navarra.es

Nafarroako Foru Eraentza Berrezarri eta Hobetzeari buruzko abuztuaren 10eko 13/1982 Lege Organikoaren 44.13 artikuluak Nafarroako Foru Komunitateari erabateko eskumena esleitzen dio turismoa sustatu eta antolatzeari dagokionez.

Nafarroako ostatu establezimenduak antolatzen dituen otsailaren 21eko 48/1994 Foru Dekretuan establezimendu horien modalitate, kategoria eta betebeharrak arautzen dira.

Turismoari buruzko otsailaren 14ko 7/2003 Foru Legean turismoko ostatu establezimenduen motak aipatzen dira, besteak beste ostatu establezimenduak. Gainera, haien modalitateak egituratzen dira, eta ezartzen da legea garatuko duten araudian finkatuko direla eskatzen ahal zaizkien betebeharrak eta turismo arloko alderdien erregulazioa.

Aukera hori erabiliz, eta orain arte indarra izan duen araudiaren xedapenak hobetu eta eguneratzeko asmoz, honako foru dekretu honen bidez onesten den erregelamendua egin da. Bertan, berrikuntza nagusi gisa, landa-hotelen erregulazioa sartu da, Turismoari buruzko Foru Legean aurreikusitako ostatu establezimenduak baitira.

Horrenbestez, Vianako Printzea Erakundea-Kultura eta Turismo Departamentuko kontseilariak proposaturik, Nafarroako Gobernuak 2005eko abenduaren hogeita seiko bilkuran hartutako erabakiarekin bat,

DEKRETATU DUT:

Artikulu Bakarra. Erregelamendua onestea.

Onetsi egin da Nafarroako Foru Komunitateko ostatu establezimenduak Antolatzeko Erregelamendua, eta haren testua ondotik erantsi da.

Xedapen Gehigarri Bakarra. Kategoria bereziko hostalak.

Foru dekretu honek indarra hartzean dauden kategoria bereziko hostalek "landa-hostal" izena hartuko dute.

Lehen Xedapen Iragankorra. Instalazioen egokitzapena.

Foru dekretu honek indar hartu aurretik Turismoko Erregistroan inskribatutako ostatu establezimenduek bost urteko epea izanen dute beren instalazio eta zerbitzuak dekretuan ezarritako baldintzetara egokitzeko.

Dena den, egokitzapenari begira, foru dekretu honetan ezarritako gutxieneko azalera eta neurriak ez dira aplikatuko.

Epe hori iraganik, Vianako Printzea Erakundea-Kultura eta Turismo Departamentuak dagokien kategoria emanen die, interesatuari entzun ondoren.

Bigarren Xedapen Iragankorra. Tramitatzen ari diren eskabideak.

Foru dekretu honek indar hartu aurretik Turismoko Erregistroan inskribatzeko eskabideak aurreko araudiari jarraikiz ebatziko dira, interesatuak foru dekretu hau aplikatzeko eskatzen duenean izan ezik.

Xedapen Indargabetzaile Bakarra. Indargabetzea.

Foru dekretu honek indarra hartzearekin batera, indarrik gabe geldituko da otsailaren 21eko 48/1994 Foru Dekretua, Nafarroako ostatu establezimenduak antolatzen dituena, hala nola foru dekretu honi kontra egiten dioten maila bereko edo txikiagoko xedapen guztiak.

Azken Xedapenetako Lehenbizikoa. Garatu eta betearaztea.

Ahalmena ematen zaio Vianako Printzea Erakundea-Kultura eta Turismo Departamentuko kontseilariari onetsi den foru dekretua garatu eta betearazteko behar diren xedapenak agindu ditzan.

Azken Xedapenetako Bigarrena. Indarra hartzea.

Foru dekretu honek Nafarroako ALDIZKARI OFIZIALean argitaratu eta biharamunean hartuko du indarra.

NAFARROAKO FORU KOMUNITATEKO OSTATU ESTABLEZIMENDUAK ANTOLATZEKO ERREGELAMENDUA

I. KAPITULUA. Xedapen Orokorrak

1. artikulua. Xedea.

1. Erregelamendu honen xedea ostatu establezimenduak antolatzea da. Horrelakotzat hartzen dira ondoko establezimendu hauek: jendearentzat irekiak egonik, eskatzen duten turistei eta diru kopuru baten truke aldi bateko ostatu zerbitzua ematen dietenak, bestelako zerbitzu osagarriak eman edo ez, eta erregelamenduan bertan ezarritako modalitateetako bati atxikitzen zaizkionak.

2. Honako hauek gelditzen dira Erregelamendu honetatik kanpo:

a) Turismoari buruzko otsailaren 14ko 7/2003 Foru Legearen 15.2 artikuluaren arabera erregelamenduaren esparrutik at gelditzen diren ostatu-hartzeak.

b) Apopiloen hartze hutsa, modu iraunkorrean bada ere, eta etxebizitzaren azpierrentamendu partziala, hiri errentamenduei buruzko araubide juridikoa aplikatzen ahal denean.

c) Araudi berariazko batean erregulatutako establezimenduak.

2. artikulua. Ostatu establezimenduen modalitateak.

Ostatu establezimenduak ondoko modalitate hauetako bati atxikiko zaizkio:

a) Hotelak.

b) Landa-hotelak.

c) Apartamentu-hotelak.

d) Hostalak.

e) Apopilo-etxeak.

3. artikulua. Hotelak.

1. Hotela da eraikin oso bat edo haren zati independente bat hartzen duen establezimendua, bezeroek bakarrik erabiltzeko sarrerak, eskailerak eta, batzuetan, igogailuak dituena, eta erregelamendu honetako 2. eranskinean ezarritako baldintza teknikoak betetzen dituena.

2. Salbuespen gisa, eraikin batzuk oso-osorik hartzen dituzten hotelak onartuko dira, multzo arkitektoniko homegeneoa osatzen dutenak.

4. artikulua. Landahotelak.

1. Landa-hotelen modalitateari atxikitzen ahalko zaizkio landa ingurunean kokaturik egonik, balio arkitektoniko berezia duen edo eskualdeko arkitektura tradizionalaren araberakoa den etxe batean jarriak daudenak, etxe hori erregelamendu honek indarra hartu baino lehen baldin eraiki baldin bazen.

Balio arkitektoniko bereziko higiezintzat hartuko dira Kultura Zuzendaritza Nagusiko Nafarroako Kultur Ondareko Ondasun Higiezinen Katalogoan sarturik daudenak, hala nola hirigintzako planeamenduan horrelakotzat jotzen direnak.

Erregelamendu honen ondorioetarako, eskualdeko arkitektura tradizonala izanen da bertako eraikinen ezaugarriak errespetatzen dituena.

2. Landa-hotelek ondoko ezaugarri hauek izanen dituzte:

a) Bost mila biztanletik beheitiko herrietan egotea. Nolanahi ere, zilegi izanen da hamar mila biztanlera arteko herrietan egotea, herriguneetatik at baldin bada.

b) Gehienez hiru solairu izatea, beheko solairua eta txapitula erako eremua alde batera utzia.

c) Gehienez hogeita hamar logela izatea.

d) Jantoki zerbitzua edo gela zerbitzua izatea, gosari eta afari zerbitzua bermatzeko moduan.

3. Landa-hotelek bete beharreko baldintza teknikoak kategorien arabera hotelei eskatzen zaizkienak izanen dira, baina kargagailu, igogailu, eskailera eta korridoreei dagokienez, suteei aurrea hartzeko araudira egokitzea besterik ez da eskatuko.

5. artikulua. Apartamentuhotelak.

Apartamentu-hoteltzat hartzen dira ondoko ezaugarri hauek dituzten establezimenduak: hotel baten berariazko baldintzak betetzea, ostatu hartzeko unitate bakoitzean elikagaiak gorde, prestatu eta kontsumitzeko instalazio egokiak edukitzea, altzari egokiez hornitutako egongela-jantokia eta logela izatea, edo, bestela, bi gela horiek dituen estudio bat, erregelamendu honen 2. eta 3. eranskinetan ezarritako betebehar teknikoei jarraikiz.

6. artikulua. Hostalak.

1. Hostalak dira, hotel baten berariazko baldintzak beterik, bezeroek bakarrik erabiltzeko sarrerak, eskailerak eta igogailuak dituzten establezimenduak, erregelamendu honen 4. eranskinean ezarritako betebehar teknikoak betetzen dituztenak.

2. Ondoren aipatzen diren ezaugarriak betetzen dituztenak landa-hotel deklaratuko dira:

a) Gehienez hogeita hamar logela izatea.

b) Bost mila biztanletik beheitiko herrietan egotea. Nolanahi ere, zilegi izanen da hamar mila biztanlera arteko herrietan egotea, herriguneetatik at baldin bada.

c) Balio arkitektoniko berezia duen edo eskualdeko arkitektura tradizionalaren araberakoa den etxe batean egotea, etxe hori erregelamendu honek indarra hartu baino lehen baldin eraiki baldin bada.

Balio arkitektoniko bereziko ondasun higiezintzat hartuko dira Kultura Zuzendaritza Nagusiko Nafarroako Kultur Ondareko Ondasun Higiezinen Katalogoan sarturik daudenak, hala nola hirigintzako planeamenduan horrelakotzat jotzen direnak.

Erregelamendu honen ondorioetarako, eskualdeko arkitektura tradizonala izanen da bertako eraikinen ezaugarriak errespetatzen dituena.

7. artikulua. Apopiloetxeak.

Apopilo-etxea da hotel edo hostal modalitatean sartzen ez den establezimendua, erregelamendu honen 5. eranskinean ezarritako betebehar teknikoak betetzen baditu.

8. artikulua. Ustiapen unitatearen printzipioa.

Ostatu establezimenduetako ostatu jardueran ustiapen unitatearen printzipioari jarraituko zaio, hau da, jarduera enpresa-titulartasun bakar bati lotuta egonen da establezimendu bakoitzean.

9. artikulua. Sailkapena.

Ostatu establezimenduak ondoren azaltzen diren kategorietan sailkatuko dira, haien zerbitzu eta instalazioen kalitatearen arabera:

a) Hotelak: 5, 4, 3, 2 eta 1 izarretakoak.

b) Landa-hotelak: 5, 4, 3, 2 eta 1 izarretakoak.

c) Apartamentu-hotelak: 5, 4, 3, 2 eta 1 izarretakoak.

d) Hostalak: orokorrak eta landa-hostalak.

e) Apopilo-etxeak: 2 eta 1 izarretakoak.

10. artikulua. Plaka bereizgarria.

Ostatu establezimenduek beren modalitateari eta sailkapenari dagokien ikurra eduki beharko dute ate nagusiaren ondoan, plaka normalizatu batean, erregelamendu honen 1. eranskinean xedatutakoaren arabera.

11. artikulua. Publizitatea.

1. Ostatu establezimenduek egiten duten publizitatean eta ematen dituzten faktura eta agirietan haien modalitatea eta sailkapena agertu beharko dira.

2. Debekaturik dago establezimenduari ez dagozkion izen, errotulu edo bereizgarriak erabiltzea, eta establezimenduaren mota edo kategoria nahasteko bidea eman dezaketenak.

II. KAPITULUA. JARDUERAREN ANTOLAMENDUA

12. artikulua. Nafarroako Turismo Erregistroan inskribatzea.

1. Jarduera hasi aurretik, eta establezimendua Nafarroako Turismo Erregistroan inskribatzeko, dokumentazio hau aurkeztu beharko da:

a) Titularraren erantzukizuneko aitorpena, haren datuak biltzen dituena, honako hauen jabe dela adierazita:

- Legezko dokumentazioa, higiezinaren jabe edo errentari dela dioena, edo beste edozein titulu, turismoko ostatu izateko prest dagoela frogatzen duena, baita establezimenduaren gaineko datuak ere, kokalekuari, edukierari eta modalitateari dagokienez. Aitorpen horretan logela edo apartamentuen zerrenda sartuko da, haien zenbakia edo adierazgarria, azalera, dituen zerbitzuak eta plaza kopurua adierazita.

- Irekitzeko lizentzia edo horren ordezko dokumentua.

- Erantzukizun zibileko aseguruaren kontratua, 3.000 euroko estaldura duena ostatu plaza bakoitzeko, eta 150.000 eurokoa, gutxienez ere.

b) Obra bukaerako planoak.

2. Establezimenduetako aldaketak, titulartasun aldaketak, jarduera uztea eta, oro har, inskribatu edo jasotako datuetan edozein aldaketa gertatuz gero, aurreko atalean ezarritako prozeduraren arabera tramitatuko dira.

13. artikulua. Dispentsak.

1. Vianako Printzea Erakundea-Kultura eta Turismo Departamentuak zilegi izanen du, arrazoiak emanez, establezimendu bat kategoria jakin batean sailkatzeko edo inskribatzeko onartzea horretarako eskatzen diren gutxieneko baldintza teknikoak bete beharrik izan gabe, establezimenduaren instalazioek eta bertan egin daitezkeen hobekuntzek ez-betetze hori konpentsatzeko bidea ematen badute.

Dispentsak irizpide tekniko edo konpentsaziokoetan oinarrituko dira, eta establezimenduan dauden zerbitzu eta baldintza guztien esparruan baloratuko.

2. Ondorio horietarako, balorazio berezia izanen dute balio artistikoa, historikoa, arkitektonikoa direla-eta, osorik nahiz zati batean babesturik dauden eraikinetan dauden establezimenduek.

III. KAPITULUA. FUNTZIONAMENDU, PREZIO ETA ERRESERBETARAKO ARAUAK

14. artikulua. Bezeroak onartzea.

Onartu baino lehen, bezero guztiei sarrera agiri edo fitxa bat emanen zaie, eta bertan azalduko dira, gutxienez, establezimenduaren izena eta kategoria, ostatu hartzeko unitatearen identifikazioa, gela hartuko duten pertsonen kopurua, ohe osagarriak eskatu dituen, sartu eta ateratzeko egunak eta prezioa. Bezeroak agiri hori sinatu beharko du.

15. artikulua. Prezioen publizitatea.

1. Zerbitzu guztien prezioek ahalik eta publizitaterik handiena izanen dute, eta hartan ostatuaren zerbitzuak eta eskaintzen diren zerbitzu osagarriak azalduko dira.

2. Prezioak toki nabarmenean agertuko dira, ikusi eta irakurtzeko errazak, eta, beti ere, establezimenduaren sarreran edo harrera-lekuan jarriko dira.

16. artikulua. Egonaldia eta logelen prezioa.

1. Besterik itundu ezean, ostatu unitatearengatik eguneko prezioa kobratuko da, establezimenduan egindako gauen kopuruaren araberakoa. Egun bakoitza eguerdiko hamabietan amaitzen dela ulertuko da.

2. Ur hornidura, argindarra, berokuntza, hozkuntza, erregaia, ohe eta komunerako arropa, garbiketa eta, horrelakorik bada, aparkalekuak, aire zabalean badaude, zainduak ez badira eta toki erreserbatuak ez badituzte, ostatu hartzeko unitatearen prezioaren barruan egonen dira.

3. Bezeroek eskatuz gero, ohe osagarriak jartzen ahalko dira. Ohe horiek gela batean jarri ahal izateko, beharrezkoa izanen da gela hori gutxieneko azalera baino % 25 handiagoa izatea.

Bezeroak eskatuta, sehaskak jartzen badira, horiek ez dira ohe osagarritzat hartuko eta doan utziko dira.

17. artikulua. Erreserbak.

Bezeroaren eta establezimenduaren artean berariazko kontratu bidezko harremanik ez badago, erreserbak baldintza hauei jarraikiz eginen dira:

a) Establezimenduek erreserbak, hitzartutako prezioa eta aurrerakin gisa eskatutako diru kopurua berretsiko dituzte, jasota uzteko bidea ematen duen edozein moduren bitartez.

b) Aurrerakina erreserbaren pertsona eta egun kopuruaren arabera kalkulatutako zenbatekoaren % 40koa izanen da gehienez.

c) Erreserbari uko egiten baldin bazaio egonaldia hasi baino 7 egunetik 15 egunera bitarteko epean, establezimenduak zilegi izanen du aurrerakinaren % 50 beretako gordetzea.

d) Uko egitea establezimenduan sartu aurreko 7 egunetan eginez gero, aurrerakin gisa jasotako zenbatekoa establezimenduaren eskuetan geldituko da.

e) Bezeroak, aldez aurretik abisu eman gabe, egonaldia hasteko egunaren arratsaldeko 8ak baino lehen ailegatzen ez badira, erreserba baliogabetzat hartuko da.

18. artikulua . Otordu zerbitzua.

4.2. d) artikulan xedatutakoa deusetan galarazi gabe, ostatu establezimenduek aukeran izanen dute jantoki zerbitzua ematea edo ez ematea. Zerbitzu hori establezimenduaren bezeroei bakarrik nahiz pertsona guztiei ematen ahalko zaie, eta azken kasu horretan, jatetxeei aplikatzen zaizkien berariazko arauei jarraikiz jokatuko da.

19. artikulua . Fakturak.

1. Ostatu establezimenduek faktura bat eman beharko die bezeroei, arlo hori erregulatzen duen araudiari jarraikiz.

2. Fakturetan ondoko datu hauek azalduko dira gutxienez: establezimenduaren izena, modalitatea eta sailkapena, bezeroaren izena eta identifikazioa, erabili den ostatu unitatea, ostatu hartu duten pertsonen kopurua, eman zaizkien zerbitzuak, egun eta kontzeptuen arabera zehaztuak, eta sarrera eta irteera egunak.

20. artikulua . Erreklamazio orriak.

Ostatu establezimenduek erreklamazio orriak eduki beharko dituzte erabiltzaileen eskura eta hori iragarri beharko dute ongi ikusten den tokian, araudian ezarritakoari jarraituz.

IV. KAPITULUA. OSTATU ESTABLEZIMENDU GUZTIEN BETEBEHAR TEKNIKOAK ETA BALDINTZAK

21. artikulua . Araudi sektoriala.

Ostatu establezimenduek indarra duten arauak bete beharko dituzte: hirigintza eta eraikuntzaren arlokoak, instalazioei buruzkoak, osasun eta kontsumoari buruzkoak, segurtasunekoak, suteei aurrea hartzekoak, oztopo fisiko eta zentzumenezkoak kentzeko arauak, higieneari eta ingurumenaren babesari buruzkoak, eta aplikatu behar diren gainerako xedapen guztiak.

22. artikulua . Gela egokituak.

Ostatu establezimenduek ezgaitasunak dituzten pertsonentzako gela egokituak izan beharko dituzte, 50 gelatik bat, gutxienez.

23. artikulua . Kalitate baldintzak.

Instalazioak, altzariak, dekorazio elementuak, objektuak eta tresnak establezimenduaren kategoriaren araberakoak izanen dira, eta ongi funtzionatzeko eta garbiak mantenduko dira.

24. artikulua . Gelen identifikazioa.

1. Gelak identifikatzeko, zenbaki bat jarriko da bakoitzaren atearen kanpoko aldean. Bestelako identifikatzaile osagarriak ere paratzen ahalko dira.

2. Gelek solairu bat baino gehiago hartzen baldin badute, haiek identifikatzen dituen zenbakiaren lehenbiziko zifran edo zifretan solairua adieraziko da, eta gainerakoetan, ordea, gelaren hurrenkera zenbakia.

25. artikulua . Argiak eta aireberritzea.

1. Gela guztiak zuzenean argiztatu eta aireberrituko dira, kanpoaldetik edo etxarte batetik.

2. Kanpoko argizuloek gutxienez ere 0,5 metro karratuko azalera izanen dute eta gelaren plantako eremu erabilgarriaren % 5 hartuko dute.

3. Halaber, iluntzeko sistemaren bat izanen dute, argia sartzeko bidea erabat kentzeko modukoa.

26. artikulua . Logelen ekipamendua.

Ostatu establezimenduetako logela guztiek ondoko elementuak izanen dituzte gutxienez:

a) Oheak, plaza kopuruaren arabera. Bi lagunentzako oheak 1,35 metro zabal izanen dira gutxienez, eta lagun bakarrekoak 0,90ekoak.

b) Gau-mahaiak, plaza kopuruaren arabera.

c) Armairu bat, horman sartua edo ez, apalez hornitua eta esekigailuak dituena, behar bezalako kopuruan.

d) Besaulki bat edo aulki bat.

e) Burualdeko lanparak edo aplikeak, ohe bakoitzetik erabiltzeko modukoak.

27. artikulua . Komunak.

1. Komunek bainuontzia eta/edo dutxa, konketa eta komunontzia izanen dituzte.

2. Komunek aireberritze sistema izanen dute, zuzena edo artifiziala, airea etengabe berritzeko moduan.

28. artikulua . Garbiketa zerbitzua.

Ostatu establezimendu guztietan garbiketa zerbitzua behar den maiztasunez eginen da, egunean behin gutxienez.

29. artikulua . Osasun materiala.

Ostatu establezimenduek lehen laguntzetarako osasun materiala izanen dute.

V. KAPITULUA. TURISMO DIZIPLINA

30. artikulua . Zehapenen araubidea.

Establezimenduaren edo jardueraren titularrak erregelamendu honetatik datozen betebeharrak betetzen ez baditu, Turismoari buruzko otsailaren 14ko 7/2003 Foru Legean ezarritakoaren arabera dagozkion zehapenak jarriko zaizkio.

1. ERANSKINA. PLAKAREN EREDUA

1. ERANSKINA

Plaka metalezko karratu bat izanen da, urdin turkesa. Bertan, letra zuriz, modalitatearen letra edo letrak agertuko d(ir)a: H hoteletarako, H RURAL landa-hoteletarako, HA apartamentu-hoteletarako, Hs hotel orokorretarako, Hs RURAL landa hostaletarako eta P apopilo-etxeetarako. Establezimenduari dagozkion izarrak ere agertuko dira.

Izarrak urre kolorekoak izanen dira hotel, landa-hotel eta apartamentu-hoteletarako, eta zilar kolorekoak apopilo-etxeetarako.

1. KATEGORIAKO ATERPETXEA

ARGIGARRIAK

Neurriak milimetrotan.

Bodoni motako letra zuriak.

Urre edo zilar koloreko izarrak, dagokionaren arabera.

Plakaren inguruko zerrenda zuria.

Plaka urdin turkesa.

Izarraren kokalekua kasuen arabera.

2. ERANSKINA. Hotelen betebehar teknikoak

2. ERANSKINA

a) Instalazioak

IZARRAK

5 4 3 2 1

a) Klimatizazioa:

_Erabilera kmomuneko aldeak. Bai Bai Bai - -

_Gelak. Bai Bai - - -

b) Ur beroa. Bai Bai Bai Bai Bai

c) Berokuntza gela guztietan. Bai Bai Bai Bai Bai

(klimatazioa badago izan ezik).

d) Telefono publikoa bezeroentzako aldean: Bai Bai Bai Bai Bai

_Gelak. Bai Bai Bai Bai Bai

_Komunak. Bai - - - -

b) Komunikazioak

Nolanahi ere, suteei aurrea hartzeko araudia beteko da.

IZARRAK

5 4 3 2 1

a) Igogailuak:

Bezeroentzako solairuen kopurua, 2 3 3 4 4

hala badagokio sotokoak barne, adierazitakoa bera edo handiagoa denean.

Igogailuak solairu guztietara ailegatuko dira. Azkeneko solairuan ez da igogailurik beharko baldin eta gelak txapituladunak badira.

b) Kargagailuak:

Solairu kopurua, hala badagokio 2 3 4 - -

sotokoak barne, adierazitakoa bera edo handiagoa denean.

c) Korridoreak:

_Gutxieneko zabalera metrotan. 1,60 1,50 1,40 1,30 1,20

_Gutxieneko zabalera % 15 txikitzen ahalko da gela guztiak korridorearen alde bakar batean badaude, baina, betiere, metro batekoa izanen da.

d) Sarrera eta irteerak:

_Bezereontzakoak eta langileentzakoak Bai Bai Bai - -

_Hiru izarreko hoteletan, 10 gela edo gehiago dituztenean bakarrik eskatuko dira.

e) Bezeroentzako eskailera: 1,50 1,40 1,30 1,20 1,2

(Gutxieneko zabalera metrotan).

c) Bezeroentzako aldea

_5 izarreko hotelek suite bat izanen dute gutxienez. Suitetzat hartzen da bi gela edo gehiago, dagokien komuna eta guzti, eta gutxienez egongela bat duen multzoa.

_Komunak:

.5 izarreko hoteletan bainuontzia 1,70 metro luze izanen da gutxienez. Bainuontzirik ez badago, dutxarako gunea 1,70 metro luze izanen da gutxienez. Nolanahi ere, komunontzia komunaren gainerako elementuetatik aparte egonen da, eta bi lagunentzako gelek bi konketa izanen dituzte.

.4, 3, 2 eta 1 izarretako hoteletan, bainuontzia 1,40 metro luze izanen da gutxienez. Bainuontzirik ez badago, dutxarako gunea gutxienez 1,40 metro luze izanen da 4 eta 3 izarreko hoteletan, eta metro batekoa 2 eta 1 izarrekoetan.

IZARRAK

5 4 3 2 1

1._Gelak. Gutxieneko azalera metro karratuetan

(komunak sartu gabe):

_Bi lagunentzakoa. 17 15 15 14 12

_Bi lagunentzakoa, egongeladuna. 15 14 13 12 11

_Lagun bakarrekoa. 10 9 8 7 7

_Lagun bakarrekoa, egongeladuna. 10 9 8 7 7

_Egongela. 12 10 10 9 8

3 eta 4 lagunentzako gelak baimentzen ahalko dira, baldin eta haien azalera kategoria horretako bi lagunentzako gelei eskatutako gutxienekoa baino % 30 edo % 60, hurrenez hurren, handiagoa bada. Hotelek apartamentu-hoteletakoak bezalako unitateak izan ahalko dituzte, eta horiei erregelamendu honetako 3. eranskinean ezarritakoa aplikatuko zaie.

Nolanahi ere den, unitate horien kopurua ez da hotelaren ostatu unitateen % 40 baino handiagoa izanen.

IZARRAK

5 4 3 2 1

Sabaien gutxieneko altuera metrotan: 2,60 2,60 2,50 2,50 2,50

_Mantsarda edo txapituladun sabaiak dituzten geletan, haien azalera erabilgarriaren % 60k, gutxienez, izanen du aipatutako gutxieneko altuera.

2._Geletako komunak. Bai Bai Bai Bai Bai

a) Gutxieneko azalera erabilgarria metro

karratuetan. 5 4,5 4 3,5 3

Dena den, 2 eta 1 izarreko hotelek 2,5 metro karratuko gutxieneko azalera duten komunak izaten ahalko dituzte, komun guztiei buruz ondoren azaltzen diren portzentajeetan:

_2 izarreko hotelak: % 50.

_Izar bateko hotelak: % 75.

3._Egongela eta jantokiak. 2,50 1,75 1,50 1,20 1,00

(Otordu zerbitzua ematen denean):

Plaza bakoitzeko azalera, metro karratuetan.

Modulu hori bateratua egonen da eta egongeletarako eta/edo jantokietarako birbanatzen ahalko da, komeni denaren arabera, baina gela horietako bakoitzak azalera osoaren % 25 hartuko du gutxienez, eta 10 metro karratu edo gehiago izanen ditu.

Taberna, irakurtzeko gela, telebista gela eta joko aretoa izateko guneak egongelaren zatitzat hartzen ahalko dira, baldin eta hori erabat desagertzen ez bada.

d) Zerbitzu orokorrak

IZARRAK

5 4 3 2 1

a) Bezero guztientzako komunak. Bai Bai Bai Bai Bai

Emakumeentzakoak eta gizonentzakoak egonen dira, bereizita.

Egongelak eta jantokiak dauden solairuetan jarriko dira, edo, bestela, goragoko edo beheragoko solairuan. Komun horietara jantoko nahiz egongelatik zuzenean sartuz gero, sartzeko bi ate izanen dituzte.

b) Office bat 5 gela edo gehiago dituen

soliaru bakoitzean: Bai Bai Bai Bai -

Dena den, 15 gela baino gutxiagoko hoteletan, aski izanen da office bakar bat egotea. Nolanahi ere, beharrezkoa izanen da gutxienez office bat izatea.

c) Gela-zerbitzua, 24 ordukoa. Bai Bai - - -

d) Bezeroentzako banakako kutxa gotorren Bai Bai Bai - -

zerbitzua.

e) Bezeroen hartu-agiriaren truke itzuli Bai Bai Bai Bai Bai

beharreko dirua eta gai baliotsuak

zaintzeko zerbitzua.

f) Fardelak zaintzeko berariazko gela itxiak. Bai Bai Bai Bai* -

(*) Establezimenduan 50 gela baino gehiago baldin badaude.

g) Bezeroentzako garajea: Bai Bai - - -

Garajea eraikin berean edo hitzartutako beste batean egonen da, bigarren kasu horretan, hotelek langileak izanen dituzte aparkatze zerbitzua emateko.

_Aparkalekuen gutxieneko portzetajea gela 12% 10% - - -

kopuruaren arabera.

h) Sukaldea. Bai Bai Bai Bai Bai

(Jantoki zerbitzua ematen denean. betiere, arlo horretako araudia beteko da).

i) Harrera-lekua eta/edo etxezaintza. Bai Bai Bai Bai Bai

Etengabe langilez hornituak. Zerbitzu bateratua osatzen ahalko dute.

e) Langileentzako eremua

Hotel guztietan, emakumeentzako eta gizonentzako aldagela bereiziak egonen dira. Komunak ere horrelaxekoak izanen dira, eta dutxak, konketak eta komun-ontziak edukiko dituzte.

Dena den, 15 gela baino gutxiago dituzten establezimenduei, ez zaizkie aldagela eta komun bereiziak eskatuko, baldin eta dutxa eta komun-zulo guztiek ixten ahal den atea badute, eta dutxa bakoitzean, banakako atari moduan, alde bat uzten bada dutxa-plateretik aparte, aulki batez eta arropa esekitzeko kakoez hornitua.

f) Hotelak goragoko kategorian sailkatzea

1._Erregelamendu honetan kategoria guztietarako ezartzen diren baldintzak betetzen direla-eta, esleitutako kategoria aldatzeko eskatzeko aukera deusetan ukatu gabe, hotel, landa-hotel eta apartamentu-hotelek zilegi izanen dute, behin bakarrik eta modalitate bakoitzaren barruan, goragoko kategorian sartzeko eskatzea, atal honetan ezarritako salbuespenezko sistemari jarraikiz.

2._Zein kategoriatan sartu nahi duten, erregelamendu honetan horretarako ezarri diren baldintzak bete beharko dituzte hotel, landa-hotel eta apartamentu-hotelek, salbu eta ondoko hauek:

_Kargagailua.

_Gelen azalera: murrizketa, ehuneko 5 baino gutxiagokoa.

_Komunen azalera: ehuneko 10 baino gutxiagoko murrizketa bi lagunentzako geletan eta ehuneko 15 baino gutxiagokoa banakakoetan.

_Gelen altuera: ehuneko 4 baino gutxiagoko murrizketa.

_Egongela eta jantokien azalera: eskatutako azaleraren murrizketa, ehuneko 5 baino gutxiagokoa.

3._Erregelamendu honek indarra hartu aurretik dauden hotel, landa-hotel eta apartamentu-hotelek, atal honi jarraikiz kategoriaz igo nahi izanez gero, instalazio guztiak ongi zainduak eta funtzionamendu egokian izan beharko dituzte.

4._Kategoria igoera eskatzen duten hotel, landa-hotel eta apartamentu-hotelek 2. puntuan aipatutako elementuak konpentsatzeko, ondoren azaltzen diren zerbitzuak emanez, eta kategoriaz igotzeko beharrezkoa izanen da gutxienez 40 puntu lortzea (50 puntu kargagailurik ez badute):

Gelak

Komunikazioak:

_Telefono bat baino gehiago gela bakoitzean (burualdean, eta komunean nahiz lan egiteko aldean): 3 puntu.

_Telefoniakoez kanpoko hartune informatikoak: 3 puntu.

_Antena parabolikoaren bidezko telebista: 3 puntu.

_Interakziozko sistema duen telebista: 3 puntu.

_Ordainpeko telebista: 1 puntu.

_Giro musika/compact disc: 3 puntu.

_WIFI sarbidea: 3 puntu.

Altzariak:

_Lan egiteko mahaia, argi egokia duena: 3 puntu.

_Ohean irakurtzeko lanpara: 3 puntu.

_Ohetik eta ate ondotik kontrolatzeko moduko argiak: 3 puntu.

_Minibarra: 3 puntu.

Komunak:

_Konketa bikoitza bi lagunentzako geletan: 3 puntu.

_Kristalezko manpara bainuontzietan: 3 puntu.

_Handitzeko ispilu osagarria: 3 puntu.

_Lurrun kontrako sistema ispiluan: 2 puntu.

_Ile-lehorgailua: 2 puntu.

_Hidromasajeko bainuontzi edo dutxa: 3 puntu.

_Harrerarako produktuak (gutxienez 6): 2 puntu.

Bestelako zerbitzuak

_Dokumentazioa, zerbitzuen gaineko informazioa, etab., hiru hizkuntza edo gehiagotan: 2 puntu.

_Klimatizazio sistema isila: 3 puntu.

_Bezeroari burko mota bat baino gehiago eskaintzea: 2 puntu.

_Bainu soinekoa eta zapatillak: 3 puntu.

_Gimnasioa: 5 puntu.

_Sauna: 5 puntu.

_Jacuzzia: 5 puntu.

_Ikuztegi zerbitzua: 3 puntu.

_Fardelak mugitu eta jasotzeko zerbitzua: 3 puntu.

_Turismo informazioko zerbitzua: 2 puntu.

_Bezeroentzako ordenagailuak, internet eta guzti: 3 puntu.

_Igerilekua (aplikatu beharreko arauei jarraikiz baimendua): 5 puntu.

Sarbideak

UNE 170001-1 arauetan ezarritako sarbide baldintzak oinarritzat harturik, establezimenduek mugikortasun edo komunikazio gutxituak dituzten pertsonek modu autonomo eta eroso batez erabiltzeko aukera bermatzen duten baldintza funtzional eta neurriei buruzkoak betetzen baldin badituzte, 20 puntu ematen ahalko zaizkie gehienez.

Kalitatea

_Kalitate turistikoaren "Q" ziurtagiria izatea: 10 puntu.

_Kalitatea Kudeatzeko Sistemen Ziurtagiria, ISO arauen araberakoa, izatea : 5 puntu.

5._Erregelamendu honen arabera estableziemnduari dagokion kategoriarako ezinbesteko betebeharra diren zerbitzu edo instalazioak eza dira puntuazioari begira kontatuko.

6._Kategoriaz igotzeko eskabidearekin batera aitorpen bat aurkeztuko da, establezimenduak betetzen ez dituen baldintzak eta ematen dituen zerbitzu osagarriak, atal honetako 2. eta 4. zenbakietan ezarritakoari jarraikiz baloratuak, azaltzeko.

Eskabidea jaso ondoren, Vianako Printzea Erakundea-Kultura eta Turismo Departamentuak dagokion espedientea tramitatu eta, estableziendua ikusi ondoren, behar den ebazpena emanen du.

3. ERANSKINA. APARTAMENTU-HOTELEN BERARIAZKO BETEBEHAR TEKNIKOAK

3. ERANSKINA

Eranskin honetan aipatzen ez diren gaiei, 2. eranskinean ezarritakoa aplikatuko zaie.

IZARRAK

5 4 3 2 1

1._Ostatu unitateak:

a) Gutxieneko azalera erabilgarria metro

karratutan:

_Banakako logela. 10 9 8 7 7

_Bi lagunentzako logela. 13 12 11 10 9

_Egongela-jantokia. 12 11 10 9 9

_Estudioa. 24 22 20 18 16

3 eta 4 lagunentzako logelak baimentzen ahalko dira, baldin eta haien azalera kategoria horretako bi lagunentzako logelei eskatutako gutxieneko azalera baino % 30 edo 60 handiagoa, bada, hurrenez hurren.

Apartamentu-hotelek hotelekoak bezalako ostatu unitateak izaten ahalko dituzte, eta horiei erregelamendu honetako 2. eranskinean ezarritakoa aplikatuko zaie, dagokien kategoriaren arabera. Nolanahi ere, unitate horien kopurua ez da apartamentu-hotelaren ostatu unitate guztien % 40 baino handiagoa izanen.

2._Egongela eta jantokiak (jantoki zerbitzua ematen denean):

a) Plaza bakoitzeko azalera metro

karratutan: 1,50 1,20 1,00 0,80 0,60

Taberna, irakurtzeko gela, telebista gela eta joko aretoa izateko guneak egongelaren zatitzat hartzen ahalko dira, baldin eta hori erabat desagertzen ez bada.

3._Komunak:

IZARRAK

5 4 3 2 1

a) Kopurua: komunak plaza bakoitzeko.1 komun 4 plaza 4 plaza 4 plaza 4 plaza

2 plazako bitarte bitarte bitarte bitarte

1 komun 1 komun 1 komun 1 komun 1 komun

+ 4 + 4 + 4 + 4

plaza, plaza, plaza, plaza,

2 komun 2 komun 2 komun 2 komun

b) Gutxieneko azalera erabilgarria metro

karratutan. 5 4,5 4 3,5 3

4._Sukaldea erabat hornitua. Bai Bai Bai Bai Bai

4. ERANSKINA. HOSTALEN BETEBEHAR TEKNIKOAK

4. ERANSKINA

KATEGORIA LANDA-

OROKORRA HOSTALAK

1._Instalazioak.

a) Ur beroa Bai Bai

b) Berokuntza logela eta alde komunetan Bai Bai

c) Telefonoa alde komunetan Bai Bai

d) Sukaldea (jantoki zerbitzua ematen Bai Bai

denean. Betiere, arlo horretako araudia

beteko da).

2._Komunikazioak.

a) Igogailuak:

Bezeroentzako solairuen kopurua hala bada- 4 4

gokio sotokoak barne, adierazitakoa bera edo handiagoa denean.

Igogailuak solairu guztietara ailegatuko dira. Azkeneko solairuan ez da igogailurik beharko baldin eta gelak txapituladen dunak badira.

b) Bezeroentzako eskailera (gutxieneko

zabalera metrotan). 1,2 1

KATEGORIA LANDA-

OROKORRA HOSTALAK

3._Bezeroentzako eremua

a) Gelak:

_Gutxieneko azalera erabilgarria (komu-

nak sartu gabe):

-Bilagunentzakoa 11 m² 10 m²

-Banakakoa 7 m² 6 m²

_Sabaien gutxieneko altuera. 2,50 m 2,40m

Mantsarda edo txapituladun sabaiak dituzten geletan, haien azalera erabilgarriaren % 60k, gutxienez, izanen du aipatutako gutxieneko altuera.

a) Komuna geletan Bai Bai

_Gutxieneko azalera erabilgarria 2,5 m² * 2,5 m²

(*) Dena den, hostal orokorretako komunen % 25ak gutxienez 3 metro karratuko gutxieneko azalera izanen du.

c) Egongelak. Edukieraren araberako azalera, 10 m² 10 m²

gutxieneko batekin.

d) Jantokiak (jantoki zerbitzua ematen denean).

_Gutxieneko azalera plaza bakoitzeko. 1,2 m²

5. ERANSKINA. APOPILO-ETXEEN BETEBEHAR TEKNIKOAK

5. ERANSKINA

2 IZAR 1 IZAR

1._Gelak:

Gelen gutxieneko azalera erabilgarria:

_Bi lagunentzakoak. 11 m² 10 m²

_Banakakoak. 6 m² 6 m²

2._Berokuntza logela eta alde komunetan. Bai Bai

3._Jendearentzako komunak. 1 1

6 gelako 6 gelako

edo zati edo zati

bakoitzeko bakoitzeko

Nolanahi ere, solairu bakoitzean bat egonen da.

4._Konketa gela guztietan. Bai -

Ur beroarekin.

5._Egongela izateko gunea. Bai Bai

6._Jendearentzako telefonoa. Bai Bai

7._Sukaldea (jantoki zerbitzua ematen denean Bai Bai

betiere, arlo horretako araudia beteko da).

Contacte con nosotros | Accesibilidad | Aviso legal | Mapa web