkartasun sozialaren oinarrizko printzipio gisa.
-Gizarte Segurantzaren sistemaren egitura.
-Enpresaburuek eta langileek Gizarte Segurantzaren arloan dituzten betebehar nagusiak: afiliazioa, altak, bajak eta kotizazioa.
-Gizarte Segurantzaren ekintza babeslea.
-Gizarte Segurantza gure inguruko herrialde nagusietan.
-Langabezia-babesa: kontzeptua eta babesten ahal diren egoerak.
Laneko arriskuen ebaluazioa:
-Laneko arriskuen prebentzioaren arloko oinarrizko arau-esparrua.
-Laneko arriskuen prebentzioaren arloko eskubideak eta betebeharrak.
-Prebentzioaren kulturaren garrantzia jardueraren fase guztietan.
-Lanaren eta osasunaren arteko erlazioaren balorazioa.
-Laneko arriskua. Arrisku faktoreen analisia.
-Enpresako arriskuen ebaluazioa, prebentzio jardueraren oinarrizko elementu gisa.
-Segurtasun baldintzei lotutako arriskuen azterketa.
-Ingurumen baldintzei lotutako arriskuen azterketa.
-Baldintza ergonomiko eta psikosozialei lotutako arriskuen azterketa.
-Sektoreko industrian berariazko arriskuak dituzten lan prozesuak.
-Arriskuaren balorazioa.
-Aurkitutako arrisku egoera bakoitzaren ondorioz langilearen osasunak nolako kalteak izan ditzakeen zehaztea.
Prebentzioaren plangintza enpresan:
-Prebentzio plana.
-Prebentzio neurriak hartzea: plangintza eta kontrola.
-Prebentzioaren kudeaketaren antolaketa enpresan.
-Langileen ordezkaritza prebentzioaren arloan.
-Laneko arriskuen prebentzioaren arloko erantzukizunak.
-Laneko arriskuen prebentzioarekin zerikusia duten erakunde publikoak.
-Banakako eta taldeko prebentzio eta babes neurriak.
-Larrialdi eta ebakuazioetarako planak lan-inguruneetan.
-Sektoreko enpresa batentzako larrialdi plana prestatzea.
-Larrialdietan jarduteko protokoloa.
Prebentzio eta babes neurriak aplikatzea:
-Jarduteko protokoloa hautatzea.
-Banakako eta taldeko prebentzio eta babes neurriak zehaztea.
-Segurtasun arloko seinale motak identifikatzea.
-Larrialdi medikoa eta lehen sorospena. Oinarrizko kontzeptuak eta aplikazioa.
-Langileei prestakuntza ematea larrialdietako planei buruz eta lehen sorospenerako teknikei buruz.
-Langileen osasuna zaintzea.
Orientabide didaktikoak.
Modulu honen bidez ikasleek oinarrizko trebetasunak eta jarrerak bereganatzen dituzte lan munduan sartzeko eta beren lanbide karrera garatzeko, bidaia agentzien/ekitaldien sektorean, hala Espainiako lurraldean nola Europan.
Edukien hurrenkerari dagokionez, kontuan izanik ikastetxeak egokienak iruditzen zaizkion erabakiak hartzeko eskumena duela, lan arloko legediari, Gizarte Segurantzari eta lantaldeei buruzko edukiak jorratu litezke lehenik, eduki horiek beharrezkoak baitira Enpresa eta ekimen sortzailea moduluan enpresa plana/proiektua garatzeko. Ondoren, Laneko segurtasunari eta osasunari buruzko edukiak lantzen ahal dira; aipatutako enpresa proiektuari dagokion prebentzio planean gauzatzen ahal da haien aplikazio praktikoa. Gatazkaren kudeaketarekin jarrai daiteke eta, azkenik, lan bilaketari buruzko multzoa jorra daiteke, ikasleak lan merkatuan sartu aurreko urrats gisa.
Modulu honetako ikaskuntzaren emaitzak lortzeko, askotariko jarduerak daude aukeran. Hona hemen batzuk:
-Norberaren izaerari eta gizarte trebetasunen garapenari buruzko orientabide profesionaleko probak eta dinamikak egitea, prestakuntzaren eta asmoen arteko koherentzia pertsonala egiaztatzeko.
-Norberaren karrera planifikatzea: beharrekin eta lehentasunekin bateragarriak diren epe ertain eta luzerako lan helburuak finkatzea. Helburu errealistak eta oraingo prestakuntzarekin eta proiektatuarekin koherenteak direnak finkatzea, eta nork bere ikaskuntzaren ardura hartzea.
-Lana bilatzen laguntzen ahal diguten bitartekoak eta erakundeak identifikatzea, bai gure ingurune hurbilenean, bai Europan, horretarako tresna egokiak erabiliz.
-Lana bilatzeko prozesuetan behar den dokumentazioa prestatu eta betetzea: curriculum vitaea, lan elkarrizketak, test psikoteknikoak eta beste batzuk.
-Jardueraren bat bakarka eta taldean egitea eta emaitzak konparatzea.
-Komunikazio jarduerak egitea.
-Klasean aurkezpenak egitea.
-Gatazka-egoera bat simulatzea eta konponbide desberdinak aurkeztea.
-Sektoreko langileei eragiten dien lan arloko araudia identifikatzea.
-Langileen Estatutuaren edukia alderatzea ikasten ari den zikloari dagokion sektoreko hitzarmen kolektibo batekin.
-Negoziazio kolektiboko prozesu bat simulatzea, langileen eta enpresaburuen interesak bateratzeko bide gisa.
-Zailtasun maila desberdinetako soldata ordainagiriak egitea.
-Prebentzio plan bat prestatzea Enpresa eta ekimen sortzailea izeneko moduluan garatu beharreko enpresako proiektu/planerako.
-Gizarte Segurantzak babesten dituen egoerak identifikatzea.
-Zikloa eginda eskuratzen ahalko diren lanpostu ohikoenetan gerta daitezkeen arrisku egoerak aztertzea, aurreneurriak proposatzea eta ezarri beharreko aurreneurrien plangintza diseinatzea, hori guztia indarra duen araudiari jarraituz.
-Sektoreko enpresak ikusteko bisitak programatu eta egitea, ikasleek produkzio sektorearen errealitatea ezagutu ahal izateko.
Modulu honen edukietarako ikus-entzunezkoak edo/eta Internet erabilita, azkarragoa eta eraginkorragoa izanen da ikaskuntza eta irakaskuntza prozesua. Pixkanaka ikasleek beren kabuz ebatzi ahal izanen dituzte proposatzen zaizkien jarduketak eta egoerak.
Lanerako prestakuntza eta orientabideak eta Enpresa eta ekimen sortzailea izeneko moduluek harreman estua izanen dute, eta edukiak zein metodologiaren alderdiak elkarrekin koordinatuko dituzte.
Azpimarratu behar da komenigarria dela Enpresa eta ekimen sortzailea moduluan eginen den enpresa proiektu/plana erabiltzea Lanerako prestakuntza eta orientabideak moduluan ematen diren edukiak zuzenean aplikatzeko; horrek modulu honetako edukien alderdi praktikoa sustatuko du.
Halaber, lantegi, laborategi eta abarretan ematen diren moduluekin duen erlazioa kontuan hartu beharko litzateke, lan osasunaren arloko prestakuntza osatze aldera.
Lanbide modulua: Enpresa eta ekimen sortzailea.
Kodea: 0402.
Baliokidetasuna, ECTS kreditutan: 4.
Iraupena: 70 ordu.
Ikaskuntzaren emaitzak eta ebaluazio irizpideak.
1. Ekimenari lotutako ahalmenak bereizten ditu, eta lanpostuetatik eta enpresa jardueretatik sortzen diren eskakizunak aztertzen.
Ebaluazio irizpideak:
a) Aintzat hartu du banakako ekimenak, sormenak, prestakuntzak eta lankidetzak duten garrantzia, enplegatu gisa nahiz enpresaburu gisa ekimenean arrakasta lortzeko ezinbesteko baldintzak diren aldetik.
b) Berrikuntza eta nazioartekotze kontzeptuak eta horiek gizartea aurreratzearekin eta pertsonen ongizatea handitzearekin duten lotura identifikatu ditu.
c) Ekimenaren kultura zer den eta enpleguaren eta gizarte ongizatearen iturri gisa zer-nolako garrantzia duen aztertu du.
d) Bidaia agentzien eta ekitaldien antolaketaren turismo esparruan abiatzen den enpresaburu baten ekimenaren nondik norakoa aztertu du.
e) "Arrisku" kontzeptua aztertu du, ekimen ororen ezinbesteko osagai gisa, eta enpresa plan baten bitartez arriskua gutxitzeko aukera ere bai.
f) "Enpresaburu" kontzeptua eta enpresa jarduera garatzeko behar diren baldintzak eta jarrerak aztertu ditu.
2. Komunikazioarekin, lidergoarekin, sormenarekin eta konpromisoarekin zerikusia duten norberaren gaitasunak ezagutu eta aplikatzen ditu, eta norberaren konturako edo besteren konturako lanbide jarduerak garatzeko orduan duten garrantzia baloratzen du.
Ebaluazio irizpideak:
a) Komunikazio eraginkorra izateko beharrezko elementuak identifikatu ditu.
b) Agindu eta zuzentzeko estiloak eta horiek pertsonengan eta enpresetan dituzten eraginak sailkatu ditu.
c) Lanbide jardueretan motibazioa izatearen beharra justifikatu du.
d) Motibatzeko teknika ohikoenak deskribatu ditu, baita nola egokitzen diren egoeraren arabera ere.
e) Sormenezko pentsamenduaren premia justifikatu du lan prozesuak hobetzean eta lanbide berrikuntzan.
f) Sormenezko prozesuen ezaugarri nagusiak deskribatu ditu.
g) Norberaren gaitasun profesionalak erlazionatu ditu sektoreko enpresetan besteren kontura lan egitean behar diren gaitasun pertsonalekin.
h) Norberaren gaitasun profesionalak erlazionatu ditu bidaia agentzien eta ekitaldien antolaketaren lanbide sektorean jarduera bat sortzeko ekimena duten pertsonen gaitasunekin.
3. Negoziorako ideiak sortu eta identifikatzen ditu, eta enpresa txiki bat sortzeko edo enpresa baten barnean ekimenak garatzeko aukera zehazten du, balio etikoak erantsiz eta ingurunearen gaineko eragina baloratuz.
Ebaluazio irizpideak:
a) Enpresa bateko oinarrizko funtzioak deskribatu ditu, eta sistemaren kontzeptua aztertu du enpresari aplikatuta.
b) Enpresa baten barruan, prozesuak eta produktuak hobetzeko ekimenetarako ideiak garatzea sustatu du, merkatuaren eskariei erantzun nahian.
c) Negoziorako ideiak garatzea sustatu du, merkatuaren eskariei erantzun nahian.
d) Negoziorako aukerak aztertu ditu, sektorearen egoera eta eboluzioa kontuan izanda.
e) Enpresaren ingurune orokorraren osagai nagusiak identifikatu ditu; bereziki, ingurune ekonomikoa, soziala, demografikoa, kulturala, politikoa, legezkoa, teknologikoa eta nazioartekoa.
f) Aztertu du ea enpresaren jardueran zer-nolako eragina duten enpresak bezeroekin/erabiltzaileekin, hornitzaileekin, lehiakideekin eta bitartekariekin dituen harremanek, horiek baitira berariazko ingurunearen edo mikroingurunearen osagai nagusiak.
g) ETE baten inguruneko elementuak identifikatu ditu.
h) Enpresaren kultura eta irudi korporatiboa zer diren eta enpresaren helburuei nola dauden loturik aztertu du.
i) Enpresen erantzukizun sozialaren fenomenoa eta enpresaren estrategiaren osagai gisa duen garrantzia aztertu du.
j) Bidaia agentzia/ekitaldien kudeaketa baten gizarte balantzea egin du eta enpresa horien gizarte kostu nagusiak deskribatu ditu, bai eta sortzen dituzten gizarte onurak ere.
k) Bidaia agentzien eta ekitaldien kudeaketaren arloko enpresetan, balio etiko eta sozialak kontuan hartzen dituzten jardunbide onak identifikatu ditu.
l) Enpresaren estrategia deskribatu du, enpresaren helburuekin lotuz, eta marketin plana zehaztu du.
m) Enpresa baten bideragarritasun ekonomiko-finantzarioari buruzko azterlana egitea zein garrantzitsua den baloratu du.
4. Bidaia agentzia/ekitaldien kudeaketako enpresa bat sortu eta abian jartzeko urratsak egiten ditu, dauden aukerak eta baliabideak baloratuz, forma juridikoa hautatuz eta hari lotutako legezko betebeharrak identifikatuz.
Ebaluazio irizpideak:
a) Enpresaren forma juridiko guztiak aztertu ditu.
b) Enpresaren jabeek, hautaturiko forma juridikoaren arabera, zenbaterainoko lege-erantzukizuna duten zehaztu du.
c) Enpresaren forma juridiko bakoitzari ezartzen zaion tratamendu fiskala bereizi du.
d) Indarra duen legediak ETE bat eratzeko eskatzen dituen tramiteak aztertu ditu.
e) Bidaia agentzia/ekitaldien kudeaketako enpresa bat sortzeko eskuratzen ahal diren laguntza guzti-guztien bilaketa egin du.
f) Enpresa plan baten osagaiak zehaztu ditu.
g) Forma juridikoaren hautapena, administrazio tramiteak, laguntzak eta diru-laguntzak enpresa planean sartu ditu.
h) ETE bat abian jartzeko aholkularitzarako eta kudeaketa administratiborako enpresatik kanpo dauden bideak identifikatu ditu.
i) Produkzio planaren inguruko guztia eta bideragarritasun ekonomiko-finantzarioaren gaineko azterlana enpresa-planean sartu ditu.
j) Kontabilitateko informazioa aztertzeko oinarrizko teknikak deskribatu ditu, batez ere enpresaren kaudimenari, likideziari eta errentagarritasunari dagokienez.
k) Bidaia agentzien eta ekitaldien sektoreko ETE baten bideragarritasun ekonomiko eta finantzarioaren azterlana egin du.
l) Jarduerarako egin behar diren inbertsioak identifikatu eta baloratu ditu, baita finantzabideak ere.
m) Ahuleziak eta indarrak identifikatu ditu.
5. ETE baten kudeaketa administratibo, komertzial eta finantzarioko oinarrizko jarduerak egiten ditu, kontabilitate eta zerga betebehar nagusiak identifikatzen ditu eta dokumentazioa betetzen du.
Ebaluazio irizpideak:
a) Bidaia agentzia/ekitaldien antolaketako enpresa baten zerga betebeharrak definitu ditu. Fase hauek definitu ditu: produkzioa edo zerbitzua ematea, produkziorako estrategiak eta kalitaterako estrategiak.
b) Kontabilitateko oinarrizko kontzeptuak aztertu ditu.
c) Ikerketa, garapen eta berrikuntza (I+G+B) arloko ekintzen beharra baloratu du.
d) Zerga egutegiko zerga motak bereizi ditu.
e) Bidaia agentzien/ekitaldien sektoreko ETE batentzat merkataritzako eta kontabilitateko oinarrizko agiriak bete ditu (fakturak, albaranak, eskabide orriak, kanbio letrak, txekeak eta beste batzuk), eta agiri horiek enpresan egiten dituzten zirkuituak deskribatu ditu.
Edukiak.
Ekimen sortzailea:
-Berrikuntza eta garapen ekonomikoa. Berrikuntzaren ezaugarri nagusiak bidaia agentzien/ekitaldien arloko jardueran.
-Ekintzaileen gako-faktoreak: ekimena, sormena eta prestakuntza.
-Ekintzaileen jarduna, bidaia agentzien/ekitaldien sektoreko ETE bateko enpresaburu eta enplegatu gisa.
-Ekimenaren arriskua.
-Enpresaburuaren kontzeptua. Enpresa jardueretan aritzeko baldintzak. Izaera ekintzailea.
Komunikazioa, lidergoa eta sormena.
-Sormenaren, komunikazioaren eta lidergoaren oinarrizko gaitasunak, besteak beste.
-Pertsona sortzailearen ezaugarriak. Sormena bultzatzen duten teknikak.
-Aginte eta zuzendaritza estiloak ezagutzea. Enpresaren esparruetan aplikatzea.
-Motibazioaren kontzeptua. Motibatzeko teknikak eta haien aplikazioa.
-Bidaia agentzien/ekitaldien sektorean lan egiten duenaren eta ekintzaile baten laneko gaitasunak eta gaitasun pertsonalak ezagutzea.
Enpresa eta bere ingurunea:
-Enpresa, sistema gisa. Enpresaren oinarrizko eginkizunak.
-Negozioaren ideia bidaia agentzien/ekitaldien arloko enpresen esparruan.
-Ekimenaren kultura: ekimena, enpresa barruko ekimena eta ekimen soziala sustatzea. Negoziorako ideiak sustatzeko teknikak.
-Bidaia agentzien/ekitaldien sektoreko ETE baten ingurune orokorraren eta berariazkoaren azterketa.
-Turismo sektoreko ETE baten erlazioak.
-Enpresa nazioartean. Europar Batasunean askatasunez kokatzeko eskubidea.
-Bidaia agentzien/ekitaldien sektoreko enpresa baten ahuleziak, mehatxuak, indarrak eta aukerak aztertzea.
-Marketin plan baten edukiak.
Enpresa bat sortu eta abian jartzea:
-Enpresa motak. Forma juridikoak.
-Forma juridikoa hautatzea.
-Produkzio prozesuaren edo zerbitzu-ematearen deskribapen teknikoa. Giza baliabideak.
-Turismoaren arloko ETE baten bideragarritasun ekonomikoa eta bideragarritasun finantzarioa.
-Enpresen fiskalitatea: Nafarroako Foru Komunitateko zerga sistemaren berezitasunak.
-Enpresa bat eratzeko administrazio tramiteak.
-Enpresa bat eratzeko aholku ematen duten erakunde eta instituzioak.
-Ahuleziak eta indarrak identifikatzea, AMIA.
-Enpresa plan bat prestatzea.
Funtzio administratiboa, merkataritzakoa eta finantzarioa:
-Kontabilitatearen kontzeptua eta oinarrizko alderdiak.
-"Merkataritzako eta finantzako eginkizuna" kontzeptua.
-Produkzio faseen definizioa. Hobetzeko sistemak.
-Kontabilitateko eragiketak: enpresa baten informazio ekonomikoaren erregistroa.
-Enpresen zerga betebeharrak.
-Dokumentu ofizialak aurkezteko baldintzak eta epeak.
-Bidaia agentzien/ekitaldien arloko enpresa baten kudeaketa administratiboa.
Orientabide didaktikoak.
Modulu honen helburua da ikasleek sentikortasun positiboa garatzea nork bere lana sortzeko ekimenari dagokionez, baita enpresa barnean ekiteko jarrerak eta trebetasunak sustatzea ere, enplegua etengabe hobetzeko, beste baten kontura lan egiten denean.
Planteatzen diren edukien sekuentziazioari dagokionez, kontuan izanik ikastetxeak duela eskumena egokienak iruditzen zaizkion erabakiak hartzeko, proposatzen da ikasleak has daitezela ekimeneko gaitasunak zehazten eta garatzen dituzten jarduerekin, eta, horrek beren sektorera hurbiltzen lagunduko die. Ondoren, negoziorako ideia bat zehazteko erronkari egiten ahal diote aurre ikasleek, hori oinarria izanen baita enpresa plan bat prestatzeko. Izan ere, plan hori izanen da modulua garatzeko ardatza.
Gomendatzen da edukiak aplikatzekoak izatea eta enpresa proiektua edo enpresa-plana garatzearekin bateratzea, metodologiak lot ditzan moduluko alderdi teorikoa eta praktikoa.
Saiatu beharko litzateke enpresa proiektua/enpresa plana kontzeptua Bidaia agentzien proiektua eta ekitaldien kudeaketa izeneko moduluarekin biltzen, lanbide arloko irakasleak ezaugarri teknikoei buruzko alderdietan buru izan daitezen. Bi proiektuak ebaluazio tresna gisa erabiltzen ahalko dira, ikasleen jarrera alderdiak baloratu ahal izateko, hala nola: komunikazioa, lidergoa, sormena eta parte-hartzea, lehen definituak ekimen sortzailea sustatzeko beharrezko gaitasun gisa.
Metodologia teoriko-praktikoa izanen da, ikus-entzunezkoak eta IKTak erabiliz kasuan kasuko sektorearen egoera ekonomikoari buruzko informazioa bilatu eta aztertzeko, eta web orri eta plataforma espezializatuetan kontsultak egiteko, enpresa bat martxan jartzeko prozesuan erabakiak hartzen lagungarri izan daitezen. Alde horretatik, enpresa-plana gara daiteke, ondoko jardueren ardatz:
-Heziketa zikloaren lanbide profileko jarduerarekin ikustekoa duen enpresako proiektu/plan bat egitea, negozioa martxan jartzeak dakartzan alderdi guztiak biltzen dituena: bideragarritasuna, produkzioa eta giza baliabideak, merkataritzako kudeaketa, administrazio eta finantza kontrola, justifikazio soziala, etab.; batik bat, esperientzia praktikoak, kanpoko agenteekiko harremana eta enpresako jardueraren sustapena oinarri dituen tresna pedagogikoak aplikatuko dira (enpresako leihatila bakarra, merkataritza ganberak, tokiko garapenerako agentziak, CEN, CEIN, enpresen mintegiak eta inkubagailuak, etab.).
-Enpresaburuekin harremanetan jartzea, hitzaldi, bisita, dinamika eta abarren bidez, enpresa baten funtzionamendua ezagutzeko sortzen denetik aurrera, ekimenaren espiritua sustatzeko eta ikasleek jarduerak garatzeko enpresa horren inguruan: oinarrizko eginkizunak, ingurunearen azterlana, DAFO azterlana, produkzio prozesuaren deskribapena, enpresa mota.
-Azoka, jardunaldi, lantegi eta bestelako ekitaldietara joatea, sektorea ezagutzeko eta enpresa ekimena garatzeko.
-Erakustaldiak, jardunaldi teknikoak eta ikastetxeko beste ekimen batzuk antolatzea, eskolako, ekonomiako eta gizarteko komunitateari begira.
-Kontsultak egitea enpresak sortzeko eskumenak dituzten entitate eta erakundeei, agente ekonomikoei eta profesionalei.
-Enpresako planaren barruan prebentzio plan bat prestatzea, Lanerako prestakuntza eta orientabideak izeneko moduluan erdietsitako gaitasunak oinarri dituena.
-Enpresako proiektu/plana azaldu eta defendatzea epaimahai baten aurrean.
Metodologia hau aplikatzeko, komenigarria izanen litzateke ikasleei Interneten sartzea ahalbidetzen dieten baliabideak eta/edo ikus-entzunezko baliabideak izatea. Gomendagarria da, halaber, ikasleak taldekatzearen teknika erabiltzea proposatutako jarduera batzuk egiteko.
Orobat, ikastetxeen arteko elkarlana sustatuko da, ahal dela, bai irakasleen bai ikasleen aldetik (kudeaketa ekonomikoa, prebentzio plana, denboraren bankua, etab.), eta ikastetxeen materialak eta praktika onak trukatzea bultzatuko da topaketa birtual eta aurrez aurrekoen bidez.
Lanerako prestakuntza eta orientabideak eta Enpresa eta ekimen sortzailea izeneko moduluak osagarriak direnez, koordinatuta egin beharko da edukien garapena eta sekuentziazioa, bi lanbide modulu horiek ematen dituzten irakasleen arteko harremana estua izanik. Era berean, enpresa proiektua kurtso osoan zehar ardatz gisa erabiltzeak laguntzen ahal du metodologia komun bat bi moduluetarako ezartzen, halako eran non Lanerako prestakuntza eta orientabideak izeneko moduluko edukiak aplikatu baitaitezke, egokien juzgatzen den eran, enpresa proiektua egiteko.
Lanbide modulua: Bidaia agentzien proiektua eta ekitaldien kudeaketa
Kodea: 0400.
Baliokidetasuna, ECTS kreditutan: 5.
Iraupena: 110 ordu.
Ikaskuntzaren emaitzak eta ebaluazio irizpideak.
1. Produkzio sektorearen beharrak identifikatzen ditu eta horiek ase ditzaketen ereduzko proiektuekin lotzen ditu.
Ebaluazio irizpideak:
a) Sektoreko enpresak sailkatu ditu, beren antolaketaren ezaugarriak eta eskaintzen duten produktu edo zerbitzu mota kontuan harturik.
b) Ereduzko enpresen ezaugarriak azaldu ditu, antolaketaren egitura eta departamentu bakoitzaren eginkizunak adieraziz.
c) Enpresei gehien eskatzen zaizkien beharrak identifikatu ditu.
d) Sektorean aurreikus daitezkeen negozio aukerak baloratu ditu.
e) Aurreikusten diren eskariei erantzuna emateko behar den proiektu mota identifikatu du.
f) Proiektuak izan behar dituen berariazko ezaugarriak zehaztu ditu.
g) Zerga eta lan arloetako betebeharrak, arriskuei aurrea hartzekoak eta horiek aplikatzeko baldintzak zehaztu ditu.
h) Produkziorako edo zerbitzurako proposatzen diren teknologia berriak sartzeko har litezkeen laguntzak edo diru-laguntzak identifikatu ditu.
i) Proiektua prestatzeko erabiliko den lanerako gidoia prestatu du.
2. Tituluan ageri diren gaitasunekin zerikusia duten proiektuak diseinatzen ditu, hura osatzen duten faseak sartuz eta garatuz.
Ebaluazio irizpideak:
a) Proiektuan landuko diren alderdien gaineko informazioa bildu du.
b) Proiektuaren bideragarritasun teknikoari buruzko azterketa egin du.
c) Proiektua osatzen duten fase edo atalak eta haien edukia identifikatu ditu.
d) Lortu nahi diren helburuak ezarri ditu eta haien norainokoa identifikatu du.
e) Proiektua burutzeko behar diren baliabide materialak eta giza baliabideak aurreikusi ditu.
f) Dagokion aurrekontu ekonomikoa egin du.
g) Proiektua abian jartzeko finantzazio beharrak identifikatu ditu.
h) Proiektua diseinatzeko behar den dokumentazioa definitu eta prestatu du.
i) Proiektuaren kalitatea bermatzeko kontrolatu behar diren alderdiak identifikatu ditu.
3. Proiektua nola inplementatu edo gauzatu planifikatzen du, esku hartzeko plana eta lotutako dokumentazioa zehaztuz.
Ebaluazio irizpideak:
a) Jardueren sekuentzia zehaztu du, inplementazio beharren arabera ordenatuz.
b) Jarduera bakoitzerako behar diren baliabideak eta logistika zehaztu ditu.
c) Jarduerak gauzatzeko baimenen beharrak identifikatu ditu.
d) Jarduteko edo jarduerak gauzatzeko prozedurak zehaztu ditu.
e) Inplementazioak dituen arriskuak identifikatu ditu eta arriskuen prebentziorako plana eta behar diren baliabide eta ekipamenduak definitu ditu.
f) Baliabide materialen eta giza baliabideen esleipena eta gauzatze epeak planifikatu ditu.
g) Inplementazioaren baldintzei erantzuten dien balorazio ekonomikoa egin du.
h) Hura gauzatzeko behar den dokumentazioa definitu eta prestatu du.
4. Proiektua gauzatzeko jarraipen eta kontrolerako prozedurak definitzen ditu, erabilitako aldagai eta tresnen hautapena justifikatuz.
Ebaluazio irizpideak:
a) Jarduerak edo esku-hartzeak ebaluatzeko prozedura definitu du.
b) Ebaluazioa egiteko kalitate-adierazleak definitu ditu.
c) Jarduerak egin bitartean gerta daitezkeen gorabeherak ebaluatu, konpondu eta erregistratzeko prozedura definitu du.
d) Baliabideek eta jarduerek izan ditzaketen aldaketak kudeatzeko prozedura definitu du, haiek erregistratzeko sistema barne.
e) Jarduerak eta proiektua ebaluatzeko behar den dokumentazioa definitu eta prestatu du.
f) Erabiltzaile edo bezeroek ebaluazioan parte hartzeko prozedura ezarri du eta berariazko dokumentuak prestatu ditu.
g) Proiektuak baldintzen agiria duen kasuan, hura beteko dela bermatzeko sistema ezarri du.
Edukiak.
Enpresa proiektua. Enpresa plana. Enpresa ideiaren garapena.
-Enpresa proiektu baterako ideiak bilatzea. Ideia berritzaileak. Bide berriak, Internet.
-Enpresa plana. kontzeptua eta eginkizunak.
-Enpresa plan baten oinarrizko egitura.
Ingurunearen, sektorearen eta enpresaren lehiakortasunaren azterketa eta analisia. AMIA azterketa.
-Enpresaren jardueran eragina duten kanpoko faktoreak.
-Sektorea eta lehiakortasuna. Sektorearen azterketa. Identifikazioa. Produkzio sektore baten ezaugarri nagusiak. Indar lehiakorren azterketa. Indar lehiakorrak osatzen dituzten aldagaiak.
-Merkatu azterketak.
-Informazio iturriak. Kontzeptua eta motak. Lehen mailako iturrietako datuak lortzea, metodo nagusiak: Inkesta. Panelak. Behaketa. Esperimentazioa. Bigarren mailako iturrietako datuak lortzea.
-Merkatu azterketa baten etapak. Kontsumitzailearen portaera eta merkatuen segmentazioa. Inkesten bidez informazioa lortzea. Enpresa proiekturako estatistikoak.
Marketin plana.
-Produktua edo zerbitzua, produkzioa eta hornidurak.
-Merkatua eta komunikazioa.
-Banaketa.
-Prezioak.
-Salmentak.
-Merkataritza elektronikoa.
-Enpresa mota. Kokalekua
-Izena. Marka. Logotipoa eta anagrama.
Enpresaren antolaketa funtzionala. Giza baliabideak.
-Enpresa antolaketa. Erabakiak hartzea. Organigramak.
-Enpresako langileria departamentua. Hautapen politika. Langileak biltzea, hautatzea. Enpresan sartzea.
-Langileen kontratazioa. Kontratu mota aukeratzea. Ondorengo tramiteak.
-Nork bere lana sortzea.
-Langileen kudeaketa ekonomikoa. Kostu sozialak.
Inbertsioa eta finantzaketa. Proiektuaren bideragarritasunari buruzko azterlana.
-Enpresa proiektuen inbertsio beharrak. Diruzaintzako aurrekontua prestatzea.
-Proiektuen finantziazioa. Finantziazio berekia. Kanpoko finantziazioa. Finantziazioaren kostuak.
-Ebaluaziorako magnitudeen zenbatespena eta kalkulua. Behin-behineko emaitzen kontuak. Irabazien zenbatespena. Cash flow-aren kalkulua.
-Inbertsioak ebaluatzeko metodoak. Balio eguneratu garbia (VAN). Bideragarritasunaren barne tasa (TIR). Berreskuratze denbora (payback). Errentagarritasunaren indizea. Behin-behineko balantze-egoera eta ratio ekonomiko finantzarioak.
Eragiketen plangintza, dokumentazioa eta proiektuaren aurkezpena.
-Plangintza enpresan.
-Enpresa bat legez eratzeko oinarrizko tramiteak. Formalizazioa. Enpresa jarduera abian jartzea eta dokumentazioa.
-Proiektuen aurkezpena eta komunikazioa. Komunikazioa aplikatzea enpresa proiektuen azalpen eta aurkezpenean.
Orientabide didaktikoak.
Modulu hau tresna eraginkorra da ikasleentzat, titulua osatzen duten gainerako lanbide moduluetarako ezarritako prestakuntza osatzen baitu, hain zuzen ere enpresa proiektu zehatz bat garatu eta prestatzeko eginkizunei dagokienez; horretarako, proiektuaren ezaugarri nagusiak eta aldagaiak zehazten dira, bideragarritasun ekonomikoa aztertzen da eta abian jartzeko beharrezkoak diren tramiteak eta jarduketak zehazten dira.
Eginkizun horiei lotutako lanbide jarduerak bidaia agentzien eta ekitaldien kudeaketaren sektorean garatzen dira, eta beste eginkizun batzuetako alderdiak modu integratuan biltzen dira, hala nola baliabide turistikoen kudeaketa, ekitaldietako baliabide berekien kudeaketa, marketina, merkaturatzea eta erreserbak, sektorearen sustapena, ingurumenaren segurtasuna, arriskuen prebentzioa eta laneko segurtasuna. Prestakuntza honek ondoko alderdi funtsezkoak biltzen ditu:
-Turismo bitartekaritzaren merkatua, produktuak, antolaketa ekonomiko/produktiboa eta aukerak identifikatzea, hori guztia inplementatu nahi den proiektuarekin lotuz.
-Bitartekaritzako enpresa proiektu bat diseinatzea, tituluan azaldutako gaitasunekin lotuta, bideragarritasun ekonomiko eta teknologikoa aztertuz.
-Proiektuaren gauzatzea zehaztu eta planifikatzea, horren garapenaren faseak eta dagokion dokumentazioa zehaztuta.
-Proiektua kudeatzea, jarraipenaren eta kontrolaren prozedura zehaztuz.
Modulu hau bukatutakoan, ikasleek gai izan behar dute, sektoreko beharrak identifikatu ondoren, negozioko/arloko proiektuak (berriak edo handitzekoak) diseinatzeko eta proiektuaren gauzatze faseak garatzeko. Prozesu honetan, oro har jasotzen dira bidaia agentzien eta ekitaldien kudeaketaren sektoreko negozio baten alderdi guztiak.
Modulu hau nabarmenki praktikoa denez, komenigarria litzateke ikasgelan baliabide informatikoak izatea, ikasleek eskura izan ditzaten moduluko edukien gaineko informazio iturri azkar eta eguneratuak.
Bestalde, ikasleek kontuan izan behar dute modulu honen kontzeptu teoriko gehienak gainerako moduluetan ematen direla; interes berezia du Enpresa eta ekimen sortzailea izeneko moduluak. Alde horretatik, Enpresa eta ekimen sortzailea moduluaren eta Bidaia agentzien proiektua eta ekitaldien kudeaketa moduluaren artean antzekotasunak daudenez, espezializazio eta sakontze mailaren arabera eman behar zaio konponbidea horri. Enpresa eta ekimen sortzailea modulua ekimenaren arloko alderdi orokorrez aritzen da, ez baita bidaia agentzien/ekitaldien sektorera soilik mugatzen; aitzitik, Bidaia agentzien proiektua eta ekitaldien kudeaketa modulua modu espezializatuagoan aritzen da eta, hortaz, ekimenaren printzipio eta kontzeptu orokorrak modu sistematikoan aplikatzen ditu. Dena dela, heziketa zikloko irakasleek xehetasunez koordinatu beharko dute beren lana, modulu guztiek ikasleen ikaskuntzari egiten dizkioten ekarpenak errentagarri bihurtzeko.
Egokientzat proposatzen den edukien sekuentziazioa oinarrizko edukien atalean ezarritako ordena bera da. Oinarrizko edukiak hiru ataletan antolaturik daude:
-Ingurunearen azterketa: informazioa biltzea, beharrak identifikatzea eta bideragarritasuna aztertzea.
-Proiektuaren diseinua: proiektuaren definizioa, esku-hartzea planifikatzea eta dokumentazioa prestatzea.
-Proiektua gauzatzeko antolaketa: jardueren programazioa, baliabideen kudeaketa eta esku-hartzearen gainbegiraketa.
Modu sistematiko eta antolatuan lantzeko, atal horiek lau eduki multzotan banatzea proposatzen da:
I. multzoa: Sarrerakoa da, eta horren bidez modulua aurkezten da eta enpresa proiektu ororen oinarrizko puntuak aztertzen dira.
II. multzoa: Enpresa proiektuetarako ideiak hautatu ondoren, proiektu bakoitza mugatzen hasteko beharrezkoak diren lehen azterketak eta analisiak egiten dira.
III. multzoa: Enpresa proiektua zehazten da, enpresa jardueraren elementurik aipagarrienak pixkanaka xehetasunez emanez.
IV. multzoa: Beharrezkoak diren baliabideak aztertu eta zehazten dira, eta proiektuaren bideragarritasun ekonomikoa aztertzen da.
I. multzoarekin (sarrerakoa) hasi beharko da. Horren bidez, Bidaia agentzien proiektua eta ekitaldien kudeaketa modulua aurkezteaz gainera, gauzatu beharreko proiektua zein motatakoa den zehaztuko da, bai eta horren egitura, estiloa eta aurkezteko formatua ere. II., III. eta IV. multzoek jarraipena emanen diote hautatutako proiektuaren prestakuntzari, eta hurrenkera horri eutsi beharko zaio ondorioak atera arte, halaxe argituko baita proiektua abian jarriko den ala ez; ondorio horiek ikasleek banaka edo taldeka defendatuko dituzte ikasgelan, proiekziorako sistema teknologiko egokienak erabiliz.
Eduki horiek unitateetan antolatuko dira eta unitate bakoitzak berez zentzua izanen du, helburuak, irakaskuntza-ikaskuntzako jarduerak eta ebaluazioa definitzea ahalbidetuko baitu. Unitateen multzoak moduluko ikaskuntzaren bitartez emaitza egokiak lortzea ahalbidetu behar du.
Modulua garatzeko erabiliko diren baliabide osagarrien oinarri gisa, askotariko estrategiak aplikatu behar lirateke ikasleei beren jakintza etengabe eguneratzeko eta gauza berriak ikasteko gogoa piztu dakien, hala nola:
-Turismo sektorean enpresak sortzeko proiektuak aztertzea.
-Arlo honetako berariazko aldizkarietako artikuluak irakurtzea.
-Establezimenduak eta enpresak bisitatzea, ikasleek ikuspegi orokorra izan dezaten bidaia agentzien edo komunitatean ekitaldiak kudeatzen dituzten enpresen lanari buruz.
Modulu hau Bidaia Agentzietako eta Ekitaldien Kudeaketako goi mailako teknikariaren curriculumeko gainerakoekin lotzeari dagokionez, komenigarria litzateke adieraztea Bidaia agentzien proiektua eta ekitaldien kudeaketa izeneko moduluak zuzeneko lotura duela zikloko modulu guztiekin, izan ere edukiak, oro har, praktikan jartzen ditu dela bidaietarako bitartekaritzaren sektorean dela ekitaldien kudeaketaren sektorean txertatutako enpresa proiektu bat prestatzeko lanean.
Lanbide modulua: Lantokietako prestakuntza.
Baliokidetasuna, ECTS kreditutan: 22.
Kodea: 0403.
Iraupena: 360 ordu.
Ikaskuntzaren emaitzak eta ebaluazio irizpideak.
1. Enpresaren egitura eta antolaketa identifikatzen ditu, eta ematen duen zerbitzuarekin erlazionatzen ditu.
Ebaluazio irizpideak.
a) Enpresaren antolaketaren egitura eta enpresako arlo bakoitzaren eginkizunak identifikatu ditu.
b) Enpresaren egitura eta sektorean dauden enpresa-antolamendu ereduzkoak alderatu ditu.
c) Zerbitzuaren ezaugarriak eta bezero mota enpresa jardueraren garapenarekin erlazionatu ditu.
d) Zerbitzua emateko lan prozedurak identifikatu ditu.
e) Giza baliabideek enpresaren jarduera ahalik ongien garatzeko eduki behar dituzten gaitasunak baloratu ditu.
f) Jarduera honetan ohikoenak diren hedabideen egokitasuna baloratu du.
2. Bere lanbide jardueran ohitura etikoak eta lan ohitura egokiak aplikatzen ditu, lanpostuaren ezaugarrien eta enpresan ezarritako prozeduren araberakoak.
Ebaluazio irizpideak.
a) Honako hauek ezagutu eta justifikatu ditu:
-Lanpostuak langileari eskatzen dizkion prestasuna eta denbora.
-Lanposturako behar diren jarrera pertsonalak (puntualtasuna, enpatia, besteak beste) eta profesionalak (ordena, garbitasuna eta erantzukizuna, besteak beste).
-Lanbide jardueran arriskuen prebentzioaren aurrean beharrezkoak diren jarrerak.
-Lanbide jardueraren kalitateari dagokionez beharrezkoak diren jarrerak.
-Lantaldearekiko harremanei eta enpresan ezarritako harreman hierarkikoei buruzko jarrerak.
-Lan esparruan egindako jardueren dokumentazioarekin zerikusia duten jarrerak.
-Laneratzeko eta lan munduan berriz sartzeko prestakuntza beharrak profesionalaren jarduera egokiaren esparru zientifiko eta teknikoan.
b) Lanbide jardueran laneko arriskuak prebenitzeko aplikatu behar diren arauak eta Laneko Arriskuen Prebentzioari buruzko Legearen funtsezko alderdiak identifikatu ditu.
c) Norbera babesteko ekipamenduak erabili ditu, lanbide jardueraren arriskuen arabera eta enpresaren arauak betez.
d) Egindako jardueretan ingurumenarekiko errespetua agertu du.
e) Lanpostua edo jarduera egiten den eremua ongi antolatua, garbi eta oztoporik gabe mantendu du.
f) Egokitutako lanaren erantzukizuna bere gain hartu du, jasotako jarraibideak interpretatuz eta betez.
g) Komunikazio eraginkorra eratu du egoera bakoitzean arduradun den pertsonarekin eta taldekideekin.
h) Gainerako taldekideekin koordinatu da, agertu zaizkion inguruabar garrantzitsuak jakinaraziz.
i) Bere jardueraren garrantzia eta lan aldaketetara egokitzearena baloratu ditu.
j) Arau eta prozeduren aplikazioaren erantzukizuna bere gain hartu du lana garatzean.
3. Bidaia konbinatuak sortzeko sailaren jarduerak egiten ditu, kontroleko baliabideak, ekipamenduak eta tresnak erabiliz, baita bidezko teknika eta prozedurak ere, betiere ezarritako arauen eta jarraibideen arabera eta bezeroen egoera kontuan izanik.
Ebaluazio irizpideak:
a) Bidaia konbinatuak diseinatzeko eta kotizatzeko prozesuetako bakoitzari lotzen zaion dokumentazioa eta jasotako argibideak interpretatu ditu.
b) Bidaia konbinatuak diseinatu aurretik egin beharreko merkatu-ikerketaren teknikak aplikatu ditu.
c) Hornitzaileekin negoziatzeko baldintzak eta akordioak definitu ditu, hainbat irizpide kontuan izanik.
d) Bidaia konbinatuen zerbitzuak kotizatu ditu eta bidaia konbinatuen kostuak, deskontuak, komisioak, irabazi-marjinak, errentagarritasun-atalasea, zergak eta salmenta prezioa baloratu ditu.
e) Bezeroarekiko arretarekin eta kalitatearen kudeaketarekin lotzen diren alderdiak kontuan hartu ditu.
f) Bidaia konbinatuen erreserbako, eragiketako eta hornitzaileekiko koordinazioko prozesuak ezagutu ditu.
g) Dagokion dokumentazioa bete du.
h) Berariazko aplikazio informatikoekin lan egin du.
4. Ekitaldien kudeaketa egiten du, kontroleko baliabideak, ekipamenduak eta tresnak erabiliz eta bidezko teknika eta prozedurak aplikatuz, betiere ezarritako arauen eta jarraibideen arabera.
Ebaluazio irizpideak:
a) Agentziak eskaintzen dituen ekitaldiak kudeatzeko prozesuetako bakoitzarekin lotzen den dokumentazioa eta jasotako argibideak interpretatu ditu.
b) Etorkizuneko ekitaldietako eskarien eskaintzak tramitatu ditu eta horien jarraipena egin du.
c) Kontratatu beharreko ekitaldiaren aurrekontu orokorra eta horren xehapena prestatu du.
d) Kontratatutako ekitaldiaren garapena gainbegiratzeko eta kontrolatzeko lanetan parte hartu du.
e) Salmenta osteko eragiketak egin ditu, baita bezeroaren gogobetetasunaren jarraipena ere.
f) Bezeroarekiko arretarekin eta kalitatearen kudeaketarekin lotzen diren alderdiak kontuan hartu ditu.
g) Berariazko aplikazio informatikoekin lan egin du.
Lanbide modulu hau lagungarria da tituluko gaitasunak eta zikloko helburu orokorrak osatzeko, bai ikastetxean lortutakoak bai bertan nekez lor daitezkeenak.
3. ERANSKINA. PRESTAKUNTZA UNITATEAK
A) Nola antolatu diren moduluak prestakuntza unitateetan
0171 Lanbide modulua: Turismo merkatuaren egitura (100 h)
| KODEA | PRESTAKUNTZA UNITATEA | IRAUPENA (H) |
| 0171-F01(NA) | Turismo industriaren gaurkotasuna | 40 |
| 0171-F02(NA) | Gune turistikoaren ezaugarriak Eskaintza | 30 |
| 0171-F03(NA) | Gaur egungo joerak turismo industrian | 30 |
0172 Lanbide modulua: Protokoloa eta harreman publikoak (130 h)
| KODEA | PRESTAKUNTZA UNITATEA | IRAUPENA (H) |
| 0172-F01(NA) | Protokoloa turismo industrian | 40 |
| 0172-F02(NA) | Harreman publikoak eta komunikazioa turismo sektorean | 40 |
| 0172-F03(NA) | Bezeroarekiko arretaren kalitatea | 50 |
0173 Lanbide modulua: Turismo arloko marketina (150 h)
| KODEA | PRESTAKUNTZA UNITATEA | IRAUPENA (H) |
| 0173-UF01(NA) | Helmuga turistikoen marketina | 40 |
| 0173-UF02(NA) | Turismoko produktua merkaturatzea | 40 |
| 0173-UF03(NA) | Turismo arloko marketin plana | 30 |
| 0173-UF04(NA) | Kontsumitzaile turistiko berria | 40 |
0383 Lanbide modulua: Helmuga turistikoak (150 h)
| KODEA | PRESTAKUNTZA UNITATEA | IRAUPENA (H) |
| 0383-UF01(NA) | Espainiako, Europako eta munduko gainerako tokietako geografia turistikoa | 50 |
| 0383-UF02(NA) | Helmuga turistikoak Nafarroan | 40 |
| 0383-UF03(NA) | Helmuga turistikoak Espainian, Europan eta munduko gainerako tokietan | 60 |
0384 Lanbide modulua: Baliabide turistikoak (230 h)
| KODEA | PRESTAKUNTZA UNITATEA | IRAUPENA (H) |
| 0384-UF01(NA) | Baliabide turistikoak. Helmugaren balioa | 50 |
| 0384-UF02(NA) | Espainiako kultura ondarea | 50 |
| 0384-UF03(NA) | Espainiako natura ondarea | 30 |
| 0384-UF04(NA) | Nafarroako baliabide turistikoak | 40 |
| 0384-UF05(NA) | Nafarroako kultura ondarea | 40 |
| 0384-UF06(NA) | Nafarroako natura ondarea | 20 |
0397 Lanbide modulua: Turismoko produktuen kudeaketa (90 h)
| KODEA | PRESTAKUNTZA UNITATEA | IRAUPENA (H) |
| 0397-UF01(NA) | Bidaia konbinatuen diseinu teknikoa | 30 |
| 0397-UF02(NA) | Estrategiak ekitaldien merkatuan | 20 |
| 0397-UF03(NA). | Ekitaldiak antolatzea | 40 |
0398 Lanbide modulua: Turismoko zerbitzuen salmenta (110 h)
| KODEA | PRESTAKUNTZA UNITATEA | IRAUPENA (H) |
| 0398-F01(NA) | Bitartekaritza bidaia agentzietan | 30 |
| 0398-F02(NA) | Bidaia agentzietako salmenta teknikak | 30 |
| 0398-F03(NA) | Turismoko produktu eta zerbitzuen erreserba eta salmenta | 50 |
0399 Lanbide modulua: Turismo bitartekaritzako entitateen zuzendaritza (90 h)
| KODEA | PRESTAKUNTZA UNITATEA | IRAUPENA (H) |
| 0399-F01(NA) | Turismo bitartekaritzako entitateen enpresa sistema | 40 |
| 0399-F02(NA) | Giza baliabideen zuzendaritza turismo bitartekaritzako entitateetan. | 30 |
| 0399-F03(NA) | Kalitate turistikoa. Q marka. | 20 |
0179 Lanbide modulua: Ingelesa (170 h)
| KODEA | PRESTAKUNTZA UNITATEA | IRAUPENA (H) |
| 0179-UF01(NA) | Ingelesa I | 100 |
| 0179-UF02(NA) | Ingelesa II | 70 |
0180 Lanbide modulua: Frantsesa (170 h)
| KODEA | PRESTAKUNTZA UNITATEA | IRAUPENA (H) |
| 0180-UF01(NA) | Frantsesa I | 100 |
| 0180-UF02(NA) | Frantsesa II | 70 |
0401 Lanbide modulua: Lanerako prestakuntza eta orientabideak (70 h)
| KODEA | PRESTAKUNTZA UNITATEA | IRAUPENA (H) |
| 0401-UF01(NA) | Laneko arriskuen prebentzioaren oinarrizko maila | 30 |
| 0401-UF02(NA) | Lan harremanak eta Gizarte Segurantza | 20 |
| 0401-UF03(NA) | Laneratzea eta gatazken konponketa | 20 |
402 Lanbide modulua: Enpresa eta ekimen sortzailea (70 h)
| KODEA | PRESTAKUNTZA UNITATEA | IRAUPENA (H) |
| 0402-UF01(NA) | Ekimenerako kultura eta ideien sormena bultzatzea | 20 |
| 0402-UF02(NA) | Enpresa-plan baten bideragarritasun ekonomiko-finantzarioa | 30 |
| 0402-UF03(NA) | Enpresa bat abian jartzea | 20 |
0400 Lanbide modulua: Bidaia agentzien proiektua eta ekitaldien kudeaketa (110 h)
| KODEA | PRESTAKUNTZA UNITATEA | IRAUPENA (H) |
| 0400-UF01(NA) | Bidaia agentzien proiektua eta ekitaldien kudeaketa planifikatzea | 20 |
| 0400-UF02(NA) | Lehiakideak ezagutzea turismo merkatuan. | 20 |
| 0400-UF03(NA). | Turismo proiektuak kudeatzea. | 40 |
| 0400-UF04(NA). | Bidaia agentzien proiektuen eta ekitaldien kudeaketaren bideragarritasuna aztertzea | 30 |
B) Prestakuntza unitateen garapena
| Lanbide modulua: Turismo merkatuaren egitura Kodea: 0171 Iraupena: 100 ordu |
Prestakuntza unitatea: Turismo industriaren gaurkotasuna
Kodea: 0171-UF01(NA)
Iraupena: 40 ordu.
-Turismo sektorearen testuingurua.
-Turismoaren bilakaera. Nafarroako kasua.
-Turismo sektorearekin lotzen diren tokiko, eskualdeko, Estatuko eta nazioarteko erakunde publikoak eta pribatuak.
-Jarduera turistikoak biztanleria gune baten garapenean duen garrantzia.
-Nafarroako jarduera turistikoaren azterketa sozioekonomikoa, eta gune turistikoen garapenean duen eragina.
-Teknologia berriak eta informazio eta sustapen turistikoa.
-Turismoko profesionala.
-Turismo tipologiak eta beren ezaugarriak. Nafarroako kasua.
-Turismo tipologia nagusien kokapen geografikoa finkatzea.
-Turismo tipologien joerak. Tokikoak, eskualdekoak, Estatukoak eta nazioartekoak.
Prestakuntza unitatea: Gune turistikoaren ezaugarriak. Eskaintza.
Kodea: 0171-UF02(NA).
Iraupena: 30 ordu.
-Eskaintza turistikoa. Azterketa. Nafarroako kasua.
-Bitartekaritza turistikoa. Banaketa bideak.
-Turismoko ostatu enpresak.
-Garraiobide turistikoak.
-Eskaintza osagarria.
-Gune turistikoa.
-Turismoak gune turistikoarentzat duen garrantzi ekonomikoa.
-Turismoak Nafarroarentzat eta eskualdeko gune turistikoentzat duen garrantzi ekonomikoa.
Prestakuntza unitatea: Gaur egungo joerak turismo industrian.
Kodea: 0171-UF03(NA).
Iraupena: 30 ordu.
-Eskari turistikoaren ezaugarriak. Eskari turistikoa Nafarroan.
-Eskari turistikoaren malgutasunean eragina duten kanpoko elementuak.
-Eskari turistikoaren motibazioak.
-Eskariaren urtarokotasuna. Urtarokotasuna iraultzeko ekintzak.
-Eskari turistikoaren gaur egungo joerak.
-Bezeroek eskariaren elementu dinamizatzaile gisa duen garrantzia baloratzea.
| Lanbide modulua: Protokoloa eta harreman publikoak Kodea: 0172 Iraupena: 130 ordu |
Prestakuntza unitatea: Protokoloa turismo industrian.
Kodea: 0172 - UF01 (NA).
Iraupena: 40 ordu.
-Definizioa. Protokoloaren jatorria eta bilakaera.
-Ostalaritza enpresetan protokoloa menderatzearen garrantzia eta protokolozko ekitaldien proiekzioak.
-Protokolozko ekitaldiak.
-Protokoloaren oinarrizko arauak.
-Protokolo motak.
-Erakundeetako protokoloaren definizioa eta elementuak.
-Ekitaldi ofizialetako burutza motak.
-Gonbidatuak antolatzeko sistemak.
-Estatuko eta autonomia erkidegoetako protokoloaren eta lehentasun ofizialen arloko araudiarekiko interesa.
-Protokolozko ekitaldien proiekzioa.
-Protokolozko ekitaldien proiekzioa.
-Gonbidapenak diseinatzea.
-Estatu bisitaldiak.
-Protokolozko ekitaldietan banderak antolatzea.
-Enpresetako protokolozko ekitaldien motak eta helburuak.
-Helburu den publikoa identifikatzea eta ekitaldia egokitzea.
-Enpresa bateko protokolo eta komunikaziorako eskuliburua.
-Enpresetako protokolozko ekitaldiak.
-Antolatu beharreko ekitaldiaren programa eta kronograma prestatzea.
Prestakuntza unitatea: Harreman publikoak eta komunikazioa turismo sektorean.
Kodea: 0172 - UF02 (NA).
Iraupena: 40 ordu.
-Harreman publikoak aplikatzea eta baloratzea turismoaren, enpresaren eta erakundeen esparruan.
-Harreman publikoen baliabideak.
-Irudi korporatiboa.
-Gorputz adierazpena. Irudi pertsonala. Trebetasun sozialak.
-Irudi motak.
-Espainiako turismoaren irudia.
-Komunikazioaren prozesua.
-Hitzik gabeko komunikazioa.
-Hitzezko komunikazioa.
-Bezeroari ematen zaion arretaren aldagaiak.
-Bezeroari arreta emateko modalitateak.
-Bezeroari arreta egokia ematearen funtsezko puntuak, hura enpresarekin zein harreman fasetan dagoen kontuan harturik.
-Bezeroaren leialtasuna lortzea.
Prestakuntza unitatea: Bezeroarekiko arretaren kalitatea.
Kodea: 0172 - UF03 (NA).
Iraupena: 50 ordu.
-Bezeroei zerbitzua emateko jarrera.
-Bezeroekiko, goragokoekiko, mendeko langileekiko eta lankideekiko errespetua izatea.
-Jarrera profesionala.
-Zuhurtasunaren balioa lan esparruaren barnean.
-Irudi korporatiboaren balioa.
-Kexak, erreklamazioak eta iradokizunak.
-Ostalaritza eta turismoko enpresetako bezeroen kexen arrazoi nagusiak.
-Kexa, erreklamazio eta iradokizunak jasotzeko elementuak.
-Kexa eta erreklamazioak kudeatzeko faseak.
-Turismo enpresetako establezimenduetan bezeroen erreklamazioen arloan indarra duen legezko araudia.
-Erreklamazioen kudeaketan tresna informatikoak erabiltzea.
| Lanbide modulua: Turismo arloko marketina Kodea: 0173 Iraupena: 150 ordu |
Prestakuntza unitatea: Helmuga turistikoen marketina.
Kodea: 0173 - UF01 (NA).
Iraupena: 40 ordu.
-Turismo arloko marketina.
-Ostalaritzaren eta turismoaren sektorearekin duen lotura.
-Turismoko zerbitzu eta produktuen ezaugarriak.
-Marketinaren funtzioaren bilakaera: kontsumitzailearenganako orientabidea.
-Marketineko zuzendaritzaren ikuspegiak.
-Marketinaren etorkizuna.
-Segmentazioa: kontzeptua eta erabilera.
-Segmentazioa eraginkorra izateko betebeharrak.
-Turismoan gehien erabiltzen diren segmentazio aldaerak.
-Segmentazioa turismo enpresen merkataritza estrategiaren diseinuan aplikatzea.
-Merkatua betetzeko estrategia motak.
-Merkatuan duen kokalekua: Kontzeptuak. Estrategiak. Metodoak.
-Merkataritza tresnak eta segmentuen bateragarritasuna.
Prestakuntza unitatea: Turismoko produktua merkaturatzea.
Kodea: 0173 - UF02 (NA).
Iraupena: 40 ordu.
-Aplikazioa eta estrategiak.
-Produktua-zerbitzua. Mailak eta elementuak.
-Zerbitzugintza-sistema.
-Produktuaren bizi-zikloa eta helmuga turistikoak.
-Turismoko produktu berriak garatu eta merkaturatzea.
-Marka-politikak turismo sektorean.
-Prezio-politikak turismo sektorean.
-Prezioak finkatzeko metodoak.
-Sustapen turistikoa sustapeneko mix-ean: publizitatea, harreman publikoak, salmenten sustapenak/merchandising-a, turismo azokak, Work-Shops, Fam-Trips eta beste batzuk.
-Erakusleihoak atontzea, marketina salmenta gunean.
-Marketina Interneten.
-Datu-baseak.
-Marketineko datu-base baten garapenaren helburu orokorrak.
-Marketin zuzena.
-Marketin zuzenaren politiken euskarri eta garapenerako materialak.
-Marketin zuzena eta horren garapena.
Prestakuntza unitatea: Turismo arloko marketin plana.
Kodea: 0173 - UF03 (NA).
Iraupena: 30 ordu.
-Marketin plana. Osagaiak eta xedea.
-Inguruneko faktoreen azterketa eta aurreikuspenak.
-Segmentazioa eta publiko objektiboa.
-Ekintza planak: estrategiak eta taktikak.
-Salmenten helburuak eta kuotak.
-Estrategiak bultzatzeko eta helburuak lortzeko beharrezkoak diren baliabideak.
-Marketinaren jarraipena eta kontrola.
-Planaren aurkezpena eta sustapena.
-Planaren ingurumen auditoretza.
Prestakuntza unitatea: Kontsumitzaile turistiko berria.
Kodea: 0173 - UF04 (NA).
Iraupena: 40 ordu.
-Erabakitze prozesuaren faseak.
-Erosketa osteko fasea eta leial bihurtzea.
-Kontsumitzaile berriak turismo sektorean.
-Ongizatea eta bizi kalitatea kontsumoan.
-Bezeroaren gogobetetasuna eta kalitatea kontrolatzeko tresnak. Turismo sektoreko enpresetan ezartzea.
-Oinarrizko sistemen eta kontzeptuen deskribapena eta azterketa.
-Kontsumerismoa.
-Deskribapena, kontzeptua eta ezaugarriak.
-Bilakaera Espainian.
-Enpresaren erreakzioa eta erantzuna.
-Europar Batasunean eta Espainian kontsumitzailea eta bere eskubideak arautzen dituen araudia:
-Legedi orokorra eta berariazkoa.
-Kontsumitzaileen eskubide eta betebeharrak.
-Erreklamazioak.
| Lanbide modulua: Helmuga turistikoak Kodea: 0383 Iraupena: 150 ordu. |
Prestakuntza unitatea: Espainiako, Europako eta munduko gainerako tokietako geografia turistikoa
Kodea: 0383-UF01(NA)
Iraupena: 50 ordu.
-Lurralde eta administrazio antolamendua. Autonomiaren, herrialdearen, probintziaren, eskualdearen eta udalerriaren kontzeptua. Identifikazioa.
-Erliebea. Ezaugarriak. Unitate fisikoak.
-Demografia: biztanleriaren banaketa.
-Autonomia erkidegoetako sinesmenekiko, hizkuntzekiko eta elementu bereizgarriekiko errespetua.
-Geografia turistikoa aztertzeko aplikazio informatikoak eta beste iturri batzuk.
-Europako eta munduaren gainerako geografia turistikoa identifikatzea.
-Turismoaren nazioarteko erakundea. OMT. Kontzeptua eta eginkizunak. Eskualdeak eta azpieskualdeak.
-Europako lurralde antolamendua eta antolamendu politikoa. Europar Batasuneko kide diren herrialdeak eta kide ez direnak.
-Europa barneko eta kanpoko mendeko lurraldeak.
-Europako unitate fisikoak.
-Europako kultura aniztasuna: kulturak, herriak, hizkuntzak.
-Munduaren gainerakoaren geografikoa turistikoa: Turismoaren Munduko Erakundeko eskualdeen eta azpieskualdeen erliebearen, hidrografiaren, landarediaren, klimaren eta kultura aniztasunaren ezaugarri bereizgarriak.
-Herrialde horietako arraza, sinesmen eta elementu bereizgarriak errespetatzeko jarrera.
Prestakuntza unitatea: Helmuga turistikoak Nafarroan.
Kodea: 0383-UF02(NA).
Iraupena: 40 ordu.
-Helmuga kulturalak Nafarroan. Kultura ibilbideak.
-Nafarroako hiri arloko helmuga turistikoak.
-Landa eta natura arloko Nafarroako helmuga turistikoak.
-Jolasaren eta aisialdiaren arloko Nafarroako helmuga turistikoak.
-Kirolaren (golfa, eskia, uretako kirolak, zaldiak, abentura eta elurra) eta osasunaren eta edertasunaren arloko helmuga turistikoak.
-Nafarroako helmuga turistikoetako ekitaldi handiak.
Prestakuntza unitatea: Helmuga turistikoak Espainian, Europan eta munduko gainerako tokietan
Kodea: 0383-UF03(NA).
Iraupena: 60 ordu.
-Espainiako helmuga turistiko nagusiak identifikatzea.
Eguzki eta hondartzako Espainiako helmuga turistikoak. Penintsulako eta uharteetako itsasertzeko gune turistikoak.
Espainiako helmuga kulturalak. Kultura ibilbideak.
Espainiako hiri arloko helmuga turistikoak.
Landa eta natura arloko Espainiako helmuga turistikoak.
Jolasaren eta aisialdiaren arloko Espainiako helmuga turistikoak.
Kirolaren (golfa, eskia, uretako kirolak, zaldiak, abentura eta elurra) eta osasunaren eta edertasunaren arloko helmuga turistikoak.
Helmuga turistikoetako ekitaldi handiak.
-Europako eta munduaren gainerako helmuga turistiko nagusiak identifikatzea.
Eguzki eta hondartzako helmuga turistikoak. Itsasertzeko, uharteetako eta artxipelagoetako gune turistikoak.
Kulturaren arloko helmuga turistikoak. Kultura ibilbideak.
Hiri arloko helmuga turistikoak. Hirietako turismo eskaintza.
Landa eta natura arloko helmuga turistikoak.
Jolasaren eta aisialdiaren arloko helmuga turistikoak.
Kirolaren (golfa, eskia, uretako kirolak, zaldiak, abentura eta elurra) eta osasunaren eta edertasunaren arloko helmuga turistikoak.
Helmuga turistikoetako ekitaldi handiak.
| Lanbide modulua: Baliabide turistikoak Kodea: 0384 Iraupena: 230 ordu |
Prestakuntza unitatea: Baliabide turistikoak. Helmugaren balioa.
Kodea: 0384 - UF01 (NA).
Iraupena: 50 ordu.
-Lurraldeko baliabide turistikoak identifikatzea:
-Baliabide turistikoak. Sailkapena eta tipologia.
-Baliabideen ezaugarriak haien tipologiaren arabera.
-Baliabideen azterketa. Baliabidearen balioa, berezitasun maila, eta eremu bateko eskaintza turistikoaren zati gisa duen erlazioa.
-Baliabide turistikoen arloko legedia.
-Baliabide turistikoei eta horiek babesteari, mantentzeari eta aintzat hartzeari buruzko Europako eta Espainiako babes araudia. Baliabideen katalogazioa.
-Baliabideen babesean esku hartzen duten erakundeak:
UNESCO (Hezkuntza, Zientzia eta Kulturarako Nazio Batuen Erakundea).
EB (Europar Batasuna).
Estatuko eta autonomia erkidegoetako erakundeak.
Esku hartzen duten beste erakunde batzuk.
-Artearen oinarrizko kontzeptuen interpretazioa:
Pintura
Eskultura
Arkitektura.
Beste arte adierazpen batzuk.
Mugimendu eta estilo artistiko desberdinak Espainiako pinturan, eskulturan, arkitekturan eta beste arte adierazpen batzuetan, historiaurretik gaur egun arte.
Prestakuntza unitatea: Espainiako kultura ondarea.
Kodea: 0384 - UF02 (NA).
Iraupena: 50 ordu.
-Ondarea baliabide turistiko gisa. Ondare kontzeptua. Kultur ondasuna.
-Ondarea eta ondareko ondasunak Espainian. Kultur turismoa.
-Museoak eta beste kultur zentro batzuk.
-Eskualdeko, Estatuko eta nazioarteko turismo-interesa duten festak eta adierazpenak. Araudia.
-Espainiako gastronomia. Tradiziozko prestaketa eta produktuak. Abanguardiako sukaldaritza.
-Enologia Espainian. Ardogintzako eremuak eta jatorrizko deiturak.
-Etnografia eta artisautza. Eremu bakoitzaren bereizgarri diren produktuak. Motak.
-Ondare ez-materiala. Deskribapena eta edukia. Musika herrikoia. Dantza. Tradizioak. Beste kultur adierazpen batzuk.
-Autonomia erkidegoetako herri arkitekturaren tipologia.
-Naturaren eta kulturaren arloko ondarea bisitariei ezagutarazteko metodoak.
-Ondarearen interpretazioaren esanahia.
-Ondarearen interpretazioa kudeaketako sistema gisa.
-Interpretaziorako erabilienak diren bitartekoak eta plangintza.
-Interpretazio sistemak ebaluatzeko eta kontrolatzeko metodoak diseinatzea.
Prestakuntza unitatea: Espainiako natura ondarea.
Kodea: 0384 - UF03 (NA).
Iraupena: 30 ordu
-Espainiako naturaren eta paisaiaren arloko ondarearen azterketa.
-Naturaren eta paisaiaren arloko baliabideen kontzeptua.
-Naturaren arloko baliabide bat turistiko gisa baloratzeko elementuak.
-Babeserako figurak eta mailak.
-Araudia.
-Espainiako naturgune babestuak eta horien araudia.
-Naturaren eta paisaiaren arloko ondareari laguntzeko programa europarrak.
-Ondasun horiek turismorako aprobetxatzeko programa europarrak, Estatukoak eta beste laguntza batzuk.
-Eremuak atzeman eta kokatzeko teknologia berriak, kartografiako programak eta beste batzuk.
-Jarduera turistikoak ingurumenean duen eragina.
Prestakuntza unitatea: Nafarroako baliabide turistikoak.
Kodea: 0384 - UF04 (NA).
Iraupena: 40 ordu.
-Nafarroako turismo sektorea: Antolaketa eta ekonomiari egiten dion ekarpena.
-Baliabide turistikoak. Sailkapena eta tipologia. Naturaren eta kulturaren arloko baliabideak; baliabide ukigarriak/baliabide ukiezinak.
-Baliabideen azterketa. Baliabidearen balioa, eta Nafarroako eskaintza turistikoaren zati gisa duen erlazioa.
-Baliabide turistikoei buruzko legedia, eta horietan nola aplikatzen den.
-Nafarroako baliabide turistikoei eta horiek babesteari, mantentzeari eta aintzat hartzeari buruzko babes araudia.
-Nafarroako turismoaren arloko lurralde antolamendua, baliabideen euskarri gisa eta horiek egituratzeko modu gisa.
-Baliabideen osagarriak turismoko produktura iristeko. Nafarroako azpiegitura eta zerbitzu turistikoak.
-Pintura.
-Eskultura.
-Arkitektura.
-Beste arte adierazpen batzuk.
-Arte mugimendu eta estiloak Nafarroako pinturan, eskulturan, arkitekturan eta beste arte adierazpen batzuetan.
-Elementu kritikoak identifikatzea obra bakoitza estilo batekin lotzeko eta ongi deskribatzeko.
-Nafarroako arte erakusgarri nagusiak.
Prestakuntza unitatea: Nafarroako kultura ondarea.
Kodea: 0384 - UF05 (NA).
Iraupena: 40 ordu.
-Kultur turismoa: kontzeptua. Kulturari lotutako turismoa produktu turistiko gisa.
-Nafarroako kultur turismo eta ondarea. Done Jakue Bidea kultur produktu gisa. Turismoko eta kulturako beste ibilbide batzuk.
-Museoak eta beste kultur zentro batzuk. Nafarroako Museoaren aipamen berezia.
-Nafarroako ekitaldi kulturalak eta festak. Jaialdiak eta programak. Festak eta tradizioak. Azokak eta merkatuak.
-Bilkurei lotutako turismoa Nafarroan: feriak, workshop-ak, biltzarrak eta pizgarriak. Jardueraren azalpena eta jarduera horien bilakaera.
-Nafarroako gastronomia. Tradiziozko prestaketa eta produktuak. Kalitate markak. Nafarroako gastronomiarekin lotutako azokak eta ekitaldiak.
-Nafarroako enologia. Ardogintzako eremuak eta jatorrizko deiturak. Nafarroako enologiarekin lotutako azokak eta ekitaldiak. Ardoaren ibilbidea.
-Etnografia eta artisautza. Eremu bakoitzaren bereizgarri diren produktuak. Motak.
-Ondare ez-materiala. Deskribapena eta edukia. Musika herrikoia. Dantza. Tradizioak. Beste kultur adierazpen batzuk.
-Nafarroako eskualde batzuetako eta besteetako herri arkitekturaren tipologia.
-Turismoko produktuak garatzeko plana. Toki entitateak. Turismo partzuergoak.
-Naturaren eta kulturaren arloko ondarea bisitariei ezagutarazteko metodoak.
-Ondarearen interpretazioaren esanahia.
-Ondarearen interpretazioa kudeaketako sistema gisa.
-Interpretaziorako erabilienak diren bitartekoak eta plangintza.
-Interpretazio sistemak ebaluatzeko eta kontrolatzeko metodoak diseinatzea.
Prestakuntza unitatea: Nafarroako natura ondarea
Kodea: 0384 - UF06 (NA).
Iraupena: 20 ordu.
-Naturaren eta paisaiaren arloko baliabideen kontzeptua.
-Nafarroako naturaren arloko baliabide bizi eta inerteak.
-Araudia.
-Nafarroako paisaia desberdinak, eta horiek sorrarazi dituzten faktore natural eta kulturalak interpretatzea.
-Natura Nafarroan: naturgune babestuak. Natur parkeak, Errege Bardea, biosferaren erreserba. Ibarrak, ibaiak, basoak eta bide berdeak.
-Nafarroako babesgune babestuak, BILak, Zainketa Bereziko Eremuak (ZBE) eta beste babes figura batzuk.
-Naturaren eta paisaiaren arloko ondareari laguntzeko programa europarrak.
-Eremuak atzeman eta kokatzeko teknologia berriak, kartografiako programak eta beste batzuk.
-Landa turismoa eta naturaren ingurukoa. Esanahaia eta Nafarroako turismoaren berrikuntzak. Turismoa eta landa garapena. Zergatia-ondorioa.
-Landaguneko turismo motak. Landa turismoa Nafarroan.
-Ingurumena mantentzeko neurriak. Turismoa eta iraunkortasuna. Bestelako turismoa.
| Lanbide modulua: Turismoko produktuen kudeaketa Kodea: 0397 Iraupena: 90 ordu |
Prestakuntza unitatea: Bidaia konbinatuen diseinu teknikoa.
Kodea: 0397-UF01(NA)
Iraupena: 30 ordu.
-Bidaia konbinatuei buruzko hastapena.
Kontzeptua. Tipologia, elementuak eta araudia.
Bidaia konbinatuen programa.
Bidaia konbinatuen kontratua. Baldintza orokorrak. Aseguruak.
Bitartekariak. Tipologia. Bidaia konbinatuen antolatzaileen eginkizunak eta horiekiko harremanak.
Antolatzailearen, txikizkariaren eta zerbitzu-hornitzaileen arteko lanbide harremanak. Negoziazioa.
Agentzia hartzaileak eta korrespontsalak.
Bidaia konbinatuen merkatua. Joerak.
-Bidaia konbinatuen diseinua, kotizazioa eta koordinazioa.
Merkatu ikerketa.
Osagaiak. Faseak eta sekuentziazioa.
Hornitzaileen aukeraketa. Negoziazioa. Irizpideak.
Zerbitzuen kotizazioa. Prezioaren osagaiak. Tarifak eta baldintza bereziak, deskontuak, doakotasunak eta beste batzuk. Zergak eta tasak. Kostuak. Irabazi-marjina eta puntu geldia. Amaierako salmenta prezioaren kalkulua.
Zerbitzuen kotizazioa.
Bidaia konbinatuen diseinuaren eta kotizazioaren ondoriozko dokumentazioa. Pasaporteak eta bisak.
Merkaturatzea. Euskarriak.
Kalitatea bidaia konbinatuetan.
Aplikazio informatikoak.
Prestakuntza unitatea: Estrategiak ekitaldien merkatuan.
Kodea: 0397-UF02(NA).
Iraupena: 20 ordu.
-Ekitaldien merkatua identifikatzea.
Ekitaldiak. Tipologia. Kontzeptua eta eginkizuna. Ezaugarriak.
Ekitaldiak garatzeko beharrezkoa den turismo eskaintza. Gutxieneko baldintzak.
Ekitaldi moten arabera eskatzen diren zerbitzuak.
Ekitaldiak erakartzea: esku hartzen duten erakunde eta enpresa publiko eta pribatuak. OPC. Convention Bureau.
Babesleak eta entitate laguntzaileak.
Informaziorako aplikazio informatikoak.
-Gaur egungo merkatua, estrategiak.
Gaur egungo merkatua eta sektoreak izan dezakeen bilakaera. Eragin ekonomiko eta soziala helmugetan.
Estrategiak: Kostuak eta marjinak murriztea. Merkataritza jarduera handitzea. Sormena.
Prestakuntza unitatea: Ekitaldiak antolatzea.
Kodea: 0397-UF03(NA).
Iraupena: 40 ordu.
-Ekitaldiak antolatzea.
Proiektua: Diseinua. Faseak. Aurre-ekitaldia. Ekitaldian zehar eta ekitaldiaren ondoren. Garapenerako metodologia. Programak prestatzea.
Ekitaldiak antolatzeko giza baliabideak eta baliabide tekniko eta materialak. Ekipamenduak.
Dokumentazioaren formalizazioa.
Kostuak kalkulatzea: aurrekontuak, balorazioa eta irabazi-marjina.
Bezeroen eta ekitaldiaren antolatzailearen arteko koordinazioa.
Segurtasun plana.
Ekitaldiaren dokumentazioa kudeatzea. Dokumentazio turistiko osagarria.
Ekitaldien kudeaketarako aplikazio informatikoak.
-Ekitaldiak gainbegiratzea.
Koordinazioa eta kontrola ekitaldian zehar. Langileak. Eginkizunak eta kokalekua. Tresneria teknikoa, altzariak eta askotariko materiala. Ekitaldiaren dokumentazioa: karpetak, kredentzialak eta abar. Protokolo arauak aplikatzea hainbat ekitaldi motatan.
Publizitate eta informazio euskarriak ekitaldietan.
Harrera egitea, ekitaldian zehar arreta ematea eta agurtzea. Prozedura.
Likidazioa. Bezeroentzako fakturazioa. Zerbitzu-hornitzaileei eta kontratatutako langileei ordaintzea.
Ekitaldietako zerbitzuen kalitatea.
| Lanbide modulua: Turismoko zerbitzuen salmenta Kodea: 0398 Iraupena: 110 ordu. |
Prestakuntza unitatea: Bitartekaritza bidaia agentzietan.
Kodea: 0398-UF01(NA)
Iraupena: 30 ordu.
-Bidaia agentzietako zerbitzuen tipologia.
-Garraioaren salmentako bitartekaritza.
Aireko, lurreko eta itsasoko garraioaren tipologia eta ezaugarriak.
Hornitzaileak. Eskaintzen dituzten produktu eta zerbitzuak.
Tarifa nagusiak. Garraioaren baldintzak.
Kostu baxuaren ("low cost") kontzeptua, jatorria eta bilakaera.
Garraioari buruz indarra duen araudia.
Erabiltzaileen eta garraiolarien eskubideak eta betebeharrak.
-Turismoko ostatuaren salmentako bitartekaritza.
Tipologia. Eskaintzen dituzten produktu eta zerbitzuak. Tarifak.
Indarra duen araudia. Legezko sailkapena Nafarroako Foru Komunitatean eta beste autonomia erkidego batzuetan.
-Bidaia konbinatuen salmentako bitartekaritza. Produktu eta hornitzaile nagusiak.
-Turismoko beste zerbitzu batzuen salmentako bitartekaritza. Identifikazioa. Ezaugarriak, tarifak eta baldintzak. Bidaia aseguruak. Baldintzak. Kontratuak.
-Bitartekaritza jatetxe arloan. Identifikazioa. Ezaugarriak, tarifak eta baldintzak.
-Hornitzaileak. Hautaketa. Sailen araberako egitura.
-Bakarkako bezeroentzako, enpresentzako, taldeentzako eta beste kolektibo batzuentzako proposamenak prestatzea.
-Banaketarako sistema orokorrak. Sistema informatikoak, hornitzaileetarako sarbidea.
-Internet bidezko salmenta. Agentzia birtualak. Web 2.0. Sare sozialak.
Prestakuntza unitatea: Bidaia agentzietako salmenta teknikak.
Kodea: 0398-UF02(NA).
Iraupena: 30 ordu.
-Bezeroa. Tipologia. Erosteko beharrak eta arrazoiak.
-Saltzeko teknikak. Oinarrizko printzipioak. Etapak.
Gorputzaren lengoaia.
Bezeroarengan konfiantza sortzea.
Bezeroaren behar eta nahiak ikertzea.
Produktuaren/zerbitzuaren aurkezpena.
-Negoziazioa. Prozesua eta teknikak. Estrategia berriak.
-Telefono bidezko salmenta. Salmenta osteko zerbitzua, balio erantsia.
-Salmenta tekniken garrantzia baloratzea bidaia agentzietako merkataritza-kudeaketan.
Prestakuntza unitatea: Turismoko produktu eta zerbitzuen erreserba eta salmenta.
Kodea: 0398-UF03(NA).
Iraupena: 50 ordu.
-Zerbitzuen salmenta.
Bidaia agentzietan zerbitzuak saltzeko informazio iturriak. Tipologia eta erabilera.
Zerbitzuei/produktuei eta helmugei buruzko informazioa eta aholkularitza.
Produktuen/zerbitzuen erreserba. Erreserba sistemak.
Erreserbatzeko eta berresteko prozedura.
Ez berrestea. Alternatibak.
Datuen erregistroa. Dokumentu euskarriak. Erabiltzeko eta artxibatzeko prozedura.
Indarra duen araudia.
Ekipo informatikoak, terminalak eta GDS. Produktuaren kanpo kudeaketaren sistema informatikoak, "front office".
-Bidaia agentzietako zerbitzu salmentaren kalitatea.
-Itxierako eta salmenta osteko eragiketak.
Zerbitzuak emateko dokumentuak. Tipologia.
Dokumentuak emateko prozedura: bonuak, txartelak, bidaia-txartelak eta garraio tituluak. Erreserba zenbakiak.
Zerbitzuen dokumentazioa bezeroari ematea.
Fakturatzeko prozedura.
Salmentako dokumentuak. Tipologia. Eginkizunak.
Zerbitzuak kobratzeko sistemak eta moduak. Kreditu-politikak.
Ezereztatzeak. Prozedura. Araudia aplikatzea.
Zerbitzuaren/bidaiaren aurreko jarraibideak. Informazioa eta aholkularitza.
Salmenta osteko prozesuak eta balorazioa, merkataritzaren eta leialtasuna bilatzearen ikuspegitik.
Aplikazio informatikoak, terminalak eta GDS. Produktuaren kanpo kudeaketarako sistema informatikoak, "front office", eta barne kudeaketarako sistemaren hastapena, "back office".
| Lanbide modulua: Turismo bitartekaritzako entitateen zuzendaritza Kodea: 0399 Iraupena: 90 ordu |
Prestakuntza unitatea: Turismo bitartekaritzako entitateen enpresa sistema.
Kodea: 0399-UF01(NA).
Iraupena: 40 ordu.
-Turismo bitartekaritzako entitateen ezaugarriak. Bidaia agentziak. Sorrera. Araudiak. Tokiko, Estatuko eta nazioarteko erakundeak eta elkarteak.
-Turismo bitartekaritzako entitateen antolaketa.
-Turismo bitartekaritzako entitateetan errentagarritasuna kontrolatzea. Kudeaketa ekonomikoa. Aplikazio informatikoak. Diru-sarrerak eta gastuak. Balantzeak. Aurrekontuak. Finantzabidea. Errentagarritasuna. Auditoretza.
-Administrazio eta merkataritza arloko kudeaketa. Prozedurak. Likidazioak. Fakturak. BEZa. Ez ordaintzeak. Diru-itzulketak. Merkataritzako kudeaketa. Banaketa bideak. Merkataritza politikaren gakoak. Estrategiak. Negozioa biltzeko eta bezeroak, enpresak, taldeak eta beste kolektibo batzuk mantentzeko metodologia.
-Administrazio eta merkataritza arloko kudeaketarako aplikazio informatikoak.
Prestakuntza unitatea: Giza baliabideen zuzendaritza turismo bitartekaritzako entitateetan.
Kodea: 0399-UF02(NA).
Iraupena: 30 ordu.
-Lantaldeen zuzendaritza: zuzendaritza sistemak, aginte motak eta lidergoa.
-Langileen antolaketa: txandak, ordutegiak, egutegiak eta beste planifikatzea.
-Plantillak aurreikustea.
-Langileak hautatzea. Metodoak.
-Enpresako eskuliburua. Kontzeptua, edukia eta eginkizuna.
-Motibazioa. Kontzeptua. Produkziorako pizgarrien estrategiak.
-Coaching.
-Prestakuntza. Prestakuntza programak. Lanbide karrerak.
Prestakuntza unitatea: Kalitate turistikoa. Q marka.
Kodea: 0399-UF03(NA).
Iraupena: 20 ordu.
-Turismo sektoreko kalitatearen kontzeptua, bilakaera, elementuak eta printzipio zuzentzaileak.
-Turismo bitartekaritzako enpresen azpisektoreko helburu orokorrak.
-Espainiako Kalitate Turistikoa. Q marka.
-Enpresaz kanpoko aholkularitza enpresa baten kalitate kontroleko sistema ezartzea.
-Kalitatea kudeatzeko tresnak erabiltzea: autoebaluazioa, hobekuntzaren plangintza, adierazleen sistemak, inkesta-sistemak, kexen eta iradokizunen sistemak.
| Lanbide modulua: Ingelesa Kodea: 0179 Iraupena: 170 ordu |
Prestakuntza unitatea: Ingelesa I.
Kodea: 0179-UF01(NA).
Iraupena: 100 ordu.
-Ahozko mezuen azterketa:
Eguneroko bizitzako mezuak ulertzea.
Mezu zuzenak eta telefono bidezkoak.
Bidaia agentzietako eta ekitaldien kudeaketako sektorearen berariazko terminologia oinarrizkoa.
Ideia nagusiak eta bigarren mailako ideiak.
Baliabide gramatikalak: aditz denborak, preposizioak, phrasal verb-ak, lokuzioak, baldintzaren eta zalantzaren adierazpenak, boz pasiboaren erabilera, perpaus erlatiboa, zehar estiloa, aditz modalak.
Beste hizkuntza baliabide batzuk: adostasuna eta desadostasuna, hipotesiak eta espekulazioak, iritziak eta aholkuak, pertsuasioa eta ohartarazpena.
-Mezu idatziak interpretatzea:
Mezuak, testuak, lanbideko eta eguneroko artikulu oinarrizkoak ulertzea.
Euskarri telematikoak: faxa, posta elektronikoa, burofaxa.
Bidaia agentzietako eta ekitaldien kudeaketako sektorearen berariazko terminologia. "False friends".
Ideia nagusiak eta bigarren mailako ideiak.
Baliabide gramatikalak: aditz denborak, preposizioak, phrasal verb-ak, I wish + lehenaldi bakuna edo perfektua, I wish + would, If only; boz pasiboaren erabilera, perpaus erlatiboa, zehar estiloa, aditz modalak.
Erlazio logikoak: aurkaritza, kontzesioa, konparazioa, baldintza, kausa, helburua, ondorioa.
Denbora erlazioak: lehenagokotasuna, ondorengotasuna eta aldiberekotasuna.
-Ahozko mezuak sortzea:
Ahozko mezuak emateko erabiltzen diren erregistroak.
Bidaia agentzietako eta ekitaldien kudeaketako sektorearen berariazko terminologia oinarrizkoa. "False friends".
Baliabide gramatikalak: aditz denborak, preposizioak, phrasal verb-ak, lokuzioak, baldintzaren eta zalantzaren adierazpenak, boz pasiboaren erabilera, perpaus erlatiboa, zehar estiloa, aditz modalak.
Beste hizkuntza baliabide batzuk: adostasuna eta desadostasuna, hipotesiak eta espekulazioak, iritziak eta aholkuak, pertsuasioa eta ohartarazpena.
Fonetika. Bokalezko soinu eta fonemak eta haien konbinazio eta soinuak, eta kontsonantezko fonemak eta haien taldekatzeak.
-Testu idatziak sortzea:
Lanbideko eta eguneroko mezu eta testu oinarrizkoak adierazi eta betetzea. Curriculum vitae-a eta euskarri telematikoak: faxa, posta elektronikoa, burofaxa. Bidaia agentzietako eta ekitaldien kudeaketako sektorearen berariazko terminologia oinarrizkoa. Ideia nagusia eta bigarren mailako ideiak. Oinarrizko baliabide gramatikalak.
Erlazio logikoak: aurkaritza, kontzesioa, konparazioa, baldintza, kausa, helburua, ondorioa.
Denbora erlazioak: lehenagokotasuna, ondorengotasuna eta aldiberekotasuna.
Testu koherentzia.
-Ahozko elkarreragina:
Hitz egiteko txanda hartu, mantendu eta lagatzea.
Laguntzea, ulertzen dela erakustea, argitzeko eskatzea, etab.
Komunikazioaren estiloa hartzaileari, inguruneari eta komunikazioaren helburuari egokitzea.
Intonazioa, ahozko testuaren kohesio baliabide gisa: intonazio patroien erabilera.
Hitzik gabeko komunikazioaren estrategiak erabiltzea, ahozko interakzioa indartzeko.
Prestakuntza unitatea: Ingelesa II.
Kodea: 0179-UF02(NA).
Iraupena: 70 ordu.
-Ahozko mezuen azterketa:
Lanbideko eta eguneroko mezuak ulertzea.
Zuzeneko mezuak, telefono bidezkoak, irratikoak, grabatutakoak.
Bidaia agentzietako eta ekitaldien kudeaketako sektorearen berariazko terminologia.
Ideia nagusiak eta bigarren mailako ideiak.
Baliabide gramatikalak: aditz denborak, preposizioak, phrasal verb-ak, lokuzioak, baldintzaren eta zalantzaren adierazpenak, boz pasiboaren erabilera, perpaus erlatiboa, zehar estiloa, aditz modalak.
Beste hizkuntza baliabide batzuk: adostasuna eta desadostasuna, hipotesiak eta espekulazioak, iritziak eta aholkuak, pertsuasioa eta ohartarazpena.
Ahozko hizkuntzaren azentuak.
-Mezu idatziak interpretatzea:
Mezuak, testuak, lanbideko eta eguneroko artikulu oinarrizkoak ulertzea.
Euskarri telematikoak: faxa, posta elektronikoa, burofaxa.
Bidaia agentzietako eta ekitaldien kudeaketako sektorearen berariazko terminologia. "False friends".
Ideia nagusiak eta bigarren mailako ideiak.
Baliabide gramatikalak: aditz denborak, preposizioak, phrasal verb-ak, I wish + lehenaldi bakuna edo perfektua, I wish + would, If only; boz pasiboaren erabilera, perpaus erlatiboa, zehar estiloa, aditz modalak.
Erlazio logikoak: aurkaritza, kontzesioa, konparazioa, baldintza, kausa, helburua, ondorioa.
Denbora erlazioak: lehenagokotasuna, ondorengotasuna eta aldiberekotasuna.
-Ahozko mezuak sortzea:
Ahozko mezuak emateko erabiltzen diren erregistroak.
Bidaia agentzietako eta ekitaldien kudeaketako sektorearen berariazko terminologia. "False friends".
Baliabide gramatikalak: aditz denborak, preposizioak, phrasal verb-ak, lokuzioak, baldintzaren eta zalantzaren adierazpenak, boz pasiboaren erabilera, perpaus erlatiboa, zehar estiloa, aditz modalak.
Beste hizkuntza baliabide batzuk: adostasuna eta desadostasuna, hipotesiak eta espekulazioak, iritziak eta aholkuak, pertsuasioa eta ohartarazpena.
Fonetika. Bokalezko soinu eta fonemak eta haien konbinazio eta soinuak, eta kontsonantezko fonemak eta haien taldekatzeak.
Gizarte harremanen, kortesia arauen eta erregistro aldeen hizkuntza-markatzaileak.
Ahozko diskurtsoari eutsi eta segitzea. Hitz egiteko txanda hartu, mantendu eta lagatzea. Laguntzea, ulertu duzula adieraztea, argibideak eskatzea eta abar. Intonazioa, ahozko testuaren kohesio baliabide gisa: intonazio patroien erabilera.
-Testu idatziak sortzea:
Lanbideko eta eguneroko mezu eta testuak adierazi eta betetzea.
Erlazio logikoak: aurkaritza, kontzesioa, konparazioa, baldintza, kausa, helburua, ondorioa.
Denbora erlazioak: lehenagokotasuna, ondorengotasuna eta aldiberekotasuna.
Testu koherentzia. Egokitasuna. Testu mota eta formatua. Erregistroa. Hautaketa lexikoa. Diskurtsoaren hasiera eta gaiaren sarrera. Garapena eta hedapena. Diskurtsoaren laburpena. Puntuazio zeinuak.
Ingelesaren lurraldeetan garrantzitsuenak diren kultura elementuak identifikatu eta interpretatzea.
| Lanbide modulua: Frantsesa Kodea: 0180 Iraupena: 170 ordu |
Prestakuntza unitatea: Frantsesa I.
Kodea: 0180-UF01(NA).
Iraupena: 100 ordu.
-Ahozko mezu oinarrizkoak ulertzea:
Ahozko mezuak ulertzea hainbat egoeratan: ohikoak, pertsonalak eta lanbidekoak.
Zuzeneko, telefono bidezko eta grabatutako mezu errazak.
Ideia nagusiak.
Baliabide gramatikalak: perpausaren egitura, aditz denborak, lokarriak.
Beste hizkuntza baliabide batzuk: adostasunak eta desadostasunak, iritziak eta aholkuak.
Frantsesa ama hizkuntza ez duten hiztunek edo Europatik kanpoko herrialde frantsesdunetakoek sortutako ahozko mezuak ulertzea.
-Oinarrizko mezu idatziak interpretatzea:
Bai bizitza profesionaleko bai eguneroko bizitzako egoerekin lotuta dauden dokumentu errazak orokorrean ulertzea (erreklamazio orriak, kexak, erreserba eskaerak eta gogobetzeari buruzko galdera sortak, besteak beste, etab.).
Ideia nagusiak.
Dokumentu idatziak irakurtzean ideien sintesia egitea (mezu elektronikoak, faxak, erreklamazioak, besteak beste).
Baliabide gramatikalak: perpausaren egitura, aditz denborak, lokarriak, "vous" erabiltzea frantsesez, "on" izenordaina, "politesse" formulak ("je voudrais, j'aimerais, s'il vous plaît, je vous en prie", besteak beste).
Oinarrizko denbora erlazioak: lehenagokotasuna, ondorengotasuna eta aldiberekotasuna.
-Ahozko mezu oinarrizkoak sortzea:
Ahozko komunikazioa sortzea.
Ahozko mezuak emateko erabiltzen diren erregistroak.
Bizitza profesionaleko egoerei buruzko elkarrizketetan eta azalpenetan parte hartzea.
Adierazpen fonikoa, intonazioa eta erritmoa. "Liaison".
Gizarte harremanen, kortesia arauen eta erregistro aldeen hizkuntza-markatzaileak.
Ohiko eta funtsezko egitura formalak aplikatzea (perpausaren egitura, aditz denborak eta lokarriak).
Fonetika. Adierazpen fonikoa, intonazioa eta erritmoa.
-Ahozko diskurtsoa mantendu eta horren jarraipena egitea:
Hitz egiteko txanda hartu, mantendu eta lagatzea.
Laguntzea, ulertzen dela erakustea, argitzeko eskatzea, etab.
Baliabide linguistiko eta semantikoak erabiltzea (sinonimia).
Intonazioa, ahozko testuaren kohesio baliabide gisa: intonazio patroien erabilera.
-Oinarrizko testu idatziak prestatzea:
Lanbidearen arloko berariazko "eredu" dokumentuak idaztea:
Ohiko eta funtsezko egitura formalak aplikatzea (perpausaren egitura, aditz denborak eta lokarriak).
Oinarrizko denbora erlazioak: lehenagokotasuna, ondorengotasuna eta aldiberekotasuna.
Lokarriak: "mais", "parce que", "alors", "donc", "pour + infinitivo" "malgré + nom", besteak beste.
-Komunikazio idatzian erabiltzen diren formulak eta egitura eginak aplikatzea.
Gutunetako formulak: idazpuruko, garapeneko eta agurreko egiturak.
Mezu elektroniko, fax edo burofax baten egitura, baita beste dokumentu estandar batzuena ere.
Testu koherentzia.
Testu mota eta formatua.
Hautaketa lexikoa, egitura sintaktikoena eta eduki garrantzitsuarena.
Puntuazio zeinuak erabiltzea.
-Jarrera eta portaera profesionalak aplikatzea komunikazio egoeretan:
Herrialde frantsesdunetan garrantzitsuenak diren kultura elementuak identifikatu eta interpretatzea.
Gizarte eta kultura eta protokolo arauak baloratzea nazioarteko harremanetan.
Jarrera sozioprofesionala behar duten egoeretan, baliabide formal eta funtzionalak erabiltzea, enpresaren irudi egokia erakusteko.
Atzerriko hizkuntzak bizitza pertsonalean eta profesionalean interesgarriak izanen diren ezagutzak sakontzeko duen garrantzia aintzat hartzea.
Komunikazio egoeraren, solaskidearen eta solaskideen asmoen araberako erregistroak erabiltzea.
Prestakuntza unitatea: Frantsesa II.
Kodea: 0180-UF02(NA).
Iraupena: 70 ordu.
-Ahozko mezu landuen azterketa:
Eguneroko bizitzako mezuak ulertzea.
Mezu zuzenak eta telefono bidezkoak.
Bidaia agentzietako eta ekitaldien kudeaketako sektorearen berariazko terminologia oinarrizkoa.
Ideia nagusiak eta bigarren mailako ideiak.
Baliabide gramatikal aurreratuak.
Beste hizkuntza baliabide batzuk: adostasuna eta desadostasuna, hipotesiak eta espekulazioak, iritziak eta aholkuak, pertsuasioa eta ohartarazpena.
-Mezu idatzi landuak interpretatzea:
Mezuak, testuak, lanbideko eta eguneroko artikulu oinarrizkoak ulertzea.
Bidaia agentzietako eta ekitaldien kudeaketako sektorearen berariazko terminologia.
Ideia nagusiak eta bigarren mailako ideiak.
Baliabide gramatikal aurreratuak.
Erlazio logikoak: aurkaritza, kontzesioa, konparazioa, baldintza, kausa, helburua, ondorioa.
Ahozko mezu landuak sortzea:
Ahozko mezuak emateko erabiltzen diren erregistroak.
Bidaia agentzietako eta ekitaldien kudeaketako sektorearen berariazko terminologia.
Baliabide gramatikal aurreratuak.
Beste hizkuntza baliabide batzuk: adostasuna eta desadostasuna, hipotesiak eta espekulazioak, iritziak eta aholkuak, pertsuasioa eta ohartarazpena.
Fonetika. Bokalezko soinu eta fonemak eta haien konbinazio eta soinuak, eta kontsonantezko fonemak eta haien taldekatzeak.
-Testu idatzi landuak bidaltzea:
Lanbideko eta eguneroko mezu eta testuak adierazi eta betetzea.
Curriculum vitae-a eta euskarri telematikoak: faxa, posta elektronikoa, burofaxa.
Bidaia agentzietako eta ekitaldien kudeaketako sektorearen berariazko terminologia.
Ideia nagusia eta bigarren mailako ideiak.
Baliabide gramatikal aurreratuak.
Erlazio logikoak: aurkaritza, kontzesioa, konparazioa, baldintza, kausa, helburua, ondorioa.
Testu koherentzia:
-Ahozko elkarreragin arina:
Ahozko diskurtso arina mantendu eta horren jarraipena egitea.
Hitz egiteko txanda hartu, mantendu eta lagatzea modu arinean.
Komunikazioaren estiloa hartzaileari, inguruneari eta komunikazioaren helburuari egokitzea.
Intonazioa, ahozko testuaren kohesio baliabide gisa: intonazio patroien erabilera.
Hitzik gabeko komunikazioaren estrategiak erabiltzea, ahozko interakzioa indartzeko.
| Lanbide modulua: Lanerako prestakuntza eta orientabideak Kodea: 0401 Iraupena: 70 ordu |
Prestakuntza unitatea: Laneko arriskuen prebentzioaren oinarrizko maila.
Kodea: 0401 - UF01 (NA).
Iraupena: 30 ordu.
-Prebentzioaren kulturaren garrantzia jardueraren fase guztietan.
-Lanaren eta osasunaren arteko erlazioaren balorazioa.
-Laneko arriskua. Arrisku faktoreen analisia.
-Atzemandako arrisku egoera bakoitzaren ondorioz langilearen osasunak nolako kalteak izan ditzakeen zehaztea.
-Laneko arriskuen prebentzioaren arloko oinarrizko arau-esparrua.
-Laneko arriskuen prebentzioaren arloko eskubideak eta betebeharrak.
-Prebentzioaren kudeaketaren antolaketa enpresan.
-Langileen ordezkaritza prebentzioaren arloan.
-Laneko arriskuen prebentzioaren arloko erantzukizunak.
-Laneko arriskuen prebentzioarekin zerikusia duten erakunde publikoak.
-Enpresako arriskuen ebaluazioa, prebentzio jardueraren oinarrizko elementu gisa.
-Segurtasun, ingurumen eta ergonomia baldintzei zein psikosozialei lotutako arriskuak aztertzea.
-Arriskuaren balorazioa.
-Prebentzio neurriak hartzea: plangintza eta kontrola.
-Banakako eta taldeko prebentzio eta babes neurriak.
-Prebentzio plana eta horren edukia.
-Larrialdi eta ebakuazioetarako planak lan-inguruneetan.
-ETE batentzako larrialdi plana egitea.
-Larrialdietan jarduteko protokoloa.
-Larrialdi medikoa eta lehen sorospena. Oinarrizko kontzeptuak.
-Langileei prestakuntza ematea larrialdietako planei buruz eta lehen sorospenetarako teknikak aplikatzeari buruz.
-Langileen osasuna zaintzea.
Prestakuntza unitatea: Lan harremanak eta Gizarte Segurantza.
Kodea: 0401 - UF02 (NA).
Iraupena: 20 ordu.
-Lan arloko zuzenbidea.
-Banakako lan harremanen azterketa.
-Lan kontratuaren modalitateak eta kontratazioa sustatzeko neurriak.
-Lan harremanak sortzen dituen eskubideak eta betebeharrak.
-Lan baldintzak. Soldata, laneko denbora eta atsedena.
-Soldataren ordainagiria.
-Lan kontratuaren aldaketa, etendura eta amaiera.
-Langileen ordezkaritza.
-Lanbide esparru jakin batean aplikagarria den hitzarmen kolektibo baten azterketa.
-Lan gatazka kolektiboak.
-Lana antolatzeko ingurune berriak: azpikontratazioa eta telelana, besteak beste.
-Langileentzako onurak antolaketa berrietan: malgutasuna, gizarte onurak eta beste batzuk.
-Gizarte Segurantzaren sistema, elkartasun sozialaren oinarrizko printzipio gisa.
-Gizarte Segurantzaren sistemaren egitura.
-Enpresaburuek eta langileek Gizarte Segurantzaren arloan dituzten betebehar nagusiak: afiliazioa, altak, bajak eta kotizazioa.
-Gizarte Segurantzaren ekintza babeslea.
-Gizarte Segurantza gure inguruko herrialde nagusietan.
-Langabezia-babesa: kontzeptua eta babesten ahal diren egoerak.
Prestakuntza unitatea: Laneratzea eta gatazken konponketa.
Kodea: 0401 - UF03 (NA).
Iraupena: 20 ordu.
-Lanbide-karrera egiteko interesak, gaitasunak eta motibazio pertsonalak analizatzea.
-Erabakiak hartzeko prozesua.
-Lanbide sektore jakin bat definitu eta aztertzea, inguruko lurralde eremuan nahiz Estatuan.
-Sektoreko enpresa txiki, ertain eta handietan lana bilatzeko prozesua haren eraginpeko lurralde eremuan, Estatuan eta Europar Batasunean.
-Europan ikasteko eta lan egiteko aukerak.
-Etengabeko prestakuntzak lan eta lanbide ibilbiderako duen garrantzia baloratzea. Informazio hori ematen duten tokiko, eskualdeko, Estatuko eta Europako erakundeen identifikazioa.
-Tokiko, eskualdeko, Estatuko eta Europako prestakuntza ibilbideak identifikatzea.
-Enplegua bilatzeko teknikak eta tresnak: curriculum vitaearen ereduak, Europako curriculum vitaea eta laneko elkarrizketak. Europar Batasunean langileen mugikortasuna errazten duten beste dokumentu batzuk: mugikortasunaren dokumentua.
-Autoenplegua baloratzea laneratzeko hautabide gisa.
-Talde lanak erakundearen eraginkortasunari begira dituen alde onak eta txarrak baloratzea.
-Lantalde motak, betetzen dituzten eginkizunen arabera.
-Lantalde eraginkorraren ezaugarriak.
-Trebetasun sozialak. Hitzezko eta hitzik gabeko komunikaziorako teknikak.
-Lan bileretan erabiltzen diren dokumentuak: deialdiak, aktak eta aurkezpenak.
-Lantaldean parte hartzea. Kideek har ditzaketen rolen analisia.
-Gatazka: ezaugarriak, iturriak eta etapak.
-Gatazka konpondu edo ezabatzeko metodoak: bitartekotza, adiskidetzea, arbitrajea, epaiketa eta negoziazioa.
| Lanbide modulua: Enpresa eta ekimen sortzailea Kodea: 0402 Iraupena: 70 ordu |
Prestakuntza unitatea: Ekimenaren kultura eta ideien sorrera bultzatzea.
Kodea: 0402 - UF01 (NA).
Iraupena: 20 ordu.
-Ekimenaren kultura: ekimena, enpresa barruko ekimena eta ekimen soziala sustatzea. Negoziorako ideiak sustatzeko teknikak.
-Berrikuntza eta garapen ekonomikoa. Berrikuntzaren ezaugarri nagusiak bidaia agentzien/ekitaldien kudeaketako enpresen jardunean.
-Ekintzaileen gako-faktoreak: ekimena, sormena eta prestakuntza.
-Ekintzaileen jarduna, bidaia agentzien/ekitaldien sektoreko ETE bateko enpresaburu eta enplegatu gisa.
-Ekimenaren arriskua.
-Negozio ideia bidaia agentzia/ekitaldien kudeaketako enpresa baten arloan.
-Enpresaburuaren kontzeptua. Enpresa jardueretan aritzeko baldintzak. Izaera ekintzailea.
-Sormenaren, komunikazioaren eta lidergoaren oinarrizko gaitasunak, besteak beste.
-Pertsona sortzailearen ezaugarriak. Sormena bultzatzen duten teknikak.
-Aginte eta zuzendaritza estiloak ezagutzea. Enpresaren esparruetan aplikatzea.
-Motibazioaren kontzeptua. Motibatzeko teknikak eta haien aplikazioa.
-Bidaia agentzien/ekitaldien sektorean lan egiten duenaren eta ekintzaile baten laneko gaitasunak eta gaitasun pertsonalak ezagutzea.
Prestakuntza unitatea: Enpresa plan baten bideragarritasun ekonomiko-finantzarioa.
Kodea: 0402 - UF02 (NA).
Iraupena: 30 ordu.
-Enpresa, sistema gisa. Enpresaren oinarrizko eginkizunak.
-Bidaia agentzien/ekitaldien sektoreko ETE baten bideragarritasun ekonomikoa eta bideragarritasun finantzarioa.
-Bidaia agentzien/ekitaldien sektoreko ETE baten ingurune orokorraren eta berariazkoaren azterketa.
-Bidaia agentzien/ekitaldien sektoreko ETE baten harremanak.
-Enpresa nazioartean. Europar Batasunean askatasunez kokatzeko eskubidea.
-Enpresa plan bat prestatzea.
-Bidaia agentzien/ekitaldien sektoreko enpresa baten ahuleziak, mehatxuak, indarrak eta aukerak aztertzea.
-Marketin plan baten edukiak.
-Ahuleziak eta indarrak identifikatzea, AMIA.
-Enpresa motak. Forma juridikoak.
-Forma juridikoa hautatzea.
-Produkzio prozesuaren edo zerbitzu-ematearen deskribapen teknikoa. Giza baliabideak.
-Produkzio faseen definizioa. Hobetzeko sistemak.
Prestakuntza unitatea: Enpresa bat abian jartzea.
Kodea: 0402 - UF03 (NA).
Iraupena: 20 ordu.
-Enpresen fiskalitatea: Nafarroako Foru Komunitateko zerga sistemaren berezitasunak.
-Enpresa bat eratzeko administrazio tramiteak.
-Enpresa bat eratzeko aholku ematen duten erakunde eta instituzioak.
-Kontabilitatearen kontzeptua eta oinarrizko alderdiak.
-"Merkataritzako eta finantzako eginkizuna" kontzeptua.
-Kontabilitateko eragiketak: enpresa baten informazio ekonomikoaren erregistroa.
-Enpresen zerga betebeharrak.
-Dokumentu ofizialak aurkezteko baldintzak eta epeak.
-Bidaia agentzien/ekitaldien arloko enpresa baten kudeaketa administratiboa.
| Lanbide modulua: Bidaia agentzien proiektua eta ekitaldien kudeaketa Kodea: 0400 Iraupena: 110 ordu |
Prestakuntza unitatea: Bidaia agentzien proiektua eta ekitaldien kudeaketa planifikatzea
Kodea: 0400-UF01(NA)
Iraupena: 20 ordu.
-Enpresa plana. Enpresa ideiaren garapena. Ideia berritzaileak. Bide berriak, Internet.
-Enpresa proiektu baterako ideiak bilatzea.
-Enpresa plana: kontzeptua eta eginkizunak.
-Enpresa plan baten oinarrizko egitura.
Prestakuntza unitatea: Lehiakideak ezagutzea turismo merkatuan.
Kodea: 0400-UF02(NA).
Iraupena: 20 ordu.
-Ingurunearen, sektorearen eta enpresaren lehiakortasunaren azterketa eta analisia. AMIA azterketa.
-Enpresaren jardueran eragina duten kanpoko faktoreak.
-Merkatu azterketa. Merkatu azterketen beharrak eta erabilgarritasuna.
-Merkatu azterketa. Informazio iturriak. Kontzeptua eta motak. Lehen mailako iturrietako datuak lortzea, metodo nagusiak: Inkesta. Panelak. Behaketa. Esperimentazioa. Bigarren mailako iturrietako datuak lortzea.
-Merkatu azterketa baten etapak. Kontsumitzailearen portaera eta merkatuen segmentazioa. Inkesten bidez informazioa lortzea. Enpresa proiekturako estatistikoak.
Prestakuntza unitatea: Turismo proiektuak kudeatzea.
Kodea: 0400-UF03(NA).
Iraupena: 40 ordu.
-Marketin plana: produktua edo zerbitzua, produkzioa eta hornidurak.
-Marketin plana: merkatuaren definizioa eta komunikazioa. Prozesuak eta estrategiak komunikazioan. Publizitate plana. Publizitate motak. Publizitate estrategiak. Salmentak sustatzeko plana. Harreman publikoen plana.
-Marketin plana: banaketa definitzea, prezioak zehaztea, salmentak antolatzea.
-Enpresaren antolaketa funtzionala. Giza baliabideak. Enpresa antolaketa. Erabakiak hartzea. Organigramak. Enpresako langileria departamentua. Hautapen politika. Langileen kontratazioa. Kontratu mota aukeratzea. Ondorengo tramiteak. Autoenplegua. Langileen kudeaketa ekonomikoa. Kostu sozialak.
Prestakuntza unitatea: Bidaia agentzien proiektuen eta ekitaldien kudeaketaren bideragarritasuna aztertzea.
Kodea: 0400-UF04(NA).
Iraupena: 30 ordu.
-Inbertsioa eta finantziazioa. Proiektuaren bideragarritasunari buruzko azterlana.
-Enpresa proiektuen inbertsio beharrak. Diruzaintzako aurrekontua prestatzea.
-Proiektuen finantziazioa. Finantziazio berekia. Kanpoko finantziazioa. Finantziazioaren kostuak.
-Ebaluaziorako magnitudeen zenbatespena eta kalkulua. Behin-behineko emaitzen kontuak. Irabazien zenbatespena. Cash flow-aren kalkulua.
-Inbertsioak ebaluatzeko metodoak. Balio eguneratu garbia (VAN). Bideragarritasunaren barne tasa (TIR). Berreskuratze denbora (payback). Errentagarritasun atalasea. Behin-behineko balantze-egoera eta ratio ekonomiko finantzarioak.
-Eragiketen plangintza, dokumentazioa eta proiektuaren aurkezpena.
-Plangintza enpresan.
-Enpresa bat legez eratzeko oinarrizko tramiteak. Formalizazioa. Enpresa jarduera abian jartzea eta dokumentazioa.
-Proiektuen aurkezpena eta komunikazioa. Komunikazioa aplikatzea enpresa proiektuen azalpen eta aurkezpenean.
4. ERANSKINA. BALIOZKOTZEAK ETA SALBUESPENAK
1/1990 Lege Organikoaren babesean ezarritako tituluetako lanbide moduluen eta 2/2006 Lege Organikoaren babesean Bidaia Agentzietako eta Ekitaldien Kudeaketako goi mailako teknikari tituluan ezarritakoen arteko baliozkotzeak
| HEZIKETA ZIKLOKO LANBIDE MODULUAK (1/1990 LOGSE): | HEZIKETA ZIKLOKO LANBIDE MODULUAK (2/2006 LOE): |
| Bidaia agentziak. | Bidaia agentziak eta ekitaldien kudeaketa. |
| Bidaia agentzietan turismoko zerbitzuak ekoitzi eta saltzea. | 0398. Turismoko zerbitzuen salmenta. 0397. Turismoko produktuen kudeaketa. |
| Kudeaketa ekonomiko-administratiboa bidaia agentzietan. Antolaketa eta kontrola bidaia agentzietan. | 0399. Turismo bitartekaritzako entitateen zuzendaritza. 0402. Enpresa eta ekimen sortzailea. |
| Turismoko produktuak eta zerbitzuak merkaturatzea. | 0173. Turismo arloko marketina. 0171. Turismo merkatuaren egitura. |
| Atzerriko hizkuntza. | 0179. Ingelesa. |
| Atzerriko bigarren hizkuntza. | 0180. Atzerriko bigarren hizkuntza. |
| Lantokiko prestakuntza. | 0403. Lantokietako prestakuntza |
5. ERANSKINA. LANBIDE MODULUEN ETA GAITASUN UNITATEEN ARTEKO KORRESPONDENTZIA
A) Gaitasun unitateek lanbide moduluekin duten korrespondentzia, horiek baliozkotzeko
| EGIAZTATUTAKO GAITASUN UNITATEAK | BALIOZKOTZEN AHAL DIREN LANBIDE MODULUAK |
| UC0266-3: Turismoko zerbitzuak eta bidaiak saltzea. | 0398. Turismoko zerbitzuen salmenta. |
| UC0267-2: Bidaia agentzietako kudeaketa ekonomiko-administratiboa garatzea. UC0268-3: Turismoaren arloko informazio eta banaketa unitateak kudeatzea. | 0399. Turismo bitartekaritzako entitateen zuzendaritza. |
| UC1055-3: Bidaia konbinatuak, txangoak eta lekualdaketak prestatu eta gauzatzea. | 0397. Turismoko produktuen kudeaketa. |
| UC1056-3: Ekitaldiak kudeatzea. | 0172. Protokoloa eta harreman publikoak. |
| UC1072-3: Gidaritza eta animazioko turismo zerbitzuetan ingelesez komunikatzea, erabiltzaile trebearen mailarekin. | 0179. Ingelesa. (*) |
| UC1074-3: Turismoaren arloko informazioa kudeatzea. | 0173. Turismo arloko marketina. |
| UC1069-3: Jardun esparruan kultura-interesa duten ondasunak eta ondarea interpretatzea turistei eta bisitariei. UC1070-3: Jardun esparruko naturguneak eta natura-interesa duten beste ondasun batzuk interpretatzea turistei eta bisitariei. | 0384. Baliabide turistikoak. |
| UC1073-3: Gidaritza eta animazioko turismo zerbitzuetan ingelesa ez den atzerriko hizkuntza batean komunikatzea, erabiltzaile trebearen mailarekin. | 0180. Atzerriko bigarren hizkuntza. (*) |
| (*) Hezkuntzari buruzko maiatzaren 3ko 2/2006 Lege Organikoaren 66.4 artikuluan aurreikusitakoaren arabera baliozkotzen ahalko da. | |
B) Lanbide moduluek gaitasun unitateekin duten korrespondentzia, horiek egiaztatzeko
| GAINDITUTAKO LANBIDE MODULUAK | EGIAZTATZEN AHAL DIREN GAITASUN UNITATEAK |
| 0398. Turismoko zerbitzuen salmenta. | UC0266-3: Turismoko zerbitzuak eta bidaiak saltzea. |
| 0399. Turismo bitartekaritzako entitateen zuzendaritza. | UC0267-2: Bidaia agentzietako kudeaketa ekonomiko-administratiboa garatzea. UC0268-3: Turismoaren arloko informazio eta banaketa unitateak kudeatzea. |
| 0397. Turismoko produktuen kudeaketa. | UC1055-3: Bidaia konbinatuak, txangoak eta lekualdaketak prestatu eta gauzatzea. |
| 0172. Protokoloa eta harreman publikoak. | UC1056-3: Ekitaldiak kudeatzea. |
| 0384. Baliabide turistikoak. | UC1069-3: Jardun esparruan kultura-interesa duten ondasunak eta ondarea interpretatzea turistei eta bisitariei. UC1070-3: Jardun esparruko naturguneak eta natura-interesa duten beste ondasun batzuk interpretatzea turistei eta bisitariei. |
| 0179. Ingelesa. | UC1072-3: Gidaritza eta animazioko turismo zerbitzuetan ingelesez komunikatzea, erabiltzaile trebearen mailarekin. UC1057-2: Turismo jardueretan ingelesez komunikatzea, erabiltzaile independentearen mailarekin. |
| 0180. Atzerriko bigarren hizkuntza. | UC1073-3: Gidaritza eta animazioko turismo zerbitzuetan ingelesa ez den atzerriko hizkuntza batean komunikatzea, erabiltzaile trebearen mailarekin. |
| 0173. Turismo arloko marketina | UC1074-3: Turismoaren arloko informazioa kudeatzea. |
6. ERANSKINA. IRAKASLEAK
A) Moduluak ematen dituzten irakasleak
| LANBIDE MODULUA | IRAKASLEEN ESPEZIALITATEA | KIDEGOA |
| 0171. Turismo merkatuaren egitura. | Ostalaritza eta turismoa | Bigarren Hezkuntzako katedradunak. Bigarren Hezkuntzako irakasleak. |
| 0172. Protokoloa eta harreman publikoak. | Ostalaritza eta turismoa | Bigarren Hezkuntzako katedradunak. Bigarren Hezkuntzako irakasleak. |
| 0173. Turismo arloko marketina. | Ostalaritza eta turismoa | Bigarren Hezkuntzako katedradunak. Bigarren Hezkuntzako irakasleak. |
| 0383. Helmuga turistikoak. | Ostalaritza eta turismoa | Bigarren Hezkuntzako katedradunak. Bigarren Hezkuntzako irakasleak. |
| 0384. Baliabide turistikoak. | Ostalaritza eta turismoa | Bigarren Hezkuntzako katedradunak. Bigarren Hezkuntzako irakasleak. |
| 0397. Turismoko produktuen kudeaketa. | Ostalaritza eta turismoa | Bigarren Hezkuntzako katedradunak. Bigarren Hezkuntzako irakasleak. |
| 0398. Turismoko zerbitzuen salmenta. | Ostalaritza eta turismoa | Bigarren Hezkuntzako katedradunak. Bigarren Hezkuntzako irakasleak. |
| 0399. Turismo bitartekaritzako entitateen zuzendaritza. | Ostalaritza eta turismoa | Bigarren Hezkuntzako katedradunak. Bigarren Hezkuntzako irakasleak. |
| 0179. Ingelesa. | Ingelesa | Bigarren Hezkuntzako katedradunak. Bigarren Hezkuntzako irakasleak. |
| 0180. Atzerriko bigarren hizkuntza. | Atzerriko hizkuntza | Bigarren Hezkuntzako katedradunak. Bigarren Hezkuntzako irakasleak. |
| 0400. Bidaia agentzien proiektua eta ekitaldien kudeaketa | Ostalaritza eta turismoa | Bigarren Hezkuntzako katedradunak. Bigarren Hezkuntzako irakasleak. |
| 0401. Lanerako prestakuntza eta orientabideak. | Lanerako prestakuntza eta orientabideak | Bigarren Hezkuntzako katedradunak. Bigarren Hezkuntzako irakasleak. |
| 0402. Enpresa eta ekimen sortzailea. | Lanerako prestakuntza eta orientabideak | Bigarren Hezkuntzako katedradunak. Bigarren Hezkuntzako irakasleak. |
B) Irakaslanari dagokionez baliokideak diren titulazioak
| KIDEGOAK | ESPEZIALITATEAK | TITULAZIOAK |
| Bigarren Hezkuntzako irakasleak. | Lanerako prestakuntza eta orientabideak. | -Enpresa Zientzietako diplomaduna. -Lan Harremanetako diplomaduna. -Gizarte Laneko diplomaduna. -Gizarte Hezkuntzako diplomaduna. -Kudeaketa eta Administrazio Publikoko diplomaduna. |
| Ostalaritza eta Turismoa. | -Turismoko diplomaduna. |
C) Ikastetxe pribatuetarako behar diren titulazioak
| LANBIDE MODULUAK | TITULAZIOAK |
| 0171. Turismo merkatuaren egitura. 0172. Protokoloa eta harreman publikoak. 0173. Turismo arloko marketina. 0383. Helmuga turistikoak. 0384. Baliabide turistikoak. 0397. Turismoko produktuen kudeaketa. 0398. Turismoko zerbitzuen salmenta. 0399. Turismo bitartekaritzako entitateen zuzendaritza. 0179. Ingelesa. 0180. Atzerriko bigarren hizkuntza. 0400. Bidaia agentzien proiektua eta ekitaldien kudeaketa 0401. Lanerako prestakuntza eta orientabideak. 0402. Enpresa eta ekimen sortzailea. | -Lizentziaduna, ingeniaria, arkitektoa edo kasuan kasuko graduko titulua, edo irakaslanari dagokionez baliokideak diren beste titulu batzuk. |
7. ERANSKINA. LEKUAK
Irakaslekua:
| Balio anitzeko gela |
| Agentzien/Informazio turistikoaren gela |
Iragarkiaren kodea: F1211694
