(ir al contenido)

navarra.es

Castellano | Euskara | Français | English

LEXNAVARRA


Versión para imprimir
Versión en castellano

17/2012 FORU DEKRETUA, MARTXOAREN 21EKOA, NAFARROAKO FORU KOMUNITATERAKO DOAKO LAGUNTZA JURIDIKOAREN ERREGELAMENDUA ONESTEN DUENA Nota de Vigencia

BON N.º 63 - 30/03/2012

  I. KAPITULUA. XEDAPEN OROKORRAK

  II. KAPITULUA. NAFARROAKO DOAKO LAGUNTZA JURIDIKOAREN BATZORDEAREN ANTOLAMENDUA ETA FUNTZIONAMENDUA.

  III. KAPITULUA. DOAKO LAGUNTZA JURIDIKORAKO ESKUBIDEA AITORTZEKO PROZEDURA.

  IV. KAPITULUA. ABOKATU BIDEZKO DOAKO LAGUNTZA, DEFENTSA ETA ORDEZKARITZAKO ZERBITZUEN ANTOLAMENDUA.

  V. KAPITULUA. DOAKO LAGUNTZA JURIDIKOKO ZERBITZUAK EMATEKO DIRULAGUNTZA APLIKATZEKO PROZEDURA.

  VI. KAPITULUA. ADITUEN BIDEZKO DOAKO LAGUNTZA

  1. ERANSKINA. DOAKO LAGUNTZA JURIDIKOAREN ESKABIDEA

  2. ERANSKINA. ABOKATUENTZAKO TALOIA

  3. ERANSKINA. ORDAINAREN MODULU ETA OINARRIAK

  4. ERANSKINA. DIRULAGUNTZA KOBRATZEKO MOMENTUA

Atariko

Doako Laguntza Juridikoari buruzko urtarrilaren 10eko 1/1996 Legeak indarra hartzearen ondorioz, aldaketa sakonak gertatu ziren doako laguntza juridikoaren (lehengo pobreziaren onura) eskubidearen aitorpenean, baliabideen askitasunik eza frogatzen dutenentzat. Lege horrek eskubidea aitortzeko prozeduraren desjudizializazioaren alde egiten du, organo kolegiatu administratibo baten esku uzten baitu, Doako Laguntza Juridikoaren Batzordeen esku, hain zuzen ere. Hala ere, espedienteen tramitazioa abokatuen elkargoen aurretiko lanean oinarritzen da, haiek betetzen baitituzte, orientazio juridikorako zerbitzuen bidez, honako lan hauek: eskabideen ohiko tramitazioari ekin, asmoak aztertu, eta behin-behineko izendapen edo ukapenak erabaki.

Lege horren lehen xedapen gehigarriak ezartzen du zein diren Estatuaren erabateko eskumeneko aginduak, eta zein oinarrizko legeria osatzen dutenak; autonomia erkidegoek, haien estatutuetako eskumenez baliatuz, horiek osatu eta garatzeko arauak eman ditzakete, betiere beren gain hartu badituzte Justizia Administrazioa baliabidez hornitzearen arloko eskumenak egiaz betetzea.

Nafarroako Foru Eraentza Berrezarri eta Hobetzeari buruzko abuztuaren 10eko 13/1982 Lege Organikoaren 60.1 artikuluan jasotako aurreikuspenaz baliatuz, Nafarroako Foru Komunitateak bere gain hartu zuen Justizia Administrazioaren arloko eskumenen titulartasuna; aurreikuspen hori gauzatzeko, maiatzaren 14ko 813/1999 Errege Dekretua onetsi zen, Justizia Administrazioa baliabide material eta ekonomikoez hornitzearen arloko eginkizunak eta zerbitzuak Estatutik Nafarroako Foru Komunitatera eskualdatzeari buruzkoa, ondorioak 1999ko urriaren 1etik aurrera.

2

Nafarroako Foru Komunitaterako Doako Laguntza Juridikoaren Erregelamendua apirilaren 9ko 80/2001 Foru Dekretuaren bidez onetsi zen (abenduaren 22ko 707/2003 Foru Dekretuak aldatu zuen). Nafarroako Foru Komunitateko Doako Laguntza Juridikoaren Erregelamendua onetsi zuen maiatzaren 21eko 42/2007 Foru Dekretuaren bidez aurreko biak indarrik gabe gelditu ziren.

Eskumenaz baliatzen hasi zenetik hona iragan diren hamabi urte hauetan, doako justiziaren onuraren aitorpenen kopuruak gora egin duela ikusi dugu, eskabideen kopuruak % 500etik gorako igoera izan baitu, bai eta prozedura mota nagusiak aldatu egin direla ere, Espainia osoari eragiten dion krisi ekonomikoaren egoerarekin lotuta, bereziki bigarren datuari dagokionez.

Bi inguruabar horiek direla-eta, azken urteotan asko handitu da zerbitzu honek eragin duen gastua, urtero Nafarroako KPIren portzentaia gehituta, gainera.

Doako Laguntza Juridikoaren Legeak ezarri ditu, batetik, zerbitzua finantzatzeko oinarrizko irizpideak, eta bestetik botere publikoek aldian-aldian ebaluatu beharko dutela haren kostua ere. Finantzaketari eta zerbitzua eman eta jarduteko arauei dagokienez, legeen mailako arau baten berezko malgutasunaz eta orokortasunaz pentsatu dira. Horrek bide eman beharko du maila beheragoko arauek gara ditzaten alderdi horiek, egoera ekonomiko eta sozial aldakorretara egokitzen laguntzeko. Horrela, saihestu nahi da araudia gotortzea, eta gai hauek, berez, haien ezaugarriengatik, oso denbora gutxian behin eta berriz aldatu baitaitezke, zuzentzen dituzten arauak legez zurrunegiak izatea.

Gastu publikoari eusteko garaiak ditugun hauetan, beharrezkoa da Nafarroako Foru Komunitatean aplikatzekoa den Doako Laguntza Juridikoaren Erregelamenduaren alderdi ekonomikoak berrikustea, beste alderdi teknikoago batzuekin batera, zerbitzua ahalik eta hobekien emateko eta herritar guztientzako babes judizial eraginkorra bermatzeko, Konstituzioaren 24.2 artikuluan jasotako aginduarekin bat.

3

Azken xedapenetako lehenak esku ematen dio Justiziaren arloko eskumena duen kontseilariari erregelamendu honen 3. eranskinean jasotako diru-ordaineko modulu eta oinarriak eta 7. eta 31. artikuluetan aipatzen diren zenbatekoak gaurkotzeko; hartara, errazagoa da diruz lagundu daitezkeen zenbatekoak egokitzea egoera ekonomiko aldakorretara, erregelamendua aldatzeko premiarik izan gabe. Bestalde, zenbateko horiek Nafarroako Foru Komunitatean aplikatzekoa den kontsumoko prezioen indizeari (KPI) jarraikiz urtero gaurkotuko dira baldin eta ekitaldi bakoitzeko aurrekontuan horretarako diru erabilgarririk baldin badago.

4

Nafarroako Foru Komunitaterako Doako Laguntza Juridikoaren Erregelamenduan, maiatzaren 21eko 42/2007 Foru Dekretuaren bidez onetsitakoan, 31.1 artikuluan, diru-laguntzak jaso ziren doako laguntza juridikoan kudeaketak elkargoei ekartzen dizkien azpiegitura gastuetarako, tramitatutako espediente bakoitzeko zenbateko finko bat ordainduko dela zehaztuta.

Erregelamenduaren proiektu berriak eusten die diru-laguntza horiei, tramitatutako espediente bakoitzeko ematen direnei, baina espediente nagusiaren eta espediente lotuaren arteko bereizketa eginez; zenbateko desberdinak jasoko dituzte, hortaz, espediente lotuen kasuan egin beharreko tramite bakarra eskabidearen erregistro telematikoa baita, espedientea Doako Laguntza Juridikoaren Batzordera igortzeko beharrik gabe, espediente nagusian dagoelako, lehenagotik, ebazteko beharrezkoa den dokumentazio guztia.

31. artikuluari eman zaion testu berrian, 1. idatz-zatiko c letra kendu da, konexio informatikoek ez dietelako inolako gasturik sortzen elkargoei, izan ere, egungo konexioak ez dira RDSI linea berariazkoen bidez egiten, Interneteko sarbidea duen web nabigatzaileen bitartez baizik.

5

3. eranskinak diru-ordainaren moduluak eta oinarriak biltzen ditu, doako laguntza juridikoaren zerbitzua finantzatzeko oinarritzat hartuko direnak.

Hurrengo ekitaldietan lortu beharreko aurrekontu egonkortasuna dela-eta, beharrezkoa da abokatu eta prokuradoreen diru-ordainaren moduluak eta oinarriak berrikustea, eranskin horretan ageri direnak. Bestetik, Prozedura Zibilari buruzko urtarrilaren 7ko 1/2000 Legeak indarra hartu aurretik hasitako prozedurak kendu dira, bai eta egun ordain independentea dutenak ere, profesionalen jarduna prozedura orokorrean edo guardiakoan sartu behar dela iritzita, edo haren luzapen gisa ulertu.

6

Erregelamendu honek beste gai batzuei ere heltzen die, artikuluei zenbait idatz-zati berri erantsiz, doako laguntza juridikoaren kudeaketa hobetu eta argitzeko xedearekin, alderdi hauetan: eskabidearen aurkezpena, behin-behineko izendapenak, kalte-ordainaren sorrarazpena, profesionalen betebeharrak. Dudarik gabe, gehikuntza hauek lagungarriak izanen dira zerbitzuaren kalitatea hobetzeko.

7

Erregelamendu berriaren VI. kapituluari testu berria eman zaio. Bertan, adituen bidezko doako laguntzarako eskubidea jasotzen da. Abiapuntua da adituen laguntzarako sistema orokorra, Nafarroako Foru Komunitateko Administrazioaren menpeko adituen bitartez eta, halakorik ez badago, aditu pribatuen bitartez.

Legegintzako teknikaren arloko arrazoiengatik eta arau-sakabanatzea saihesteko, testu berri bat egitea erabaki da, Nafarroako Foru Komunitaterako Doako Laguntza Juridikoaren Erregelamendua, maiatzaren 21eko 42/2007 Foru Dekretuaren bidez onetsitakoa, indargabetuko duena.

Hori horrela, Lehendakaritzako, Administrazio Publikoetako eta Barneko Departamentuko kontseilariak proposatuta, Nafarroako Kontseiluarekin bat eta Nafarroako Gobernuak 2012ko martxoaren 21eko bilkuran hartutako erabakiari jarraikiz,

DEKRETATU DUT:

Artikulu Bakarra. Nafarroako Foru Komunitaterako Doako Laguntza Juridikoaren Erregelamendua onestea.

Nafarroako Foru Komunitaterako Doako Laguntza Juridikoaren Erregelamendua onesten da. Haren testua foru dekretu honetan dago.

Xedapen Iragankor Bakarra. Ondorio ekonomikoak.

Foru dekretu honek Nafarroako Aldizkari Ofizialean argitaratu ondoko hiruhileko naturaleko lehen egunetik aurrera izanen ditu ondorio ekonomikoak.

Xedapen Indargabetzaile Bakarra

Nafarroako Foru Komunitaterako Doako Laguntza Juridikoaren Erregelamendua onesten duen maiatzaren 21eko 42/2007 Foru Dekretua indarrik gabe gelditu da.

Azken Xedapenetan Lehena. Diruordaineko modulu eta oinarriak berrikusi eta gaurkotzea.

1. Foru dekretu honen bidez onetsitako Erregelamenduaren 3. eranskinean ageri diren diru-ordaineko moduluak eta oinarriak, bai eta 7. eta 31. artikuluetan aipatzen diren zenbatekoak ere, justiziaren arloko eskumena duen kontseilariak emaniko foru agindu bidez berrikusi ahalko dira. Nolanahi ere, zenbateko horiek urtero gaurkotuko dira Nafarroarako kontsumorako prezioen indizearen araberako portzentaian (KPI), aurrekontuan dagoen diru erabilgarriak baldintzatuta betiere.

2. Xedapen honetan aipatzen diren diru-ordaineko moduluen eta oinarrien berrikuspenerako beharrezkoa izanen da, betiere, ukitutako profesionalen elkargoei aldez aurretik entzutea.

Azken Xedapenetan Bigarrena. Baremoen egokitzapena.

Ahalmena ematen zaio justiziaren arloko eskumena duen kontseilariari foru dekretu honen bidez onetsitako Erregelamenduaren 3. eranskinean ezartzen den baremoa prozesuei buruzko legerian zehazten diren prozeduretara egokitzeko, eranskin horretan aipatzen ez direnetara, betiere ukitutako profesionalen elkargoei aldez aurretik entzunda.

Azken Xedapenetan Hirugarrena. Arau garapena.

Ahalmena ematen zaio justiziaren arloko eskumena duen kontseilariari foru dekretu hau garatzeko beharrezkoak diren neurriak hartu eta xedapenak emateko.

Azken Xedapenetan Laugarrena. Indarra hartzea.

Foru dekretu honek Nafarroako Aldizkari Ofizialean argitaratzen den egunean bertan hartuko du indarra.

Iruñean, 2012ko martxoaren 21ean.-Nafarroako Gobernuko lehendakaria, Yolanda Barcina Angulo.-Lehendakaritzako, Administrazio Publikoetako eta Barneko kontseilaria, Roberto Jiménez Alli.

NAFARROAKO FORU KOMUNITATERAKO DOAKO LAGUNTZA JURIDIKOAREN ERREGELAMENDUA

I. KAPITULUA. XEDAPEN OROKORRAK

1. artikulua . Xedea.

1. Erregelamendu honen xedea da Nafarroako Foru Komunitatean doako laguntza juridikorako eskubidea erabiltzeko prozedura arautzea, baita eskubide hori aitorturik daukatenen abokatu eta prokuradoreen jarduketa profesionalak ordaintzeko diru-laguntzak emateko prozedura ere, Doako Laguntza Juridikoari buruzko urtarrilaren 10eko 1/1996 Legearen xedapenekin bat.

2. Doako laguntza juridikorako eskubidearen aitorpenak Doako Laguntza Juridikoari buruzko urtarrilaren 10eko 1/1996 Legearen 6. artikuluan aipatzen diren prestazioak dakarzkie eskubidedunei.

II. KAPITULUA. NAFARROAKO DOAKO LAGUNTZA JURIDIKOAREN BATZORDEAREN ANTOLAMENDUA ETA FUNTZIONAMENDUA.

2. artikulua . Lurraldeeremua eta eskumenak.

1. Nafarroako Doako Laguntza Juridikoaren Batzordea Iruñean sortuko da eta Nafarroa osorako izanen du eskumena.

2. Nafarroako Doako Laguntza Juridikoaren Batzordeak, bere lurralde-eremuan, Doako Laguntza Juridikoari buruzko Legean eta Erregelamendu honetan aipatzen diren eskumenak izanen ditu.

3. artikulua . Batzordearen osaera eta kideen izendapena.

1. Nafarroako Doako Laguntza Juridikoaren Batzordea honako kide hauek osatuko dute:

a) Fiskaltzaren kide bat, Nafarroako Foru Komunitateko fiskal nagusiak izendatua.

b) Abokatuen Elkargoko dekanoa, Nafarroako Foru Komunitateko Abokatuen Elkargoetako dekanoak ados daudela izendaturik, edo hura ordezkatuko duen abokatua.

c) Iruñeko Prokuradoreen Elkargoko dekanoa edo hura ordezkatuko duen prokuradorea.

d) Aholkularitza Juridikoaren Zerbitzuko aholkulari juridiko bat, zerbitzua atxikia duen departamentuko titularrak izendatua.

e) A mailako funtzionario bat, zuzenbideko lizentziaduna, justiziaren arloko eskumena duen zuzendaritza nagusikoa, zuzendaritza nagusi hori atxikia duen departamentuko titularrak izendatua.

2. Justiziaren arloko eskumena duen kontseilariak erabakiko du batzordeko kideetatik zein izanen den burua eta zein idazkaria.

3. Batzordearen lanen jarraipena eta funtzionamendu ona bermatzeko, izendapenez arduratzen diren erakunde eta organoek batzordeko kide bezainbat ordezko izendatuko dituzte, lehendakaria barne. Titularrak eta ordezkoak ezberdintasunik gabe arituko dira.

4. artikulua . Mendekotasun organikoa, sostengu administratiboa eta egoitza.

Nafarroako Doako Laguntza Juridikoaren Batzordea, organigramari dagokionez, justizia arloko eskumenak dituen zuzendaritza nagusiaren menpe egonen da eta bertan izanen du egoitza. Hartatik hartuko du aritzeko behar duen sostengu administratiboa eta laguntza teknikoa.

5. artikulua . Doako justizia zerbitzuei buruzko argibideak.

1. Nafarroako Doako Laguntza Juridikoaren Batzordeak zerrenda bat edukiko du, elkargoko kideen artetik doako justizia zerbitzuetan dihardutenak jasoko dituena. Bertan agertuko da haien helbide profesionala eta, halakorik bada, sail jurisdikzionalen edo adar juridikoen araberako sailkapena.

Batzordearen egoitzan ikusgai jarriko dira Abokatuen Elkargoetako Orientabide Juridikoko Zerbitzuen funtzionamenduko arauak, egoitza eta jendearentzako ordutegiak jarriko.

2. Aurreko idatz-zatian aipatzen diren argibideak doako justizia zerbitzuetan interesa duten guztien eskura izanen dira. Kasuan kasuko elkargoak sei hilabetetik behin gaurkotuko ditu.

6. artikulua . Funtzionamendua.

1. Batzordearen funtzionamendua honako hauek zuzenduko dute: Doako Laguntza Juridikoaren Legea, erregelamendu hau, eta organo kolegiatuetarako Nafarroako Foru Komunitateko Administrazioari buruzko abenduaren 3ko 15/2004 Foru Legeak jasotzen dituen arauak, eta, izaera osagarriarekin, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legea.

2. Nafarroako Doako Laguntza Juridikoaren Batzordea hamabostean behin bilduko da. Gai asko egoteagatik beharrezkoa denean bilkura berezietarako dei egin ahalko du.

7. artikulua . Laguntzaren ordaina.

1. Batzordeko kideek, Nafarroako Foru Komunitateko Administrazioko funtzionarioak direnek izan ezik, batzordearen bilkura bakoitzera joateagatik, idazkariak behar bezala egiaztaturik, 100 euroko ordain osoa hartuko dute.

2. Behin ere ez dira hogeita bost ordain baino gehiago hartuko urtean. Batzordera joaten den ordezkoak bakarrik hartuko du ordaina horretarako eskubidea duen titularraren ordez joaten denean, titularra ez egoteagatik.

8. artikulua . Eginkizunak.

Hona hemen batzordearen eginkizunak, Doako Laguntza Juridikoari buruzko Legean aurreikusten diren baldintzetan:

a) Doako laguntza juridikorako eskubidea onartu edo ukatzea, profesionalen elkargoak aurretik harturiko erabakiak berretsiz edo aldatuz.

b) Eskubidea ezeztatzea, Doako Laguntza Juridikoari buruzko Legearen 19. artikuluan aurreikusiriko inguruabarrak ageri direnean.

c) Doako laguntza juridikoaren eskabideak tramitatzen diren bitartean beharrezkotzat jotzen diren egiaztapenak egitea eta argibideak lortzea, eta, bereziki, kasuan kasuko Zerga Administrazioari eskatzea eskatzaileek alegaturiko zerga datuak egiazkoak direla berrets dezala.

d) Eskubide hori behin betikoz onartu edo ukatzen duten ebazpenak inpugnatzeko idazkia kasuan kasuko epaitegi edo auzitegitik hartu edo hara eramatea.

e) Abokatuek aurkezturiko eskabidea onartezina dela jakinarazteko tramiteak egitea.

f) Orientabide Juridikoko Zerbitzuen jarduketak ikuskatzea eta profesionalen elkargoekiko harremanetarako organo gisa jardutea, doako laguntza juridikoko zerbitzuek eginiko kexa edo salaketak bideratzeko, ekinbide horiek zuzenean elkargoetan aurkeztu ez direnean.

g) Indarra duten legeek esleitzen dizkioten gainerako eginkizun guztiak.

III. KAPITULUA. DOAKO LAGUNTZA JURIDIKORAKO ESKUBIDEA AITORTZEKO PROZEDURA.

9. artikulua . Hasiera.

1. Doako laguntza juridikorako eskubidea aitortzeko prozedura alderdiak eskaturik hasiko da beti -erregelamendu honetan, artikulu honen 2. idatz-zatian eta 21. artikuluan xedaturiko kasuetan izan ezik-, eskabidearen eredu normalizatua eta erregelamendu honen 1. eranskinean ageri diren agiriak aurkeztuz.

2. Zigor arloko prozeduretan, ofizioz izendatzen den legelaria, epaitegian inputatuari laguntzen diona edo auziaz arduratzen dena, arduratuko da harexek gehienez ere hamar eguneko epean doako laguntza juridikoaren eskaera tramitatu dezan. Epe hori bukaturik, interesdunak tramitatu ez badu, legelariak edo prokuradoreak tramitatu ahalko dute, baldin eta frogatzen badute, txosten arrazoitu baten bidez, gorabehera hori eta bezeroaren diru falta agerikoa.

Dena dela, erregelamendu honen 21. artikuluan adierazitako gastuei aurre egiteko, eta aurreko lerroaldean xedatutako kasuetan salbu, profesionalen elkargo bakoitzari aurreko ekitaldian jasotako diruaren % 2,5 ordainduko zaio, guardia zerbitzurako ordaindutako kopuruak kenduta. Diru hori ekitaldi bakoitzeko lehenbiziko hiruhilekoan ordainduko da.

3. Epaitegietan, Abokatuen Elkargoetako Orientabide Juridikoko Zerbitzuetan eta Nafarroako Doako Laguntza Juridikoaren Batzordearen egoitzan eskuratu ahal izanen dira inprimakiak. Eskabidea bide telematikotik ere lortu ahal izanen da, Nafarroako Gobernuaren web orriaren bidez.

10. artikulua . Eskaera aurkeztea.

1. Doako Laguntza Juridikoari buruzko Legearen 12. artikuluan ezarritakoarekin bat, eskabideak eta aginduzko agiriak prozesu nagusiaz arduratu behar duen epaitegia edo auzitegia non dagoen, bertako Abokatuen Elkargoko Orientabide Juridikoko Zerbitzuetan aurkeztuko dira, edo, prozesua hasia ez bada, eskatzailearen helbideko epaitegian.

2. Azken kasu honetan, organo judizialak berehala igorriko du eskabidea lurraldean eskudun den Abokatuen Elkargora.

3. Betiere, eskabidea bideratu ahal izateko, harekin batera 1. eranskinean aipatzen diren agiriak aurkeztu beharko dira erantsirik.

Abokatuaren eta prokuradorearen izendapena azkartzeko, eskatzaileak erabaki dezake baimen espresu bat izenpetzea, Abokatuen Elkargoak zuzenean eska ditzan eskabideari erantsi beharreko ziurtagiri telematikoak, betiere aukera hori aurreikusirik baldin badago abokatuen elkargoek datuen titular diren administrazioekin izenpeturik dituzten edo izenpetu ditzaketen hitzarmenetan.

Kasu horietan, abokatuen elkargoek zuzenean eskatuko dituzte datu horiek, eta eskubidea aitortzeari buruzko espedienteari gehituko.

4. Eskaera Doako Laguntza Juridikoari buruzko Legearen 5. artikuluan aurreikusten diren salbuespenezko inguruabarretan oinarritzen denean, eskabidea zuzenean Nafarroako Doako Laguntza Juridikoaren Batzordean aurkeztuko da. Horrek ebazpena emanen du eta xedatuko lege bereko 6. artikuluko onuretatik zein eta noraino diren eskatzaileei aplikatzekoak.

11. artikulua . Akatsen zuzenketa.

1. Abokatuen Elkargoetako Orientabide Juridikoko Zerbitzuek eta, erregelamendu honen 10. artikuluko 4. idatz-zatian aurreikusiriko kasuan, Nafarroako Doako Laguntza Juridikoaren Batzordeak egiaztatuko dituzte aurkezturiko agiriak, eta ikusiz gero ez direla aski edo eskabidean akatsak badirela, interesdunari eskaera eginen diote, atzeman diren akatsak argi eta garbi adieraziz, hamar eguneko epean zuzen ditzan. Halaber, eskatzaileari ohartaraziko zaio horrela egin ezik ulertuko dela eskaera bertan behera utzi duela eta eskabidea besterik gabe artxibatuko da.

2. Epe hori zuzenketarik egin gabe bukatzen bada, Abokatuen Elkargoak eskabidea artxibatuko du eta halaxe jakinaraziko dio Nafarroako Doako Laguntza Juridikoaren Batzordeari.

3. Zigor arloko prozeduretan eta atzerritarrak kanporatzeko prozedura administratiboetan edo asiloa eskatzekoetan, Abokatuen Elkargoetako Orientabide Juridikoko Zerbitzuek ikusten dutenean ezinezkoa dela 1. eranskinean eskatzen diren agiriak egiaztatzea, abokatu bat izendatuko dute behin-behinean eta, kasua bada, Prokuradoreen Elkargoari jakinaraziko diote, prokuradore bat izendatzeko; era berean, espedientea, interesdunak aurkeztu ahal izan dituen datu guztiak eta elkargoak eta izendaturiko abokatuak eginiko zuzemen guztien ziurtagiriak igorriko dituzte Nafarroako Doako Laguntza Juridikoaren Batzordera, honek tramitatzen segitzeko.

4. Beharrezko agiriak lortzeko ezintasun frogatuaren kasu horietatik aparte, batzordean ezin izanen da aurkeztu behar bezala osaturik ez dagoen espedienterik. Abokatuen Elkargoak artikulu honen lehenbiziko bi idatz-zatietan xedatu bezala eginen du.

12. artikulua . Behinbehineko izendapenak.

1. Eskabidea azterturik eta, hala bada, atzemandako akatsak zuzendurik, Abokatuen Elkargoak uste badu eskatzaileak legeetan ezarririko betebeharrak betetzen dituela, Doako Laguntza Juridikoari buruzko Legearen 15. artikuluan aipatzen den hamabost eguneko epean, abokatua izendatuko du behin-behinean. Behin-behineko izendapen hori eskatzaileari eta Prokuradoreen Elkargoari jakinaraziko zaie batera, horrek, hurrengo hiru egunetan, prokuradorea izenda dezan, beharrezkoa bada.

2. Azken kasu honetan, Prokuradoreen Elkargoak Abokatuen Elkargoari jakinaraziko dio nor izendatu duen, espedientean ager dadin, bai eta eskatzaileari ere.

3. Abokatua eta, hala bada, prokuradorea ere izendaturik, Abokatuen Elkargoak hiru eguneko epea izanen du espediente osoa igortzeko Nafarroako Doako Laguntza Juridikoaren Batzordera, baita eginiko izendapenak ere, horiek egiaztatzeko eta eskabidearen behin betiko ebazpena emateko.

Ondorio horietarako, erregelamendu honen 31. artikuluan aipatzen diren espediente lotuak bide telematikoaz baizik ez dira igorriko.

4. Interesdunari behin-behineko izendapenak jakinaraztean, behin-behinean izendatutako profesionalek egiaz emandako zerbitzuek sortzen dituzten lansariak eta eskubide ekonomikoak ordaindu beharrari buruzko informazioa ere emanen zaio, doako laguntza juridikorako eskubidea aitortzen ez zaion kasurako.

13. artikulua . Behinbehineko izendapenik eza.

Abokatuen Elkargoak uste badu eskatzaileak ez dituela betetzen doako laguntza juridikorako eskubidea lortzeko betebeharrak edo eskabideko asmo nagusia nabarmenki onartezina bada, funtsik gabekoa, edo behin eta berriro aurkezteagatik, gehiegizkoa, bost eguneko epean jakinaraziko dio eskatzaileari ez duela abokatua izendatu behin-behinean eta, horrekin batera, eskabidea igorriko du Nafarroako Doako Laguntza Juridikoaren Batzordera, horrek behin betiko ebazpena eman dezan.

Behin eta berriro aurkezteagatik nabarmenki gehiegizkotzat jotzen diren eskabideen kasuan, izendapenik ez egiteko arrazoiak eman beharko dira.

14. artikulua . Eskabidea behin eta berriro aurkeztea.

1. Abokatuen Elkargoak, hamabost eguneko epean, eskabidea hartu edo, halakorik bada, akatsak zuzentzen direnetik hasita, aurreko bi artikuluetan aipatzen diren jarduketetarik bakarra ere egin ez duenean, eskatzaileak eskabidea aurkeztu ahalko du berriro Nafarroako Doako Laguntza Juridikoaren Batzordean.

2. Eskabidea berriro aurkezturik, batzordeak elkargoari eskatuko dio espedientea berehala igor dezala, eskabideari buruzko txostenarekin batera, eta bidezko denean, aginduko du abokatua eta, beharrezkoa bada, prokuradorea ere behin-behinean izenda daitezela.

15. artikulua . Prozeduraren instrukzioa, batzordearen aldetik.

1. Espedientea harturik, Nafarroako Doako Laguntza Juridikoaren Batzordeak 30 eguneko epea izanen du egiaztapenak egiteko, eskatzaileak adieraziriko datuak egokiak eta egiazkoak diren egiaztatzeko argibideak eskatzeko, eta ebazpena emateko, Doako Laguntza Juridikoaren Legearen 17. artikuluan ezarririko baldintzetan. Halaber, Zerga Administrazioari eskatu ahal izanen dio egiaztatu ditzala eskabidearekin batera aurkezturiko agirietan dauden zerga arloko datuak, ebazpena emateko nahitaezkoa dela iruditzen bazaio.

2. Gainera, artikulu honen lehen idatz-zatian ezarririko epean, batzordeak auzitan aurkariak diren aldeei edo jarduketaren xede direnei entzun ahal izanen die, ezagunak direnean eta eskatzailearen benetako egoera ekonomikoa ezagutzeko datuak aurkeztu ahal dituztela uste denean. Haiek 30 egun iragan baino lehen agertu ezik, batzordeak espedientea tramitatzen segituko du.

3. Doako laguntza juridikorako eskubidea aitortzeko prozeduraren instrukzioaldia betiere lastertasun eta sumariotasun printzipioen arabera arautuko da.

16. artikulua . Ebazpena.

1. Behar diren egiaztapenak egindakoan, batzordeak ebazpen bat emanen du doako laguntza juridikorako eskubidea onartu edo ukatuko duena edo, kasua bada, eskabidea artxibatzea berretsi edo ukatuko duena, gehienez ere 30 eguneko epean, espediente osoa hartzen denetik hasita.

Batzordearen iritziz espedientean zerbait falta bada, interesdunari jakinarazi ahal dio, atzemandako akatsak argi eta garbi adieraziz, hamar eguneko epean zuzendu ditzan; era berean, eskatzaileari adieraziko zaio zuzendu ezean laguntzarik gabe geldituko dela eta eskaera beste inolako tramiterik gabe artxibatuko dela.

2. Halaber, Doako Laguntza Juridikoari buruzko Legearen 6. artikuluaren 10. idatz-zatian ezarririko ondorioetarako, eskubidea aitorturik daukan eskatzaileak lanbideen arteko gutxieneko lansaritik beherako diru-sarrerak dituela frogatzen duenean, ebazpenean espresuki gorabehera hori aipatuko da.

3. Eskubidea onartzen duen ebazpenak ekarriko du abokatuaren eta, hala bada, prokuradorearen izendapenak baiestea, Abokatuen eta Prokuradoreen Elkargoek behin-behinean eginikoak. Izendapen horiek egin ez badira, batzordeak berehalaxe eskatuko die elkargoei profesionalak izenda ditzatela, eskubideduna ordezkatu eta, hala bada, defendatuko dutenak.

4. Eskubidea ukatzen duen ebazpenak ekarriko du lehenago eginiko ofiziozko izendapenak indarrik gabe geldituko direla eta, beraz, eskatzaileak berak hautatu beharko dituela abokatua eta prokuradorea. Kasu horretan, eskatzaileak behin-behinean ofizioz izendaturiko profesionalek egiazki emandako zerbitzuen ondoriozko lansari eta eskubide ekonomikoak pagatu beharko ditu.

5. Ofizioz izendaturiko abokatu edo prokuradoreak behin ere ez du lansaririk eskatzerik izanen.

17. artikulua . Jakinarazpenak.

Batzordeko idazkariak jakinaraziko die ebazpena eskatzaileari, Abokatuen Elkargoari eta, hala bada, Prokuradoreen Elkargoari, baita alde interesatuei ere, normalean hiru eguneko epean, eta horrelaxe jakinaraziko zaio prozesuaz arduratzen den epaitegi edo auzitegiari edo prozesua hasi ez bada, herriko epaile dekanoari.

18. artikulua . Ebazpen espresurik ez.

1. Espedientea instruitu eta ebazteko ezarririko 30 eguneko epea iraganik, batzordeak espresuki ebazpenik eman ez badu, Abokatuen Elkargoek aurretik harturiko erabaki guztiak berretsiko dira, eta kasuan-kasuan dagozkion ondorioekin.

2. Elkargoek ere erabakirik hartu ez badute erregelamendu honen 14. artikuluan ezarririkoaren arabera, batzordeak epe barruan espresuki ebazpenik ez emateak eragingo du eskabidea onartutzat jotzea, eta, interesdunak eskaturik, prozesuaz arduratzen den epaile edo auzitegiak edo, eskabidea prozesua hasi baino lehen aurkeztu bazen, epaile dekano eskudunak profesionalen elkargoak premiatuko dituzte abokatua eta, hala bada, prokuradorea ere izenda ditzaten.

3. Erregelamendu honen 10. artikuluko 4. idatz-zatian aipatzen den salbuespenezko kasuan, Batzordeak epe barruan espresuki ebazpenik ematen ez badu, eskabidea baietsitzat joko da, eta beraz, eskubidea aitortutzat.

4. Eskabidearen ustezko onarpen edo ukapenaren kontrako balizko inpugnazioak saihesteko, Herri Administrazioen Araubide Juridikoari eta Administrazio Prozedura Erkideari buruzko Legearen 43. artikuluko 5. idatz-zatian xedatu bezala eginen da.

19. artikulua . Eskubidea bertan behera uztea.

1. Doako Laguntza Juridikoaren Legearen 19. artikuluko lehen idatz-zatian aipatzen diren gorabeherak gertatzen direnean, alegia, akatsak egiten direnean edo doako laguntza juridikoaren eskatzaileak gezurrezko datuak eman edo beste datu batzuk ezkutatzen dituenean, eta datu horiek erabakigarriak izan direnean eskubidea aitortzeko, Batzordeak, ondorio horietarako, ofizioz berrikusteko eskumenak izanen ditu eta eskubidea aitortzeko ebazpenak ez duela baliorik adieraziko du, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 102. artikuluan ezarririko baldintzetan, eta, horrenbestez, eskubide hori ezeztatuko du.

2. Eskubidea ezeztatuta, eskubide horren onuradunek ofizioz izendaturiko profesionalen lansari eta eskubide ekonomiko guztiak pagatuko dituzte, bestelako erantzukizunik deusetan galarazi gabe. Hala ere, prokuradorearen abokatuak ezin izanen du eskatu bere lansariak ordaintzeko.

3. Halaber, onuradun horiek eskubidea aitortzearen ondoriozko gainerako prestazioen kostuaren adinako diru zenbatekoa pagatu beharko dute, eta Administrazio eskudunak diru hori eskuratu ahal izanen du Diru-bilketari buruzko Erregelamendu Orokorrean ezarririko premiamendu prozeduraren bidez.

20. artikulua . Ebazpenaren inpugnazioa.

Batzordeak eskubidea behin betikoz onartu edo ukatzeko ematen dituen ebazpenak Doako Laguntza Juridikoari buruzko Legearen 20. artikuluan ezarririko baldintzetan inpugnatu ahalko dira.

21. artikulua . Abokatua eta prokuradorea izendatzeko errekerimendu judiziala.

Doako Laguntza Juridikoari buruzko Legearen 21. artikuluan ezarritakoarekin bat, prozesuaz arduratzen den organo judizialak eskatu ahalko die profesionalen elkargoei behin-behinean abokatua eta prokuradorea izenda ditzatela.

IV. KAPITULUA. ABOKATU BIDEZKO DOAKO LAGUNTZA, DEFENTSA ETA ORDEZKARITZAKO ZERBITZUEN ANTOLAMENDUA.

22. artikulua . Zerbitzuen kudeaketa, elkargoen aldetik

1. Abokatuen eta Prokuradoreen Elkargoetako gobernu batzordeek abokatu bidezko doako laguntza, defentsa eta ordezkaritzako zerbitzuak arautu eta antolatuko dituzte, eta betiere bermatuko dute haien jarraipena, printzipio hauei jarraikiz: eragimena eta funtzionaltasuna, txanda eta baliabideen banaketa objektibo eta zuzena, eta, profesionalen kopuruari begiratuta posible denean, sail jurisdikzionalen araberako espezializazioaren printzipioa ere.

2. Ofiziozko profesionalak izendatzeko txanda eta baliabideak banatzeko sistemak publikoak izanen dira elkargoko kide guztientzat, eta doako laguntza juridikoaren eskatzaileek haien berri izan ahalko dute.

3. Arau horiek bat etorri beharko dute Nafarroako Profesionalen Elkargoetako Kontseiluek, sortu ondoren, antolamenduari eta funtzionamenduari buruz onets ditzaketen jarraibide orokorrekin.

23. artikulua . Orientabide Juridikoko Zerbitzuak.

1. Abokatuen Elkargo bakoitzak nahitaez Orientabide Juridikoko Zerbitzu bat edukiko du. Zerbitzu horrek, Gobernu Batzordeak esleitzen dizkion eginkizunak ez ezik, doako laguntza juridikoaren eskatzaileei aurreko aholkuak emanen dizkie, baita laguntza hori onartzeko betebeharrei buruzko argibideak eta eskabideko inprimaki arautuak prestatzeko laguntzak ere.

2. Abokatuen Elkargoek behar diren neurriak hartuko dituzte herritarrek aiseago balia ditzaten Orientazio Juridikoko Zerbitzuak eta beren bulegoen kokaguneei eta beren eginkizunei buruz argibideak emateko.

24. artikulua . Etengabeko guardia txanda.

1. Atxilotuei abokatu bidezko laguntza emateko zerbitzurako, Abokatuen Elkargoek, beren lanaren txikiagatik beharrezkoa ez den kasuetan izan ezik, abokatuen etengabeko guardia txanda bat osatuko dute, bertan egotekoa edo noiznahi atzematekoa, zerbitzu horretarako, eguneko 24 orduetan.

Elkargo bakoitzak finkatuko du etengabeko guardia txandan zenbat abokatu izanen diren, aurreko urtean egunean emandako laguntza zerbitzuen batezbestekoa abiapuntu harturik.

2. Etengabeko guardia txanda ezarririk ez duten elkargoek halakoak osatzeko, beharrezkoa izanen da Nafarroako Foru Komunitateko Administrazioko organo eskudunaren onespena, elkargo horiek proposaturik, aurreko ekitaldian egunean eginiko laguntza zerbitzuen batezbestekoa kontuan harturik.

25. artikulua . Prestakuntza eta espezializazioa.

Justizia Ministerioak doako laguntza juridikoko zerbitzuak emateko ezarriko dituen prestakuntza, espezializazio eta aurreko esperientzia profesionaleko gutxieneko betebehar orokorrak deusetan galarazi gabe, Nafarroako Foru Komunitateko Administrazioko organo eskudunak betebehar osagarriak ezarri ahalko ditu, Nafarroako Foru Komunitateko Profesionalen Elkargoek nahitaez bete beharrekoak.

26. artikulua . Ondareerantzukizuna.

1. Doako Laguntza Juridikoari buruzko Legearen 26. artikuluan xedaturikoarekin bat, elkargoek ematen dituzten doako laguntza juridikoaren zerbitzuen funtzionamenduak eragindako kalteak Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legean xedaturikoaren arabera ordainduko dira.

2. Profesionalen Elkargoek abokatuaren eta prokuradorearen behin-behineko izendapenei buruz harturiko erabakiak bertan behera utziz gero edo aldatuz gero, Nafarroako Doako Laguntza Juridikoaren Batzordeak edo Doako Laguntza Juridikoari buruzko Legearen 20. artikuluan aurreikusiriko inpugnazioak ebazten dituzten organo juridikoek ebazpena ematerakoan onesten direnak, ezin zaie berez horien erantzukizunik egotzi Profesionalen Elkargoei.

3. Ordainen erreklamazioak tramitatuko dira Ondare-erantzukizunaren arloan Administrazio Publikoen prozeduren Erregelamendua onetsi zuen martxoaren 26ko 429/1993 Errege Dekretuan xedaturikoaren arabera, arau hori aplikatzekoa den guztian, ondoren ematen diren zehaztapenak kontuan harturik, betiere:

Ordainak erreklamatzeko prozedura interesdunak eskaturik hasiko da. Hark kasuan kasuko Profesionalen Elkargora jo, eta bertan aurkeztuko du.

Betiere, ebazpena Nafarroako Doako Laguntza Juridikoaren Batzordeari jakinarazi beharko zaio.

27. artikulua . Abokatuen eta Prokuradoreen Elkargoen arteko koordinazioa.

1. Doako laguntza juridikorako eskubidea aitortzeak abokatua eta, hala bada, prokuradorea izendatzea dakar berarekin, non ez den uko egiten, Doako Laguntza Juridikoari buruzko Legearen 28. artikuluan ukoari buruz xedaturiko kasuan.

2. Abokatuen eta Prokuradoreen Elkargoak koordinaturik arituko dira kasuan-kasuan bidezko diren izendapenak batera egiteko, ez baita bidezkoa batera aritzea ofiziozko abokatu bat eta askatasunez hautaturiko prokuradore bat, edo alderantziz, salbu eta askatasunez hautaturiko profesionalak idatziz bere lansariak edo eskubideak kobratzeari uko egiten dionean, doako laguntza juridikorako eskubidea duenaren aurrean eta bere Elkargoan.

3. Doako laguntza juridikorako eskubidearen eskabidea aurkeztean edo eskubidea aitortzean, interesdunek espresuki uko egin ahalko diote ofiziozko abokatua eta prokuradorea izendatzeari, eta beren konfiantzako profesionalak askatasunez izendatu ahalko dituzte. Uko hori abokatuari eta prokuradoreari egin beharko zaie batera.

4. Izendatu ondoren uko eginez gero, kasu honetan ere batera ofiziozko abokatuari eta prokuradoreari, espresuki Nafarroako Laguntza Juridikoaren Batzordeari eta kasuan kasuko Profesionalen Elkargoei jakinarazi beharko zaie, baina doako laguntza juridikorako eskubidearekin batera aitorturiko gainerako prestazioak ez dira galduko. Kasu horretan, eskubidedunak itzuli beharko du izendaturiko profesionalei funts publikoen kargura pagaturiko dirua.

5. Aurreko idatz-zatietan xedaturiko ondorioetarako, Abokatuen eta Prokuradoreen Elkargoek behar diren neurriak hartuko dituzte profesionalek lansari eta eskubideak kobratzeari eginiko ukoa gauzatzeko eta elkarri jakinarazteko, baita interesdunek ofiziozko izendapenei eginiko ukoa ere.

28. artikulua . Eginbehar profesionalak.

1. Doako Laguntza Juridikoari buruzko Legearen 23. artikuluan xedaturikoarekin bat, doako justiziako zerbitzuetan izena emaniko profesionalak askatasunez eta irizpide-independentziaz arituko dira lanean, eta arau deontologikoei eta elkargoek ematen dituzten doako justiziako zerbitzuen funtzionamendua zuzentzen duten arau eta jarraibideei lotuz.

2. Ofizioz izendaturiko abokatu eta prokuradoreek egiazki eta eraginkortasunez beteko dituzte beren eginkizunak, prozedura kasuan kasuko auzialdi judizialean bukatu arte eta, hala bada, epaia bete arte, horretan prozesuko jarduketak auzialdian emaniko ebazpen judizialaren ondorengo bi urteetan egiten badira.

Bakarrik zigor arloan saihestu ahalko dute abokatuek defentsa, Doako Laguntza Juridikoari buruzko Legearen 31. artikuluko bigarren eta hirugarren lerroaldeetan aurreikusiriko baldintzetan.

3. Genero indarkeriaren biktima izan diren emakumeei laguntzeko kasuetan, ahalegina eginen da orientabide juridikoa eta defentsa abokatu berak har ditzala bere gain, Indarkeria sexistaren aurkako neurri integralak hartzeari buruzko uztailaren 2ko 22/2002 Foru Legearen 15 bis artikuluan aurreikusitako moduan.

4. Atxilotuari edo presoari abokatu bidezko laguntza emateko zerbitzurako, ez da beharrezkoa hark aldez aurretik frogatzea ez duela dirurik, baina lagunduko dion abokatuak jakinarazi beharko dio doako laguntza juridikoa eskatzeko eskubidea duela.

29. artikulua . Eskabide onartezina.

1. Prozesu baterako izendaturiko abokatuak doako laguntza juridikoaren eskabidearen asmoa onartezintzat jotzen duenean, Nafarroako Doako Laguntza Juridikoaren Batzordeari jakinarazi beharko dio, izendatu eta 15 eguneko epean, txosten bat aurkeztuz, behar bezala arrazoitua, non adieraziko baititu bere erabakiaren funtserako argudio juridikoak, eta ondoren Doako Laguntza Juridikoari buruzko Legearen 32. artikulutik 35. artikulura bitarte aurreikusitakoarekin bat izapidatuko da.

2. Txandak antolatzeko, onartezintasunari buruzko txostena luzatuko duen abokatuak izendatu aitzin zuen lehentasun hurrenkerari eutsiko dio, Doako Laguntza Juridikoari buruzko Legearen 34. artikuluan aipatzen diren gorabeherak gertatzen direnean.

3. Abokatuen Elkargo guztiek erregistro berezi bat edukiko dute. Bertan agerraraziko dira elkargoko kideek aurkezturiko eskabideen onartezintasunari buruz izapidaturiko espedienteak.

V. KAPITULUA. DOAKO LAGUNTZA JURIDIKOKO ZERBITZUAK EMATEKO DIRU-LAGUNTZA APLIKATZEKO PROZEDURA.

30. artikulua . Dirulaguntza.

1. Justiziaren arloko eskumena duen departamentuak bere aurrekontuaren kargura diruz lagunduko du doako laguntza juridikoa, Abokatuen eta Prokuradoreen Elkargoek zerbitzu hori ezarri eta eman dezaten.

2. Diru-laguntzaren zenbatekoa gehienbat Doako Laguntza Juridikoari buruzko Legearen 6. artikuluko 1., 2. eta 3. idatz-zatietan aurreikusiriko jarduketa profesionalak pagatzeko erabiliko da, baldin eta haien onuradunek doako laguntza juridikorako eskubidea espresuki aitorturik badaukate.

3. Profesionalen elkargoek lankidetza entitateen izaera izanen dute diru-laguntzaren kudeaketarako, eta bere gain hartuko dituzte Diru-laguntzei buruzko azaroaren 9ko 11/2005 Foru Legean aurreikusitako betebeharrak. Entitate horiek, diru-laguntzaren ondorio guztietarako, haiek emateko eskudun den departamentuaren izenean arituko dira.

31. artikulua . Elkargoaren azpiegitura gastuak, doako laguntza juridikoa kudeatzeagatik.

1. Elkargoari doako laguntza juridikoa kudeatzeak ekartzen dizkion azpiegitura gastuak diruz laguntzeko zenbatekoa hauxe izanen da:

a) Abokatuen Elkargoak: 35 euro tramitatutako espediente nagusi bakoitzeko eta 18 euro espediente lotu bakoitzeko, hiruhilean behin ordainduko direnak.

b) Prokuradoreen Elkargoa: 6 euro tramitatutako espediente nagusi bakoitzeko eta 4 euro espediente lotu bakoitzeko, hiruhilean behin ordainduko direnak.

2. Espediente nagusia da herritar batek doako justizia jasotzeko aurkezten duen aurreneko eskabidea, bertan adierazita bere datu pertsonalak, ekonomikoak eta eskubidearen eskaera eragin duen prozedurari buruzkoak.

Espediente lotua izanen da lehenagotik behin betiko espediente bat dutenek aurkeztutako bigarren eskabidea, edo hurrengoak, zein den ere jurisdikzioa, eta sei hileko epean; kasu honetan ez da beharrezkoa izanen espediente nagusian dagoen informazioa berriz aurkeztea, betiere eskatzailearen inguruabar pertsonal eta ekonomikoak ez badira nabarmen aldatu.

Aipatutako sei hilabeteko epea kontatzeko, erreferentziatzat hartuko dira kasuan kasuko urteko urtarrilaren 1a eta uztailaren 1a.

Emakumeen kontrako indarkeriaz arduratzeko epaitegietan eramaten diren prozeduren eta lan arloko prozeduren berezitasuna kontuan hartuta, gai horiei buruzko eskabideak beti tramitatuko dira espediente nagusi gisa.

3. Abokatuen eta Prokuradoreen Elkargoak beharturik daude hiruhileko bakoitzean doako laguntza juridikoaren kudeaketak sortu dizkien azpiegitura gastuak justifikatzera, eta diruz lagundutako kopurua ez da behin ere izanen egiazki justifikaturiko zenbatekoa baino handiagoa. Kopuru hori gaindituz gero justifikaturiko zenbatekoa egin arte gutxituko da.

4. Doako laguntza juridikoaren kudeaketak elkargoei sortutako azpiegitura gastu justifikatuak ikusita, Nafarroako Foru Komunitateko Administrazioko organo eskudunak diru-laguntza osagarri bat, urtekoa, eman ahalko die ehunekoetan diru-laguntzarik txikiena hartu duten elkargoei, kontuan hartuz aurrekontuetako diru erabilgarria, Profesionalen Elkargo bakoitzak eginiko jarduketen kopurua eta egiazki justifikaturiko gastuen arabera diruz lagundutako gastuen ehunekoa. Diru-laguntza osagarri horrek ez du inola ere gaindituko ekitaldi bakoitzeko aurrekontuan esleituriko kredituen %3.

32. artikulua . Abokatuen eta prokuradoreen jarduketa profesionalak finantzatzeko dirulaguntzaren kudeaketa elkargoaren eskutik.

1. Doako laguntza juridikorako eskubidedunen alde eginiko jarduketa profesionalak finantzatzeko, abokatu eta prokuradoreei eman beharreko diru-laguntzak kasuan kasuko Profesionalen Elkargoen bidez banatuko dira.

Horretarako, Profesionalen Elkargoek, hiruhileko bakoitza amaitu eta hurrengo hilabete naturalean, justiziaren arloko eskumena duen departamentura ziurtagiri bat igorriko dute, elkargo bakoitzak aurreko hiruhilekoan eginiko jarduketen kopuruari eta motei buruzko jakingarriak bilduko dituena, baita sortutako kostu ekonomiko osoa ere.

Ziurtagiri horien arabera, organo eskudunak hiru hilabetetik behin behar diren ordainketak eginen ditu, erregelamendu honen 36. artikuluko 2. idatz-zatian xedatutakoaren arabera bidezko diren ondorengo erregulazioak deusetan galarazi gabe.

2. Profesionalen Elkargoek kontu bereizi batean sartuko dituzte ordainduriko diru kopuruak, eta hark sorturiko korrituak erabili ahalko dituzte doako laguntza juridikoaren kudeaketak Elkargoari sortzen dizkion azpiegitura gastuak finantzatzeko.

33. artikulua . Dirulaguntzaren onuradunei ordaintzeko modua, baremoaren arabera.

1. Ofizioz izendaturiko abokatu eta prokuradoreei ordaintzeko, kontuan hartuko dira profesional horiek parte hartzen duteneko prozedura motaren arabera ordainerako ezarritako oinarri ekonomikoak eta moduluak.

2. Aipatu diren ordainerako oinarriak eta moduluak, erregelamendu honek indarra hartzen duenetik aurrera aplikatzekoak, 3. eranskinean zehazten dira.

34. artikulua . Dirulaguntzaren sorrarazpena.

1. Ofizioz izendaturiko abokatu eta prokuradoreek beren jarduketari dagokion diru-laguntza kobratzeko eskubidea izanen dute, erregelamendu honen 4. eranskinean ezarririko ehunekoetan, esku-hartze profesionala kasuan kasuko elkargoan agiri bidez behin frogatutakoan. Behar bezala arrazoituriko salbuespenezko kasuetan, elkargo bakoitzeko dekanoek jarduketa edo afera bat bukatutzat eman ahalko dute, diru-laguntza kobratu ahal izateko bakarrik.

Prozedura batean, ordain ekonomikoa lehendabizikoz izendatutako profesionalak kobratu ondoren, bigarren profesional bat izendatzen badute, Profesionalen Elkargoek egin beharko dute behar den guztia ordainaren diru-kopurua bien artean banatzeko.

2. Atxilotuarentzako abokatu bidezko laguntzako zerbitzua denean, diru-laguntza kobratzeko eskubidea esku-hartzea bukatutakoan sortuko da, guardiako txanda batean parte hartzea dela, banan banakako laguntza ematea dela (salbuespenez guardiako txanda ezarririk ez duten elkargoetan). Azken kasu honetan, abokatu bakoitzaren laguntzen ondoriozko lansariak ez du gaindituko, guardiako txanda ezarririk daukaten elkargoetan, txanda horretan parte hartzen duen abokatu bakoitzari eguneko esleitu zaion diru kopurua halako bi, zein den ere egindako laguntza zerbitzuen kopurua.

Etengabeko guardia txanda batean parte hartzen duen abokatuak gehienez ere sei laguntza-zerbitzu eginen ditu egunean. Zerbitzu beharrak direla-eta egunero sei laguntza-zerbitzu baino gehiago egiten baditu, guardia osagarritzat hartuko dira, emandakoak zenbat diren kontuan hartu gabe.

3. Atxilotu edo preso baten lehen deklarazioaren ondorengo zigor prozedura bateko jarduketak, diru-laguntza kobratzeko eskubideari dagokionez, ofiziozko txandako defentsan sartuko dira.

4. Artikulu honen lehenengo lerroaldean aipatzen den agiri bidezko frogatzea behar den taloia edo justifikaziorako zerrenda aurkeztuz egin beharko da, 2. eranskinean ezarririko ereduaren araberakoa. Sei hilabete iraunen du, prozedura judizial edo administratiboan emandako azken ebazpena igorri edo jakinarazten denetik hasita.

Aurreko lerroaldean aipatzen den epea iraganik, taloia edo justifikaziorako zerrenda aurkeztu gabe, kasuan kasuko prozedurarako diru-laguntza jasotzeko eskubidea galduko da.

Kasuan kasuko elkargoak emanen die taloia edo justifikaziorako zerrenda abokatu eta prokuradoreei. Bertan eta haren moldean eskatzailea, espediente zenbakia, izendaturiko profesionala eta izendatu zeneko eguna agertuko dira.

Abokatu eta prokuradoreek organo judizialaren identifikazio datuekin osatu beharko dute taloia, baita prozedura eta prozesuko aldia jakinarazi ere, diru-laguntzarako eskubidea sortzen duen jarduketa profesionala egin ondoren, elkargoak zigilatu dezan.

35. artikulua . Egindako zerbitzuen egiaztapena

Elkargoek egiaztatu beharko dute profesionalek egiazki zerbitzuak eman dituztela, behar diren agirien bidez justifikatuz. Agiri horiek gordeko dituzte, Administrazioaren esku, gehienez ere bost urtez.

36. artikulua . Dirulaguntzaren aplikazioaren justifikazioa.

1. Profesionalen Elkargoek justifikatuko dute jasotako funtsak aplikatu dituztela funts horiek eman dituen departamentuaren aurrean, abokatuek eta prokuradoreek aurkezturiko ziurtagirien kopia baten bidez.

2. Justifikazio zehatz hori seihileko bakoitza bukatu eta hurrengo hilabetean eginen da eta orduantxe eginen dira behar diren erregulazioak. Eginbehar hori egin ezik, hurrengo ordainketak bertan behera utzi ahalko dira, kontua eman arte.

VI. KAPITULUA. ADITUEN BIDEZKO DOAKO LAGUNTZA

37. artikulua . Prestazioaren edukia.

1. Doako laguntza juridikorako eskubidea aitortuz gero, eskubidedunak salbuetsiak egonen dira eskubide hori lortzeko prozesuan adituek eginiko jarduketen ondoriozko gastuak ordaintzetik.

2. Adituen bidezko doako laguntza Doako Laguntza Juridikoari buruzko urtarrilaren 10eko 1/1996 Legearen 6. artikuluko 6. idatz-zatian aipatzen diren pertsona eta entitateek emanen dute.

38. artikulua . Nafarroako Foru Komunitateko Administrazioko adituak.

1. Doako Laguntza Juridikoari buruzko urtarrilaren 10eko 1/1996 Legearen 6.6 artikuluan aipatzen den aditu bidezko doako laguntza Nafarroako Foru Komunitateko Administrazioaren menpeko funtzionarioek, erakundeek edo zerbitzu teknikoek eman behar dutenean, Justiziaren arloko eskumena duen departamentuari dagokio aditu lanerako ezagutzak dituen pertsona edo erakundearen zerbitzua uztea doako laguntza juridikoaren onuradunak proposatutako aditu-froga onartu deneko prozesuaz arduratzen den organo jurisdikzionalaren esku, honek eskatu ondoren.

2. Nafarroako Foru Komunitateko Administrazioaren menpeko langileek ez dute eskubiderik izanen aditu judizial gisa betetako lanaren ordaineko lansaririk jasotzeko, horrek galarazi gabe zerbitzuko ordain gisa dagokiona jasotzeko eskubidea, ez eta esker-sari bereziak jasotzeko eskubidea ere, laguntza judiziala emateak lanaldia luzatzea dakarrenean.

39. artikulua . Aditu pribatuak.

1. Aditu bidezko doako laguntza teknikari pribatuek ematea bidezkoa izan dadin, Doako Laguntza Juridikoaren Legearen 6.6.2 artikuluarekin bat, baldintza hauek bete beharko dira:

a) Nafarroako Foru Komunitateko organo judizialen edo Administrazioaren menpeko teknikaririk ez egotea, kasuan kasuko arloan.

b) Epailearen edo auzitegiaren ebazpen arrazoitua, adituaren jarduketa hori bidezkotzat jotzen duena.

2. Aurreko artikuluan aipatzen diren aditu profesional pribatuen lansariak justiziaren arloko eskumena duen departamentuak ordainduko ditu, kasu hauetan izan ezik:

a) Prozesua bukatzen duen epaian adierazten denean kostuak doako laguntza juridikorako eskubidedunak pagatu behar dituela.

b) Doako laguntza juridikorako eskubidedunak auzian garaitutakoan, epaian espresuki adierazpenik ez dagoenean kostuei buruz, hark prozeduran lorturiko etekinek defentsaren kostuen zenbatekoa halako hiru baino gehiago egiten dutenean.

3. Prozesua bukatzeko epaian doako laguntza juridikorako eskubidedunari kostuak pagatzeko zigorra ezartzen bazaio, hark pagatu beharko ditu teknikari pribatuek eginiko aditu lanak, prozesua bukatu eta hiru urteko epean, zori hobea izanez gero.

Eginbehar hori gauzatzeko premiamendu bidezko administrazio prozedura erabili ahalko da.

40. artikulua . Aditu frogen kostua.

1. Adituek frogak egin aitzin, Doako Laguntza Juridikoari buruzko Legearen 6.6 artikuluko bigarren lerroaldearen arabera izendaturiko teknikari pribatuak igorriko du justiziaren arloko eskumena duen departamentura frogaren kostu ekonomikoari buruzko aurreikuspena, gorabehera hauek adierazi beharko dituena:

a) Aditu froga egiteko aurreikusiriko denbora eta ordu bakoitzeko kostuaren balorazioa. Kostuaren baloraziorik ez badago, kostua zehaztuko da aditu froga egiten emandako denbora eta teknikari horien orduko kostua baloratuz, aditu froga egiteko antzeko titulazioa eskatzen den kidego bateko kide bati Administrazioak ematen dizkion batez besteko ordainsarien arabera.

b) Egin behar diren gastuak, azken likidazioaren kontura ordainduko direnak, behar bezala justifikatuta.

c) Froga egitera behartu zuen epaile ebazpenaren kopia.

2. Lansarien minuta kostu ekonomikoaren aurreikuspenarekin bat etorriko da; besterik gabe onartutzat hartuko da, igorri eta 15 eguneko epean organo eskudunak haren zenbatespenaren kontrako eragozpenik aurkezten ez badu. Minuta kobratzeko, profesionalak aurkeztu beharko ditu faktura, aditu froga eskatu zuenari doako laguntzarako eskubidea aitortu zaiola frogatzen duten agiriak, eta organo judizialaren irizpena, eskatutako aditu froga egiaz egin dela dioena.

41. artikulua . Adituen zerrendak.

1. Lanbide elkargoek urtero igorriko diote justiziaren arloko eskumena duen departamentuari Nafarroan elkargoetako kideen artetik, aditu gisa aritzeko prest daudenen zerrenda.

2. Profesionalen elkargorik edo elkargoko kide egiteko beharkizunik ez dagoen lanbide jardueren kasuan, Nafarroako Foru Komunitateko organo judizialetan aditu gisa aritzeko interesa duten profesionalek izena eman ahalko dute justiziaren arloko eskumena duen zuzendaritza nagusiak horretarako prestatuko dituen zerrendetan, kontseilari eskudunaren foru aginduan ezarritako moduan.

1. ERANSKINA. DOAKO LAGUNTZA JURIDIKOAREN ESKABIDEA

1. ERANSKINA

Abokatuen elkargoa:

 Esp. zk.:

DOAKO LAGUNTZA JURIDIKOAREN ESKABIDEA

Doako justiziarako eskubidea aitortzeko legezko betebeharrak betetzen direla frogatzeko, adierazten dut ondoko zerrendako datuak egiazkoak direla, eta auzitan jardun nahi dudala soilik nire eskubideen alde.

1. Datu pertsonalak:

A) Eskatzailea:

Pertsona mota:

 Nortasun agiriaren zk.:
FISIKOA

 N.A.N.:
JURIDIKOA

 IFZ:
PASAPORTEA
EGOITZA TXARTELA
NORTASUN TXARTELIK EZ

Izena:

 Lehen deitura:

 Bigarren deitura:
Helbidea:

 Zk.

 Esk.

 Solairua:
P.K.

 Herria:

 Udalerria:

 Probintzia:

 Herrialdea:
Jaioteguna:

 Lanbidea:

 Telefonoa:

 Helbide elektronikoa:

Egoera zibila:

 Araubide ekonomikoa:
EZKONDUA

 BANANDUA

 KONKISTAK
EZKONGABEA

 DIBORTZIATUA

 IRABAZPIDEZKOA
ALARGUNA

 BIKOTE EGONKORRA

 ONDASUNEN BANANTZEA.

B) Familia unitatea:

Ezkontidearen eta/edo bikotekide egonkorraren datuak:

Nortasun

agiria:

 N.A.N.:

zk.:

 IFZ:

zk.:

 Pasaportearen

zk.:

 Egoitza-txartelaren

zk.:

 Nortasun

agiririk gabe
Izena:

 Lehen deitura:

 Bigarren deitura:

 Telefonoa:
Helbidea:

 Zk.:

 Solairua:

 P.K.:
Udalerria:

 Probintzia:

 Herrialdea:

 Lanbidea:

Seme-alabak:

IZENA

 LEHEN DEITURA

 BIGARREN DEITURA

 JAIOTEGUNA

-Beltzez dauden laukitxoak interesdunak bete behar ditu.

-Gorriz dauden laukitxoak abokatuen elkargoak bete behar ditu.

2. Interesdunaren datu ekonomikoak:

Urteko diru-sarrera gordinak:

 €

Beste diru-sarrera eta ondasun batzuk:

Ondasun higiezinak
Ondasun higigarriak
Beste batzuk (ibilgailuak, akzioen dibidenduak)

Errentamenduen errentak

2.1. Beste prestazio ekonomiko batzuk:

INTERESDUNA

 URTEKO
ZENBATEKO
GORDINA

 EZKONTIDEA
EDO BIKOTEKIDE
EGONKORRA

 URTEKO
ZENBATEKO
GORDINA
2.1.1. Langabezia
2.1.2. Erretiroa
2.1.3. Desgaitasuna
2.1.4. Besterik

Beste ohar batzuk:

3. Beste datu interesgarri batzuk:

Izendapen judiziala
Beste batzuk, etab.

4. Defendatu nahi den asmoa (1):

Tramitean
Apelazioa

 Izendatutako abokatua:
Epaiaren betetzea
Hasi gabe
Prokuradorerik behar du: BAI [ ] EZ [ ]

Ordena: Organo mota (2):

Zibila
Familia

 Prozedura:

 Prozedura zk.:
Administrazioarekiko auzia
Atzerritartasuna
Zigor arloa
Lan arloa
SAM
Espetxeratuen Zaintza

5. Aurkaria:

Gobernuaren Ordezkaritza (atzerritartasun espedienteak)
Justizia Auzitegi Nagusiko Fiskaltza Orokorra
Pertsona fisikoa edo juridikoa

Izena:

 Lehen deitura:

 Bigarren deitura:
Helbidea:

 Zk.:

 Solairua:

 P.K.:

 Herria:
Nortasun agiria

 NAN:

zk.:

 IFZ:

zk.:

 Pasaportearen

zk.:

 Egoitza-txartelaren

zk.:

 Nortasun

agiririk gabe

Adierazten dut badakidala:

Eskabide honek ez duela berez prozesua eteten, eta epaile-organoari berari eskatu beharko diodala epea eteteko, defentsarik eza edo tramitazioaren perkusioa eragin badezake.

Nire datu pertsonalak fitxategi automatizatu batean sartuko direla, eskubidea aitortzearen ondorioetarako. Doako Laguntza Juridikoaren Batzordeak gordeko ditu datuak.

Doako Diru-laguntza Juridikoaren Batzordeak nire asmoa onartzen ez badu, behin-behineko izendatutako langileen esku-hartzeak dakartzan lansariak eta eskubide ekonomikoak pagatu beharko ditudala.

Adierazpena okerra edo gezurrezkoa bada, edo datu garrantzitsuak ezkutatzen baditut, eskubidearen aitorpena kenduko zaidala eta lorturiko prestazioak pagatu beharko ditudala, bestelako erantzukizunak deusetan galarazi gabe.

.............(e)n,........(e)ko..........aren..........(e)an.

Interesdunaren sinadura,

6. Eransten den dokumentazioa:

Nortasun agiri nazionalaren edo pasaportearen fotokopia.
Atzerritarra izanez gero, egoitza-txartelaren fotokopia.
PFEZ eta Ondareko likidazioaren ziurtagiria edo Sozietateen Zergarena
Onura publikoaren deklarazioaren fotokopia edo Fundazioen Erregistroko inskripzioarena, pertsona juridikoak izanez gero
Pertsona juridikoen ziurtagiria
Kanpoko zeinuen ziurtagiria, Udalak emana
Familia liburuaren fotokopia / Banantzeko edo dibortziatzeko epaia / Bikoteen erregistroko izen-ematea
Erroldatze-agiria
INEMen ziurtagiria, langabeziaz eta hartzen ari diren prestazioez

Ohiko etxebizitzaren errentamenduaren kontratuaren fotokopia edo hileroko gordekinaren kopia
Lurralde Aberastasunaren ziurtagiria, NFZko ondasun higiezinen jabetzako tituluena
Nafarroako Foru Komunitatetik kanpoko ondasun higiezinen jabetzako tituluen fotokopia
Baloreen ziurtagiria: akzioak, inbertsio funtsak, pentsio funtsak etab.
Azken bi urteetako lan bizitza eta kotizazio oinarriak.
Bestelakoak:

Datu Pertsonalak Babesteko abenduaren 13ko 15/1999 Lege Organikoarekin eta hura garatzen duten arauekin bat, eskatzaileari ohartarazten zaio fitxategi automatizatu bat dagoela, 2001eko abenduaren 26an eman eta 2002ko 15. Nafarroako Aldizkari Ofizialean, otsailaren 4an, argitaratu zen 406/2001 Foru Aginduan aurreikusitako egitura eta helburuak dituena. Fitxategi horretako argibideak aurkezten diren espediente eta eskabideen jarraipena egiteko dira. Halaber, eskatzaileari jakinarazten zaio aukera duela agiriak eskuratu, zuzendu eta ezabatzeko eskubidea erabiltzeko, Nafarroako Gobernuaren edozein erregistrotan, foru agindu hartako 1.g) atalean xedatu bezala.

GARRANTZITSUA

EZ DA DOAKO JUSTIZIARAKO ESKABIDEA TRAMITATUKO

BEHAR BEZALA BETERIK EZ BADAGO

ETA AGIRIAK ERANTSI GABE

(1) Defendatu beharreko asmoaren edukia.

(2) Epaitegia, hasitako espedienteetan, eta Dekanotza, lehen auzialdian hasi ez direnetan.

2. ERANSKINA. ABOKATUENTZAKO TALOIA

2. ERANSKINA

TALOI ZK. 001-TALOITEGIA: 00001

DOAKO LAGUNTZA JURIDIKOA

...............................................(e)ko Abokatuen Elkargoa

Eskatzailea:......................................................

Abokatuen Elkargoko esp. zk.............................................

Izendatutako abokatua:....................................

Elkargoko kide zk.:...........................................

Izendapenaren eguna:.....................................

(Elkargoaren zigilua)

 TALOI ZK. 001-TALOITEGIA: 00001

DOAKO LAGUNTZA JURIDIKOA. Esp. zk.:................

.........................................................................................................................................................(e)ko Abokatuen Elkargoa

Eskatzailea:.....................................................................................................................................................................

Abokatuen Elkargoko esp. zk.........................................................................................................................................

Izendatutako abokatua:...................................................................................................................................................

Elkargoko kide zenbakia:................................................................................................................................................

Epaitegia:.........................................................................................................................................................................

Prozedura:.......................................................................................................................................................................

Abokatu horrek esku hartu du aipatu den prozeduran, eta bertan ondotik adierazten den prozesu aldira iritsi da (1)

(Elkargoaren zigilua)

(1) Betiere prozesu aldia......./............ Foru Dekretuan xedatutakoaren arabera adierazi beharko da.

........................................... jaun/andreak adierazten du auzia bukatutakoan diru-laguntza kobratu ahal izateko, haren emaitza hauxe izan dela:

-Kostuak ordaintzeko zigorra jaso du:

Doako laguntza juridikorako eskubidearen titularrak.

Aurkariak.

-Ez da kostuei buruzko berariazko erabakirik hartu:

Auzian Doako Laguntza Juridikorako eskubidedunak irabazi du, eta hark lorturiko etekinak,........................................................................................................... euro, defentsaren kostuak hiru halako baino handiagoak dira.

Auzian Doako Laguntza Juridikorako eskubidedunak irabazi du, baina ez du etekinik lortu, edo hark lorturiko etekinek defentsaren kostuak hiru halako baino txikiagoak dira.

Auzian aurkariak irabazi du.

(Sinadura)

Prokuradoreentzako taloia

Prokuradorearen izena:.............................................................................................................................................................................................

Aldia:.............................................................................(e)tik.....................................................................................(e)ra.

ESPEDIENTE ZK.

 PROZEDURA

 ORGANOA

 BEHIN BETIKO KALIFIKAZIOA

 ESKU-HARTZEAREN ALDIA

 EGINTZA EKONOMIKOA

 ESKATZAILEA
%70

 %30.

 %100

 %75

Aipatu den prokuradoreak esku hartu du adierazten diren prozeduretan eta aldian.

SINADURA ELKARGOAREN ZIGILUA

3. ERANSKINA. ORDAINAREN MODULU ETA OINARRIAK

3. ERANSKINA

ABOKATUAK

 TARIFA
Zigor arloko jurisdikzioa
Zinpekoen epaimahai bidezko prozedura

 501
Prozedura sumarioa

 450
Zigor arloko prozedura Entzutegian

 400
Judizioko hirugarren egunetik aurrera, egun bakoitzeko

 60
Zigor arloko prozedura Epaitegian

 300
Adingabeak

 225
Espetxeratuen zaintzako espedientea, izendapen judizialarekin

 100
Falta-epaiketa, izendapen judizialarekin

 131
Epaia berraztertzea

 36
Epaitze azkarreko prozedura. Delituak

 250
Epaitze azkarreko prozedura. Faltak

 100
Nafarroatik kanpoko espetxeetarako bisitak

 90
Espetxeratu eta kanporatzeko baimena guardiako epaitegietan

 135
Jurisdikzio zibila
Judizio arrunta

 420
Hitzezko judizioa

 240
Familia arloko auzibideko-prozesuak

 420
Familia arloko betearazpenak

 157
Familia arloko betearazpenak aurkaritzarekin

 224
Behin-behineko neurriak

 100
Auzibideko neurrien aldaketa

 227
Familia arloko prozesuak bi aldeen adostasunarekin

 200
Borondatezko jurisdikzioko espedientea

 160
Borondatezko jurisdikzioko espedientea aurkaritzarekin

 225
Epaiketa monitorioa, ondorengo auzirik gabe

 145
Kautelazko neurriak/Aurretiko eginbideak

 100
Seme-alabak izatea, guraso izatea, gaitasuna

 350
Beste prozedura zibil batzuk

 270
Administrazioarekiko auzien jurisdikzioa
Laburtua

 225
Administrazioarekiko auzi-errekurtsoa

 320
Atzerritartasunaren Legearen inguruko prozedura, administrazio bidean ezetsia

 100
Atzerritartasunaren Legearen inguruko prozedura (auzibidean)

 225
Auzibidera jo aurreko erreklamazioa, asmoa onetsi eta prozedurari amaiera ematen diona

 Prozeduraren zenbatekoaren %75
Lan arloko jurisdikzioa
Prozedura osoa

 210
Auzibidera jo aurreko erreklamazioa, asmoa onetsi eta prozedurari amaiera ematen diona

 Prozeduraren zenbatekoaren %75
Jurisdikzio militarra
Prozedura militarra

 198
Errekurtsoak
Apelazioko errekurtsoa. Delituak

 160
Apelazioko errekurtsoa. Arlo zibila

 160
Apelazioko errekurtsoa. Faltak

 100
Apelazioko errekurtsoa. Auzibidea

 160
Erreguko errekurtsoa

 160
Kasazioko errekurtsoa

 295
Babes errekurtsoa

 295
Lekualdatzea:

 30
Epaia betearaztea
Epaia betearaztea, epaileak ebazpena eman zuenetik bi urte igaro ondoren

 160
Epaia betearaztea, aurkaritzarekin

 225
Prozesutik kanpoko jarduketak
Epaitegietatik kanpoko transakzioak

 Prozeduraren zenbatekoaren %75
Eskaria onartezina dela dioen txosten arrazoitua

 70
Atxilotu edo presoarentzako laguntza
Banan banako laguntza

 88
Guardiako Zerbitzua

 180

PROKURADOREAK

 TARIFA
Zigor arloko jurisdikzioa
Zigor arloa

 45
Jurisdikzio zibila
Judizio arrunta

 45
Hitzezko judizioa (prokuradorearen parte-hartzea beharrezkoa den kasuetan)

 36
Hitzezko judizioa, demanda 901,52 eurotik beherakoa denean eta eta PZLeko 250. artikuluko 1. idatz-zatian aipatzen diren gaiak ukitzen ez dituenean (kasu horretan, epaile-ebazpena beharrezkoa da abokatuaren laguntzari buruz)

 30
Behin-behineko neurriak

 26
Auzibideko neurrien aldaketa

 40
Familia. Bi aldeen adostasuna

 30
Familia arloko prozedura osoa (ezkontza deuseztatzea barne)

 45
Administrazioarekiko auzien jurisdikzioa
Laburtua

 30
Administrazioarekiko auzi-errekurtsoa

 44
Errekurtsoak
Apelazioak eta beste errekurtso batzuk

 30
Epaia betearaztea
Epaia beteraztea, epaileak ebazpena eman zuenetik bi urte igaro ondoren

 30
Prozesutik kanpoko jarduketak
Epaitegietatik kanpoko transakzioak

 Prozeduraren zenbatekoaren %75
Asmo onartezina, prokuradore batek esku hartu duenean

 20
Beste prozedura batzuk
Beste prozedura batzuk

 26

4. ERANSKINA. DIRU-LAGUNTZA KOBRATZEKO MOMENTUA

4. ERANSKINA

Abokatuek eta prokuradoreek ofiziozko txandako jarduketen ondoriozko laguntza kobratzeko eskubidea izanen dute, ehuneko hauen arabera:

1. %70:

a) Prozedura zibiletan, familiakoak barne, demanda onartzean edo haren erantzuna aurkeztutzat ematean.

b) Zigor arloko prozeduretan, abokatuak edo prokuradoreak parte hartzen dueneko prozesuko jarduketako eginbidea edo eskabidea aurkeztean edo ahozko epaiketa irekitzean.

c) Errekurtsoetan, aurkezten direnean.

d) Aurkeztu ez diren kasazioko errekurtsoetan, elkargora txostena igortzean, errekurtsoaren onartezintasunaren arrazoiak emanen dituena.

e) Beste prozeduretan, abokatuaren edo auzitegiko prokuradorearen esku-hartzea frogatzen duen epaile ebazpenaren ondoren.

2. Bidezko diren gaien gainerako %30, prozedura amaitzean, eskabidea bukatutzat ematen duen epaiaren edo ebazpenaren bidez.

3. Epaiketetatik kanpoko transakzioetan eta asmoaren onartezintasunari buruzko txostenean, interesdunak izenpeturiko agiria edo onartezintasunari buruzko txostena aurkeztean sortuko da ordain osoa kobratzeko eskubidea.

4. Atzerritartasun Legearen inguruko prozeduretan, prozedura bukatutzat ematen duen administrazio ebazpen edo egintzaren kopia aurkeztean sortuko da ordain osoa kobratzeko eskubidea.

Iragarkiaren kodea: F1204574

Gobierno de Navarra

Contacte con nosotros | Accesibilidad | Aviso legal | Mapa web