LEXNAVARRA
217/2011 FORU DEKRETUA, IRAILAREN 28KOA, NAFARROAKO FORU KOMUNITATEAN JATETXE ARLOKO ZERBITZUETAKO TEKNIKARI TITULUAREN EGITURA ETA CURRICULUMA EZARTZEN DITUENA 
BON N.º 225 - 14/11/2011; corr. err., BON 26/09/2013
- Atariko
- 1. artikulua. Xedea.
- 2. artikulua. Identifikazioa.
- 3. artikulua. Lanbide erreferentea eta lanbide jarduera.
- 4. artikulua. Curriculuma.
- 5. artikulua. Lanbide moduluak eta prestakuntza unitateak.
- 6. artikulua. Heziketa zikloan sartzeko bideak.
- 7. artikulua. Ziklotik beste ikasketa batzuetara pasatzea.
- 8. artikulua. Baliozkotzeak eta salbuespenak.
- 9. artikulua. Gaitasun unitateek lanbide moduluekin duten korrespondentzia.
- 10. artikulua. Irakasleak.
- 11. artikulua. Irakaslekuak eta instalazioak.
- Lehen Xedapen Gehigarria. Tituluaren baliokidetasunak.
- Bigarren xedapen gehigarria. Beste lanbide trebakuntza batzuk.
- Xedapen Indargabetzaile Bakarra. Arauak indargabetzea.
- Azken Xedapenetan Lehena. Ezarpena.
- Azken Xedapenetan Bigarrena. Indarra hartzea.
1. ERANSKINA. LANBIDE ERREFERENTEA
2. ERANSKINA. CURRICULUMA
3. ERANSKINA. PRESTAKUNTZA UNITATEAK
4. ERANSKINA. BALIOZKOTZEAK ETA SALBUESPENAK.
5. ERANSKINA. LANBIDE MODULUEN ETA GAITASUN UNITATEEN ARTEKO KORRESPONDENTZIA
6. ERANSKINA. IRAKASLEAK
7. ERANSKINA. IRAKASLEKUAK ETA INSTALAZIOAK
1. Lanbide Kualifikazioei eta Lanbide Heziketari buruzko ekainaren 19ko 5/2002 Lege Organikoak Kualifikazioen Katalogo Nazionalaren definizioan aurrera egitea ahalbidetu du. Lanbide sektore edo arlo bakoitzerako kualifikazio batzuk zehaztu dira katalogoan, hiru mailatan antolatuak, eta horiexek osatzen dute Lanbide Heziketako tituluen curriculumaren muina.
Hezkuntzari buruzko maiatzaren 3ko 2/2006 Lege Organikoak lanbide ikasketen antolaketa eta haien egituraren eta antolamenduaren printzipio orokorrak arautzen ditu hezkuntza-sistemaren barnean. Etapa, maila eta ikasketa mota guztiak eredu koherente batean biltzen ditu, zeinean heziketa zikloek eginkizun garrantzitsuak betetzen baitituzte, lanbide gaitasunen, gaitasun pertsonalen eta gizarte gaitasunen garapenari lotuak, eta, funtsean, lanbide kualifikazioaren, lan munduan sartzearen eta helduen bizitzan parte hartzearen esparruetan kokatuak.
Ekonomia Iraunkorrari buruzko martxoaren 4ko 2/2011 Legeak, lanbide heziketari dagokionez, ekonomia iraunkorraren helburua hau izan behar dela ezartzen du: prestakuntza eskaintza ekoizpen sistemak eta gizarteak eskatzen dituzten lanbide gaitasunetara etengabe egokitzea, lanbide heziketako tituluak arin eguneratu eta moldatzeko sistema baten bitartez. Halaber, lege horrek azaltzen du hezkuntza administrazioak lanbide heziketako eskaintza dagokion lurralde eremuko gizartearen eta ekonomiaren beharrizanetara egokitzeko ekimenak hartu behar dituela. Beste alde batetik, lanbide heziketako erdi mailako edo goi mailako zikloetako ikasketetara sartzeko beharrezkoak diren eskakizunak aldatzen ditu.
Foru dekretu honen bitartez, Jatetxe arloko Zerbitzuetako teknikari titulua eskuratzea ahalbidetzen duen erdi mailako heziketa zikloaren egitura eta curriculuma ezartzen dira. Hezkuntza sistemako lanbide heziketaren antolamendu orokorra ezartzen duen uztailaren 29ko 1147/2007 Errege Dekretuaren 8. artikulua aplikatuz, eta Nafarroako Foru Eraentza Berrezarri eta Hobetzeari buruzko abuztuaren 10eko 13/1982 Lege Organikoaren 47. artikuluan Nafarroako Foru Komunitateari arlo honetan ematen zaizkion eskumenak erabiliz, honako curriculum honek abenduaren 14ko 1690/2007 Errege Dekretua garatzen du, Jatetxe arloko Zerbitzuetako teknikari titulua ezarri eta horren gutxieneko ikasketak finkatzen dituen dekretua, hain zuzen.
Bestalde, Nafarroako Foru Komunitateko hezkuntza-sistemaren esparruan lanbide heziketaren antolamendua eta garapena arautzen dituen maiatzaren 26ko 54/2008 Foru Dekretuak lanbide heziketako tituluetako curriculuma garatzeko eredu bat definitu du, estrategia eta arau berriak ekarri dituena enpresara hobeki egokitzeko, ikasketen antolaketa malgutzeko, ikastetxeen curriculum-autonomia areagotzeko eta ikasleei prestakuntza zabalagoa emateko.
Horregatik, Jatetxe arloko Zerbitzuetako teknikari tituluaren curriculuma Nafarroako Foru Komunitaterako egokitu eta garatzean, kontuan hartu dira maiatzaren 26ko 54/2008 Foru Dekretu horrek onetsi dituen diseinuari buruzko jarraibideak.
2. Arau multzo honetan, ondoko elementuak jorratzen dira, titulu honetako curriculuma osatzen dutenak: lanbide erreferentea, curriculuma, ikasketen antolaketa eta sekuentziazioa, sarbideak eta ezarpenerako baldintzak.
Titulu honen lanbide erreferenteak, arau honen 3. artikuluan aurkeztu eta 1. eranskinean garatzen denak, oinarrizko bi alderdi ditu: tituludunaren lanbide profila eta haren lan ingurunea izanen den produkzio sistema. Lanbide profilaren barnean, haren gaitasun orokorra zein den definitzen da eta erreferentzia gisa hartu diren bi lanbide kualifikazioak azaltzen dira. Bi lanbide kualifikazio horiek, alegia, "Jatetxeko zerbitzuak", abenduaren 14ko 1700/2007 Errege Dekretuan arautua, eta "Taberna-kafetegiko zerbitzuak", abenduaren 14ko 1700/2007 Errege Dekretuan arautua, hainbat gaitasunek definitzen duten lanbide jarduketarako gune batean biltzen dira. Gune horrek, euskarri gisa gehitu diren lanbide moduluekin batera, badu zabaltasun nahikoa eta behar adinako espezializazioa teknikari honek lana lortzen ahalko duela bermatzeko.
Aurrekoa gorabehera, Jatetxe arloko Zerbitzuetako teknikari titulu honek barnean hartzen ditu, gainera, Elikagaien Industrien lanbide arloko bi kualifikazio osatugabe, okintzan eta elikagaien industrian segurtasunerako, higienerako eta ingurumena babesteko araudia aplikatze aldera. Hona zein diren kualifikazio horiek: "Okintza eta opilgintza", otsailaren 20ko 295/2004 Errege Dekretuan arautua, eta "Pastelgintza eta gozogintza", irailaren 16ko 1087/2005 Errege Dekretuan arautua.
Amaitzeko, titulu hau Ostalaritza eta Turismo lanbide arloko beste bi kualifikazio osatugaberekin osatzen da. Hona zein diren kualifikazio horiek: "Gozogintza", urriaren 27ko 1228/2006 Errege Dekretuan arautua, eta "Sukaldaritza", otsailaren 20ko 295/2004 Errege Dekretuan arautua.
Produkzio sistemari dagokionez, zenbait zehaztapen ezartzen dira, Nafarroarako elementu bereizgarriekin, tituludun hauek beren lanean eta lanbidean izanen duten inguruneari buruz. Gutxienez ere bi dimentsio osagarri dituen sistema batean kokatzen da ingurune hori. Lehenbizikoa geografikoa da, tituludun hauen lanbide jarduera estatuko eta atzerriko beste zona batzuekin loturik dagoelako eta zona horiek elkarri eragiten diotelako. Bigarrena denboraren dimentsioa da, eta lanbideak etorkizunean izanen duen bilakaerari buruzko ikuspegi prospektiboa dakar.
3. Laugarren artikulua, berari loturik dagoen 2. eranskinarekin batera, Nafarroan arautzen den titulazioaren curriculum osagaiaz ari da eta bi zatitan banaturik dago. Alde batetik, titulu honen helburuak daude eta, bestetik, lanbidearen ikaskuntzaren muina osatzen duten lanbide moduluen garapena eta iraupena. Lanbide modulu guztien curriculumak badu orientabide didaktikoen atala. Orientabide horiek moduluen ikuspuntuari, koordinazioari eta sekuentziazioari eta lan unitateen eta irakaskuntza-ikaskuntzako jardueren tipologiari eta definizioari dagozkie.
Arau honen esparruan moduluen erreferentziazko sekuentziazioa arautzen da zikloko bi kurtsoetan, bai eta lanbide modulu bakoitza prestakuntza unitatetan zatitzeko modua ere. Zatiketa horrek, prestakuntza eskaintza arruntetan irakaskuntza-ikaskuntzako jardueren antolaketa errazteaz gainera, bide ematen du lanbide prestakuntzaren beste eskaintza batzuei ekiteko; horien xedea langileen hobekuntza izan daiteke edota gaitasuna ebaluatu eta onartzeko prozedurak eta prestakuntza eskaintzak berak bat egiten duten ibilbideen diseinua. Elementu hori 5. artikuluan eta 3. eranskinean garatzen da.
Sarbideei eta baliozkotzeei dagokienez, 6. artikuluak Derrigorrezko Bigarren Hezkuntzatik heziketa ziklo honetara sartzeko bideak arautzen ditu, 7. artikuluak zehazten du nola pasa daitekeen beste ikasketa batzuetara Jatetxe arloko Zerbitzuetako teknikari titulurako heziketa zikloa amaitu eta gero, 8. artikuluak baliozkotzeak eta salbuespenak arautzeko esparrua definitzen du, eta 9. artikuluak (5. eranskinean garatua) lanbide moduluen eta titulu honetako kualifikazioetako gaitasun unitateen arteko korrespondentziak ezartzen ditu, haiek egiaztatu, baliozkotu edo salbuesteko.
6. Azkenik, foru dekretu honek arautzen duen azken elementua 10. eta 11. artikuluetan eta dagozkien 6. eta 7. eranskinetan deskribatzen da, izan ere heziketa ziklo hau ezartzeko baldintzez ari baitira horiek guztiak. Baldintza horiek irakasleen profilari eta behar diren irakasleku eta instalazioen ezaugarriei buruzkoak dira.
Horrenbestez, Hezkuntzako kontseilariak proposaturik, eta Nafarroako Gobernuak 2011ko irailaren 28ko bilkuran hartutako erabakiarekin bat,
DEKRETATU DUT:
1. Foru dekretu honen xedea da Jatetxe arloko Zerbitzuetako teknikari tituluaren egitura eta curriculum ofiziala ezartzea Nafarroako Foru Komunitatean. Titulu hori Ostalaritza eta Turismo lanbide arlokoa da.
2. artikulua . Identifikazioa.
Jatetxe arloko Zerbitzuetako teknikari titulua ondoko elementuen bidez identifikatzen da:
a) Izena: Jatetxe arloko Zerbitzuak.
b) Maila: 2-Erdi mailako Lanbide Heziketa.
c) Iraupena: 2.000 ordu.
d) Lanbide arloa: Ostalaritza eta Turismoa.
e) Europako erreferentea: HNSN-3 (hezkuntzaren nazioarteko sailkapen normalizatua).
3. artikulua . Lanbide erreferentea eta lanbide jarduera.
Foru dekretu honen 1. eranskinean zehazten dira tituluaren lanbide profila, gaitasun orokorra, kualifikazioak eta gaitasun unitateak, lanbide gaitasunak, gaitasun pertsonalak eta sozialak, bai eta produkzio sistemaren erreferentzia, haren Nafarroako ingurunea eta haren prospektiba ere, Nafarroako Foru Komunitateko hezkuntza sistemaren esparruan lanbide heziketaren antolamendua eta garapena arautzen dituen maiatzaren 26ko 54/2008 Foru Dekretuaren 21. artikuluan ezarritakoari jarraituz.
1. Jatetxe arloko Zerbitzuetako heziketa zikloaren helburu orokorrak eta hura osatzen duten lanbide moduluak foru dekretu honen 2. eranskinean ageri dira.
2. Heziketa ziklo hau ematen duten lanbide heziketako ikastetxeek programazio didaktiko bat prestatuko dute, zikloko ikasketak osatzen dituzten lanbide moduluetako bakoitzerako. Programazio hori lan unitateen bitartez garatu eta zehaztuko da.
5. artikulua . Lanbide moduluak eta prestakuntza unitateak.
1. Heziketa ziklo hau osatzen duten lanbide moduluak foru dekretu honen 2.B) eranskinean garatu dira, Jatetxe arloko Zerbitzuetako teknikari titulua ezarri eta horren gutxieneko ikasketak finkatzen dituen abenduaren 14ko 1690/2007 Errege Dekretuaren 10. artikuluan ezarritakoarekin bat.
2. Lanbide modulu horiek bi ikasturtetan antolatuko dira, foru dekretu honen 2.B) eranskinean ezarritako denbora banaketaren arabera. Maiatzaren 26ko 54/2008 Foru Dekretuaren 16.2 artikuluan dauden arauekin bat, denbora banaketa horrek erreferentziazko balioa izanen du heziketa ziklo hau ematen duten ikastetxe guztientzat eta Hezkuntza Departamentuaren baimena beharko da hartan edozein aldaketa egiteko.
3. Lanbide moduluak foru dekretu honen 3. eranskinean ezarritako prestakuntza unitateetan antolaturik ematen ahalko dira, bizitzan zeharreko prestakuntza sustatze aldera. Lanbide modulu bakoitza osatzen duten prestakuntza unitateen edukiek modulu horretako eduki guztiak bildu behar dituzte.
4. Prestakuntza unitateen ziurtapenak Nafarroako Foru Komunitatean soilik izanen du balioa. Modulu bereko prestakuntza unitate guztiak gaindituz gero, ikasleak lanbide moduluaren ziurtapenerako eskubidea izanen du. Ziurtapenak Estatu osoan izanen du balioa.
6. artikulua . Heziketa zikloan sartzeko bideak.
Foru dekretu honetan arautzen den hezkuntza zikloan sartzeko, Hezkuntza sistemako lanbide heziketaren antolamendu orokorra ezartzen duen uztailaren 29ko 1147/2011 Errege Dekretuaren 15. artikuluan ezarritako baldintzak bete beharko dira.
7. artikulua . Ziklotik beste ikasketa batzuetara pasatzea.
1. Jatetxe arloko Zerbitzuetako teknikari tituluak zuzeneko sarbidea ematen du erdi mailako beste edozein heziketa ziklotarako, onarpenerako ezartzen diren baldintzekin betiere.
2. Jatetxe arloko Zerbitzuetako teknikari tituluak goi mailako heziketa zikloetarako sarbidea ematen du, goi mailako ziklo horietara sartzeko berariazko prestakuntza ikastaroa gainditu ondoren, uztailaren 29ko 1147/2011 Errege Dekretuaren 18.b) artikuluak ezartzen duenaren arabera.
3. Jatetxe arloko Zerbitzuetako teknikari tituluak bide ematen du Batxilergoaren edozein modalitatetara zein Gobernuak zehazten dituen Batxilergoko irakasgaien baliozkotzeetara sartzeko, uztailaren 29ko 1147/2011 Errege Dekretuaren 34.2 artikuluan xedatuta dagoenaren arabera.
8. artikulua . Baliozkotzeak eta salbuespenak.
1. Hezkuntza Sistemaren Antolamendu Orokorrari buruzko urriaren 3ko 1/1990 Lege Organikoaren (haren curriculuma Nafarroako Foru Komunitatearen esparruan Jatetxe eta Tabernako Zerbitzuetako teknikariaren tituluari dagokion erdi mailako heziketa zikloaren curriculuma ezartzen duen uztailaren 15eko 273/1996 Foru Dekretuan arautu da) babesean Jatetxe eta Tabernako Zerbitzuetako teknikari tituluan ezarritako lanbide moduluen eta maiatzaren 3ko 2/2006 Lege Organikoaren babesean Jatetxe arloko Zerbitzuetako teknikari tituluan (haren egitura eta curriculuma foru dekretu honetan arautu dira) ezarritakoen arteko baliozkotzeak foru dekretu honen 4. eranskinean ageri dira.
2. Lanbide moduluen beste lanbide modulu, gaitasun unitate eta Batxilergoko ikasgaiekin dituen baliozkotzeei eta salbuespenei dagokienez, abenduaren 14ko 1690/2007 Errege Dekretuaren 14. artikuluan ezarritakoari eta uztailaren 29ko 1147/2011 Errege Dekretuaren 38. artikuluan agindutakoari helduko zaie.
9. artikulua . Gaitasun unitateek lanbide moduluekin duten korrespondentzia.
1. Lanbide Kualifikazioei eta Lanbide Heziketari buruzko ekainaren 19ko 5/2002 Lege Organikoaren 8. artikuluan ezarritakoaren arabera egiaztaturiko gaitasun unitateen eta Jatetxe arloko Zerbitzuetako teknikari titulurako ikasketak osatzen dituzten lanbide moduluen arteko korrespondentziak, haiek baliozkotzeko edo salbuesteko erabiliko direnak, foru dekretu honen 5.A) eranskinean ageri dira.
2. Halaber, titulu bereko ikasketak osatzen dituzten lanbide moduluen eta gaitasun unitateen arteko korrespondentziak, haiek egiaztatzeko erabiliko direnak, foru dekretu honen 5.B) eranskinean zehazten dira.
1. Heziketa ziklo honetako ikasketak osatzen dituzten lanbide moduluetan irakaslanean aritzea Bigarren Hezkuntzako katedradunei, Bigarren Hezkuntzako irakasleei eta Lanbide Heziketako irakasle teknikoei dagokie, bidezkoa denaren arabera. Foru dekretu honen 6.A) eranskinean ezarritako espezialitateetakoak izan behar dute.
2. Irakasleei eskatzen zaizkien titulazioak, oro har, otsailaren 23ko 276/2007 Errege Dekretuaren 13. artikuluan ezarritakoak dira. Dekretu horren bidez, maiatzaren 3ko 2/2006 Lege Organikoan aipatzen diren irakasle kidegoetan sartzeko eta espezialitate berriak eskuratzeko erregelamendua onesten da eta lege organiko horren hamazazpigarren xedapen iragankorrean aipatzen den sarrera araubide iragankorra arautzen da. Irakaslanari dagokionez aurrekoen baliokideak diren titulazioak, irakasleen espezialitate desberdinetarako, foru dekretu honen 6.B) eranskinean ageri dira.
3. Eskatzen diren titulazioak eta titulua osatzen duten lanbide moduluak emateko bete behar diren gainerako baldintzak, ikastetxe pribatuetako edo hezkuntzakoak ez diren administrazioen zentro publikoetako irakasleentzat, foru dekretu honen 6.C) eranskinean azaltzen dira.
11. artikulua . Irakaslekuak eta instalazioak.
Abenduaren 14ko 1690/2007 Errege Dekretuan ezarritakoarekin bat, heziketa ziklo honetako ikasketak emateko behar diren irakaslekuak, instalazioak eta ekipamenduak foru dekretu honen 7. eranskinean azaltzen dira.
Lehen Xedapen Gehigarria. Tituluaren baliokidetasunak.
1. Abenduaren 14ko 1690/2007 Errege Dekretuaren hirugarren xedapen gehigarriaren arabera, Jatetxe arloko Zerbitzuetako teknikari tituluak, zeinaren curriculuma foru dekretu honetan arautzen baita, eta jarraian aipatzen diren tituluek ondorio akademiko eta profesional berak sortuko dituzte:
a) Zerbitzuetako teknikari laguntzailea, Ostalaritza eta Turismoaren adarra.
b) Ostalaritza-Jatetxe-Tabernako teknikari laguntzailea, Ostalaritza eta Turismoaren adarra (2. mailako modulu esperimentala).
2. Halaber, Nafarroako Foru Komunitatearen esparruan Jatetxe eta Tabernako Zerbitzuetako teknikariaren tituluari dagokion erdi mailako heziketa zikloaren curriculuma ezartzen duen uztailaren 15eko 273/1996 Foru Dekretuaren bidez araututako Jatetxe eta Taberna arloko Zerbitzuetako teknikari tituluak ere foru dekretu honetan curriculuma arautzen zaion jatetxe arloko Zerbitzuetako teknikari tituluak bezalako ondorio akademiko eta profesionalak izanen ditu.
Bigarren xedapen gehigarria. Beste lanbide trebakuntza batzuk.
"Lanerako prestakuntza eta orientazioa" moduluak trebakuntza ematen du laneko arriskuen prebentzioko oinarrizko jardueretarako behar diren lanbide erantzukizunak hartzeko (horiek Prebentzio Zerbitzuen Erregelamendua onesten duen urtarrilaren 17ko 39/1997 Errege Dekretuan ezarrita daude), baldin eta moduluak gutxienez 45 eskola ordu baditu, abenduaren 14ko 1690/2007 Errege Dekretuaren hirugarren xedapen gehigarriaren 3. zenbakian ezarritakoarekin bat.
Xedapen Indargabetzaile Bakarra. Arauak indargabetzea.
1. Indarrik gabe utzi da uztailaren 15eko 273/1996 Foru Dekretua, Nafarroako Foru Komunitatearen esparruan Jatetxe eta Tabernako Zerbitzuetako teknikari tituluari dagokion erdi mailako heziketa zikloaren curriculuma ezartzen duena, ezertan galarazi gabe foru dekretu honen xedapen iragankorrean ezarritakoa.
2. Indarrik gabe utzi dira foru dekretu honetan xedatutakoari aurka egiten dioten maila bereko edo apalagoko xedapen guztiak.
Azken Xedapenetan Lehena. Ezarpena.
Nafarroako Foru Komunitateko Hezkuntza Departamentuak 2011-2012 ikasturtetik aurrera ezartzen ahalko du foru dekretu honetan arautzen den curriculuma, maiatzaren 26ko 54/2008 Foru Dekretuaren 5. artikuluan ezarrita dauden eskaintza modalitateetako edozeinetan.
Azken Xedapenetan Bigarrena. Indarra hartzea.
Foru dekretu honek Nafarroako Aldizkari Ofizialean argitaratu eta biharamunean hartuko du indarra.
Iruñean, 2011ko irailaren 28an.-Nafarroako Gobernuko lehendakaria, Yolanda Barcina Angulo.-Hezkuntzako kontseilaria, José Iribas Sánchez de Boado.
1. ERANSKINA. LANBIDE ERREFERENTEA
A) Lanbide profila
a) Lanbide profila.
Jatetxe arloko Zerbitzuetako teknikari tituluaren lanbide profila zehazten duten alderdiak hauek dira: gaitasun orokorra, lanbide gaitasunak, gaitasun pertsonalak eta gaitasun sozialak, eta Lanbide Kualifikazioen Katalogo Nazionaleko kualifikazio eta, hala badagokio, gaitasun unitateetatik titulu honetan biltzen direnen zerrenda.
b) Gaitasun orokorra.
Titulu honetako gaitasun orokorra da elikagaiak eta edariak prestatzeko, aurkezteko eta zerbitzatzeko jarduerak egitea, baita jatetxearen esparruan bezeroari arreta egitekoak ere, ezarritako kalitate protokoloei jarraikiz eta higieneari, laneko arriskuen prebentzioari eta ingurumen babesari buruzko arauak betez.
c) Kualifikazioak eta gaitasun unitateak.
Jatetxe arloko Zerbitzuetako teknikari tituluan biltzen diren kualifikazioak eta gaitasun unitateak honako hauek dira:
HOT328-2. Jatetxeko zerbitzuak, ondoko gaitasun unitate hauek biltzen dituena:
-UC1052-2: Elikagaiak eta edariak aretoan zerbitzatzeko prozesuak garatzea.
-UC1048-2: Ardoak zerbitzatzea eta horiei buruzko oinarrizko informazioa ematea.
-UC1053-2: Bezeroen aurrean platerak elaboratzea eta amaitzea.
-UC1054-2: Jatetxe arloan mota guztietako zerbitzu bereziak antolatzea.
-UC0711-2: Ostalaritzan segurtasun eta higiene arauak eta ingurumena babesteari buruzkoak betez jardutea.
-UC1051-2: Jatetxe arloko zerbitzuetan ingelesez komunikatzea, oinarrizko erabiltzailearen mailan.
HOT327-2. Tabernako eta kafetegiko zerbitzuak, ondoko gaitasun unitate hauek biltzen dituena:
-UC1046-2: Elikagaiak eta edariak barran eta mahaian zerbitzatzeko prozesuak garatzea.
-UC1047-2: Ardoez bestelako edariei buruz aholkatzea eta edari horiek prestatzea eta aurkeztea.
-UC1048-2: Ardoak zerbitzatzea eta horiei buruzko oinarrizko informazioa ematea.
-UC1049-2: Taberna-kafetegiko eskaintzako berezko elaborazio errazak prestatzea eta erakusgai jartzea.
-UC1050-2: Taberna-kafetegia kudeatzea.
-UC0711-2: Ostalaritzan segurtasun eta higiene arauak eta ingurumena babesteari buruzkoak betez jardutea.
-UC1051-2: Jatetxe arloko zerbitzuetan ingelesez komunikatzea, oinarrizko erabiltzailearen mailan.
Lanbide kualifikazio osagabeak:
INA015-2. Okintza eta opilgintza, ondoko gaitasun unitate hauek biltzen dituena:
-UC0036-2: Okintza-industrian segurtasun eta higiene araudia eta ingurumena babesteari buruzkoa betetzea.
INA107-2. Pastelgintza eta gozogintza, ondoko gaitasun unitate hauek biltzen dituena:
-UC0310-2: Elikagaien industrian segurtasun eta higiene araudia eta ingurumena babesteari buruzkoa betetzea.
HOT0223-2. Gozogintza, ondoko gaitasun unitate hauek biltzen dituena:
-UC0711-2: Ostalaritzan segurtasun eta higiene arauak eta ingurumena babesteari buruzkoak betez jardutea.
HOT093-2. Sukaldaritza, ondoko gaitasun unitate hauek biltzen dituena:
-UC0259-2: Eskaintza gastronomikoak definitzea, hornikuntza egitea eta kontsumoak kontrolatzea.
d) Lanbide gaitasunak, gaitasun pertsonalak eta sozialak.
1) Jasotako informazioa oinarri hartuta elikagaien eta edarien zein zerbitzu mota eman behar den hautatzea.
2) Lehengaiak hartzea, biltegiratzea eta banatzea baldintza egokietan, ondoren erabiltzeko asmoz.
3) Guneak, makineria, tresnak eta erremintak prestatzea, produkzio unitateak prestatzeko eta/edo zerbitzuak emateko.
4) Zerbitzu aurreko eta/edo zerbitzu ondoko prozesuak eta eragiketak egitea, produkzio jarduerak eta zerbitzua egitekoak garatzeko behar direnak, gauzatze-esparrua eta prozesuen estandarizazioa kontuan hartuta.
5) Bezeroentzako zerbitzuko eta arretako jarduerak garatzea, eta oinarrizko protokolo arauak aplikatzea, bezeroen eskaeretara egokituta eta prozesuen estandarizazioa kontuan hartuta haien gogobetetasuna lortzeko.
6) Fakturazio eta/edo kobrantza prozesuak egitea, bidezkoa bada, horiei lotutako informazioaren eta komunikazioaren teknologiak zuzen erabilita.
7) Bezeroen iradokizunei erantzutea eta balizko erreklamazioak konpontzea, beren erantzukizun esparruaren barnean.
8) Laneko eta ingurumeneko segurtasunaren, higienearen eta kalitatearen protokoloak aplikatzea produkzio prozesu osoan, pertsonengan eta ingurumenean arriskuak saihesteko.
9) Produkzioko helburuak betetzea, erantzukizun printzipioen arabera jardutea eta lantaldeko kideekin lanbide harreman egokiak izatea.
10) Arazoak konpontzea eta bakarkako erabakiak hartzea, bere eskumeneko eremuan ezarritako arau eta prozedurei jarraituz.
11) Berrikuntzaren, produkzio prozesuak hobetzearen eta ezagutzak eguneratzearen aldeko jarrerari eustea bere lan eremuan.
12) Bere eskubideak baliatzea eta lan harremanek dakartzaten eginbeharrak betetzea, indarra duen legedian ezarritakoarekin bat.
13) Enplegu eta autoenplegurako aukerak zein diren ohartu eta horiek aztertzea, ekimenaren kultura garatzea, eta lanpostuetara eta egoera berrietara egokitzea.
14) Enpresa txiki bat ezarri eta administratzea, eta produktuen bideragarritasunari, produkzioaren plangintzari eta merkaturatzeari buruzko oinarrizko azterlana egitea.
15) Bizitza ekonomiko, sozial eta kulturalean modu aktiboan parte hartzea, jarrera kritiko eta arduratsuarekin.
B) Produkzio sistema
a) Lanbide eta lan ingurunea.
Profesional honek nagusiki ostalaritza sektoreko enpresa handietan, ertainetan zein txikietan garatzen du bere lanbide jarduera, baina bere kontura ere lan egin dezake jatetxeen sektoreko establezimendu txikietan. Lanbide hau elikagaiak eta edariak prestatzeko eta zerbitzatzeko prozesuak egiten dituzten produkzio sektoreetan eta azpisektoreetan garatzen da, esate baterako ostalaritza sektorean eta, horren baitan, hotel eta jatetxe arloetan (tradizionalak, modernoak eta kolektiboak).
Hauexek dira jarduera eta lanpostu aipagarrienak:
-Taberna-kafetegiko edo jatetxeko zerbitzaria.
-Mailako burua.
-Elikagaiak eta edariak produzitzeko eta zerbitzatzeko unitateetako ekonomatuko langilea.
-Tabernaria.
-Sommelier-laguntzailea.
-Garraiobideetako zerbitzuetako laguntzailea.
b) Nafarroako lurralde ingurunea.
Jatetxeen Nafarroako sektorea enpresen sorta zabalak osatzen du; horien artean, ohikoak ez ezik, ospakizunen antolamenduan eta catering zerbitzuetan aritzen direnak, erakunde publikoak, hotelak eta gune turistikoak ere nabarmendu behar dira. Esparru horietan guztietan jatetxeen arloko erdi mailako kualifikazioa duen profesional batek esku hartzen du. Jatetxe arloko Zerbitzuetako teknikari tituluaren curriculuma arautuz hezkuntza esparrutik eskari horri erantzunen zaio.
Higiene eta segurtasunari, ingurumen babesari eta laneko arriskuen prebentzioari buruzko arauek gero eta kalitate hobea izateko eta neurri handiagoan betetzeko eskatzen da. Horrek eta informazioaren eta komunikazioaren teknologien digitalizazioak sektoreko profesionalak gai horietan berariaz heztea dakarte. Gainera, gaur egun ezinbestekoa da bezeroari orientabidea eta zerbitzua etengabe ematea ahalbidetzen duten tresnak ematea langileari, baita establezimenduak antolatzeko aldaketa gero eta azkarragoetara eta profesionalen balio anitzeko profilaren eskaerara moldatzeko gaitasuna ere.
Bestalde, "Navarra" jatorrizko deitura duten produktuen sorta handia eta Foru Komunitateko geografia osatzen duten aldeetako gastronomiaren eta ardogintzaren aberastasuna oso erakargarriak eta bereizgarriak dira. Nafarroako Gobernuak diseinaturiko Turismoko marketing planak aintzat hartu ditu horiek guztiak. Horren adierazgarria lurreko hainbat produkturen inguruan urteko txapelketa gastronomikoak egitea eta sektorean ospe handia duten pertsonen parte-hartzea duten nazioko eta nazioarteko biltzarrak antolatzea da.
Hori dela eta, Jatetxe arloko Zerbitzuetako teknikari tituluko irakaskuntza edukietan eskualde honetako ardo eta produktu tipikoak sartu dira, tradizioa eta berrikuntza uztartzeko; izan ere, bi faktore horiek gure Foru Komunitatea sukaldaritzaren ikuspuntutik aniztasunaren lurralde eta aldi berean lurralde berezi bihurtzen dute.
c) Prospektiba.
Kontsumitzaileen bizi-azturen aldaketa. Espainia ohiko leku turistikoa izateak dakartzan ageriko ondorioez gain, espainiarren bizi-azturak arin aldatzen ari dira.
Emakumea ordaindutako lanetan hasi izana, bakarrik bizi direnak ugaritu izana, lantokietara dagoen distantzia luzea, besteak beste, etxetik kanpo elikagaiak eta edariak kontsumitzearen gainean eragin zuzena duten faktoreak dira. Gaur egun, Espainian 500.000 pertsona inguru daude kontratatuta lanpostu horiek egiteko.
Establezimenduen tipologia. Aurrekoaren ildotik, sukaldaritza lasterraren, sukaldaritza modernoaren, jatetxe tematikoen edo “neosukaldaritza”ren kateak, baita talde handientzako zerbitzuak ere, gero eta handiagoa egiten ari den azpisektorean biltzen dira, eta badirudi hurrengo urteetan hazkunde horri eutsiko zaiola. Bestalde, merkatuak aditzera ematen du ohiko jatetxeak eta luxukoak, zerbitzu klasikoari lotuta daudenak, gelditu eginen direla.
Bilakaera teknologikoa. Neurri handian espezializatuta dauden eta zerbitzu tradizionalari lotuta dauden establezimenduen pixkanakako desagerpenak eta sukaldaritza enpresa berrien garapen handiak mota horretako profesionalak balio anitzekoak izatea dakarte. Aldi berean, produkzioaren antolaketa aldatzen ari da eta aldaketa hori zereginetan espezializazio handiagoa izatean eta produkzio faseetan koordinatzeko gaitasun handiagoa izatean datza. Horri dagokionez, ordutegiak malgutzeko joera dago.
Profesionalen heziketa. Aurrekoaren ondorioz, sektoreak zerbitzuetako profesionalen kopuru handia eskatzen du; profesional horiek gaitasun berezia izanen dute zeregin kopuru askoz arduratzeko eta bezeroei etengabeko orientabidea emateko. Bestalde, segurtasunak, higieneak eta kalitateak duten garrantziari dagokionez zein gero eta estandarragoa den antolaketa ingurunean zeregin batek dakarren jarrerari dagokionez, autoprestakuntzaren eta erantzukizunaren aldeko jokabideak ezinbestekotzat jotzen dira.
2. ERANSKINA. CURRICULUMA
A) Heziketa zikloaren helburu orokorrak
a) Elikagaien eta edarien zerbitzu moten ezaugarriak azaltzea eta bezero motarekin erlazionatzea zerbitzua hautatzeko.
b) Lehengaiak identifikatzea, horien propietateen eta kontserbatzeko baldintzen ezaugarriak azalduta, horiek jasotzeko, biltegiratzeko eta banatzeko.
c) Makineria, tresnak eta erremintak kontrolatzeko aldagaiak hautatu eta zehaztea, haien funtzionamenduaren printzipioak ezagututa eta aplikatuta, lan ingurunea prest jartzeko.
d) Zerbitzu aurreko eta zerbitzuko prozesu eta eragiketen faseak identifikatzea, gauzatze-esparruan, eta produkzio jarduerak eta zerbitzua egitekoak garatzeko prozesuak estandarizatzea.
e) Bezeroentzako zerbitzuko eta arretako jardueren ezaugarriak azaltzea, eta protokolo arauak aplikatzea haien gogobetetasuna lortzeko.
f) Faktura baten elementuak zehaztea eta informazioaren teknologiak aplikatzea, zerbitzua kobratzeko.
g) Bezeroen iradokizun eta erreklamazioei erantzuteko prozedura aztertzea, eta haiei behar bezalako arreta emanen zaiela ziurtatzeko inplikatutako erantzukizunak ezagutzea.
h) Elikagaien kalitateko eta segurtasuneko arauak eta laneko eta ingurumeneko arriskuen prebentziokoak identifikatzea, produkzio prozesuei eta/edo zerbitzuak egitekoei lotutako arrisku faktoreak eta kalitate parametroak ezagututa, pertsonei eta ingurumenari kalterik ez eragiteko.
i) Produkzio prozesu bateko lan jarduerak baloratzea, eta prozesu orokorrari produkzioaren helburuak lortzeko zer-nolako ekarpena egiten dioten azaltzea.
j) Iritzi-aniztasuna aberastasun-iturri gisa baloratzea, beste jardunbide, ideia edo sinesmen batzuk ezagututa, arazoei konponbidea aurkitzeko eta erabakiak hartzeko.
k) Lanbidean hobetzeko aukerak ezagutzea eta identifikatzea, informazioa biltzea eta ezagutzak eskuratzea, bere lanaren esparruan berritzeko eta eguneratzeko.
l) Gizarteko eragile aktiboa den aldetik dituen eskubideak eta betebeharrak ezagutzea, eta herritar demokratiko gisa parte hartzeko baldintza sozialak eta lan arlokoak arautzen dituen lege-esparrua aztertzea.
m) Negozio-aukerak ezagutzea eta identifikatzea, merkatua analizatuta eta bideragarritasuna aztertuta, bere enplegua sortzeko.
B) Lanbide moduluak
a) Izena, iraupena eta sekuentziazioa
Jatetxe arloko Zerbitzuetako teknikariaren curriculumeko lanbide moduluen zerrenda ematen da jarraian, izena, iraupena eta denbora banaketa zehazturik.
| KODEA | IZENA | ORDUAK, GUZTIRA | ESKOLAK ASTEAN | KURTSOA |
| 0150 | Oinarrizko eragiketak ostatu-kafetegian | 260 | 8 | 1. |
| 0151 | Oinarrizko eragiketak jatetxean | 320 | 10 | 1. |
| 0154 | Ardoa eta ardoa zerbitzatzea | 130 | 4 | 1. |
| 0031 | Elikagaiak manipulatzeko segurtasuna eta higienea | 70 | 2 | 1. |
| NA04(1) | Oinarrizko ingelesa I | 60 | 2 | 1. |
| 0155 | Komunikazio teknikak jatetxean | 60 | 2 | 1. |
| 0045 | Eskaintza gastronomikoak | 60 | 2 | 1. |
| 0152 | Zerbitzuak ostatu-kafetegian | 200 | 9 | 2. |
| 0153 | Zerbitzuak jatetxean eta ekitaldi berezietan | 240 | 11 | 2. |
| 0156 | Ingelesa | 90 | 4 | 2. |
| 0157 | Lanerako prestakuntza eta orientabideak | 70 | 3 | 2. |
| 0158 | Enpresa eta ekimen sortzailea | 70 | 3 | 2. |
| 0159 | Lantokietako prestakuntza | 370 | Enpresaren ordutegian | 2. |
| (1) Nahitaezko modulua Nafarroako Foru Komunitatean. | ||||
b) Lanbide moduluen garapena
Lanbide modulua: Taberna-kafetegiko oinarrizko eragiketak.
Kodea: 0150.
Iraupena: 260 ordu.
Ikaskuntzaren emaitzak eta ebaluazio irizpideak.
1. Lehengaiak hartzen ditu eta horien ezaugarri organoleptikoak eta aplikazioak bereizten ditu.
Ebaluazio irizpideak:
a) Eskabideak hartzearekin lotutako dokumentazioa ezagutu du.
b) Lehengaiak eta horien ezaugarriak ezagutu ditu.
c) Produktuen etiketak interpretatu ditu.
d) Eskatutakoaren kantitatea eta kalitatea hartutakoarekin bat datozela egiaztatu du.
e) Lehengaiak kontserbatzeko metodoak zehaztu ditu.
f) Lehengaiak ongi kontserbatzeko leku egokian biltegiratu ditu.
g) Lehengaiak kontsumitzeko lehentasunaren arabera kokatu ditu, stockaren txandaketa kontuan hartuta.
h) Biltegia ordenatuta eta garbi mantendu du.
i) Lan guztietan osasun eta higiene araudia, laneko segurtasunekoa eta ingurumena babestekoa kontuan hartu ditu.
2. Aurreikusitako zerbitzuekin lotutako dokumentazioa aztertu eta lehengaiak pilatzen ditu.
Ebaluazio irizpideak:
a) Pilaketari lotuta dauden agiri motak ezagutu ditu.
b) Informazioa interpretatu du.
c) Eskaera-orria bete du.
d) Stocken txandaketa kontuan hartu du.
e) Eskatutakoaren kantitatea eta kalitatea hartutakoarekin bat datozela egiaztatu du.
f) Lehengaiak languneetara eraman edo banatu ditu.
g) Lehengaiak kontsumitu arte behar bezala kokatu eta kontserbatu ditu.
h) Lan guztietan osasun eta higiene araudia, laneko segurtasunekoa eta ingurumena babestekoa kontuan hartu ditu.
3. Tresneria, lanabes eta materialak prestatzen ditu, horien funtzionamendua, aplikazioak eta antolaera egokia ezagututa.
Ebaluazio irizpideak:
a) Arlo honetako tresneria, lanabes eta materialen ezaugarriak azaldu ditu.
b) Tresneria, lanabesak eta materialak horien geroztiko aplikazioekin erlazionatu ditu.
c) Tresneria, lanabesak eta materialak prestatu ditu eta erabiltzeko egokiak direla egiaztatu du.
d) Makineria, lanabesak eta erremintak maneiatzeko eta mantentzeko prozedurak ezarritako arauen arabera gauzatu ditu.
e) Lanetan osasun eta higiene araudia, laneko segurtasunekoa eta ingurumena babestekoa kontuan hartu ditu.
f) Eremuko tresneriaren antolaera ikuspuntu funtzionaletik eta elikagaien segurtasunaren ikuspegitik aztertu du.
4. Muntatzeko jarduerak gauzatzen ditu eta garatu behar den zerbitzu motarekin erlazionatzen ditu.
Ebaluazio irizpideak:
a) Arlo hauekin erlazionatutako zerbitzu motak identifikatu eta haien ezaugarriak azaldu ditu.
b) Arlo hauetako zerbitzuekin lotuta dauden muntatze motak eta horietako bakoitzerako teknika egokien ezaugarriak azaldu ditu.
c) Lotutako geroztiko zerbitzu motarekin bat datozen tresneria eta materialak prestatu ditu.
d) Aldez aurretik egiaztatu du tabernaren eta kafetegiaren eremua bezeroen zerbitzuko eta arretako jardueretarako egokia dela.
e) Une bakoitzean teknika egokiak aplikatu eta garatuta gauzatu ditu muntatzeko eragiketak.
f) Lanetan osasun eta higiene araudia, laneko segurtasunekoa eta ingurumena babestekoa kontuan hartu ditu.
5. Zerbitzatzeko edari bero errazak prestatzen ditu, eta hautatutako teknikak eta prozedurak justifikatzen ditu.
Ebaluazio irizpideak:
a) Gaiarekin lotutako lanbide terminologia interpretatu du.
b) Edari bero errazen motak deskribatu eta sailkatu ditu.
c) Kafeen, infusioen eta edari bero errazak egiteko erabiltzen diren beste produktu batzuen nolakotasun organoleptikoen eta ohiko aplikazioen ezaugarriak azaldu ditu.
d) Edari bero errazak prestatzeko eta zerbitzatzeko teknikak eta prozedurak behar bezala garatzeko faseak zehaztu ditu.
e) Edari bero errazak prestatzeko eta zerbitzatzeko prozedurak ezarritako argibideei eta/edo arauei jarraikiz gauzatu ditu.
f) Lortutako emaitzen arabera egon daitezkeen hautabideak bereizi ditu.
g) Lanetan osasun eta higiene araudia, laneko segurtasunekoa eta ingurumena babestekoa kontuan hartu ditu.
6. Irabiakiak, zukuak, freskagarriak eta urak zerbitzatzeko prestatzen ditu, lotutako teknikak eta prozedurak aplikatuta.
Ebaluazio irizpideak:
a) Gaiarekin lotutako lanbide terminologia interpretatu du.
b) Kontsumitu ohi diren freskagarri, zuku, irabiaki eta uren tipologia deskribatu eta sailkatu du.
c) Edarien tipologiara egokitutako prestatzeko eta zerbitzatzeko teknikak identifikatu eta haien ezaugarriak azaldu ditu.
d) Zereginei ekin aurretik beharrezkoak diren elementu guztiak eskura daudela egiaztatu du.
e) Mota horretako edariak prestatzeko eta zerbitzatzeko prozedurak ezarritako argibideei eta/edo arauei jarraikiz gauzatu ditu.
f) Proportzioak, osagaiak, faseak eta teknikak errespetatuta egin ditu prestaketak.
g) Lortutako emaitzen arabera egon daitezkeen hautabideak bereizi ditu.
h) Edari horiek teknika egokiak aplikatuta zerbitzatu ditu.
i) Langunea garbi eta ordenatuta mantendu du prestatzeko eta zerbitzatzeko prozesuak iraun duen bitartean.
j) Produktuak manipulatu dituenean horien higiene baldintzak ziurtatu ditu eta laneko segurtasuneko araudia eta ingurumena babestekoa kontuan hartu ditu.
7. Edari alkoholdun sinpleak zerbitzatzen ditu, zerbitzatzeko teknika eta prozedura edari mota bakoitzarekin erlazionatuta.
Ebaluazio irizpideak:
a) Gaiarekin lotutako lanbide terminologia interpretatu du.
b) Edari alkoholdun sinpleen motak ordenatuta deskribatu eta sailkatu ditu.
c) Edari alkoholdun sinpleen mota bakoitzarekin lotutako zerbitzatzeko teknikak eta prozedurak deskribatu eta haien ezaugarriak azaldu ditu.
d) Zerbitzatzeko eragiketak garatu aurretik beharrezkoak diren elementu guztiak eskura daudela egiaztatu du.
e) Hotz-tresneria behar bezala erabili du garagardoak zerbitzatzeko.
f) Edari alkoholdun sinpleak zerbitzatzeko prozedurak eta teknikak ezarritako argibideei eta/edo arauei jarraiki zgauzatu ditu.
g) Ardoak eta ardo oparoak ontzi egokietan eta zerbitzu tenperaturak errespetatuta zerbitzatu ditu.
h) Langunea garbi eta ordenatuta mantendu du eragiketa guztiak garatu dituen bitartean.
i) Erabilitako materiala ordenatuta eta garbi jaso du.
j) Lanetan osasun eta higiene araudia, laneko segurtasunekoa eta ingurumena babestekoa kontuan hartu ditu.
8. Tabernaren eta kafetegiaren eremuetako zerbitzu ondoko eta itxierako eragiketak egiten ditu, eta eremua hurrengo zerbitzurako berrezartzeko eta egokitzeko premiak zehazten ditu.
Ebaluazio irizpideak:
a) Prestatzeko eta zerbitzatzeko eremu hauetan ohikoak diren zerbitzu ondoko eragiketen ezaugarriak azaldu ditu.
b) Prestatzeko eta zerbitzatzeko tresneria, lanabesak eta materialak garbitzeko, mantentzeko eta egokitzeko faseak eta prozedurak bereizi eta sekuentziatu ditu.
c) Materialak eta/edo lehengaiak berrezartzeko premiak identifikatu eta zehaztu ditu, haiek erabiltzeko eta kontsumitzeko aurreikuspenak kontuan hartuta.
d) Pilatzeko eta berrezartzeko beharrezkoa den dokumentazioa ezarritako prozedurei jarraikiz identifikatu eta bete du.
e) Horren beharra duten produktuak kontserbatzeko premiak identifikatu eta zehaztu ditu, geroztiko erabileretara egokitzeko.
f) Zerbitzu ondoko eragiketa guztiak, elikagaiak kontserbatzea barne, ezarritako argibideak eta/edo protokoloak betez gauzatu ditu.
g) Prestatzeko eta zerbitzatzeko eremua geroago erabiltzeko egokia dela egiaztatu du.
Edukiak.
Lehengaiak hartzea:
-Merkataritzako kategoriak eta etiketak.
-Jeneroak hartzeko eragiketak.
-Lehengaiak biltegiratze motaren eta kontsumoaren arabera sailkatu eta banatzea: FIFO eta batezbesteko haztatua.
-Aplikazio informatikoak.
-Osasun eta higiene araudia, laneko segurtasunekoa eta ingurumena babestekoa zorrotz betetzea.
Lehengaiak pilatzea:
-Lehengaiak biltegiratzeko eta barnetik banatzeko eragiketen deskribapena eta ezaugarriak.
-Inprimakiak egin eta gauzatzea.
-Lehengaiak barnetik hornitzeko eta banatzeko prozedurak.
-Inbentarioak aztertu eta egitea.
Tresneria, lanabesak eta materialak prestatzea:
-Taberna-kafetegiaren eremuetako kokapena: definizioa, sailkapena eta ezaugarriak.
-Edariak zerbitzatzen dituzten bestelako establezimenduak.
-Tabernaren eremuetako berezko makineria, materiala eta altzariak. Definizioa, sailkapena eta ezaugarriak.
-Kokapena eta banaketa.
-Makineria prest jartzea eta kontrolatzea.
-Osasun eta higiene araudia, laneko segurtasunekoa eta ingurumena babestekoa zorrotz betetzea.
Muntatzeko jarduerak egitea:
-Taberna-kafetegiko lantaldea identifikatzea:
-Lantaldearen organigrama.
-Lanbide kategoriak.
-Eginkizunak eta erantzukizunak.
-Berdintasuna.
-Profesionalaren deontologia.
-Jarrera higienea eta ohitura onak.
-Taberna-kafetegiaren eremuetako zerbitzuen tipologia.
-Zerbitzu aurreko eragiketak: ezaugarriak.
-Muntatzeko eragiketak gauzatzea. Emaitzak kontrolatu eta baloratzea.
-Eskaeraren ezaugarriak eta erabilerak, formalizazioa eta mugimenduen fluxua. Erabilera horiei lotutako teknologia berriak.
Edari bero errazak prestatzea:
-Kafeak, txokolateak, infusioak eta bestelakoak. Definizioak, sailkapenak, motak eta ezaugarriak.
-Merkataritzako aurkezpenak eta etiketak.
-Prestatzeko, aurkezteko eta zerbitzatzeko faseak eta teknikak.
-Gauzatzeko eta zerbitzatzeko prozedurak. Emaitzak kontrolatu eta baloratzea.
-Biltegiratzea eta kontserbatzea.
-Osasun eta higiene araudia, laneko segurtasunekoa eta ingurumena babestekoa zorrotz betetzea.
Irabiakiak, zukuak, freskagarriak eta urak prestatzea:
-Irabiakiak, zukuak, freskagarriak eta urak. Definizioak, sailkapenak, motak eta ezaugarriak.
-Merkataritzako aurkezpenak eta etiketak.
-Kokapena eta kontserbazioa.
-Zukuak eta irabiakiak prestatzeko eta aurkezteko teknikak. Kontserbazioa.
-Gauzatzeko eta zerbitzatzeko prozedurak. Emaitzak kontrolatu eta baloratzea.
-Osasun eta higiene araudia, laneko segurtasunekoa eta ingurumena babestekoa zorrotz betetzea.
Edari alkoholdun sinpleak zerbitzatzea:
-Janaurrekoak eta garagardoak. Definizioak, sailkapenak, motak eta ezaugarriak.
-Kokapena eta kontserbazioa.
-Janaurrekoak eta garagardoak zerbitzatzeko teknikak. Emaitzak gauzatzeko, kontrolatzeko eta baloratzeko prozedurak.
-Ardoak. Zerbitzatzeko oinarrizko eragiketak.
-Osasun eta higiene araudia, laneko segurtasunekoa eta ingurumena babestekoa zorrotz betetzea.
Tabernan zerbitzu ondoko eragiketak egitea:
-Taberna-kafetegiaren eremuetako zerbitzu ondoko eragiketak.
-Deskribapena eta ezaugarrien azalpena.
-Faseak sekuentziatzea eta teknikak aplikatzea.
-Materialak eta lehengaiak kontrolatzea eta berrezartzea.
-Lotutako dokumentuak.
-Premiak aztertzea eta hautematea. Kontrolatzeko prozedurak.
-Zerbitzu ondoko eragiketak gauzatzeko prozedurak. Emaitzak kontrolatu eta baloratzea.
-Osasun eta higiene araudia, laneko segurtasunekoa eta ingurumena babestekoa zorrotz betetzea.
Orientabide didaktikoak.
Lanbide modulu honetako prestakuntza beharrezkoa da jatetxe arloan hornitzeko eginkizunei eta taberna-kafetegiaren eremuetako produzitzeko eta zerbitzatzeko oinarrizko eginkizunei loturiko jarduerak gauzatzeko.
Eginkizun horien artean, honako hauek daude: salgaiak jasotzeko eta biltegiratzeko eragiketetan hornitzaileak eta lehengaiak kontrolatzea, tabernaren eremuetan salgaiak barnetik banatzea, barnetik zein kanpotik hornitzeko jarduerei lotutako dokumentuak kontrolatzea eta horien fluxua, taberna eta kafetegiaren eremuetako zerbitzu aurreko eta zerbitzu ondoko eragiketak, eta edari sinpleak prestatzea, aurkeztea, amaitzea eta zerbitzatzea.
Egokientzat proposatzen den edukien sekuentziazioa, hain zuzen ere edukien atalean ezarritako ordena bera da, eta kontzeptu-prozedurazko sei multzotan antolaturik dago.
Gauzak horrela, komenigarria izanen litzateke lehengaiak hartzeari eta pilatzeari buruzko edukiei ekitea. Jarraian, irakasleek arreta jarri beharko lukete hurrengo eragiketetan: taberna-kafetegiaren eremuetan kokatutako tresneria, lanabesak eta materialak prestatzea eta prest jartzea, muntatzeko jarduerak egitea zerbitzuen tipologiaren arabera, eta taberna-kafetegiko lantaldearen kategoriak eta eginkizunak identifikatzea.
Ikasleek eduki horiek berenganatu ondoren, produzitzeko eta zerbitzatzeko oinarrizko eginkizunei lotutakoak landuko dira, hau da, edari bero sinpleak, irabiakiak, zukuak, freskagarriak eta ura prestatzeari buruzkoak eta edari alkoholdun sinpleak zerbitzatzeari buruzkoak.
Aurretik aipatu diren zerbitzatzeko edukiak bildu arren, “Oinarrizko eragiketak” atalean garatzen den jarduera zerbitzu aurreko eta zerbitzu ondoko lanetara zuzentzen da funtsean, jarduera horiek zerbitzua bera ematen duten langileentzat ezinbesteko laguntza direla.
Amaitzeko, modulu honetan biltzen den edukien azken blokea taberna-kafetegi bateko zerbitzu ondoko eragiketei buruzkoa da.
Erabili beharreko baliabideei dagokienez, beharrezkoa da modulu honen izaera prozedurazkoa eta praktikoa nabarmentzea, funtsean bulego-tailerretan garatzea dakarrena. Dena den, erabilera anitzeko gelan hainbat ordu eman behar dira azalpen teorikoetarako eta prozesuen azterketarako, eta ordenagailuak eta jatetxe batean biltegia kudeatzeko berariazko programak dituen gela ere behar da.
Jarduerei dagokienez, gomendagarria da, azalpen teorikoak eman eta ikasleei lanak banatu ondoren, irakasleek ahalik eta baldintza egiazkoenetan egitea ereduzko prozedurak, esku-hartze edo konponketa egoki baten adierazgarri diren xehetasunak zorrotz zainduz.
Deskribatutako edukiak lortzeko egokitzat jotzen diren jarduerak bat etorriko dira irakaskuntza-ikaskuntzako prozesuan ezarritako jarduketa ildoekin; ildo horiek moduluaren helburuak lortzea ahalbidetuko dute. Jarduera horien artean, honako hauek nabarmenduko dira:
-Jatetxe arloko produkzioaren eta zerbitzuen berezko lehengaien ezaugarriak azaltzea, identifikatzea, hartzea, biltegiratzea, kontserbatzea, kontrolatzea eta barnetik banatzea.
-Tresneria, lanabesak eta materialak prestatzea, edariak prestatzeko eta zerbitzatzeko.
-Muntatzeko eragiketak gauzatzea taberna-kafetegiaren eremuetan.
-Edari bero sinpleak, irabiakiak, zukuak, freskagarriak, urak eta edari alkoholdun sinpleak prestatzea, aurkeztea eta amaitzea, baita lotutako zerbitzatzeko prozesuak garatzea ere.
-Edari bero sinpleak, irabiakiak, zukuak, freskagarriak, urak eta edari alkoholdun sinpleak dastatzeko jarduerak.
-Tabernaren eremuetan zerbitzatu ondoko, ixteko eta egokitzeko eragiketak garatzea.
Komenigarria da jarduera guztiek, izaera teorikoagoa dutenak (adibidez, biltegia kudeatzeari buruzkoak) barne, tailerraren ikuspegia izatea, horrek aplikazio praktikoaren izaera emanen baitie, erabilera anitzeko gelan dokumentuak betetzera mugatu gabe.
Halaber, komenigarria da moduluaren barnean prestakuntza ematen den bitartean, ikasleengan jarduketa arduratsua bultzatzea hurrengo arloetan, irakasleen jarrera profesionalaren ondorioz:
-Kalitate estandarren barnean egotea. Kalitatea eguneroko bizitzan dagoen zerbait gisa ulertu behar da, eta ez kontzeptu huts, adierazpen edo etorkizunean lortu beharreko zerbait gisa. Kalitatea badagoela ulertu egin behar da.
-Segurtasun eta higiene arauen arabera jardutea ikastetxeko jarduketa guztietan, jarrera profesionala sortzeko.
-Jardueretan erabiliko dituzten edo erabili dituzten erremintak, lanabesak, tresneria edo makinak egunero garbitzea eta hori garrantzitsua dela ulertzea.
-Ingurumenarekiko errespetua erakustea, baliabide energetikoak modu arrazionalean aprobetxatzea (ingurumen arrazoiengatik zein ekonomikoengatik), eta, aukera badago, "iraunkortasuna" kontzeptua ezagutu eta errespetatzea.
-Gelaren eta tailerraren ingurunearekiko, ikaskideekiko eta irakasleekiko beharrezko errespetua izatea beti.
Amaitzeko, eta aurretik adierazi den bezala, modulua zerbitzuaren laguntzan datza; horrek irakasleek lanbide modulu honetan landuko dituzten edo lantzen hasiko diren nahitaezko jakintza batzuk dakartza berekin, eta gero jakintza eta prozesu horiek osatuko dira lotutako beste lanbide modulu batzuk garatzen direnean. Esate baterako, zenbait edari aztertuko dira, adibidez, garagardoa. Izan ere, haren elaborazio prozesua ez da aztertuko lanbide modulu honetan, baina edari horien elaborazio prozesuaren araberako sailkapena ikasiko da. Hau da, modulu honetako edukiak heziketa ziklo honen ikasketak osatzen dituzten gainerako modulu teorikoen oinarria izanen dira, eta beste modulu horiek modulu honetan hartutako jakintzak osatuko dituzte. Horiek guztiek Jatetxe arloko Zerbitzuetako teknikariaren profil osoa osatuko dute.
Lanbide modulua: Jatetxeko oinarrizko eragiketak.
Kodea: 0151.
Iraupena: 320 ordu.
Ikaskuntzaren emaitzak eta ebaluazio irizpideak.
1. Materiala, tresneria eta altzariak prestatzen ditu, horien erabilerak eta aplikazioak identifikatuta.
Ebaluazio irizpideak:
a) Aretoko zerbitzuaren eremuetako berezko materialak, tresneria eta altzariak deskribatu eta sailkatu ditu.
b) Tresneria, materialak eta altzariak horien geroztiko erabilera eta funtzionaltasunekin erlazionatu ditu.
c) Pilaketari lotuta dauden informazioa eta dokumentazioa interpretatu ditu.
d) Eskatutakoaren kantitatea eta kalitatea hartutakoarekin bat datozela egiaztatuta pilatu du materiala.
e) Zerbitzatzeko materiala kasu bakoitzerako egokiak diren lekuetan kokatu du.
f) Tresneria, materialak eta altzariak zerbitzura egokitzeko beharrezkoak diren prest jartzeko eragiketen ezaugarriak azaldu ditu.
g) Zerbitzu-eremu hauetan tresneria, materialak eta altzariak aztertzeko, berrezartzeko, berrikusteko, garbitzeko eta kokatzeko prozedurak eta bestelakoak gauzatu ditu.
h) Lanetan osasun eta higiene araudia, laneko segurtasunekoa eta ingurumena babestekoa kontuan hartu ditu.
2. Mahaiak muntatzen ditu, eta muntatzeko era garatu beharreko zerbitzu motarekin erlazionatzen du.
Ebaluazio irizpideak:
a) Mahaiak muntatzeko eren ezaugarriak azaldu ditu eta eremu hauetako zerbitzuen tipologiarekin erlazionatu ditu.
b) Muntatzeko faseak sekuentziatu ditu eta hurrenez hurrengo prozedura eta teknikekin erlazionatu ditu.
c) Muntatzeko jardueretarako material egokia zehaztu eta erabili du.
d) Mahaien muntatzea garaiz eta taxuz gauzatu du.
e) Lortutako emaitzen arabera hautabideak proposatu ditu.
f) Mahaiak dekoratzeko teknikak erabili ditu, jarraibide zuzenak beteta eta material egokiak erabilita.
g) Mahaien azken muntatzea aztertu du eta hauteman daitekeen edozein akats zuzendu du.
h) Lanetan osasun eta higiene araudia, laneko segurtasunekoa eta ingurumena babestekoa kontuan hartu ditu.
3. Aretoan elikagaiak zerbitzatzen laguntzeko eragiketak gauzatzen ditu, eta zerbitzuaren kalitatean dituen inplikazioak baloratzen ditu.
Ebaluazio irizpideak:
a) Elikagaien zerbitzuak gauzatzeko faseak deskribatu ditu.
b) Faseak eta prozedurak garatu beharreko zerbitzuaren ezaugarriekin erlazionatu ditu.
c) Elikagaien zerbitzuaren eskakizunekin edo bestelako kontrol prozedurekin erlazionatutako dokumentazioa identifikatu du.
d) Eskaeraren ibilbidea definitu du, eta harekin lotuta dauden sailak bereizi ditu.
e) Teknologia berriekin lotuta dauden eskaera sistema berriak identifikatu ditu.
f) Zerbitzatzeko teknikak gauzatu ditu, elikagaiaren ezaugarriak, eskatutako zerbitzu mota, horren unea edo fasea eta protokoloa kontuan hartuta.
g) Jasotzeko eragiketak ordenatuta egin ditu.
h) Plater bat markatzerakoan mahai-tresna zuzenak erabili ditu, eta zerbitzatu behar diren elikagaien motarekin erlazionatu ditu.
i) Eragiketa guztiak garatu dituen bitartean bezeroen arretako arauak kontuan hartu ditu.
j) Lanetan osasun eta higiene araudia, laneko segurtasunekoa eta ingurumena babestekoa kontuan hartu ditu.
4. Aretoan edariak zerbitzatzen laguntzeko eragiketak gauzatzen ditu, eta zerbitzuaren kalitatean dituen inplikazioak baloratzen ditu.
Ebaluazio irizpideak:
a) Aretoan hainbat edari moten zerbitzuak gauzatzeko faseak deskribatu ditu eta haien ezaugarriak azaldu ditu.
b) Garatu behar diren faseak eta prozedurak identifikatu eta edarien zerbitzuaren ezaugarriekin erlazionatu ditu.
c) Edarien zerbitzuaren eskakizunekin edo bestelako kontrol prozedurekin erlazionatutako dokumentazioa identifikatu eta interpretatu du.
d) Zereginei ekin aurretik beharrezkoak diren elementu guztiak eskura daudela egiaztatu du.
e) Garraiatu beharreko edari mota eta ezarritako ordena kontuan harturik, behar bezala garraiatu du erretiluan.
f) Zerbitzatzeko teknikak gauzatu ditu, edariaren ezaugarriak, eskatutako zerbitzu mota eta protokoloa eta/edo ezarritako arauak kontuan hartuta.
g) Jasotzeko eragiketak ordenatuta egin ditu.
h) Eragiketa guztiak garatu dituen bitartean bezeroen arretako arauak kontuan hartu ditu.
i) Lanetan osasun eta higiene araudia, laneko segurtasunekoa eta ingurumena babestekoa kontuan hartu ditu.
5. Aretoko eremuetako zerbitzu ondoko eta itxierako eragiketak gauzatzen ditu, eta hurrengo zerbitzuetarako berrezartzeko eta egokitzeko premiekin erlazionatzen ditu.
Ebaluazio irizpideak:
a) Zerbitzatzeko eremu hauetan ohikoak diren zerbitzu ondoko eragiketen ezaugarriak azaldu ditu.
b) Zerbitzuan erabilitako tresneria, materialak eta altzariak garbitzeko, mantentzeko eta egokitzeko faseak eta prozedurak bereizi eta sekuentziatu ditu.
c) Materialak eta/edo lehengaiak berrezartzeko premiak identifikatu eta zehaztu ditu, haiek erabiltzeko eta kontsumitzeko aurreikuspenak kontuan hartuta.
d) Pilatzeko eta berrezartzeko beharrezkoa den dokumentazioa ezarritako prozedurei jarraikiz identifikatu eta bete du.
e) Horren beharra duten produktuak kontserbatzeko edo sukaldaritzako sailera itzultzeko premiak identifikatu eta zehaztu ditu, geroztiko erabileretara egokitzeko.
f) Erabilitako materiala behar bezala eta ordenatuta jaso du eta garbitzeko lekuetarantz eraman du.
g) Erabilitako altzariak berriz kokatu ditu, geroztiko erabileretara egokitzeko.
h) Prestatzeko eta zerbitzatzeko eremua geroago erabiltzeko egokia dela egiaztatu du.
i) Lanetan osasun eta higiene araudia, laneko segurtasunekoa eta ingurumena babestekoa kontuan hartu ditu.
6. Lehengaiak pilatzea
Ebaluazio irizpideak:
a) Instalazioak ezagutu ditu, eta ekonomatua eta sotoa antolatu ditu.
b) Lehengaiak biltegiratzeko eta barnetik banatzeko eragiketak deskribatu ditu.
c) Inprimakiak gauzatu eta egin ditu.
d) Lehengaiak barnetik hornitzeko eta banatzeko prozedura interpretatu du.
e) Stocken kudeaketa egin du.
f) Inbentarioen azterketak interpretatu ditu.
Edukiak.
Materiala, tresneria eta altzariak prestatzea:
-Jatetxearen eremuko berezko materiala, tresneria eta altzariak.
-Material, tresneria eta altzarien kokapena, banaketa eta funtzionaltasuna.
-Materiala, tresneria eta altzariak zehaztea establezimendu mota bakoitzerako, haien ezaugarrien arabera.
-Materiala, tresneria eta altzariak prest jartzeko eta egokitzeko eragiketak.
Mahaiak muntatzea:
-Jatetxearen eremuko zerbitzuen tipologia.
-Mahaiak eta bestelako elementuak muntatzea. Horren ezaugarriak azaltzea eta zerbitzu motara egokitzea. Faseak eta lotutako teknikak sekuentziatzea.
-Mahaiak dekoratzea.
-Mahaiak muntatzeko eta aurkezteko eragiketak gauzatzea. Emaitzak kontrolatu eta baloratzea.
-Osasun eta higiene araudia, laneko segurtasunekoa eta ingurumena babestekoa zorrotz betetzea.
Aretoan elikagaiak zerbitzatzen laguntzeko eragiketak gauzatzea:
-Elikagaiak zerbitzatzeko erak eta metodoak.
-Platerak, azpilak, erretiluak eta bestelakoak garraiatzeko prozedurak.
-Elikagaiak zerbitzatzeko oinarrizko arauak.
-Platerak markatzea. Jasotzeko eragiketak garbi eta ordenatuta egitea.
-Eskaeraren ezaugarriak eta erabilerak, formalizazioa eta mugimenduen fluxua.
-Aretoan elikagaiak zerbitzatzen laguntzeko eragiketak.
-Bezeroei arreta egiteko arauak zerbitzatzeko eragiketa guztietan.
-Osasun eta higiene araudia, laneko segurtasunekoa eta ingurumena babestekoa zorrotz betetzea.
Aretoan edariak zerbitzatzen laguntzeko eragiketak gauzatzea:
-Aretoan edariak zerbitzatzeko bereziki erabiltzekoa den materiala. Ezaugarriak, erabilerak eta aplikazioak.
-Edariak zerbitzatzeko oinarrizko arauak.
-Aretoan edariak zerbitzatzen laguntzeko eragiketak.
-Osasun eta higiene araudia, laneko segurtasunekoa eta ingurumena babestekoa zorrotz betetzea.
Aretoko eremuetako zerbitzu ondoko eta itxierako eragiketak gauzatzea:
-Aretoko eremuetako zerbitzu ondoko eragiketak.
-Faseak sekuentziatzea eta teknikak aplikatzea.
-Materialak eta lehengaiak kontrolatzea eta berrezartzea.
-Premiak aztertzea eta hautematea. Kontrol prozedurak.
-Zerbitzu ondoko eragiketak gauzatzeko prozedurak. Emaitzak kontrolatu eta baloratzea.
-Osasun eta higiene araudia, laneko segurtasunekoa eta ingurumena babestekoa zorrotz betetzea.
Lehengaiak pilatzea:
-Instalazioak kokatzea eta ekonomatua eta sotoa antolatzea.
-Lehengaiak biltegiratzeko eta barnetik banatzeko eragiketen deskribapena eta ezaugarriak.
-Inprimakiak gauzatu eta egitea.
-Lehengaiak barnetik hornitzeko eta banatzeko prozedurak.
-Stockak kudeatzea: Stock operatiboa. Segurtasun stocka. Gehieneko eta gutxieneko stockak.
-Inbentarioak aztertu eta egitea.
Orientabide didaktikoak.
Lanbide modulu honetako prestakuntza beharrezkoa da jatetxe arloan hornitzeko eginkizunei eta jatetxearen eremuko produzitzeko eta zerbitzatzeko oinarrizko eginkizunei loturiko jarduerak gauzatzeko.
Eginkizun horiek zenbait alderdi biltzen dituzte, hala nola aretoko eremuetako zerbitzu aurreko eta zerbitzu ondoko eragiketak, barnetik hornitzeko jarduerei lotutako dokumentuen kontrola eta fluxua, eta zerbitzua bera eta elikagaiei zein edariei buruzko zerbitzuaren oinarrizko eragiketak.
Egokientzat proposatzen den edukien sekuentziazioa, hain zuzen ere edukien atalean ezarritako ordena bera da, eta kontzeptu-prozedurazko sei multzotan antolaturik dago. Horrela, komenigarria izanen litzateke aretoko eremuetan kokatutako tresneria, lanabesak eta materialak prestatzeari eta prest jartzeari, eta, zerbitzuen tipologiaren arabera, muntatzeko jarduerak egiteari buruzko edukiei ekitea, jatetxeko lantaldearen kategoriak eta eginkizunak identifikatuta.
"Jatetxeko oinarrizko eragiketak" atalean garatzen den jarduera nagusia zerbitzu aurreko eta zerbitzu ondoko lanetara zuzentzen da, moduluko ikasleak zerbitzua bera gauzatzen duten langileen ezinbesteko laguntza direla.
Amaitzeko, modulu honetan biltzen den edukien azken blokea jatetxe bateko zerbitzu ondoko eragiketetan egin beharreko lehengaiak pilatzeari buruzkoa da.
Erabili beharreko baliabideei dagokienez, beharrezkoa da modulu honen izaera prozedurazkoa eta praktikoa nabarmentzea, funtsean bulego-tailerretan garatzea dakarrena. Dena den, erabilera anitzeko gelan hainbat ordu eman behar dira azalpen teorikoetarako eta prozesuen azterketarako, eta ordenagailuak eta jatetxe batean biltegia kudeatzeko berariazko programak dituen gela ere behar da.
Gainera, ahal den neurrian, praktikak egin beharko lirateke benetako edo alegiazko lan ingurune batean, ikasleek moduluko edukiak eta heziketa zikloko gainerako moduluetakoak batera ditzaten eta, horrela, tituluaren ikuspegi globala har dezaten, horrek hezkuntza balio handia dakarrela.
Jarduerei dagokienez, gomendagarria da, azalpen teorikoak eman eta ikasleei lanak banatu ondoren, irakasleek ahalik eta baldintza egiazkoenetan egitea ereduzko prozedurak, esku-hartze edo konponketa egoki baten adierazgarri diren xehetasunak zorrotz zainduz.
Deskribatutako edukiak lortzeko egokitzat jotzen diren jarduerak bat etorriko dira irakaskuntza-ikaskuntzako prozesuan ezarritako jarduketa ildoekin; ildo horiek moduluaren helburuak lortzea ahalbidetuko dute. Jarduera horien artean, honako hauek nabarmenduko dira:
-Elikagaien eta edarien zerbitzua egiteko behar diren makineria, guneak eta tresneria erabiltzea.
-Jatetxeko zerbitzurako behar diren lehengaiak hartzea, banatzea eta berrezartzea.
-Aretoko tresneria, lanabes eta materialen inbentarioak prestatzea eta egitea.
-Mahaiak muntatzea jatetxeko zerbitzu ezberdinetarako.
-Zerbitzatzen laguntzeko eragiketak gauzatzea.
Komenigarria da jarduera guztiek, izaera teorikoagoa dutenak (adibidez, biltegia kudeatzeari buruzkoak) barne, tailerraren ikuspegia izatea, horrek aplikazio praktikoaren izaera emanen baitie, erabilera anitzeko gelan dokumentuak betetzera mugatu gabe.
Halaber, komenigarria da moduluaren barnean prestakuntza ematen den bitartean, ikasleengan jarduketa arduratsua bultzatzea hurrengo arloetan, irakasleen jarrera profesionalaren ondorioz:
-Kalitate estandarren barnean egotea. Kalitatea eguneroko bizitzan dagoen zerbait gisa ulertu behar da, eta ez kontzeptu huts, adierazpen edo etorkizunean lortu beharreko zerbait gisa. Kalitatea badagoela ulertu egin behar da.
-Segurtasun eta higiene arauen arabera jardutea ikastetxeko jarduketa guztietan, jarrera profesionala sortzeko.
-Jardueretan erabiliko dituzten edo erabili dituzten erremintak, lanabesak, tresneria edo makinak egunero garbitzea eta hori garrantzitsua dela ulertzea.
-Ingurumenarekiko errespetua erakustea, baliabide energetikoak modu arrazionalean aprobetxatzea (ingurumen arrazoiengatik zein ekonomikoengatik), eta, aukera badago, "iraunkortasuna" kontzeptua ezagutu eta errespetatzea.
-Gelaren eta tailerraren ingurunearekiko, ikaskideekiko eta irakasleekiko beharrezko errespetua izatea beti.
Amaitzeko, eta aurretik adierazi den bezala, modulua jatetxeko zerbitzuaren laguntzan datza; horrek irakasleek lanbide modulu honetan landuko dituzten edo lantzen hasiko diren nahitaezko jakintza batzuk dakartza berekin, eta gero jakintza eta prozesu horiek osatuko dira lotutako beste lanbide modulu batzuk garatzen direnean. Hau da, modulu honetako edukiak heziketa ziklo honen ikasketak osatzen dituzten gainerako modulu teorikoen oinarria izanen dira, eta beste modulu horiek modulu honetan hartutako jakintzak osatuko dituzte. Horiek guztiek Jatetxe arloko Zerbitzuetako teknikariaren profil osoa osatuko dute.
Lanbide modulua: Ardoa eta zerbitzua.
Kodea: 0154.
Iraupena: 130 ordu.
Ikaskuntzaren emaitzak eta ebaluazio irizpideak.
1. Hainbat ardo mota hartzen ditu eta horiek biltegiratzeko baldintzak ezagutzen ditu.
Ebaluazio irizpideak:
a) Ardoa kontserbatzeko espazio fisiko desberdinen ezaugarriak azaldu ditu.
b) Biltegiratu baino lehen, salgaien sarrera dagozkien dokumentu euskarriekin aztertu eta kontrastatu du.
c) Barne hornikuntzako dokumentuak bete ditu.
d) Stockak txandakatzeko prozesuak errespetatu ditu.
e) Biltegiratzeko kantitateak zerbitzu aurreikuspenen arabera kalkulatu ditu.
f) Bezeroentzat erreserbatutako ardoak behar bezala identifikatu ditu.
g) Lanetan osasun eta higiene araudia, laneko segurtasunekoa eta ingurumena babestekoa kontuan hartu ditu.
2. Hainbat ardo mota identifikatzen ditu, eta horien oinarrizko ezaugarriak eta bereizgarriak zehazten ditu.
Ebaluazio irizpideak:
a) Ardogintza prozesuetan esku hartzen duten faktoreen ezaugarriak funtsean azaldu ditu.
b) Ardo mota desberdinen ezaugarriak ematen dituzten osagaiak funtsean identifikatu ditu.
c) Ardogintzara zuzendutako mahats nagusiak identifikatu ditu.
d) Ardogintza prozesuak mahats motarekin erlazionatu ditu.
e) Jatorrizko deitura guztiak mahats motarekin eta ezaugarri bereizgarriekin erlazionatu ditu.
f) Jatorrizko deitura nagusiak bakoitzaren ardo adierazgarrienekin eta horien oinarrizko ezaugarriekin erlazionatu ditu.
g) Nazioko eta nazioarteko ardogintza geografiaren ezaugarriak funtsean azaldu ditu.
h) Lanetan osasun eta higiene araudia, laneko segurtasunekoa eta ingurumena babestekoa kontuan hartu ditu.
3. Ardo-dastatze errazak egin eta oinarrizko aromak eta zaporeak identifikatzen ditu, oinarrizko dastatze teknikak erabilita.
Ebaluazio irizpideak:
a) Ardoen ezaugarri organoleptiko eta analitikoak deskribatzeko teknika nagusiak ezagutu ditu.
b) Ardoen itxurari, koloreari, aromei eta zaporeei aplika dakizkiekeen terminoen ezaugarriak azaldu ditu.
c) Ardoak dastatzeko prozesuarekin erlazionatutako lanabesak ezagutu ditu.
d) Ardo-dastatzearen faseak identifikatu ditu eta horien ezaugarriak azaldu ditu.
e) Dastatzean eragina duten kanpoko baldintzatzaileak identifikatu ditu.
f) Oinarrizko dastatze-prozesuak erreminta egokiak erabilita gauzatu ditu.
g) Ardoaren oinarrizko ezaugarri organoleptikoak dastatzearen bitartez identifikatu ditu.
h) Ardo baten ezaugarriak deskribatu ditu dastatzea abiapuntutzat hartuta, eta prozesu horren berezko hiztegia behar bezala erabili du.
i) Akatsik ohikoenak dastatzearen bitartez identifikatu ditu.
j) Lanetan osasun eta higiene araudia, laneko segurtasunekoa eta ingurumena babestekoa kontuan hartu ditu.
4. Ardo-karta errazak definitzen ditu, eta ardoen propietateak eta aplikazioak justifikatzen ditu.
Ebaluazio irizpideak:
a) Ardo-karta baten egitura deskribatu du.
b) Ardo-kartak eskaintzaren eta establezimenduaren tipologiaren arabera identifikatu ditu.
c) Ardo-karta errazak deskribatu ditu, ardoen ezaugarriak eta kategoria komertzialak adierazita.
d) Ardoak eta platerak oinarrizko irizpideei jarraikiz erlazionatu ditu, uztartze proposamenak egiteko.
e) Ardoen eskaintza sukaldaritzako eskaintzaren eta/edo establezimenduaren ingurunearen ezaugarrien arabera egokitu du.
f) Ardo-kartak egiteko joera berriak ezagutu ditu.
5. Ardoak zerbitzatzen ditu, baldintza fisikoak, giro baldintzak eta lotutako eskaintza gastronomikoa lanabesekin, tenperaturarekin eta prozedura espezifikoarekin erlazionatuta.
Ebaluazio irizpideak:
a) Ardo mota bakoitzerako beharrezkoak diren materialak eta lanabesak ezagutu ditu.
b) Ardoak zerbitzatzeko manipulazio espezifikoak haren ezaugarrien arabera ezagutu eta horien ezaugarriak azaldu ditu.
c) Zerbitzatzeko tenperatura ardo-aldaerekin erlazionatu du.
d) Zerbitzatzeko tenperaturak errespetatu ditu ardoaren arabera.
e) Jarduerarako beharrezkoa den materiala prest jarri du.
f) Ardoaren ezaugarrietarako egokiak diren zerbitzatzeko erremintak eta lanabesak erabili ditu.
g) Ardoak zerbitzatzeari aplikatzekoak diren protokolo arauak ezagutu ditu.
h) Bezeroek ardoa ontzat eman duten ala ez baloratu du, establezimenduaren politikaren arabera jarduteko.
i) Ardoa zerbitzatzeko hainbat aukeraren ezaugarriak azaldu ditu: botila, botila erdia, kopa eta bestelakoak.
j) Izan litezkeen kexa, erreklamazio edo iradokizunei laster aurkitu die konponbidea; horretarako, aukerak bilatu eta garrantziaren arabera hierarkizatu ditu.
Edukiak.
Ardoak hartzea:
-Ardoa hartzea eta biltegiratzea.
-Sotoa: kokapena eta beharrezko espazioa.
-Kontserbatzeko baldintzak.
-Kontserbatzeko tresneria. Prest jartzea eta garbitzea.
-Sotoko liburua.
-Eguneko sotoa.
-Ardoen erreserba.
-Eskaera txartelak.
-Ardoak txandakatzea.
Ardoak identifikatzea:
-Sektorean aplikatu beharreko legedia.
-Mahatsondoa eta mahatsa. Definizioa eta morfologia.
-Ardoen ezaugarriak azaltzea.
-Ardoaren profilean eragina duten faktoreak.
-Ardogintza. Ardogintzaren prozesuak.
-Mahats aldaerak.
-"Navarra" jatorrizko deitura duten ardoak.
-Nazioarteko ardoak. Identifikazioa.
-Jatorrizko deiturak. Kontseilu Arautzailea.
-Botila. Tipologia. Kapsula eta kortxoa. Etiketa eta kontraetiketa.
Dastatze errazak egitea:
-Dastatze aretoaren kokapena eta hornikuntza. Argia eta aireztapena.
-Dastatzea.
-Dastatzearen metodologia.
-Dastatzearen tresnak, materialak eta lanabesak. Dastatzeko kopa.
-Analisi sentsoriala: dastatzearen faseak.
-Ardoaren hiztegi teknikoa.
Ardo-karta errazak definitzea:
-Ardo-karta.
-Karten egitura.
-Ardo-karta sinpleak egitea eta diseinatzea.
-Kartako ardoak hautatzea, establezimenduaren tipologiaren, kokapenaren eta bezero motaren arabera.
-Joera berriak. Egile-ardoak.
-Ardoak eta platerak uztartzea.
Ardoak zerbitzatzea:
-Zerbitzatzeko erremintak. Kortxo-kentzekoak, dekantatze-ontziak, kopak, termometroak eta bestelakoak.
-Ardoa zerbitzatzeko prestatzeko eta prest jartzeko eragiketak.
-Zerbitzatzeko tenperatura.
-Dekantazioa eta oxigenazioa.
-Ardoa zerbitzatzea. Faseak eta ohiko prozedurak.
-Botila bat ardo zabaltzeko prozesu motak: saskitxoa, botilak hoztekoa eta mahai osagarria.
-Zerbitzu bereziko prozesuak. Apardunak eta beste batzuk.
Orientabide didaktikoak.
Lanbide modulu honek ikasleek hoteletako edo jatetxeetako eremuetan gauzatzen diren sommelierraren eginkizunen gaineko ikuspegia eta zerbitzu mota ezberdinak zerbitzatzeko orientabidea eta ezaugarriak eskuratzea du funtsezko helburua.
Eginkizun horien artean, honako hauek daude: ardoak eta edariak hartzea, ardo mota ezberdinak zerbitzatzea, Espainiako jatorrizko deiturak ezagutzea, eta Espainiako (bereziki, Nafarroako) eta munduko gainerako herrialdeetako ardogintzak ezagutzea.
Egokientzat proposatzen den edukien sekuentziazioa, hain zuzen ere edukien atalean ezarritako ordena bera da, eta kontzeptu-prozedurazko bost multzotan antolaturik dago. Horrela, komenigarria izanen litzateke hasteko mahastiari, klimari, mahats aldaerei eta lurzoru motei buruzko edukiei ekitea. Ikasleek beharrezko elementuak izan beharko dituzte ardogintza ezberdinak ezagutzeko eta ardoen ezaugarri organoleptikoak jakiteko. Eduki horiek dastatzeko baliabideen bidez eskuratu beharko lirateke.
Amaitzeko, ikasleek ardo- eta edari-kartak elaboratzeko modu ezberdinak ezagutu, eta sukaldaritzako elaborazioekin batera hartzeko edari egokiari buruzko aholkua eman beharko diete bezeroei.
Erabili beharreko baliabideei dagokienez, beharrezkoa da modulu honen izaera prozedurazkoa eta praktikoa nabarmentzea, funtsean dastatzeko gelan garatzea dakarrena. Gela horrek eginkizun hori gauzatzeko behar diren hornikuntza eta lanabesak izan behar ditu, adibidez, dastatzeko kopak eta dekantatze-ontziak, besteak beste. Gainera, komenigarria izanen litzateke multimedia baliabideak izatea, ikasleei gaiari buruzko informazioa eta ardoari eta hori zerbitzatzeari buruzko webguneak eta blogak azkar eta eguneratuta atzitzea ahalbidetzen dietenak.
Horrez gain, ahal den neurrian, praktikak egin beharko lirateke benetako edo alegiazko lan ingurune batean, ikasleek moduluko edukiak eta heziketa zikloko gainerako moduluetakoak batera ditzaten eta, horrela, tituluaren ikuspegi globala har dezaten, horrek hezkuntza balio handia dakarrela.
Jarduerei dagokienez, gomendagarria da, azalpen teorikoak eman eta ikasleei lanak banatu ondoren, irakasleek ahalik eta baldintza egiazkoenetan egitea ereduzko prozedurak, esku-hartze edo konponketa egoki baten adierazgarri diren xehetasunak zorrotz zainduz.
Deskribatutako edukiak lortzeko egokitzat jotzen diren jarduerak bat etorriko dira irakaskuntza-ikaskuntzako prozesuan ezarritako jarduketa ildoekin; ildo horiek moduluaren helburuak lortzea ahalbidetuko dute. Jarduera horien artean, honako hauek nabarmenduko dira:
-Eskaintza gastronomikoei lotutako ardo-karta sinpleak zehaztea.
-Hornitzaileak eta lehengaiak kontrolatzea ardoak hartzeko eta biltegiratzeko eragiketetan.
-Zerbitzuko eremu ezberdinetako barneko banaketa eta kontserbazio egokia.
-Ardoak barnetik zein kanpotik hornitzeko jarduerei lotutako dokumentuen kontrola eta fluxua.
-Ardoak zerbitzatzea, horren protokolo arauen arabera.
Amaitzeko, eta aurretik adierazi den bezala, modulua zerbitzuaren (ardoarena, hain zuzen) berariazko laguntza da. Horrek harreman estua ezartzen du modulu honen eta "Taberna-kafetegiko oinarrizko eragiketak", "Jatetxeko oinarrizko eragiketak", "Taberna-kafetegiko zerbitzuak" eta "Jatetxeko eta ekitaldi berezietako zerbitzuak" izeneko moduluen artean, horietan guztietan zerbitzua eta zerbitzu ondokoa edukien zati garrantzitsuak baitira. Hala ere, harreman horrek ez dakar edukiak gainjartzea: edukiak elkarren osagarriak izanen dira, eta ikasleei enpresek sektoreko profesionalei eskatzen dizkieten trebetasunak eskuratzea ahalbidetuko diete, horrek laneratzen ederki lagunduko diela.
Lanbide modulua: Elikagaiak manipulatzeko segurtasuna eta higienea.
Kodea: 0031.
Iraupena: 70 ordu.
Ikaskuntzaren emaitzak eta ebaluazio irizpideak.
1. Lanabesak, tresneria eta instalazioak garbitu eta desinfektatzen ditu eta horrek produktuen higienean eta osasungarritasunean duen eragina baloratzen du.
Ebaluazio irizpideak:
a) Elikagaiak manipulatzeko tresneriak, lanabesek eta instalazioek bete behar dituzten higiene eta osasun baldintzak identifikatu ditu.
b) Garbiketa/desinfekzio desegokiak produktuen kaltegabetasunean eta kontsumitzaileen segurtasunean dituen ondorioak ebaluatu ditu.
c) Garbitzeko eta desinfektatzeko (G+D) prozedurak, maiztasunak eta ekipoak deskribatu ditu.
d) Ezarritako produktuak erabilita egin du garbiketa edo desinfekzioa eta produktuok guztiz kendu direla ziurtatu du.
e) Beharrezko garbiketa edo desinfekzio mailarekin lotutako kontrol parametroak deskribatu ditu.
f) Arratoiak eta intsektuak hiltzeko eta desinfektatzeko tratamenduak (DDD) ezagutu ditu.
g) Elikagaiak manipulatzeko unitate batetik hondakinak biltzeko eta erretiratzeko prozedurak deskribatu ditu.
h) Garbitzeko eta desinfektatzeko produktuak eta DDD tratamenduetan erabiltzen direnak sailkatu ditu, baita horiek guztiak erabiltzeko baldintzak ere.
i) Garbitzeko eta desinfektatzeko produktuak eta DDD tratamenduetakoak manipulatzearekin lotutako arriskuak ebaluatu ditu.
2. Higiene jardunbide egokiak mantentzen ditu eta higiene ohitura txarrekin lotutako arriskuak ebaluatzen ditu.
Ebaluazio irizpideak:
a) Higiene jardunbideekin lotuta dauden nahitaezko higiene eta osasun arauak ezagutu ditu.
b) Ohitura txarrekin lotutako osasunaren kontrako arriskuak eta horiei aurrea hartzeko neurriak identifikatu ditu.
c) Elikagaiak manipulatzearekin lotutako higiene pertsonaleko neurriak identifikatu ditu.
d) Elikagaietan kutsadura eragin dezaketen portaera edo jokabide guztiak ezagutu ditu.
e) Nahitaez aitortu beharreko gaixotasunak zein diren adierazi du.
f) Laneko arropa guztiak eta horiek garbi edukitzeko baldintzak ezagutu ditu.
g) Manipulatzailea ebaki, erredura edo zaurietatik babesteko bitartekoak identifikatu ditu.
3. Elikagaiak manipulatzeko jardunbide egokiak aplikatzen ditu, eta horiek produktuen higienearekin eta osasungarritasunarekin erlazionatzen ditu.
Ebaluazio irizpideak:
a) Manipulatzeko jardunbideekin erlazionatuta dauden nahitaez betetzeko higiene eta osasun arauak ezagutu ditu.
b) Jatorria elikagaietan duten arrisku eta toxiinfekzio nagusiak sailkatu eta deskribatu ditu eta agente eragileekin erlazionatu ditu.
c) Elikagaiak gaizki manipulatzeak kontsumitzaileen osasunean duen eragina baloratu du.
d) Elikagaien alterazio nagusiak deskribatu ditu.
e) Elikagaiak kontserbatzeko metodoak deskribatu ditu.
f) Lehengai edo gai erdilanduak eta prozesatutako produktuak elkar ukitzen egotea saihestu du.
g) Elikagaiekiko alergiak eta intolerantziak identifikatu ditu.
h) Alergenorik gabeko produktuetan horien aztarnarik agertzeko aukera saihestu du.
i) Elikagaien alorreko alerten aurrean jarduteko prozedurak ezagutu ditu.
4. Arriskuak eta Kontrol Gune Kritikoak Aztertzeko sisteman oinarritutako autokontrol sistemak eta trazabilitatea kontrolatzekoak aplikatzen ditu, eta horrekin lotutako printzipioak justifikatzen ditu.
Ebaluazio irizpideak:
a) Autokontrol sistema elikagaien segurtasunerako zein beharrezkoa eta garrantzitsua den identifikatu du.
b) Arriskuak eta Kontrol Gune Kritikoak Aztertzeko sistemaren kontzeptu orokorrak ezagutu ditu.
c) Osasunaren kontrako arriskuak kontrolatzeko funtsezko kontzeptuak definitu ditu: kontrol gune kritikoa, muga kritikoa, kontrol neurriak eta neurri zuzentzaileak.
d) Kontrol gune kritikoen kontrolarekin lotutako parametroak definitu ditu.
e) Sistemarekin lotutako erregistroak bete ditu.
f) Trazabilitatea elikagaien segurtasunarekin erlazionatu du.
g) Jatorria, prozesuaren etapak eta elikagaiaren erabilera dokumentatu eta trazatu ditu.
h) Elikagaien sektorean ezarritako borondatezko arau nagusiak ezagutu ditu (BRC, IFS, UNE-EN ISO 9001:2000, UNE-EN ISO 22000:2005 eta bestelakoak).
5. Baliabideak eraginkortasunez erabiltzen ditu eta horrekin lotutako ingurumen onurak ebaluatzen ditu.
Ebaluazio irizpideak:
a) Baliabide bakoitzaren kontsumoa berak ingurumenean duen eraginarekin erlazionatu du.
b) Kontsumoa gutxitzeak ingurumenaren babesari ekartzen dizkion abantailak definitu ditu.
c) Baliabideak berrerabiltzearen ingurumen abantailak deskribatu ditu.
d) Ingurumenari kalte gutxien eragiten dioten energiak eta/edo baliabideak ezagutu ditu.
e) Bai energia bai elikagaien industrian eta jatetxe arloko enpresetan erabiltzen diren gainerako baliabideak aurrezteko dauden metodologien ezaugarriak azaldu ditu.
f) Baliabideen kontsumoarekin erlazionatutako bat ez etortzeak eta ekintza zuzentzaileak identifikatu ditu.
6. Hondakinak gaika biltzen ditu, horrek osasunean eta ingurumenean sortzen dituen ondorioak ezagututa.
Ebaluazio irizpideak:
a) Sortutako hondakin motak jatorriaren, egoeraren eta birziklatzeko, arazteko edo tratatzeko beharraren arabera identifikatu eta sailkatu ditu.
b) Hondakinek, kutsatzaileek eta elikagaien industriak sortutako bestelako eraginek ingurumenaren gainean dituzten ondorioak ezagutu ditu.
c) Hondakinak biltzeko, hautatzeko, sailkatzeko eta ezabatzeko edo isurtzeko teknikak deskribatu ditu.
d) Hondakinekin, isurketekin edo emisioekin zerikusia duten elikagaien produkzio prozesuetan ingurumen kontrola ahalbidetzen duten parametroak ezagutu ditu.
e) Ingurumena babesteko hartutako neurriak garrantziaren arabera ordenatuta ezarri ditu.
f) Hondakinen kudeaketarekin erlazionatutako bat ez etortzeak eta ekintza zuzentzaileak identifikatu ditu.
Edukiak.
Ekipoak eta instalazioak garbitzea eta desinfektatzea:
-Garbiketa mailak eta kontzeptuak.
-Lanabesen, tresneriaren eta instalazioen garbiketari buruzko legeria eta betekizunak.
-Garbitu eta desinfektatu edo intsektu eta arratoiak hiltzeko jarduera desegokiekin lotutako osasunaren kontrako arriskuak.
-Garbitzeko prozesuak eta produktuak.
Higiene jardunbide egokiak izatea:
-Jarduerari aplikatu behar zaion higieneari buruzko araudi orokorra.
-Elikagaietan eragindako kutsadurak eta nahasteak, manipulatzaileen ohitura desegokien ondorioz.
-Higiene Jardunbide Egokien Gidak (HJEG).
Elikagaiak manipulatzeko jardunbide egokiak aplikatzea:
-Elikagaiak manipulatzeko araudi orokorra.
-Elikagaien kutsadurak eta alterazioak, manipulatzeko jardunbide desegokien ondorioz.
-Elikagaiak manipulatzeko jardunbide desegokiei lotutako osasunaren kontrako arriskuak.
-Elikagaiak kontserbatzeko metodoak.
Autokontrol sistemak aplikatzea:
-Sukaldaritzako kontrol gune kritikoak.
-Elikagaien manipulazioan eragin daitezkeen osasun arriskuekin lotutako kontrol neurriak.
-Arriskuak eta Kontrol Gune Kritikoak Aztertzeko autokontrol sistemaren zazpi printzipioen aurretiko urratsak.
-AKGKA autokontrol sistemaren zazpi printzipioak.
-Trazabilitatea.
Baliabideak eraginkortasunez erabiltzea:
-Erabilerak eragindako ingurumen inpaktua.
-Urrezko hiru arauak: gutxitu, berrerabili eta birziklatu.
-Baliabideen kontsumoa gutxitzeko metodologiak.
Hondakinen gaikako bilketa:
-Ingurumen arloko legeria.
-Sortutako hondakinen eta horien ingurumen eraginaren deskribapena.
-Hondakinak biltzeko, sailkatzeko eta ezabatzeko edo isurtzeko teknikak.
-Elikagaien produkzio prozesuetan ingurumen kontrola ahalbidetzen duten parametroak.
Orientabide didaktikoak.
Modulu teoriko honen bidez ikasleek kontzeptuak higienerako eta elikagaiak manipulatzeko, ekipoak eta instalazioak garbitu eta desinfektatzeko arauak aztertu eta ezartzeko eta hondakinak eta espazio mota kontuan hartuta haien ingurumen eragina kontrolatzeko lanari aplikatuko dizkiote.
Moduluaren helburuak lortzeko aukera ematen duten irakaskuntza-ikaskuntzako prozesuko jarduketa ildoak honako hauek izanen dira:
-Prozesuaren eta trazabilitatearen kontrolari lotutako agiriak betetzea.
-Ekipoen eta instalazioen garbiketa/desinfekzioa eta horren eraginkortasuna egiaztatzea.
-Kontrol Gune Kritikoak Aztertzeko sistemaren aplikazioa.
"Elikagaiak manipulatzeko segurtasuna eta higienea" moduluaren garapenean edukiek duten hurrenkera sekuentziazio irizpide logikoen ondorio da. Hala ere, bigarren mailan ematen den modulua denez, edukiak eta, ondorioz, lan unitateetako edukien antolaketa eta garapena bi ebaluaziotara doitu beharko direla gogoratu behar dugu.
Hurrengo moduluetako zeharkako eduki teorikoak ezarri dira modulu honetan:
Lehen mailan:
-Elikagaien aurretiazko elaborazioa eta kontserbazioa.
-Sukaldaritzako teknikak.
-Pastelgintzako eta gozogintzako oinarrizko prozesuak.
Bigarren mailan:
-Sukaldaritzako produktuak.
-Sukaldaritzako postreak.
Aurreko moduluetan ikaskuntzaren emaitzen ebaluazio irizpideen artean honakoa agertzen da: lan guztiak egin dituenean osasun eta higiene araudia, laneko segurtasunekoa eta ingurumena babestekoa kontuan hartu ditu.
Beste alde batetik, "Elikagaiak manipulatzeko segurtasuna eta higienea" eta "Lanerako prestakuntza eta orientazioa" moduluak elkarren osagarri dira eta horietako bakoitzean eskuratutako gaitasunak, ahalmenak eta trebetasunak osatzeko balio du besteak.
Bukatzeko, ezin dugu ahaztu modulu honetan osasun eta higiene araudia, laneko segurtasunekoa eta ingurumena babestekoa nahitaez bete behar direla aipatzea. Araudi hori, hain zuzen ere, "Elikagaiak manipulatzeko segurtasuna eta higienea" eta "Lanerako prestakuntza eta orientazioa" moduluen edukietan sartzen da.
Irakaskuntza-ikaskuntzako jarduerak hautatu, diseinatu eta sekuentziatzeko hurrengo irizpide hauek kontuan har litezke:
-Azalpen teorikoak, kontzeptuak eta informazioa ikaskuntzako jarduerak egitearen zerbitzura egon beharko lirateke kasu praktikoen eta ikaslearen ekimena garatuko duten banakako eta taldeko lanen bitartez, informazioa ulertu, aztertu, erlazionatu, bilatu eta aplikatzeko helburuak barne hartuz eta ikasleak motibatuz.
-Informazioaren eta komunikazioaren teknologiak erabiltzeko aukera emanen duten jarduerak prestatzea komenigarria litzateke. Horri esker, ikasleek eguneratutako baliabideak azkar eskuratuko lituzkete eta teknologia horiek erabiltzera ohituko lirateke.
-Garapen-jarduerek ikasleak higiene eta osasun arauak eta arriskuen prebentzioari buruzkoak betetzeak duen garrantziaz eta ontziak zein produktu landuen eta erdilanduen soberakinak birziklatzeko jardunbide baliagarriek duten garrantziaz kontzientziatzeko balio beharko dute.
-Edukiak aplikatzeko irizpide praktikoetan oinarritutako ebaluazio jarduerak eta autozuzenketa kontrolatua egiteko eta autonomia eta ardura garatzeko aukera emanen duten autoebaluazio jarduerak diseinatzea gomendagarria da.
Bukatzeko, baliabideen antolaketari dagokionez, ikasleak taldekatzeko teknika erabiltzea gomendagarria litzateke, ikasleen arteko eragina ahalbidetzeko eta, bide batez, sozializazio-prozesua hobetzeko, gaitasun sozioprofesionalak bereganatzeko eta ezarritako arauak onartzeko, eskola-errendimendua areagotzeko, ezagutzen trukea ahalbidetzeko, talde lana bultzatzeko, gatazkak ebazteko gaitasuna garatzeko eta horren bidez erabakiak hartzekoa ere garatzeko.
Lanbide modulua: Oinarrizko ingelesa I.
Kodea: NA04.
Iraupena: 60 ordu.
Ikaskuntzaren emaitzak eta ebaluazio irizpideak.
1. Hizkera formalean eta kontestualizazio irizpideak erabiliz idatzitako testu labur eta errazetan jasotako informazio idatzia ulertzen du; testu horiek eguneroko bizitzarekin edo dagokion lanbide arloko ohiko jarduerarekin lotuta daude.
Ebaluazio irizpideak:
a) Jarduera arruntarekin edo lanbide jarduerarekin lotutako dokumentu labur eta erraz batean jasotako informazioa zuzen eta osotasunean interpretatzeko nahikoa gako-hitz ezagutu ditu.
b) Informazioa identifikatu eta atera du, aurreikus daitekeena -izenak, datak, prezioak, orduak...-, lanbide praktikan ohikoak diren materialenak eta ohiko hiztegia erabiltzen dutenenak, besteak beste, liburuxkak, katalogoak, eskuliburuak eta abar; halaber, eguneroko bizitzako beste dokumentu batzuetakoa ere -iragarkiak, menuak, ordutegiak, etab.-.
c) Zehatz atera ditu ohiko lanbide harremanean elkarrekin trukatutako dokumentuetan jasotako informazio zehatzak -merkataritza gutunak, faxak, posta elektronikoak, inprimakiak...-, behar bezala tramitatzeko.
d) Lanbide jarduerari buruzko jarraibideak interpretatu ditu, eta adierazitako ekintzak burutu edo simulatu ditu.
e) Zehaztasunez identifikatu eta bereizi ditu eguneroko bizitzan eta lanbide jardueran ohikoak diren seinale, idazkun, ordenagailuko mezu, etiketa, piktograma eta abarretan jasotako aholku edo oharrak, produktu, material, ekipamendu edo instalazioak behar bezala ez erabiltzeagatik sor daitezkeen arriskuak saihesteko.
f) Itzulpen tresnak egokiro erabili ditu, eta, horretarako, erabileraren testuingurura eta eskatutako kohesiora egokitutako esanahia hautatu du.
2. Ahozko diskurtso errazetako informazioa ulertzen du, astiro emana, hizkuntza estandarrean, ohiko jarduerei edo aurreikus daitezkeen lanbide jarduerei buruzkoa; horretarako, mezua osotasunean aztertzen du.
Ebaluazio irizpideak:
a) Interes pertsonaleko gaiekin zerikusia duen ahozko diskurtso erraz baten ideia orokorra identifikatu du.
b) Hitzezko ohar errazetan jasotako zehaztasunak ulertu ditu, ohiko jardueraren bat egiteko, besteak beste, garraio publikoa erabiltzeko; hala ere, batzuetan, diskurtsoa errepikatu behar du.
c) Aurreikus daitezkeen gaiei buruz ikus-entzunezko baliabideen bidez jasotako diskurtso arrunt batean, esate baterako bozgorailuaren bidezko abisu batean, oinarrizko informazioak ezagutu ditu.
d) Telebistan emandako albiste bateko oinarrizko informazioa atzeman du, argitasunez, hizkuntza estandarrean eta irudiz lagunduta eman denean.
3. Testu errazak idazten ditu eta lanbide eremuan erabili ohi diren formulario edo agiri normalizatuak betetzen ditu, beharrezko zuzentasun gramatikala eta ortografikoa aplikatuta, erregistro neutroan edo formalean.
Ebaluazio irizpideak:
a) Ohiko dokumentu errazak idatzi ditu -aurkezpen gutunak, ohiko jardueren deskribapen laburrak, etab.-; horretarako, kronologikoki modu koherentean lotzen edo antolatzen dituzten lokailuen bidez eratutako perpaus eta esaldi arruntak erabili ditu, hiztegi egokia erabili du eta, hala dagokionean, testu txantiloiak eta hasierako eta amaierako agurretarako, eskerrak emateko eta abarretarako formula estandarizatuak erabili ditu.
b) Zuzen erabili ditu egitura gramatikal errazak, nahiz eta oinarrizko akats sistematikoren bat egin, adibidez, aditz denborak nahastea.
c) Oinarrizko hiztegi orokorra erabili du, nahiko zabala eguneroko bizitzan eta lanbide ingurunean egoera eta gai ezagunetan gertatzen diren ohiko komunikazio beharrak betetzeko.
d) Gehien erabiltzen diren hitzak idatzi ditu zuzentasun ortografikoarekin.
e) Mezu labur eta errazen gaineko oharrak hartu ditu, informazio garrantzitsua jasoz; mezua errepikatzeko edo berriro esateko eskatuta, behar izanez gero.
f) Itzulpen tresnak erabili ditu, koherentziaz eta testuingurua kontuan hartuz.
4. Eguneroko jarduera pertsonal eta profesionalei buruzko ahozko mezu errazak sortzen ditu; horretarako, oinarrizko egiturak erabiltzen ditu, eta oinarrizko komunikazio beharretarako hiztegi nahikoa erabiltzen du.
Ebaluazio irizpideak:
a) Zuzen erabili ditu komunikaziorako esaldi eta formula estandarizatuak edo buruz ikasiak, ohiko egoerez aritzeko, batik bat diskurtso deskribatzaileetan.
b) Hiztegi nahiko zabala erabili du eguneroko bizitzan aurreikus daitezkeen egoeretan moldatzeko, eta egokia lanbide jarduerez mintzatzeko.
c) Mezuaren esanahiari eusteko behar adinako zuzentasun gramatikala lortu du, nahiz eta oinarrizko akatsak egin.
d) Diskurtsoa nahiko ahoskera argi eta ulergarriarekin egin du, nahiz eta atzerriko azentua nabarmena izan.
e) Diskurtsoa berriro formulatu du, baldin eta solaskideak hala eskatzen badu, ulergarritasuna hobetzeko.
5. Aurreikus daitezkeen gaiekin zerikusia duten elkarrizketetan beste pertsona batzuekin ingelesez hitz egiten du, oso elkarrizketa labur, erraz eta zuzena eginez eguneroko gaiei buruz edo lanbide jardueraren inguruan.
Ebaluazio irizpideak:
a) Lanean edo astialdian egunero azaltzen diren gaiei buruzko galdera errazak egin eta erantzun ditu.
b) Errutinazko egoerei buruzko elkarrizketa oso laburretan parte hartu du, mintzagai ezagunak jorratuz, nahiz eta elkarrizketa luzea egiteko gauza ez izan.
c) Aurreikus daitezkeen egoeretan, gizarteko elkartruke laburretan moldatzeko adina ulertu da, nahiz eta, batzuetan, solaskideek argi eta astiro emandako diskurtsoaren zati bat edo diskurtso osoa errepikatzeko eskatu.
d) Iritzi eta proposamen errazak azaldu ditu, eta horrelakoei erantzun zaie, egoera informaletan eta pertsona ezagunekin.
e) Kortesiazko hitz eta formula egokiak erabili ditu pertsonei hitz egiten hasteko, hasierako eta amaierako agurra egiteko eta barkamena eskatzeko.
f) Solaskidearen herrialdeak bereak dituen gizarte harremanetako konbentzioak aplikatu ditu.
Edukiak.
Eduki lexikoak:
-Lanbide eremuko hiztegia eta oinarrizko terminologia espezifikoa.
-Eguneroko bizitzan erabili beharreko hiztegia eta terminologia, batik bat, honako gaietarako: aisia eta astialdia, bidaiak, norberaren sentimenduak, bizi ohiturak eta errutinak, jantziak, elikadura, etxebizitza, erosketak...
Eduki gramatikalak:
-Aditz denborak: lehenaldi bakun eta jarraitua, geroaldia, I. motako baldintzazkoa, orainaldi perfektua.
-Boz pasiboa: orainaldi eta lehenaldi bakuna.
-Konparatiboak eta superlatiboak.
-Erlatibozko perpaus murrizgarriak.
-Preposizioak, juntagailuak eta adberbioak.
-Koherentzia eta kohesio elementuak: lokailuak.
-Puntuazio zeinuak.
Eduki funtzionalak:
-Hasierako eta amaierako agurrak gizarteko ohiko egoeretan.
-Galdetzea eta erantzutea informazio orokorra eta profesionala emateko, datuak eskatzeko, etab.
-Alderatzea eta erkatzea.
-Adostasuna eta desadostasuna azaltzea.
-Asmoak eta planak adieraztea.
-Gustuak, lehentasunak eta obligazioa adieraztea.
-Pertsonak eta errutinak deskribatzea.
-Testu erraz bateko gai nagusia identifikatzea.
-Interes pertsonal edo profesionaleko gai errazei buruzko testuak idaztea.
-Curriculum vitae-ak eta datu pertsonalak dituzten aurkezpen gutunak idaztea.
-Inprimakiak edo erabilera arrunteko agiriak betetzea.
-Hiztegiak edo erreferentziazko bestelako materialak, baliabide elektronikoak barne, testuingurua kontuan hartuz erabiltzea, hitz ezezagunek kasuan kasuko testuinguruan zer esan nahi duten jakiteko.
-Gai ezagunen gaineko informazio xumeak ahoz aurkeztea sekuentzia logikoan.
-Ohiko jarduera nagusiekin zerikusia duten galderak eta eskaerak egitea.
-Norberaren jarduerak deskribatzea, oraingoak zein lehengoak.
-Hitzik gabeko komunikazioaren estrategiak erabiltzea, ahozko interakzioa indartzeko.
Gizarte eta lanbide edukiak:
-Norberarekin komunikatzen diren bezero edota profesionalak zein herrialdetakoak diren, hango giza, gizarte eta lanbide harremanak arautzen dituzten arauak, protokoloak eta ohitura nagusiak identifikatu eta aztertzea.
-Ingelesezko harremanetarako arauak identifikatu eta aplikatzea, bereziki kontuan hartuz Interneten erabiltzen diren kortesiazko konbentzioak.
-Bestelako kulturak eta haiek osatzen dituzten pertsonak ezagutzeko gogoa eta haienganako errespetua eta jarrera irekia agertzea.
-Binaka eta taldeka eta jakintza arlo anitzeko eremuetan lan egiteko prest egotea.
Orientabide didaktikoak.
"Oinarrizko ingelesa I" lanbide moduluak ikasleen hizkuntza gaitasuna indartzea du funtsezko helburu. Bereziki nabarmentzen ditu lanbide bizitzako ohiko komunikazio egoeretan aise moldatzea ahalbidetuko dieten trebetasunak.
Nahiz eta nazioko enpresek hizkuntza jakintzen eta hautagaiak hautatzeko hizkuntza gaitasunak antzemateko erabilitako metodoen gainean egiten dituzten eskariak oinarri dituzten zenbait azterlanek adierazten duten eskari horiek hizkuntza ez espezializatua jakitea eskatzen dutela, hezkuntza maila honetan uste da modulu honek eta bigarren mailan ematen den Ingeleseko moduluak ematen duten ingeleseko prestakuntza baliagarria dela, batik bat, lanbide profilean zehaztutako gaitasunak lortzeko euskarri gisa, eguneroko bizitzaren egoeretan ikasleek izan beharreko komunikazio gaitasunaren hobekuntza gorabehera. Horregatik, hizkuntza trebetasun espezifikoak garatzeko bideak eman behar zaizkie ikasleei. Hizkuntzaren ikaskuntza lanbidean izanen dituzten beharrei egokitu behar zaie.
Irakaskuntza-ikaskuntzako prozesua, helburu horri begira, nabarmenki praktikoa den ikuspuntu batetik bideratu behar da. Gramatikaren irakaskuntza aurreko kurtsoetan ikasitakoaren berrikuspen gisa hartu behar da eta ikasleentzat egiazko interesa duten komunikazio egoeretan txertatu. Horrela ikasleak errazago ohartuko dira ikasi behar duten hizkuntzan nahikoa trebe moldatu beharra dutela. Horregatik, iradokitzen da eginkizunen bidezko irakaskuntza-ikaskuntzako metodologia erabiltzea, edo, bestela esanda, helburu zehatzak dituzten jarduerak erabiltzea, ikasleak hizkuntzan sakonago eta aktiboago murgiltzera bultzatzen dituztenak.
Irakaskuntza-ikaskuntzako prozesuan eginen diren jarduerak egokiro diseinatu behar dira, ikasleak komunikazio egoera ahalik eta egiazkoenetan koka ditzaten. Teknikari honen lanbide profila kontuan izanik, irakurriaren ulermena eta ahozko produkzioa eta elkarrekintza bereziki indartu behar dira bai mezu profesionaletan bai arruntetan. Izan ere, gero eta gehiago dira ingelesa komunikazio hizkuntza gisa erabiltzen duten beste nazio batzuetako bezeroak/turistak. Horren ondorioz, hizkuntza hori jakitea ezinbestekoa da eta, beraz, ostalaritza eremuko profesionalei eskatu beharreko beste faktore bat da. Trebetasun horiek bigarren mailan ematen den ingeleseko moduluan sakontzeko izanen dira, eta sektoreko etorkizuneko hizkuntza gaitasunerako beharrezko pausutzat hartzen dira.
Baliabideak erabiltzeari dagokionez, informazioaren teknologiak -batik bat Internet eta posta elektronikoa- oso erreminta baliotsuak dira, ikasleak komunikazio egoera errealetan jartzeko; izan ere, horietako gehienak, gaur egun, enpresaren barruan zein kanpoan gertatzen dira, euskarri informatikoan. Horretarako beharrezkoa da teknologia horiek eraginkortasunez erabiltzea. Era berean, hor azaltzen da, jakina, titulu honetako gainerako modulu teknikoekin koordinatu beharra, ikasgelan erabiliko diren egiazko materialen iturri baitira.
Arreta jarri behar zaion beste kontu bat gaitasun soziolinguistikoen garapena da, gaitasun horiek irakaskuntza-ikaskuntzako prozesu osoa kutsatu behar baitute. Garrantzitsua da, prestakuntza helburudun honen esparruan, bermatu ahal izatea ikasleek badakizkitela hizkuntza erabiltzeko konbentzioak, adeitasunezko arauak, erregistro desberdinak eta horiek behar bezala erabiltzearen garrantzia, eta, oro har, ingelesa ama hizkuntza duten herrien idiosinkrasia ongien definitzen duten ezaugarri kulturalak.
Ebaluazioari dagokionez, iradokitzen da prozesu horren ardatza izan dadila ikustea nola baliatzen dituzten ikasleek beren hizkuntza ezagutzak eta trebetasunak eta zenbateko gaitasuna duten komunikaziorako estrategia desberdinak erabiltzeko. Helburu horri begira seinalatu dira modulu honetako ebaluazio irizpideak eta, ildo berean, hizkuntzetarako Europako Erreferentzia Esparrua oso bitarteko baliotsua izan daiteke ebaluazio erremintak diseinatzeko.
Lanbide modulua: Jatetxe arloko komunikazio teknikak.
Kodea: 0155.
Iraupena: 60 ordu.
Ikaskuntzaren emaitzak eta ebaluazio irizpideak.
1. Bezeroek eskatutako informazioa eskaintzen du, komunikazio teknikak eta trebetasun sozialekoak ezagutu eta aplikatuta.
Ebaluazio irizpideak:
a) Pertsonen arteko harremanetan adeitasun arauak deskribatu eta baloratu ditu.
b) Txukuntasuna eta zuzentasuna baloratu ditu, hala janzkeran nola gorputz-irudian, bezeroen arretarako funtsezko elementutzat jo ditu-eta.
c) Balizko bezeroen portaera aztertu du.
d) Jarrera eta diskurtsoa abiapuntuko egoerari egokitu dizkio, egokiro.
e) Bezero izan daitezkeenen beharrezko informazioa lortu du informazioa berehala eskaintzeko, eta beharrezko azalpenak eman ditu mezua zuzen interpreta dadin.
f) Elkarrizketa izan du, formulak, merkataritzako hiztegia eta komunikazio loturak erabilita (argibideak eskatzea, informazioa eskatzea, norbaiti errepikatzeko eskatzea eta beste hainbat).
g) Lanbide jarduerarekin erlazionatutako idatzizko mezuak argi eta zuzen sortu eta interpretatu ditu.
h) Protokolo tratamendua eta bezeroen arretarako barne arauak aintzat hartu ditu.
i) Besteekin jarrera adiskidetzailea eta sentikorra izan du, eta amultsutasuna eta adeitasuna erakutsi ditu tratuan.
j) Bezeroekiko komunikazioa haien leialtasuna lortzeko bitarteko gisa baloratu du.
2. Bezero izan daitekeenari zerbitzuaren aukerak jakinarazten dizkio, eta aukera horiek ikuspuntu teknikotik justifikatzen ditu.
Ebaluazio irizpideak:
a) Elikagaiak eta edariak saltzeko teknikak identifikatu ditu, eta hainbat bezero motari, jatetxe arloko formulei eta zerbitzatzekoei aplikatzea balioetsi du.
b) Publiko tipologiak aztertu ditu.
c) Bezeroak hornitzaileengandik eta horiek publiko orokorrarengandik bereizi ditu.
d) Zerbitzuaren berezko komunikazio terminologia oinarrizkoa ezagutu du.
e) Informazioa eta publizitatea bereizi ditu.
f) Erantzunak publikoaren galderen arabera egokitu ditu.
g) Elikagaiak eta edariak kontsumitzeko establezimenduetan ematen diren informazio eskarien motarik ohikoenak bereizi ditu.
3. Jatetxe arloan protokoloa aplikatzen du, eta egindako zerbitzua horren diseinu eta antolamenduarekin erlazionatzen du.
Ebaluazio irizpideak:
a) Jatetxe arloan protokoloa osatzen duten elementuak definitu ditu.
b) Protokolo ekitaldien diseinuaren eta plangintzaren ezaugarriak azaldu ditu.
c) Ekitaldiaren programa ezagutu du eta garatuko den zerbitzuarekin erlazionatu du.
d) Ekitaldietan mahaiburutza protokolo bidez ezarri du.
e) Bezeroak garatu beharreko ekitaldi motaren arabera antolatzeko sistemen ezaugarriak azaldu ditu.
f) Irudi korporatiboaren garrantzia baloratu du.
4. Balizko bezeroen erreklamazio, kexa edo iradokizunei erantzuteko teknikak aplikatzen ditu, jarduteko protokoloa ezagutu eta aplikatuta.
Ebaluazio irizpideak:
a) Erreklamazio formalaren aldez aurreko objekzioa edo iradokizuna konpontzeko aukerak identifikatu ditu.
b) Indarra duen legeriak erreklamazioei dagokienez azpimarratzen dituen alderdi nagusiak ezagutu ditu.
c) Hala gerta baledi, idatzizko erreklamazio bat aurkezteko beharrezkoak diren informazioa eta dokumentazioa eman dizkie bezeroei.
d) Bezeroek erreklamazio bat egiteko aurkeztu dituzten inprimakiak ezagutu ditu.
e) Erreklamazioari buruzko informazioa aurrez ezarritako hierarkia ordenaren arabera helarazi du.
f) Alderdien arteko gatazkak adostasunezko konponbide baten bitartez ebazteko simulazioa egin du, eta jarrera segurua, zuzena eta objektiboa erakutsi du.
Edukiak.
Bezeroak informatzea:
-Komunikazio prozesua. Elementuak.
-Hitzezko komunikazioa jatetxe arloan: ahozko eta idatzizko mezuak igortzea eta hartzea.
-Zerbitzuak egiteari lotutako oinarrizko dokumentazioa.
-Hitzik gabeko komunikazioa. Irudi pertsonala.
-Kultura-aniztasuna eta komunikazioa.
-Enpatia, harmena, asertibitatea.
-Eginkizunak, helburuak eta bezeroen eta profesionalaren arteko harremana.
-Arreta pertsonalizatua, bezeroen leialtasuna lortzeko oinarri.
-Jatetxe arloko prozesuetan bezeroen arreta zein garrantzitsua den aztertzea.
Produktuak eta zerbitzuak saltzea:
-Jatetxe arloko salmenta teknikak.
-Bezeroa. Bezero motak.
-Saltzailea. Ezaugarriak, eginkizunak eta jarrerak.
-Saltzeko eta salmenta garatzeko nolakotasunak eta gaitasunak.
-Produktu eta zerbitzuen nolakotasunak azaltzea.
-Jatetxe arloan salmenta prozesuan jarduteko eredua.
-Bezeroekiko harremanak.
Jatetxe arloan protokoloa aplikatzea:
-Protokolo ekitaldien motak eta helburuak.
-Jatetxe arloko protokolo elementuen definizioa.
-Protokolo ekitaldietako mahaiburutza motak.
-Gonbidatuak antolatzeko sistemak.
-Antolatu beharreko ekitaldiaren dokumentazioa.
-Irudi korporatiboa baloratzea.
Erreklamazioak, kexak edo iradokizunak jasotzea:
-Bezeroen objekzioak eta horien tratamendua. Erreklamazio, kexa eta iradokizunen arteko ezberdintasunak.
-Kexa, erreklamazio eta iradokizunek etengabeko hobekuntzaren elementu gisa duten garrantzia baloratzea.
-Erreklamazioen aurrean jarduteko erabiltzen diren teknikak.
-Erreklamazioen kudeaketa.
-Erreklamazio batean beharrezkoak diren dokumentuak edo frogak.
-Erreklamazioen kudeaketan tresna informatikoak erabiltzea.
-Kontsumitzailearen eta erabiltzailearen babesa Nafarroako Foru Komunitatean, Espainian eta Europar Batasunean.
Orientabide didaktikoak.
Modulu honek beharrezko prestakuntza dauka, bezeroarentzako arretarako, informazioa eta aholkularitza emateko, protokolo arauak garatu eta horien jarraipena egiteko eta kalitate prozesu eta protokoloak betetzeko eginkizunekin lotutako jarduerak egiteko.
Eginkizun horien artean, honako hauek daude: komunikazio teknika ezberdinak erabiltzea eta aplikatzea bezeroari informazioa eta aholkuak emateko zerbitzu prozesuetan, erakunde protokoloa aplikatzea hori behar duten ekitaldiak antolatzean, eta zerbitzuaren jarduerei lotutako kalitate prozesuak eta protokoloak garatzea eta gauzatzea.
Lanbidearen ezaugarriak direla-eta, oso garrantzitsuak dira langilearen gaitasun pertsonalak eta sozialak. Hori dela eta, alde teknikoak ez ezik, ikasleen lanbide eta giza kalitatea sustatzen duten balioak ere sustatu beharko lirateke.
Moduluaren prestakuntza jarduera mailakakoa izanen da: hasieran, informazioa emateko jardueran oinarritutako lan egitura, gero salmenta eta zerbitzuaren ondoko tratamendua, eta amaieran, balizko iradokizun, kexen eta erreklamazioen prozedura.
Komunikazio prozesuarekin hastea gomendatzen da, ikasleak gai izan behar direlako entzuteko garrantzia ulertzeko, kasu bakoitzean aurrean duen bezero mota ezagutu baino lehen.
Bezero motak ezagutu eta haien ezaugarriak azaldu ondoren, horri arreta egiteko prozesuari ekinen zaio, eta gatazkak agertzeko ondorioa duten edo izan dezaketen egoerak saihestu beharra nabarmenduko da.
Jarraian era askotako protokolo ekitaldiak antolatzeari eta diseinatzeari buruzko edukien blokearekin jarraitzea iradokitzen da, uneoro kalitate estandar batzuen barruan egonen dela. Ikasleei honako ideia helaraztea garrantzitsua da: Kalitatea eguneroko bizitzan dagoen zerbait gisa ulertu behar da, eta ez kontzeptu huts, adierazpen edo etorkizunean lortu beharreko zerbait gisa.
Amaitzeko, iradokizun, kexa eta erreklamazioen tratamendu eraginkorra lortzeko blokeari ekinen zaio, bezeroen gogobetetasun osoa lortzea lanbide modulu honen funtsezko alderdia baita. Blokea moduluaren amaieran izanen da eta bertan aurretik aipatutako blokeetan eskuratzen diren edukiak aplikatuko dira zuzenean edo zeharka.
Erabili beharreko baliabideei dagokienez, beharrezkoa da modulu honen izaera teoriko-praktikoa nabarmentzea. Beraz, komenigarria izanen litzateke ikasgelak bezeroei informazioa emateko simulagailuak aplikatzeko softwarea duten ordenagailuak izatea, ahozko eta idatzizko mezuak sortuta. Nolanahi ere, irakasleak ikasleak mezu distortsionatuak hartzera behartzen dituzten oztopoak ezarri beharko lituzke. Mezu horien bidez, komunikazioa zaila da eta erabaki txarrak har daitezke, eta ikasleek benetako egoeretara moldatzea ahalbidetzen duten hutsuneak eginen dituzte.
Modulu honetan lortu nahi diren helburuak ongi betetzeko, ondoko jarduera hauek egitea iradokitzen da, besteak beste:
-Era askotako protokolo ekitaldiak antolatzea eta diseinatzea.
-Ostalaritza eta turismo enpresen (adibidez, hotelak, jatetxeak, catering enpresak eta abar) aurrean egonda sortzen diren egoera ezberdinak proposatzea; egoera horiek mota guztietako ekitaldien ezaugarriak azaltzea ahalbidetuko dute, haien egitura eta barne antolamendua, dokumentuak eta berezitasunak zehaztuta.
-Protokolo ekitaldietan mahaiburutzak eta nagusitasunak zehaztea edo mahaikideak antolatzea funtsezko edukia izan behar da.
-Aretoak, guneak, banderak, altzariak, pertsonak, komunikabideak eta protokolo ekitaldi baten edozein partaide antolatzeko planoak eta grafikoak egitea.
-Behar bezala arrazoitutako egoeretan esku hartzeko metodoak praktikatzea, bezeroen leialtasuna lortzeko aukera diren aldetik erreklamazioak tratatzen ikasteko.
Gainera, komenigarria izanen litzateke irakasleek jarduera guztietan adieraztea etorkizuneko profesionalak bere jardueretan komunikazio ona, aparteko portaera eta janzkeraren eta hizkuntzaren xahutasuna agertu beharra.
Ebaluazioari dagokionez, garrantzitsua da dena ebaluatzea, bai arlo hauetan esku hartzeko oinarri teorikoak nola ikasi diren, baita ikasitakoa egoera praktikoetan esku-hartzeen analisiari eta diseinuari aplikatzeko gaitasuna ere. Halaber, garrantzitsua da jarreraren inguruko alderdiak ebaluatzea.
Horretarako, proba objektiboak ez ezik, ikasleak egindako lanak ere erabil daitezke, eta informazioaren eta baliabideen bilaketa, analisia eta sintesia, etab. Erabiltzen den prozedura edozein dela ere, beti, ahal dela, ebaluazioa ikasteko tresna erabilgarria izanen da (ebaluazio hezitzailea), eta ez bildumazko ebaluazio soila, batez ere jarreraren inguruko alderdiak ebaluatu behar direnean.
Prozedurarekin eta jarrerarekin zerikusia duten alderdiak ebaluatzeko, funtsezkoa da ikasleek gelan egin duten lanaren ebaluazioa edukitzea, bai eta ikasleak berak egindako gogoetazko autoebaluazioa ere.
Modulu honek lotura zuzena du zerbitzuaren eremuan (bai taberna-kafetegian bai jatetxean) jarduera dakarten modulu guztiekin eta batez ere era askotako ekitaldi bereziei lotutako zerbitzuen garapenarekin. Horregatik, modulu horiek ematen dituzten irakasleen arteko koordinazioa funtsezkoa izanen da, heziketa homogeneoa eta jarduteko irizpide berdinak bermatu behar direlako eta ikasleek hobeto ulertuko dutelako titulua osatzen duten eta, Jatetxe arloko Zerbitzuetako teknikariaren lanbide profila zehazteko orduan, ikuspegi globala eta bateratzailea ematen dioten lanbide moduluen artean dagoen erlazioa.
Lanbide modulua: Enpresa eta ekimena.
Kodea: 0158.
Iraupena: 60 ordu.
Ikaskuntzaren emaitzak eta ebaluazio irizpideak.
1. Ekimenari lotutako ahalmenak ezagutzen ditu, eta lanpostuetatik eta enpresa jardueretatik sortzen diren eskakizunak aztertzen ditu.
Ebaluazio irizpideak:
a) Aintzat hartu du banakako ekimenak, sormenak, prestakuntzak eta lankidetzak duten garrantzia, enplegatu gisa nahiz enpresaburu gisa ekinbideetan arrakasta lortzeko ezinbesteko baldintzak diren aldetik.
b) "Berrikuntza" eta "nazioartekotzea" kontzeptuak eta horiek gizartearen aurrerabidearekin eta pertsonen ongizatearen gehikuntzarekin duten lotura identifikatu ditu.
c) Ekimenaren kultura zer den eta enpleguaren eta gizarte ongizatearen iturri gisa zer-nolako garrantzia duen aztertu du.
d) Ostalaritzaren sektorean abiatzen den enpresaburu baten ekimenaren nondik norakoa aztertu du.
e) "Arriskua" kontzeptua aztertu du, ekimen ororen ezinbesteko osagai gisa, eta enpresa plan baten bitartez arriskua gutxitzeko aukera ere bai.
f) "Enpresaburua" kontzeptua eta enpresa jarduera garatzeko behar diren baldintzak eta jarrerak aztertu ditu.
2. Enpresa txiki bat sortzeko aukera definitzen du, ingurunearen gaineko eragina baloratuz eta balio etikoak kontuan hartuz.
Ebaluazio irizpideak:
a) Jatetxe arloko negozio-ideia zehatz bat definitu du, abiapuntutzat hartuko dena enpresa plana egiteko.
b) Enpresaren ingurune orokorraren osagai nagusiak identifikatu ditu; bereziki, ingurune ekonomikoa, soziala, demografikoa, kulturala, politikoa, legezkoa, teknologikoa eta nazioartekoa.
c) Negozio-ideiaren egokitasuna, ase gabeko beharrak, ideiak dakarren berrikuntza edo hobekuntza, merkatuan bete nahi den nitxoa edo hutsunea eta ideiaren esparru den sektorearen prospektiba baloratu ditu, hori guztia enpresa plana egiteko abiapuntu izanen baita.
d) Aztertu du ea enpresaren jardueran zer-nolako eragina duten enpresak erabiltzaileekin, hornitzaileekin, lehiakideekin eta bitartekariekin dituen harremanek, horiek baitira berariazko ingurunearen edo mikroingurunearen osagai nagusiak.
e) Ostalaritza arloko ETE (enpresa txiki edo ertain) batek bere mikroingurunean eta makroingurunean dituen mehatxuak eta aukerak identifikatu ditu, AMIA (ahuleziak, mehatxuak, indarrak eta aukerak) azterketa baten barnean.
f) Enpresa-kultura eta irudi korporatiboa zer diren eta enpresaren helburuei nola dauden loturik aztertu du.
g) Enpresen erantzukizun sozialaren fenomenoa eta enpresaren estrategiaren osagai gisa duen garrantzia aztertu ditu.
h) Jatetxe arloko enpresa baten balantze soziala egin du eta enpresa horien kostu sozial nagusiak deskribatu ditu, bai eta sortzen dituzten onura sozialak ere.
i) Jatetxe arloko enpresetan, balio etiko eta sozialak kontuan hartzen dituzten praktika onak identifikatu ditu.
j) Enpresaren estrategia deskribatu du, enpresaren helburuekin lotuz, eta marketin plana zehaztu du.
3. Produkzioaren, antolaketaren eta giza baliabideen plana egiten du enpresarentzat, eta bideragarritasun ekonomiko eta finantzarioaren azterlana ere bai.
Ebaluazio irizpideak:
a) Enpresa bateko oinarrizko eginkizunak deskribatu ditu, eta "sistema" kontzeptua aztertu du enpresari aplikatuta.
b) Fase hauek definitu ditu: produkzioa edo zerbitzua, produkziorako estrategiak eta kalitaterako estrategiak.
c) Ikerketa, garapen eta berrikuntza (I+G+B) arloko ekintzen beharra baloratu du.
d) Antolaketaren eta langileriaren eredua definitu du, produkzioaren edo zerbitzuaren beharrak edo/eta merkatuaren eskakizunak kontuan harturik.
e) Horniduraren funtsezko alderdiak definitu ditu: hornitzaileak aukeratzea eta materialak aukeratzea.
f) Jarduerarako egin behar diren inbertsioak identifikatu eta baloratu ditu, bai eta finantzabideak ere.
g) Ostalaritza arloko ETE baten bideragarritasun ekonomiko eta finantzarioaren azterlana egin du.
h) Kontabilitateko oinarrizko kontzeptuak aztertu ditu.
i) Kontabilitateko informazioa aztertzeko oinarrizko teknikak deskribatu ditu, batez ere enpresaren kaudimenari, likideziari eta errentagarritasunari dagokienez.
j) Ahuleziak eta indarrak aztertu ditu, AMIA azterketa osatuz.
k) Produkzio planaren inguruko guztia eta bideragarritasun ekonomiko-finantzarioaren gaineko azterlana enpresa planean sartu ditu.
l) Ostalaritza arloko ETE bat sortzeko erabakia aurrera eramatearen egokitasuna baloratu du.
4. Jatetxe arloko enpresa bat sortu eta abian jartzeko urratsak egiten ditu, forma juridikoa hautatuz eta hari lotutako legezko betebeharrak identifikatuz.
Ebaluazio irizpideak:
a) Enpresaren forma juridiko guztiak aztertu ditu.
b) Enpresaren jabeek, hautaturiko forma juridikoaren arabera, zenbaterainoko lege-erantzukizuna duten zehaztu du.
c) Enpresaren forma juridiko desberdinetarako ezarritako tratamendu fiskalak bereizi ditu.
d) Indarra duen legediak ETE bat eratzeko eskatzen dituen izapideak aztertu ditu.
e) Erreferentziako tokian ostalaritza enpresak sortzeko eskuratzen ahal diren laguntza guzti-guztien bilaketa egin da.
f) Forma juridikoaren hautapena, administrazio tramiteak, laguntzak eta diru-laguntzak enpresa planean sartu ditu.
g) ETE bat abian jartzeko aholkularitza eta kudeaketa administratiboa enpresatik kanpo lortzeko bideak identifikatu ditu.
5. ETE baten kudeaketa administratibo eta finantzarioko oinarrizko jarduerak egiten ditu, kontabilitate eta zerga betebehar nagusiak identifikatzen ditu eta agiriak betetzen ditu.
Ebaluazio irizpideak:
a) Kontabilitateko informazioa erregistratzeko teknikak aztertu ditu.
b) Jatetxe arloko enpresa baten zerga betebeharrak definitu ditu.
c) Zerga egutegiko zerga motak bereizi ditu.
d) Jatetxe arloko ETE batentzat merkataritzako eta kontabilitateko oinarrizko agiriak bete ditu (fakturak, albaranak, eskabide orriak, kanbio letrak, txekeak eta beste batzuk), eta agiri horiek enpresan egiten dituzten zirkuituak deskribatu ditu.
Edukiak.
Enpresa ekimena:
-Berrikuntza eta garapen ekonomikoa. Berrikuntzaren ezaugarri nagusiak jatetxe arloan.
-Kultura ekintzailea, gizartearen behar gisa.
-Ekintzaileen gako-faktoreak: ekimena, sormena eta prestakuntza.
-Ekintzaileen jarduna, ostalaritza arloko ETE bateko enpresaburu eta enplegatu gisa.
-Ekimenaren arriskua.
-"Enpresaburua" kontzeptua. Enpresa jarduerarako baldintzak. Izaera ekintzailea.
Enpresa eta bere ingurunea:
-Enpresa plana: negozio-ideia ostalaritzaren arloan.
-Ostalaritza arloko ETE baten ingurune orokorraren eta berariazkoaren azterketa.
-Jatetxe arloko ETE batek bere ingurunearekin eta gizarte osoarekin dituen harremanak.
-Enpresa nazioartean. Europar Batasunean askatasunez kokatzeko eskubidea.
-AMIA azterketa: mehatxuak eta aukerak.
-Marketin plana.
Enpresako produkzioaren, antolaketaren eta giza baliabideen plana, eta bideragarritasun ekonomiko eta finantzarioaren azterlana:
-Enpresa, sistema gisa. Enpresaren oinarrizko eginkizunak.
-Produkzio prozesuaren edo zerbitzuaren deskribapen teknikoa. Giza baliabideak.
-Ostalaritza arloko ETE baten bideragarritasun ekonomikoa eta bideragarritasun finantzarioa.
-"Kontabilitatea" kontzeptua eta oinarrizko alderdiak.
-Kontabilitateko informazioa aztertzea.
-AMIA azterketa: ahuleziak eta indarrak.
-Enpresa plana: produkzio plana, bideragarritasun ekonomiko eta finantzarioaren azterlana.
Enpresa bat sortu eta abian jartzea:
-Enpresa motak. Forma juridikoak. Frankiziak.
-Forma juridikoa hautatzea.
-Fiskalitatea enpresetan: Nafarroako Foru Komunitateko zerga sistemaren berezitasunak.
-Enpresa bat eratzeko administrazio tramiteak.
-Enpresa bat eratzeko aholku ematen duten erakundeak.
-Enpresa plana: forma juridikoaren hautapena, administrazio tramiteak, eta laguntzen eta diru-laguntzen kudeaketa.
Administrazio eginkizunak:
-Kontabilitate eragiketak: enpresaren informazio ekonomikoaren erregistroa.
-Enpresen zerga betebeharrak.
-Agiri ofizialak aurkezteko baldintzak eta epeak.
-Ostalaritzaren arloko enpresa baten kudeaketa administratiboa.
Orientabide didaktikoak.
Modulu honen bidez ikasleek oinarrizko trebetasunak lortzen dituzte beren ekimena garatzeko enpresaren esparruan, hala autoenpleguan nola inoren konturako lanean erantzukizunak eta eginkizunak beren gain hartzeko garaian.
Metodologia teoriko-praktikoa erabili behar litzateke, azken horretan irakaskuntza-ikaskuntzako prozesu osoa bereziki azpimarratuz, ondokoak direla medio:
-Ostalaritzaren sektoreari buruzko informazio iturriak erabiltzea.
-Kasu praktikoen eta talde-dinamiken bitartez, ekintzaileen jarrerak ulertu eta baloratzea, eta ostalaritzaren sektorean haien beharra norainokoa den zehaztea.
-Enpresaburuekin, enpresa elkarte eta sindikatuen ordezkariekin eta administrazioekin harremanak izatea, jarduera osagarrien bidez (solasaldiak, bisitak, etab.), ikasleen espiritu ekintzailea eta sektorearen ezagutza sustatzeko.
-Sektoreko ETEentzako kudeaketa administratiboko programak erabiltzea.
-Ostalaritzaren sektorearekin zerikusia duen enpresa plan baten proiektua egitea, negozioa abian jartzearen alderdi guztiak biltzen dituena: bideragarritasuna, produkzioaren eta giza baliabideen antolaketa, merkataritzako ekintza, administrazio eta finantza kontrola, eta erantzukizun sozialaren justifikazioa.
"Enpresa eta ekimena" moduluaren garapenean edukiek duten hurrenkera sekuentziazio irizpide logikoen ondorio da, eta honela banatu liteke ikasturteko hiru hiruhilekoen artean:
-Ikasleek ez dute ezagutzen lan eginen duten sektorearen errealitatea. Horregatik, hasierako jarduerek sektore horretara hurbildu behar dituzte eta lanbide jardueran behar diren ekintzarako gaitasunak zein diren erakutsi behar diete.
-Hurrengo urratsean, ikasleei negozioaren ideia definitzeko erronka ezartzen ahal zaie. Horretarako, inguruko mehatxuak eta aukerak baloratu behar dituzte eta enpresaren helburuak planteatu, bai eta horiek lortzeko estrategiak eta ekintzak ere.
-Helburuak eta horiek lortzeko bideak definiturik, ikasleek enpresa plana egin dezakete, enpresa eratzeko prozesuan aurrera jarraitu ala ez erabakitzeko.
-Aurrera eginez gero, ikasleek enpresarentzako forma juridiko egokiena hautatzearekin zerikusia duten jarduerak egin behar lituzkete, eta enpresaren kudeaketa administratiboari dagozkion alderdi nagusiak ezagutu.
Modulu honetako ikaskuntzaren emaitzak lortzeko askotariko jarduerak daude aukeran. Hona hemen batzuk:
-Autodiagnostikorako hainbat motatako testak egitea, ondokoak baloratzeko: negozio-ideiaren inguruko proiektuaren heldutasun maila, ekintzaile baten gaitasun eta trebetasun orokorrak, eta produktua edo zerbitzua salduko den merkatuari buruzko ezagutza.
-Bai enpresa barnean bai gizarte ingurunean praktika onak aplikatzeari buruz ikertzea.
-Enpresa plana egitea, ondoko jarduketen bitartez:
Planaren helburuak ezartzea.
Ekintzailearen gaitasunak eta kualifikazioak identifikatzea enpresa proiektuari dagokionez. Behar izanez gero, prestakuntza planifikatzea.
Produktuaren edo zerbitzuaren oinarrizko ezaugarriak, asetzen dituen beharrak, berezitasunak, xede duen merkatua, bezeroengana iristeko erabiliko diren bideak eta beste datu interesgarri batzuk deskribatzea.
Merkatuaren azterketa egitea: eskariaren analisirako inkesta prestatzea eta lortzen diren datuak aztertzea. Inguruko lehia aztertzea. Produktu edo zerbitzu bera merkaturatzen duten enpresen zerrenda eta konparazio-azterketa egitea.
Marketin plana egitea, banaketa bideak, prezio politikak eta sustapen estrategiak azalduz.
Produkzio prozesua diseinatzea: beharko diren azpiegitura eta instalazioen azterlana egitea, fabrikazioaren edo zerbitzuaren prozesua diseinatzea, horniduraren aurreikuspena egitea eta izakinak baloratzeko metodo desberdinekin ariketak egitea.
Egindako proiektuaren arabera enpresan beharko diren lanpostuak identifikatzea, bakoitzaren eginkizunak azaltzea eta hori guztia grafikoki adieraztea organigrama batean.
Hasierako inbertsioa osatzen ahal duten oinarrizko kontzeptuak eta horiek finantzatzeko eskura dauden bideak jakinik, haien aurreikuspena egitea, proposaturiko enpresa proiektuaren beharrak asetzeko.
Salerosketa kasuak garatzea, enpresa jarduerarako oinarrizko agiriak erabiliz: eskabidea, albarana, faktura, txekea, ordainagiria eta kanbio letra.
Emaitza desberdinak dituzten egoera-balantzeak aztertzea.
Zailtasun maila desberdinetako egoera-balantzeak egin eta finantza-adierazleen bitartez aztertzea.
AMIA sistemaren bidez zenbait egoera aztertzea, gero sistema hori enpresa proiektuari aplikatzeko.
-Forma juridiko bakoitzaren alde onak eta txarrak identifikatzea, prestatu den enpresa proiektuari aplikatzeko.
-Enpresa planean eragina duten eraketa eta administrazio tramite berariazkoak eta orokorrak banan-banan azaltzea.
-Nahitaezkoak diren kontabilitate eta zerga betebeharrak identifikatzea.
-Zergen arloan Estatuko arauek Nafarroako Foru Komunitatekoekin dituzten desberdintasunak azaltzea.
Modulu honen edukietarako ikus-entzunezko baliabideak edo/eta Internet erabilita, ikaskuntza-irakaskuntzako prozesua azkarragoa eta eraginkorragoa izanen da. Pixkanaka ikasleek beren kabuz ebazten ahalko dituzte proposatzen zaizkien jarduketak eta egoerak.
Gomendagarria da, halaber, ikasleak taldekatzearen teknika erabiltzea proposaturiko jarduerak egiteko eta, kasua bada, azalpen jarduerak egiteko. Teknika horrek talde-lanaren estrategiak aplikatzea ahalbidetuko luke. Estrategia horiek aztergai izanen dira "Lanerako prestakuntza eta orientazioa" moduluan.
Bestalde, "Lanerako prestakuntza eta orientazioa" eta "Enpresa eta ekimena" moduluek elkarrekin lotura estua dute, lanpostuen deskribapena, kontratuak, hitzarmen kolektiboak, nominak, gastu sozialak eta beste gai batzuk azaltzen dituzten edukietan, hain zuzen ere. Hortaz, bikoiztasunak saihestearren, bi lanbide modulu horiek ematen dituzten irakasleen arteko koordinazioa beharrezkoa litzateke.
Azkenik, komenigarria litzateke koordinazioa izatea "Enpresa eta ekimena" moduluko irakasleen eta irakasle teknikoen artean, ondoko gaietan, adibidez:
-Enpresaburuekin harremanak izatea, ikasleek hurbiletik ezagutu ahal izateko beren prestakuntzaren helburu den eta ziur aski lana emanen dien sektorearen errealitatea.
-Ikasleek enpresa plana egiteko eskatzen dituzten datuak ematea: produkzio prozesua, instalazioa, enpresa hornitzaileen zerrendak, materialen prezioak eta beste batzuk.
Modulua: Eskaintza gastronomikoak.
Kodea: 0045.
Iraupena: 70 ordu.
Ikaskuntzaren emaitzak eta ebaluazio irizpideak.
1. Jatetxe arloko enpresak sailkatzen ditu haien tipologia eta ezaugarriak aztertuta.
Ebaluazio irizpideak:
a) Establezimendu motak identifikatu ditu.
b) Jatetxe arloan dauden formulak deskribatu ditu.
c) Jatetxe arloan gaur egun dauden joerak identifikatu ditu.
d) Sailak, horien funtzioak eta lanpostuak bereizi ditu.
e) Sailen arteko harremanak ezagutu ditu.
f) Sail eta lanpostuei lotutako agiriak identifikatu ditu.
2. Elikagaien oinarrizko propietate dietetikoak eta nutrizionalak interpretatzen ditu eta eskaintzen aukerekin erlazionatzen ditu.
Ebaluazio irizpideak:
a) Elikagai taldeak bereizi ditu.
b) Biomolekulak eta beste zenbait mantenugai identifikatu ditu.
c) Giza organismoaren nutrizio premiak ezagutu ditu.
d) Ereduzko dietak deskribatu ditu.
e) Dieta mediterraneoaren osasunerako balioak ezagutu ditu.
f) Elikadura behar berezietarako dieten ezaugarriak azaldu ditu.
3. Eskaintza gastronomikoak zehazten ditu eta haien ezaugarriak bereizten ditu.
Ebaluazio irizpideak:
a) Eskaintzak jatetxe arloan dauden formulekin erlazionatu ditu.
b) Eskaintza mota nagusiak bereizi ditu.
c) Bezeroen ezaugarriak eta premiak kontuan hartu ditu.
d) Erabilgarri dauden giza baliabideak eta baliabide materialak baloratu ditu.
e) Nutrizio-orekaren araberako irizpideak aplikatu ditu.
f) Urtaroa eta establezimenduaren kokalekua kontuan hartu ditu.
g) Eskaintzaren barne-oreka egiaztatu eta baloratu du.
h) Eskaintza aldatzeko eta txandakatzeko premiak definitu ditu.
i) Sukaldaritzako eta/edo pastelgintzako/gozogintzako produktuak hautatu ditu, eskaintza motarako egokitasuna ezagututa.
4. Eskaintzaren kostu osoak kalkulatzen ditu, kostuok osatzen dituzten aldagai guztiak aztertuta.
Ebaluazio irizpideak:
a) Kostuen kalkuluari lotutako dokumentazioa identifikatu du.
b) Eskaintzaren kostuan eragiten duten aldagaiak identifikatu ditu.
c) Lehengaien errendimenduari, lehengaien kostu-dokumentuari eta sukaldaritzako elaborazioen balorazioari buruzko dokumentazioa behar bezala interpretatu du.
d) Sukaldaritzako eta/edo pastelgintzako/gozogintzako elaborazioen kostuak baloratu eta zehaztu ditu.
e) Dokumentazio berariazkoa bete du.
f) Prezioak finkatzeko metodoak ezagutu ditu.
g) Kostu finkoak eta aldakorrak bereizi ditu.
h) Eskaintza gastronomikoaren prezioak finkatzeko eragiketak egin ditu.
i) Eskura dauden bulegotika baliabideak behar bezala erabili ditu.
Edukiak.
Jatetxe arloko enpresen antolaketa:
-Jatetxe arloko enpresen sailkapena.
-Establezimendu motak eta jatetxe arloko formulak.
-Jatetxe arloko egungo joerak.
-Sailen arteko harremanak. Dokumentuen zirkuituak.
-Taldeko kideen gaitasunak eta jarrerak baloratzea.
Elikagaien oinarrizko propietate dietetikoak eta nutrizionalak interpretatzea:
-Elikagaien osaera.
-Mantenugaien funtzioa eta degradazioa.
-Nutrizio-premiak.
-Ereduzko dietak. Dieta mediterraneoa.
-Elikadura behar bereziak dituzten pertsonentzako dietak: zeliakoak, diabetikoak, gibeleko, urdaileko eta giltzurruneko gaitzak, hiesa eta ospitaleko beste dieta batzuk.
Eskaintza gastronomikoak zehaztea:
-Eskaintzen deskribapena, ezaugarriak eta motak.
-Eskaintzen osagaiak eta aldagaiak.
-Oinarrizko eskaintzak: menuak, kartak, buffetak eta bestelakoak. Deskribapena eta azterketa.
-Oinarrizko eskaintzak egitea eta emaitzak baloratzea.
Eskaintzaren kostu osoak kalkulatzea:
-Eskaintza gastronomikoen kostuak kalkulatzea.
-Salmenta prezioa. Osagaiak. Salmenta prezioa finkatzeko metodoak.
-Energia aurrezteko aukerak.
Orientabide didaktikoak.
Modulu teoriko-praktiko honen bidez ikasleek kontzeptuak produktu eta zerbitzuen eskaintza zehazteko lanari aplikatuko dizkiote, enpresaren tipologia, bezeroaren ezaugarriak eta elikagaien oinarrizko propietate dietetikoak eta nutrizionalak kontuan hartuta.
"Eskaintza gastronomikoak" moduluaren garapenean edukiek duten hurrenkera sekuentziazio irizpide logikoen ondorio da. Hala ere, bigarren mailan ematen den modulua denez, edukiak eta, ondorioz, lan unitateetako edukien antolaketa eta garapena bi ebaluaziotara doitu beharko direla gogoratu behar dugu.
"Eskaintza gastronomikoak" modulua eta "Enpresa eta ekimena" modulua elkarri estu lotuta daude, batik bat jatetxe arloko enpresen tipologiaren eta ezaugarrien analisiari eta azterketari dagokienez, eskura dauden giza baliabide eta baliabide materialen balorazioari dagokionez eta eskaintzaren kostu osoen kalkuluari dagokionez, horiek guztiak enpresa plana egiteko beharrezko edukiak dira eta.
Hala ere, zikloan irakasten diren gainerako moduluekiko beharrezko lotura ere azpimarratu behar da, bereziki elikagaien oinarrizko propietate dietetiko eta nutrizionalen interpretazioaren inguruan, baita nutrizio-orekaren araberako irizpideak eta bezeroen ezaugarriak aintzat hartuta eskaintza gastronomikoak zehaztearen inguruan ere.
Modulu hau batik bat teorikoa denez, baliteke irakastordu gehienak balio anitzeko gelan izatea; ahal dela, Interneterako sarbidea duen gela batean; izan ere, modulu honetako eduki guztiei ekiteko denbora urria denez eta gizarte aldaketak azkar gertatzen direnez, batez ere jatetxe arloko formulei eta gustu eta joeren aldaketei dagokienez, beharrezkoa izanen da, programako ikasgaiei buruzko informazio zabala eta eguneratua, arin eta doan, eskaintzen duten online baliabideetara jotzea.
Horiek horrela, Interneten erabilera banakako eta taldeko jarduerak egiteko oinarrizko tresna izanen da, eta aldi berean, ikerketa eta berrikuntza sustatzea eta Internet lan egiteko aukerak bilatzeko teknika gisa erabil dadin sustatzea lortuko litzateke.
Irakaskuntza-ikaskuntzako jarduerak hautatu, diseinatu eta sekuentziatzeko hurrengo irizpide hauek kontuan hartu beharko lirateke:
-Komenigarria litzateke ikasleei produkzio ingurunea eta elikadura behar bereziak dituzten pertsonen elkarteak ezagutzen laguntzea.
-Ikasleek aurretik dituzten ezagutzak aprobetxatu behar lituzkete, eta ikaskuntza funtzionalen garapenari lagunduko diote.
-Azalpen teorikoak, kontzeptuak eta informazioa ikaskuntzaren hastapen, garapen eta sendotze jarduerak egitearen zerbitzura egon beharko lirateke kasu praktikoen, banakako eta taldeko lanen, benetako arazoen ebazpenaren eta ikasleentzat motibagarriak diren beste gai batzuen bitartez.
Lanbide modulua: Taberna-kafetegiko zerbitzuak.
Kodea: 0152.
Iraupena: 180.
Ikaskuntzaren emaitzak eta ebaluazio irizpideak.
1. Taberna-kafetegian bezeroak zerbitzatzen ditu, eta eskaria zerbitzatu beharreko produktuekin erlazionatzen du.
Ebaluazio irizpideak:
a) Taberna-kafetegiko zerbitzuko langileen funtzio nagusiak identifikatu ditu.
b) Taberna-kafetegian bezeroak zerbitzatzeko oinarrizko hiztegia identifikatu du.
c) Bezeroak establezimendura iritsi direnean enpresa protokoloa aplikatuta egin die harrera.
d) Establezimenduko produktuak eta zerbitzuak bezero mota bakoitzaren eskaera eta premiekin erlazionatu ditu.
e) Salmenta teknikekin zerikusia duten bezeroen eskari inplizituak identifikatu ditu, eta establezimenduaren berezko produktuak iradoki dizkie eta, behar izanez gero, horien oinarrizko ezaugarriak azaldu dizkie.
f) Erantzuna eta zerbitzua bezeroen eskarietara eta tipologiara egokitu ditu, horien itxaropenak beteta gera daitezen.
g) Taldean lan egin du eta aurrez ezarritako protokoloei edo arauei jarraikiz garatu ditu zereginak.
h) Bezeroei eskaini nahi zaien kalitateari buruz ezarritako jarraibideak bete ditu.
i) Jarrera egokia izan du une oro.
j) Hainbat eratako erreklamazio, kexa edo iradokizunen aurrean jarduteko protokoloak identifikatu ditu.
2. Mota guztietako edari alkoholdunak zerbitzatzen ditu, ardoa izan ezik, eta horien ezaugarriak eta aurkezpena identifikatzen ditu.
Ebaluazio irizpideak:
a) Edari alkoholdun hartzituen, hartzitu eta destilatuen eta eratorrien -ardoa izan ezik- ezaugarriak azaldu ditu eta edariok sailkatu ditu.
b) Edari alkoholdunak -ardoa izan ezik- elaboratzeko prozesuak deskribatu ditu, eta edari alkoholdunen marka ohikoenak -ardoa izan ezik- eta aurkezpen eta ezaugarri komertzialak identifikatu ditu.
c) Edari alkoholdunak -ardoa izan ezik- prestatzeko eta zerbitzatzeko materiala erabili du.
d) Edariak multzo homogeneoen arabera zerbitzatzeko kokapena errespetatu du.
e) Likore proportzio egokiak errespetatu ditu motaren arabera.
f) Erabilitako materiala ordenatuta eta garbi jaso du.
g) Lanetan osasun eta higiene araudia, laneko segurtasunekoa eta ingurumena babestekoa kontuan hartu ditu.
3. Koktelak eta konbinatu alkoholdunak egiten ditu, eta horien formulazioa ezaugarriekin erlazionatzen du.
Ebaluazio irizpideak:
a) Koktelgintzarekin lotutako materiala eta lanabesak identifikatu ditu eta horien ezaugarriak definitu ditu.
b) Koktelak egiteko estazio zentrala prest jartzeko funtzioak gauzatu ditu.
c) Koktelak dekoratzeko erabiltzen diren jeneroak identifikatu ditu.
d) Koktel familien ezaugarriak identifikatu ditu.
e) Nazioarteko koktel nagusiak ezagutu ditu.
f) Koktelak egiteko lanabesak dotoretasunez maneiatu ditu.
g) Hainbat koktel egin ditu, eta eginkizun horretan formulazioa errespetatu du eta egoki erabili ditu beharrezko lanabesak.
h) Norberak elaboratutako koktelak sortu ditu.
i) Koktelak dekoratzeko eta akabera emateko teknikak aplikatu ditu.
j) Lanetan osasun eta higiene araudia, laneko segurtasunekoa eta ingurumena babestekoa kontuan hartu ditu.
4. Taberna-kafetegiaren berezko platerak eta janaurrekoak egiten ditu, sukaldaritzako teknikak ezagututa eta aplikatuta.
Ebaluazio irizpideak:
a) Taberna-kafetegiko zerbitzuaren sukaldaritzako eredu-elaborazioak definitu ditu.
b) Mota honetako elaborazioekin lotutako sukaldaritzako tekniken ezaugarriak azaldu ditu.
c) Platerak eta janaurrekoak egiteko lehengaiak pilatu ditu.
d) Elaborazioak egiteko makineria eta lanabesak prestatu ditu.
e) Zereginei ekin aurretik beharrezkoak diren elementu guztiak eskura daudela egiaztatu du.
f) Sukaldaritzako elaborazioak lortzeko lanak ezarritako prozedurei jarraikiz egin ditu.
g) Zerbitzatzeko tenperatura errespetatu du, eta elaborazioa eta zerbitzua koordinatu ditu.
h) Elaborazioak modu erakargarrian aurkeztu ditu, irizpide estetikoei jarraikiz.
i) Elikagaiak lehengoratzeko eta kontserbatzeko eragiketak egin dituenean tenperaturak errespetatu ditu eta ontzi egokiak erabili ditu.
j) Lanetan osasun eta higiene araudia, laneko segurtasunekoa eta ingurumena babestekoa kontuan hartu ditu.
5. Bezeroei eskainitako zerbitzuak fakturatu eta kobratu egiten ditu, eta faktura bat osatzen duten elementuak ezagutzen ditu.
Ebaluazio irizpideak:
a) Bezeroari kobratzeko moduak identifikatu ditu.
b) Zerbitzu eremu hauetan fakturatzeko eta kobratzeko prozesuen ezaugarriak azaldu ditu.
c) Faktura bete du, datu guztiak jarriz.
d) Fakturaren kobrantza egin du, ordaintzeko hainbat bide edo formula erabiliz.
e) Fakturazioa kudeaketa integratuko sistemekin erlazionatu du.
f) Fakturatutakoa eta zerbitzatutakoa bat datozela egiaztatu du.
g) Dirua itzultzeko edo aldatzeko eragiketak behar bezala egin ditu.
Edukiak.
Taberna-kafetegian bezeroak zerbitzatzea:
-Taberna-kafetegian bezeroei harrera egiteko, egonaldia ahalbidetzeko eta agur esateko prozedurak.
-Hitzik gabeko komunikazioa, bezeroei arreta egiteko modalitatea den aldetik.
-Taberna-kafetegian eskaintza aurkeztea. Produktuak eta zerbitzuak erakusgai jartzea, bezeroen eskari eta itxaropenei erantzutea, iradokizunak aintzat hartzea eta eskaintza egokitzea.
-Iradokizunak, kexak eta/edo erreklamazioak.
Edari alkoholdunak -ardoa izan ezik- zerbitzatzea:
-Pattarrak eta likoreak. Ohiko elaborazio prozesuen ezaugarriak azaltzea. Destilazioa, oinarrizko printzipioak eta alanbike motak.
-Pattarren eta likoreen arteko funtsezko ezberdintasunak.
-Merkataritza-aurkezpena. Identifikazioa eta ezaugarriak.
-Prestatzeko oinarrizko arauak.
-Gauzatzeko prozedurak.
Koktelak eta konbinatu alkoholdunak egitea:
-Koktelak. Koktelak: definizioa, jatorria eta bilakaera.
-Koktelgintzan bereziki erabiltzen diren materialak eta lanabesak.
-Koktelgintzako zerbitzu aurrekoa. Estazio zentrala muntatzea eta prest jartzea.
-Dekoratzeko/aurkezteko ohiko elementuak.
-Koktelak egiteko oinarrizko arauak.
-Koktelgintza sailak identifikatzea.
-Koktelak eta bestelako konbinatuak prestatzea, dekoratzea, aurkeztea eta zerbitzatzea.
-Nazioarteko errezetak eta koktelgintzaren joera berriak.
Taberna-kafetegiaren berezko platerak eta janaurrekoak egitea:
-Taberna-kafetegiaren esparruan elikagaiak prestatzeko eremuetako makineria, ontziteria, lanabes eta erreminta espezifikoak.
-Eremu hauetan erabili ohi diren lehengaiak.
-"Navarra" jatorrizko deitura duten produktuak oinarri hartuta, platerak, janaurrekoak eta "pintxoak" prestatzea.
-Elikagaiak kontserbatzeko eta lehengoratzeko prozedurak.
-Erlazionatutako dokumentazioa.
-Taberna-kafetegiaren esparruan elikagaiak prestatzeko eremuak prest jartzea.
-Lehengaiak aurrez elaboratzeko, lehengoratzeko eta kontserbatzeko eragiketak.
-Taberna-kafetegiaren berezko sukaldaritzako produktuak elaboratzea.
-Eremu horretako berezko sukaldaritzako produktuak dekoratzeko, aurkezteko eta zerbitzatzeko oinarrizko prozedurak.
-Taberna-kafetegiaren eremuko berezko elikagaiak eta sukaldaritzako produktuak erakustea.
-Oinarrrizko segurtasun eta higiene arauak aplikatzea, taberna-kafetegiaren berezko elikagaiak eta sukaldaritzako produktuak elaboratu eta erakustean.
Zerbitzuak fakturatzea eta kobratzea:
-Fakturatzeko prozesuak.
-Faktura definitzea eta prestatzea. Fakturaren funtsezko kontzeptuak.
-Laguntzeko materialak eta fakturazioaren berezko dokumentuak.
-Kobratzeko sistemak.
-Fakturatzeko eta kobratzeko prozedurak.
-Kutxa ixteko prozedurak.
-Erlazionatutako aplikazio informatikoak. ST (saltokiko terminalak)
Orientabide didaktikoak.
Lanbide modulu honek ikasleek taberna-kafetegiaren eremu ezberdinetan zerbitzariaren eta tabernariaren funtzioak egitea du funtsezko helburua.
Eginkizun horiek honelako alderdiak biltzen dituzte: bezeroen aurrean jarduteko protokoloen ezaugarriak azaltzea eta zerbitzua horiek eskatzen dituzten itxaropen eta beharrizanetara egokitzea; edari alkoholdun hartzituak, hartzitu-destilatuak eta eratorriak -ardoa izan ezik- identifikatzea eta haien ezaugarriak azaltzea, eta horiek elaboratzeko eta zerbitzatzeko prozedurak garatzea; elikagaiak prestatzeko eta manipulatzeko eremuetan prest jartzeko eragiketen ezaugarriak azaltzea eta eragiketok garatzea, eta horiek kontserbatzeko eta/edo lehengoratzeko prozesu adierazgarriak; taberna-kafetegiaren eremuetako berezko platerak eta janaurrekoak elaboratzeko eta aurkezteko sukaldaritzako teknikak ezagutzea eta aplikatzea; eta kobratzeko eta fakturatzeko sistemak identifikatzea eta garatzea, baita kudeaketa sistema integratuekin erlazionatzea eta horietan aplikatzea ere.
Egokientzat proposatzen den edukien sekuentziazioa, hain zuzen ere edukien atalean ezarritako ordena bera da, eta kontzeptu-prozedurazko bost multzotan antolaturik dago; multzoak taberna-kafetegiaren eremu ezberdinetako elaborazioei eta horiek zerbitzatzeari buruzkoak dira.
Lanaren lehen zatian, irakasleek bezeroei arreta egiteari, erabili ohi diren lehengaiei eta makineria eta guneei lotutako prozesu guztiak aztertu behar dituzte ikasleekin.
Ikasleek eduki horiek berenganatu ondoren, sortzeko eta zerbitzatzeko oinarrizko eginkizunei lotutakoak aztertuko dira, hau da, irakasleek arreta jarriko dute koktelgintzako elaborazioak eta taberna-kafetegiaren eremuko berezko platerak eta janaurrekoak prestatzeko lanean.
Azkenik, modulu honetako edukien azken blokea zerbitzuak fakturatzeko eta kobratzeko eragiketei buruzkoa da.
Erabili beharreko baliabideei dagokienez, beharrezkoa da modulu honen izaera prozedurazkoa eta praktikoa nabarmentzea, funtsean bulego-tailerretan garatzea dakarrena. Dena den, erabilera anitzeko gelan hainbat ordu eman behar dira azalpen teorikoetarako eta prozesuen azterketarako, eta ordenagailuak eta jatetxe batean biltegia kudeatzeko berariazko programak dituen gela ere behar da.
Gainera, ahal den neurrian, praktikak egin beharko lirateke benetako edo alegiazko lan ingurune batean, ikasleek moduluko edukiak eta heziketa zikloko gainerako moduluetakoak batera ditzaten eta, horrela, tituluaren ikuspegi globala har dezaten, horrek hezkuntza balio handia dakarrela.
Deskribatutako edukiak lortzeko egokitzat jotzen diren jarduerak bat etorriko dira irakaskuntza-ikaskuntzako prozesuan ezarritako jarduketa ildoekin; ildo horiek moduluaren helburuak lortzea ahalbidetuko dute. Jarduera horien artean, honako hauek nabarmenduko dira:
-Taberna-kafetegian bezeroak zerbitzatzea.
-Taberna-kafetegian gosariak egitea eta zerbitzatzea.
-Edariak prestatzea eta zerbitzatzea.
-Edari alkoholdunak, koktelak eta konbinatu alkoholdunak elaboratzea.
-Taberna-kafetegiaren berezko platerak elaboratzea eta zerbitzatzea.
Edari alkoholdunak zerbitzatzeari buruz lortu behar diren emaitzei dagokienez, lanak arreta jarri beharko du ebaluazio irizpideetan, horietan ikasleek edariak identifikatu, deskribatu, ezaugarriak azaldu eta gauzatzen ahal dituztela. Laburbilduz, ikasleek beharrezko elementuak izan behar dituzte deskribatutako prozesuen arabera elaborazioak egiteko, eta lortutako emaitzak bereizten jakin behar dute.
Moduluaren izaera praktikoa kontuan hartuta, egokia izanen litzateke irakasleek baliabideak proposatzea (adibidez, dastatzea, prestatzeko praktikei lotutakoa), edari ezberdinak ezagutzeko alternatiba gisa. Halaber, elaboratzeko prozesuak ezagutzeko alternatiba lanbide modulu honetan eginen da, edariak sailkatzen edo katalogatzen ikasteko asmoz, edari multzo guztiei, horiek prestatzeari eta zerbitzatzeari buruzko ezagutzak osatuta.
Halaber, komenigarria da moduluaren barnean prestakuntza ematen den bitartean, ikasleengan jarduketa arduratsua bultzatzea hurrengo arloetan, irakasleen jarrera profesionalaren ondorioz:
-Kalitate estandarren barnean egotea. Kalitatea eguneroko bizitzan dagoen zerbait gisa ulertu behar da, eta ez kontzeptu huts, adierazpen edo etorkizunean lortu beharreko zerbait gisa. Kalitatea badagoela ulertu egin behar da.
-Segurtasun eta higiene arauen arabera jardutea ikastetxeko jarduketa guztietan, jarrera profesionala sortzeko.
-Jardueretan erabiliko dituzten edo erabili dituzten erremintak, lanabesak, tresneria edo makinak egunero garbitzea eta hori garrantzitsua dela ulertzea.
-Ingurumenarekiko errespetua erakustea, baliabide energetikoak modu arrazionalean aprobetxatzea (ingurumen arrazoiengatik zein ekonomikoengatik), eta, aukera badago, "iraunkortasuna" kontzeptua ezagutu eta errespetatzea.
-Gelaren eta tailerraren ingurunearekiko, ikaskideekiko eta irakasleekiko beharrezko errespetua izatea beti. Nolanahi ere, jarrera horiek ikasleen ebaluazioaren zati izan behar dira eta, beraz, irakasleen jarduketa eta metodologia didaktikoaren zati izanen dira.
Amaitzeko, ikasleek sukaldaritza azkarraren edo pintxoen eta janaurrekoen lana eta plantxak eskaintzen dituen alternatibak ezagutu beharko dituzte, plater txikien edo pintxoen elaborazio guztiak prestatzeko eta zerbitzua bera emateko. Horregatik, erlazio zuzena du "Taberna-kafetegiko oinarrizko eragiketak" eta "Elikagaiak manipulatzeko segurtasuna eta higienea" izeneko moduluekin. Hala ere, horrek ez dakar edukiak errepikatzea, baizik eta elkarren osagarriak izatea. Horrela, tituluaren edukiei sektoreak eskatzen duen etorkizuneko profesionalaren izaera globala eta bateratzailea ematen zaie.
Lanbide modulua: Jatetxeko eta ekitaldi berezietako zerbitzuak.
Kodea: 0153.
Iraupena: 240.
Ikaskuntzaren emaitzak eta ebaluazio irizpideak.
1. Jatetxean eta ekitaldi berezietan bezeroak zerbitzatzen ditu, eta eskaria zerbitzatu beharreko produktuekin erlazionatzen du.
Ebaluazio irizpideak:
a) Aretoko zerbitzuko langileen funtzio nagusiak identifikatu ditu.
b) Aretoan bezeroa zerbitzatzeko oinarrizko hiztegia identifikatu du.
c) Bezeroak establezimendura edo ekitaldira iritsi direnean enpresa protokoloa aplikatuta egin die harrera.
d) Establezimenduko edo ekitaldiko produktuak eta zerbitzuak bezero mota bakoitzaren eskaera eta premiekin erlazionatu ditu.
e) Salmenta teknikekin zerikusia duten bezeroen eskari inplizituak identifikatu ditu, eta establezimenduaren berezko produktuak iradoki dizkie eta, behar izanez gero, horien oinarrizko ezaugarriak azaldu dizkie.
f) Erantzuna eta zerbitzua bezeroen eskarietara egokitu du, horien itxaropenak beteta gera daitezen.
g) Bezeroei mahairaino lagun egin die eta arin eta adeitasunez kokatu ditu eroso.
h) Bezeroei eskaintza mota guztiak aurkeztu dizkie, oinarrizko protokolo arauei jarraikiz.
i) Eskaerak hartzean teknologia berriak erabili ditu.
j) Datuak zuzen eta irakurtzeko moduan betez prestatu ditu eskaerak.
k) Izan litezkeen kexa, erreklamazio edo iradokizunei laster aurkitu die konponbidea; horretarako, aukerak bilatu eta garrantziaren arabera hierarkizatu ditu.
2. Sukaldaritzako mota guztietako elaborazioak zerbitzatzen ditu, zerbitzuko eta protokoloko teknikak ezagutu eta aplikatuta.
Ebaluazio irizpideak:
a) Jatetxeko eta ekitaldi berezietako zerbitzuen tipologia identifikatu du.
b) Eskaintza gastronomikoen motak garatu beharreko zerbitzuarekin erlazionatu ditu.
c) Jatetxeko, ekitaldietako eta bestelakoetako zerbitzurako -ostatu arloko eremuetako gela-zerbitzua barne- baldintzatzaileen ezaugarriak azaldu ditu.
d) Zerbitzu berezien berezko altzariak eta lanabesak eta horien aplikazioak deskribatu ditu.
e) Zerbitzu berezi bakoitzari aplikatzekoak diren protokolo arauak ezagutu ditu.
f) Jatetxeko, ekitaldi berezietako eta bestelakoetako zerbitzu-eragiketekin lotutako aurretiazko dokumentazioa identifikatu du.
g) Zerbitzuaren baldintzatzaileak eta dinamika bera errespetatuta garatu du zerbitzua.
h) Zerbitzuak fakturatzeko eta kobratzeko prozesuak ezarritako argibideen eta/edo arauen arabera gauzatu ditu.
i) Izan litezkeen kexa, erreklamazio edo iradokizunei laster aurkitu die konponbidea; horretarako, aukerak bilatu eta garrantziaren arabera hierarkizatu ditu.
j) Lanetan osasun eta higiene araudia, laneko segurtasunekoa eta ingurumena babestekoa kontuan hartu ditu.
3. Platerak bezeroen aurrean egiten ditu, erlazionatutako sukaldaritzako eta zerbitzuko teknikak aplikatuta.
Ebaluazio irizpideak:
a) Bezeroen aurrean egiteko eskaintza gastronomiko egokienaren elementuak ezagutu ditu.
b) Platerak bezeroen aurrean egiteko erabiltzen diren sukaldaritzako eta zerbitzuko teknika nagusien ezaugarriak azaldu ditu.
c) Platerak bezeroen aurrean egiteko aplikatzekoak diren makineria, materialak eta lanabesak ezagutu ditu.
d) Jarduerarako beharrezkoa den materiala prest jarri du.
e) Dokumentazioa abiapuntutzat hartuta zerbitzatzeko aginduak identifikatu ditu.
f) Elaborazioak bezeroen aurrean egin ditu, denborak, egosketak eta tenperaturak errespetatuta.
g) Elaboratzeko eta zerbitzatzeko teknikak ordenatuta eta txukun gauzatu ditu, eta lana amaitu duenean dena ongi jasota utzi du.
h) Bezeroei hainbat elaborazio aukera (baldin badaude, behintzat) iradoki dizkie.
i) Plater eta azpilen dekorazio aukerak baloratu ditu, oreka estetikoaren bila.
j) Lanetan osasun eta higiene araudia, laneko segurtasunekoa eta ingurumena babestekoa kontuan hartu ditu.
4. Sukaldaritzako produktuak eta elaborazioak lotutako teknikak aplikatuta zatikatu, errazionatu eta hezurgabetzen ditu.
Ebaluazio irizpideak:
a) Zerbitzatzeko teknika hauek aplikatzean erabili ohi diren sukaldaritzako lehengaiak eta elaborazioak identifikatu eta horien ezaugarriak azaldu ditu.
b) Produktu zurituak, zatikatuak, hezurgabetuak eta errazionatuak zerbitzatzeko lanabesak eta erremintak identifikatu eta sailkatu ditu.
c) Jarduera garatzeko beharrezkoa den guztia antolatu eta prest dagoela egiaztatu du.
d) Sukaldaritzako lehengaiak eta produktuak teknika egokiekin erlazionatu ditu, haien ezaugarrien, aurkezpenen, anatomiaren eta beste zenbait baldintzatzaileren arabera.
e) Zuritzeko, zatikatzeko, hezurgabetzeko eta errazionatzeko prozesuak garaiz eta taxuz garatu ditu.
f) Elaborazioak ezarritako parametroei jarraikiz zerbitzatu ditu.
g) Lanetan osasun eta higiene araudia, laneko segurtasunekoa eta ingurumena babestekoa kontuan hartu ditu.
Edukiak.
Mahaian eta zerbitzu berezietan bezeroak zerbitzatzea:
-Aretoko zerbitzuko langileen funtzioak.
-Sukaldaritza ostatu establezimenduetan. Ostalaritzako eta jatetxeetako sailen arteko erlazioak. Organigramak.
-Gosarien zerbitzua.
-Gela-zerbitzua. Erlazionatutako dokumentazioa eta kontrola. Logelako edaritegia.
-Mahaian eta zerbitzu berezietan bezeroei harrera egiteko, egonaldia ahalbidetzeko eta agur esateko prozedurak.
-Zerbitzatzeko arau orokorrak jantokian.
-Mahaikideak kokatzeko teknikak eta metodoak. Mahaiburutza sistemak ekitaldi berezietan.
-Kartak eta menuak aurkeztea. Chefaren iradokizunak edo gomendioak. Ardo- eta edari-kartak
-Eskaerak. Prozesu horiei lotutako teknologia berriak.
-Kafeak, infusioak, likoreak eta tabakoa zerbitzatzea.
-Faktura. Aurkeztea eta kobratzea jarraibideen eta ezarritako arauen arabera.
-Iradokizunak, kexak eta/edo erreklamazioak.
Sukaldaritzako elaborazioak zerbitzatzea:
-Jatetxeko zerbitzua eta zerbitzu bereziak.
-Buffet zerbitzua eta autozerbitzua.
-Mahaian zerbitzatzeko prozedurak gauzatzea eta emaitzak garatzea, kontrolatzea eta baloratzea.
-Zerbitzu bereziak. Catering zerbitzua.
-Zerbitzu berezien zerbitzu aurreko, zerbitzuko eta zerbitzu ondoko eragiketak gauzatzea.
-Osasun eta higiene araudia, laneko segurtasunekoa eta ingurumena babestekoa aplikatzea.
Bezeroen aurrean platerak elaboratzea:
-Bezeroen aurrean platerak elaboratzeko makineria, lanabes eta erreminta espezifikoak. Zerbitzatzeko orgak.
-Prest jartzeko eragiketak. Materialak kokatzea eta guneak egokitzea.
-Bezeroen aurrean platerak elaboratzeko teknikak.
-Platerak eta azpilak aurkezteko dekorazio aukerak.
-Osasun eta higiene araudia, laneko segurtasunekoa eta ingurumena babestekoa aplikatzea.
Sukaldaritzako produktuak eta elaborazioak zatikatzea, errazionatzea eta hezurgabetzea:
-Prozesu hauetan erabiltzen diren lanabes eta erreminta espezifikoak eta/edo ohikoak.
-Mahaikidearen aurreko materialak eta gunea prest jartzeko eragiketak.
-Sukaldaritzako produktuak eta erlazionatutako lehengaiak.
-Zatikatzeko, hezurgabetzeko eta errazionatzeko teknikak. Haragiak, hegaztiak, arrainak, itsaskiak, frutak eta beste zenbait elikagairekin prozedurak gauzatzea.
-Urdaiazpikoa moztea. Elikagai ketuen xerrak egitea. Gazta taulak prestatzea eta zerbitzatzea.
-Osasun eta higiene araudia, laneko segurtasunekoa eta ingurumena babestekoa aplikatzea.
Orientabide didaktikoak.
Lanbide modulu honetako prestakuntza beharrezkoa da elaboratzeko, zerbitzatzeko eta bezeroei arreta egiteko funtzioei eta kalitateari eta administrazioari buruzko azpifuntzio batzuei lotutako jarduerak gauzatzeko, mahaiko zerbitzuaren eta zerbitzu berezien esparruan.
Eginkizun horiek honelako alderdiak biltzen dituzte: bezeroari arreta egitea mahaian eta zerbitzu berezietan, sukaldaritzako elaborazioak zerbitzatzea, bezeroen aurrean platerak elaboratzea, eta sukaldaritzako produktuak eta elaborazioak zatikatzea, errazionatzea eta hezurgabetzea.
Moduluaren helburuak lortzeko aukera ematen duten irakaskuntza-ikaskuntzako prozesuko jarduketa ildoak honako hauek izanen dira:
-Bezeroen aurrean jarduteko protokoloen ezaugarriak azaltzea eta zerbitzua horiek eskatzen dituzten itxaropen eta beharrizanetara egokitzea.
-Mahaian zerbitzatzeko teknikak eta prozedurak, gauzatzeko eremuetarako egokiak direnak, aplikatzea.
Egokientzat proposatzen den edukien sekuentziazioa, hain zuzen ere edukien atalean ezarritako ordena bera da, eta kontzeptu-prozedurazko lau multzotan antolaturik dago. Horrela, komenigarria izanen litzateke bezeroek establezimendutik alde egin arte mahaian bezeroei arreta egiteko, horiek hartzeko eta laguntzeko edukiekin hastea.
Ikasleek eduki horiek berenganatu ondoren, aretoko zerbitzu mota ezberdinen zerbitzu bereziei lotutakoak aztertuko dira, adibidez, buffeta edo catering zerbitzua (errusiarren erako mahaia edo orgak).
Azkenik, modulu honetako edukien azken blokea sukaldaritzako produktuak eta elaborazioak zatikatzeari, errazionatzeari eta hezurgabetzeari buruzkoa da.
Erabili beharreko baliabideei dagokienez, beharrezkoa da modulu honen izaera prozedurazkoa eta praktikoa nabarmentzea, funtsean bulego-tailerretan garatzea dakarrena. Dena den, erabilera anitzeko gelan hainbat ordu eman behar dira azalpen teorikoetarako eta prozesuen azterketarako, eta ordenagailuak dituen gela ere behar da, moduluaren edukiei buruzko informazio eguneratua azkar eta modu eraginkorrean atzitu ahal izateko.
Deskribatutako edukiak lortzeko egokitzat jotzen diren jarduerak bat etorriko dira irakaskuntza-ikaskuntzako prozesuan ezarritako jarduketa ildoekin; ildo horiek moduluaren helburuak lortzea ahalbidetuko dute. Jarduera horien artean, honako hauek nabarmenduko dira:
-Bezeroa hartzea eta arreta egitea, beharrezkoa bada protokolo teknikak erabilita.
-Tipologia ezberdinak eta zerbitzatzeko era askotako ezaugarriak dituzten sukaldaritzako elaborazioak zerbitzatzea.
-Bezeroen aurrean esku hartzea, sukaldaritzako teknikak erabilita sukaldaritzako elaborazio ezberdinak edo zerbitzatzeko teknika aurreratuak dituztenak gauzatzeko.
Gainera, adierazitako jarduera guztiei zein irakasleek ikasgelako programazioan diseinatzen dituzten berariazko jarduerei besterentzen ahal zaizkien zeharkako jarduketa ildo batzuk aipatzen ahal dira.
Horrela, ikasleek beharrezko elementuak izan behar dituzte ezarritako prozesuen arabera elaborazioak eta zerbitzua egiteko, eta lortutako emaitzak bereizten jakin behar dute. Gauzak horrela, irakasleek aretoa muntatzeko eta zerbitzatzeko baliabidea proposatuko dute, sukaldaritzako prestakinen praktikei lotutakoa, ekitaldi ezberdinak ezagutzea lortzeko alternatiba gisa.
Buffet zerbitzuak muntatzeko orduan lortu behar diren emaitzei dagokienez, ezinbestekoa izanen da ikasleek zerbitzatzeko ezaugarri ezberdinekin erlazionatzen ahal dituzten elikagaien sorta zabalarekin lan egiteko aukera izanen dutela bermatzea.
Halaber, komenigarria da moduluaren barnean prestakuntza ematen den bitartean, ikasleengan jarduketa arduratsua bultzatzea hurrengo arloetan, irakasleen jarrera profesionalaren ondorioz:
-Gelaren eta tailerraren ingurunearekiko, ikaskideekiko eta irakasleekiko beharrezko errespetua izatea beti.
-Kalitate estandarren barnean egotea. Kalitatea eguneroko bizitzan dagoen zerbait gisa ulertu behar da, eta ez kontzeptu huts, adierazpen edo etorkizunean lortu beharreko zerbait gisa. Kalitatea badagoela ulertu egin behar da.
-Segurtasun eta higiene arauen arabera jardutea ikastetxeko jarduketa guztietan, jarrera profesionala sortzeko.
-Jardueretan erabiliko dituzten edo erabili dituzten erremintak, lanabesak, tresneria edo makinak egunero garbitzea eta hori garrantzitsua dela ulertzea.
-Ingurumenarekiko errespetua erakustea, baliabide energetikoak modu arrazionalean aprobetxatzea (ingurumen arrazoiengatik zein ekonomikoengatik), eta, aukera badago, "iraunkortasuna" kontzeptua ezagutu eta errespetatzea.
Amaitzeko, eta modulu honen eta curriculum hau osatzen duten gainerakoen arteko erlazioari dagokionez, "Taberna-kafetegiko zerbitzuak" moduluarekin dagoen lotura nabarmendu behar da, jatetxea zein taberna-kafetegia aldi berean zabaldu eta gune fisikoa partekatu ohi dutelako. Hori dela eta, ezinbestekoa da jarduketak koordinatzea eta aipatutako moduluak ematen dituzten irakasleek edukiak aldi berean ematea.
Lanbide modulua: Ingelesa.
Kodea: 0156.
Iraupena: 90 ordu.
Ikaskuntzaren emaitzak eta ebaluazio irizpideak.
1. Hizkuntza estandarrean emandako ahozko diskurtsoetan jasotako lanbide informazioa eta eguneroko informazioa ezagutzen du; horretarako, mezuaren eduki orokorra aztertu eta dagozkion hizkuntza baliabideekin lotzen du.
Ebaluazio irizpideak:
a) Mezua dagokion testuinguruan kokatu du.
b) Mezuaren ideia nagusia identifikatu du.
c) Zuzeneko, telefono bidezko edo beste entzumen baliabide baten bidezko mezuaren helburua ezagutu du.
d) Informazio berariazkoa ondorioztatu du, lanbideko eta eguneroko bizitzako ohiko alderdiekin lotutako mezuetatik.
e) Mezua osatzen duten elementuak zerrendatu ditu.
f) Gai ezagunen gaineko diskurtsoaren ideia nagusiak identifikatu ditu; horiek komunikazio bideen bidez transmititu ditu, eta hizkuntza estandarrean eta argi eman ditu.
g) Ahozko jarraibideak ezagutu ditu eta oharrak bete ditu.
h) Mezu bat osotasunean ulertzeko garrantziaz kontzientziatu da, guztiak eta horietako bakoitzaren elementu guztiak ulertzen ez baditu ere.
2. Testu idatzi sinpleetan jasotako lanbide informazioa interpretatzen du; horretarako, modu ulergarrian aztertzen ditu edukiak.
Ebaluazio irizpideak:
a) Kontsultarako materialak eta hiztegi teknikoak hautatu ditu.
b) Hizkuntza estandarrean idatzitako testu argiak modu ulerkorrean irakurri ditu.
c) Mezuaren eduki orokorra interpretatu du.
d) Testua lanbide arloaren eremuarekin erlazionatu du.
e) Erabilitako terminologia identifikatu du.
f) Hizkuntza estandarrean idatzitako testu errazen itzulpenak egin ditu; horretarako, laguntza materiala erabili du, beharrezkoa izan den kasuetan.
g) Euskarri telematikoen bidez jasotako mezua interpretatu du: posta elektronikoa, faxa, etab.
3. Ahozko mezu argiak eta behar bezala egituratuak bidaltzen ditu; horretarako, eragile aktibo gisa parte hartzen du lanbide elkarrizketetan.
Ebaluazio irizpideak:
a) Mezua bidaltzeko erabilitako erregistroak identifikatu ditu.
b) Komunikatzeko, formulak, loturak eta elkarrekintza estrategiak erabili ditu.
c) Protokolo arauak erabili ditu aurkezpenetan.
d) Bere lanbidearekin lotutako gertakari labur eta ustekabeak deskribatu ditu.
e) Behar bezala erabili du lanbideko terminologia.
f) Sentimenduak, ideiak eta iritziak adierazi ditu.
g) Lanbide zereginaren jarduerak zerrendatu ditu.
h) Bere eskumeneko lan prozesua deskribatu eta zerrendatu du.
i) Egindako proposamenak onartu ala ez onartzeko erabakia justifikatu du.
j) Hautatutako lanaren aukera edo prozedura zehatz baten hautaketa argudiatu du.
k) Diskurtsoa edo diskurtsoaren zati bat berriro egiteko eskatu du beharrezkotzat jo izan duenean.
4. Testu errazak hizkuntza estandarrean lantzen ditu, eta gramatika arauak haien xedearekin erlazionatzen du.
Ebaluazio irizpideak:
a) Eguneroko eta/edo lanbide alderdiekin lotutako testu laburrak idatzi ditu.
b) Informazioa antolatu egin du, koherentziaz eta kohesioz.
c) Lanbide ingurunearekin lotutako testuen laburpenak egin ditu.
d) Lanbide eremuko dokumentazio berariazkoa bete du.
e) Ezarritako formulak eta hiztegi berariazkoa aplikatu ditu dokumentuak betetzean.
f) Emandako informazioen ideiak laburtu ditu; horretarako, bere hizkuntza baliabideak erabili ditu.
g) Eginen den dokumentuaren beraren kortesia formulak erabili ditu.
5. Lanbide jarrera eta portaerak aplikatzen ditu komunikazio egoeretan; horretarako, atzerriko hizkuntzaren lurraldean ohikoak diren harremanak deskribatzen ditu.
Ebaluazio irizpideak:
a) Atzerriko hizkuntza erabiltzen duen erkidegoaren ohitura eta erabileren alderdirik garrantzitsuenak zehaztu ditu.
b) Lurraldeko bertako gizarte harremanen protokolo eta arauak deskribatu ditu.
c) Atzerriko hizkuntza erabiltzen duen erkidegoaren beraren balio eta sinesmenak identifikatu ditu.
d) Lanbide arloko berezko gizarte eta lanbide alderdiak identifikatu ditu, edozein testu motatan.
e) Atzerriko hizkuntzaren lurraldeko gizarte harremanen protokolo eta arauak aplikatu ditu.
Edukiak.
Ahozko mezuak ulertzea:
-Sektoreko mezu profesionalak eta egunerokoak ezagutzea.
-Zuzeneko, telefono bidezko, grabatutako mezuak.
-Jatetxeen sektorearen terminologia berariazkoa.
-Ideia nagusia eta bigarren mailako ideiak.
-Gramatika baliabideak: aditz denborak, preposizioak, adberbioak, lokuzio preposizionalak eta adberbiozko lokuzioak, boz pasiboaren erabilera, perpaus erlatiboak, zeharkako estiloa eta beste batzuk.
-Beste hizkuntza baliabide batzuk: gustuak eta lehentasunak, iradokizunak, argudiaketak, jarraibideak, baldintzaren eta zalantzaren adierazpena eta beste batzuk.
-Ahozko hizkuntzaren azentuak.
Mezu idatziak interpretatzea:
-Mezuak, testuak, oinarrizko lanbideko eta eguneroko artikuluak ulertzea.
-Euskarri telematikoak: faxa, posta elektronikoa, burofaxa.
-Jatetxeen sektorearen terminologia berariazkoa.
-Ideia nagusia eta bigarren mailako ideiak.
-Gramatika baliabideak: aditz denborak, preposizioak, adberbioak, lokuzio preposizionalak eta adberbiozko lokuzioak, boz pasiboaren erabilera, perpaus erlatiboak, zeharkako estiloa eta beste batzuk.
-Erlazio logikoak: aurkaritza, kontzesioa, konparazioa, baldintza, kausa, helburua, ondorioa.
-Denborazko erlazioak: lehenagokotasuna, gerokotasuna, aldiberekotasuna.
Ahozko mezuak sortzea:
-Ahozko mezuak bidaltzeko erabilitako erregistroak.
-Jatetxeen sektorearen terminologia berariazkoa.
-Bokal eta kontsonante soinuak eta fonemak. Konbinazioak eta elkarketak.
-Gizarte harremanen, kortesia arauen eta erregistro aldeen hizkuntza adierazgailuak.
-Ahozko diskurtsoa mantendu eta horren jarraipena egitea:
Laguntzea, ulertzen dela erakustea, argitzeko eskatzea eta beste batzuk.
Intonazioa, ahozko testuaren kohesio baliabide gisa.
Testu idatziak bidaltzea:
-Sektoreko testu erraz profesionalak eta egunerokoak lantzea.
-Testua komunikazio testuingurura egokitzea.
-Erregistroa.
-Hautaketa lexikoa, egitura sintaktikoena eta eduki garrantzitsuarena.
-Puntuazio zeinuak erabiltzea.
-Testu koherenteak lantzea.
Atzerriko hizkuntzaren (ingelesa) lurraldeetan garrantzitsuenak diren kultura elementuak identifikatu eta interpretatzea:
-Gizarte eta kultura eta protokolo arauak baloratzea nazioarteko harremanetan.
-Gizarte eta lanbide jarrera behar duten egoeretan, baliabide formal eta funtzionalak erabiltzea, enpresaren irudi egokia erakusteko.
Orientabide didaktikoak.
Modulu honek beharrezko prestakuntza dauka, bezeroarentzako arretarako, informazioa eta aholkularitza emateko, protokolo arauak garatu eta horien jarraipena egiteko eta kalitate prozesu eta protokoloak betetzeko eginkizunekin lotutako jarduerak egiteko. Hori dena, ingelesez.
Bezeroarentzako arretarako, informazioa eta aholkularitza emateko, protokolo arauak garatu eta horien jarraipena egiteko eta kalitate prozesu eta protokoloak betetzeko eginkizunak ingelesez betetzeak honako alderdi hauek hartzen ditu barne:
-Komunikazio teknikak erabili eta aplikatzea, bezeroari informazioa eta aholkularitza emateko zerbitzu prozesuetan.
-Erakunde protokoloa aplikatzea, hala eskatzen duten ekitaldiak antolatzen direnean.
-Administrazio laneko jarduerei lotutako kalitate prozesu eta protokoloak garatu eta formalizatzea.
Moduluaren helburuak lortzeko aukera ematen duten irakaskuntza-ikaskuntzako prozesuko jarduketa ildoak honako hauek izanen dira:
-Komunikazio prozesuak eta protokolo eta bezeroarentzako arretarako teknikak deskribatu, aztertu eta aplikatzea, bai aurrez aurrekoak bai urrutikoak, ingelesaren bidez.
-Administrazio eta beste edozein izaeratako (finantza, zerga, giza edo merkataritza baliabidea) dokumentuen ezaugarriak bereiztea.
-Kalitate prozesuak enpresan, bere ebaluazioa eta zerbitzuak ingelesez emateari lotutako dokumentuen identifikazioa eta formalizatzea.
-Bezeroek ingelesez egiten dituzten kexa edo erreklamazioen aurreko jarduketen identifikazioa, azterketa eta prozedurak.
Hori guztia dela eta, irakaskuntza-ikaskuntzako prozesua, lehen mailako "Oinarrizko ingelesa" moduluarekin gertatzen den bezalaxe, praktikoa den ikuspuntu batetik bideratu behar da. Gramatikaren irakaskuntza aurreko kurtsoetan ikasitakoaren berrikuspen gisa hartu behar da eta ikasleentzat egiazko interesa duten komunikazio egoeretan txertatu. Horrela, ikasleak errazago ohartuko dira ikasi behar duten hizkuntza erabiltzeko oinarrizko gaitasuna izateko beharra dutela.
Horregatik, iradokitzen da eginkizunen bidezko irakaskuntza-ikaskuntzako metodologia erabiltzea, edo, bestela esanda, helburu zehatzak dituzten jarduerak erabiltzea, ikasleak hizkuntzan sakonago eta aktiboago murgiltzera bultzatzen dituztenak.
Irakaskuntza-ikaskuntzako prozesuan eginen diren jarduerak egokiro diseinatu behar dira, ikasleak komunikazio egoera ahalik eta egiazkoenetan koka ditzaten. Teknikari honen lanbide profila kontuan izanik, irakurriaren ulermena eta ahozko produkzioa eta elkarrekintza bereziki indartu behar dira bai mezu profesionaletan bai arruntetan. Izan ere, gero eta gehiago dira ingelesa komunikazio hizkuntza gisa erabiltzen duten beste nazio batzuetako bezeroak/turistak. Horren ondorioz, hizkuntza hori jakitea ezinbestekoa da eta, beraz, ostalaritza eremuko profesionalei eskatu beharreko beste faktore bat da. Trebetasun horiek bigarren mailan ematen den ingeleseko moduluan sakontzeko izanen dira, eta sektoreko etorkizuneko hizkuntza gaitasunerako beharrezko pausutzat hartzen dira.
Baliabideak erabiltzeari dagokionez, informazioaren teknologiak -batik bat Internet eta posta elektronikoa- oso erreminta baliotsuak dira, ikasleak komunikazio egoera errealetan jartzeko; izan ere, horietako gehienak, gaur egun, enpresaren barruan zein kanpoan gertatzen dira, euskarri informatikoan. Horretarako beharrezkoa da teknologia horiek eraginkortasunez erabiltzea. Era berean, hor azaltzen da, jakina, titulu honetako gainerako modulu teknikoekin koordinatu beharra, ikasgelan erabiliko diren egiazko materialen iturri baitira.
Arreta jarri behar zaion beste kontu bat gaitasun soziolinguistikoen garapena da, gaitasun horiek irakaskuntza-ikaskuntzako prozesu osoa kutsatu behar baitute. Garrantzitsua da, prestakuntza helburudun honen esparruan, bermatu ahal izatea ikasleek badakizkitela hizkuntza erabiltzeko konbentzioak, adeitasunezko arauak, erregistro desberdinak eta horiek behar bezala erabiltzearen garrantzia, eta, oro har, ingelesa ama hizkuntza duten herrien idiosinkrasia ongien definitzen duten ezaugarri kulturalak.
Ebaluazioari dagokionez, iradokitzen da prozesu horren ardatza izan dadila ikustea ikasleek nola baliatzen dituzten beren hizkuntza ezagutzak eta trebetasunak eta zenbateko gaitasuna duten komunikaziorako estrategia desberdinak erabiltzeko. Helburu horri begira seinalatu dira modulu honetako ebaluazio irizpideak eta, ildo berean, hizkuntzetarako Europako Erreferentzia Esparrua oso bitarteko baliotsua izan daiteke ebaluazio erremintak diseinatzeko.
Azkenik, eta modulu honek eta foru dekretu honen bidez arautzen den curriculuma osatzen duten gainerakoek duten harremana dela eta, beharrezkotzat jotzen da nabarmentzea -orientazio hauen hasieran adierazi den bezala- "Jatetxe arloko komunikazio teknikak" moduluarekin duen lotura; bertan, ikasleek ezagutu behar dituzten oinarrizko alderdiak aztertzen dira, "Ingelesa" moduluko edukiak hobeto aprobetxatzeko, bai ahozko komunikazioa bai komunikazio idatzia, enpresan. Halaber, bezeroen beharrak ezagutu eta kontsulta, kexa eta erreklamazioei, besteak beste, erantzuten zaie.
Era berean, nabarmendu behar da modulu honen eta Informazioaren tratamendu informatikoaren arteko elkarrekikotasuna; hori banatu egin da, pedagogia eta antolaketa motiboak tarteko, bi prestakuntza multzotan, ingelesez idatzitako dokumentazioaren tratamenduari dagokionez. Hori gero eta gehiago eskatzen da enpresa eremuan.
Azkenik, modulu honetan sartutako edukiak oso garrantzitsuak dira ikasleek, gaur egun, Interneten bidez eskura duten informazio guztia hobeto aprobetxatzeko. Halaber, oso interesgarria da, "Lanerako prestakuntza eta orientazioa" moduluan aurreikusitako edukiak lortzeko, batik bat honako hauen gainekoak: ikaskuntza eta enplegu aukeren azterlana Europan. Europa eremuan mugikortasuna errazten duten dokumentuak betetzea (Europako curriculum vitaea, Europass mugikortasun agiria, Ziurtagiriaren Gehigarri Europarra eta Europako Hizkuntzen Zorroa) eta Europako gizarte segurantzen sistemak aztertzea. Hori lagungarria izanen da beste lurralde batean ikasten edo lan egiten jarraitu nahi duten ikasleentzat.
Lanbide modulua: Lanerako prestakuntza eta orientazioa.
Kodea: 0157.
Iraupena: 90 ordu.
Ikaskuntzaren emaitzak eta ebaluazio irizpideak.
1. Enplegu aukerak hautatzen ditu, laneratzeko bideak eta ikasteko alternatibak identifikatuz bizitzan zehar.
Ebaluazio irizpideak:
a) Norberaren nortasuna, asmoak, jarrerak eta prestakuntza baloratu ditu erabakiak hartzeko.
b) Jatetxe arloko Zerbitzuetako teknikarientzako enplegu eta lan sorgune nagusiak identifikatu ditu tokiko, eskualdeko, Estatuko eta Europako eremuetan.
c) Tituluaren profilarekin zerikusia duen lanbide jarduerarako zer-nolako gaitasunak eta jarrerak eskatzen diren zehaztu du.
d) Jatetxe arloko Zerbitzuetako teknikariaren lanbide profilarekin zerikusia duten prestakuntza eta lanbide ibilbideak identifikatu ditu.
e) Etengabeko prestakuntzak laneratzen ahal izateko eta produkzio prozesuaren eskakizunetara moldatzeko gakoa den aldetik duen garrantzia baloratu du.
f) Lana bilatzeko prozesuan zein teknika erabiltzen diren zehaztu du.
g) Tituluarekin zerikusia duten lanbide sektoreetan autoenplegurako dauden aukerak aurreikusi ditu.
2. Talde-lanaren estrategiak aplikatzen ditu eta estrategia horien eraginkortasuna eta eragimena baloratzen ditu erakundearen helburuei begira.
Ebaluazio irizpideak:
a) Talde-lanaren onurak baloratu ditu Jatetxe arloko Zerbitzuetako teknikariaren profilarekin zerikusia duten lan egoeretan.
b) Egiazko lan egoera batean eratzen ahal diren lantaldeak identifikatu ditu.
c) Lantalde eraginkorraren ezaugarriak zehaztu ditu eraginkortasunik gabeko lantaldeen aldean.
d) Lanbide sektorean lantaldearen funtzionamendua hobetzeko behar diren gizarte trebetasunak baloratu ditu.
e) Lantaldeetan erabiltzen diren agiriak identifikatu ditu: deialdiak, aktak eta aurkezpenak.
f) Lantaldeko kideen eginkizunen eta iritzien aniztasun beharrezkoa positiboki baloratu du.
g) Taldeko kideen artean gatazkak sortzen ahal direla eta hori erakundeen ezaugarrietako bat dela aitortu du.
h) Gatazka motak eta horien iturriak identifikatu ditu, bai eta gatazkak konpontzeko prozedurak ere.
3. Lan harremanetatik sortzen diren eskubideak erabili eta betebeharrak bete egiten ditu, eta badaki horiek bereizten lan kontratuetan eta hitzarmen kolektiboetan.
Ebaluazio irizpideak:
a) Lan zuzenbideko kontzeptu nagusiak identifikatu ditu.
b) Enpresaburu eta langileen arteko harremanetan esku hartzen duten erakunde nagusiak bereizi ditu.
c) Lan harremanetatik sortzen diren eskubideak eta betebeharrak zehaztu ditu.
d) Kontratazio mota nagusiak sailkatu ditu eta zenbait kolektiboren kontratazioa sustatzeko neurriak identifikatu ditu.
e) Indarra duen legedian lana eta familiako bizitza ongi uztartzeko ezarrita dauden neurriak baloratu ditu.
f) Soldaten ordainagiria aztertu du eta hura osatzen duten elementu nagusiak identifikatu ditu, tartean langilearen kotizazio oinarriak eta langileari eta enpresaburuari dagozkien kuotak daudela.
g) Lan harremanak aldatzearen, etetearen eta amaitzearen arrazoiak eta ondorioak identifikatu ditu.
h) Gatazka kolektiboetako neurriak eta gatazkak ebazteko prozedurak aztertu ditu.
i) Jatetxe arloko Zerbitzuetako teknikari tituluarekin zerikusia duen lanbide sektoreari aplikatu beharreko hitzarmen kolektibo batean itundutako lan baldintzak zehaztu ditu.
j) Lanaren antolaketaren ingurune berriak bereizten dituzten ezaugarriak identifikatu ditu.
4. Gizarte Segurantzaren sistemak estaltzen dituen egoeretan zer-nolako babesak dauden zehazten du eta prestazio motak identifikatzen ditu.
Ebaluazio irizpideak:
a) Gizarte Segurantzaren eginkizuna baloratu du, herritarren bizi kalitatea hobetzeko zutabe nagusia den aldetik.
b) Gizarte Segurantzaren sistemako araubideak identifikatu ditu.
c) Gizarte Segurantzaren sistemak estaltzen dituen egoerak banan-banan aipatu ditu.
d) Enpresaburuak eta langileak Gizarte Segurantzaren sistemaren barnean dituzten betebeharrak identifikatu ditu.
e) Inguruko herrialde nagusietan Gizarte Segurantzaren arloan dauden aldeak identifikatu ditu.
f) Gizarte Segurantzaren sistemako prestazioak sailkatu ditu eta baldintzak identifikatu ditu.
g) Legezko langabezia egoerak zehaztu ditu zenbait kasu praktikotan.
h) Ikasleen ezaugarriei dagozkien langabezia prestazioen iraupena eta zenbatekoa kalkulatu ditu, kotizaziopeko oinarrizko prestazioak eta laguntzako prestazioak bereiziz.
5. Laneko arriskuei aurrea hartzeko oinarrizko arau esparrua identifikatzen du eta prebentzioaren kulturak enpresako arlo eta jarduera guztietan duen garrantzia baloratzen du.
Ebaluazio irizpideak:
a) Laneko arriskuei aurrea hartzeko oinarrizko araudia identifikatu du.
b) Laneko arriskuen prebentzioaren arloko eskubide eta betebehar nagusiak zein diren zehaztu du.
c) Lan baldintzen eta langilearen osasunaren arteko lotura azaldu du.
d) Izan daitezkeen arrisku faktore ohikoenak sailkatu ditu.
e) Arrisku faktoreen ondorioz gerta daitezkeen lanbide kalteak (lan istripuak eta lanbide eritasunak) sailkatu eta deskribatu ditu.
6. Enpresan laneko arriskuen prebentzioaren kudeaketan parte hartzen duten eragileak identifikatzen ditu, laneko arriskuei aurrea hartzeko araudian ezarritako irizpideei jarraituz.
Ebaluazio irizpideak:
a) Enpresan prebentzioa kudeatzeko moduak sailkatu ditu, laneko arriskuei aurrea hartzeko araudian ezarritako irizpideen arabera.
b) Prebentzioan parte hartzen duten eragile guztien erantzukizunak identifikatu ditu.
c) Arriskuen prebentzioaren arloan langileek enpresan ordezkaritza izateko bideak zein diren zehaztu du.
d) Laneko arriskuen prebentzioarekin zerikusia duten erakunde publikoak identifikatu ditu.
7. Bere jardueraren arriskuak ebaluatzen ditu, lan baldintzak eta bere lan inguruneko arrisku faktoreak aztertuz.
Ebaluazio irizpideak:
a) Jatetxeen sektoreko jarduerak dituen arrisku faktoreak eta horietatik etor daitezkeen kalteak identifikatu ditu.
b) Jatetxe arloko Zerbitzuetako teknikariaren lan inguruneetan ohikoenak diren arrisku egoerak sailkatu ditu.
c) Enpresako arriskuen ebaluazioa egin du, arriskuak identifikatu eta baloratu ditu, prebentzio neurriak proposatu ditu eta horien eraginkortasunaren jarraipena eta kontrola egin ditu.
d) Jatetxe arloko Zerbitzuetako teknikariaren lanbide profilarekin zerikusia duten lan inguruneetan prebentzioari begira garrantzia duten lan baldintzak zein diren zehaztu du.
8. Enpresa txiki bateko arriskuei aurrea hartzeko plana egiten parte hartzen du, lan inguruneko arrisku egoeren azterketatik abiaturik, eta prebentzio neurriak aplikatzen ditu.
Ebaluazio irizpideak:
a) Jatetxe arloko Zerbitzuetako teknikariaren lanbide sektorearekin zerikusia duen lantoki bateko prebentzio planaren edukia definitu du.
b) Aintzat hartu du garrantzitsua dela enpresan prebentzio plana izatea, larrialdietan egin beharreko jarduketen sekuentzia barne duena.
c) Enpresa txiki edo ertain batentzako larrialdi eta ebakuazio plana proiektatu du.
d) Kalteak beren sorburuan saihesteko eta saihestezinak diren ondorioak leuntzeko aplikatu behar diren prebentzio eta babes neurriak definitu ditu.
e) Mota guztietako segurtasun seinaleen esanahia eta eremua aztertu ditu.
f) Larrialdietan jarduteko protokoloak aztertu ditu.
g) Zaurituak larritasunaren arabera sailkatzeko teknikak identifikatu ditu.
h) Lehen sorospenetarako oinarrizko teknikak identifikatu ditu, istripuaren lekuan aplikatu behar direnak kalte mota desberdinei aurre egiteko. Halaber, botika kutxaren osagaiak eta erabilera azaldu ditu.
i) Langilearen osasuna zaintzeko betekizunak eta baldintzak eta horiek prebentzio neurri gisa duten garrantzia zehaztu ditu.
Edukiak.
Lan bilaketa aktiboa:
-Lanbide karrerarako interesak, gaitasunak eta motibazio pertsonalak aztertzea.
-Erabakiak hartzeko prozesua.
-Jatetxe arloko Zerbitzuetako teknikariaren lanbide sektorea definitu eta aztertzea, inguruko lurralde eremuan nahiz Estatu mailan.
-Sektoreko enpresa txiki, ertain eta handietan lana bilatzeko prozesua haren eraginpeko lurralde eremuan, estatuan eta Europar Batasunean. Eures sarea.
-Europan ikasteko eta lan egiteko aukerak.
-Etengabeko prestakuntzak Jatetxe arloko Zerbitzuetako teknikariaren lan eta lanbide ibilbiderako duen garrantzia baloratzea.
-Informazio hori ematen duten tokiko, eskualdeko, estatuko eta Europako erakundeen identifikazioa.
-Jatetxe arloko Zerbitzuetako teknikariarekin zerikusia duten prestakuntza ibilbideak identifikatzea tokiko, eskualdeko, Estatuko eta Europako eremuetan.
-Lana bilatzeko teknikak eta erremintak: curriculum vitae ereduak, Europako curriculum vitae-a eta lan elkarrizketak. Europar Batasunean langileen mugikortasuna errazten duten beste agiri batzuk: Europass mugikortasun agiria, Ziurtagiriaren Gehigarri Europarra eta Europako Hizkuntzen Zorroa.
-Autoenplegua baloratzea laneratzeko hautabide gisa.
Gatazkaren kudeaketa eta lantaldeak:
-Talde-lanak erakundearen eraginkortasunari begira dituen alde onak eta txarrak baloratzea.
-Ostalaritza sektoreko lantalde motak, betetzen dituzten eginkizunen arabera.
-Lantalde eraginkorraren ezaugarriak.
-Gizarte trebetasunak. Hitzezko eta hitzik gabeko komunikaziorako teknikak.
-Lan bileretan erabiltzen diren agiriak: deialdiak, aktak eta aurkezpenak.
-Lantaldean parte hartzea. Kideek har ditzaketen rolen azterketa.
-Gatazka: gatazkaren ezaugarriak, iturriak eta etapak.
-Gatazka konpondu edo ezabatzeko metodoak: bitartekotza, adiskidetzea, arbitrajea, epaiketa eta negoziazioa.
Lan kontratua:
-Lan zuzenbidea.
-Banakako lan harremanen azterketa.
-Lan kontratuaren modalitateak eta kontratazioa sustatzeko neurriak.
-Lan harremanek sortzen dituzten eskubideak eta betebeharrak.
-Lan baldintzak. Soldata, lan denbora eta atsedena.
-Soldataren ordainagiria.
-Lan kontratuaren aldaketa, etetea eta amaiera.
-Langileen ordezkaritza.
-Jatetxe arloko Zerbitzuetako teknikariaren lanbide eremuari aplikatu beharreko hitzarmen kolektibo baten azterketa.
-Lan gatazka kolektiboak.
-Lana antolatzeko ingurune berriak: azpikontratazioa, urrutiko lana eta beste batzuk.
-Langileentzako onurak antolamendu berrietan: malgutasuna, onura sozialak eta beste batzuk.
Gizarte Segurantza, lana eta langabezia:
-Gizarte Segurantzaren sistema, elkartasun sozialaren oinarrizko printzipio gisa.
-Gizarte Segurantzaren sistemaren egitura.
-Enpresaburuek eta langileek Gizarte Segurantzaren arloan dituzten betebehar nagusiak: afiliazioa, altak, bajak eta kotizazioa.
-Gizarte Segurantzaren ekintza babeslea.
-Gizarte Segurantza gure inguruko herrialde nagusietan.
-Langabezia babesa: kontzeptua eta babesten ahal diren egoerak.
Laneko segurtasun eta osasunaren arau esparrua eta oinarrizko kontzeptuak:
-Prebentzioaren kulturaren garrantzia jardueraren fase guztietan.
-Lanaren eta osasunaren arteko loturaren balorazioa.
-Lanbide arriskua. Arrisku faktoreen azterketa.
-Arrisku egoera bakoitzaren ondorioz langilearen osasunak nolako kalteak izan ditzakeen zehaztea.
-Laneko arriskuei aurrea hartzeko oinarrizko arau esparrua.
-Laneko arriskuen prebentzioaren arloko eskubideak eta betebeharrak.
Prebentzioaren kudeaketan parte hartzen duten agenteak eta haien erantzukizunak:
-Prebentzioaren kudeaketaren antolaketa enpresan.
-Langileen ordezkaritza prebentzioaren arloan.
-Laneko arriskuen prebentzioaren arloko erantzukizunak.
-Laneko arriskuen prebentzioarekin zerikusia duten erakunde publikoak.
Arrisku profesionalen ebaluazioa:
-Enpresako arriskuen ebaluazioa, prebentzio jardueraren oinarrizko elementu gisa.
-Segurtasun baldintzei lotutako arriskuen azterketa.
-Inguruneko baldintzei lotutako arriskuen azterketa.
-Baldintza ergonomiko eta psikosozialei lotutako arriskuak aztertzea.
-Berariazko arriskuak sektoreko industrian.
-Arriskuaren balorazioa.
Arriskuen prebentzioaren plangintza eta prebentzio eta babes neurrien aplikazioa enpresan:
-Prebentzioaren plangintza enpresan. Prebentzio plana eta horren edukia.
-Prebentzio neurriak hartzea: horien plangintza eta kontrola.
-Banakako eta taldeko prebentzio eta babes neurriak.
-Larrialdi eta ebakuazioetarako planak lan inguruneetan.
-Ostalaritza sektoreko ETE batentzako larrialdi plana egitea.
-Larrialdietan jarduteko protokoloa.
-Larrialdi medikoa eta lehen sorospenak. Oinarrizko kontzeptuak eta aplikazioa.
-Langileei prestakuntza ematea larrialdietako planei buruz eta lehen sorospenetarako teknikei buruz.
-Langileen osasuna zaintzea.
Orientabide didaktikoak.
Modulu honen bidez ikasleek oinarrizko trebetasunak eta jarrerak berenganatzen dituzte lan munduan sartzeko eta beren lanbide karrera berdintasun baldintzetan garatzeko, ostalaritzaren sektorean, hala Espainiako lurraldean nola Europan.
Edukien sekuentziazioari dagokionez, kontuan izanik ikastetxeak egokienak iruditzen zaizkion erabakiak hartzeko eskumena duela, lan arloko legeriari eta Gizarte Segurantzaren arloari buruzko edukiak jorra litezke lehenik, ikasleak motibatu ohi dituztelako; horrela ikasleek moduluari buruzko jarrera positiboa hartuko dute.
Jarraian laneko segurtasunaren eta osasunaren inguruko edukiak aurkez litezke, eta gero gatazkaren kudeaketari eta lantaldeei ekin. Azkenik lan bilaketari buruzko multzoa jorratu liteke, ikasleak lan merkatuan sartu aurreko urrats gisa.
Modulu honetako ikaskuntzaren emaitzak lortzeko askotariko jarduerak daude aukeran. Hona hemen batzuk:
-Norberaren izaerari eta gizarte trebetasunen garapenari buruzko orientazio probak eta dinamikak egitea, prestakuntzaren eta asmoen arteko koherentzia pertsonala egiaztatzeko.
-Norberaren karrera planifikatzea: epe ertain eta luzerako lan helburuak ezartzea, beharrekin eta lehentasunekin bateragarriak. Helburu errealistak ezartzea, oraingo prestakuntzarekin eta proiektatuarekin koherenteak, eta nork bere ikaskuntzaren ardura hartzea.
-Lana bilatzen laguntzen ahal diguten bitartekoak eta erakundeak identifikatzea, bai gure ingurune hurbilenean, bai Europan, horretarako tresna egokiak erabiliz (Eures sarea, Europass, Ploteus eta beste batzuk).
-Lana bilatzeko behar den dokumentazioa garatzea: curriculum vitae-a, lan elkarrizketak, test psikoteknikoak eta beste batzuk.
-Jardueraren bat bakarka eta taldean egitea eta emaitzak konparatzea.
-Gatazka egoera bat simulatzea eta konponbide desberdinak aurkeztea.
-Sektoreko langileei eragiten dien lan arloko araudia identifikatzea.
-Langileen Estatutuaren edukia zikloari dagokion sektoreko hitzarmen kolektibo batekin alderatzea.
-Negoziazio kolektiboko prozesu bat simulatzea, langileen eta enpresaburuen interesak bateratzeko bide gisa.
-Zailtasun maila desberdinetako soldata ordainagiriak egitea.
-Gizarte Segurantzak babesten dituen egoerak identifikatzea.
-Zikloa eginda eskuratzen ahalko diren lanpostu ohikoenetan gerta daitezkeen arrisku egoerak aztertzea, prebentzio-neurriak proposatzea eta ezarri beharreko prebentzio-neurrien plangintza diseinatzea, hori guztia indarra duen araudiari jarraituz.
-Sektoreko enpresak ikusteko bisitak programatu eta egitea, ikasleek produkzio sektorearen errealitatea ezagutzen ahal izan dezaten.
Modulu honen edukietarako ikus-entzunezko baliabideak edota Internet erabilita, ikaskuntza-irakaskuntzako prozesua azkarragoa eta eraginkorragoa izanen da. Pixkanaka ikasleek beren kabuz ebazten ahalko dituzte proposatzen zaizkien jarduketak eta egoerak.
"Lanerako prestakuntza eta orientazioa" eta "Enpresa eta ekimena" moduluen edukietako batzuk elkarri estu lotuta daude. Ekintzaileen ezaugarrien azterketa, lanpostuen deskribapena, kontratuak, hitzarmen kolektiboak, nominak eta gastu sozialak, besteak beste, bi moduluetan aztertzen dira kontrako ikuspegietatik begiratuta, eta hori ikasleentzat guztiz baliagarria izan daiteke ekintzaile gisa edo inoren konturako langile gisa lan munduan ongi moldatzeko.
Halaber arreta eman beharko litzaioke lantegi, laborategi eta abarretan ematen diren moduluekiko loturari, lan osasunaren eta segurtasunaren arloko prestakuntza osatze aldera.
Lanbide modulua: Lantokietako prestakuntza.
Kodea: 0159.
Iraupena: 370 ordu.
Ikaskuntzaren emaitzak eta ebaluazio irizpideak.
1. Enpresaren egitura eta antolamendua identifikatzen ditu, eta horiek produkzioarekin eta garatzen dituen jatetxe arloko edo ostalaritzako zerbitzuekin erlazionatzen ditu.
Ebaluazio irizpideak:
a) Enpresaren antolamendu egitura eta enpresako arlo bakoitzaren eginkizunak identifikatu ditu.
b) Enpresaren sare logistikoa osatzen duten elementuak identifikatu ditu; hornitzaileak, bezeroak, produkzio sistemak, biltegiratzea, bezeroentzako zerbitzu eta arretarako protokoloa eta beste batzuk.
c) Produkzio prozesua eta zerbitzuak egitekoa garatzeko lan prozedurak identifikatu ditu.
d) Langileen gaitasunak produkzio jardueraren garapenarekin erlazionatu ditu.
e) Sareko elementu bakoitzak enpresaren jardueraren garapenerako duen garrantzia interpretatu du.
f) Merkatuaren ezaugarriak, ostalaritzako establezimendu edo negozio motak, bezero motak eta hornitzaile motak erlazionatu ditu, eta enpresaren jarduera garatzean izan dezaketen eragina aztertu du.
g) Jarduera honetan ohikoenak diren establezimendu motak eta merkaturatze-bideak identifikatu ditu.
h) Enpresaren egituraren alde onak eta txarrak azaldu ditu, bestelako enpresa erakundeekin konparatuta.
2. Bere lanbide jardueran ohitura etiko eta lan ohitura egokiak aplikatzen ditu, lanpostuaren ezaugarrien eta enpresan ezarritako prozeduren araberakoak.
Ebaluazio irizpideak:
a) Ondokoak ezagutu eta justifikatu ditu:
-Lanpostuak langileari eskatzen dizkion jarrera eta denbora.
-Lanposturako behar diren jarrera pertsonalak (puntualtasuna, enpatia, besteak beste) eta profesionalak (ordena, garbitasuna, segurtasuna, ardura, besteak beste).
-Lanbide jardueran arriskuei aurrea hartzeko beharrezkoak diren jarrerak eta babes pertsonaleko neurriak.
-Lanbide jardueraren kalitateari dagozkion jarrera eskakizunak.
-Lantaldearekiko harremanei eta enpresan ezarritako harreman hierarkikoei buruzko jarrerak.
-Lan esparruan egindako jardueren dokumentazioarekin zerikusia duten jarrerak.
-Laneratzeko eta lan munduan berriz sartzeko prestakuntza beharrak profesionalaren jarduera egokiaren esparru zientifiko eta teknikoan.
b) Lanbide jardueran laneko arriskuei aurrea hartzeko aplikatu behar diren arauak eta Laneko Arriskuei Aurrea Hartzeko Legearen funtsezko alderdiak identifikatu ditu.
c) Norbanakoak babesteko ekipamenduak erabili ditu, lanbide jardueraren arriskuen arabera eta enpresaren arauak betez.
d) Egindako jardueretan ingurumenaren errespetuzko jarrera argia agertu du eta hari lotutako barne eta kanpo arauak aplikatu ditu.
e) Lanpostua edo jarduera egiten den gunea ongi antolatua, garbi eta oztoporik gabe eduki du.
f) Jasotako jarraibideak interpretatu eta bete ditu eta esleitutako lanaren ardura hartu du.
g) Egoera bakoitzeko arduradunarekin eta taldekideekin komunikazio eta harreman eraginkorrak ezarri ditu eta tratu atsegin eta adeitsua eman die.
h) Taldeko gainerako kideekin koordinaturik lan egin du eta gertatzen den aldaketa, behar garrantzitsu edo ustekabeko ororen berri eman die.
i) Norberaren jardueraren garrantzia aintzat hartu du eta enpresaren produkzio prozesuen eta zerbitzugintzakoen garapenean esleitutako zereginen aldaketetara moldatzeko eta eginkizun berrietan integratzeko beharra baloratu du.
j) Konpromiso arduratsua hartu du zeregin eta jarduera guztietan arauak eta prozedurak aplikatzeko.
3. Lehengaiak hartzeko, biltegiratzeko eta kontserbatzeko eragiketak egiten ditu, eta horretarako kontrol bitartekoak, ekipoak eta tresnak identifikatu eta erabiltzen ditu eta teknikak eta prozedurak ezarritako argibideen eta/edo arauen arabera aplikatzen ditu.
Ebaluazio irizpideak:
a) Jasotako argibideak interpretatu ditu eta harrera-prozesuekin lotutako dokumentazioa identifikatu du.
b) Kontroleko ekipoak eta tresnak ezarritako argibide edo prozeduren arabera erabili ditu.
c) Hartutako salgaiak kualitatiboki eta kuantitatiboki eskatutakoekin bat datozen begiratu du, ezarritako argibide edo prozeduren arabera.
d) Harrera-prozesuan hautemandako desbideratzeak edo anomaliak garaiz eta taxuz jakinarazi ditu.
e) Lehengaiak azkenean erabili/kontsumitu arte biltegiratzeko eta kontserbatzeko premiak eta leku egokiak ezagutu eta zehaztu ditu, ezarritako protokoloak kontuan hartuta.
f) Biltegiratzeko lanak egiteko irizpide egokiak behar bezala aplikatu ditu, ezarritako argibideak eta/edo arauak kontuan hartuta.
g) Jeneroak ontziratzeko eta kontserbatzeko prozedurak behar bezala egin ditu, bitartekoak erabilita eta teknikak aplikatuta, ezarritako argibideen eta/edo arauen arabera.
h) Lan guztietan osasun eta higiene araudia, laneko segurtasunekoa eta ingurumena babestekoa kontuan hartu ditu.
4. Zerbitzatzeko oinarrizko eragiketak egiten ditu hainbat esparrutan, ezarritako argibideak eta/edo arauak interpretatzen ditu eta garatu beharreko jarduerei datxezkien prozedurak eta teknikak gauzatzen ditu.
Ebaluazio irizpideak:
a) Jasotako argibideak eta/edo bezeroen zerbitzu eta arretarako eremuak muntatzeko eta prest jartzeko prozesuekin lotutako dokumentazioa identifikatu eta interpretatu ditu.
b) Lehengaiak prestatzeko eta zerbitzatzeko eremuetan pilatu, banatu, biltegiratu eta/edo kontserbatzeko lanak egin ditu ezarritako argibideei eta/edo arauei jarraikiz.
c) Tresneria, materialak, lanabesak eta altzariak pilatzeko, garraiatzeko eta/edo prestatzeko prozedurak gauzatu ditu, kokatzeko eta geroztiko erabileretara egokitzeko.
d) Garatu beharreko zerbitzu motarekin bat datozen muntatzeko eragiketak gauzatu ditu ezarritako argibideei eta/edo arauei jarraikiz.
e) Mota guztietako edari errazak prestatu ditu teknikak eta prozedurak identifikatu eta aplikatuta.
f) Zerbitzuari esparru guztietan sostengua emateko edo laguntzeko eragiketak gauzatu ditu, teknikak ezagutu eta aplikatuta, ezarritako argibideei eta/edo arauei jarraikiz.
g) Eremuetako zerbitzu ondoko eta itxierako prozedurak garatu ditu, eta hurrengo zerbitzurako egokitzeko premiak identifikatu eta zehaztu ditu.
h) Lan guztietan osasun eta higiene araudia, laneko segurtasunekoa eta ingurumena babestekoa kontuan hartu ditu.
5. Edariak, produktuak eta sukaldaritzako elaborazioak zerbitzatzeko prestatzen ditu, zerbitzatzeko prozedurak eta teknikak eta ezarritako argibideak eta/edo arauak identifikatu eta aplikatuta.
Ebaluazio irizpideak:
a) Bezeroei harrera egin die, enpresa protokoloa aplikatu du eta haien premiak eta eskariak identifikatu ditu zerbitzua haien itxaropenetara egokitzeko.
b) Koktelak eta konbinatu alkoholdunak egin ditu, prestatzeko, aurkezteko eta dekoratzeko teknikak identifikatu eta aplikatuta, ezarritako argibideen eta/edo arauen arabera.
c) Taberna-kafetegiaren berezko platerak eta janaurrekoak prestatu ditu, prestatzeko, aurkezteko eta dekoratzeko sukaldaritzako teknikak identifikatu eta aplikatuta, ezarritako argibideen eta/edo arauen arabera.
d) Sukaldaritzako produktuak zatikatzeko, errazionatzeko eta hezurgabetzeko eragiketak bezeroen aurrean egin ditu, eta kasu bakoitzean teknika egokiak identifikatu eta aplikatu ditu.
e) Mota guztietako sukaldaritzako elaborazioak eta edariak -ardoa izan ezik- zerbitzatzeko prozedurak gauzatu ditu, bezeroen zerbitzu eta arretarako teknika egokiak eta ezarritako argibideak eta/edo protokoloak aplikatuta.
f) Egindako zerbitzuak kobratzeko eta fakturatzeko prozedurak gauzatu ditu, enpresak markatutako jardunbideei jarraikiz eta horretarako dauden bitartekoak eta baliabideak eraginkortasunez erabilita.
g) Lan guztietan osasun eta higiene araudia, laneko segurtasunekoa eta ingurumena babestekoa kontuan hartu ditu.
6. Ardoak zerbitzatzen ditu, funtsezko propietate eta nolakotasunak ezagututa eta teknika eta prozedura espezifikoak eta ezarritako argibideak eta/edo arauak aplikatuta.
Ebaluazio irizpideak:
a) Ardoak hartzeko, biltegiratzeko eta kontserbatzeko beharrezkoak diren baldintzak identifikatu eta zehaztu ditu.
b) Oinarrizko dastatze-fitxak egin ditu, eta ardo xumeen oinarrizko ezaugarri organoleptikoak dastatzearen bitartez identifikatu ditu.
c) Establezimenduaren eskaintzan ardoen kategoriak eta merkataritza-aurkezpenak eta sukaldaritzako eskaintzarekin izan dezaketen erlazioa ezagutu ditu.
d) Ardoa zerbitzatzeko beharrezkoak diren materialak eta lanabesak identifikatu, zehaztu eta erabili ditu.
e) Ardoa zerbitzatzeko prozedurak protokolo arauen eta/edo ezarritako argibideen edo arauen arabera jardunez gauzatu ditu.
f) Lan guztietan osasun eta higiene araudia, laneko segurtasunekoa eta ingurumena babestekoa kontuan hartu ditu.
7. Segurtasun eta higiene irizpideak betetzen ditu, eta higiene eta osasun arauak, laneko segurtasunekoak eta ingurumena babestekoak aintzat hartuta jarduten du.
Ebaluazio irizpideak:
a) Manipulatzeko jardunbideekin erlazionatuta dauden nahitaez betetzeko higiene eta osasun arauak ezagutu ditu, hala araudietan jasotakoak nola enpresaren beraren arau espezifikoak.
b) Elikagaietan kutsadura eragin dezaketen portaera edo jokabide guztiak ezagutu ditu.
c) Laneko arropa guztiak erabili eta horiek garbi edukitzeko baldintzak ezagutu ditu.
d) Produkzio prozesuak eta zerbitzukoak garatzean elikagaiak manipulatzeko jardunbide egokiak aplikatu ditu.
e) Manipulatzailea ebaki, erredura edo zaurietatik babesteko bitartekoak identifikatu ditu.
f) Enpresaren hondakin, isurketa edo igorpenekin erlazionatutako elikagaien produkzio prozesuetan ingurumen kontrola ahalbidetzen duten parametroak ezagutu ditu.
g) Hondakinak biltzeko, hautatzeko, sailkatzeko eta ezabatzeko edo isurtzeko lanak aplikatu ditu.
h) Ingurumenari kalte gutxien eragiten dioten energiak edo baliabideak erabili ditu.
Lanbide modulu hau lagungarria da tituluko gaitasunak eta zikloko helburu orokorrak osatzeko, bai ikastetxean lortutakoak bai bertan nekez lor daitezkeenak.
3. ERANSKINA. PRESTAKUNTZA UNITATEAK
A) Nola antolatu diren moduluak prestakuntza unitateetan
0150 lanbide modulua: Taberna-kafetegiko oinarrizko eragiketak (260 h.).
| KODEA | PRESTAKUNTZA UNITATEA | IRAUPENA (H) |
| 0150-UF01(NA) | Taberna-kafetegiko biltegiaren kudeaketa | 50 |
| 0150-UF02(NA) | Taberna-kafetegiko tresneria, lanabesak eta materialak prestatzea eta mantentzea | 40 |
| 0150-UF03(NA) | Taberna-kafetegian muntatzeko eta zerbitzu aurreko jarduerak | 50 |
| 0150-UF04(NA) | Edari alkoholgabeak eta edari alkoholdun sinpleak | 60 |
| 0150-UF05(NA) | Taberna-kafetegiko zerbitzu ondoko eragiketak | 60 |
0151 lanbide modulua: Jatetxeko oinarrizko eragiketak (320 h.).
| KODEA | PRESTAKUNTZA UNITATEA | IRAUPENA (H) |
| 0151-UF01(NA) | Jatetxean tresneria, altzariak eta materiala prestatzea eta mantentzea. | 50 |
| 0151-UF02(NA) | Jatetxean mahaiak muntatzea eta dekoratzea | 60 |
| 0151-UF03(NA) | Jatetxean elikagaiak zerbitzatzen laguntzea | 60 |
| 0151-UF04(NA) | Jatetxean edariak zerbitzatzen laguntzea | 60 |
| 0151-UF05(NA) | Jatetxeko zerbitzu ondoko eta itxierako eragiketak | 60 |
| 0151-UF06(NA) | Ostalaritzan lehengaiak pilatzea | 30 |
0154 lanbide modulua: Ardoa eta zerbitzua (130 h.).
| KODEA | PRESTAKUNTZA UNITATEA | IRAUPENA (H) |
| 0154-UF01(NA) | Ardoak hartzea, biltegiratzea eta identifikatzea | 40 |
| 0154-UF02(NA) | Ardoa dastatzea | 50 |
| 0154-UF03(NA) | Ardo-kartak, uztartzea eta zerbitzatzea | 40 |
0031 lanbide modulua: Elikagaiak manipulatzeko segurtasuna eta higienea (70 h.).
| KODEA | PRESTAKUNTZA UNITATEA | IRAUPENA (H) |
| 0031-UF01(NA) | Ekipoak eta instalazioak desinfektatzea | 20 |
| 0031-UF02(NA) | Elikagaien manipulazio higienikoa: hondakinak nola tratatu | 30 |
| 0031-UF03(NA) | Sukaldaritzako kontrol gune kritikoak | 20 |
0156 lanbide modulua: Oinarrizko ingelesa I (60 h.).
| KODEA | PRESTAKUNTZA UNITATEA | IRAUPENA (H) |
| NA04-UF01(NA) | Oinarrizko ingelesa I | 60 |
0155 lanbide modulua: Jatetxe arloko komunikazio teknikak (60 h.).
| KODEA | PRESTAKUNTZA UNITATEA | IRAUPENA (H) |
| 0155-UF01(NA) | Jatetxe arloko komunikazioa eta salmenta teknikak | 20 |
| 0155-UF02(NA) | Jatetxe arloko protokoloa | 20 |
| 0155-UF03(NA) | Jatetxe arloan iradokizunak, kexak eta erreklamazioak tratatzea | 20 |
0158 lanbide modulua: Enpresa eta ekimena (60 h.).
| KODEA | PRESTAKUNTZA UNITATEA | IRAUPENA (H) |
| 0158-UF01(NA) | Enpresa ekimena: negozio-ideiak | 20 |
| 0158-UF02(NA) | Enpresaren azterketa ekonomiko-finantzarioa | 20 |
| 0158-UF03(NA) | Enpresa abian jartzea | 20 |
0045 lanbide modulua: Eskaintza gastronomikoak (60 h)
| KODEA | PRESTAKUNTZA UNITATEA | IRAUPENA (h) |
| 0045-PU01 (NA) | Jatetxe arloko enpresen antolaketa | 20 |
| 0045-PU02 (NA) | Elikagaien nutrizio-propietateak eta propietate dietetikoak | 20 |
| 0045-PU03 (NA) | Eskaintza gastronomikoen diseinua eta kostuen kalkulua | 20 |
0152 lanbide modulua: Zerbitzuak ostatu-kafetegian (200 h)
| KODEA | PRESTAKUNTZA UNITATEA | IRAUPENA (h) |
| 0152-PU01 (NA) | Koktelak eta Flair koktelak | 50 |
| 0152-PU02 (NA) | Janaurrekoak eta platerak ostatu-kafetegian | 60 |
| 0152-PU03 (NA) | Bezeroarentzako arreta eta fakturazioa ostatu-kafetegian | 60 |
| 0152-PU04 (NA) | Konbinazioak | 30 |
0153 lanbide modulua: Jatetxeko eta ekitaldi berezietako zerbitzuak (240 h.).
| KODEA | PRESTAKUNTZA UNITATEA | IRAUPENA (H) |
| 0153-UF01(NA) | Bezeroari arreta egitea mahaian | 40 |
| 0153-UF02(NA) | Jatetxe arloko zerbitzu bereziak | 40 |
| 0153-UF03(NA) | Jatetxean sukaldaritzako elaborazioak zerbitzatzea | 50 |
| 0153-UF04(NA) | Bezeroen aurrean platerak elaboratzea | 50 |
| 0153-UF05(NA) | Zatikatzeko, errazionatzeko eta hezurgabetzeko eragiketak | 60 |
0156 lanbide modulua: Ingelesa (90 h.).
| KODEA | PRESTAKUNTZA UNITATEA | IRAUPENA (H) |
| 0156-UF01(NA) | Ingelesa ostalaritza zerbitzuetan I | 40 |
| 0156-UF02(NA) | Ingelesa ostalaritza zerbitzuetan II | 50 |
0157 lanbide modulua: Lanerako prestakuntza eta orientazioa (90 h.).
| KODEA | PRESTAKUNTZA UNITATEA | IRAUPENA (H) |
| 0157-UF01(NA) | Laneko arriskuen prebentzioaren oinarrizko maila | 30 |
| 0157-UF02(NA) | Lan harremanak eta Gizarte Segurantza | 40 |
| 0157-UF03(NA) | Laneratzea eta gatazken ebazpena | 20 |
B) Prestakuntza unitateen garapena
| Lanbide modulua: Taberna-kafetegiko oinarrizko eragiketak. Iraupena: 260 ordu. Kodea: 0150. |
Prestakuntza unitatea: Taberna-kafetegiko biltegiaren kudeaketa.
Kodea: 0150 - UF01 (NA).
Iraupena: 50 ordu.
Lehengaiak hartzea:
-Merkataritzako kategoriak eta etiketak.
-Jeneroak hartzeko eragiketak.
-Lehengaiak biltegiratze motaren eta kontsumoaren arabera sailkatu eta banatzea: FIFO eta batezbesteko haztatua.
-Aplikazio informatikoak.
-Osasun eta higiene araudia, laneko segurtasunekoa eta ingurumena babestekoa zorrotz betetzea.
Lehengaiak pilatzea:
-Lehengaiak biltegiratzeko eta barnetik banatzeko eragiketen deskribapena eta ezaugarriak.
-Inprimakiak egin eta gauzatzea.
-Lehengaiak barnetik hornitzeko eta banatzeko prozedurak.
-Inbentarioak aztertu eta egitea.
Prestakuntza unitatea: Taberna-kafetegiko tresneria, lanabesak eta materialak prestatzea eta mantentzea.
Kodea: 0150 - UF02 (NA).
Iraupena: 40 ordu.
-Taberna-kafetegiaren eremuetako kokapena: definizioa, sailkapena eta ezaugarriak.
-Edariak zerbitzatzen dituzten bestelako establezimenduak.
-Tabernaren eremuetako berezko makineria, materiala eta altzariak. Deskribapena, sailkapena eta ezaugarriak.
-Kokapena eta banaketa.
-Makineria prest jartzea eta kontrolatzea.
-Osasun eta higiene araudia, laneko segurtasunekoa eta ingurumena babestekoa zorrotz betetzea.
Prestakuntza unitatea: Taberna-kafetegian muntatzeko eta zerbitzu aurreko jarduerak.
Kodea: 0150 - UF03 (NA).
Iraupena: 50 ordu.
-Taberna-kafetegiaren eremuetako zerbitzuen tipologia.
-Taberna-kafetegiko lantaldea identifikatzea:
Lantaldearen organigrama.
Lanbide kategoriak.
Eginkizunak eta erantzukizunak.
Berdintasuna.
Profesionalaren deontologia.
Jarrera higienea eta ohitura onak.
-Zerbitzu aurreko eragiketak: ezaugarriak.
-Muntatzeko eragiketak gauzatzea. Emaitzak kontrolatu eta baloratzea.
-Eskaeraren ezaugarriak eta erabilerak, formalizazioa eta mugimenduen fluxua. Erabilera horiei lotutako teknologia berriak.
Prestakuntza unitatea: Edari alkoholgabeak eta edari alkoholdun sinpleak.
Kodea: 0150 - UF04 (NA).
Iraupena: 60 ordu.
Edari bero errazak prestatzea:
-Kafeak, txokolateak, infusioak eta bestelakoak. Definizioak, sailkapenak, motak eta ezaugarriak.
-Merkataritzako aurkezpenak eta etiketak.
-Prestatzeko, aurkezteko eta zerbitzatzeko faseak eta teknikak.
-Gauzatzeko eta zerbitzatzeko prozedurak. Emaitzak kontrolatu eta baloratzea.
-Biltegiratzea eta kontserbatzea.
-Osasun eta higiene araudia, laneko segurtasunekoa eta ingurumena babestekoa zorrotz betetzea.
Irabiakiak, zukuak, freskagarriak eta urak prestatzea:
-Irabiakiak, zukuak, freskagarriak eta urak. Definizioak, sailkapenak, motak eta ezaugarriak.
-Merkataritzako aurkezpenak eta etiketak.
-Kokapena eta kontserbazioa.
-Zukuak eta irabiakiak prestatzeko eta aurkezteko teknikak. Kontserbazioa.
-Gauzatzeko eta zerbitzatzeko prozedurak. Emaitzak kontrolatu eta baloratzea.
-Osasun eta higiene araudia, laneko segurtasunekoa eta ingurumena babestekoa zorrotz betetzea.
Edari alkoholdun sinpleak zerbitzatzea:
-Janaurrekoak eta garagardoak. Definizioak, sailkapenak, motak eta ezaugarriak.
-Kokapena eta kontserbazioa.
-Janaurrekoak eta garagardoak zerbitzatzeko teknikak. Emaitzak gauzatzeko, kontrolatzeko eta baloratzeko prozedurak.
-Ardoak. Zerbitzatzeko oinarrizko eragiketak.
-Osasun eta higiene araudia, laneko segurtasunekoa eta ingurumena babestekoa zorrotz betetzea.
Prestakuntza unitatea: Taberna-kafetegiko zerbitzu ondoko eragiketak.
Kodea: 0150 - UF05 (NA).
Iraupena: 60 ordu.
-Taberna-kafetegiaren eremuetako zerbitzu ondoko eragiketak.
-Deskribapena eta ezaugarrien azalpena.
-Faseak sekuentziatzea eta teknikak aplikatzea.
-Materialak eta lehengaiak kontrolatzea eta berrezartzea.
-Lotutako dokumentuak.
-Premiak aztertzea eta hautematea. Kontrol prozedurak.
-Zerbitzu ondoko eragiketak gauzatzeko prozedurak. Emaitzak kontrolatu eta baloratzea.
-Osasun eta higiene araudia, laneko segurtasunekoa eta ingurumena babestekoa zorrotz betetzea.
| Lanbide modulua: Jatetxeko oinarrizko eragiketak. Iraupena: 320 ordu. Kodea: 0151. |
Prestakuntza unitatea: Jatetxean tresneria, altzariak eta materiala prestatzea eta mantentzea.
Kodea: 0151 - UF01 (NA).
Iraupena: 50 ordu.
-Jatetxearen eremuko berezko materiala, tresneria eta altzariak.
-Material, tresneria eta altzarien kokapena, banaketa eta funtzionaltasuna.
-Materiala, tresneria eta altzariak zehaztea establezimendu mota bakoitzerako, haien ezaugarrien arabera.
-Materiala, tresneria eta altzariak prest jartzeko eta egokitzeko eragiketak.
Prestakuntza unitatea: Jatetxean mahaiak muntatzea eta dekoratzea.
Kodea: 0151 - UF02 (NA).
Iraupena: 60 ordu.
-Jatetxearen eremuko zerbitzuen tipologia.
-Mahaiak eta bestelako elementuak muntatzea. Horren ezaugarriak azaltzea eta zerbitzu motara egokitzea. Faseak eta lotutako teknikak sekuentziatzea.
-Mahaiak dekoratzea.
-Mahaiak muntatzeko eta aurkezteko eragiketak gauzatzea. Emaitzak kontrolatu eta baloratzea.
-Osasun eta higiene araudia, laneko segurtasunekoa eta ingurumena babestekoa zorrotz betetzea.
Prestakuntza unitatea: Jatetxean elikagaiak zerbitzatzen laguntzea.
Kodea: 0151 - UF03 (NA).
Iraupena: 60 ordu.
-Elikagaiak zerbitzatzeko erak eta metodoak.
-Platerak, azpilak, erretiluak eta bestelakoak garraiatzeko prozedurak.
-Elikagaiak zerbitzatzeko oinarrizko arauak.
-Platerak markatzea. Jasotzeko eragiketak garbi eta ordenatuta egitea.
-Eskaeraren ezaugarriak eta erabilerak, formalizazioa eta mugimenduen fluxua.
-Aretoan elikagaiak zerbitzatzen laguntzeko eragiketak.
-Bezeroei arreta egiteko arauak zerbitzatzeko eragiketa guztietan.
-Osasun eta higiene araudia, laneko segurtasunekoa eta ingurumena babestekoa zorrotz betetzea.
Prestakuntza unitatea: Jatetxean edariak zerbitzatzen laguntzea.
Kodea: 0151 - UF04 (NA).
Iraupena: 60 ordu.
-Aretoan edariak zerbitzatzeko bereziki erabiltzekoa den materiala. Ezaugarriak, erabilerak eta aplikazioak.
-Edariak zerbitzatzeko oinarrizko arauak.
-Aretoan edariak zerbitzatzen laguntzeko eragiketak.
-Osasun eta higiene araudia, laneko segurtasunekoa eta ingurumena babestekoa zorrotz betetzea.
Prestakuntza unitatea: Jatetxeko zerbitzu ondoko eta itxierako eragiketak.
Kodea: 0151 - UF05 (NA).
Iraupena: 60 ordu.
-Aretoko eremuetako zerbitzu ondoko eragiketak.
-Faseak sekuentziatzea eta teknikak aplikatzea.
-Materialak eta lehengaiak kontrolatzea eta berrezartzea.
-Premiak aztertzea eta hautematea. Kontrol prozedurak.
-Zerbitzu ondoko eragiketak gauzatzeko prozedurak. Emaitzak kontrolatu eta baloratzea.
-Osasun eta higiene araudia, laneko segurtasunekoa eta ingurumena babestekoa zorrotz betetzea.
Prestakuntza unitatea: Ostalaritzan lehengaiak pilatzea.
Kodea: 0151 - UF06 (NA).
Iraupena: 30 ordu.
-Instalazioak kokatzea eta ekonomatua eta sotoa antolatzea.
-Lehengaiak biltegiratzeko eta barnetik banatzeko eragiketen deskribapena eta ezaugarriak.
-Inprimakiak gauzatu eta egitea.
-Lehengaiak barnetik hornitzeko eta banatzeko prozedurak.
-Stockak kudeatzea: Stock operatiboa. Segurtasun stocka. Gehieneko eta gutxieneko stockak. Inbentarioak aztertu eta egitea.
| Lanbide modulua: Ardoa eta zerbitzua. Iraupena: 130 ordu. Kodea: 0154. |
Prestakuntza unitatea: Ardoak hartzea, biltegiratzea eta identifikatzea.
Kodea: 0154 - UF01 (NA).
Iraupena: 40 ordu.
Ardoak hartzea:
-Ardoa hartzea eta biltegiratzea.
-Sotoa: kokapena eta beharrezko espazioa.
-Kontserbatzeko baldintzak.
-Kontserbatzeko tresneria. Prest jartzea eta garbitzea.
-Sotoko liburua.
-Eguneko sotoa.
-Ardoen erreserba.
-Eskaera txartelak.
-Ardoak txandakatzea.
Ardoak identifikatzea:
-Sektorean aplikatu beharreko legedia.
-Mahatsondoa eta mahatsa. Definizioa eta morfologia.
-Ardoen ezaugarriak azaltzea.
-Ardoaren profilean eragina duten faktoreak.
-Ardogintza. Ardogintzaren prozesuak.
-Mahats aldaerak.
-Jatorrizko deiturak. Kontseilu Arautzailea.
-"Navarra" jatorrizko deitura duten ardoak.
-Nazioarteko ardoak. Identifikazioa.
-Botila. Tipologia. Kapsula eta kortxoa. Etiketa eta kontraetiketa.
Prestakuntza unitatea: Ardoa dastatzea.
Kodea: 0154 - UF02 (NA).
Iraupena: 50 ordu.
-Dastatze aretoaren kokapena eta hornikuntza. Argia eta aireztapena.
-Dastatzea.
-Dastatzearen metodologia.
-Dastatzearen tresnak, materialak eta lanabesak. Dastatzeko kopa.
-Analisi sentsoriala: Dastatzearen faseak.
-Ardoaren hiztegi teknikoa.
Prestakuntza unitatea: Ardo-kartak, uztartzea eta zerbitzatzea.
Kodea: 0154 - UF03 (NA).
Iraupena: 40 ordu.
Ardo-karta errazak definitzea:
-Ardo-karta.
-Karten egitura.
-Ardo-karta sinpleak egitea eta diseinatzea.
-Kartako ardoak hautatzea, establezimenduaren tipologiaren, kokapenaren eta bezero motaren arabera.
-Joera berriak. Egile-ardoak.
-Ardoak eta platerak uztartzea.
Ardoak zerbitzatzea:
-Zerbitzatzeko erremintak. Kortxo-kentzekoak, dekantatze-ontziak, kopak, termometroak eta bestelakoak.
-Ardoaren zerbitzua prestatzeko eta prest jartzeko eragiketak.
-Zerbitzatzeko tenperatura.
-Dekantazioa eta oxigenazioa.
-Ardoaren zerbitzua. Faseak eta ohiko prozedurak.
-Botila bat ardo zabaltzeko prozesu motak: saskitxoa, botilak hoztekoa eta mahai osagarria.
-Zerbitzu bereziko prozesuak. Apardunak eta beste batzuk.
| Lanbide modulua: Elikagaiak manipulatzeko segurtasuna eta higienea. Iraupena: 70 ordu. Kodea: 0031. |
Prestakuntza unitatea: Ekipoak eta instalazioak desinfektatzea.
Kodea: 0031 - UF01 (NA).
Iraupena: 20 ordu.
-Garbiketa mailak eta kontzeptuak.
-Lanabesen, tresneriaren eta instalazioen garbiketari buruzko legeria eta betekizunak.
-Garbitu eta desinfektatu edo intsektu eta arratoiak hiltzeko jarduera desegokiekin lotutako osasunaren kontrako arriskuak.
-Garbitzeko prozesuak eta produktuak.
Prestakuntza unitatea: Elikagaien manipulazio higienikoa: hondakinak nola tratatu.
Kodea: 0031 - UF02 (NA).
Iraupena: 30 ordu.
-Jarduerari aplikatu behar zaion higieneari buruzko araudi orokorra.
-Elikagaietan eragindako kutsadurak eta nahasteak, manipulatzaileen ohitura desegokien ondorioz.
-Higiene Jardunbide Egokien Gidak (HJEG).
-Elikagaiak manipulatzeko araudi orokorra.
-Elikagaien kutsadurak eta alterazioak, manipulatzeko jardunbide desegokien ondorioz.
-Elikagaiak manipulatzeko jardunbide desegokiei lotutako osasunaren kontrako arriskuak.
-Elikagaiak kontserbatzeko metodoak.
-Erabilerak eragindako ingurumen inpaktua.
-Urrezko hiru arauak: gutxitu, berrerabili eta birziklatu.
-Baliabideen kontsumoa gutxitzeko metodologiak.
-Ingurumen arloko legeria.
-Sortutako hondakinen eta horien ingurumen eraginaren deskribapena.
-Hondakinak biltzeko, sailkatzeko eta ezabatzeko edo isurtzeko teknikak.
-Elikagaien produkzio prozesuetan ingurumen kontrola ahalbidetzen duten parametroak.
Prestakuntza unitatea: Sukaldaritzako kontrol gune kritikoak.
Kodea: 0031 - UF03 (NA).
Iraupena: 20 ordu.
-Sukaldaritzako kontrol gune kritikoak.
-Elikagaien manipulazioan eragin daitezkeen osasun arriskuekin lotutako kontrol neurriak.
-Arriskuak eta Kontrol Gune Kritikoak Aztertzeko autokontrol sistemaren zazpi printzipioen aurretiko urratsak.
-AKGKA autokontrol sistemaren zazpi printzipioak.
-Trazabilitatea.
| Lanbide modulua: Oinarrizko ingelesa I. Iraupena: 60 ordu. Kodea: NA0. |
Modulu honetan prestakuntza unitate bakarra dago eta horren iraupena eta garapena bat datoz curriculumeko "Oinarrizko ingelesa I" lanbide moduluan ezarritakoarekin.
| Lanbide modulua: Jatetxe arloko komunikazio teknikak. Iraupena: 60 ordu. Kodea: 0155. |
Prestakuntza unitatea: Jatetxe arloko komunikazioa eta salmenta teknikak.
Kodea: 0155 - UF01 (NA).
Iraupena: 20 ordu.
-Komunikazio prozesua.
-Hitzezko komunikazioa jatetxe arloan.
-Zerbitzuak egiteari lotutako oinarrizko dokumentazioa.
-Hitzik gabeko komunikazioa. Irudi pertsonala.
-Enpatia, harmena, asertibitatea.
-Eginkizunak, helburuak eta bezeroen eta profesionalaren arteko harremana.
-Arreta pertsonalizatua, bezeroen leialtasuna lortzeko oinarri.
-Jatetxe arloko prozesuetan bezeroen arreta zein garrantzitsua den aztertzea.
-Jatetxe arloko salmenta teknikak.
-Produktu eta zerbitzuen nolakotasunak azaltzea.
-Jatetxe arloan salmenta prozesuan jarduteko eredua.
-Bezeroekiko harremanak.
Prestakuntza unitatea: Jatetxe arloko protokoloa.
Kodea: 0155 - UF02 (NA).
Iraupena: 20 ordu.
-Protokolo ekitaldien motak eta helburuak.
-Jatetxe arloko protokolo elementuen definizioa.
-Protokolo ekitaldietako mahaiburutza motak.
-Antolatu beharreko ekitaldiaren dokumentazioa.
-Irudi korporatiboa baloratzea.
Prestakuntza unitatea: Jatetxe arloan iradokizunak, kexak eta erreklamazioak tratatzea.
Kodea: 0155 - UF03 (NA).
Iraupena: 20 ordu.
-Bezeroen objekzioak eta horien tratamendua.
-Erreklamazioen aurrean jarduteko erabiltzen diren teknikak.
-Erreklamazioen kudeaketa.
-Erreklamazio batean beharrezkoak diren dokumentuak edo frogak.
-Erreklamazioen kudeaketan tresna informatikoak erabiltzea.
-Kontsumitzailearen eta erabiltzailearen babesa Espainian eta Europar Batasunean.
| Lanbide modulua: Enpresa eta ekimena. Kodea: 0158. Iraupena: 60 ordu. |
Prestakuntza unitatea: Enpresa ekimena: negozio-ideiak.
Kodea: 0158 - UF01 (NA).
Iraupena: 20 ordu.
-Berrikuntza eta garapen ekonomikoa. Berrikuntzaren ezaugarri nagusiak ostalaritza arloan.
-Ekintzaileen gako-faktoreak: ekimena, sormena eta prestakuntza.
-Ekintzaileen jarduna, ostalaritza arloko ETE bateko enpresaburu eta enplegatu gisa.
-Ekimenaren arriskua.
-"Enpresaburua" kontzeptua. Enpresa jarduerarako baldintzak. Izaera ekintzailea.
-Enpresa plana: negozio-ideia ostalaritzaren arloan.
-Ostalaritza arloko ETE baten ingurune orokorraren eta berariazkoaren azterketa.
-Ostalaritza arloko ETE batek bere ingurunearekin eta gizarte osoarekin dituen harremanak.
-Enpresa nazioartean. Europar Batasunean askatasunez kokatzeko eskubidea.
-AMIA azterketa: mehatxuak eta aukerak.
-Marketin plana.
Prestakuntza unitatea: Enpresaren azterketa ekonomiko-finantzarioa.
Kodea: 0158 - UF02 (NA).
Iraupena: 20 ordu.
-Enpresa, sistema gisa. Enpresaren oinarrizko eginkizunak.
-Produkzio prozesuaren edo zerbitzuaren deskribapen teknikoa. Giza baliabideak.
-Ostalaritza arloko ETE baten bideragarritasun ekonomikoa eta bideragarritasun finantzarioa. Inbertsio plana. Finantzaketa plana.
-Errentagarritasun atalasea.
-"Kontabilitatea" kontzeptua eta oinarrizko alderdiak.
-Kontabilitateko informazioa aztertzea.
-AMIA azterketa: ahuleziak eta indarrak.
-Enpresa plana: produkzio plana, bideragarritasun ekonomiko eta finantzarioaren azterlana.
Prestakuntza unitatea: Enpresa bat abian jartzea.
Kodea: 0158 - UF03 (NA).
Iraupena: 20 ordu.
-Enpresa motak. Forma juridikoak. Frankiziak.
-Forma juridikoa hautatzea.
-Fiskalitatea enpresetan: Nafarroako Foru Komunitateko zerga sistemaren berezitasunak.
-Enpresa bat eratzeko administrazio tramiteak.
-Enpresa bat eratzeko aholku ematen duten erakundeak.
-Enpresa plana: forma juridikoaren hautapena, administrazio tramiteak, eta laguntzen eta diru-laguntzen kudeaketa.
-Kontabilitate eragiketak: enpresaren informazio ekonomikoaren erregistroa.
-Enpresen zerga betebeharrak.
-Agiri ofizialak aurkezteko baldintzak eta epeak.
-Ostalaritzaren arloko enpresa baten kudeaketa administratiboa.
| Lanbide modulua: Eskaintza gastronomikoak. Iraupena: 70 ordu. Kodea: 0045. |
Prestakuntza unitatea: Jatetxe arloko enpresen antolaketa.
Kodea: 0045 - UF01 (NA).
Iraupena: 20 ordu.
-Jatetxe arloko enpresen sailkapena.
-Establezimendu motak eta jatetxe arloko formulak.
-Jatetxe arloko egungo joerak.
-Sailen arteko harremanak. Dokumentuen zirkuituak.
-Taldeko kideen gaitasunak eta jarrerak baloratzea.
Prestakuntza unitatea: Elikagaien propietate dietetikoak eta nutrizionalak.
Kodea: 0045 - UF02 (NA).
Iraupena: 20 ordu.
-Elikagaien osaera.
-Mantenugaien funtzioa eta degradazioa.
-Nutrizio-premiak.
-Ereduzko dietak. Dieta mediterraneoa.
-Elikadura behar bereziak dituzten pertsonentzako dietak: zeliakoak, diabetikoak, gibeleko, urdaileko eta giltzurruneko gaitzak, hiesa eta ospitaleko beste dieta batzuk.
Prestakuntza unitatea: Eskaintza gastronomikoak diseinatzea eta kostuak kalkulatzea.
Kodea: 0045 - UF03 (NA).
Iraupena: 30 ordu.
-Eskaintzen deskribapena, ezaugarriak eta motak.
-Eskaintzen osagaiak eta aldagaiak.
-Oinarrizko eskaintzak: menuak, kartak, buffetak eta bestelakoak. Deskribapena eta azterketa.
-Oinarrizko eskaintzak egitea eta emaitzak baloratzea.
-Eskaintza gastronomikoen kostuak kalkulatzea.
-Salmenta prezioa. Osagaiak. Salmenta prezioa finkatzeko metodoak.
-Energia aurrezteko aukerak.
| Lanbide modulua: Taberna-kafetegiko zerbitzuak. Iraupena: 180 ordu. Kodea: 0152. |
Prestakuntza unitatea: Koktelak eta konbinatuak.
Kodea: 0152 - UF01 (NA).
Iraupena: 60 ordu.
Koktelak eta konbinatu alkoholdunak egitea:
-Koktelak. Koktelak: definizioa, jatorria eta bilakaera.
-Koktelgintzan bereziki erabiltzen diren materialak eta lanabesak.
-Koktelgintzako zerbitzu aurrekoa. Estazio zentrala muntatzea eta prest jartzea.
-Dekoratzeko/aurkezteko ohiko elementuak.
-Koktelak egiteko oinarrizko arauak.
-Koktelgintza sailak identifikatzea.
-Koktelak eta bestelako konbinatuak prestatzea, dekoratzea, aurkeztea eta zerbitzatzea.
-Nazioarteko errezetak eta koktelgintzaren joera berriak.
Edari alkoholdunak -ardoa izan ezik- zerbitzatzea:
-Pattarrak eta likoreak. Ohiko elaborazio prozesuen ezaugarriak azaltzea. Destilazioa, oinarrizko printzipioak eta alanbike motak.
-Pattarren eta likoreen arteko funtsezko ezberdintasunak.
-Merkataritza-aurkezpena. Identifikazioa eta ezaugarriak.
-Prestatzeko oinarrizko arauak.
-Gauzatzeko prozedurak.
Prestakuntza unitatea: Taberna-kafetegiko janaurrekoak eta platerak.
Kodea: 0152 - UF02 (NA).
Iraupena: 60 ordu.
-Taberna-kafetegiaren esparruan elikagaiak prestatzeko eremuetako makineria, ontziteria, lanabes eta erreminta espezifikoak.
-Eremu hauetan erabili ohi diren lehengaiak.
-"Navarra" jatorrizko deitura duten produktuak oinarri hartuta, platerak, janaurrekoak eta "pintxoak" prestatzea.
-Elikagaiak kontserbatzeko eta lehengoratzeko prozedurak.
-Erlazionatutako dokumentazioa.
-Taberna-kafetegiaren esparruan elikagaiak prestatzeko eremuak prest jartzea.
-Lehengaiak aurrez elaboratzeko, lehengoratzeko eta kontserbatzeko eragiketak.
-Taberna-kafetegiaren berezko sukaldaritzako produktuak elaboratzea.
-Eremu horretako berezko sukaldaritzako produktuak dekoratzeko, aurkezteko eta zerbitzatzeko oinarrizko prozedurak.
-Taberna-kafetegiaren eremuko berezko elikagaiak eta sukaldaritzako produktuak erakustea.
-Oinarrizko segurtasun eta higiene arauak, taberna-kafetegiaren berezko elikagaiak eta sukaldaritzako produktuak elaboratu eta erakustean.
Prestakuntza unitatea: Taberna-kafetegian bezeroak zerbitzatzea eta fakturatzea.
Kodea: 0152 - UF03 (NA).
Iraupena: 60 ordu.
Taberna-kafetegian bezeroak zerbitzatzea:
-Taberna-kafetegian bezeroei harrera egiteko, egonaldia ahalbidetzeko eta agur esateko prozedurak.
-Hitzik gabeko komunikazioa, bezeroei arreta egiteko modalitatea den aldetik.
-Taberna-kafetegian eskaintza aurkeztea. Produktuak eta zerbitzuak erakusgai jartzea, bezeroen eskari eta itxaropenei erantzutea, iradokizunak aintzat hartzea eta eskaintza egokitzea.
-Iradokizunak, kexak eta/edo erreklamazioak.
Zerbitzuak fakturatzea eta kobratzea:
-Fakturatzeko prozesuak.
-Faktura definitzea eta prestatzea. Fakturaren funtsezko kontzeptuak.
-Laguntzeko materialak eta fakturazioaren berezko dokumentuak.
-Kobratzeko sistemak.
-Fakturatzeko eta kobratzeko prozedurak.
-Kutxa ixteko prozedurak.
-Erlazionatutako aplikazio informatikoak. ST (saltokiko terminalak).
| Lanbide modulua: Jatetxeko eta ekitaldi berezietako zerbitzuak. Iraupena: 240 ordu. Kodea: 0153. |
Prestakuntza unitatea: Bezeroari arreta egitea mahaian.
Kodea: 0153 - UF01 (NA).
Iraupena: 40 ordu.
-Aretoko zerbitzuko langileen funtzioak.
-Sukaldaritza ostatu establezimenduetan. Ostalaritzako eta jatetxeetako sailen arteko erlazioak. Organigramak.
-Gosarien zerbitzua.
-Gela-zerbitzua. Erlazionatutako dokumentazioa eta kontrola. Logelako edaritegia.
-Mahaian bezeroei harrera egiteko, egonaldia ahalbidetzeko eta agur esateko prozedurak.
-Zerbitzatzeko arau orokorrak jantokian.
-Mahaikideak kokatzeko teknikak eta metodoak. Lehendakaritza sistemak ekitaldi berezietan.
-Bezeroak zerbitzatzeko oinarrizko hiztegia.
-Kartak eta menuak mahaian aurkeztea. Chefaren iradokizunak edo gomendioak. Ardo- eta edari-kartak.
-Eskaerak. Prozesu horiei lotutako teknologia berriak.
-Kafeak, infusioak, likoreak eta tabakoa zerbitzatzea.
-Faktura. Aurkeztea eta kobratzea jarraibideen eta ezarritako arauen arabera.
-Iradokizunak, kexak eta/edo erreklamazioak.
Prestakuntza unitatea: Jatetxe arloko zerbitzu bereziak.
Kodea: 0153 - UF02 (NA).
Iraupena: 40 ordu.
-Zerbitzu berezietan bezeroei harrera egiteko, egonaldia ahalbidetzeko eta agur esateko prozedurak.
-Bezeroak zerbitzatzeko oinarrizko hiztegia.
-Jatetxe arloko zerbitzu berezietan kartak eta menuak aurkeztea.
-Jatetxe arloko zerbitzu berezietako eskaerak. Prozesu horiei lotutako teknologia berriak.
-Jatetxe arloko zerbitzu berezietako iradokizunak, kexak eta/edo erreklamazioak.
Prestakuntza unitatea: Jatetxean sukaldaritzako elaborazioak zerbitzatzea.
Kodea: 0153 - UF03 (NA).
Iraupena: 50 ordu.
-Jatetxeko zerbitzua eta zerbitzu bereziak.
-Buffet zerbitzua eta autozerbitzua.
-Mahaian zerbitzatzeko prozedurak gauzatzea eta emaitzak garatzea, kontrolatzea eta baloratzea.
-Zerbitzu bereziak. Catering zerbitzua.
-Jatetxean eta zerbitzu berezien zerbitzu aurreko, zerbitzuko eta zerbitzu ondoko eragiketak gauzatzea.
-Osasun eta higiene araudia, laneko segurtasunekoa eta ingurumena babestekoa aplikatzea.
Prestakuntza unitatea: Bezeroen aurrean platerak elaboratzea.
Kodea: 0153 - UF04 (NA).
Iraupena: 50 ordu.
-Bezeroen aurrean platerak elaboratzeko makineria, lanabes eta erreminta espezifikoak. Zerbitzatzeko orgak erabiltzea.
-Prest jartzeko eragiketak.
-Materialak kokatzea eta guneak egokitzea.
-Bezeroen aurrean platerak elaboratzeko teknikak.
-Platerak eta azpilak aurkezteko dekorazio aukerak.
-Segurtasunerako eta ingurumena babesteko higiene eta osasun arauak.
Prestakuntza unitatea: Zatikatzeko, errazionatzeko eta hezurgabetzeko eragiketak.
Kodea: 0153 - UF05 (NA).
Iraupena: 60 ordu.
-Prozesu hauetan erabiltzen diren lanabes eta erreminta espezifikoak eta/edo ohikoak.
-Mahaikidearen aurreko materialak eta gunea prest jartzeko eragiketak.
-Sukaldaritzako produktuak eta erlazionatutako lehengaiak.
-Zatikatzeko, hezurgabetzeko eta errazionatzeko teknikak.
-Haragiak, hegaztiak, arrainak, itsaskiak, frutak eta beste zenbait elikagairekin prozedurak gauzatzea.
-Urdaiazpikoa moztea. Elikagai ketuen xerrak egitea. Gazta taulak prestatzea eta zerbitzatzea.
-Osasun eta higiene araudia, laneko segurtasunekoa eta ingurumena babestekoa aplikatzea.
| Lanbide modulua: Ingelesa. Iraupena: 90 ordu. Kodea: 0156. |
Prestakuntza unitatea: Ingelesa ostalaritza zerbitzuetan I.
Kodea: 0156 - UF01 (NA).
Iraupena: 40 ordu.
Oinarrizko ahozko mezuak ulertzea:
-Sektoreko mezu profesionalak eta egunerokoak ezagutzea.
-Zuzeneko, telefono bidezko, grabatutako mezuak.
-Jatetxeen sektorearen terminologia berariazkoa.
-Ideia nagusia eta bigarren mailako ideiak.
-Gramatika baliabideak: aditz denborak, preposizioak, adberbioak, lokuzio preposizionalak eta adberbiozko lokuzioak, boz pasiboaren erabilera, perpaus erlatiboak, zeharkako estiloa eta beste batzuk.
-Beste hizkuntza baliabide batzuk: gustuak eta lehentasunak, iradokizunak, argudiaketak, jarraibideak, baldintzaren eta zalantzaren adierazpena eta beste batzuk.
-Ahozko hizkuntzaren azentuak.
Oinarrizko mezu idatziak interpretatzea:
-Mezuak, testuak, oinarrizko lanbideko eta eguneroko artikuluak ulertzea.
-Euskarri telematikoak: faxa, posta elektronikoa, burofaxa.
-Jatetxeen sektorearen terminologia berariazkoa.
-Ideia nagusia eta bigarren mailako ideiak.
-Gramatika baliabideak: aditz denborak, preposizioak, adberbioak, lokuzio preposizionalak eta adberbiozko lokuzioak, boz pasiboaren erabilera, perpaus erlatiboak, zeharkako estiloa eta beste batzuk.
-Erlazio logikoak: aurkaritza, kontzesioa, konparazioa, baldintza, kausa, helburua, ondorioa.
-Denborazko erlazioak: lehenagokotasuna, gerokotasuna, aldiberekotasuna.
Oinarrizko ahozko mezuak sortzea:
-Ahozko mezuak bidaltzeko erabilitako erregistroak.
-Jatetxeen sektorearen terminologia berariazkoa.
-Bokal eta kontsonante soinuak eta fonemak. Konbinazioak eta elkarketak.
-Gizarte harremanen, kortesia arauen eta erregistro aldeen hizkuntza adierazgailuak.
-Ahozko diskurtsoa mantendu eta horren jarraipena egitea:
Laguntzea, ulertzen dela erakustea, argitzeko eskatzea eta beste batzuk.
Intonazioa, ahozko testuaren kohesio baliabide gisa.
Oinarrizko testu idatziak bidaltzea:
-Sektoreko testu erraz profesionalak eta egunerokoak lantzea.
-Testua komunikazio testuingurura egokitzea.
-Erregistroa.
-Hautaketa lexikoa, egitura sintaktikoena eta eduki garrantzitsuarena.
-Puntuazio zeinuak erabiltzea.
-Testu koherenteak lantzea.
Prestakuntza unitatea: Ingelesa ostalaritza zerbitzuetan II.
Kodea: 0156 - UF02 (NA).
Iraupena: 50 ordu.
Ahozko mezu landuak ulertzea:
-Sektoreko mezu profesional eta eguneroko mezu landuak ezagutzea.
-Zuzeneko, telefono bidezko, grabatutako mezuak.
-Jatetxeen sektorearen terminologia berariazkoa.
-Ideia nagusia eta bigarren mailako ideiak.
-Gramatika baliabideak: aditz denborak, preposizioak, adberbioak, lokuzio preposizionalak eta adberbiozko lokuzioak, boz pasiboaren erabilera, perpaus erlatiboak, zeharkako estiloa eta beste batzuk.
-Beste hizkuntza baliabide batzuk: gustuak eta lehentasunak, iradokizunak, argudiaketak, jarraibideak, baldintzaren eta zalantzaren adierazpena eta beste batzuk.
-Ahozko hizkuntzaren azentuak.
Mezu idatzi landuak interpretatzea:
-Mezuak, testuak, lanbideko eta eguneroko artikuluak ulertzea.
-Euskarri telematikoak: faxa, posta elektronikoa, burofaxa.
-Jatetxeen sektorearen terminologia berariazkoa.
-Ideia nagusia eta bigarren mailako ideiak.
-Gramatika baliabideak: aditz denborak, preposizioak, adberbioak, lokuzio preposizionalak eta adberbiozko lokuzioak, boz pasiboaren erabilera, perpaus erlatiboak, zeharkako estiloa eta beste batzuk.
-Erlazio logikoak: aurkaritza, kontzesioa, konparazioa, baldintza, kausa, helburua, ondorioa.
-Denborazko erlazioak: lehenagokotasuna, gerokotasuna, aldiberekotasuna.
Ahozko mezu landuak sortzea:
-Ahozko mezuak bidaltzeko erabilitako erregistroak.
-Jatetxeen sektorearen terminologia berariazkoa.
-Bokal eta kontsonante soinuak eta fonemak. Konbinazioak eta elkarketak.
-Gizarte harremanen, kortesia arauen eta erregistro aldeen hizkuntza adierazgailuak.
-Ahozko diskurtsoa mantendu eta horren jarraipena egitea:
-Laguntzea, ulertzen dela erakustea, argitzeko eskatzea eta beste batzuk.
-Intonazioa, ahozko testuaren kohesio baliabide gisa.
Testu idatzi landuak bidaltzea:
-Sektoreko testu profesionalak eta egunerokoak lantzea.
-Testua komunikazio testuingurura egokitzea.
-Erregistroa.
-Hautaketa lexikoa, egitura sintaktikoena eta eduki garrantzitsuarena.
-Puntuazio zeinuak erabiltzea.
-Testu koherenteak lantzea.
Atzerriko hizkuntzaren (ingelesa) lurraldeetan garrantzitsuenak diren kultura elementuak identifikatu eta interpretatzea:
-Gizarte eta kultura eta protokolo arauak baloratzea nazioarteko harremanetan.
-Gizarte eta lanbide jarrera behar duten egoeretan, baliabide formal eta funtzionalak erabiltzea, enpresaren irudi egokia erakusteko.
| Lanbide modulua: Lanerako prestakuntza eta orientazioa. Kodea: 0157. Iraupena: 90 ordu. |
Prestakuntza unitatea: Laneko arriskuen prebentzioaren oinarrizko maila.
Kodea: 0157 - UF01 (NA).
Iraupena: 30 ordu.
-Prebentzioaren kulturaren garrantzia jardueraren fase guztietan.
-Lanaren eta osasunaren arteko loturaren balorazioa.
-Lanbide arriskua. Arrisku faktoreen azterketa.
-Arrisku egoera bakoitzaren ondorioz langilearen osasunak nolako kalteak izan ditzakeen zehaztea.
-Laneko arriskuei aurrea hartzeko oinarrizko arau esparrua.
-Laneko arriskuen prebentzioaren arloko eskubideak eta betebeharrak.
-Prebentzioaren kudeaketaren antolaketa enpresan.
-Langileen ordezkaritza prebentzioaren arloan.
-Laneko arriskuen prebentzioaren arloko erantzukizunak.
-Laneko arriskuen prebentzioarekin zerikusia duten erakunde publikoak.
-Enpresako arriskuen ebaluazioa, prebentzio jardueraren oinarrizko elementu gisa.
-Segurtasun eta ingurumen baldintzei, baldintza ergonomikoei eta psikosozialei lotutako arriskuen azterketa.
-Arriskuaren balorazioa.
-Prebentzio neurriak hartzea: horien plangintza eta kontrola.
-Banakako eta taldeko prebentzio eta babes neurriak.
-Prebentzio plana eta horren edukia.
-Larrialdi eta ebakuazioetarako planak lan inguruneetan.
-ETE batentzako larrialdi plana egitea.
-Larrialdietan jarduteko protokoloa.
-Larrialdi medikoa eta lehen sorospenak. Oinarrizko kontzeptuak eta aplikazioak.
-Langileei prestakuntza ematea larrialdietako planei buruz eta lehen sorospenetarako teknikak aplikatzeari buruz.
-Langileen osasuna zaintzea.
Prestakuntza unitatea: Lan harremanak eta Gizarte Segurantza.
Kodea: 0157 - UF02 (NA).
Iraupena: 40 ordu.
-Lan zuzenbidea.
-Banakako lan harremanen azterketa.
-Lan kontratuaren modalitateak eta kontratazioa sustatzeko neurriak.
-Lan harremanek sortzen dituzten eskubideak eta betebeharrak.
-Lan baldintzak. Soldata, lan denbora eta atsedena.
-Soldataren ordainagiria.
-Lan kontratuaren aldaketa, etetea eta amaiera.
-Langileen ordezkaritza.
-Lanbide esparru jakin batean aplikatu behar den hitzarmen kolektiboaren azterketa.
-Lan gatazka kolektiboak.
-Lana antolatzeko ingurune berriak: azpikontratazioa, urrutiko lana eta beste batzuk.
-Langileentzako onurak antolamendu berrietan: malgutasuna, onura sozialak eta beste batzuk.
-Gizarte Segurantzaren sistema, elkartasun sozialaren oinarrizko printzipio gisa.
-Gizarte Segurantzaren sistemaren egitura.
-Enpresaburuek eta langileek Gizarte Segurantzaren arloan dituzten betebehar nagusiak: afiliazioa, altak, bajak eta kotizazioa.
-Gizarte Segurantzaren ekintza babeslea.
-Gizarte Segurantza gure inguruko herrialde nagusietan.
-Langabezia babesa: kontzeptua eta babesten ahal diren egoerak.
Prestakuntza unitatea: Laneratzea eta gatazken ebazpena.
Kodea: 0157 - UF03 (NA).
Iraupena: 20 ordu.
-Lanbide karrerarako interesak, gaitasunak eta motibazio pertsonalak aztertzea.
-Erabakiak hartzeko prozesua.
-Lanbide sektore jakin bat definitu eta aztertzea, inguruko lurralde eremuan nahiz estatu mailan.
-Sektoreko enpresa txiki, ertain eta handietan lana bilatzeko prozesua haren eraginpeko lurralde eremuan, estatuan eta Europar Batasunean. Eures sarea.
-Europan ikasteko eta lan egiteko aukerak.
-Etengabeko prestakuntzak lan eta lanbide ibilbiderako duen garrantzia baloratzea. Informazio hori ematen duten tokiko, eskualdeko, estatuko eta Europako erakundeak identifikatzea.
-Tokiko, eskualdeko, estatuko eta Europako prestakuntza ibilbideak identifikatzea.
-Lana bilatzeko teknikak eta erremintak: curriculum vitae ereduak, Europako curriculum vitae-a eta lan elkarrizketak. Europar Batasunean langileen mugikortasuna errazten duten beste agiri batzuk: Europass mugikortasun agiria, Ziurtagiriaren Gehigarri Europarra eta Europako Hizkuntzen Zorroa.
-Autoenplegua baloratzea laneratzeko hautabide gisa.
-Talde-lanak erakundearen eraginkortasunari begira dituen alde onak eta txarrak baloratzea.
-Lantalde motak, betetzen dituzten eginkizunen arabera.
-Lantalde eraginkorraren ezaugarriak.
-Gizarte trebetasunak. Hitzezko eta hitzik gabeko komunikaziorako teknikak.
-Lan bileretan erabiltzen diren agiriak: deialdiak, aktak eta aurkezpenak.
-Lantaldean parte hartzea. Kideek har ditzaketen rolen azterketa.
-Gatazka: gatazkaren ezaugarriak, iturriak eta etapak.
-Gatazka konpondu edo ezabatzeko metodoak: bitartekotza, adiskidetzea, arbitrajea, epaiketa eta negoziazioa.
Lanbide modulua: Zerbitzuak ostatu-kafetegian .
Iraupena: 200 ordu.
Kodea: 0152.
Prestakuntza unitatea: Koktelak eta Flair koktelak.
Kodea: 0152-PU01( NA).
Iraupena: 50 ordu.
Koktelak eta mixologia egitea:
-Koktelak. Definizioa, jatorria eta koktelgintzaren bilakaera. Mixologia.
-Koktelgintzan bereziki erabiltzeko materialak eta tresnak.
-Aurrezerbitzua koktelgintzan. Estazio zentrala muntatzea eta puntuan jartzea.
-Dekoratzeko-aurkezteko ohiko osagaiak.
-Koktelak egiteko oinarrizko arauak.
-Koktelgintzako serieak identifikatzea.
-Koktelak prestatzeko, dekoratzeko,
aurkezteko eta zerbitzatzeko prozedurak.
-Nazioarteko errezetak eta koktelgintzako joera berriak.
-Gauzatzeko prozedurak.
-Flairra. Working flair delakoaren oinarrizko mugimenduak.
-Dosifikatzailearekin eginiko zerbitzu motak. Mixak egitea.
Prestakuntza unitatea: Janaurrekoak eta platerak ostatu-kafetegian.
Kodea: 0152-PU02 (NA).
Iraupena: 60 ordu.
-Janariak prestatzeko eremuetako makina, ontzi, tresna eta erreminta bereziak ostatu-kafetegian.
-Eremu horietan erabili ohi diren lehengaiak.
-Platerak, janaurrekoak eta pintxoak prestatzea “Nafarroa” jatorrizko deitura duten produktuekin.
-Elikagaiak kontserbatzeko eta lehengoratzeko prozedurak.
-Lotutako dokumentazioa.
-Elikagaiak prestatzeko eremuak puntuan jartzea ostatu-kafetegian.
-Lehengaiak aurrez prestatzea, lehengoratzea eta kontserbatzea.
-Berezko sukaldaritzako produktuak egitea ostatu-kafetegian.
-Eremu honetako berezko sukaldaritzako prestakinak dekoratu, aurkeztu eta zerbitzatzeko oinarrizko prozedurak.
-Elikagaiak eta berezko sukaldaritzako prestakinak erakustea ostatu-kafetegian.
-Segurtasuneko eta higieneko oinarrizko arauak elikagaiak eta berezko prestakinak egitean eta erakustean ostatu-kafetegian.
Prestakuntza unitatea: Bezeroarentzako arreta eta fakturazioa ostatu-kafetegian.
Kodea: 0152-PU03 (NA).
Iraupena: 60 ordu.
Bezeroarentzako arreta ostatu-kafetegian:
-Bezeroari harrera egiteko, egonaldia ahalbidetzeko eta agur esateko prozedurak ostatu-kafetegian.
-Hitzik gabeko komunikazioa bezeroarentzako arreta mota gisa.
-Eskaintza erakustea ostatu-kafetegian. Produktuak eta zerbitzuak erakustea, bezeroen eskari eta itxaropenei erantzutea, iradokizunak aintzat hartzea eta eskaintza egokitzea.
-Iradokizunak, kexak eta/edo erreklamazioak.
Zerbitzuen fakturazioa eta haiek kobratzea:
-Fakturatzeko prozesuak.
-Fakturaren definizioa eta hura egitea. Fakturaren oinarrizko kontzeptuak.
-Material lagungarriak eta fakturazioko berezko dokumentuak.
-Kobratzeko sistemak.
-Fakturatzeko eta kobratzeko prozedurak.
-Kutxa ixtea.
-Lotutako aplikazio informatikoak. (SPT) (Salmenta-puntuko terminalak).
Prestakuntza unitatea: Konbinazioak.
Kodea: 0152-PU04 (NA).
Iraupena: 30 ordu.
Konbinazio alkoholikoak egitea.
Edari alkoholikoak zerbitzatzea, ardoa izan ezik:
-Alkohola arduraz zerbitzatzea.
-Likoreak eta pattarrak. Horiek egiteko erabili ohi diren prozesuak ezaugarritzea.
-Destilazioa, oinarrizko printzipioak eta destilagailu motak.
-Pattarren eta likoreen arteko oinarrizko ezberdintasunak.
-Merkataritza-aurkezpena. Identifikazioa eta ezaugarriak.
-Prestatzeko oinarrizko arauak.
-Joera berriak. “Premium” deitutako edariak.
-Dekoratzeko-aurkezteko ohiko osagaiak.
-Konbinatuak egiteko oinarrizko arauak.
-Gauzatzeko prozedurak.
4. ERANSKINA. BALIOZKOTZEAK ETA SALBUESPENAK.
1/1990 Lege Organikoaren babesean Jatetxe arloko teknikari tituluan ezarritako lanbide moduluen eta 2/2006 Lege Organikoaren babesean Jatetxe arloko teknikari tituluan ezarritakoen arteko baliozkotzeak.
| HEZIKETA ZIKLOKO LANBIDE MODULUAK (LOGSE 1/1990): JATETXE ARLOA | HEZIKETA ZIKLOKO LANBIDE MODULUAK (LOE 2/2006): JATETXE ARLOA |
| Eskaintza gastronomikoak eta hornikuntza sistemak. | 0045. Eskaintza gastronomikoak. |
| Edariak. | 0152. Taberna-kafetegiko zerbitzuak. |
| Sukaldaritzako oinarrizko teknikak. | 0152. Taberna-kafetegiko zerbitzuak. |
| Bezeroa zerbitzatzeko eta arreta emateko teknikak. | 0153. Jatetxeko eta ekitaldi berezietako zerbitzuak. |
| Atzerriko hizkuntza (Ingelesa). | 0156. Ingelesa. |
| Administrazioa, kudeaketa eta merkaturatzea enpresa txikietan. | 0158. Enpresa eta ekimena. |
| Lantokiko prestakuntza. | 0159. Lantokietako prestakuntza. |
5. ERANSKINA. LANBIDE MODULUEN ETA GAITASUN UNITATEEN ARTEKO KORRESPONDENTZIA
A) Gaitasun unitateek lanbide moduluekin duten korrespondentzia, horiek baliozkotzeko.
| EGIAZTATUTAKO GAITASUN UNITATEAK | BALIOZKOTZEN AHAL DIREN LANBIDE MODULUAK |
| UC0259-2: Eskaintza gastronomikoak definitzea, hornikuntza egitea eta kontsumoak kontrolatzea. | 0045. Eskaintza gastronomikoak. |
| UC1052-2: Elikagaiak eta edariak aretoan zerbitzatzeko prozesuak garatzea. | 0151. Jatetxeko oinarrizko eragiketak. |
| UC1046-2: Elikagaiak eta edariak barran eta mahaian zerbitzatzeko prozesuak garatzea. | 0150. Taberna-kafetegiko oinarrizko eragiketak. |
| UC1047-2: Ardoez bestelako edariei buruz aholkatzea eta edari horiek prestatzea eta aurkeztea. | 0152. Taberna-kafetegiko zerbitzuak. |
| UC1048-2: Ardoak zerbitzatzea eta horiei buruzko oinarrizko informazioa ematea. | 0154. Ardoa eta zerbitzua. |
| UC1053-2: Bezeroen aurrean platerak elaboratzea eta amaitzea. | 0153. Jatetxeko eta ekitaldi berezietako zerbitzuak. |
| UC1054-2: Jatetxe arloan mota guztietako zerbitzu bereziak antolatzea. | 0153. Jatetxeko eta ekitaldi berezietako zerbitzuak. |
| UC1049-2: Taberna-kafetegiko eskaintzako berezko elaborazio errazak prestatzea eta erakusgai jartzea. | 0152. Taberna-kafetegiko zerbitzuak. |
| UC1050-2: Taberna-kafetegia kudeatzea. | 0152. Taberna-kafetegiko zerbitzuak. |
| UC0711-2: Ostalaritzan segurtasun eta higiene arauak eta ingurumena babesteari buruzkoak betez jardutea. | 0031. Elikagaiak manipulatzeko segurtasuna eta higienea. |
| UC0036-2: Okintza-industrian segurtasun eta higiene araudia eta ingurumena babesteari buruzkoa betetzea. | 0031. Elikagaiak manipulatzeko segurtasuna eta higienea. |
| UC0310-2: Elikagaien industrian segurtasun eta higiene araudia eta ingurumena babesteari buruzkoa betetzea. | 0031. Elikagaiak manipulatzeko segurtasuna eta higienea. |
| UC1051-2: Jatetxe arloko zerbitzuetan ingelesez komunikatzea, oinarrizko erabiltzailearen mailan. | 0156. Ingelesa. (*) |
| (*) Hezkuntzari buruzko maiatzaren 3ko 2/2006 Lege Organikoaren 66.4. artikuluan aurreikusitakoaren arabera baliozkotzen ahalko da. | |
B) Gaitasun unitateek lanbide moduluekin duten korrespondentzia, horiek baliozkotzeko.
| GAINDITUTAKO LANBIDE MODULUAK | EGIAZTATZEN AHAL DIREN GAITASUN UNITATEAK |
| 0045. Eskaintza gastronomikoak. | UC0259-2: Eskaintza gastronomikoak definitzea, hornikuntza egitea eta kontsumoak kontrolatzea. |
| 0150. Taberna-kafetegiko oinarrizko eragiketak. | UC1046-2: Elikagaiak eta edariak barran eta mahaian zerbitzatzeko prozesuak garatzea. |
| 0151. Jatetxeko oinarrizko eragiketak. | UC1052-2: Elikagaiak eta edariak aretoan zerbitzatzeko prozesuak garatzea. |
| 0152. Taberna-kafetegiko zerbitzuak. | UC1047-2: Ardoez bestelako edariei buruz aholkatzea eta edari horiek prestatzea eta aurkeztea. UC1049-2: Taberna-kafetegiko eskaintzako berezko elaborazio errazak prestatzea eta erakusgai jartzea. UC1050-2: Taberna-kafetegia kudeatzea. |
| 0153. Jatetxeko eta ekitaldi berezietako zerbitzuak. | UC1053-2: Bezeroen aurrean platerak elaboratzea eta amaitzea. UC1054-2: Jatetxe arloan mota guztietako zerbitzu bereziak antolatzea. |
| 0154. Ardoa eta zerbitzua. | UC1048-2: Ardoak zerbitzatzea eta horiei buruzko oinarrizko informazioa ematea. |
| 0031. Elikagaiak manipulatzeko segurtasuna eta higienea. | UC0310-2: Elikagaien industrian segurtasun eta higiene araudia eta ingurumena babesteari buruzkoa betetzea. UC0036-2: Okintza-industrian segurtasun eta higiene araudia eta ingurumena babesteari buruzkoa betetzea. UC0711-2: Ostalaritzan segurtasun eta higiene arauak eta ingurumena babesteari buruzkoak betez jardutea. |
| 0156. Ingelesa. | UC1051-2: Jatetxe arloko zerbitzuetan ingelesez komunikatzea, oinarrizko erabiltzailearen mailan. |
6. ERANSKINA. IRAKASLEAK
A) Moduluak ematen dituzten irakasleak.
| LANBIDE MODULUA | IRAKASLEEN ESPEZIALITATEA | KIDEGOA |
| 0045. Eskaintza gastronomikoak. | -Ostalaritza eta Turismoa. | -Bigarren Hezkuntzako katedraduna. -Bigarren Hezkuntzako irakasleak. |
| 0150. Taberna-kafetegiko oinarrizko eragiketak. | -Jatetxe arloko Zerbitzuak. | -Lanbide Heziketako irakasle teknikoa. |
| 0151. Jatetxeko oinarrizko eragiketak. | -Jatetxe arloko Zerbitzuak. | -Lanbide Heziketako irakasle teknikoa. |
| 0152. Taberna-kafetegiko zerbitzuak. | -Jatetxe arloko Zerbitzuak. | -Lanbide Heziketako irakasle teknikoa. |
| 0153. Jatetxeko zerbitzua eta zerbitzu bereziak. | -Jatetxe arloko Zerbitzuak. | -Lanbide Heziketako irakasle teknikoa. |
| 0154. Ardoa eta zerbitzua. | -Jatetxe arloko Zerbitzuak. | -Lanbide Heziketako irakasle teknikoa. |
| 0155. Jatetxe arloko komunikazio teknikak. | -Ostalaritza eta Turismoa. | -Bigarren Hezkuntzako katedraduna. -Bigarren Hezkuntzako irakasleak. |
| 0156. Ingelesa. | -Ingelesa. | -Bigarren Hezkuntzako katedraduna. -Bigarren Hezkuntzako irakasleak. |
| NA04. Oinarrizko ingelesa I. | -Ingelesa. | -Bigarren Hezkuntzako katedraduna. -Bigarren Hezkuntzako irakasleak. |
| 0031. Elikagaiak manipulatzeko segurtasuna eta higienea. | -Ostalaritza eta Turismoa. | -Bigarren Hezkuntzako katedraduna. -Bigarren Hezkuntzako irakasleak. |
| -Elikagaien industriako prozesuak. | -Bigarren Hezkuntzako katedraduna. -Bigarren Hezkuntzako irakasleak. | |
| 0157. Lanerako prestakuntza eta orientazioa. | -Lanerako Prestakuntza eta Orientazioa. | -Bigarren Hezkuntzako katedraduna. -Bigarren Hezkuntzako irakasleak. |
| 0158. Enpresa eta ekimena. | -Lanerako Prestakuntza eta Orientazioa. | -Bigarren Hezkuntzako katedraduna. -Bigarren Hezkuntzako irakasleak. |
B) Irakasteko baliokideak diren titulazioak.
| KIDEGOAK | ESPEZIALITATEAK | TITULAZIOAK |
| Bigarren Hezkuntzako irakasleak. | Lanerako prestakuntza eta orientazioa. Enpresa eta ekimena | -Enpresa Zientzietako diplomaduna. -Lan Harremanetako diplomaduna. -Gizarte Laneko diplomaduna. -Gizarte Hezkuntzako diplomaduna. -Kudeaketa eta Administrazio Publikoko diplomaduna. |
| Ostalaritza eta Turismoa. | -Turismoko diplomaduna. | |
| Elikagaien industriako prozesuak. | -Nekazaritzako ingeniari teknikoa, Nekazaritzako eta Elikadurako Industriak espezialitatea. | |
| Lanbide Heziketako irakasle teknikoak. | Jatetxe arloko Zerbitzuak. | -Sukaldaritzako goi mailako teknikaria. |
C) Ikastetxe pribatuetarako behar diren titulazioak.
| BALIOZKOTZEN AHAL DIREN | TITULAZIOAK |
| 0150. Taberna-kafetegiko oinarrizko eragiketak. 0151. Jatetxeko oinarrizko eragiketak. 0152. Taberna-kafetegiko zerbitzuak. 0153. Jatetxeko eta ekitaldi berezietako zerbitzuak. 0154. Ardoa eta zerbitzua. | -Lizentziaduna, ingeniaria, arkitektoa edo kasuan kasuko graduko titulua, edo beste titulu baliokide batzuk. -Diplomaduna, ingeniari teknikoa, arkitekto teknikoa edo kasuan kasuko graduko titulua edo beste titulu baliokide batzuk dituztenak. -Sukaldaritzako goi mailako teknikaria. |
| 0031. Elikagaiak manipulatzeko segurtasuna eta higienea. 0045. Eskaintza gastronomikoak. 0155. Jatetxe arloko komunikazio teknikak. 0156. Atzerriko hizkuntza (Ingelesa). 0157. Lanerako prestakuntza eta orientazioa. 0158. Enpresa eta ekimena NA04. Oinarrizko ingelesa I. | -Lizentziaduna, ingeniaria, arkitektoa edo kasuan kasuko graduko titulua, edo beste titulu baliokide batzuk. -Diplomaduna, ingeniari teknikoa, arkitekto teknikoa edo kasuan kasuko graduko titulua edo beste titulu baliokide batzuk dituztenak. |
7. ERANSKINA. IRAKASLEKUAK ETA INSTALAZIOAK
Irakaslekuak:
| Balio anitzeko gela |
| Dastatze gela |
| Taberna-kafetegiaren tailerra |
| Jatetxearen tailerra |
Iragarkiaren kodea: F1116087
