LEXNAVARRA
52/2010 FORU DEKRETUA, ABUZTUAREN 30EKOA, NAFARROAKO FORU KOMUNITATEAN ADMINISTRAZIO KUDEAKETAKO TEKNIKARI TITULUAREN EGITURA ETA CURRICULUMA EZARTZEN DITUENA.
BON 18/10/2010
- Zioen azalpena
- 1. artikulua. Xedea.
- 2. artikulua. Identifikazioa.
- 3. artikulua. Lanbide erreferentea eta lanbide jarduera.
- 4. artikulua. Curriculuma.
- 5. artikulua. Lanbide moduluak eta prestakuntza unitateak.
- 6. artikulua. Derrigorrezko Bigarren Hezkuntzatik ziklora sartzeko bideak.
- 7. artikulua. Ziklotik beste ikasketa batzuetara pasatzea.
- 8. artikulua. Baliozkotzeak eta salbuespenak.
- 9. artikulua. Gaitasun unitateek lanbide moduluekin duten korrespondentzia.
- 10. artikulua. Irakasleak.
- 11. artikulua. Irakaslekuak eta ekipamenduak.
- XEDAPEN GEHIGARRIAK
- Lehen xedapen gehigarria. Tituluaren baliokidetasunak.
- Bigarren xedapen gehigarria. Beste lanbide trebakuntza batzuk.
- XEDAPEN IRAGANKORRA
- Xedapen iragankor bakarra. Aurreko tituluko ikasleen eskubideak eta trantsizio prozesua.
- XEDAPEN INDARGABETZAILEA
- Xedapen indargabetzaile bakarra. Arauak indargabetzea.
- AZKEN XEDAPENAK
- Azken xedapenetan lehena. Ezarpena.
- Azken xedapenetan bigarrena. Indarra hartzea.
1. ERANSKINA. LANBIDE ERREFERENTEA
2. ERANSKINA. CURRICULUMA
3. ERANSKINA. PRESTAKUNTZA UNITATEAK
6. ERANSKINA. IRAKASLEAK
7. ERANSKINA. TOKIAK
1
Lanbide Kualifikazioei eta Lanbide Heziketari buruzko ekainaren 19ko 5/2002 Lege Organikoak Kualifikazioen Katalogo Nazionalaren definizioan aurrera egitea ahalbidetu du. Lanbide sektore edo arlo bakoitzerako kualifikazio batzuk zehaztu dira katalogoan, hiru mailatan antolatuak, eta horiexek osatzen dute lanbide heziketako tituluen curriculumaren muina.
Hezkuntzari buruzko maiatzaren 3ko 2/2006 Lege Organikoak lanbide ikasketen antolaketa eta haien egituraren eta antolamenduaren printzipio orokorrak arautzen ditu hezkuntza sistemaren barnean. Etapa, maila eta ikasketa mota guztiak eredu koherente batean biltzen ditu, zeinean heziketa zikloek eginkizun garrantzitsuak betetzen baitituzte, lanbide gaitasunen, gaitasun pertsonalen eta gizarte gaitasunen garapenari lotuak, eta, funtsean, lanbide kualifikazioaren, lan munduan sartzearen eta helduen bizitzan parte hartzearen esparruetan kokatuak.
Foru dekretu honen bitartez, Administrazio Kudeaketako teknikari titulua eskuratzea ahalbidetzen duen erdi mailako heziketa zikloaren egitura eta curriculuma ezartzen dira. Hezkuntza sistemako lanbide heziketaren antolamendu orokorra ezartzen duen abenduaren 5eko 1538/2006 Errege Dekretuaren 17. artikulua aplikatuz, eta Nafarroako Foru Eraentza Berrezarri eta Hobetzeari buruzko abuztuaren 10eko 13/1982 Lege Organikoaren 47. artikuluan Nafarroako Foru Komunitateari arlo honetan ematen zaizkion eskumenak erabiliz, honako curriculum honek urriaren 30eko 1631/2009 Errege Dekretua garatzen du, Administrazio Kudeaketako teknikari titulua ezarri eta horren gutxieneko ikasketak finkatzen dituen dekretua, hain zuzen.
Bestalde, Nafarroako Foru Komunitateko hezkuntza sistemaren esparruan lanbide heziketaren antolamendua eta garapena arautzen dituen maiatzaren 26ko 54/2008 Foru Dekretuak lanbide heziketako tituluetako curriculuma garatzeko eredu bat definitu du, estrategia eta arau berriak ekarri dituena enpresara hobeki egokitzeko, ikasketen antolaketa malgutzeko, ikastetxeen curriculum-autonomia areagotzeko eta ikasleei prestakuntza zabalagoa emateko.
Horregatik, Administrazio Kudeaketako teknikari tituluaren curriculuma Nafarroako Foru Komunitaterako egokitu eta garatzean, kontuan hartu dira maiatzaren 26ko 54/2008 Foru Dekretu horrek onetsi dituen diseinuari buruzko jarraibideak.
2
Arau multzo honetan, jarraian adierazten diren elementuak jorratzen dira, titulu honetako curriculuma osatzen baitute: lanbide erreferentea, curriculuma, ikasketen antolaketa eta sekuentziazioa, sarbideak eta ezarpenerako baldintzak.
Titulu honen lanbide erreferenteak, arau honen 3. artikuluan aurkeztu eta 1. eranskinean garatzen denak, oinarrizko bi alderdi ditu: tituludunaren lanbide profila eta haren lan ingurunea izanen den produkzio sistema. Lanbide profilaren barnean, haren gaitasun orokorra zein den definitzen da eta erreferentzia gisa hartu diren bi lanbide kualifikazioak azaltzen dira. Bi lanbide kualifikazio horiek, alegia, Bezeroarekiko harrera eta harremaneko administrazio jarduerak eta Administrazio kudeaketako jarduerak, biak ere otsailaren 1eko 107/2008 Errege Dekretuan arautuak, hainbat gaitasunek definitzen duten lanbide jarduketarako gune batean biltzen dira. Gune horrek, euskarri gisa gehitu diren lanbide moduluekin batera, badu zabaltasun nahikoa eta behar adinako espezializazioa, teknikari honek lana lortzen ahalko duela bermatzeko.
Produkzio sistemari dagokionez, zenbait zehaztapen ezartzen dira, Nafarroarako elementu bereizgarriekin, tituludun hauek beren lanean eta lanbidean izanen duten inguruneari buruz. Gutxienez ere, bi dimentsio osagarri dituen sistema batean kokatzen da ingurune hori. Lehenbizikoa geografikoa da, tituludun hauen lanbide jarduera Estatuko eta atzerriko beste zona batzuekin loturik dagoelako eta zona horiek elkarri eragiten diotelako. Bigarrena denboraren dimentsioa da, eta lanbideak etorkizunean izanen duen bilakaerari buruzko ikuspegi prospektiboa dakar.
3
Laugarren artikulua, berari loturik dagoen 2. eranskinarekin batera, Nafarroan arautzen den titulazioaren curriculum osagaiaz ari da eta bi zatitan banaturik dago. Alde batetik, titulu honen helburuak daude eta, bestetik, lanbidearen ikaskuntzaren muina osatzen duten lanbide moduluen garapena eta iraupena. Lanbide modulu guztien curriculumak badu orientabide didaktikoen atala. Orientabide horiek moduluen ikuspuntuari, koordinazioari eta sekuentziazioari eta lan unitateen eta irakaskuntza-ikaskuntza jardueren tipologiari eta definizioari dagozkie.
4
Arau honen esparruan moduluen erreferentziazko sekuentziazioa arautzen da zikloko bi kurtsoetan, bai eta lanbide modulu bakoitza prestakuntza unitateetan zatitzeko modua ere. Zatiketa horrek, prestakuntza eskaintza arruntetan irakaskuntza-ikaskuntza jardueren antolaketa errazteaz gainera, bide ematen du lanbide prestakuntzaren beste eskaintza batzuei ekiteko; horien xedea langileen hobekuntza izan daiteke edota gaitasuna ebaluatu eta onartzeko prozedurak eta prestakuntza eskaintzak berak bat egiten duten ibilbideen diseinua. Elementu hori 5. artikuluan eta 3. eranskinean garatzen da.
5
Sarbideei eta baliozkotzeei dagokienez, 6. artikuluak Derrigorrezko Bigarren Hezkuntzatik heziketa ziklo honetara sartzeko bideak arautzen ditu; 7. artikuluak zehazten du nola pasa daitekeen beste ikasketa batzuetara, Administrazio Kudeaketako teknikari titulurako heziketa zikloa amaitu eta gero; 8. artikuluak baliozkotzeak eta salbuespenak arautzeko esparrua definitzen du; eta 9. artikuluak (5. eranskinean garatua) lanbide moduluen eta titulu honetako kualifikazioetako gaitasun unitateen arteko korrespondentziak ezartzen ditu, haiek egiaztatu, baliozkotu edo salbuesteko.
6
Azkenik, foru dekretu honek arautzen duen azken elementua 10. eta 11. artikuluetan eta dagozkien 6. eta 7. eranskinetan deskribatzen da; izan ere, heziketa ziklo hau ezartzeko baldintzez ari dira horiek guztiak. Baldintza horiek irakasleen profilari eta behar diren irakasleku eta ekipamenduen ezaugarriei buruzkoak dira.
Horiek horrela, Hezkuntzako kontseilariak proposatuta, eta Nafarroako Gobernuak bi mila eta hamarreko abuztuaren hogeita hamarrean egindako bilkuran hartutako erabakiarekin bat,
DEKRETATU DUT:
1. Foru dekretu honen xedea da Administrazio Kudeaketako teknikari tituluaren egitura eta curriculum ofiziala ezartzea Nafarroako Foru Komunitatean. Titulu hori Administrazio eta Kudeaketa lanbide arlokoa da.
Administrazio eta Kudeaketako teknikari titulua honako elementu hauen bidez identifikatzen da:
a) Izena: Administrazio Kudeaketa.
b) Maila: 2 - Erdi mailako Lanbide Heziketa.
c) Iraupena: 2.000 ordu.
d) Lanbide arloa: Administrazioa eta Kudeaketa.
e) Europako erreferentea: HNSN - 3 (hezkuntzaren nazioarteko sailkapen normalizatua).
3. artikulua. Lanbide erreferentea eta lanbide jarduera.
Foru dekretu honen 1. eranskinean zehazten dira tituluaren lanbide profila, gaitasun orokorra, kualifikazioak eta gaitasun unitateak, lanbide gaitasunak, gaitasun pertsonalak eta sozialak, bai eta produkzio sistemaren erreferentzia, haren Nafarroako ingurunea eta haren prospektiba ere, maiatzaren 26ko 54/2008 Foru Dekretuaren 21. artikuluan ezarritakoari jarraituz.
1. Administrazio eta Kudeaketako heziketa zikloaren helburu orokorrak eta hura osatzen duten lanbide moduluak foru dekretu honen 2. eranskinean ageri dira.
2. Heziketa ziklo hau ematen duten lanbide heziketako ikastetxeek programazio didaktiko bat prestatuko dute, zikloko ikasketak osatzen dituzten lanbide moduluetako bakoitzerako. Programazio hori lan unitateen bitartez garatu eta zehaztuko da.
5. artikulua. Lanbide moduluak eta prestakuntza unitateak.
1. Heziketa ziklo hau osatzen duten lanbide moduluak foru dekretu honen 2.B) eranskinean garatu dira, urriaren 30eko 1631/2009 Errege Dekretuaren 10. artikuluan ezarritakoarekin bat.
2. Lanbide modulu horiek bi ikasturtetan antolatuko dira, foru dekretu honen 2.B) eranskinean ezarritako denbora banaketaren arabera. Maiatzaren 26ko 54/2008 Foru Dekretuaren 16.2 artikuluan dauden arauekin bat, denbora banaketa horrek erreferentziazko balioa izanen du heziketa ziklo hau ematen duten ikastetxe guztientzat eta Hezkuntza Departamentuaren baimena beharko da hartan edozein aldaketa egiteko.
3. Lanbide moduluak foru dekretu honen 3. eranskinean ezarritako prestakuntza unitateetan antolaturik ematen ahalko dira, bizitzan zeharreko prestakuntza sustatze aldera. Lanbide modulu bakoitza osatzen duten prestakuntza unitateen edukiek modulu horretako eduki guztiak bildu behar dituzte.
4. Prestakuntza unitateen ziurtapenak Nafarroako Foru Komunitatean soilik izanen du balioa. Modulu bereko prestakuntza unitate guztiak gaindituz gero, ikasleak lanbide moduluaren ziurtapenerako eskubidea izanen du. Ziurtapenak Estatu osoan izanen du balioa, heziketa zikloan sartzeko baldintza akademikoak betetzen diren bitartean.
6. artikulua. Derrigorrezko Bigarren Hezkuntzatik ziklora sartzeko bideak.
1. Hezkuntzari buruzko maiatzaren 3ko 2/2006 Lege Organikoaren 31. eta 41. artikuluetan eta maiatzaren 26ko 54/2008 Foru Dekretuaren 7. artikuluan ezarritakoarekin bat, Derrigorrezko Bigarren Hezkuntzako graduatu titulua dutenak sartzen ahalko dira Administrazio eta Kudeaketako erdi mailako heziketa zikloan.
2. Halaber, maiatzaren 26ko 54/2008 Foru Dekretuaren 7. artikuluak xedatzen duenez, baldintza akademikoak betetzen ez dituztenak ere Lanbide Heziketan sartzen ahalko dira, Nafarroako Foru Komunitateko Hezkuntza Departamentuak araututako proba bat gainditzen badute. Erdi mailako heziketa zikloetan bide horretatik sartzeko, hamazazpi urte eduki behar dira gutxienez, proba egiten den urtean beteak.
7. artikulua. Ziklotik beste ikasketa batzuetara pasatzea.
1. Administrazio Kudeaketako teknikari tituluak zuzeneko sarbidea ematen du erdi mailako beste edozein heziketa ziklotarako, onarpenerako ezartzen diren baldintzekin betiere.
2. Administrazio Kudeaketako teknikari tituluak sarbidea ematen du, hemezortzi urte eduki eta proba bat gaindituz gero, salbuespenak salbuespen, goi mailako heziketa ziklo guztietarako, urriaren 30eko 1631/2009 Errege Dekretuaren 13.2 artikuluan ezarritako eran.
3. Administrazio Kudeaketako teknikari tituluak bide ematen du Batxilergoaren edozein modalitatetara sartzeko, maiatzaren 3ko 2/2006 Lege Organikoaren 44.1 artikuluan eta abenduaren 15eko 1538/2006 Errege Dekretuaren 16.3 artikuluan xedatutakoarekin bat.
8. artikulua. Baliozkotzeak eta salbuespenak.
1. Espainiako Hezkuntza Sistemaren Antolamendu Orokorrari buruzko urriaren 3ko 1/1990 Lege Organikoaren babesean, Administrazio Kudeaketako teknikari tituluan ezarritako lanbide moduluen eta maiatzaren 3ko 2/2006 Lege Organikoaren babesean Administrazio Kudeaketako teknikari tituluan ezarritakoen arteko baliozkotzeak foru dekretu honen 4. eranskinean ageri dira.
2. Lanbide moduluetako baliozkotze eta salbuespenetarako, urriaren 30eko 1631/2009 Errege Dekretuaren 14. artikuluan ezarritakoa hartuko da kontuan.
9. artikulua. Gaitasun unitateek lanbide moduluekin duten korrespondentzia.
1. Lanbide Kualifikazioei eta Lanbide Heziketari buruzko ekainaren 19ko 5/2002 Lege Organikoaren 8. artikuluan ezarritakoaren arabera egiaztaturiko gaitasun unitateen eta Administrazio Kudeaketako teknikari titulurako ikasketak osatzen dituzten lanbide moduluen arteko korrespondentziak, haiek baliozkotzeko edo salbuesteko erabiliko direnak, foru dekretu honen 5.A) eranskinean ageri dira.
2. Halaber, titulu bereko ikasketak osatzen dituzten lanbide moduluen eta gaitasun unitateen arteko korrespondentziak, haiek egiaztatzeko erabiliko direnak, foru dekretu honen 5 B) eranskinean zehazten dira.
1. Heziketa ziklo honetako ikasketak osatzen dituzten lanbide moduluetan irakaslanean aritzea Bigarren Hezkuntzako katedradunei, Bigarren Hezkuntzako irakasleei eta Lanbide Heziketako irakasle teknikoei dagokie, bidezkoa denaren arabera. Foru dekretu honen 6.A) eranskinean ezarritako espezialitateetakoak izan behar dute.
2. Irakasleei eskatzen zaizkien titulazioak, oro har, otsailaren 23ko 276/2007 Errege Dekretuaren 13. artikuluan ezarritakoak dira. Dekretu horren bidez, Hezkuntzari buruzko maiatzaren 3ko 2/2006 Lege Organikoan aipatzen diren irakasle kidegoetan sartzeko eta espezialitate berriak eskuratzeko erregelamendua onesten da eta lege organiko horren hamazazpigarren xedapen iragankorrean aipatzen den sarrera araubide iragankorra arautzen da. Irakaslanari dagokionez aurrekoen baliokideak diren titulazioak, irakasleen espezialitate desberdinetarako, foru dekretu honen 6.B) eranskinean ageri dira.
3. Eskatzen diren titulazioak eta titulua osatzen duten lanbide moduluak emateko bete behar diren gainerako baldintzak, ikastetxe publikoetako edo Hezkuntzakoak ez diren administrazioen zentro publikoetako irakasleentzat, foru dekretu honen 6.C) eranskinean azaltzen dira.
11. artikulua. Irakaslekuak eta ekipamenduak.
1. Heziketa ziklo honetako ikasketak emateko behar diren irakaslekuak foru dekretu honen 7. eranskinean ezarritakoak dira.
2. Irakaslekuek azalera nahikoa izanen dute, haietako bakoitzean ematen diren lanbide moduluei dagozkien irakaskuntza jarduerak garatu ahal izateko. Gainera, baldintza hauek bete beharko dituzte:
a) Irakaslekuaren azalera zehazteko, kontuan hartuko da zenbat lagunentzako den. Azalera nahikoa izanen da irakaskuntza-ikaskuntza jarduerak behar adinako ergonomia eta mugikortasunarekin egin ahal izateko.
b) Irakaslekuetan altzari, ekipamendu eta lanerako erreminta osagarrietarako nahikoa leku izanen da.
c) Irakaslekuetan erabiltzen diren makina eta ekipamenduetarako segurtasun tarte edo eremuak errespetatu beharko dira.
d) Laneko arriskuen prebentzioari buruzko arauak, lanpostuko segurtasunari eta osasunari buruzkoak, eta gainerako arau aplikagarriak beteko dira.
3. Hainbat ikasle taldek erabiltzen ahalko ditu irakaslekuak, heziketa ziklo eta hezkuntza etapa berekoak izan edo ez.
4. Irakaslekuek ez dute nahitaez itxituraz bereizirik egon behar.
5. Irakasleku bakoitzean behar adina ekipamendu jarri behar da, ikasleei ikaskuntzaren emaitzen lorpena eta irakaskuntzaren kalitatea bermatzeko. Gainera, ekipamenduek baldintza hauek beteko dituzte:
a) Ekipamenduek, makinek eta abarrek ongi ibiltzeko behar duten instalazioa edukiko dute. Segurtasunari eta arriskuen prebentzioari buruzko arauak eta aplikatu behar diren gainerakoak beteko dituzte.
b) Ekipamenduen kopurua eta ezaugarriak ikasle kopuruaren araberakoak izanen dira, eta ikaskuntzaren emaitzak lortzea ahalbidetuko dute, irakasleku bakoitzean ematen diren lanbide moduluetako ebaluazio irizpideak eta edukiak kontuan izanik.
6. Hezkuntza Departamentuak zainduko du irakaslekuak eta ekipamendua kopuruaren eta ezaugarrien aldetik dagozkien moduluetako ikaskuntza emaitzen ondoriozko irakaskuntza-ikaskuntza prozesuak garatzeko egokiak izan daitezen, irakaskuntza horien kalitatea bermatuz.
Lehen xedapen gehigarria. Tituluaren baliokidetasunak.
1. Urriaren 30eko 1631/2009 Errege Dekretuaren hirugarren xedapen gehigarriaren arabera, Administrazio Kudeaketako teknikari tituluak, zeinaren curriculuma foru dekretu honetan arautzen baita, eta jarraian aipatzen diren teknikari laguntzaileen tituluek ondorio profesional berak sortuko dituzte:
a) Administrazioko teknikari laguntzailea, Administrazio eta Merkataritza arloa.
b) Idazkaritzako teknikari laguntzailea, Administrazio eta Merkataritza arloa.
c) Solairuen kudeaketako teknikari laguntzailea, Ostalaritza eta Turismo arloa.
d) Administrazioko eta Kudeaketako teknikari laguntzailea, Administrazio eta Merkataritza arloa.
e) Administrazio Dokumentazio eta Teklatu Eragiketen teknikari laguntzailea, Administrazio eta Merkataritza arloa.
f) Teknikari juridiko laguntzailea, Administrazio eta Merkataritza arloa.
2. Halaber, Nafarroako Foru Komunitatean Administrazio Kudeaketako teknikari tituluari dagokion erdi mailako heziketa zikloaren curriculuma ezartzen duen maiatzaren 27ko 226/1996 Foru Dekretuaren bidez araututako Administrazio Kudeaketako teknikari tituluak ere foru dekretu honetan garatzen den curriculumari dagokion izen bereko tituluaren ondorio akademiko eta profesionalak izanen ditu.
Bigarren xedapen gehigarria. Beste lanbide trebakuntza batzuk.
Lanerako prestakuntza eta orientazioko moduluak trebakuntza ematen du laneko arriskuen prebentzioko oinarrizko jardueretarako behar diren lanbide erantzukizunak hartzeko (horiek Prebentzio Zerbitzuen Erregelamendua onesten duen urtarrilaren 17ko 39/1997 Errege Dekretuan ezarrita daude), baldin eta moduluak, gutxienez, 45 eskola ordu baditu, urriaren 30eko 1631/2009 Errege Dekretuaren hirugarren xedapen gehigarriaren 3. atalean ezarritakoarekin bat.
Xedapen iragankor bakarra. Aurreko tituluko ikasleen eskubideak eta trantsizio prozesua.
Maiatzaren 27ko 226/1996 Foru Dekretuan ezarritako Administrazio Kudeaketako teknikari tituluari dagozkion ikasketak osorik egin ez dituztenek trantsizio epe bat izanen dute hura eskuratzeko. Nafarroako Foru Komunitateko Hezkuntza Departamentuak titulu hori eskuratzeko prozedurak erraztuko ditu, horretarako ezarriko den arau esparruan.
Xedapen indargabetzaile bakarra. Arauak indargabetzea.
1. Indarrik gabe utzi da maiatzaren 27ko 226/1996 Foru Dekretua, Nafarroako Foru Komunitatean Administrazio Kudeaketako teknikari tituluari dagokion erdi mailako heziketa zikloaren curriculuma ezartzen duena, ezertan galarazi gabe foru dekretu honen xedapen iragankorrean ezarritakoa.
2. Indarrik gabe utzi dira foru dekretu honetan xedatutakoari aurka egiten dioten maila bereko edo apalagoko xedapen guztiak.
Azken xedapenetan lehena. Ezarpena.
Nafarroako Foru Komunitateko Hezkuntza Departamentuak 2010-2011 ikasturtean ezarriko du foru dekretu honetan arautzen den curriculuma.
Azken xedapenetan bigarrena. Indarra hartzea.
Foru dekretu honek Nafarroako Aldizkari Ofizialean argitaratu eta biharamunean hartuko du indarra.
Iruñean, 2010eko abuztuaren 30ean.-Nafarroako Gobernuko lehendakaria, Miguel Sanz Sesma.-Hezkuntzako kontseilaria, Alberto Catalán Higueras.
1. ERANSKINA. LANBIDE ERREFERENTEA
A) Lanbide profila.
a) Lanbide profila.
Administrazio Kudeaketako teknikari tituluaren lanbide profila zehazten duten alderdiak hauek dira: gaitasun orokorra, lanbide gaitasunak, gaitasun pertsonalak eta gaitasun sozialak, eta Lanbide Kualifikazioen Katalogo Nazionaleko kualifikazio eta gaitasun unitateetatik titulu honetan biltzen direnen zerrenda.
b) Gaitasun orokorra.
Titulu honetako gaitasun orokorra honetan datza: lan, kontabilitate, merkataritza, finantza eta zerga eremuan administrazio arloko laguntza emateko jarduerak egitea, bai eta bezeroarentzako/erabiltzailearentzako arreta jarduerak egitea ere, bai enpresa publikoetan bai pribatuetan; horretarako, indarrean dagoen araudia eta kalitate protokoloak aplikatzen dira, bezeroaren asetasuna ziurtatzeko, eta laneko arriskuen prebentzioei eta ingurumen babesari buruzko arauen arabera jarduten da.
c) Kualifikazioak eta gaitasun unitateak.
Administrazio Kudeaketako teknikari tituluan biltzen diren kualifikazioak eta gaitasun unitateak honako hauek dira:
ADG307-2: Bezeroarekiko harrera eta harremaneko administrazio jarduerak. Honako gaitasun unitateak biltzen ditu:
-UC0975-2: Barneko eta kanpoko komunikazioak jaso eta prozesatzea.
-UC0976-2: Merkataritza prozesuko administrazio kudeaketak egitea.
-UC0973-1: Datuak eta testuak sartzea terminal informatikoetan eta, horretarako, segurtasun, kalitate eta eragimen baldintzak betetzea.
-UC0978-2: Artxiboa kudeatzea ohiko euskarrian eta euskarri informatikoan.
-UC0977-2: Administrazio kudeaketako jardueretan, bezeroari dagokionez, erabiltzaile independentearen mailan komunikatzea atzerriko hizkuntzaren batean.
-UC0233-2: Informazioaren eta dokumentazioaren kudeaketan ofimatikako aplikazioak erabiltzea.
ADG308-2: Administrazio kudeaketako jarduerak, honako gaitasun unitate hauek biltzen dituena:
-UC0976-2: Merkataritza prozesuko administrazio kudeaketak egitea.
-UC0979-2: Diruzaintzako administrazio kudeaketak egitea.
-UC0980-2: Giza baliabideetako administrazio arloko laguntzarako jarduerak egitea.
-UC0981-2: Kontabilitateko erregistroak egitea.
-UC0973-1: Datuak eta testuak sartzea terminal informatikoetan eta, horretarako, segurtasun, kalitate eta eragimen baldintzak betetzea.
-UC0978-2: Artxiboa kudeatzea ohiko euskarrian eta euskarri informatikoan.
-UC0233-2: Informazioaren eta dokumentazioaren kudeaketan ofimatikako aplikazioak erabiltzea.
d) Lanbide gaitasunak, gaitasun pertsonalak eta sozialak.
1) Barne edo kanpoko dokumentuak edo komunikazioak tramitatzea enpresaren informazio zirkuituetan.
2) Dokumentu eta komunikazioak egitea, jasotako aginduen edo lortutako informazioaren bidez.
3) Komunikazio eta dokumentuak sailkatu, erregistratu eta artxibatzea, teknika egokien eta enpresan ezarritako parametroen bidez.
4) Kontabilitate arloan, enpresaren jarduketari dagokionez, euskarri den dokumentazioa erregistratzea, eta, horretarako, segurtasun eta kalitate baldintzak betetzea.
5) Diruzaintzako administrazio kudeaketak egitea eta, horretarako, gerentziak ezarritako arau eta protokoloak betetzea, erakundearen likideziari eusteko.
6) Enpresako giza baliabideetako hautaketa eta prestakuntza arloetako administrazio kudeaketak egitea eta, horretarako, indarrean dagoen araudira egokitzea, bai eta enpresa politikara ere, departamentuko arduradun nagusiak gainbegiratuta.
7) Administrazio laguntza ematea enpresako lan kudeaketa arloan eta, horretarako, indarrean dagoen araudira egokitzea, departamentuko arduradun nagusiak gainbegiratuta.
8) Merkataritza jardueraren administrazio kudeaketak egitea eta, horretarako, ondoriozko zerga betebehar zehatzen euskarri den dokumentazioa erregistratzea.
9) Administrazio eta merkataritza eremuan bezeroarentzako/erabiltzailearentzako arreta jarduerak egitea eta, horretarako, ezarritako kalitate mailak eta enpresaren/erakundearen irudiarekin lotutakoak ziurtatzea.
10) Laneko eta ingurumeneko segurtasunaren, higienearen eta kalitatearen protokoloak aplikatzea produkzio prozesu osoan, pertsonengan eta ingurumenean arriskuak saihesteko.
11) Produkzioko helburuak betetzea, erantzukizun printzipioen arabera jardutea eta lan taldeko kideekin lanbide harreman egokiak izatea.
12) Arazoak konpontzea eta bakarkako erabakiak hartzea, bere eskumeneko eremuan ezarritako arau eta prozedurei jarraituz.
13) Berrikuntzaren, produkzioko prozesuak hobetzearen eta ezagutzak eguneratzearen aldeko jarrerari eustea bere lan eremuan.
14) Bere eskubideak baliatzea eta lan harremanek dakartzaten eginbeharrak betetzea, indarra duen legedian ezarritakoarekin bat.
15) Enplegu eta autoenplegurako aukerak zein diren ohartu eta horiek aztertzea, ekimenaren kultura garatzea, eta lanpostuetara eta egoera berrietara egokitzea.
16) Bizitza ekonomiko, sozial eta kulturalean modu aktiboan parte hartzea, eta jarrera kritiko eta arduratsua erakustea.
17) Enpresaren jardueretan errespetuz eta tolerantziaz parte hartzea.
18) Lanpostu desberdinetara eta lan egoera berrietara moldatzea, produkzio prozesuetako teknologiaren eta antolamenduaren aldaketen ondorioz.
19) Taldeko lanean parte hartzea, antolaketan ezarritako hierarkia errespetatuz.
B) Produkzio sistema.
a) Lanbide eta lan ingurunea.
Profesional honek enpresa handi zein ertain edo txikietan egiten du lan, edozein jarduera sektoretan, eta, batik bat, zerbitzuen sektorean, bai eta administrazio publikoetan ere; horretarako, administrazio arloko laguntza eskaintzen die enpresa eta erakunde horien administrazio eta kudeaketako lanetan, eta bezero eta herritarrei arreta ematen die.
Hauek dira jarduera eta lanpostu aipagarrienak:
-Administrari laguntzailea.
-Bulegoko laguntzailea.
-Kobrantza eta ordainketen administrari laguntzailea.
-Merkataritzako administraria.
-Langileen kudeaketarako administrari laguntzailea.
-Administrazio publikoetako administrari laguntzailea.
-Harreragilea.
-Bezeroari arreta emateko enplegatua.
-Diruzaintzako enplegatua.
-Ordainbideetako enplegatua.
b) Nafarroako lurralde ingurunea.
Nafarroak produkzio egitura orekatua du, eta, besteak beste, honako hauek ematen dute horretarako bide: geografia kokapena, azpiegitura egokiak, kanpora zabaltzeko maila altua, zerga autonomia eta bere giza baliabideen kualifikazioa.
Industria, zerbitzuekin batera, gizarte ongizatearen arrazoizko adierazleak dituen ekonomia sustatzen duten sektoreak dira, batik bat.
Badago enpresa txiki eta ertainen egitura, eta horiek bertako industria sarea osatzen dute; sare horrekin batera, nazioarteko enpresen produkzioko instalazio berriak ere badaude. Bestalde, ez da ahaztu behar Nafarroako geografiaren luzeran eta zabaleran banatutako ETE kopuru handia ere badagoela. Garatzen diren jarduerak automobilaren, makinen eta ekipamenduaren industriaren ingurukoak dira, eta, era berean, nekazaritza eta elikadura arloko industriak duen garrantzia ere nabarmentzen da, gero eta handiagoa den energia berriztagarrien industria ezarri eta garatu berri dela kontuan hartuta.
Zerbitzuen sektoreko jarduera guztiek, azken urteotan, hazkuntza tasak izan dituzte, batik bat, enpresentzako zerbitzuei, osasunari, hezkuntzari, gizarte zerbitzuei eta merkataritzari dagokienez. Kasu horietan guztietan, administrazio kudeaketako prozesuak daude, eta, horietan, foru dekretu honetan arautzen diren lanbide profilek esku hartzen dute.
Azkenik, Nafarroan zerga erregimen berezia egotea kontuan hartu da Administrazio Kudeaketako teknikari tituluaren moduluak osatzen dituzten edukiak ezartzean; horren curriculuma foru dekretu honetan arautzen da.
c) Prospektiba.
Enpresen eta lanaren produkzio jardueraren antolamenduak, gaur egun, administrazio kudeaketako profesionalei eskatzen die balio aniztasun handia, bai eta taldeko lanarekin, erabakiak hartzeko autonomia eta ekimenarekin eta lanak garatzeko eta jendeari arreta egiteko bokazioarekin lotutako gaitasun pertsonalak eta sozialak ere.
Sektorean enplegua eskatzeko bide nagusiak honako hauek dira: Espainian zerbitzuen sektorearen hazkuntza etengabea Industria eta Nekazaritzarekin alderatuta, bai eta enpresa batzuek egiten duten lan batzuen kanpora-ateratzea edo "outsourcinga" ere. Lehenengo ildotik, administrazio arloko profesionalen kopuru osoa handitzen da, bai sektore ekonomiko guztietako enpresa berriak ezartzeagatik, bai daudenak garatzeagatik. Zereginak kanpora ateratzearen ikuspuntutik, gero eta konpainia gehiagok erabakitzen dute beren administrazio kudeaketa osoa edo horren zati bat enpresa espezializatuei azpikontratatzea; horrek, logikoa denez, beste enpresa batzuei administrazio zerbitzuak ematea helburu baino ez duten enpresen hazkuntza eta ugaritzea dakar (gestoriak, aholkularitza etxeak, kontsulta etxeak, zerbitzu zentroak, etab.).
Legerian, dokumentu motetan eta enpresak erabilitako administrazio prozedurak sartzean dagoen etengabeko aldaketak profesional horiei eskatzen dizkie bizi osoan zehar egin beharreko ikaskuntzaren, autoprestakuntzaren eta erantzukizunaren gaineko eguneraketa etengabea eta horien aldeko jokabideak.
Enpresa munduan gero eta ugariagoa den lehiakortasunak, era berean, kalitate kudeaketaren ingurunean beren jarduera garatzeko gai diren profesionalak eskatzen ditu, laneko segurtasuna eta ingurumenarekiko errespetua garrantzitsuak direla kontuan hartuta.
Azkenik, eta aurrekoarekin eta harreman ekonomikoen globalizazioaren joera etengabearekin, ingelesa nazioarteko trukeak egiteko hizkuntza gisa erabiltzea ezinbestekoa da; horrenbestez, administrazio arloko profesionalentzat beharrezko beste alderdi bat da, bertan egiten den dokumentu eta komunikazioen etengabeko kudeaketa isilpekotasun.
2. ERANSKINA. CURRICULUMA
A) Heziketa zikloaren helburu orokorrak.
a) Enpresan erabiltzen diren dokumentu edo komunikazioen informazio fluxua eta tipologia eta helburua aztertzea, horiek tramitatzeko.
b) Enpresan erabiltzen diren dokumentu edo komunikazioak aztertzea, eta horiek egiteko egitura, elementuak eta ezaugarriak adieraztea.
c) Enpresaren beraren adierazpenak ingelesez identifikatu eta hautatzea, dokumentu edo komunikazioak egiteko.
d) Aplikazio eta ekipamendu informatikoen aukerak aztertzea eta dokumentu eta komunikazioak egiteko informazioaren lanketan eraginkorrena den erabilerarekin lotzea.
e) Dokumentu eta komunikazioak egitea, berezko formatuan eta dagozkion kalitate baldintzak beteta; horretarako, informazioa lantzeko teknikak aplikatzea.
f) Kasu bakoitzean egokiak diren komunikazio eta dokumentuak babesteko sistema eta teknikak aztertu eta hautatzea eta, horretarako, eskuz eta informatikaren bidez aplikatzea, sailkatu, erregistratu eta artxibatzeko.
g) Kontabilitateko araudia eta metodologia interpretatzea eta, horretarako, enpresa batean egon daitekeen kontabilitateko arazoa aztertzea, bai eta erregistratzeko dokumentazioa ere.
h) Kontabilitateko idazpenak eskuz eta aplikazio informatikoen bidez sartzea eta, horretarako, dokumentazioa kontabilitatean erregistratzeko indarrean dagoen araudiak ezarritakoari jarraitzea.
i) Diruzaintzaren, oinarrizko finantza produktu eta zerbitzuen eta horiekin lotutako dokumentazioen kudeaketan esku hartzen duten elementuak erkatu eta ebaluatzea eta, horretarako, enpresak lotutako administrazio kudeaketak egiteko dituen likidezia eta finantzaketa beharrak egiaztatzea.
j) Finantza produktu eta zerbitzuen oinarrizko kalkuluak egitea eta, horretarako, oinarrizko matematika finantzarioaren printzipioak erabiltzea, diruzaintzako administrazio kudeaketak egiteko.
k) Aplika daitekeen legezko araudia, lotutako kudeaketa teknikak eta giza baliabideetako departamentuaren zereginak adieraztea eta, horretarako, enpresa batean gerta daitezkeen lan arazoak aztertzea, bai eta giza baliabideen administrazio kudeaketa egiteko lotutako dokumentazioa ere.
l) Dokumentazio garrantzitsua identifikatu eta prestatzea, bai eta garatu beharreko jarduketak ere eta, horretarako, enpresak giza baliabideetako hautaketa eta prestakuntza arloetako administrazio kudeaketak egiteko baliatzen duen politika interpretatzea.
B) Lanbide moduluak.
a) Izena, iraupena eta sekuentziazioa.
Administrazio Kudeaketako teknikariaren curriculumeko lanbide moduluen zerrenda ematen da jarraian, izena, iraupena eta denbora banaketa zehazturik.
| KODEA | IZENA | ORDUAK, GUZTIRA | KLASEAK, ASTEAN | KURTSOA |
| 0437 | Enpresa komunikazioa eta bezeroarentzako arreta | 130 | 4 | 1 |
| 0438 | Salerosketako administrazio eragiketak | 130 | 4 | 1 |
| 0441 | Kontabilitateko teknika | 130 | 4 | 1 |
| 0442 | Giza baliabideen administrazio eragiketak | 130 | 4 | 1 |
| NA041 | Oinarrizko ingelesa I | 60 | 2 | 1 |
| NA08² | Edukien kudeaketa Web orrietan | 60 | 2 | 1 |
| 0440³ | Informazioaren tratamendu informatikoa I | 220 | 7 | 1 |
| 04484 | Diruzaintza kudeaketako eragiketa osagarriak I | 100 | 3 | 1 |
| 0440³ | Informazioaren tratamendu informatikoa II | 110 | 5 | 2 |
| 04484 | Diruzaintza kudeaketako eragiketa osagarriak II | 70 | 3 | 2 |
| 0439 | Enpresa eta Administrazioa | 90 | 4 | 2 |
| 0446 | Enpresa ikasgelan | 130 | 6 | 2 |
| 0443 | Kontabilitateko dokumentazioaren tratamendua | 90 | 4 | 2 |
| 0156 | Ingelesa | 90 | 4 | 2 |
| 0449 | Lanerako prestakuntza eta orientazioa | 90 | 4 | 2 |
| 0451 | Lantokietako prestakuntza | 370 | Enpresaren ordutegian | 2 |
| (1) Nahitaezko modulua Nafarroako Foru Komunitatean. (2) Nahitaezko modulua Nafarroako Foru Komunitatean. (3) 0440 modulua: Pedagogia eta antolamendu arrazoiengatik, Informazioaren tratamendu informatikoa modulua bi prestakuntza multzotan zatituta dago, ikasturte banatan. (4) 0448 modulua: Pedagogia eta antolamendu arrazoiengatik, Diruzaintza kudeaketako eragiketa osagarriak modulua bi prestakuntza multzotan zatituta dago, ikasturte banatan. | ||||
b) Lanbide moduluen garapena.
Lanbide modulua: Enpresa komunikazioa eta bezeroarentzako arreta
Kodea: 0437.
Iraupena: 130 ordu.
Ikaskuntzaren emaitzak eta ebaluazio irizpideak.
1. Komunikazio teknikak hautatzen ditu eta horiek enpresaren irudiarekin eta egiturarekin lotzen ditu, bai bertan dauden informazio fluxuekin ere.
Ebaluazio irizpideak:
a) Pertsonen artean komunikatzeko beharra ezagutu da.
b) Komunikazioaren eta informazioaren artean bereizi da.
c) Komunikazioan esku hartzen duten elementu eta prozesuak bereizi dira.
d) Komunikazio prozesu batean egon daitezkeen oztopoak ezagutu dira.
e) Mezua aurkezteko modurik eta jokabiderik egokiena zehaztu da.
f) Enpresaren irudiaren eta kulturaren kontzeptuak identifikatu dira.
g) Antolamendu motak eta organigrama funtzionala bereizi dira.
h) Komunikazioak bereizi dira, bai eta enpresa barneko informazio fluxuak ere.
i) Egoera bakoitzerako hartzaile eta bide egokiak hautatu dira.
2. Informazioa ematen du, ahoz, eta enpresan ohikoak diren ohitura eta erabilera sozial eta profesionaletara lotzen du.
Ebaluazio irizpideak:
a) Hitzezko komunikazioan kontuan hartu beharreko oinarrizko printzipioak identifikatu dira.
b) Hitzezko eta hitzik gabeko komunikazioaren protokoloa identifikatu da, aurrez aurreko eta bestelako komunikazioetan.
c) Gizarte eta kultura ohiturak hartu dira kontuan, bai eta enpresa erabilerak ere.
d) Solaskidea identifikatu da; horretarako, protokolo arau egokiak aztertu eta jarrera eta elkarrizketa abiapuntu den egoerara egokitu da.
e) Hitzezko mezua landu da, zehatz eta modu jakin batean, eta, horretarako, igortzeko egon daitezkeen zailtasunak baloratu dira.
f) Komunikazio motari eta solaskideei egokitutako lexikoa eta adierazpenak erabili dira.
g) Egindako hitzezko mezua aurkeztu da, hitzik gabeko hizkuntzarik egokiena erabilita.
h) Telefonia eta informatika ekipamenduak erabili dira eta, horretarako, erabiltzeko ohiko arauak aplikatu dira.
i) Informazioa argi, modu egituratuan, zehatz, kortesiaz, errespetuz eta sentiberatasunaz igortzen den baloratu da.
j) Egindako akatsak aztertu eta beharrezko zuzenketa ekintzak proposatu dira.
3. Informazio idatzia igortzen du; horretarako, enpresaren beraren eta administrazio publikoaren dokumentu motei estilo teknikak aplikatzen dizkie.
Ebaluazio irizpideak:
a) Agiriak landu eta igortzeko euskarriak identifikatu dira: paper mota, gutun azalak eta bestelakoak.
b) Igortzeko bideak identifikatu dira: posta arruntaz, posta elektronikoz, faxez, mezu laburrez edo antzekoez.
c) Euskarririk egokienak bereizi dira, arintasun, segurtasun eta isilpekotasun irizpideen arabera.
d) Hartzailea identifikatu da eta, horretarako, protokolo arau egokiak aztertu dira.
e) Enpresan ohikoenak diren dokumentu tipologiak sailkatu dira, helburuaren arabera.
f) Dokumentu egokia idatzi da eta, horretarako, arau ortografiko eta sintaktikoak bete dira, helburua eta abiapuntuko egoera oinarri hartuta.
g) Informazioa bilatzeko erremintak identifikatu dira, dokumentazioa lantzeko.
h) Testuen prozesamendurako edo autoediziorako aplikazio informatikoak erabili dira.
i) Korrespondentzia eta paketeriako sarrera eta irteera erregistro liburuak bete dira, euskarri informatikoan eta/edo ohiko euskarrian.
j) Enpresa eta erakunde publiko zein pribatuetarako ezarritako datuak babesteko eta dokumentuak kontserbatzeko araudia erabili da.
k) Dokumentazioa lantzean, urrezko hiru arauen teknikak aplikatu dira: gutxitu, berrerabili, birziklatu.
4. Paperezko euskarrian eta euskarri informatikoan artxibatzen du informazioa, administrazio tramiteetan eragimena eta aurrezpen irizpideak baliatuz.
Ebaluazio irizpideak:
a) Informazioa eta lortu nahi diren helburuak antolatzeko xedea zehaztu da.
b) Enpresa edo erakunde batean aplika daitekeen informazioa antolatzeko teknikak bereizi dira, bai eta erakundeetan informazioa erregistratu, sailkatu eta banatzeko ohiko prozedurak ere.
c) Artxibatu eta erregistratzeko euskarriak eta gehien erabilitako aplikazio informatiko berariazkoen prestazioak identifikatu dira, bildu beharreko informazioaren ezaugarriak kontuan hartuta.
d) Antolaketen, egituraren eta eginkizunen datu base nagusiak identifikatu dira.
e) Dokumentu motari egokitutako sailkapen, erregistro eta artxibo sistema zehaztu da.
f) Artxibo informatikoen zuhaitzak egin dira, dokumentazio digitala antolatzeko.
g) Artxibatze teknikak aplikatu dira, informazio telematikoko trukeetan (intranet, extranet, posta elektronikoa).
h) Informazio eta dokumentazioa kontsultatu eta kontserbatzeko prozedurak ezagutu dira eta bertan gerta daitezkeen akatsak atzeman dira.
i) Informazioaren babes, segurtasun eta horietarako sarrera mailak errespetatu dira, bai eta dokumentu fisikoetan zein datu informatikoen basean indarrean dagoen araudia ere.
j) Dokumentazioa landu eta artxibatzean, urrezko hiru teknikak aplikatu dira: gutxitu, berrerabili, birziklatu.
5. Bezeroek izan ditzaketen beharrak ezagutu dira eta, horretarako, komunikazio teknikak aplikatu dira.
Ebaluazio irizpideak:
a) Komunikazio teknikak garatu dira, bai eta, arreta/aholkularitza emateko egoeretan, bezeroarekiko enpatia errazten duten gizarte trebetasunak ere.
b) Bezero/kontsumitzaile/erabiltzailearentzako arreta prozesua osatzen duten faseak identifikatu dira, zenbait komunikazio bideren bitartez.
c) Bezeroarekiko komunikazioan egiten diren akatsik ohikoenak ezagutu dira.
d) Bezeroaren portaera identifikatu da.
e) Bezero bat erosketa bat egitera edo zerbitzu bat eskatzera zerk bultzatu duen aztertu da.
f) Bezeroaren informazio historikoa lortu da, egokia izan denean.
g) Jarrera eta diskurtsoa abiapuntuko egoerari egokitu zaizkio, egokiro.
h) Bezero bati arreta egin eta aholku ematean forma eta jarrera egokiak zaindu dira, erabili den komunikazio bidea kontuan hartuta.
i) Komunikazio prozesuaren etapa guztiak bereizi dira.
6. Bezeroen kontsulta, kexa eta erreklamazioei erantzuten die eta, horretarako, kontsumoaren arloan indarrean dagoen araudia aplikatzen du.
Ebaluazio irizpideak:
a) Enpresetan bezeroari arreta emateko departamentuaren eginkizunak deskribatu dira.
b) Bezeroaren komunikazioa interpretatu da.
c) Kexa/erreklamazioaren elementuak identifikatu dira.
d) Kexa/erreklamazioen ebazpenaren barne plana osatzen duten faseak ezagutu dira.
e) Bezeroari eman beharreko informazioa identifikatu eta aurkitu da.
f) Kontsulta, kexa eta erreklamazioen kudeaketaren berezko dokumentuak erabili dira.
g) Erantzuteko idazkia bete da, hala behar denerako; horretarako, bitarteko elektronikoak edo bestelako komunikazio bideak erabili dira.
h) Kontsumitzailea babesteko garrantzia ezagutu da.
i) Kontsumo arloari buruzko araudia identifikatu da.
j) Eskari edo erreklamazio motak bereizi dira.
7. Enpresaren irudia sustatzen du; horretarako, marketinaren elementu eta erremintak ezagutu eta aplikatu dira.
Ebaluazio irizpideak:
a) Marketinaren kontzeptua identifikatu da.
b) Marketinaren eginkizun nagusiak ezagutu dira.
c) Marketin departamentuak duen garrantzia baloratu da.
d) Marketina osatzen duten oinarrizko elementu eta erremintak bereizi dira.
e) Korporazio irudiak enpresaren helburuak lortzeko duen garrantzia baloratu da.
f) Harreman publikoek eta bezeroarentzako arretak enpresaren irudiarentzat duten garrantzia baloratu da.
g) Bezeroaren leialtasuna lortzea identifikatu da, marketinaren helburu nagusi gisa.
8. Kalitate prozedurak aplikatzen ditu bezeroarentzako arretan eta, horretarako, ezarritako estandarrak identifikatzen ditu.
Ebaluazio irizpideak:
a) Bezeroari zerbitzu ematean eragiten duten faktoreak identifikatu dira.
b) Bezeroarekiko harremanen prozeduren faseak deskribatu dira.
c) Zerbitzua emateko zehaztutako kalitate estandarrak deskribatu dira.
d) Jarrera proaktiboak prozesuko gorabeherei aurrea hartzerakoan duen garrantzia baloratu da.
e) Zerbitzua ematean gertatutako akatsak ezagutu dira.
f) Gertatutako arazoak kudeatzeko tratamendu egokia aplikatu da.
g) Merkataritza prozesuetan salmenta ondoko zerbitzuaren esanahia eta garrantzia azaldu dira.
h) Salmenta ondoko zerbitzuaren aldagaiak eta bezeroaren leialtasuna lortzeko harremana zehaztu dira.
i) Jarraipena eta salmenta ondoko zerbitzua behar duten merkataritza egoerak identifikatu dira.
j) Salmenta ondoko zerbitzuaren kalitatea kontrolatzeko metodorik ohikoenak eta horien faseak eta erremintak deskribatu dira.
Edukiak.
Enpresa komunikazioko teknikak hautatzea:
-Komunikazioaren elementu eta oztopoak.
-Komunikazioa eta informazioa eta portaera.
-Giza eta lan harremanak enpresan.
-Enpresa antolaketa. Organigramak.
-Enpresa antolaketaren printzipio eta motak.
-Ereduzko departamentuak eta funtzio arloak.
-Langileen eginkizunak antolaketan.
-Komunikazio fluxuen deskribapena.
-Barne komunikazioa enpresan: komunikazio formala eta informala.
-Kanpo komunikazioa enpresan. Publizitatea eta harreman publikoak.
Ahozko komunikazioa transmititzea enpresan:
-Oinarrizko printzipioak ahozko komunikazioetan.
-Ahozko informazio eta arretaren arauak.
-Ahozko komunikaziorako, gizarte trebetasunetarako eta protokolorako teknikak.
-Hitzik gabeko komunikazioa.
-Hitzezko komunikazioa enpresa barruan.
-Telefono bidezko komunikazioa.
-Telefonoa eta bere erabilera. Telefonogunea. Telefono aurkibidearen erabilera. Telefonoz behar bezala hitz egiteko arauak.
-Informatika hitzezko komunikazioetan.
-Komunikazioak bisitei harrera egitean: harrera, identifikazioa, kudeaketa, agurra.
Komunikazio idatzia igortzea enpresan:
-Komunikazio idatzia enpresan.
-Komunikazio eta idazmenaren arauak.
-Merkataritzako korrespondentziaren ezaugarri nagusiak.
-Merkataritzako gutuna. Egitura, estiloak eta motak.
-Enpresan eta administrazio publikoetan erabiltzeko dokumentu moten formatuak.
-Bitarteko eta ekipamendu ofimatiko eta telematikoak.
-Posta elektronikoa.
-Korrespondentzia jaso, bidali eta erregistratzea.
-Posta zerbitzuak, korrespondentzia eta paketeriaren barne zirkulazioa.
-Informazioaren segurtasun eta isilpekotasun prozedurak aplikatzea.
Informazioa artxibatzea, paperezko euskarrian eta euskarri informatikoan:
-Informazioa artxibatzea, paperezko euskarrian:
Dokumentuak sailkatu eta antolatzea.
Sailkapen arauak. Alde onak eta txarrak.
Artxibatzeko teknikak: izaera. Artxiboaren helburua.
Dokumentuak artxibatzea. Datuak hartu eta lantzea eta horiek babestea.
Artxibatzeko sistemak. Ohikoak. Mikrofilm bidezkoak. Informatikoak.
Informazioaren sailkapena.
Artxiboaren zentralizazioa eta deszentralizazioa.
Artxibatzeko prozesua.
Artxiboaren ondoriozko txostenak prestatu eta aurkeztea.
Dokumentazioa ezabatu edo suntsitzea.
Informazioaren eta dokumentazioaren isilpekotasuna.
-Informazioa artxibatzea, euskarri informatikoan:
Datu baseak informazioa lantzeko.
Datu basearen egitura eta eginkizunak.
Datuak babesteko prozedurak.
Artxiboak eta karpetak.
Posta elektronikoa karpetetan antolatzea, bai eta komunikazio telematikoko bestelako sistema batzuk ere.
Bezeroen beharrak ezagutzea:
-Bezeroaren kontzeptua eta identifikazioa. Barneko bezeroa. Kanpoko bezeroa.
-Bezeroaren ezagutza eta bere motibazioak.
-Bezeroari arreta emateko elementuak: ingurunea, antolaketa eta enplegatuak.
-Bezeroari arreta emateko faseak: harrera, jarraipena, kudeaketa eta agurra.
-Bezeroak jasotako arreta dela-eta duen pertzepzioa.
-Bezeroa asebetetzea.
-Kanpoko bezeroarekiko harremanaren prozesuak.
Kontsulta, kexa eta erreklamazioei erantzutea:
-Bezeroari arreta emateko departamentua. Eginkizunak.
-Bezeroak jasotako arretari buruz egin duen balorazioa: erreklamazioa, kexa, iradokizunak, zorionak.
-Kexa edo erreklamazio baten elementuak.
-Kexa eta erreklamazioak ebazteko faseak.
-Kontsumitzailea.
-Kontsumo erakundeak.
-Kontsumoari buruzko araudia.
-Erreklamazio eta salaketak jasotzeko prozedura.
-Tramitazioa eta kudeaketa.
Enpresaren irudia sustatzea:
-Marketina jarduera ekonomikoan: horrek duen eragina enpresaren irudian.
-Marketinaren izaera eta helburua.
-Komunikazio politikak:
Publizitatea: kontzeptua, printzipioak eta helburuak.
Harreman publikoak.
Korporazioaren Gizarte Erantzukizuna.
Kalitate prozedurak aplikatzea bezeroarentzako arretan:
-Zerbitzuaren kalitatea, enpresaren lehiakortasun elementu gisa.
-Zerbitzua ematean gertatutako arazoen tratamendua.
-Zerbitzuaren kontrolaren prozedurak.
-Zerbitzuaren ebaluazio eta kontrola.
-Salmenta ondoko zerbitzuaren kontrola.
-Bezeroaren leialtasuna lortzea.
Orientabide didaktikoak.
Modulu honek beharrezko prestakuntza dauka, bulego bateko eta antolaketetan ezartzen diren ahozko komunikazio edo komunikazio idatziei buruzko eginkizunak betetzeko, bai eta enpresa dokumentazioa, isilpekotasuna eta datuen babesa kontserbatu eta zaintzeko lanak egiteko eta lan horiek ahalik eta modurik eraginkorrenean egiteko ekipamendu eta bitarteko informatikoak erabiltzeko ere.
Era berean, beren bezeroekin harremanak izateko baliatzen dituzten enpresen tekniken prestakuntza ere badu, bai maila teorikoan bai praktikoan. Horiek bezeroarentzako arretaren ikuspegitik zein erabiltzaile, kontsumitzaile eta bezeroen leialtasuna lortzeko beharrezko marketinaren ikuspegitik jasotzen dira.
Beharrezko ezagutza, prozedura eta trebetasunez gain, ikasleak ahozko komunikazioak eta komunikazio idatziak bizitzaren arlo guztietan eta, batik bat, enpresan duten garrantziaz ere jabetu daitezela lortu nahi da. Arlo horretan, komunikazioak funtsezko zeregina du, bai erakundeko kide guztiek ezartzen duten harremanean, bai enpresako bezero, oinarri eta euskarriarekiko elkarreraginean. Gainera, komunikazioaren bidez, kontsulta, kexa eta erreklamazioei erantzuten zaie. Prozedura horietan guztietan, beharrezkoa da komunikazioari arreta bikaina eskaintzea; izan ere, alderdi nagusietako bat izanen da, erakundea bera bereizteko eta bere kalitaterako.
Ikaskuntzako emaitzen oinarrian, zati handi batean, pertsonekiko zuzeneko harremana dago; beraz, errespetuzko eta hezibidezko jarrerak sustatu beharko dira. Ikaskuntzaren oinarrian egiten jakiteak egon behar du, eta ahaleginak egin behar dira ikasleek gelan ikasten ari diren egitekoen lanpostuan eginen luketen antzera jarduteko. Ohartu behar da bere jardunak, kalitate irizpideak aplikatzen dituen neurrian, bezeroen leialtasuna lortzen eta enpresaren irudia sustatzen laguntzen duela.
Komunikazio idatzia dela eta, komeniko litzateke idazten ikasteko beharra gogoraraztea, behin eta berriz. Horretarako, testuak behar beste aldiz egin, zuzendu eta berreginen dira, eta lan ohiturak garatuko dira, besteak beste: informazioa bilatzea, antolaketa, ordena eta garbiketa idazkiak egitean. Era berean, korrespondentziaren manipulazioa enpresaren harremanen artean funtsezko lana den ideia transmitituko da, eta horri, erraztasuna gorabehera, arreta eskaini behar zaio eta horren gaineko kolapsorik edo atzerapenik ez egoteko ahaleginak egin behar dira, kanpora begira enpresaren irudian eraginik ez izateko; bestalde, segurtasun eta isilpekotasun prozedurak aplikatu behar zaizkio, une oro.
Irakurketaren ohiko praktika sustatuz, irakurmena hobetzea lortuko litzateke, bai eta hiztegia aberastea eta ortografiako eta idazketako akatsak saihestea ere. Komeni da gelan paperezko hiztegiak izatea edo Interneteko hiztegietara jotzeko aukera izatea, bai eta horiek kontsultatzeko ohitura sustatzea ere.
Garrantzitsua da ikasleek, dokumentuak manipulatzean, ordena eta zaintza baloratzea eta dokumentazioa behar bezala zaintzeak duen garrantzia kontuan hartzea, bai paperezko euskarrian bai euskarri informatikoan, bai eta lanerako erabiltzen dituen materialak eta ekipamenduak kontuz zaintzea ere.
Ingurumena babesteko jarrerak sustatu behar dira, eta, horretarako, urrezko 3 teknikak aplikatu behar dira: gutxitu, berrerabili eta birziklatu. Besteak beste, honako neurriak proposatzen dira: fotokopiak egitea, beti orriaren alde biak erabilita; beharrezkoa baino ez dena fotokopiatu eta inprimatzea; inprimagailuetako tinta kartutxoak birziklatzea.
Oro har, komeni da metodologia aktiboa eta parte-hartzailea erabiltzea eta, horretarako, role playing eta eztabaida teknikak aplikatzea, taldeko lana sustatuz. Horretarako jarduerak egiteko, ekipamendu informatikoak erabiliko dira, bai eta inprimagailuak, faxa eta erabilgarri dagoen edozein teknologia ere, ikasleek enpresan eginen dituzten lanen ahalik eta antzekotasun handiena izateko, behar bezala egindako lanaren gogobetetasuna sustatuz.
Egokientzat proposatzen den edukien sekuentziazioa, hain zuzen ere edukien atalean ezarritako ordena bera da, eta hiru multzotan antolaturik dago:
-Enpresaren antolaketa, komunikazio tekniken hautaketa, bertan dauden informazio fluxuak eta aurrez aurreko eta telefono bidezko ahozko komunikazioa.
-Komunikazio idatziak, dokumentazioa sailkatu eta artxibatzea eta, horretarako, informazio eta datuen isilpekotasun prozedurak aplikatzea, bai eta bitarteko eta ekipamendu informatikoak erabiltzea ere.
-Bezeroarentzako arretaren kalitatea, kontsulta, kexa eta erreklamazioen ebazpena. Enpresaren irudiaren sustapena, marketin erreminten bidez.
Gelan egin beharreko jarduera motak direla eta, honako hauek izan daitezke:
-Modu indibidualizatuan erantzutea bezero, hornitzaile, erakunde eta abarren telefono deiei, eta enpresan beren gain hartu beharko lituzketen egoeren antzeko egoeren itxura duten deiak egitea (komeni da gelan telefonoak, telefono aurkibideak eta oharrak hartzeko inprimakiak edukitzea, jarduera horiek egiteko).
-Ikasleek, lan taldeetan, proposatutako gai bati buruz eztabaidatu, erabakiak hartu eta ebazpena emanen dute; horrela, liderraren, moderatzailearen eta abarren rolak erakutsiko dituzte, taldeko lana eta entzute aktiboa sustatzeko.
-Hitzik gabeko komunikazioarekin lotutako jarduerak; horretarako, eskolan keinu, agur, begirada, proxemia eta abarren itxurak egitea.
-Eskuz komunikazio idatziko formatuak egitea, gero ordenagailuan transkribatzeko, testuen prozesadore baten bidez edota egindako idazkietakoren bat inprimatuz.
-Ikasleek dosier bat egitea, idatzi dituen dokumentu guztiekin.
-Posta elektronikoz komunikazioak bidaltzea.
-Web orriak erabiltzea, korrespondentzia bidalketaren modalitateak, frankeo tasa, posta kodearen kokapena eta abar egiaztatzeko.
-Moduluaren edukien edozein alderdirekin lotutako prentsa artikuluak irakurtzea, eta, gainera, hiru hilean behin, nahitaez, liburu bat irakurtzeko proposamena ere egin daiteke.
-Komunikazio idatziak erregistratzea eta, horretarako, kautxuzko zigiluak erabiltzea, liburuetan sarrera eta irteera adierazita eta horietako bakoitzak izan beharreko helburua adierazita.
-Datuak dituzten zerrenda eta fitxak emanen dira, ikasleek eskuz sailka ditzaten, aztertutako sistemen bidez.
-Ekipamendu informatikoak erabiliz, karpetak sortzea eta informatizatutako dokumentuak antolatzea.
-Enpresetara bisitak egitea, erabilitako artxibatzeko sistema edo moduluarekin lotutako beste edozein alderdi ikusteko.
-Kasuren batean, bezeroekin ahozko komunikazioak simulatzen dituzten egoerak sortzea, kontsulta, kexa eta erreklamazioei erantzuteari dagokionez.
-Bezeroarentzako arretari buruz edota marketin, publizitate eta abarrekin lotutako beste edozein alderdiri buruz proposatutako bideoak ikustea.
-Kontsumoko Institutu Nazionalaren Web orria bisitatzea.
Ebaluazioa dela eta, ikaskuntza erreminta gisa baliatzeko aukera ematen duen ikuspegitik aztertu behar da (prestakuntza ebaluazioa), eta ez soilik ebaluazio batutzaile gisa; batik bat, jarrerazko alderdiekin lotutako jarduerak ebaluatu behar direnean.
Azkenik, komeni da nabarmentzea modulu honen eta jarraian adierazitakoen artean antzeko edukiak daudela. Beraz, beharrezkoa izanen da ematen dituzten irakasleen arteko koordinazioa, bikoizketak saihesteko:
-Salerosketako administrazio eragiketak, enpresari eta bere antolaketari dagokienez, bai eta hornitzaileak edo beste hautatzeko merkataritzako gutunei buruzko salmentako administrazio dokumentuak prestatzeari dagokionez ere.
-Enpresa eta Administrazioa: enpresaren kontzeptua eta administrazio publikoetan erabiltzeko dokumentuak.
-Informazioaren tratamendu informatikoa: posta elektronikoa. Datu baseak. Artxiboak eta karpetak euskarri informatikoan.
-Kontabilitateko dokumentazioaren tratamendua: merkataritzako dokumentuak artxibatu eta antolatzea, kontabilitaterako.
-Enpresa ikasgelan eta Lantokietako prestakuntza moduluetan, modulu honetan lortutako ezagutza guztiak aplikatzen dira, eta horrek ez dakar edukien bikoizketarik.
Lanbide modulua: Salerosketako administrazio eragiketak
Kodea: 0438.
Iraupena: 130 ordu.
1. Salmenta eta erosketako prezioak eta deskontuak kalkulatzen ditu; horretarako, merkataritzako arauak eta erabilerak eta zerga arloan indarrean dagoen legeria aplikatzen ditu.
Ebaluazio irizpideak:
a) Salmenta edo merkataritzako eta erosketetako departamentuen eginkizunak ezagutu dira.
b) Merkatu, bezero eta produktu edo zerbitzu motak ezagutu dira.
c) Salerosketako dokumentuen zirkuituak deskribatu dira.
d) Produktuaren erosketa prezioaren, gastuen, salmenta prezioaren, deskontuen, merkataritza interesaren, gainordainen eta merkataritzako marjinen kontzeptuak identifikatu dira.
e) Komisioaren eta artesariaren kontzeptuak bereizi dira.
f) Salerosketako eragiketetan aplikatu beharreko BEZaren portzentajeak ezagutu dira.
g) Deskontu mota ohikoenak sailkatu dira.
h) Erosketa edo salmentaren gastuak ezagutu eta zenbatu dira.
i) Salmentako azken prezioa eta prezio unitarioak kalkulatzeko metodoak identifikatu dira.
2. Salerosketako eragiketen administrazio dokumentuak prestatzen ditu, eta enpresaren merkataritza akordioekin lotzen ditu.
Ebaluazio irizpideak:
a) Salerosketako eragiketen oinarrizko dokumentuak identifikatu dira; horretarako, bildu behar dituzten betekizun formalak zehaztu dira.
b) Salerosketako merkataritza kontratua ezagutu da.
c) Salmenta eta erosketarekin lotutako administrazio dokumentazioaren fluxuak deskribatu dira, enpresan ohikoak direnak.
d) Eskaerak hartzeko eta gero kudeatzeko prozesua identifikatu da.
e) Enpresan erosketa eta salmentari buruzko dokumentuak bete dira.
f) Dokumentuen barne koherentzia egiaztatu da; horretarako, kopiak bidali zaizkie dagozkien departamentuei.
g) Salgaiak igorri eta emateko prozesuak ezagutu dira.
h) Egiaztatu da jasotako eta bidalitako merkataritza dokumentazioak indarrean dagoen legeria betetzen duela, bai eta enpresaren barne prozedurak ere.
i) Salerosketako eragiketetan erregistratu beharreko parametroak eta informazioa identifikatu dira.
j) Informazioa babestu eta zaintzeko sistemak aplikatzeko beharra baloratu da, bai eta administrazio prozesuko kalitate irizpideak ere.
3. Salerosketako eragiketei lotutako zerga betebeharrak likidatzen ditu eta, horretarako, indarrean dagoen zerga araudia aplikatzen du.
Ebaluazio irizpideak:
a) Salerosketako eragiketei aplika dakizkiekeen merkataritza eta zerga arauen oinarrizko ezaugarriak identifikatu dira.
b) Erregistro betebeharrak identifikatu dira, balio erantsiaren gaineko zergari (BEZ) dagokionez.
c) Enpresentzat nahitaezkoak diren erregistro liburuak identifikatu dira.
d) Enpresentzat borondatezkoak diren erregistro liburuak identifikatu dira.
e) Hiru hilean behingo adierazpenak eta urtean behingo laburpenak aurkezteko beharra identifikatu da, balio erantsiaren gaineko zergari (BEZ) dagokionez.
f) Ogasunari aldian behin egindako eragiketen gaineko informazioa emateko beharrak identifikatu dira.
g) Dokumentuak eta informazioa kontserbatzeari buruzko araudia ezagutu da.
4. Dagoena kontrolatzen du, eta, horretarako, biltzeko kudeaketa sistemak ezagutu eta aplikatzen ditu.
Ebaluazio irizpideak:
a) Ekoizpen, merkataritza eta zerbitzu enpresetan ohikoak diren izakin motak sailkatu dira.
b) Erabiltzen diren bilgarri eta ontzi motak bereizi dira.
c) Izakinak lortu, biltegiratu, barruan banatu eta bidaltzeko administrazio prozedurak deskribatu dira.
d) Izakinen kostuen prezio unitarioak kalkulatu dira, dagozkion gastuak kontuan hartuta.
e) Izakinak kontrolatzeko metodoak identifikatu dira.
f) Gutxieneko stockaren eta stock hoberenaren kontzeptuak ezagutu dira.
g) Barne prozedurak identifikatu dira, hornitzaileei eskariak abiarazteko.
h) Aldian behingo inbentarioen garrantzia baloratu da.
i) Enpresan biltegia kudeatzeko ezarritako aplikazio informatikoak eta prozesuak erabili dira.
5. Ordainketak eta kobrantzak tramitatzen ditu, lotutako dokumentazioa eta enpresa barneko fluxua ezagututa.
Ebaluazio irizpideak:
a) Enpresan ohikoak diren ordaindu eta kobratzeko bideak identifikatu dira.
b) Erabilitako finantza dokumentuak eta kobrantza eta ordainketa inprimakiak bete dira.
c) Ordainketak baimentzeko prozedurak baloratu dira.
d) Kobrantzak kudeatzeko prozedurak baloratu dira.
e) Ordainketa justifikatzeko dokumentuak ezagutu dira.
f) Eskurako ordainketa eta ordainketa atzeratua bereizi dira.
g) Oinarrizko ezaugarriak eta Internet bidezko ordainketen funtzionamendua identifikatu dira.
h) Ohikoenak diren merkataritza finantzaketa moduak aztertu dira.
Edukiak.
Salmenta, erosketa eta deskontuen prezioen kalkulua:
-Merkataritzako antolaketa eta egitura enpresan:
Enpresaren kontzeptua eta helburuak. Motak.
Enpresaren merkataritza antolaketarako moduak.
Merkaturatzeko sistema. Saltzeko bideak.
-Salerosketako jardueraren oinarrizko kontzeptuak eta merkataritzako kalkuluak:
Oinarrizko kontzeptuak: erosketaren prezioa, salmentaren prezioa, merkataritzako marjina, onura, erosketako gastuak eta salmentako gastuak.
Deskontuak. Interesak eta errekarguak. Komisioak eta artesariak.
Fakturazioan eta prezio unitarioetan oinarrizkoak diren merkataritzako kalkuluak.
Ordainketa-kobrantza atzeratu edo aurreratuaren kalkuluak.
Kobrantza dokumentuen kudeaketa eta negoziazioa.
Salerosketako eragiketen administrazio dokumentuak prestatzea:
-Salerosketako merkataritza kontratua.
-Erosketa prozesua.
-Salmenta prozesua.
-Salmenta eta/edo banaketa bideak. Salgaiak bidali eta ematea.
-Salerosketako dokumentuak lantzea.
-Itzulketak.
-Hornitzaile eta bezeroen datu baseak.
-Bezeroen kudeaketako eta fakturazioko aplikazio informatikoak.
Salerosketaren ondoriozko zerga betebeharrak likidatzea:
-Balio erantsiaren gaineko zerga.
-BEZaren aitorpen-likidazioa aurkezteko eredu eta epeak.
-Salerosketako eragiketen dokumentu euskarria eta euskarri informatikoa.
-Nahitaezko eta borondatezko erregistro liburuak.
-Hirugarren pertsonekiko zentsu aitorpena eta eragiketen aitorpena.
Biltegiko izakinak kontrolatzea:
-Izakin motak.
-Ontzi eta bilgarriak.
-Inbentarioak eta egiaztapenak.
-Izakinen kontrola eta kudeaketa. Administrazio prozedurak.
-Gutxieneko stocka eta stock hoberena.
-Izakinak baloratzeko metodoak.
-Salmenta prozesua.
-Biltegia kudeatzeko aplikazio informatikoa.
Kobrantza eta ordainketak tramitatzea:
-Kobratzeko eta ordaintzeko ohiko moduak. Kobrantza eta ordainketen dokumentuak.
-Kobrantza eta ordainketen administrazio prozesuak. Baimenak.
-Eperako kobrantza dokumentuen finantzaketa.
Orientabide didaktikoak.
Salerosketako administrazio eragiketen moduluaren helburua da ikasleei gaitasuna ematea honako hauekin lotutako administrazio arloko laguntza lanetan: biltegiko kudeaketa, enpresen arteko salgaien zirkulazioa, salerosketarekin lotutako enpresa dokumentazioa egin eta babestea, zerga betebeharren likidazioa, kobrantza eta ordainketen tramitazioa. Hori guztia, enpresan ezarritako kalitate protokoloak aplikatuz, datuen babesari buruzko araudia errespetatuz eta lanak ahalik eta modurik eraginkorrenean egiteko ekipamendu eta bitarteko informatikoen erabilera sustatuz.
Salerosketari buruzko administrazio lan honek lanbide gaitasuna eskatzen du, enpresaren kanpoko zein bertako departamentuen arteko harremanen ondoriozko dokumentu ugari landu eta betetzeko. Hori horrela, enpresek honako hauekin izaten dituzte harremanak:
-Beste enpresa batzuekin, harreman hori erregistratzen duten dokumentuen bidez (eskariak, fakturak, ordainketa dokumentuak...).
-Administrazio publikoekin ere izaten dituzte harremanak; izan ere, zerga betebeharrak bete eta salerosketako aitorpen-likidazioen inprimaki guztiak bete behar dituzte.
-Era berean, barne erabilerarako, enpresaren departamentuak elkarrekin lotzen dituzten dokumentuak daude, edo beharrezkoak dira, egiten diren eragiketa guztiak behar bezala kontrolatzeko (biltegiko fitxak, igorritako fakturen erregistroa, jasotako fakturen erregistroa...).
-Azkenik, eta, hala badagokio, pertsona fisikoekin izaten dituzte harremanak, produktuen amaierako kontsumitzaileak diren aldetik; aldi berean, zenbait dokumentu egin behar dira, nahitaez (bezeroen fitxak, eskaintzak eta gainerako merkataritza korrespondentzia).
Asmoa da ikasleek dokumentu horiek guztiak ezagutzea eta horiek identifikatzea eta edukia ezagutzea; horrenbestez, erabiltzeko ohitura hartzea eta, hala badagokio, legezko arauketarekin ohitzea. Dokumentu horiek egitean eta tramitatzean izan beharreko garbitasuna, ordena eta arreta nahitaezko jarreratzat hartzen da, moduluan aurreikusitako ikaskuntzaren emaitzak behar bezala lortu ahal izateko.
Era berean, eta moduluko edukiekin zeharka, ikasleen artean hornitzaile zein bezeroenganako tratu egokiaren garrantzia sustatu beharko litzateke, une oro. Horrek oso modu positiboan eraginen du enpresak kanpora begira duen irudian eta, beraz, horren fakturazioaren bolumenaren aldi baterako areagotzean ere. Hori, azken batean, enpresaren azken helburua da, zati batean.
Egokientzat proposatzen den edukien sekuentziazioa, hain zuzen ere oinarrizko edukien atalean ezarritako ordena bera da, eta lau multzotan antolaturik dago:
-Merkataritzako antolaketa eta egitura enpresan eta merkataritza kalkuluak.
-Salerosketako eragiketen administrazio dokumentuak prestatzea.
-Salerosketaren ondoriozko zerga betebeharren likidazioa.
-Izakinen kontrola eta kudeaketa.
Gelan egin beharreko jarduera mota dela eta, besteak beste, jarraian adierazitakoak iradokitzen dira; horretarako, betiere, partaidetza eta taldeko lana eta informazioaren eta komunikazioaren teknologien (IKT) erabilera sustatzen dituen metodologia erabiliz. Horrela, besteak beste, enpresan gai suntsikorren erabilera mugatzen eta/edo ezabatzen ahalko da, eta, horrela, ingurumena babesten lagunduko da. Hona hemen jarduerok:
-Taldeko lanak egitea eta, horretarako, teknika berritzaileak erabiltzea eta enpresaren benetako mundura ahalik eta gehien hurbiltzen diren egoerak irudikatzea.
-Moduluko edukiekin zerikusia duen edozein alderdirekin lotutako prentsa artikuluak irakurtzea, bai eta legezko araudia eta aldizkari ofizialak irakurtzea ere (BOE, Nafarroako Aldizkari Ofiziala...).
-Bezeroen kudeaketako eta fakturazioko aplikazio informatikoak erabiltzea.
-Hornitzaile eta bezeroen baseak erabili eta eguneratzea.
-Enpresetara bisitak egitea, in situ ikusteko benetako lana, salerosketako kudeaketari dagokionez, bai eta biltegiko kudeaketan joera berriak aplikatzen dituzten enpresetara ere (adibidez: just in time enpresak).
Azkenik, komeni da nabarmentzea modulu honen eta jarraian adierazitako moduluen artean antzeko edukiak daudela. Beraz, beharrezkoa izanen da ematen dituzten irakasleen arteko koordinazioa:
-Enpresa komunikazioa eta bezeroarentzako arreta; bezeroarentzako arretari dagokionez, erosketa, salmenta edo merkataritza eta biltegiko departamentuetan.
-Enpresa eta administrazioa, zerga betebeharrak bete eta salerosketako aitorpen-likidazioen inprimaki guztiak betetzeko beharrari dagokionez.
-Informazioaren tratamendu informatikoa: datu baseak eta kalkulu orriak, salerosketako eremuan administrazio arloko laguntzarako eta biltegiko kudeaketarako laguntza emateko.
-Kontabilitateko dokumentazioaren tratamendua, salerosketarekin eta biltegiko kudeaketarekin lotutako kontabilitate oharrak egiteko beharrezko dokumentuei dagokienez.
-Diruzaintza kudeaketako eragiketa osagarriak I, enpresako kobrantza eta ordainketa bideei dagokienez.
-Enpresa ikasgelan moduluan, modulu honetan lortutako ezagutza guztiak aplikatzen dira, eta horrek ez dakar edukien bikoizketarik.
Lanbide modulua: Kontabilitateko teknika
Kodea: 0441.
Iraupena: 130 ordu.
Ikaskuntzaren emaitzak eta ebaluazio irizpideak.
1. Antolaketa ekonomikoaren ondarea osatzen duten elementuak ezagutzen ditu, eta ondare multzoetan sailkatzen ditu.
Ebaluazio irizpideak:
a) Enpresa jardueraren ziklo ekonomikoaren faseak identifikatu dira.
b) Inbertsio/finantzaketa, inbertsio/gastu, gastu/ordainketa eta sarrera/kobrantzaren artean bereizi da.
c) Sektore ekonomikoak bereizi dira, eta, horretarako, horietan garatzen diren jardueren tipologiak hartu dira oinarri.
d) Ondasun, eskubide eta betebeharren kontzeptuak zehaztu dira.
e) Ondare, ondare elementu eta ondare multzoaren kontzeptuak zehaztu dira.
f) Eskatzen ahal den aktiboa eta pasiboa eta ondare garbia osatzen duten ondare multzoak identifikatu dira.
g) Enpresaren inbentario nagusia landu da, eta, horretarako, ondare garbia kalkulatu da.
h) Ondare multzo bakoitza enpresa jardueraren ziklo ekonomikoaren faseekin lotu da.
i) Ondare multzoetan antolatu da ondare elementuen taldea.
2. Kontabilitate metodologia ezagutzen du, eta, horretarako, enpresan erabilitako kontabilitateko terminologia eta erremintak aztertzen ditu.
Ebaluazio irizpideak:
a) Kontabilitate ziklo osoko faseak bereizi dira, eta Espainiako legeriak jasotakora egokitu dira.
b) Kontuaren kontzeptua enpresaren ondare elementuak eta egitate ekonomikoak adierazteko erreminta gisa deskribatu da.
c) Partida biko kontabilizazioaren metodoaren ezaugarririk garrantzitsuenak deskribatu dira.
d) Kargu eta abonuaren irizpideak ezagutu dira, ondare elementuen balioaren aldaketak erregistratzeko metodo gisa.
e) Aldaketak aktibo eta pasiboaren ondare elementuetan erregistratu dira, eta, horretarako, liburu nagusia eta liburu egunkaria erabili dira.
f) Egiaztapen balantzearen garrantzia ezagutu da, kontuen oharretan akatsak eta hutsak identifikatzeko oinarrizko erreminta gisa.
g) Gastu eta sarreren kontuak bereizi dira.
h) Kontabilitate emaitzaren kontzeptua definitu da.
i) Itxitura eta irekierako idazpenen eginkizunak deskribatu dira.
j) Egoera balantzearen, galeren kontuen eta irabazien eta memoriaren eginkizuna ezarri da.
3. ETE Kontabilitate Plan Orokorraren (ETE-KPO) oinarrizko edukia identifikatzen du, eta, horretarako, bere egitura interpretatzen du.
Ebaluazio irizpideak:
a) Merkataritza araudia KPOrekin lotu da.
b) KPO kontabilitateko armonizazio erreminta gisa ezagutu da.
c) ETE-KPOren aldeak identifikatu dira.
d) Planaren kontzeptu esparruan ezarritako kontabilitate printzipioak identifikatu dira.
e) ETE-KPOn beharrezkoak diren eta beharrezkoak ez diren aldeak bereizi dira.
f) ETE-KPOn ezarritako kodifikazio sistema deskribatu da, bai eta horrek erakundean duen eginkizuna eta kontabilitate informazioaren banakapena ere.
g) Ondare elementuen multzoa kodifikatu da, ETE-KPOren irizpideei jarraiki.
h) ETE-KPOk ezartzen dituen urteko kontuak identifikatu dira.
i) Ondare elementuei dagozkien kontuak identifikatu dira.
4. Kontabilitatean oinarrizko egitate ekonomikoak sailkatzen ditu, eta, horretarako, kontabilitate metodologia eta ETE Kontabilitate Plan Orokorraren irizpideak aplikatzen ditu.
Ebaluazio irizpideak:
a) Enpresaren oinarrizko eragiketetan esku hartzen duten ondare kontuak identifikatu dira.
b) Enpresaren oinarrizko eragiketetan esku hartzen duten kudeaketako kontuak identifikatu dira.
c) Kontuak kodifikatu dira, ETE-KPOri jarraiki.
d) Zein kontu kargatu eta zein ordaintzen den zehaztu da, ETE-KPOri jarraiki.
e) Kontabilitate egitateei dagozkien idazpenak egin dira.
f) Oinarrizko ekitaldi ekonomikoari dagozkion kontabilitate eragiketak egin dira.
g) Prozedura egin da, informazioaren erantzukizun, segurtasun eta isilpekotasun printzipioen arabera.
5. Kontabilizazio eragiketak egiten ditu, eta, horretarako, aplikazio informatiko berariazkoak erabiltzen ditu eta horiek kontuen planaren kudeaketan duten eragimena baloratzen du.
Ebaluazio irizpideak:
a) Euskarri den dokumentazioaren ondoriozkoak diren kodifikatutako kontu eta azpikontuen altak eta bajak egin dira; horretarako, ezarritako prozedurei jarraitu zaie.
b) Kode eta kontzeptuen altak eta bajak proposatu dira aurretik zehaztutako idazpenetan; horretarako, ezarritako prozedurei jarraitu zaie.
c) Kodifikatutako kontzeptuak sartu dira aplikazio informatikoan; horretarako, ezarritako prozedurei jarraitu zaie.
d) Kodifikatutako kontzeptuen bajak gauzatu dira, dagokion baimenaz.
e) Aurretik zehaztutako idazpenak sartu dira aplikazio informatikoan; horretarako, ezarritako prozedurei jarraitu zaie.
f) Eremu bakoitzari dagokion informazioa sartu da idazpenean, eragiketaren izaera ekonomikoaren arabera.
g) Aplikazioa erabiltzean egon daitezkeen ezbeharrak ebatzi dira; horretarako, programaren laguntza baliatu da, bai eta online laguntza edo softwarea sortu duen enpresaren bezeroari arreta emateko zerbitzua ere, irakasleak gainbegiratuta.
h) Kontu, saldo eta mugimenduen segurtasun kopia egin da, bai eta aurretik zehaztutako oharren bildumarena ere.
i) Ekintza planari jarraitu zaio, leku eta euskarri egokian babesteko, bai eta segurtasun kopiaren administrazio kudeaketari ere, garaiz eta metodo egokien bidez.
Edukiak.
Antolaketa ekonomikoen ondare elementuak:
-Jarduera ekonomikoa eta ziklo ekonomikoa eta kontabilitatea.
-Ondasunak, eskubideak, betebeharrak.
-Enpresa baten aktiboa, pasiboa eta ondare garbia.
-Ondare oreka.
-Inbentarioa: kontzeptua, motak eta egitura.
Kontabilitateko metodologia:
-Merkataritzako eragiketak, kontabilitateko ikuspegitik:
Kontabilitateko dokumentazioaren tratamendua arautzen duen merkataritzako legeria.
Merkataritzako dokumentazioa: interpretazioa eta motak.
-Kontuen teoria: kontu motak eta partida biko metodoa:
Kontuaren kontzeptua eta kontu motak. Kargu eta abonuaren teoria partida biko kontabilitatean.
Liburu egunkaria, liburu nagusia.
-Kontabilitate zikloaren garapena:
Kontabilitateko egitate motak.
Ekitaldiko emaitzen kalkulua, sarrerak eta gastuak bereizita.
Kontabilitate ekonomikoko zikloaren faseak.
ETE Kontabilitate Plan Orokorra:
-Kontabilitateko normalizazioa. KPO.
-KPOren marko kontzeptuala:
Marko kontzeptualaren egitura.
Urteko kontuak. Irudi zehatza.
Kontabilitateko printzipioak.
-Urteko kontuak.
-Kontuen taula eta kontabilitateko harremanen definizioak.
Enpresaren oinarrizko egitate ekonomikoen kontabilizazioa:
-Salgaien erosketa eta salmenta.
Erosketa eta salmenten kontabilizazioa (jasandako eta jasanarazitako BEZaz).
Erosketa eta salmentekin lotutako eragiketak (deskontuak, itzulketak, hobariak).
Eragiketa horien ordainketak eta kobrantzak.
-Beste gastu eta sarrera batzuk:
Ekitaldi ekonomikoko emaitza arruntak: kanpoko zerbitzuak, zergak, langile gastuak.
Kudeaketa arrunteko beste sarrera batzuk: langileei zerbitzu emateagatiko sarrerak, errentamenduengatiko sarrerak, bestelako finantza sarrerak.
-Ibilgetu materiala eta finantzaketa iturriak:
Ibilgetu materiala: kuota konstanteengatiko erosketa eta amortizazioa.
Finantzaketa: kobratzeko eta ordaintzeko efektu komertzialak.
Epe laburrerako eta luzerako zorrak kreditu entitateekin.
-Ekitaldi amaierako eragiketak. Kontabilitate itxiera:
BEZaren hiruhilekoko likidazioaren idazpenak.
Izakinen erregularizazioa, biltegiko informazioaren arabera.
Ekitaldiko emaitzaren kalkulua.
Itxituraren idazpena eta egoeraren balantzea, ondare multzoen arabera.
Kontabilizazio eragiketak, aplikazio informatiko berariazkoen bidez:
-Kontabilitate partiden kudeaketa aplikazio informatikoan:
ETEa sortzea, azpikontuen alta eta bajekin.
Idazpenen kudeaketa, datuak sartuta.
Kokapena eta kontsultak liburu nagusian.
BEZaren likidazioa.
Ekitaldiaren itxiera.
-Aplikazioen oinarrizko mantentze eragiketak. Segurtasun kopiak.
-Aurretik zehaztutako idazpenak. Aplikazioaren ondoriozko eta aurretik zehaztutako idazpenak erabiltzea.
Orientabide didaktikoak.
Modulu honetan, ikasleei beharrezko prestakuntza ematen zaie, enpresaren kontabilitate arloari laguntza emateko eginkizuna betetzeko, besteak beste:
-Ondare elementuen espezifikazioa.
-Kontabilitate metodologiaren karakterizazioa.
-Ondare elementuen kodifikazioa Kontabilitate Plan Orokorraren (KPO) arabera.
-Oinarrizko egitate ekonomikoak erregistratzea.
-Aplikazio informatiko berariazkoa erabiltzea.
Izaera teoriko-praktikoa du; beraz, komeniko litzateke aldi berean ematea lan unitate bakoitzari dagozkion azalpen teorikoak eta jarduera praktikoak, ikasleei motibazioa eragiteko eta enpresan egunero sortzen diren egitate ekonomikoen kontabilitate tratamendua egiteko eta hori modu antolatuan egiteko beharra ulertarazi ahal izateko.
Modulu hau, bereziki, Kontabilitateko dokumentazioaren tratamenduarekin dago lotuta, eta hori bigarren ikasturtean ematen da; izan ere, modulu honetarako aurreikusitako ikaskuntza emaitzak lortu ahal izateko, aurretik egin beharrekoa da hori, ohiko egitate ekonomikoen kontabilitate erregistroari, ekitaldi ekonomiko osoaren eragiketen kontabilizazioari eta kontu eta edukien egiaztapenari dagokienez, horiek osatzen dutela bigarren mailako aipatutako modulua. Hori dela eta, behar-beharrezkoa da irakasleen arteko koordinazioa, modulu bakoitzeko edukietan noraino sakondu mugatzean.
Halaber, beharrezkotzat jotzen da nabarmentzea aurreko paragrafoan aipatutako bi moduluen eta Diruzaintza kudeaketako eragiketa osagarriak moduluaren arteko harremana; izan ere, Kontabilitate Plan Orokorraren bosgarren taldea osatzen du, eta horren azterlana, ETEen eremura mugatuta, modulu honetako edukien zati da eta, beraz, Kontabilitateko dokumentazioaren tratamenduaren moduluko edukiena ere bai.
Azkenik, eta zikloko beste modulu batzuei dagokienez, ezin da aipatu gabe utzi Enpresa ikasgelan modulua; bertan lortu nahi da ikasleek ikaskuntza prozesuan osotasunean eta benetako testuinguruan bereganatutako ezagutzak, prozedurak eta gaitasunak aplikatzea. Beraz, modulu honetan jasotako ikaskuntzako emaitzek, ondorio horiek betetzeko, Enpresa ikasgelan moduluaren ikaskuntzaren zati bat osatuko lukete.
Modulu honetako ikaskuntza emaitzak lortzeko egin beharreko jarduera mota dela eta, honako hau proposatzen da:
-Unitate didaktiko bakoitzari egokitutako kontabilitateko kasuak lantzea, mailakako zailtasun ordenaz.
-Aplikazio informatikoaren bidez, ikasleek oinarrizko egitate ekonomikoen erregistroak kontabilizatzeko jarduerak egin beharko lituzkete.
-Zikloan garatu beharreko zenbait trebetasun garrantzitsu lanak aurkeztean bete beharreko ordena, garbitasuna eta argitasuna direla kontuan hartuta, ikasleek jardueren koadernoa eraman beharko lukete, irakasleek horiek behar bezala baloratu ahal izateko.
Modulua emateko erabili beharreko baliabideei dagokienez, uste da oso komenigarria dela kanoia eta pantaila dituen gela bat izatea. Gainera, informatikako gela bat beharko litzateke; bertan, bakarkako ekipamenduek egon beharko lukete, ikasle bakoitzarentzat, Kontabilitateko aplikazio informatikoarekin. Material hori oinarrizkoa da hurrengo ikaskuntza emaitza lortzeko: "Kontabilizazio eragiketak egitea, aplikazio informatiko berariazkoen bidez".
Azkenik, moduluaren ebaluazioari dagokionez, eta horrek etengabeko izaera izan behar duela kontuan hartuta, komeniko litzateke, lan unitate bakoitzaren amaieran, jarduera global praktikoa proposatzea, bertan ikusitako eduki guztiak birpasatzeko eta horrekin lotura duten eta dagoeneko ebaluatu diren beste prestakuntza unitate batzuen oinarrizko alderdi teoriko eta prozedura alderdietan sartzea.
Era berean, gelan egindako jardueren edo etxean bakarkako lan gisa egindako lanen jarraipen banakatua, jardueren koadernoaren aurkezpena eta jarrerazko alderdiak kontuan hartu beharreko alderdiak dira, modulua ebaluatzeko.
Lanbide modulua: Giza baliabideen administrazio eragiketak
Kodea: 0442.
Iraupena: 130 ordu.
Ikaskuntzaren emaitzak eta ebaluazio irizpideak.
1. Langileak erakarri eta hautatzeko administrazio tramitazioa egiten du; horretarako, lotutako dokumentazioa deskribatzen du.
Ebaluazio irizpideak:
a) Lan harremanen antolaketaren alderdi nagusiak deskribatu dira.
b) Giza Baliabideetako departamentuko eginkizun eta lanak erlazionatu dira, bai eta antolaketen giza kapitala kudeatzeko politika nagusiak ere.
c) Erakarri eta hautatzeko ohiko teknikak identifikatu dira.
d) Laguntza emateko lanaren ezaugarriak azaldu dira, hautaketa prozesu batean probak eta elkarrizketak egitean; horretarako, ohiko bideak edo bide telematikoak erabili dira.
e) Beharrezko baliabideak, denborak eta epeak identifikatu dira, langileak hautatzeko prozesua egiteko.
f) Partaide bakoitzaren prestakuntza ekintzen informazioa bildu da, txosten kuantitatiboekin batera -dokumentala eta informatikoa-, eta txosten egokiak egin dira.
g) Eguneratuta mantendu da prestakuntza, garapen eta konpentsazio eta onurei buruzko informazioa, bai eta enplegatuentzako interes orokorreko informazioa ere, horretarako sortutako datu basean.
h) Beharrezko informazioa bildu da, langileak enplegu berrira hobeto egoki daitezen.
i) Datu baseen kontsultak egin dira, aipatutako iragazkiekin; horretarako, langileak kudeatzeko datuei buruzko zerrendak eta txostenak egin dira.
j) Langileen espedienteak irekitzeko beharrezkoak diren dokumentuak bildu dira.
k) Ezarritako kalitate irizpide, arau eta prozesuak aplikatu dira; horretarako, modu eraginkorrean kudeatzen lagundu da.
2. Langileen prestakuntza, garapen, konpentsazio eta onura prozesuen administrazio tramitazioa egiten du, eta, horretarako, bertan sortzen den dokumentazioa ezagutzen du.
Ebaluazio irizpideak:
a) Prestakuntza plan etengabeen ezaugarriak deskribatu dira, bai eta enplegatuen karrerako planen ezaugarriak ere.
b) Prestakuntzako jarduerarako beharrezko dokumentazioa prestatu da, besteak beste: eskuliburuak, zerrendak, ordutegiak eta kontrol orriak.
c) Hurbilen dauden edo garrantzitsuenak diren prestakuntza erakundeak identifikatu eta horiekin jarri da harremanetan, batik bat bitarteko telematikoen bidez, prestakuntza eskaintzak proposatzeko, enpresa kasu zehatz batean.
d) Prestakuntzaren diru laguntzaren iturri nagusiak sailkatu dira, zenbatekoaren eta betekizunen arabera.
e) Prestakuntza eta birziklatze jardueren zerrendak antolatu dira, diruz lagundutako programen arabera.
f) Partaide bakoitzaren prestakuntza ekintzen informazioa bildu da, txosten kuantitatiboekin batera -dokumentala eta informatikoa-.
g) Eguneratu egin da prestakuntza, garapen eta konpentsazio eta onurei buruzko informazioa, bai eta enplegatuentzako interes orokorreko informazioa ere, barne komunikazioko bideetan.
h) Langileak kudeatzeko datu baseak eguneratu dira.
i) Datu baseen oinarrizko kontsultak egin dira, aipatutako iragazkiekin; horretarako, zerrendak eta txostenak egin dira.
j) Bere mailan aplikatu da datuak babesteko indarrean dagoen araudia, informazioaren segurtasunari, isilpekotasunari, integritateari, mantentzeari eta eskuragarritasunari dagokienez.
3. Kontratazio prozesuari buruzko dokumentazioa egiten du, bai eta lan egoeraren aldaketei eta kontratu amaierari buruzkoa ere; horretarako, lan arloan indarrean dagoen araudia identifikatu eta aplikatzen du.
Ebaluazio irizpideak:
a) Konstituzioan, langileen estatutuetan, hitzarmen kolektiboetan eta kontratuetan ezarritako lan baldintzarik garrantzitsuenak zehaztu dira.
b) Kontratazio prozesuaren faseak ezagutu dira, bai eta, lan araudiak jasotakoaren arabera, ohikoenak diren lan kontratu motak ere.
c) Lan kontratuak bete dira.
d) Dokumentu ofizialak lortu dira; horretarako, dagozkion erakunde publikoen Web orriak erabili dira.
e) Gizarte Segurantzan kidetu eta alta emateko prozesuak zehaztu dira.
f) Lan baldintzei buruzko taulak, baremoak eta erreferentziak lortu dira: hitzarmen kolektiboa, Gizarte Segurantzaren kotizazio oinarriak eta motak eta PFEZren atxikipenak.
g) Gizarte Segurantzaren kotizazio arauak aplikatu dira, lan baldintza, ordainketa epe eta geroratzeko formulei dagokienez.
h) Lan kontratua aldatu, eten eta iraungitzeko kausa eta prozedurak identifikatu dira, indarrean dagoen araudiaren arabera; halaber, kitapenaren onarrizko elementuak ere identifikatu dira.
i) Langileen espedienteetan sortutako informazioa erregistratu da.
j) Informazioa kudeatu eta kontserbatzean epe, isilpekotasun, segurtasun eta diligentziaren irizpideak hartu dira kontuan.
4. Langileen ordainsariak ordaintzeari, Gizarte Segurantzaren kotizazio eta zerga atxikien ordainketari buruzko dokumentazioa egiten du; horretarako, indarrean dagoen araudia ezagutu eta aplikatzen du.
Ebaluazio irizpideak:
a) Langilearen ordainsari eta kotizazioaren kontzeptuak identifikatu dira, eta ohikoenak diren ordainsari motak bereizi dira.
b) Soldataren oinarrizko egitura eta soldata, soldataz bestelakoak jasotzeko moduak eta hilabete baino gehiagoko maiztasunekoak eta apartekoak identifikatu dira.
c) Kotizazio oinarrien zenbatekoa kalkulatu da, soldata jasotzeen eta horiek aldatzen dituzten egoera ohikoenen arabera.
d) Soldata ordainagiria eta kotizazio dokumentuak kalkulatu eta bete dira.
e) Kontuan hartu dira Gizarte Segurantzari kuotak ordaintzeko eta atxikipenetarako ezarritako epeak, bai eta geroratzeko formulak ere, kasuen arabera.
f) Soldata ordainagiriak, kotizazio dokumentuak eta kontrol zerrendak lortu dira.
g) Bidalketa elektronikoko fitxategiak sortu dira, bai finantza erakundeentzat, bai administrazio publikoarentzat.
h) Baloratu egin dira dokumentazioa aurkezteko eta ordaintzeko aurreikusitako epeak ez betetzeak eragindako ondorioak.
i) Aldian behin, informatikako segurtasun kopiak egin dira, datuak osorik kontserbatzen direla bermatzeko.
5. Langileen lan jardueraren ondoriozko gorabeherei buruzko dokumentazioa egiten du, eta, horretarako, ezarritako arauak deskribatu eta aplikatzen ditu.
Ebaluazio irizpideak:
a) Lan harremanen oinarrizko alderdiak zehaztu dira, barne komunikazioei dagokienez.
b) Kontrol presentzialen, aldi baterako ezintasunaren, baimenen, oporren eta antzekoen gaineko datuen bilketa inprimakiak egin dira.
c) Aurreko datuei buruzko kalkulu eta estatistikak egin dira; horretarako, kalkulu orriak eta grafikoen formatuak erabili dira.
d) Presentziaren kontrolaren oinarrizko txostenak egin dira, eta, horretarako, testu eta aurkezpen prozesuaren aplikazioak erabili dira.
e) Presentzia kontrolatzeko jarraipena egin da, enpresaren eragimena lortzeko.
f) Aldian-aldian enplegatuen datu baseen aldizkako segurtasun kopiak egin dira.
6. Kalitate prozedurak, laneko arriskuei aurrea hartzeko eta ingurumena babesteko prozedurak aplikatzen ditu giza baliabideen administrazio eragiketetan, eta, horretarako, bere eragina aztertzen du administrazio kudeaketako sistema integratuan.
Ebaluazio irizpideak:
a) Kalitatea kudeatzeko ereduaren oinarrizko printzipioak bereizi dira.
b) Giza baliabideetako prozesuak enpresaren bestelako administrazio prozesuekin sartzea baloratu da.
c) Laneko arriskuei aurrea hartzeko arauak aplikatu dira sektorean.
d) Prozesuak aplikatu dira, jarduerak ingurumenean duen eragina murrizteko.
e) Dokumentazioa landu eta kontserbatzean, urrezko 3 teknikak aplikatu dira: gutxitu, berrerabili, birziklatu.
Edukiak.
Langileak erakarri eta hautatzeko prozesuen administrazio tramitazioa:
-Lan araudiaren iturriak.
-Giza Baliabideen departamentuaren eginkizunak.
-Giza kapitalaren kudeaketa politikak enpresan.
-Biltzeko iturriak: kanpokoak eta barrukoak.
-Langileak hautatzeko metodoak: hautaketa probak, elkarrizketa, taldeko dinamika, ebaluazio zentroak.
-Langileen espedientea.
-Enplegu berrira egokitzea.
Langileen prestakuntza, garapen eta konpentsazioaren administrazio tramitazioa.
-Motibazioarekin eta prestakuntzarekin lotutako administrazio politika eta prozedurak.
-Enpresa prestakuntzaren teknika nagusiak.
-Prestakuntza entitateak.
-Langileen konpentsazio, pizgarri eta onuren kontrola.
Lan kontratuaren, aldaketen eta iraungipenaren dokumentazioa prestatzea:
-Kontratuaren forma: kontratuaren gutxieneko edukia.
-Kontratazio modalitateak.
-Lanaldia eta lan egutegia.
-Lan kontratazioaren prozesua eta prozedura.
-Lan kontratuaren dokumentazioa eta formalizazioa.
-Lan kontratuaren etetea, aldaketa eta iraungipena.
-Kitapen agiria.
Soldataren ordainketaren eta betebehar atxikien dokumentazioa prestatzea:
-Gizarte Segurantzaren sistemaren erregimenak.
-Enpresariak Gizarte Segurantzarekin dituen betebeharrak.
-Soldaten ordainagiria prestatzea.
-Gizarte Segurantzari egindako kotizazioak.
-Kotizazio motak eta oinarriak.
Lan harremaneko gorabeherei buruzko dokumentazioa egitea:
-Ordutegiaren kontrola.
-Absentismoa.
-Egoera berezien kudeaketa: lanerako ezintasuna, eszedentziak, baimenak, bidaiak.
Giza baliabideen kudeaketa integraleko prozedurak aplikatzea:
-Laneko arriskuei aurrea hartzea: osasuna, kaltea, arriskua.
-Giza Baliabideen Kalitate Osorako ereduaren funtsezko oinarri eta printzipioak.
-Datu pertsonalen babesari eta isilpekotasunari buruzko araudia.
Orientabide didaktikoak.
Giza baliabideen administrazio eragiketen moduluak aukera emanen die ikasleei giza baliabideen departamentuan langileen kudeaketan laguntza jarduerak egiteko, edozein jardueratako enpresa handi zein enpresa ertain eta txikietan eta, bereziki, zerbitzuen sektorekoan, bai eta administrazio publikoan ere. Sektore horiek guztiak oso garapen handikoak dira Nafarroan.
Modulu honek beharrezko prestakuntza ematen du, administrazio arloko laguntza eginkizunak betetzeko; izan ere, enpresako langileekin lotutako dokumentazio osoa kudeatzen da, prestaketa eta betearazpen, erabilera, tramitazio, artxibatze, eguneratze eta abarren gaineko lanak egiten dira, eta kalitateko, laneko arriskuei aurre egiteko eta ingurumen eragineko ereduak betetzen dira.
Zeregin horiek gauzatzeko, oinarrizkoa da programa informatikoak erabiltzea; beraz, ordenagailua gelan egiten diren jardueretan erabili beharreko erreminta izanen da. Aplikazio informatiko berariazkoen eta IKTen erabilera langileen kudeaketan, bai giza baliabideen departamentuko barne komunikaziorako bai dokumentazioak egin eta transmititzeko, nahitaezkoa da ikasketa-ikaskuntzaren eta modulu honen ebaluazio jarduerak behar bezala egite aldera.
Beraz, komeni da programa informatiko egokiak izatea, giza baliabideak eta gela informatiko bat kudeatzeko, bai eta administrazio bulegoko lantegi ikasgela kudeatzeko ere, modulua behar bezala emateko.
Modulu honen lanbide gaitasunak garatzeko, oso garrantzitsua da erabilitako material eta erreminten ordena, zehaztasun, txukuntasun, zorroztasun eta zaintza jarrerak lantzea. Dokumentazio osoa kontserbatzeko garrantzia nabarmentzea, bai euskarri informatikoan bai paperezko euskarrian, segurtasun eta isilpekotasun irizpideei jarraiki. Era berean, nabarmendu beharra dago ingurumena babesteko betebeharra; horretarako, gutxitu, berrerabili eta birziklatu urrezko 3 teknikak erabiliko dira eta paper, fotokopia, inprimatze eta abarren erabilera eta kontsumo arduratsua sustatuko da.
Metodologia teoriko-praktikoa erabili beharko litzateke, eta bereziki azpimarratu, azken horretan, irakaskuntza-ikaskuntza prozesu osoa, kasu praktiko eta simulazioen bidez. Gainera, bakarkako lana eta talde txikiko lana bateratzen ahalko lirateke; horrela, ikasleen gaitasun pertsonalak landu eta baloratu ahal izateko.
Bakarkako lanak aukera emanen luke ikasleen gaitasun pertsonalak baloratzeko: erantzukizuna, jarraibideen jarraipena (ahozkoak eta idatziak), antolatzeko gaitasuna, ekimena, ordena, zehaztasuna...
Taldeko lanak aukera emanen luke ikasleen gaitasun pertsonalak baloratzeko pertsona arteko harremanetan: gizarte gaitasunak, besteak beste, entzuteko gaitasuna eta enpatia, iritzi aniztasunarekiko errespetua, gatazken konponketa elkarrizketaren bidez (negoziazioa, bitartekotza), koordinazioa...
Egokientzat jotzen den edukien sekuentziazioa, modulu honen garapenerako, honako hau izanen litzateke:
-Giza baliabideen departamentua: eginkizun nagusiak, bete beharreko lanak eta kudeaketa politikak.
-Langileen hautaketa eta langileen prestakuntza: plangintza, teknikarik ohikoenak, dokumentazioa, artxibatzea eta informazioaren eguneratzea.
-Langileen kontratazioa: araudi erregulatzailerik garrantzitsuena, prozesua, dokumentazioa, nominak, Gizarte Segurantza...
-Gorabeheren kontrola langileen kudeaketan: barne komunikazioak, absentismoa, aldi baterako ezintasunak, baimenak...
Eduki horiekin zeharka, laneko arriskuei aurrea hartzeko tekniken, kalitate prozeduren, segurtasun, isilpekotasun eta ingurumen babesaren protokoloen aplikazioa landu beharko da, gai horren gainean aplika daitekeen araudian ezarritakoa bermatzeko.
Eduki horiek lantzeko gelan egin beharreko jarduerak direla eta, honako hauek proposatzen dira:
-Langileak erakarri, hautatu eta prestatzearekin lotutako erakunde eta instituzioen Web orriak kontsultatzea.
-Langileak hautatzeko probak eta elkarrizketak egitea, lanpostu zehatzetara eta profil jakinetara egokituta.
-Dokumentazioa biltzea, langileen espedienteak sortzeko, horiek artxibatzeko eta eguneratzeko.
-Prestakuntza ekintza zehatzak: helburuak, jarduerak, epeak, baliabideak eta beharrezko dokumentazioa, gauzatze kontrola.
-Kontratu ereduak betetzea, euskarri informatikoan eta paperezko euskarrian.
-Kasu praktikoetan dagozkion erakundeekin kontratazio prozesuaren dokumentazio tramitazioaren simulazioa.
-Gizarte Segurantzan langileen alta eta bajak egitea eta horien tramitazio elektronikoa.
-Soldata ordainagiriak prestatzea eta, horretarako, dagokion aplikazio informatikoa erabiltzea.
-Gizarte Segurantzari kuoten dokumentuak bide elektronikoz bidaltzea eta horiek eskuz betetzea.
-Inprimaki eta grafikoak prestatzea eta langileen gorabehera kontrolaren estatistikak kalkulatzea: absentismoa, aldi baterako ezintasuna, baimenak, eszedentziak.
-Langileen datu baseak eguneratzea eta segurtasun kopiak sortzea.
-Sortutako dokumentazioa artxibatu eta mantentzea, paperean eta euskarri informatikoan.
Modulu hau ebaluatzeko, honako alderdiak baloratu beharko lirateke:
-Ikasleei giza baliabideak kudeatzeko berezko eginkizunak betetzeko nahikoa autonomia ematen dieten beharrezko ezagutza teorikoen balorazioa.
-Ariketa eta kasu praktikoen balorazioa; horretarako, kasu bakoitzerako egokiak diren dokumentuak baliatzea.
-Programa informatiko egokiak eta IKTak erabiltzeko gaitasunaren balorazio praktikoa.
Horretarako, proba objektiboak zein lan praktikoak erabiltzen ahalko dira. Erabiltzen den prozedura edozein dela ere, beti, ahal dela, ebaluazioa ikasteko erreminta erabilgarria izanen da (ebaluazio hezitzailea), batez ere, gaitasun pertsonalak bereganatzea baloratu behar denean. Gainera, prozedura eta jarrerazko alderdiak ebaluatzeko komeni da ikasleek gelan zein lantegi ikasgelan egindako lanaren balorazioa izatea, horren behaketa sistematikoaren bidez.
Modulu hau, bereziki, Lanerako prestakuntza eta orientazioa moduluarekin lotuta dago; hori bigarren mailan ematen da eta antzeko eduki batzuk ditu, besteak beste, kontratazioari, gizarte segurantzari eta laneko arriskuei dagokienez. Beraz, beharrezkoa da irakasleak elkarren artean koordinatzea, bikoizketarik egon ez dadin.
Beste alde batetik, "Informazioaren tratamendu informatikoa" moduluarekin lotuta dago, honako hauei dagokienez: Web orriak eta posta elektronikoa kontsultatzea, datu baseak erabiltzea, inprimakiak, grafikoak eta komunikazioa prestatzea, karpetak artxibatzea eta dokumentazioa euskarri informatikoan. Beraz, garrantzitsua izanen litzateke gogoan hartzea, edukiak sekuentziatzeko.
Azkenik, Enpresa ikasgelan eta Lantokietako prestakuntza moduluetan, modulu honetan lortutako ezagutza guztiak aplikatzen dira, eta horrek ez dakar edukien bikoizketarik.
Lanbide modulua: Oinarrizko ingelesa I
Kodea: NA04.
Iraupena: 60 ordu.
Ikaskuntzaren emaitzak eta ebaluazio irizpideak.
1. Hizkera formalean idatzitako testu labur eta errazetan jasotako informazio idatzia barne hartzen du; testu horiek eguneroko bizitzarekin edo dagokion lanbide arloko ohiko jarduerarekin lotuta daude, kontestualizazio irizpideak erabiliz.
Ebaluazio irizpideak:
a) Jarduera arruntarekin edo lanbide jarduerarekin lotutako dokumentu labur eta errazean jasotako informazioa zuzen eta osotasunean interpretatzeko hitz gako nahikoa ezagutu da.
b) Informazioa identifikatu eta atera da, aurreikus daitekeena -izenak, datak, prezioak, orduak...-, lanbide praktikan ohikoak diren materialenak eta ohiko hiztegia erabiltzen dutenenak, besteak beste, liburuxkak, katalogoak, eskuliburuak eta abar; halaber, eguneroko bizitzako beste dokumentu batzuetakoa ere -iragarkiak, menuak, ordutegiak, etab.-.
c) Zehatz atera dira ohiko lanbide harremanean elkarrekin trukatutako dokumentuetan jasotako informazio zehatzak -merkataritza gutunak, faxak, posta elektronikoak, inprimakiak...-, behar bezala tramitatzeko.
d) Lanbide jarduerari buruzko jarraibideak interpretatu dira, aipatutako ekintzen gauzatzea eginez edo simulatuz.
e) Zehaztasunez identifikatu eta isolatu dira eguneroko bizitzan eta lanbide jardueran ohikoak diren seinale, idazkun, ordenagailuko mezu, etiketa, piktograma eta abarretan jasotako aholku edo oharrak, produktu, material, ekipamendu edo instalazioak behar bezala ez erabiltzeagatik sortutako arriskuak saihesteko.
f) Itzulpen erremintak egokiro erabili dira, eta, horretarako, erabileraren testuingurura eta eskatutako kohesiora egokitutako esanahia hautatu da.
2. Ahozko diskurtso errazetako informazioa hartzen du barne, astiro emanak, hizkuntza estandarrean, ohiko jarduerei edo aurreikus daitezkeen lanbide jarduerei buruzkoak; horretarako, mezua aztertzen da, osotasunean.
Ebaluazio irizpideak:
a) Ahozko diskurtso errazaren ideia orokorra identifikatu da, interes pertsonalei dagokienez.
b) Hitzezko ohar errazetan jasotako zehaztasunak barne hartu dira, ohiko jarduera zehatza egiteko, besteak beste, garraio publikoa erabiltzeko; hala ere, batzuetan, diskurtsoa errepikatu behar da.
c) Aurreikus daitezkeen gaiei buruzko eta ikus-entzunezko baliabideen bidez jasotako diskurtso arruntean bildutako oinarrizko informazioak ezagutu dira, besteak beste, bozgorailuaren bidezko oharra.
d) Telebistan emandako albiste baten oinarrizko informazioa ulertu da, argi, hizkuntza estandarrean eta horren ikus euskarrian eman denean.
3. Testu errazak idatzi eta, normalean, lanbide eremuan erabiltzen diren formulario edo dokumentu normalizatuak betetzen ditu; horretarako, beharrezko zuzenketa gramatikala eta ortografikoa aplikatzen du, erregistro neutro edo formalean.
Ebaluazio irizpideak:
a) Ohiko dokumentu errazak idatzi dira -aurkezpen gutunak, ohiko jardueren deskribapen laburrak, etab.-; horretarako, kronologikoki modu koherentean lotzen edo antolatzen dituzten lokailuen bidez eratutako perpaus eta esaldi arruntak erabili dira, hiztegi egokia erabili da eta, hala dagokionean, testu txantiloiak eta hasierako eta amaierako agurretarako, eskerrak emateko eta abarretarako formula estandarizatuak erabili dira.
b) Zuzen erabili dira gramatika egitura errazak, nahiz eta oinarrizko akatsa sistematikoren bat egin, besteak beste, aditz denbora nahastea.
c) Zabaltzeko oinarrizko hiztegi orokorra erabili da, nahikoa eguneroko bizitzan eta lanbide ingurunean egoera eta gai ezagunetan gertatzen diren ohiko komunikazio beharrak betetzeko.
d) Gehien erabiltzen diren hitzak idatzi dira zuzenketa ortografikoarekin.
e) Mezu labur eta errazen oharrak hartu dira, informazio garrantzitsua dutenak, mezua errepikatzeko edo berriro esateko eskatzeko aukera izanik.
f) Itzulpen erremintak erabili dira, koherentzia eta kontestualizazio irizpideekin.
4. Eguneroko jarduera pertsonal eta profesionalei buruzko ahozko mezu errazak sortzen ditu; horretarako, oinarrizko egiturak eta nahikoa hiztegi erabiltzen du, oinarrizko komunikazio beharretarako.
Ebaluazio irizpideak:
a) Zuzen erabili dira komunikazio esaldi eta formula estandarizatuak edo ikasiak, ohiko egoerei buruz aritzeko, batik bat deskribapen diskurtsoetan.
b) Nahikoa hiztegi erabili da, eguneroko bizitzan aurreikus daitezkeen egoeretan moldatzeko, eta egokia izan da lanbide jarduerez jarduteko.
c) Nahikoa zuzenketa gramatikal mantendu da, mezuaren esanahia ez desitxuratzeko, nahiz eta oinarrizko akatsak egin.
d) Diskurtsoa nahiko ahoskera argi eta ulergarriarekin eman da, nahiz eta atzerriko azentua nabarmena den.
e) Berriro ere eginen da diskurtsoa, baldin eta solaskideak hala eskatzen badu, ulermena hobetzeko.
5. Aurreikus daitezkeen gaiekin lotutako elkarrizketetan beste pertsona batzuekin ingelesez komunikatzen da, oso elkarrizketa labur, erraz eta zuzena mantenduz, eguneroko gaiei edo lanbide jardueraren berezko gaiei buruzkoa.
Ebaluazio irizpideak:
a) Laneko eguneroko gaien edo astialdiaren gaineko gaiei buruzko galdera errazak planteatu eta erantzun dira.
b) Hitzezko elkarrizketa oso laburretan parte hartu da, ohiko egoerei buruzkoetan; horietan gai ezagunak landu dira, nahiz eta elkarrizketa luzea mantentzeko gai ez den.
c) Gizarte truke laburretan jardun ahal izateko nahikoa jaso da; batzuetan, solaskideek argi eta astiro emandako diskurtsoa zati batean edo osorik errepikatzeko eskatuz, aurreikus daitezkeen egoerei dagokienez.
d) Iritzi eta proposamen errazak egin dira, eta horiek erantzun dira, egoera informaletan pertsona ezagunekin.
e) Pertsonei hasierako eta amaierako agurra emateko, barkamena eskatzeko eta horiei hitz egiteko kortesiazko ohitura eta formulak erabili dira.
f) Solaskidearen herrialdeko berezko gizarte harremanaren ohiturak aplikatu dira.
Edukiak.
Eduki lexikoak:
-Lanbide eremuko oinarrizko hiztegi eta terminologia berariazkoa.
-Eguneroko bizitzari buruzko hiztegi eta terminologia, batik bat, honako hauei buruzkoa: aisia eta astialdia, bidaiak, sentimendu pertsonalak, ohiturak eta bizitza ohiturak, jantziak, elikadura, etxebizitza, erosketak...
Eduki gramatikalak:
-Aditz denborak: lehenaldi bakuna eta jarraitua, geroaldia, I motako baldintza, orainaldi perfektua.
-Boz pasiboa: orainaldi eta lehenaldi bakuna.
-Konparatibo eta superlatiboak.
-Erlatibo perpaus murriztaileak.
-Preposizioak, juntagailuak eta adberbioak.
-Koherentzia eta kohesio elementuak: lokailuak.
-Puntuazio zeinuak.
Eduki funtzionalak:
-Hasierako eta amaierako agurrak gizarteko ohiko egoeretan.
-Galdetzea eta erantzutea informazio orokorra eta profesionala lortzeko edo emateko, datuak eskatzeko, etab.
-Alderatzea eta erkatzea.
-Adostasuna eta desadostasuna azaltzea.
-Asmoak eta planak adieraztea.
-Gustuak eta lehentasunak eta betebeharra adieraztea.
-Pertsonak eta ohiturak deskribatzea.
-Testu erraz bateko gai nagusia identifikatzea.
-Interes pertsonaleko edo profesionaleko gaiei buruzko testu errazak idaztea.
-CVak, aurkezpen gutunak idaztea, datu pertsonalekin.
-Inprimakiak edo erabilera arrunteko agiriak betetzea.
-Hiztegiak edo erreferentziazko bestelako gidaliburu edo materialak, baliabide elektronikoak barne, testuinguru irizpideaz erabiltzea, hitz ezezagunek kasuan kasuko testuinguruan zer esan nahi duten jakiteko.
-Gai ezagunei buruzko informazio errazak ahoz aurkeztea sekuentzia logikoan.
-Oinarrizko ohiko jarduerekin lotutako galdera eta eskaerak egitea.
-Oraineko edo iraganeko ohiko jarduera pertsonalak deskribatzea.
-Hitzik gabeko komunikazioaren estrategiak erabiltzea, ahozko interakzioa indartzeko.
Gizarte eta lanbide edukiak:
-Norberarekin komunikatzen diren bezero edota profesionalak zein herrialdetakoak diren, hango giza, gizarte eta lanbide harremanak arautzen dituzten arauak, protokoloak eta ohitura nagusiak identifikatu eta aztertzea.
-Ingelesezko harremanetarako arauak identifikatu eta aplikatzea, bereziki kontuan hartuz Interneten erabiltzen diren kortesiazko konbentzioak.
-Bestelako kulturak eta haiek osatzen dituzten pertsonak ezagutzeko gogoa eta haienganako errespetua eta jarrera irekia agertzea.
-Binaka eta taldeka eta jakintza arlo anitzeko eremuetan lan egiteko prest egotea.
Orientabide didaktikoak.
Oinarrizko ingelesa I nahitaezko lanbide moduluak ikasleen hizkuntza gaitasuna indartzea du funtsezko helburu. Bereziki nabarmentzen ditu lanbide bizitzako ohiko komunikazio egoeretan aise moldatzea ahalbidetuko dieten trebetasunak.
Nahiz eta nazioko enpresek hizkuntza jakintzen eta hautagaiak hautatzeko hizkuntza gaitasunak antzemateko erabilitako metodoen gainean egiten dituzten eskariak oinarri dituzten zenbait azterlanek adierazten duten eskari horiek hizkuntza ez espezializatua jakitea eskatzen dutela, hezkuntza maila honetan uste da modulu honek eta bigarren mailan ematen den Ingeleseko moduluak ematen duten ingeleseko prestakuntza baliagarria dela, batik bat, lanbide profilean zehaztutako gaitasunak lortzeko euskarri gisa, eguneroko bizitzaren egoeretan ikasleek izan beharreko komunikazio gaitasunaren hobekuntza gorabehera. Hori dela eta, ikasleei hizkuntza trebetasun berariazkoak garatu ahal izateko baliabideak eman behar zaizkie; horretarako, hizkuntzaren ezagutza beharretara egokitu behar da, lanbide ingurunean.
Irakaskuntza-ikaskuntza prozesua, helburu horri begira, nabarmenki praktikoa den ikuspuntu batetik bideratu behar da. Gramatikaren irakaskuntza aurreko kurtsoetan ikasitakoaren berrikuspen gisa hartu behar da eta ikasleentzat egiazko interesa duten komunikazio egoeretan txertatu. Horrela, ikasleak errazago ohartuko dira ikasi behar duten hizkuntza erabiltzeko oinarrizko gaitasuna izateko beharra dutela. Beraz iradokitzen da irakaskuntza-ikaskuntzaren metodologia erabiltzea, lanen bidez, hau da, helburu zehatzak dituzten jardueren bidez, ikasleek hizkuntzari modu aktiboagoan heltzen diotelako.
Irakaskuntza-ikaskuntza prozesuan egiten diren jarduerak ikasleak ahalik eta egiazkoenak diren komunikazio egoeretan jartzeko moduan diseinatu behar dira. Teknikari honen lanbide profila kontuan hartuta, beharrezkotzat jotzen da modu berezian sustatzea irakurmeneko eta idazmeneko eta lanbide arloko eta eguneroko ahozko mezuen ulermen eta ekoizpeneko trebetasunak; izan ere, harreman ekonomikoen globalizazioaren etengabeko joerak dakar ingelesa nazioarteko elkartrukeetarako hizkuntza gisa erabiltzea nahitaezkoa izatea eta, beraz, administrazio arloko profesionalentzat nahitaezko beste alderdi bat izatea, egiten den dokumentu eta komunikazioen etengabeko kudeaketa dela eta. Trebetasun horiek bigarren mailan ematen den ingeleseko moduluan sakontzeko izanen dira, eta sektoreko etorkizuneko hizkuntza gaitasunerako beharrezko pausutzat hartzen dira.
Baliabideak erabiltzeari dagokionez, informazioaren teknologiak -batik bat Internet eta posta elektronikoa- oso erreminta baliotsuak dira, ikasleak komunikazio egoera errealetan jartzeko; izan ere, horietako gehienak, gaur egun, enpresaren barruan zein kanpoan gertatzen dira, euskarri informatikoan. Horretarako beharrezkoa da teknologia horiek eraginkortasunez erabiltzea. Era berean, modu logikoan sortzen da titulu honen gainerako modulu teknikoekin koordinatzeko beharra, gelan erabiltzeko benetako materialen iturri gisa.
Arreta jarri behar zaion beste kontu bat gaitasun soziolinguistikoen garapena da, gaitasun horiek irakaskuntza-ikaskuntza prozesu osoa kutsatu behar baitute. Garrantzitsua da, prestakuntza helburudun honen esparruan, bermatu ahal izatea ikasleek badakizkitela hizkuntza erabiltzeko konbentzioak, adeitasunezko arauak, erregistro desberdinak eta horiek behar bezala erabiltzearen garrantzia, eta, oro har, ingelesa ama hizkuntza duten herrien idiosinkrasia ongien definitzen duten ezaugarri kulturalak.
Ebaluazioari dagokionez, iradokitzen da prozesu horren ardatza izan dadila ikustea ikasleek nola baliatzen dituzten beren hizkuntza ezagutzak eta trebetasunak eta zenbateko gaitasuna duten komunikaziorako estrategia desberdinak erabiltzeko. Helburu horri begira seinalatu dira modulu honetako ebaluazio irizpideak eta, ildo berean, hizkuntzetarako Europako Erreferentzia Esparrua oso bitarteko baliotsua izan daiteke ebaluazio erremintak diseinatzeko.
Lanbide modulua: Edukien kudeaketa Web orrietan
Kodea: NA08.
Iraupena: 60 ordu.
Ikaskuntzaren emaitzak eta ebaluazio irizpideak.
1. Web orriaren oinarrizko erabilera eta funtzionamendua ezagutzen du, bai eta 2.0 aplikazio eta zerbitzuena ere; halaber, aldi baterako eguneraketak ere ezagutzen ditu, terminologia egokia erabiliz.
Ebaluazio irizpideak:
a) Web-aren ezaugarriak identifikatu dira.
b) Web-aren eginkizunak ezagutu dira, bilakatu ahala.
c) Web-aren nabigatzaile eta bilatzaileak erabili dira.
d) Web-aren zerbitzuak eta aplikazioak identifikatu dira.
e) Web-eko posta kontua erabili da, Web-eko zerbitzuetan alta emateko.
f) Web-eko zerbitzu eta aplikazioak erabili dira, oinarrizko funtzionamendua ezagutzeko.
g) Web-aren gaineko terminologia egokia lortu da.
h) Web-arekin lotutako edukien sistema kudeatzaileak (CMS) identifikatu dira, online multimedia erreminta gisa.
i) Web-aren prospektiba aztertu da.
2. Web orrietako edukien kudeatzaileen onura ezagutzen du, enpresa eremuan aplikazioa identifikatuz.
Ebaluazio irizpideak:
a) Edukiak kudeatzeko sistemaren onura ezarri da, Web orrien edukiak sortu, prestatu eta mantentzeko.
b) Enpresa informazioa eta marketina dela eta, etengabean eguneratuta dagoen Web gunea izateak ematen dituen abantailak identifikatu dira.
c) Edukien kudeatzaile motak eta erabilera lizentziak ezagutu dira.
d) CMSen prospektiba aztertu da, erabilera erreminta gisa, Web orria egin eta mantentzean.
3. Web gune baten edukia kudeatzen du, CMS arrunt baten bidez, eta, horretarako, datuak babesteko araudia betetzen du.
Ebaluazio irizpideak:
a) CMS bat hautatu da, Web gune bat sortzeko.
b) Hautatutako CMSren osagaiak eta ezaugarriak identifikatu dira.
c) Orriak sortu dira Web gunerako, hautatutako CMSa abiaburu hartuta eta txantiloiak oinarri hartuta.
d) Orriak aldatu eta ezabatu dira sortutako Web gunean.
e) Hainbat motatako edukiak sartu dira Web gunean: testua, irudiak, soinua, bideoa...
f) Web guneko edukiak aldatu, eguneratu eta ezabatu dira.
g) Web orriko edukiak argitaratu dira.
Edukiak.
Web gunea. Kontzeptu orokorrak. Aplikazioak eta zerbitzuak:
-Ezaugarriak.
-Bilakaera.
-Kontzeptuak eta terminologia.
-Nabigatzaileak eta bilatzaileak.
-Web posta.
-Zerbitzuak eta aplikazioak 2.0 Web-ean eta aldian aldiko eguneratzeak:
RSS, Feeds, eranskailuak eta sindikazioa, gizarte markagailuak.
Ofimatika online.
Multimediako online erremintak.
Elkarlana sustatzen duten erremintak: blogak, wikiak.
-Web-aren prospektiba.
CMSen kontzeptu orokorrak:
-CMSen aplikazioak.
-CMSak erabiltzearen abantailak.
-Motak.
-Erabilera lizentziak.
-CMSen prospektiba.
CMS baten funtzionamendua, Web orrien edukiak kudeatzeko:
-Osagaiak.
-Edukiak sortzea.
-Txantiloiak.
-Edukien edizioa.
-Argitalpena.
-Eguneratzeak.
Orientabide didaktikoak.
Lanbide modulu honek beharrezko prestakuntza dauka Web orrietako edukiak kudeatzeko, edukiak kudeatzeko sistema baten bidez (Content Management Systems edo CMS).
Edukiak kudeatzeko sistemak softwarea dira eta horiek, batik bat, Interneten Web guneen kudeaketa errazteko erabiltzen dira. CMS batek erremintak ematen ditu, Web orrietako ezagutza teknikorik ez duten sortzaileek edukian kontzentratu ahal izateko. CMS bat, egiaz, Web-ak eskaintzen dituen online zerbitzu eta erreminten zati da; hori dela eta, moduluan, CMS baten sorreraz gain, Web-eko prestakuntza ere aurreikusten da.
Moduluak elkarri lotutako bi arlori buruzko prestakuntza jasotzen du, maila teorikoan eta praktikoan:
-Web gunea. Ikasleek Web-aren ezaugarri, eginkizun, zerbitzu eta aplikazioak ezagutu behar dituzte, bilakaera kontuan hartuta. Erabilitako software erreminten ezagutza praktikoak bereganatu beharko ditu, Web orrietako edukiak bistaratzeko, bere baliabideak erabiltzeko eta edukiak bilatzeko; alegia, nabigatzaileak eta bilatzaileak. Gainera, edukien barruan Web postaren erabilera ere sartzen da, Web-ean zerbitzuak erabiltzeko beharrezko elementu gisa. CMS bat erabiltzen hasi aurretik, beharrezkoa da ikasleek moduluaren hasieran ezarritako Web-aren ezagutzak bereganatu izana.
-Edukiak kudeatzeko sistemak (CMS). Ikasleek Web gune dinamikoa uniformeki, modu ulergarrian eta erosoan kudeatzeko gai izan behar dute, aldian behin eguneratu beharko dutela. CMSa. Egungo kudeatzaile bati erantzuteko erabilitako Web-a, eta, aldi berean, erabiltzeko erraza dena. Hori guztia, testuingurua galdu gabe: Web-a bera.
Oro har komeni da metodologia aktiboa erabiltzea, ikasleak ikaskuntzan autonomoak izan daitezen sustatzeko. Gainera, ikasitako edukiek funtzionalak izan behar dute; lan bizitzako egoera errealetan erabiltzea da helburua.
Aurretik azaldutako guztia kontuan hartuta, egokientzat proposatzen den edukien sekuentziazioa, hain zuzen ere, edukien atalean ezarritako ordena bera da, eta bi multzotan antolaturik dago:
-Web gunea: kontzeptu orokorrak. Aplikazioak eta zerbitzuak.
-Edukiak kudeatzeko sistemak (CMS).
-Edukiak kudeatzeko sistemen kontzeptu orokorrak (CMS).
-CMS baten funtzionamendua, Web orrien edukiak kudeatzeko.
Gelan egin beharreko jarduerak honako hauek izan daitezke:
-Zenbait nabigatzaile erabiltzea, Web orrietara sartzeko.
-Zenbait bilatzaile erabiltzea (bilatzaile espezializatuak), intereseko informazioa aurkitzeko.
-Web postako kontua sortu eta erabiltzea.
-Zenbait Web zerbitzutan alta ematea.
-Ofimatikako online baliabideak erabiltzea. Dokumentuak partekatzea...
-Elkarlana sustatzen duten erremintak erabiltzea: blog arrunta, wikiak...
-Multimediako online erremintak erabiltzea.
-Enpresa baten Web gunea egitea CMS arruntarekin:
Hasierako orrialdea konfiguratzea.
Zenbait motatako orriak sortzea Web gunean.
Orriei edukia gehitzea: testua, irudia, bideoa, soinua.
Orriak eguneratuta edukitzea. Alegia, edukiak aldatu egin behar dira, enpresaren beharren arabera: eskaintzak, produktu berriak, produktuak ezabatzea, enpresaren albisteak.
Enpresaren Web gunea argitaratzea.
Azkenik komeni da nabarmentzea, jarraian adierazitako zikloko beste modulu batzuei lotutako edukiak badaude ere, ez dela beharrezkoa irakasleen arteko koordinaziorako ekintza berariazkorik egitea; izan ere, ez dago edukien bikoizketarik edo gainjartzerik, elkarren osagarri diren ikuspuntuetatik lantzen baitira:
-Informazioaren tratamendu informatikoa, posta elektronikoari, ofimatikari eta multimedia erremintei dagokienez.
-Enpresa komunikazioa eta bezeroarentzako arreta, posta elektronikoari dagokionez.
Lanbide modulua: Informazioaren tratamendu informatikoa I
Kodea: 0440.
Iraupena: 220 ordu.
Ikaskuntzaren emaitzak eta ebaluazio irizpideak.
1. Testu alfanumerikoak prozesatzen ditu teklatu hedatuan, teknika mekanografikoak aplikatuz.
Ebaluazio irizpideak:
a) Lan elementu eta espazioak antolatu dira.
b) Gorputz jarrera egokia mantendu da.
c) Atzamarren jarrera egokia identifikatu da teklatu alfanumerikoaren errenkadetan.
d) Terminal informatikoa abian jartzeko eginkizunak zehaztu dira.
e) Modu koordinatuan erabili dira teklatu alfanumerikoaren errenkadak eta zeinu eta puntuazio teklak.
f) Ukipen bidezko idazketaren metodoa erabili da, mailaz mailako zailtasuneko paragrafoetan eta taula arruntetan.
g) Ukipen bidezko idazketaren metodoa erabili da, testu laburrak egiteko ingelesez.
h) Abiadura (minutuko 200 pultsazio, gutxienez) eta zehaztasuna (akats bat minutuko, gehienez) kontrolatu dira, programa informatikoaren laguntzaz.
i) Testu dokumentuen aurkezpen arauak aplikatu dira.
j) Akats mekanografikoak aurkitu eta zuzendu dira.
2. Sistema informatiko baten osagaiak identifikatu eta horren oinarrizko eragiketak erabiltzen ditu, bere ekipamenduan ezarriz.
Ebaluazio irizpideak:
a) Sistema informatiko baten osagaiak identifikatu dira.
b) Prozesatzeko Unitate Zentralaren funtzionamendua eta hori osatzen duten aldeak deskribatu dira.
c) Bi memoria mota eta bere eginkizunak bereizi dira.
d) Biltegiko zenbait euskarri fisiko bereizi dira.
e) Ordenagailua behar bezala piztu eta itzali da.
f) Mahaigaineko elementuak erabili dira: menuak, leihoak, ikonoak, etab.
g) Kontrol paneleko alderdi arruntak konfiguratu dira: data eta ordua, hizkuntza, teklatua, sagua, pantaila.
h) Fitxategiak eta karpetak sortu, erabili, partekatu eta ezabatu dira.
3. Administrazio lanarekin lotutako aplikazio informatikoak instalatu eta eguneratzen ditu, eta, horretarako, prozesuan jarraitu beharreko urratsak arrazoitzen ditu.
Ebaluazio irizpideak:
a) Aplikazioaren funtzionamendurako gutxieneko betekizunak eta betekizun hoberenak identifikatu dira.
b) Instalatu eta eguneratzeko prozesuaren faseak identifikatu eta ezarri dira.
c) Instalazio prozesuaren zehaztapen teknikoak errespetatu dira.
d) Aplikazioak konfiguratu dira, adierazten zaizkion jarraibideen arabera.
e) Gorabeherak eta amaierako emaitza dokumentatu dira.
f) Instalatzeko edo sartzeko arazoak konpondu dira, sistema informatikoaren bidez.
g) Instalazioko osagaiak ezabatu eta/edo gehitu dira ekipamenduan, arduradunak gainbegiraturik.
h) Software lizentziak errespetatu dira.
4. Testu dokumentuak prestatzen ditu, eta, horretarako, testu tipoen prozesadorearen aukerak erabiltzen ditu.
Ebaluazio irizpideak:
a) Testu prozesadoreen eta autoedizioaren oinarrizko eginkizun, prestazio eta prozesuak erabili dira.
b) Dokumentu mota bakoitzaren ezaugarriak identifikatu dira.
c) Testu dokumentuak deskribatu dira, trebetasun egokiaz eta egitura arauak aplikatuz.
d) Ereduzko administrazio dokumentuetara egokitutako txantiloiak prestatu dira.
e) Objektuak, grafikoak, taulak eta kalkulu orriak eta hiperestekak sartu dira, besteak beste.
f) Egindako akatsak aurkitu eta zuzendu dira.
g) Bildutako informazioa berreskuratu eta erabili da.
h) Datuen segurtasun, integritate eta isilpekotasun arauak bermatzen dituzten eginkizun eta onurak erabili dira.
5. Dokumentu eta txantiloiak egiten ditu, eta, horretarako, ereduzko kalkulu orriaren aukerak erabiltzen ditu.
Ebaluazio irizpideak:
a) Datu eta erreferentzia motak erabili dira, gelaxka, barruti, orri eta liburuetarako.
b) Formula eta eginkizunak aplikatu dira.
c) Zenbait motatako grafikoak sortu eta aldatu dira.
d) Makroak erabili dira, dokumentu eta txantiloiak egiteko.
e) Beste aplikazio batzuez eta beste formatu batzuetan sortutako kalkulu orriak inportatu eta esportatu dira.
f) Kalkulu orria erabili da datu base gisa: inprimakiak, zerrenden sorrera, iragazketa, datuen babesa eta antolaketa.
g) Aplikazioak eta unitate periferikoak erabili dira, testuak, zenbakiak, kodeak eta irudiak sartzeko.
Edukiak.
Testu alfanumerikoen prozesua teklatu hedatuetan:
-Gorputz jarrera terminalaren aurrean.
-Terminal informatikoaren osaera.
-Atzamarrak jartzea.
-Trebetasun mekanografikoaren garapena:
Hitz bakunak idaztea.
Mailaz mailako zailtasuneko hitzak idaztea.
Letra larriak, numerazioa eta puntuazio zeinuak.
Testuak kopiatzea, abiadura kontrolatuaz.
Ingelesezko testuak idaztea.
-Akats zuzenketa.
Sistema informatikoa eta sistema eragilea:
-Ordenagailuaren definizioa.
-PUZ eta barne memoriak.
-Sarrera eta irteerako periferikoak.
-Biltegi unitateak.
-Mahaigaina: leihoak, menuak, elkarrizketak.
-Instalatu eta konfiguratzeko prozedurak.
-Fitxategi eta karpeta kontzeptuak.
-Eragiketak fitxategi eta karpetekin.
Aplikazioak instalatu eta eguneratzea:
-Aplikazio ofimatikoen motak.
-Software lizentzia motak.
-Ustiapen inguruneetako beharrak.
-Aplikazioen eskakizuna.
-Aplikazioen osagai eta osagarriak.
-Instalatu eta konfiguratzeko prozedurak.
-Arazoen diagnostiko eta ebazpena.
-Erabiltzaileentzako laguntza teknikak.
Dokumentuak eta txantiloiak egitea, testu prozesadoreen bidez:
-Estiloak.
-Inprimakiak.
-Dokumentuak konbinatzea.
-Txantiloiak sortu eta erabiltzea.
-Dokumentuak inportatu eta esportatzea.
-Talde lana: dokumentuen erkaketa, dokumentuen bertsioak, aldaketen egiaztatzea, besteak beste.
-Makroak diseinatu eta sortzea, agindu arruntak gauzatzeko oinarrizkoak.
-Zenbait dokumentu mota prestatzea (eskuliburuak eta gertakari parteak, besteak beste).
-Softwarea eta hardwarea erabiltzea, testu eta irudiak sartzeko.
Dokumentuak eta txantiloiak egitea, kalkulu orrien bidez:
-Estiloak.
-Formulak eta funtzioak erabiltzea.
-Taula eta grafiko dinamikoak sortzea.
-Txantiloiak eta morroiak erabiltzea.
-Kalkulu orriak inportatu eta esportatzea.
-Talde lan, bertsioen kontrol, aldaketen egiaztatze, eta beste zenbait aukera erabiltzea.
-Zenbait dokumentu mota prestatzea (aurrekontuak, fakturak, inbentarioak, besteak beste).
-Makroak diseinatu eta sortzea, agindu sinpleak gauzatzeko oinarrizkoak.
Orientabide didaktikoak.
Lanbide modulu honek beharrezko prestakuntza du, administrazio lana sistema informatikoan garatzeko, datuak transkribatzean dagoen abiadura eta zehaztasuna kontuan hartuta eta, sistema horretan, administrazio lanak egiteko instalatuta dauden aplikazio informatikoen erabilera kontuan hartuta. Halaber, aukera ematen du aplikazio informatikoak instalatu eta ustiatzeko eginkizuna betetzeko, enpresako informatika arloko arduradunak gainbegiraturik. Era berean, oinarrizko ezagutzak jasotzen dira sistemaren hardwareari buruz.
Behar bezala ikasteko, kontuan hartu beharko litzateke komeni dela astean denbora zehatza ematea (komeni da 3 ordu izatea), abiadura eta teknika mekanografikoak ikasi eta garatzeko, ikasleak gai izan daitezen administrazio publikoek zein enpresek administrazio laneko lanpostuetara sartzeko eskatzen dituzten teklatuen eragiketa probei aurre egiteko.
Azpimarratu beharko litzateke garrantzitsua dela lanpostuan gorputzak jarrera egokia izatea; izan ere, oso garrantzitsua izanen da lan osasunerako. Lanpostuan eman beharreko ordu kopuru handia kontuan hartuta, jarrera egokia izaten ikasteak, lana errazteaz gain, lesioak gutxitzea ekarriko du, bai bizkarrari dagokionez bai goiko gorputz adarrei dagokienez. Halaber komeni da ikasleei ikusmen azterketak egiteko gomendioa ematea, pantailen aurreko etengabeko lanaren ondorioz begietako lesioak saihesteko.
Garrantzitsua da ikasleek gelan ordenagailu bana eduki ahal izatea, proposatzen diren lan guztiak egin ahal izateko eta, horrela, denboran izandako bilakaera egiaztatu ahal izateko, taldeko kideek ordenagailua batera erabiltzeagatik gertatutako distortsiorik gabe.
Modulu hau ikasleei laneko segurtasun urratsak irakasteko lan ingurune aparta da, besteak beste, honako hauek irakasteko: segurtasun kopiak egin; sistema informatikoak birusaren bidez kutsatzea saihestu, birusen kontrako programen bidez; eta biltegi bitartekoak babestu, kutsadura horren kontra. Pirateria informatikoaren aurkako borrokaren gainean kontzientziatuko dira; horretarako, betiere, lizentzia egokien programak instalatu eta erabiliko dira.
Aplikazioak instalatu eta ustiatzeak prestakuntza emanen die ikasleei, aplikazioek ekipamenduetan funtzionatzeko beharrezko baldintzen kontsultan, enpresak dituen ordenagailuek eutsi ezin dituzten programak instalatzea saihestuz, besteak beste, honako hauek kontuan hartuta:
-Ustiapen ingurunerako egokia den aplikazio softwarea bilatzea.
-Aplikazio ofimatikoak instalatu eta konfiguratzea.
-Dokumentuak eta txantiloiak prestatzea.
-Arazoak ebaztea aplikazioen ustiaketan.
-Erabiltzailearentzako laguntza.
Edukien banaketak ez du zertan moduluan agertzen den ordena berarekin bat etorri; dena dela, aldatzen ahalko litzateke, ikasle taldeen ezaugarrien edo modulu hori ematen duten irakasleen irizpideen arabera. Hala ere, ezarritako ordenari eustea komeni da; izan ere, teklatuaren ikaskuntza hartzen da oinarri, ikastaroan zehar gero eta eskakizun handiagoa izanik, abiadura hobetu eta ongi ikasteko. Gero, aplikazioen instalazioa eta mantentzea ikasten da eta, ondoren, testuen prozesadorea erabiltzen; azkenik, kalkulu orria ikasten da. Aplikazio horien erabilera hori erabat integratuta dago edozein bulegotako administrazio lanean.
Ikaskuntza mailak direla-eta komeni da nabarmentzea honako xehetasun hauek:
-Lehenengoa teklatu hedatua eta teknika mekanografikoak ongi ezagutzea da; horrenbestez, arreta berezia emanen zaio atzamarren posizioari eta ukipen bidezko idazketa metodoari, eta behin eta berriz gogoraraziko da zein garrantzitsua den eskatuko diren kalitate ona eta gutxieneko abiadura lortu ahal izateko.
-Bigarrena eta hirugarrena sistema eragilearen oinarrizko ezagutza eta aplikazio informatikoen instalazioa eta mantentzea dira; horrela, esku artean ditugun ekipamenduen eta horien elkarreginaren ezagutzaren garrantzia nabarmendu daiteke, oinarrizko mailan bada ere. Horrek, zalantzarik gabe, aplikazioak hobeto erabiltzea ekarriko du, bai eta horien mantentzea eta eguneratzea eta beste aplikazio batzuen instalazioaren bidez automatizatutako zereginak handitzea ere.
-Azken bi ikaskuntza mailak aplikazio ofimatiko osoari dagozkio: testu prozesadorea eta kalkulu orria. Aplikazio horiek enpresa guztietan aurkituko dituzte; beraz, horrek motibatzeko moduko arrazoia izan behar du modulu hau ikastean. Gainera, ikasleek berehala ikusten ahalko dituzte erreminta horiek zikloko gainerako moduluetan izan ditzaketen abantailak.
Modulu hau zikloan ematen diren gainerako moduluekin lotuta dago; izan ere, administrazio lanen automatizazioari buruzkoa da, eta pertsonei ez die lan errepikakorra ematen eta aukera ematen die azkar eta zehaztasunez egiteko. Aurrekoa gorabehera, nabarmendu behar da modulu honek jarraian zehazten direnekin duen lotura berezia, honako baldintza hauetan:
-Enpresa komunikazioa eta bezeroarentzako arreta moduluarekin duen lotura; izan ere, testu prozesadoreak lagunduko digu komunikazioak behar bezala aurkezten eta banatzen, bai eta sistema eragile baten oinarriak ezagutzen ere, sarritan euskarri informatikoa izanen duen informazio artxiboa lantzen delako eta artxibatzeko "karpetak" erabiliko direlako, eta, beraz, artxibatzeko sistema batez arduratuko dira.
-Salerosketako administrazio eragiketak moduluarekin duen lotura honako honetan gauzatzen da: salerosketako dokumentuak presta daitezke, testu prozesadore eta kalkulu orriaren bidez. Gainera, fakturazio eta biltegi kudeaketako programa erabiltzen bada, sistema eragilearen eta programen konfigurazio eta mantentzearen kontzeptuek lagunduko dute.
-Kontabilitateko teknika moduluarekin duen loturak kontabilitateko programa erabiltzea du oinarri.
-Giza baliabideen administrazio eragiketak moduluarekin lotura du, testu prozesadorearen bidez prestatutako inprimakiak erabiltzen ahal direlako, horiek betetzeko eta nominen kudeaketarako eta langileen datu baseetarako aplikazioa mantendu eta erabiltzeko.
-Edukien kudeaketa Web orrietan moduluarekin informatikako oinarrizko ezagutzak oso erabilgarriak izanen dira.
-Oinarrizko Ingelesa I eta Ingelesa moduluekin ere lotuta dago; izan ere, ikaskuntza emaitzetako bat ingelesezko testu laburrak transkribatzea izanen da.
Lanbide modulua: Diruzaintza kudeaketako eragiketa osagarriak I
Kodea: 0448.
Iraupena: 100 ordu.
Ikaskuntzaren emaitzak eta ebaluazio irizpideak.
1. Enpresan erabiltzen diren mota honetako finantza, inbertsio eta zerbitzuetako oinarrizko finantza erremintak kontratatu, berritu eta baliogabetzeko tramiteak egiten ditu, horietako bakoitzaren helburua zehaztuz.
Ebaluazio irizpideak:
a) Espainiako finantza sisteman dauden erakunde, entitate eta enpresa motak sailkatu dira.
b) Espainiako finantza sistema osatzen duten elementuak bereizi eta haien ezaugarri nagusiak deskribatu dira.
c) Bankuko eta bankukoak ez diren finantza erakundeak zehaztu dira eta bere ezaugarri nagusiak deskribatu dira.
d) Merkatuak bereizi dira Espainiako finantza sistemaren barruan, eta enpresan erabili ohi diren finantza produktuekin lotu dira.
e) Bidaltzen dituztenen finantza aktiboak erosten dituzten ekonomia eragileak bereizi dira.
f) Espainiako Bankuaren lehengo eginkizunak egungo eginkizunekin erkatu dira, Europako Banku Zentrala agertu delako.
g) Banku pribatuek ekonomian betetzen duten bitartekotza eginkizuna identifikatu da.
h) Finantza bitartekari bakoitzaren eginkizun nagusiak erlazionatu dira.
i) Bankuko eta bankukoak ez diren finantza erreminta nagusiak bereizi dira eta beren ezaugarriak deskribatu dira.
j) Bankuko finantza bitartekariek eskaintzen dizkiguten oinarrizko zerbitzuak identifikatu dira, bai eta kontratatzeko beharrezko dokumentuak ere.
k) Inbertsioko finantza erreminta batzuen finantza errentagarritasuna eta kostua kalkulatu da.
l) Bankuko online bitarteko tematikoekin eta antzekoekin lan egin da.
m) Enpresan ohiko finantza produktuak kontratatu, berritu eta baliogabetzearekin lotutako dokumentuak bete dira.
2. Oinarrizko finantza kalkuluak egiten ditu; horretarako, kapitalizazio bakunari dagozkion finantza legeak identifikatu eta aplikatzen ditu.
Ebaluazio irizpideak:
a) Kapitalizazio bakunari eta eguneratze bakunari dagozkion finantza legeen artean bereizi da.
b) Finantza erreminten interes bakuna kalkulatu da.
c) Finantza erreminta batzuen deskontu bakuna kalkulatu da.
d) Denborak eta interes tasek eragiketa mota honetan dituzten ondorioak deskribatu dira.
e) Zenbait kapitalen bi multzo erkatu dira interes bakunean.
f) Kapitalen bi multzoren arteko baliokidetasuna edo baliokidetasunik eza kalkulatu da, interes bakunean.
g) Enpresan ohikoenak diren finantza produktuen komisio moten ezaugarriak bereizi dira.
h) Bankuko finantza bitartekariek eskaintzen dituzten oinarrizko zerbitzuak identifikatu dira, bai eta kontratatzeko beharrezko dokumentuak ere.
3. Oinarrizko banku eragiketak egiten ditu kapitalizazio bakunean, eta, horretarako, lotutako dokumentazioa interpretatzen du.
Ebaluazio irizpideak:
a) Banku kontua eta kreditu kontua likidatu dira, ohikoenak diren metodoen bidez.
b) Efektuen negoziazioaren likidoa kalkulatu da.
c) Efektuen kudeaketaren likidoa kalkulatu da.
d) Banku finantza eragiketak kapitalizazio bakunarekin eta deskontu bakunarekin erlazionatu dira.
e) Finantza produktuak erkatu dira, kostu/errentagarritasun aldagaien pean.
f) Banku sistema eragilearen erreminta informatiko berariazkoak erabili dira.
4. Diruzaintzako kontrolerako metodoak aplikatzen ditu, eta, horretarako, faseak deskribatzen ditu.
Ebaluazio irizpideak:
a) Enpresan diruzaintzako kontrolerako eginkizuna eta metodoak deskribatu dira.
b) Diruzaintzako sarrera eta irteera fluxuak bereizi dira: kobrantzak eta ordainketak eta horiekin lotutako dokumentazioa.
c) Diruzaintzako liburu eta erregistroak bete dira.
d) Kutxako kontaketa eta kutxako koadratze prozesuaren eragiketak gauzatu dira, eta desbideratzeak atzeman dira.
e) Banku laburpenen informazioa eta bankuko erregistro liburua erkatu dira.
f) Mugaegunen egutegiaren erabilerak deskribatu dira, finantza aurreikuspenei dagokienez.
g) Diruzaintzako zerbitzua eta gainerako departamentu, enpresa eta kanpoko entitateak erlazionatu dira.
h) Bitarteko telematikoak, administrazio elektronikoko bitartekoak eta agirien aurkezpen fisikorako bestelako ordezko batzuk erabili dira.
i) Prozedurak egin dira, informazioaren erantzukizun, segurtasun eta adostasun printzipioen arabera.
Edukiak.
Finantziazio, inbertsio eta zerbitzuen oinarrizko finantza erreminten tramitea:
-Espainiako finantza sistema: kontzeptua, ezaugarriak eta osaera.
-Bankuko eta bankukoak ez diren finantza erakundeak.
-Finantza merkatuak.
-Finantza aktiboak.
-Banku Zentraletako Europako sistema.
-Espainiako Bankua.
-Banku pribatua.
-Finantziazio, inbertsio eta zerbitzuen bankuko finantza erremintak.
-Finantziazio, inbertsio eta zerbitzuen bankuko finantza erremintak.
-Finantziaziorako beste finantza erreminta batzuk.
-Inbertsioaren errentagarritasuna.
-Finantziazio kostua.
Oinarrizko finantza kalkuluak:
-Kapitalizazio bakuna.
-Eguneratze bakuna. Merkataritzako edo bankuko deskontua.
-Ehuneko hainbeste baliokideak kapitalizazio bakunean.
-Finantza baliokidetasuna kapitalizazio bakunean.
-Banku komisioak. Identifikazioa eta kalkulua: transferentziak, helbideratzeak, txartelak, kobrantza kudeaketa.
Oinarrizko banku eragiketak:
-Kapitalizazio eta deskontu bakuneko banku eragiketak: kontu korronteak, kreditu kontuak, efektuen deskontua.
-Banku eragiketa sinpleekin lotutako dokumentazioa.
-Kontu korronteen eta kreditu kontuen likidazioa, metodo hanburgotarraren bidez.
-Online bidezko banku zerbitzurik ohikoenak.
Diruzaintzako kontrol metodoak aplikatzea:
-Diruzaintzako kudeaketa kontrolerako metodoak. Helburua. Ezaugarriak.
-Kobratzeko eta ordaintzeko enpresan ohikoak diren bitartekoak.
-Diruzaintzako erregistro liburuak.
-Kutxa eta bankuko kontrola.
-Diruzaintzako kudeaketarako aplikazio informatikoak.
Orientabide didaktikoak.
Lanbide modulu honek diruzaintzako kudeaketa prozeduran ezarritako zenbait administrazio eragiketa egiteko eginkizuna betetzeko beharrezko prestakuntza du; hori beharrezkoa da enpresaren administrazio eta finantza kudeaketa egokia egiteko.
Diruzaintzako kudeaketako administrazio eragiketak egiteko eginkizunak honako hauek hartzen ditu barne:
-Kutxa eta bankua kontrolatzea.
-Kobrantza eta ordainketen dokumentuak identifikatzea.
-Finantza bitartekariak identifikatzea.
-Finantza erremintak bereiztea.
-Oinarrizko finantza kalkuluak zehaztea.
-Diruzaintzako kudeaketan erreminta informatikoak aplikatzea.
Modulu honen ezaugarririk garrantzitsuena da espezializazio maila garrantzitsua ematen duela, eraginkortasunez jarduteko finantza sektorean; horrela, ikasleak gai egiten ditu, eskainitako produktu eta zerbitzuei buruzko informazioa eta aholkuak emateko.
Modulu teoriko-praktikoa da; izan ere, gelan, enpresen eguneroko finantza eta ekonomia errealitatean sakontzeko beharrezko kontzeptu teorikoak aztertzen dira. Praktika ikasleek egiten dituzten lanen ondoriozkoa da; horretarako, diruzaintzako kudeaketako lanak egiteko banku bulegoak eta enpresak bisitatzen dituzte.
Modulu honetan, ikaskuntza emaitzak lortu ahal izateko erabiltzea gomendatzen diren baliabideak honako hauek izan daitezke: testu liburuaz gain, irakasleek egokitzat jotzen badute ikasleak horietaz baliatzea, gelan egonen diren beste liburu batzuk, horiek kontsultatu eta landutako gaiak sakonago aztertu ahal izateko. Gainera, jarraian adierazitako baliabide didaktikoak izan beharko lirateke:
-Finantza kalkulagailua.
-Erreminta informatikoak: ordenagailuak, programak, inprimagailuak, proiektagailua, pantaila eta Internet, Web orriak kontsultatzeko.
-Finantza entitate baten hitzaldia.
-Online bankua.
-Egunkariak eta aldizkari espezializatuak.
-Inprimakiak.
Edukien sekuentziazioa dela eta, irakasleen irakaskuntza zeregina errazteko, uste da komeni dela moduluko edukietan dagoen ordena berari eustea, alegia:
-I. multzoa: Finantziazio, inbertsio eta zerbitzuen oinarrizko finantza erreminten tramitea.
-II. multzoa: Oinarrizko finantza kalkuluak.
-III. multzoa: Oinarrizko banku eragiketak.
-IV. multzoa: Diruzaintzako kontrol metodoen aplikazioa.
Jarraitu beharreko metodologiaren eta lan unitate gehienetarako balioko luketen jarduera orokorren ikuspuntutik, honako jarduketa hauek egitea proposatzen da:
-Lan unitate bakoitza hastean, motibatzeko moduko sarrera egitea, ikasleen arreta erakartzeko, landuko diren gaien gainean.
-Gero, kontzeptu teorikoak bereganatu ondoren, kasu praktikoak eta banku bulego eta enpresen errealitatera ahalik eta gehien hurbiltzen diren jarduerak egitea.
-Gelan, ahal den neurrian, ikasleek banku bulegoetan jasoko dituzten dokumentu errealak erabili beharko lirateke; horrela, lanaren zati bat gelatik kanpo eginen litzateke.
-Taldeko bisitak egin beharko lirateke finantza entitateetara eta, behintzat, enpresa batera.
-Taldeko lanak egiten ahalko lirateke, bai eta lan horiek eskolan aurkeztu ere, gainerako ikaskideen aurrean.
-Jarraian, prentsako albisteez eta une horretan ikasten ari diren gairen baten gaineko aldizkari espezializatuez hitz egin beharko litzateke. Artikuluak irakasleak zein ikasleek eman beharko lituzkete.
Azaldutako jarduera orokorrez gain, edukien multzoetako ikaskuntza emaitzak lortzeko, komeniko litzateke, halaber, horietako bakoitzaren jarduerarik berariazkoenak egitea:
I. multzoa:
-Honako Web orriak bisitatu beharko lirateke: Espainiako Bankukoa, beste banku eta aurrezki kutxa batzuetakoak.
-Egunkariko eta honako gai hauei buruzko aldizkari espezializatuetako egungo artikuluez hitz egin beharko litzateke: interes tasak, inflazioa, gordailuen berme funtsa, bankuen eta aurrezki kutxen fusioak, besteak beste.
II. multzoa:
-Berrikuspen txikia egin beharko litzateke, bai eta matematikako kalkulu ariketaren bat ere, finantza ariketarekin berarekin hasi aurretik.
-Gainera, kontuan hartu beharko litzateke finantza kalkuluko ariketa asko egin behar direla, nahiz eta errepikakorrak direla iruditu, oinarri egokia izan dezaten, kalkulu horiek aplikatzeko banku eragiketak egin aurretik.
III. multzoa: Taldeko lana egin beharko litzateke, eta honako hau izan liteke:
Lan plangintza:
-Ikasleak hiruko taldeetan bereiztea.
-Hiru banku entitate bisitatzea (horietako bat, behintzat, aurrezki kutxa izatea), bertara joanda edo modu birtualean, eta une horretan eskaintzen dituzten eta eskolan ikasitakoekin lotura duten finantza produktuei buruzko informazioa eskatzea. Gainera, publizitate liburuxkak jasoko dituzte.
Egin beharreko lana:
-Eskaini dizkieten produktuetatik, hiru aukeratuko dituzte, eta lan bat eginen dute; bertan, produktu horien ezaugarri guztiak azalduko dituzte.
-Halaber, txosten txikia egin beharko dute, bisitatutako banku entitate bakoitzean jasotako tratuari buruz.
-Lan horiek dosierrean entregatu beharko litzaizkioke irakasleari eta, gainera, gainerako ikaskideei azaldu beharko litzaizkieke.
IV. multzoa:
-Komeniko litzateke enpresa baten diruzaintzako kudeaketarekin lotutako libururik erabilienek ematen duten informazioa interpretatzea, horien eredu bateraturik ez dagoela eta programa informatikoen bidez ordezkatzen ari direla jakinik.
-Bisita bat egin liteke sektoreko enpresa batera; bertan, ikasleak aukera izateko diruzaintzako kudeaketaren gainean egiten den eguneroko lana eta enpresaren funtzionamendurako eta iraupenerako garrantzia egiaztatzeko.
Azkenik, kontuan hartu behar da, batzuetan, modulu honen eduki batzuk lotuta daudela, zati batean, jarraian adierazitako moduluetako edukiekin. Beraz, irakasleen artean koordinazioa egon behar da; batzuetan, bikoizketak saihesteko eta, beste batzuetan, aldi berean ematen saiatzeko, gai bera aztertzen jardunez gero, baina bi ikuspuntutik. Hori da eduki osagarrien edo oinarrizko edukien kasua, beste modulu batzuetan aurreikusitako ikaskuntza emaitzak lortzeko.
Zehatz esateko, modulu honek loturaren bat du honako hauekin:
-Salerosketako administrazio eragiketak, kobrantza eta ordainketako bitartekoei dagokienez; izan ere, eduki hau bi moduluetan dago.
-Modulu honetan ikasitakoren aplikazioari buruzko informazioaren tratamendu informatikoa, lan dosierra aurkezterakoan, eta aplikazio informatikoena, banku dokumentuak eta diruzaintzako kudeaketako dokumentuak egitean.
-Kontabilitateko dokumentazioaren tratamendua. Bertan, modulu honetan sortutako zenbait dokumentu kontabilizatzen dira.
Lanbide modulua: Informazioaren tratamendu informatikoa II
Kodea: 0440.
Iraupena: 110 ordu.
Ikaskuntzaren emaitzak eta ebaluazio irizpideak.
1. Posta eta agenda elektronikoa kudeatzen ditu; horretarako, aplikazio berariazkoak erabiltzen ditu.
Ebaluazio irizpideak:
a) Posta elektronikoa osatzen duten elementuak deskribatu dira.
b) Posta eta agenda elektronikoa kudeatzeko oinarrizko beharrak aztertu dira.
c) Posta elektronikoko zenbait kontu mota konfiguratu dira.
d) Ekipamendu informatikoaren agendak konektatu eta sinkronizatu dira, gailu mugikorrez.
e) Helbide liburuak erabili dira.
f) Posta elektronikoa kudeatzeko aukera guztiekin lan egin da (etiketak, iragazkiak, karpetak eta bestelakoak).
g) Agenda elektronikoaren aukerak erabili dira.
2. Irudi digitalak eta bideo sekuentziak integratzen ditu enpresako dokumentuetan; horretarako, ereduzko aplikazioak eta periferikoak erabiltzen ditu.
Ebaluazio irizpideak:
a) Irudi formatuak aztertu dira.
b) Irudiak eskuratu dira, periferikoen bidez.
c) Hainbat bereizmenetako irudiekin lan egin da, helburuaren arabera.
d) Irudiak inportatu eta esportatu dira, zenbait formatutan.
e) Bideo sekuentzia osatzen duten elementuak ezagutu dira.
f) Formatu eta "codec" mota erabilienak aztertu dira.
g) Bideo sekuentziak inportatu eta esportatu dira.
h) Bideo sekuentziak grabatu dira, baliabide egokien bidez.
i) Irudiak eta bideoa tratatzeko oinarrizko gidak egin dira.
3. Multimedia aurkezpenak egiten ditu; horretarako, aplikazio berariazkoak erabiltzen ditu.
Ebaluazio irizpideak:
a) Aurkezpenen aplikazioen oinarrizko aukerak identifikatu dira.
b) Aurkezpen batekin lotutako ikuspegi motak ezagutu dira.
c) Tipografiak eta konposatzeko, diseinatzeko eta kolorea erabiltzeko oinarrizko arauak aplikatu eta ezagutu dira.
d) Aurkezpen txantiloiak diseinatu dira.
e) Aurkezpenak sortu dira.
f) Periferikoak erabili dira, aurkezpenak gauzatzeko.
4. Datuak manipulatzeko eragiketak egiten ditu ofimatikako ereduzko datu baseetan.
Ebaluazio irizpideak:
a) Datu base erlazionalen elementuak identifikatu dira.
b) Ofimatikako datu baseak sortu dira.
c) Datu basearen taulak erabili dira (erregistroak sartu, aldatu eta ezabatzea).
d) Kontsultak egitean, morroiak erabili dira.
e) Inprimakiak egitean, morroiak erabili dira.
f) Txostenak egitean, morroiak erabili dira.
g) Bildutako informazioari buruzko bilaketa eta iragazpena egin da.
Edukiak.
Posta eta agenda elektronikoa kudeatzea:
-Posta elektronikoko kontu motak.
-Lan ingurunea: konfigurazioa eta pertsonalizazioa.
-Txantiloi eta sinadura korporatiboak.
-Albisteen foroak ("news"), mezuak konfiguratu, erabili eta sinkronizatzea.
-Helbide liburua: inportatu, esportatu, harremanak gehitu, banaketa zerrendak sortu, zerrenda beste aplikazio ofimatiko batzuen eskuetan jarri.
-Postak kudeatzea: bidali, ezabatu, gorde, segurtasun kopiak, besteak beste.
-Agenda kudeatzea: hitzorduak, egutegia, oharrak, zereginak, besteak beste.
-Gailu mugikorrez sinkronizatzea.
-Erabiltzaileentzako laguntza teknikak.
Dokumentuetan irudiak eta bideoak sartzea:
-Irudiak prestatzea:
Irudien formatuak eta bereizmena.
Hautaketak, maskarak eta edukierak manipulatzea.
Argazki ukituak, irudi eta koloreen oinarrizko parekatzeak erabiltzea.
Iragazki eta efektu bakunak aplikatzea.
Irudiak inportatu eta esportatzea.
Irudiak lortzeko gailuak erabiltzea.
-Bideoak manipulatzea:
Bideo formatuak. Codec-ak.
Denbora linea manipulatzea.
Eszenak eta trantsizioak hautatzea.
Tituluak eta audioa sartzea.
Bideoak inportatu eta esportatzea.
Aurkezpenak egitea:
-Diapositibak diseinatu eta editatzea.
-Diapositibak, testuak eta objektuak formateatzea.
-Animazio efektuak eta trantsizio efektuak aplikatzea.
-Soinu eta bideoa aplikatzea.
-Aurkezpenak inportatu eta esportatzea.
-Txantiloiak eta morroiak erabiltzea. Diapositiba patroiak.
-Makroak diseinatu eta sortzea, agindu arruntak gauzatzeko oinarrizkoak.
-Jendearentzako aurkezpena: proiektagailu bati konektatzea eta konfiguratzea.
Ofimatikako datu baseak erabiltzea:
-Datu base erlazionalen elementuak.
-Datu baseak sortzea.
-Morroiak erabiltzea.
-Informazioa bilatu eta iragaztea.
-Makroak diseinatu eta sortzea, agindu sinpleak gauzatzeko oinarrizkoak.
Orientabide didaktikoak.
Modulu hau lehenengo mailan egindakoaren jarraipena da; horrela, ikasleek enpresan informazioa tratatzeko behar dituzten ezagutzak osatzen ditu, aplikazio informatikoak erabiliz. Hori dela eta, modulu honen orientazio pedagogikoak aurretik aipatutako berak dira eta jarraian adierazitako xehetasunak baino ez dira gehitzen.
Ikaskuntza prozesuaren bidez barneratutako ezagutzek ekarriko dute aurre egin ahal izatea ikasturte honetan ikasiko diren aplikazioei; horiek, datu baseen manipulazioaren kasuan, ezagutzaren eta erabileraren gaineko ahalegin handiagoa eskatzen dute.
Modulu honetan aurreikusitako gainerako edukiak direla-eta esan liteke "arinagoak" direla eta emaitzak agerikoagoak direla. Neurri batean, ikusgarriagoak direla esan liteke (irudia, bideoa, aurkezpenak) edo, bestela, esan liteke pertsona horiek ohitura dutela, dagoeneko, horiek erabiltzeko (posta elektronikoa, agenda elektronikoa).
Ikasleei gogorarazi beharko zaie, behin eta berriz, lanean jarrera higienea mantentzea komeni dela, ukipenaren bidezko idazketa sistemari dagokionez, erabiltzen dituzten aplikazio informatiko guztietan, bai eta kalitate irizpideei eta datuak transkribatzeko arintasunari dagokienez ere, lana eskatutako moduan eta epean egiteko oinarrizko elementu gisa.
Gainera, nabarmendu beharra dago enpresaren irudian ikus-entzunezko alderdiek duten garrantzia, eta, beraz, baita aurkezpen multimediei buruzkoek ere, bai enpresarena berarena bai enpresak hornitutako produktu edo zerbitzuena.
Modulu honek bigarren mailan ematen diren guztiekin duen lotura nabarmena da; izan ere, ikasleek lehen mailan bereganatutako ezagutzen basea dutela kontuan hartuta, errazagoa da erreminta informatikoak erabiltzea horietako bakoitza garatzean: testu prozesadorea guztietan; kalkulu orria Diruzaintzako eragiketa osagarrietan; eta sistema eragilea, berezko programa erabiltzen duten guztietan, besteak beste Kontabilitateko dokumentazioaren tratamendua moduluan.
Aplikazio guztien integrazioa Enpresa ikasgelan moduluan tratatuko da, eta horiek erabiltzen jakiteak lanbide etorkizunaren administrazio eginkizuna orokorrean ulertzen lagunduko du.
Azkenik, heziketa ziklo honetako ikasleak gelan ordenagailua eduki dezan nahi da. Halaber komeniko litzateke gelan bi irakasle egotea, baldin eta moduluko edukiek hala eskatzen badute; horrela, behar bezala eginen zaie aurre ordenagailuaren erabileraren gainean egon daitezkeen zalantza eta zailtasunei.
Lanbide modulua: Diruzaintza kudeaketako eragiketa osagarriak II
Kodea: 0448.
Iraupena: 70 ordu.
Ikaskuntzaren emaitzak eta ebaluazio irizpideak.
1. Oinarrizko finantza kalkuluak egiten ditu; horretarako, kapitalizazio konposatuari dagozkion finantza legeak identifikatu eta aplikatzen ditu.
Ebaluazio irizpideak:
a) Kapitalizazio konposatuari eta eguneratze konposatuari dagozkion finantza legeen artean bereizi da.
b) Finantza erreminten interes konposatua kalkulatu da.
c) Finantza erreminta batzuen deskontu konposatua kalkulatu da.
d) Denborak eta interes tasek eragiketa mota honetan dituzten ondorioak deskribatu dira.
e) Zenbait kapitalen bi multzo erkatu dira interes konposatuan.
f) Kapitalen bi multzoren arteko baliokidetasuna edo baliokidetasunik eza kalkulatu da, interes konposatuan.
g) Ehuneko nominalaren eta interes efektiboaren edo urteko tasa baliokidearen kontzeptuak bereizi dira.
h) Bankuko finantza bitartekariek eskaintzen dituzten oinarrizko zerbitzuak identifikatu dira, bai eta kontratatzeko beharrezko dokumentuak ere.
i) Aldi baterako errentaren eta errenta epegabearen artean bereizi da.
j) Errenta baten kalkuluan dauden elementuak identifikatu dira.
k) Errenta bateko elementuak kalkulatu dira.
2. Oinarrizko banku eragiketak egiten ditu kapitalizazio konposatuan, eta, horretarako, lotutako dokumentazioa interpretatzen du.
Ebaluazio irizpideak:
a) Mailegu eragiketetan esku hartzen duten aldagaiak identifikatu dira.
b) Maileguaren kuota osatzen duten kontzeptuak erlazionatu dira.
c) Maileguen amortizazio sistemaren ezaugarriak deskribatu dira, ohikoenak diren metodoen bidez.
d) Maileguen amortizazio koadro arrunta kalkulatu da, ohikoenak diren metodoen bidez.
e) Banku finantza eragiketak kapitalizazio konposatuarekin erlazionatu dira.
f) Banku sistema eragilearen erreminta informatiko berariazkoak erabili dira.
3. Burtsa merkatua elementu garrantzitsutzat ebaluatzen du kapitalak ezartzean eta enpresa jarduera finantzatzeko baliabideak lortzean, burtsan egiten diren eragiketarik ohikoenetako batzuk ezagutuz.
Ebaluazio irizpideak:
a) Errenta finkoko eta errenta aldakorreko tituluak bereizi dira.
b) Baloreen Merkatuari buruzko Legearen oinarrizko ezaugarriak identifikatu dira.
c) Burtsak ekonomian duen garrantzia baloratu da.
d) IBEX 35aren oinarrizko elementuak bereizi dira.
e) Balio nominalaren eta balio efektiboaren artean bereizi da.
f) Burtsako eragiketa baten salerosketaren zenbatekoa kalkulatu da.
g) Inbertsioaren errentagarritasuna kalkulatu da.
h) Interneten orri egokiak erabili dira.
4. Oinarrizko aseguruen produktu eta zerbitzuak aztertzen ditu; horretarako, bere ezaugarriak eta aplikatzeko dituen aukerak erlazionatzen ditu.
Ebaluazio irizpideak:
a) Aseguru baten abantailak eta eragozpenak aztertu dira, arrisku egoerak egonez gero.
b) Enpresaren aseguru motak eta aseguru kontratua osatzen duten elementuak sailkatu dira.
c) Aseguru motak bereizi dira.
d) Aplikatu beharreko koefizienteak identifikatu dira, sektore zehatz batean aseguru prima bat kalkulatzeko.
e) Sektore zehatz bateko aseguru prima baten zenbatekoa kalkulatu da.
f) Ezbehar jakin bat gertatuz gero, kobratu beharreko kalte ordaina kalkulatu da.
g) Interneten orri egokiak erabili dira.
Edukiak.
Oinarrizko finantza kalkuluak:
-Kapitalizazio konposatua.
-Eguneratze konposatua. Merkataritzako edo bankuko deskontua.
-Interes tasa efektiboa edo urteko tasa baliokidea. Ehuneko hainbeste baliokideak kapitalizazio konposatuan.
-Finantza baliokidetasuna kapitalizazio konposatuan.
-Kapitalizazio bakunaren eta konposatuaren arteko desberdintasunak.
-Berehalako errenta konstanteak.
Oinarrizko banku eragiketak:
-Kapitalizazio konposatuko banku eragiketak. Maileguak.
-Banku eragiketa konposatuekin lotutako dokumentazioa.
-Maileguen amortizazioa, sistema frantsesaren bidez, bai eta kuota konstanteena ere.
-Banku eragileen aplikazio informatikoak.
-Beste online banku zerbitzu batzuk.
Burtsako produktuak:
-Errenta finkoa eta errenta aldakorra.
-Baloreen merkatua: merkataritzako burtsa.
-Burtsako indizeak: IBEX 35.
-Burtsako eragiketak.
-Laguntza informatikoa (Internet).
Aseguruen produktu eta zerbitzuak:
-Aseguru kontratua.
-Gauzen aseguruak.
-Pertsonen aseguruak.
-Laguntza informatikoa (Internet).
Orientabide didaktikoak.
Ordu kopuru handia eta zailtasuna kontuan hartuta, modulu hau bi zatitan banatu da, heziketa zikloaren bi ikasturteetan edukien sekuentziazioa gomendatzen duten kontu pedagogikoengatik.
Edukiak bereizteko jarraitutako irizpideen oinarrian honako hau dago: horien zailtasun maila eta aurretik ikaskuntza maila lortzeko beharra, beste batzuk lortzeko, bai eta edukiak elkarbanatzeko tenporalizazio egokia ere, moduluaren beraren gaitasunak zein zikloko beste modulu batzuekin duen lotura kontuan hartuta.
Lanbide modulu honek diruzaintzako kudeaketa prozeduran ezarritako zenbait administrazio eragiketa egiteko eginkizuna betetzeko beharrezko prestakuntza du; hori beharrezkoa da enpresaren administrazio eta finantza kudeaketa egokia egiteko.
Diruzaintzako kudeaketako administrazio eragiketak egiteko eginkizunak honako hauek hartzen ditu barne:
-Kutxa eta bankua kontrolatzea.
-Kobrantza eta ordainketen dokumentuak identifikatzea.
-Finantza bitartekariak identifikatzea.
-Finantza erremintak bereiztea.
-Oinarrizko finantza kalkuluak zehaztea.
-Diruzaintzako kudeaketan erreminta informatikoak aplikatzea.
Modulu honen ezaugarririk garrantzitsuena da espezializazio maila garrantzitsua ematen duela, eraginkortasunez jarduteko finantza eta aseguruen sektorean; horrela, ikasleak gai egiten ditu, eskainitako produktu eta zerbitzuei buruzko informazioa eta aholkuak emateko bi sektore horietan.
Modulu teoriko-praktikoa da; izan ere, gelan, enpresen eguneroko finantza eta ekonomia errealitatean sakontzeko kontzeptu teoriko baliagarriak aztertzen dira. Praktika ikasleek egiten dituzten lanen ondoriozkoa da; horretarako, diruzaintzako kudeaketako lanak egiteko banku bulegoak eta aseguru bulegoak bisitatzen dituzte.
Modulu honetan, ikaskuntza emaitzak lortu ahal izateko erabiltzea gomendatzen diren baliabideak honako hauek izan daitezke: testu liburuaz gain, irakasleek egokitzat jotzen badute ikasleek horietaz baliatzea, gelan egonen diren beste liburu batzuk, horiek kontsultatu eta landutako gaiak sakonago aztertu ahal izateko. Gainera, jarraian adierazitako baliabide didaktikoak izan beharko lirateke:
-Finantza kalkulagailua.
-Erreminta informatikoak: ordenagailuak, programak, inprimagailuak, proiektagailua, pantaila eta Internet, Web orriak kontsultatzeko (bankuak, aseguru konpainiak, IBEX 35, besteak beste).
-Finantza entitate baten eta aseguru entitate baten hitzaldia.
-Online bankua.
-Egunkariak eta aldizkari espezializatuak.
-Inprimakiak.
Edukien sekuentziazioa dela eta, irakasleen irakaskuntza zeregina errazteko, uste da komeni dela moduluko edukietan dagoen ordena berari eustea, alegia:
-I. multzoa: Oinarrizko finantza kalkuluak.
-II. multzoa: Oinarrizko banku eragiketak.
-III. multzoa: Burtsako produktuak.
-IV. multzoa: Aseguruen produktu eta zerbitzuak.
Jarraitu beharreko metodologiaren eta lan unitate gehienetarako balioko luketen jarduera orokorren ikuspuntutik, honako jarduketa hauek egitea proposatzen da:
-Lan unitate bakoitza hastean, motibatzeko moduko sarrera egitea, ikasleen arreta erakartzeko, landuko diren gaien gainean.
-Gero, kontzeptu teorikoak bereganatu ondoren, kasu praktikoak eta banku bulego eta aseguru bulegoen errealitatera ahalik eta gehien hurbiltzen diren jarduerak egitea.
-Gelan, ahal den neurrian, ikasleek banku bulegoetan eta aseguru bulegoetan jasoko dituzten dokumentu errealak erabili beharko lirateke; horrela, lanaren zati bat gelatik kanpo eginen litzateke.
-Taldeko bisitak egin beharko lirateke finantza eta aseguru entitateetara.
-Taldeko lanak egiten ahalko lirateke, bai eta lan horiek eskolan aurkeztu ere, gainerako ikaskideen aurrean.
-Jarraian, prentsako albisteez eta une horretan ikasten ari diren gairen baten gaineko aldizkari espezializatuez hitz egin beharko litzateke. Artikuluak irakasleak zein ikasleek eman beharko lituzkete.
Azaldutako jarduera orokorrez gain, edukien multzoetako ikaskuntza emaitzak lortzeko, komeniko litzateke, halaber, horietako bakoitzaren jarduerarik berariazkoenak egitea:
I. multzoa: Ikasturte honi dagozkion finantza kalkuluekin hasi aurretik, komeniko litzateke lehenengo mailako moduluan ikasitako finantza kalkuluak birpasatzeko ariketaren bat egitea. Gainera, kontuan hartu beharko litzateke finantza kalkuluko ariketa asko egin behar direla, nahiz eta errepikakorrak direla iruditu, oinarri egokia izan dezaten, kalkulu horiek aplikatzeko banku eragiketak egin aurretik.
II. multzoa: Taldeko lana egin beharko litzateke, eta honako hau izan liteke:
-Lan plangintza: ikasleak hiruko taldeetan banatzea eta talde bakoitzak banku entitate bat bisitatzea eta, bertan, entitate horrek une horretan eskaintzen dituen eta publizitate liburuxketan jasoko dituzten mailegu motei buruzko informazioa eskatzea.
-Egin beharreko lana: lana dosierrean eginen dute, eta, gero, hori irakasleari eman eta gainerako ikaskideei aurkeztuko diete. Bertan, jaso duten informazioa zein mailegurena den, horren ezaugarriak azalduko dituzte. Aurkezpenaren ondoren, eztabaida egin liteke, mailegu mota bera eskatzean banku entitateek jartzen dituzten baldintzak erkatzeko eta erabakitzeko zein komeni den aukeratzea.
III. multzoa: burtsa joko baten simulazioa izanen litzatekeen lana egin beharko litzateke.
-Lan plangintza: bi partaidek osatutako taldeak egitea, talde bakoitzak broker zenbakia izanen duela, eta kapital erabilgarria abiapuntu hartuta, akzioak salerosteko eragiketa batzuk egitea, IBEX 35aren prezioak kontuan hartuta. Inbertitu ez den dirua (likidezia) kontu korrontean egonen da.
-Egin beharreko lana: dosierra aurkeztuko dute, zenbait dokumenturekin (balioen egoera orria, kontrol fitxak, saldoen fitxak, azken eragiketaren egunean likidatutako kontu korrontea), eta, azkenik, inbertsioaren errentagarritasuna kalkulatu eta simulazioaren txostena eginen dute.
IV. multzoa: Taldeko lana egin beharko litzateke, eta honako hau izan liteke:
-Lan plangintza: ikasleak hiruko taldeetan banatzea eta talde bakoitzak aseguru konpainia bat bisitatzea eta informazioa eskatzea pertsonen aseguru bati eta kalteen aseguru bati buruz. Publizitate liburuxkak jasoko dituzte.
-Egin beharreko lana: lana dosierrean eginen dute, eta, gero, hori irakasleari eman eta gainerako ikaskideei aurkeztuko diete. Bertan, pertsonen aseguruaren eta kalteen aseguruaren ezaugarri guztiak azalduko dituzte, informazioa jaso dutenen artean.
Azkenik, kontuan hartu behar da, zenbaitetan, modulu batzuetan, antzeko edukiak daudela. Beraz, modulu hori ematen duten irakasleen artean koordinazioa egon behar da; batzuetan, bikoizketak saihesteko eta, beste batzuetan, aldi berean ematen saiatzeko, gai bera aztertzen jardunez gero, baina bi ikuspuntutik. Horiek dira eduki osagarriak edo oinarrizko edukiak, beste modulu batzuetan aurreikusitako ikaskuntza emaitzak lortzeko.
Zehatz esateko, modulu honek loturaren bat du honako hauekin:
-Diruzaintza kudeaketako eragiketa osagarriak I, horren jarraipena delako.
-Salerosketako administrazio eragiketak, komisio eta artesarien kalkuluei dagokienez.
-Informazioaren tratamendu informatikoa, lanen dosierra egitean lortutako trebetasunak erabiltzean eta maileguetan "kalkulu orria" erabiltzean.
-Kontabilitateko dokumentazioaren tratamendua, kontabilitateko interpretazioa eragiten duten dokumentuak sortzean.
-Enpresa ikasgelan, finantza arloarekin lotutako dokumentuak prestatzean.
Lanbide modulua: Enpresa eta Administrazioa
Kodea: 0439.
Iraupena: 90 ordu.
Ikaskuntzaren emaitzak eta ebaluazio irizpideak.
1. Enpresa berrikuntzari atxikitako ezaugarriak deskribatzen ditu, eta enpresak sortzeko jarduerarekin lotzen ditu.
Ebaluazio irizpideak:
a) Enpresa berrikuntzaren aukerak aztertu dira (teknikak, materialak, barne eta kanpo antolamendukoak, etab.), eta garapen ekonomikoaren eta enplegu sorreraren iturri gisa erlazionatu.
b) Berrikuntzak eta ekimenak enpresa lehiakortasunerako dituzten ondorioak deskribatu dira.
c) Enpresa berrikuntzako esperientziak erkatu eta dokumentatu dira; horretarako, horietako bakoitzean hartutako arrisku faktoreak deskribatu eta baloratu dira, eta garrantzi berezia eman zaie gure erkidegoan izan direnei.
d) Oinarri teknologikoko enpresen ezaugarriak zehaztu dira, eta horiek ekonomia sektoreekin erlazionatu dira.
e) Dagoeneko badauden enpresa zein erakundeei aplika dakizkiekeen zenbait ekimen berritzaile banan-banan aipatu dira, horiek hobetzeko.
f) Zenbait enpresa nazioarteko bihurtzeko aukerak aztertu dira, horien faktore berritzaile gisa.
g) Laguntza eta erremintak bilatu dira, publiko eta pribatuak, berrikuntzarako, enpresak sortu eta nazioarteko bihurtzeko, bai Estatuan bai Nafarroan, egituraren aldetik txosten batean lotuz.
2. Enpresa eta enpresaburu kontzeptua identifikatzen du; horretarako, forma juridikoa eta bete beharreko araudia aztertzen ditu.
Ebaluazio irizpideak:
a) Enpresa kontzeptua definitu da.
b) Nortasun fisikoaren eta juridikoaren artean bereizi da.
c) Enpresa bereizi da, legezko eraketaren arabera.
d) Enpresaburu autonomoaren ezaugarriak ezagutu dira.
e) Gizarte moten ezaugarriak zehaztu dira.
f) Enpresa mota bakoitzerako forma juridikorik egokiena identifikatu da.
3. Espainiako zerga sistema aztertzen du, eta, horretarako, oinarrizko helburuak ezagutzen ditu, bai eta zerga nagusienak ere, Nafarroako zerga sistemaren ezaugarriak aztertuz.
Ebaluazio irizpideak:
a) Estatuko eta Nafarroako aurrekontu orokorretako izakinak identifikatu dira; horretarako, sarrera eta gastu publikoetako osagai nagusiak bereizi dira.
b) Zerga betebeharra helburu sozioekonomikoarekin lotu da.
c) Zerga arauen hierarkia ezagutu da; horretarako, Nafarroako foru eraentza aztertu da.
d) Zerga motak identifikatu dira; horretarako, Nafarroako Foru Ogasunaren berezko ereduak erabili dira.
e) Bere ezaugarri nagusiak baztertu dira.
f) Zerga zuzenen eta zeharkako zergen artean bereizi da.
g) Aitorpen/likidazioaren elementuak identifikatu dira.
h) Zerga zorrak iraungitzeko moduak ezagutu dira.
4. Enpresaren zerga betebeharrak identifikatzen ditu; horretarako, beren gain dituzten zergak bereizten ditu, eta nabarmendu egiten ditu, modu berezian, Nafarroako zerga sistemaren berezko ezaugarriak.
Ebaluazio irizpideak:
a) Enpresaren zerga betebeharrak zehaztu dira.
b) Zentsuan alta emateko beharra zehaztu da.
c) Jarduera ekonomikoen gaineko zerga ordaindu behar duten enpresak ezagutu dira.
d) Balio erantsiaren gaineko zergaren ezaugarri nagusiak ezagutu dira, bai eta bere araubideak eta Nafarroan kontuan hartu behar diren ezaugarriak ere.
e) Nafarroan BEZaren aitorpen ereduak interpretatu dira; horretarako, aitorpen-likidazio epeak ezagutu dira.
f) Pertsona fisikoen errentaren gaineko zergaren izaera eta aplikazio eremua ezagutu dira.
g) Nafarroan PFEZren likidazio ereduak bete dira; horretarako, aitorpen-likidazio epeak ezagutu dira.
h) Sozietateen gaineko zergaren izaera eta elementuak identifikatu dira.
5. Administrazio publikoaren egitura funtzionala eta juridikoa identifikatzen ditu; horretarako, osatzen duten erakunde eta pertsonak ezagutzen ditu.
Ebaluazio irizpideak:
a) Zuzenbide estatu sozial eta demokratikoaren eta botere banaketaren gainean hausnartu da.
b) Administrazio publikoen esparru juridikoa identifikatu da.
c) Administrazio publikoak osatzen dituzten erakundeak ezagutu dira, eta arreta handia jarri da Nafarroako Foru Komunitatearen berezko erakundeetan.
d) Administrazio publikoen arteko harremanak interpretatu dira.
e) Administrazio publikoen informazioak lortu dira, horiek eskuratzeko bideetatik, eta horiek txosten batean zerrendatu dira.
f) Lan harreman motak zehaztu dira administrazio publikoaren barruan; horretarako, Nafarroako Administrazio Publikoen zerbitzuko Langileen Estatutuaren Testu Bategina aztertu da.
g) Enplegu publikoaren eskaintzarekin lotutako informazio iturriak erabili dira, horri buruzko datu garrantzitsuak biltzeko; horretarako, arreta berezia jarri da Nafarroako Foru Komunitatearen berezko informazio iturrietan.
6. Administratu eta administrazioaren arteko harreman motak deskribatzen ditu, bai eta bere ezaugarriak ere; horretarako, ondoriozko dokumentazioa osatzen du.
Ebaluazio irizpideak:
a) Administrazio egintzaren kontzeptua definitu da.
b) Administrazio egintzak sailkatu dira.
c) Administrazio prozesua zehaztu da, bai eta horren motak, faseak eta isiltasun motak ere.
d) Administrazio errekurtsoaren kontzeptua definitu eta motak bereizi dira.
e) Errekurritzen ahal diren eta ezin diren egintzak identifikatu dira.
f) Administrazio errekurtsoaren motak bereizi dira.
g) Administrazio errekurtsoa jartzeko baldintzak egiaztatu dira.
h) Administrazio kontratu motak zehaztu dira.
7. Informazioa eskuratzeko eta administrazio publikoetan dokumentuak aurkezteko kudeaketak egiten ditu; horretarako, erregistro publikoko motak identifikatzen ditu.
Ebaluazio irizpideak:
a) Administrazioari dokumentuak aurkezteko arauak aztertu dira.
b) Artxibo publikoen eginkizunak ezagutu dira; horretarako, estatuan eta Nafarroaren barruan duen kokalekua identifikatu da.
c) Informazio zehatza eskatu da erregistro publiko batean.
d) Herritarrek informazioa jasotzeko, horiei arreta emateko eta horiek parte hartzeko eskubidea ezagutu da.
e) Herritarrei informazioa eta arreta emateko bulegoetara jo da, honako bide hauetatik: Web orria, leihatila bakarrak eta telefono bidezko arreta. Hori guztia, informazio garrantzitsua lortzeko eta eredu txosten batean zerrendatzeko.
f) Administrazio publikoek administratuen gainean beren eskuetan dituzten datuekin lotutako informazioari buruzko eskubidearen mugak identifikatu eta zehaztu dira.
Edukiak.
Enpresa berrikuntzaren ezaugarriak:
-Prozesu berritzailea enpresa jardueran:
Arrisku faktoreak enpresa berrikuntzan.
Jarrera ekintzaileen diagnostikoa.
-Ekimen ekintzailearen eta berrikuntzaren arrisku profila.
-Teknologia, enpresa berrikuntzaren gako gisa.
-Enpresen nazioartekotzea, garapen eta berrikuntzaren aukera gisa.
-Enpresa berrikuntzarako laguntzak eta erremintak.
Erakunde publiko eta pribatuen laguntza (aholkularitza, ideien finantziazioa, sariak, besteak beste) Estatuan eta Nafarroako Foru Komunitatean.
Enpresa eta enpresaburuaren kontzeptu juridikoa:
-Enpresa kontzeptua.
-Enpresaburu kontzeptua.
-Pertsona fisikoa.
-Pertsona juridikoa.
-Banakako enpresak.
-Enpresaburu autonomoa.
-Sozietate motak.
Zerga sistema. Nafarroako Zerga Araubidea:
-Estatuko eta Nafarroako aurrekontu orokorrak.
-Aurrekontuen zikloa.
-Gastu eta sarrera publikoa.
-Zerga kontzeptua.
-Zergak eta helburu sozioekonomikoa.
-Zerga arau eta motak.
-Zerga motak.
-Aitorpen-likidazioaren elementuak.
-Zerga zorra iraungitzeko moduak.
-Zerga arloko arau-hauste eta zehapenak.
Enpresaren zerga betebeharrak. Nafarroako Zerga Araubidea:
-Jarduera ekonomikoen indizea.
-Zentsuko aitorpena. Alta jarduera ekonomikoen gaineko zentsuan.
-BEZa. Motak. Araubideak.
-PFEZren izaera eta aplikazio eremua.
-Enpresa eta lanbide jarduerak.
-Errentak balioztatzeko moduak.
-PFEZren atxikipenak.
-Aitorpen-likidazioaren eredu eta epeak.
-Sozietateen gaineko zergaren izaera eta elementuak.
Administrazio publikoaren egitura funtzionala eta juridikoa:
-Zuzenbide estatu sozial eta demokratikoa. Botere banaketa.
-Zuzenbidea.
-Zuzenbidearen iturriak.
-Arauak: hierarkia eta argitalpena.
-Administrazio Zentraleko organoak.
-Autonomia Erkidegoko erakundeak.
-Toki administrazioa.
-Funtzionario publikoak. Nafarroako Administrazio Publikoen zerbitzuko Langileen Estatutua.
-Fede emaile publikoak.
-Europar Batasuna.
Administratu eta administrazio publikoaren arteko harremanak:
-Administrazio egintza.
-Administrazio prozedura. Faseak.
-Administrazio isiltasuna.
-Administrazio errekurtsoak.
-Administrazioarekiko auzien jurisdikzioa.
-Administrazio kontratuak: obra, hornikuntza eta zerbitzuetako kontratua.
Administrazio publikoaren aurrean dokumentazioa kudeatzea:
-Dokumentuak administrazioan.
-Artxibo publikoak.
-Erregistro publikoak.
-Herritarrek informazioa jasotzeko, horiei arreta emateko eta horiek parte hartzeko eskubidea.
-Informazioa jasotzeko eskubidea.
Orientabide didaktikoak.
Lanbide modulu honek beharrezko informazioa du, enpresan egiten diren zereginei administrazio arloko laguntza emateko, zerga betebeharrei eta organismo publikoekiko harremanari dagokienez, batik bat.
Laguntzeko eginkizun hori enpresetan, merkataritza eta zerga dokumentazioei dagokienez, eta administrazioarekiko harremanetan garatzen diren lanbide jardueretan aplikatzen da, bai eta aholkularitza zerbitzuetako enpresetan -zerga, baimen eta tramiteen dokumentu kudeaketaren administrazio arloko laguntzari dagokionez- eta, jakina denez, administrazio publikoan bertan garatzen direnetan ere.
Modulu hori emateko orduan, interesgarria izanen litzateke honako hausnarketa hauek izatea gogoan:
Ikasleak prestatzeko lanbide zeregina da, aurretik zehaztu den bezalaxe, eremuetako administrazio arloko laguntza jarduerak egitea (zergakoa, administratiboa, lanekoa, kontabilitatekoa, etab.). Horrenbestez, moduluaren ikuspuntuak prozedurazkoa barik, kontzeptuzkoa izan beharko luke, alegia, ikasleak enpresa, berrikuntza, zerga, administrazio publiko eta horrekiko harremanekin -enpresa eta herritar gisa- ohitzeko ahalegina egitea; ez, ordea, eduki horien guztien alderdirik teorikoenean hainbeste sakontzea.
Gainera, modulu honen eduki gehienen izaera ikasleentzat aspergarria izaten da, bai konplexutasunagatik bai, zergen kasuan, hiztegiagatik, administrazio publikoan gertatzen den bezala.
Hori guztia dela eta, eta prozeduraren ikuspuntutik, ahalegina egin beharko da ikasleek eskolan egindako jardueren bidez ikas dezaten; horretarako, forma juridiko bakoitzaren abantaila eta eragozpenak ezagutuko dira, eta zerga eta administrazio dokumentazioa beteko da eta administrazio kontratuak bereiziko dira, administrazioaren kontratazio prozedura aztertuko da. Horretarako, Web orriek ematen diguten informazioa balia daiteke, Administrazio Zentrala, foru, udal, merkataritza ganbera, Europar Batasun eta abarren orriek emandakoa.
Lan unitate bakoitza aztertzen hasteko adieraz litezke ikasleek Web orri zehatz batzuetan aurki ditzaketen zenbait galdera. Hasieran, modu bideratuan egin beharko da; horretarako, informazioa eta orriak adierazi beharko dira, denborarekin, Internetek eskaintzen dien informazioa behar bezala erabiltzeko eta informazio batzuk beste batzuekin lotzeko asmoa izanik, benetan erabilgarri zaiena bereiziz.
Eskolaz kanpoko jarduerak egiteari dagokionez, interesgarritzat jotzen da gure erakundeetakoren bat bisitatzea, berentzat oso urrunekoa den errealitatera hurbiltzeko, besteak beste: udala, Nafarroako Parlamentua, Nafarroako Gobernua, Comptos Ganbera...
Prentsa lan erreminta egokia da, eta, horren bidez, irakurmena, ulermena, eztabaida, hausnarketa eta ahozko komunikazioa eta komunikazio idatzia landu daitezke, ikasturte osoan zehar moduluaren edukiak ematean egon daitekeen edozein gairi buruzkoak.
Gainera, ez litzateke une batean ere ahaztu beharko beste ideia, kultura, erakunde eta proiektu batzuekiko errespetu eta onarpeneko jarrerak sustatzea. Gure gizartearen eta, batik bat, enpresen dinamismoa aztertzeko ahaleginak egin behar dira; horri dagokionez, adi egon behar da, ikaskuntza berrietarako prest. Horrela, bada, aberastasun pertsonal eta profesionalerako aukeratzat hartu behar da.
Edukiak hiru multzo bereizitan antola daitezke:
-Enpresa eta berrikuntza.
-Zerga sistema.
-Administrazio publikoa.
Modulu honetan, sekuentziazioak, hasiera batean, ez luke garrantzi handiegirik izanen; izan ere, edukiak nahiko independenteak dira, beren artean, baina, Enpresa ikasgelan moduluko edukiak gogoan hartuta -bigarren mailan ere ematen da-, komeniko litzakete 2. multzoa ahalik eta lasterren ematea. Beste alde batetik, lehenengo multzoa sarrerakotzat har daiteke; adierazitako ordena egokitzat jo liteke.
Modulu honek Administrazio Kudeaketako teknikariaren tituluaren curriculuma osatzen duten gainerakoekin duen harremana dela eta, bere edukietako batzuk Salerosketako administrazio eragiketak modulukoekin harremana dutela ikus daiteke, enpresa kontzeptuarekin lotutako gaietan. Hala ere uste da modulu honek eman beharreko ikuspuntua eduki horiei ekonomikoa eta juridikoa dela; ez, baina, kontabilitatekoa. BEZari eta zentsu aitorpenei dagokienez, modulu honek gehiago sakondu beharko du zergaren ezagutza orokorrean, horren kudeaketa eta betearazpenean hainbeste sakondu gabe; izan ere, ebaluazio irizpideetan adierazten den bezala, zergaren ezaugarri nagusiak ikusi eta aurkezpen eredu eta epeak interpretatu behar dira.
Era berean, positiboa litzateke koordinazio egokia egotea Informazioaren tratamendu informatikoa moduluarekin, eskatutako lanak aurkezteko, modulu honetan bereganatutako trebetasunen bidez.
Halaber, komenigarria izanen litzateke Enpresa ikasgelan modulua ematen duten irakasleen arteko koordinazioa; izan ere, bertan, enpresa batek egiten dituen eta administrazioarekin eta, beraz, modulu honen edukiekin lotura duten zenbait eragiketa tramitatzen dira.
Azkenik adierazi behar da komeni dela modulu hau Interneterako konexioa eta inprimagailua duten ordenagailuak dituen gela batean ematea; horrek erraztuko du eguneratutako informazioa bilatzea eta laguntza emanen die ikasleei, IKTekin trebatzeko. Hala ere, eta ordenagailuen erabilera nahitaezkoa ez den edukietarako, erabilera anitzeko gela bat ere izan daiteke.
Lanbide modulua: Enpresa ikasgelan
Kodea: 0446.
Iraupena: 130 ordu.
Ikaskuntzaren emaitzak eta ebaluazio irizpideak.
1. Gelan sortutako enpresaren proiektuaren ezaugarriak identifikatzen ditu; horretarako, horrek garatzen duen jardueran parte hartzen du.
Ebaluazio irizpideak:
a) Gelan sortutako enpresaren barne eta kanpo ezaugarriak identifikatu dira.
b) Sortutako enpresaren sare logistikoa osatzen duten elementuak identifikatu dira: hornitzaileak, bezeroak, produkzio sistemak eta/edo merkaturatzea, biltegiratzea eta beste batzuk.
c) Produkzio edo merkataritza prozesuko lan prozedurak identifikatu dira.
d) Merkatuaren ezaugarriak, bezero eta hornitzaile mota eta horiek enpresaren jardueraren garapenean izan dezaketen eragina lotu dira.
e) Enpresaren jarduera garapenean, administrazio lanpostuen balio aniztasuna baloratu da.
f) Ikasgelan sortutako enpresan sartu da; horretarako, sektorearekiko harremana deskribatu da, bai eta bere antolaketaren egitura eta departamentu bakoitzaren eginkizunak ere.
2. Informazioa ematen du arloen artean, bai eta ikasgelan sortutako enpresaren barne eta kanpo bezeroei ere; horrela, komunikazio teknikak ezagutu eta aplikatzen dira.
Ebaluazio irizpideak:
a) Enpresaren barne eta kanpo bezeroei emandako arreta eta aholkularitzan, modu eta teknika egokiak erabili dira.
b) Enpresaren barne eta kanpo bezeroei emandako arreta eta aholkularitzan, jarrera egokia erabili da.
c) Informazioa argi eta zehatz eman da.
d) Protokolo tratamendu egokia erabili da.
e) Igorlea eta hartzailea identifikatu dira, telefono bidezko edo aurrez aurreko elkarrizketa batean.
f) Bidaltzailea eta jasotzailea identifikatu dira, jasotako komunikazio idatzietan.
g) Bezeroarekiko harremanaren kudeaketa erremintan egindako kontsultei buruzko informazioa erregistratu da.
h) Bezero eta hornitzaileekiko oinarrizko negoziazio teknikak aplikatu dira.
3. Informazioa antolatzen du, eskuzko metodoak eta aurreikusitako sistema informatikoak azalduz.
Ebaluazio irizpideak:
a) Prozedura egokiak aplikatu dira, beharrezko informazioa lortzeko emandako zerbitzuaren kalitate kontrolaren kudeaketan.
b) Behar bezala tramitatu da informazioa, dagokion enpresaren pertsona edo departamentuaren aurrean.
c) Informazioa antolatzeko teknikak aplikatu dira.
d) Emandako informazioa aztertu eta laburtu da.
e) Erabiltzaile gisa erabili da bezero, hornitzaile eta beste hainbaten kontrol eta jarraipenerako aplikazio informatikoa.
f) Artxibatzeko eskuzko eta aurretik zehaztutako informatikako teknikak aplikatu dira.
4. Administrazio dokumentazioa lantzen du, eta, horretarako, enpresaren departamentu bakoitzeko administrazio lanak aplikatzen ditu.
Ebaluazio irizpideak:
a) Enpresaren hornikuntza arloko administrazio lanak gauzatu dira.
b) Enpresaren merkataritza arloko administrazio lanak gauzatu dira.
c) Enpresaren giza baliabideen arloko administrazio lanak gauzatu dira.
d) Enpresaren kontabilitate arloko administrazio lanak gauzatu dira.
e) Enpresaren finantza arloko administrazio lanak gauzatu dira.
f) Enpresaren zerga arloko administrazio lanak gauzatu dira.
g) Indarra duen araudia aplikatu da.
5. Merkataritza politikaren ondoriozko jarduerak egiten ditu; horretarako, salerosketako departamentuaren eginkizunak identifikatzen ditu.
Ebaluazio irizpideak:
a) Enpresaren produktu katalogoa landu eta/edo eguneratu da.
b) Hornitzaileen datu basea erabili da; horretarako, eskaintzak erkatu dira eta erosketa baldintzen negoziazioak ezarri dira.
c) Bezeroen fitxak landu eta/edo eguneratu dira.
d) Prezio zerrendak landu dira.
e) Eskaintzak prestatu dira.
f) Jarduera berariazkoan ohikoenak diren merkaturatze bideak identifikatu dira.
6. Gorabeherei erantzuten die; horretarako, arazoak eta erreklamazioak ebazteko irizpide eta prozedurak identifikatzen ditu.
Ebaluazio irizpideak:
a) Arazo eta erreklamazioen izaera eta jatorria identifikatu dira.
b) Erreklamazioa jasotzeko erabiltzen den dokumentazioa identifikatu da.
c) Adierazpen jarrerarako eta jarrera erabakitzaile eta positiborako teknikak aplikatu dira.
d) Problemak ebazteko konponbideak bilatu eta proposatu dira.
e) Erreklamaziorako ezarritako prozesuari eutsi zaio.
f) Egiaztatu da erreklamazio prozesuari bete-betean eutsi zaiola.
7. Taldean lan egiten du, taldekide bakoitzaren ekarpenak ezagutu eta baloratuz.
Ebaluazio irizpideak:
a) Irakasle-gerentearekiko eta ikaskideekiko errespetua agertu da.
b) Jasotako aginduak bete dira.
c) Ikaskideekin komunikazio arina eduki da.
d) Iritziak eta ikuspuntuak azaldu dira lan baten aurrean.
e) Lanaren beraren antolaketa baloratu da.
f) Kideen artean lana osatu da.
g) Enpresaren irudia transmititu da.
h) Lan bakoitza zorrotz eta zuzen egin da, behar bezalako emaitza lortzeko.
i) Ezarritako arauak eta enpresa kultura errespetatu dira.
j) Jarrera proaktiboa mantendu da; horretarako, taldean parte hartu da eta ekimen ekintzailea garatu da.
Edukiak.
Enpresa ikasgelan proiektuaren ezaugarriak:
-Enpresa ikasgelan; jarduera, egitura eta antolaketa.
-Postu eta lanen definizioa.
-Harrera eta integrazio prozesua.
Enpresa ikasgelan, informazioa ematea:
-Bezeroarentzako arreta.
-Hornitzaile eta enplegatuekiko komunikazioa.
-Entzutea. Ahozko mezuak jasotzeko teknikak.
-Komunikazio idatzia.
-Komunikazioak, Interneten bidez: posta elektronikoa.
Enpresa ikasgelan, informazioa antolatzea:
-Informazioa eskuratzea.
-Informazioaren kudeaketa eta tratamendu sistemak.
-Artxibatzea eta erregistratzea.
-Informazioa antolatzeko teknikak.
Enpresa ikasgelan, administrazio dokumentazioa prestatzea:
-Hornikuntza arloarekin lotutako dokumentuak.
-Merkataritza arloarekin lotutako dokumentuak.
-Lan arloarekin lotutako dokumentuak.
-Finantza arloarekin lotutako dokumentuak.
-Zerga arloarekin lotutako dokumentuak.
-Kontabilitate arloarekin lotutako dokumentuak.
-Aplikazio informatiko berariazkoak.
-Dokumentuak kudeatzea, sare informatikoko sistema batean.
Enpresa ikasgelan, merkataritza politikako jarduerak:
-Produktuak eta produktu zorroa.
-Publizitatea eta sustapena.
-Bezero zorroa.
-Salmenta. Salmentaren antolaketa.
-Saltzeko teknikak.
Enpresa ikasgelan, gorabeherei erantzutea eta arazoak ebaztea:
-Gatazkak konpontzea.
-Erreklamazioak ebaztea.
-Erreklamazio eta kexak jasotzeko prozedurak.
-Saldu ondoko jarraipena. Erabilitako prozedurak eta eskainitako zerbitzuak.
Enpresa ikasgelan, taldeko lana:
-Laneko ekipamendu eta taldeak.
-Enpresan ekipamenduak integratzea eta abian jartzea.
-Helburuak, proiektuak eta epeak.
-Planifikazioa.
-Erabakiak hartzea.
-Hutsak eta gatazkak.
Orientabide didaktikoak.
Lanbide modulu honek beharrezko prestakuntza du, laguntzaile administratibo baten eginkizunak bete ahal izateko, enpresaren edozein kudeaketa departamenturen laguntza lanetan.
Nabarmendu behar da modulu honen edukiek metodologia bat osatzen dutela eta ez diotela zikloari kontzeptu edo teoria edukirik gehitzen; izan ere, gela baino errealagoa den ingurunean ikasitakoa aplikatzea aurreikusten dute. Adibide gisa, ez dira dokumentu berriak erakutsi nahi, horiek interpretatu, prozesatu eta horien garrantzia aztertu nahi da, enpresaren administrazio prozesu osoan.
Ondorioz, bulego baten funtzionamendua simulatu beharko da; bertan, enpresa baten dokumentu eta administrazio kudeaketa osoa egin beharko da, "eginez ikasteko", eta, gainera, egoera errealak irudikatuz motibatu beharko da eta lanbide gaitasunen gaineko ikuspuntu orokorra eman beharko da.
Baliabideen erabilera dela eta, baliabide materialei dagokienez, beharrezkoa izanen litzateke gela bat izatea, behar bezala hornitutako bulego bihurtzeko; horrek bertan garatzen den jarduerari sinesgarritasuna eman beharko dio. Egitura antolatuaz egin da gogoeta, lanpostu zehatzekin, sarean konektaturik eta argi zehaztutako jarduerekin. Leialtasun osoz benetako bulego baten forma eta banaketa irudikatzen saiatuko da, eta ikasleek lan ingurune argian ikasiko dute, benetako lan baldintzekin, eta beren esperientzia zehatzaren bidez ikaskuntza erraztuz. Beraz, ezagutza zein gaitasunen gaineko prestakuntza bezain garrantzitsua da ohitura edo jarreren gainekoa; hori moduluko azken multzoan jasota geratu da, eta, horrela, jarduera guztietan erakusten den zeharkako multzoan osatu da.
Modulu honetan, zikloko lehen ikasturtean emandako kudeaketa aplikazioak erabiliko dira. Era berean, komeniko litzateke honako hauek kudeatuko dituen sareko simulazio ingurunearen aplikazioa izatea:
-Simulatutako beste enpresa batzuekiko merkataritza harremanetarako komunikazioa.
-Zerga, lan eta finantza eragiketen tramitazioa simulatutako erakunde publiko eta banku erakundeekin.
-Kanpo eragile birtualen datu basea (bezeroak, hornitzaileak, hartzekodunak), zerbitzuen arabera dokumentazioa sortzen duena.
Modulua nabarmenki praktikoa da; bertan, jarduerek normalean enpresa errealean ematen diren administrazio prozesu eta zirkuituak erreproduzituko dituzte. Normalean enpresan erabiltzen diren komunikazio bide eta dokumentazio berak erabiliko dira. Ikasleek lan giroa erakusten duen eta lan harreman bateko baldintzak islatzen dituen testuinguru batean ikasiko dute; horrela, egoera eta zeregin errealagoak ikasten ahalko dira. Jarduera arloak antolatuko dira, enpresa baten departamentuen antzera. Oro har, honako departamentu eta lan hauek prestatuko dira:
-Harrera-komunikazioak: telefono bidezko harrera, gainerako ikasgeletako enpresekin eta, hala badagokio, simulazio zentralekin sortzen den sarrera eta irteerako posta guztiaren kudeaketa (jaso, artxibatu, banatu...).
-Merkataritza: katalogo eta eskaintzak prestatzea (marketina). Hornikuntza eta biltegi kudeaketa (eskariak bidali eta albaranak eta fakturak jaso eta egiaztatzen ditu). Salmenten kudeaketa eta bezeroarentzako arreta (eskariak jaso eta albaranak eta fakturak bidaltzen ditu).
-Giza baliabideak: kontratazioaren eta laneko gorabeheren kudeaketa (bajak, kaleratzeak, kitapen agiriak...). Nominak eta gizarte aseguruak prestatzea (TC1, TC2).
-Kontabilitatea: enpresaren jarduera ekonomikoari dagozkion dokumentuak kontabilizatzea. Zerga kudeaketa (BEZaren likidazioak, PFEZren atxikipenak...). Finantza eta diruzaintza kudeaketa: mugaegunen kontrola, banku berdinkatzeak, finantziazio eskabideen tramitazioa (maileguak, kreditu lineak, leasinga...).
Ikasle kopuruaren arabera, departamentu bakoitzeko zereginak banatu eginen dira, eta, departamentu bakoitzeko, zenbait lanpostu ezartzen ahalko dira, eta lanpostu bakoitzari "ikasle/enplegatu" bat edo bi esleitzen ahalko zaio/zaizkio; horretarako, txandakatze sistema aplikatuko da, horrela, ikasle guztiek eginen dituzte gelako enpresako administrazio lan guztiak.
Gela-bulegoan egin beharreko jarduerek zenbait prozesu eraginen dituzte, bai barne mailan -lanpostuen beren eta departamentuen artean-, bai kanpo mailan, gainerako simulatutako enpresekin eta simulazio zentraleko zerbitzuekin, hala badagokio.
Lanak gauzatzeko autonomia sustatuko da, ikasleak erabaki dezan zein modutan eginen dituen, alegia, "egiten utziko zaio"; horrela, dituen erantzun, antolaketa, ekimen eta beste hainbat gaitasun aztertuko dira. Azkenean, irakasleak kontrolatuko du bere kalitatea, lana departamentutik irten aurretik, eta irakasleak berak erabakiko du tramitatzeko egokia den ala ez. Komenigarria izanen da beharrezkoa den aldi guztietan errepikatzea lan bat, baldin eta horrek beharrezko kalitate maila ez badu.
Moduluko prestakuntzak heziketa zikloaren helburu orokor guztiak eta tituluko gaitasun guztiak lortzen laguntzen du. Beraz, zuzeneko harremana du zikloko modulu guztiekin eta, bereziki, eduki guztiak praktikan jarriz, honako hauekin:
-Enpresa komunikazioa eta bezeroarentzako arreta.
-Salerosketako administrazio eragiketak.
-Informazioaren tratamendu informatikoa.
-Kontabilitateko teknika.
-Giza baliabideen administrazio eragiketak.
-Kontabilitateko dokumentazioaren tratamendua.
-Diruzaintza kudeaketako eragiketa osagarriak.
-Edukien kudeaketa Web orrietan
-Lantokietako prestakuntza.
Lanbide modulua: Kontabilitateko dokumentazioaren tratamendua
Kodea: 0443.
Iraupena: 90 ordu.
Ikaskuntzaren emaitzak eta ebaluazio irizpideak.
1. Kontabilitateko egitateen euskarri den dokumentazioa prestatzen du; horretarako, duen informazioa interpretatzen du.
Ebaluazio irizpideak:
a) Kontabilitatean erregistratzeko diren eta euskarri diren dokumentu motak identifikatu dira.
b) Egiaztatu da jasotako eta euskarri den dokumentazioak ezarritako barne kontroleko erregistro guztiak dituela -sinadura, baimenak eta bestelakoak-, kontabilitatean erregistratzeko.
c) Proposamenak egin dira, akatsak zuzentzeko.
d) Euskarri den dokumentazioa sailkatu da, aurretik ezarritako irizpideen arabera.
e) Prozedura egin da, informazioaren segurtasun eta isilpekotasun printzipioen arabera.
f) Idazpenen euskarri den dokumentazioa artxibatu da, ezarritako prozedurei jarraiki.
g) Lan eremua behar bezain garbi eta ordenaturik eduki da.
2. Kontabilitatean ohiko egitate ekonomikoak erregistratzen ditu, eta, horretarako, kontabilitate metodologia eta ETE Kontabilitate Plan Orokorraren irizpideak aplikatu ditu.
Ebaluazio irizpideak:
a) Enpresaren eragiketa ohikoenetan esku hartzen duten kontuak identifikatu dira.
b) Kontuak kodifikatu dira, KPOri jarraiki.
c) Zein kontu kargatu eta zein ordaintzen den zehaztu da, KPOri jarraiki.
d) Ohikoenak diren kontabilitate egitateei dagozkien idazpenak egin dira.
e) Inbertsio ondasunen liburu eremuak bete dira, eskuz eta/edo bide informatikoaz.
f) BEZaren likidazioari buruzko eragiketak kontabilizatu dira.
g) Segurtasun kopiak egin dira, erregistratutako datuak babesteko ezarritako protokoloaren arabera.
h) Prozedura egin da, informazioaren erantzukizun, segurtasun eta isilpekotasun printzipioen arabera.
3. Kontabilitatean ohiko egitate ekonomikoak kontabilizatzen ditu, eta, horretarako, kontabilitate metodologia eta Kontabilitate Planaren irizpideak ezagutu eta aplikatu ditu.
Ebaluazio irizpideak:
a) Kontabilitateko idazpena eragiten duten egitate ekonomikoak identifikatu dira.
b) Idazpenak erregistratu eta egitate ekonomiko bakoitzaren ondoriozko informazioa behar bezala sartu da aplikazio informatikoan, modu kronologikoan.
c) Egunkariko informazioa liburu nagusira aldatu da.
d) Aldian-aldian lortu eta koadratu dira gehiketa eta saldoen egiaztapen balantzeak.
e) Ekitaldi ekonomikoaren aurretik egin beharreko kontabilitateko erregistroen ondoriozko eragiketak kalkulatu dira.
f) Behar bezala sartu dira aplikazio informatikoan dagozkion amortizazioak, balio itzulgarrien zuzenketak eta ekitaldi ekonomiko zehatz bati dagokion kontabilitateko erregularizazioa.
g) Kontabilitateko emaitza eta amaierako egoera balantzea kalkulatu dira, eta egiaztatu da aplikazio informatikoaren bidez egindakoarekin.
h) Informazio ekonomiko garrantzitsua prestatu da, enpresaren memoria egiteko ekitaldi ekonomiko zehatz baterako.
i) Enpresaren memoria landu da ekitaldi ekonomiko zehatz baterako.
j) Prozesuaren funtzionamendua egiaztatu da; horretarako, emaitzak eta sartutako datuak erkatu dira.
4. Kontuak egiaztatzen ditu; horretarako, kontabilitateko erregistro bakoitza euskarri diren dokumentuen datuekin elkartzen ditu.
Ebaluazio irizpideak:
a) Administrazio publikoetako kontu zordunen eta hartzekodunen saldoak egiaztatu dira, lan eta zerga dokumentazioarekin.
b) Aldian-aldian mailegu eta kredituetako saldoak euskarri den dokumentazioarekin erkatu dira.
c) Bezero eta hornitzaileen saldoak zirkularizatu dira, jasotako barne arauen arabera.
d) Higiezinaren elementuen ondorioz bildutako amortizazioaren saldoak egiaztatu dira, prozedura eskuliburuaren arabera.
e) Partida edo idazpenen egiaztapenak egin dira, mugimenduak egiaztatzeko edo partidak sartzeko.
f) Zuzenketa egokiak egin dira, banku berdinkatzearen bidez, kontabilitateko liburuek zein kontuen saldoak zenbateko berak jasotzeko.
g) Kontuen saldoa egiaztatu da, ekitaldia ixteko eragiketak hasi aurretiko urrats gisa.
h) Ezarritako prozeduraren arabera atzemandako akatsak jakinarazi dira.
i) Aplikazio informatikoak erabili dira, kontabilitateko erregistroak egiaztatzeko.
j) Prozedura egin da, informazioaren segurtasun eta isilpekotasun printzipioen arabera.
Edukiak.
Egitate ekonomikoen euskarri den dokumentazioa prestatzea:
-Merkataritza eta kontabilitateko dokumentazioa.
-Kontabilitateko informazioa justifikatzen duten dokumentuak kontabilitatean interpretatzea.
-Ereduzko merkataritza dokumentu-frogagiriak.
-Merkataritzako dokumentuak antolatu eta artxibatzea, kontabilitateko helburuetarako.
Ohiko egitate ekonomikoak kontabilitatean erregistratzea:
-Erosketa eta salmentekin lotutako eragiketak.
-Gastu eta sarrerak.
-Ibilgetu materiala.
-BEZaren likidazioa.
-Emaitzaren kalkulua.
-Ohiko egitate ekonomikoak kontabilitatean informatikaren bidez erregistratzea.
Ekitaldi ekonomiko osoaren eragiketak kontabilizatzea:
-Irekitzeko idazpena.
-Eguneroko eragiketen kontabilitate erregistroa.
-Batuketak eta saldoak egiaztatzeko balantzea.
-Galera eta irabazien kontua.
-Amaierako egoeraren balantzea.
-Ixteko idazpena.
-Memoria.
-Ekitaldi osoa kontabilitatean informatikaren bidez erregistratzea.
Kontuak egiaztatzea:
-Kontabilitate erregistroak egiaztatzea.
-Banku berdinkatzea.
-Egiaztapena aplikazio informatikoetan.
Orientabide didaktikoak.
Modulu hau diseinatuta dago, teknikari bat kontabilitatearen eremuan prestatzeko beharrezko gaitasunak lortzeko; hori enpresa batek egiten dituen eragiketak erregistratzen erakusten duen zientziatzat hartu behar da, zenbait irizpide kontuan hartuta, denboran zehar ondarea neurtu eta baloratuz. Beraz, horrek erakusten du gai honek duen garrantzia, enpresaren ekonomia eta finantza egoera ezagutzeko oinarrizko informazioa ematen duena baita.
Ziklo honetako lehen mailan Kontabilitateko teknika izeneko modulua dagoela kontuan hartuta -horien ikaskuntza emaitzak ikasleek enpresaren ondare elementuak ezagutzeko, kontabilitateko metodologia ulertzeko eta Kontabilitateko Plan Orokorraren oinarrizko edukia identifikatu eta aplikatzen jakiteko dituen gaitasun bezala ulertuta-, modulu hau lehen mailako moduluaren jarraipen gisa prestatzen da, eta, horretarako, besteak beste, honako alderdi teoriko-praktiko hauek barne hartzen ditu:
-Euskarri diren dokumentuak prestatu eta erregistratzea.
-Kontabilitateko ohiko egitateak erregistratzea.
-Aplikazio informatiko berariazkoak erabiltzea.
-Kontabilitateko araudia aplikatzea.
-Kontabilitateko irekiera eta itxiera eragiketak.
-Kontabilitatea frogatzea eta egiaztatzea.
Modulu hau hertsiki loturik dago, lehenengo ikasturtean ematen den Kontabilitateko teknika moduluarekin ez ezik, Enpresa ikasgelan eta Diruzaintza kudeaketako eragiketa osagarriak moduluekin ere; horiek biak bigarren ikasturtean ematen dira. Harreman hori, batik bat, jarraian proposatutako simulazio ariketan ematen da aditzera; izan ere, bertan, aurretik aipatutako moduluetan sortutako dokumentuak kontabilizatzen dira. Hori dela eta, horien irakasleekiko eta gainerako irakasleekiko koordinazioa funtsezkotzat jotzen da.
Irakasleen irakaskuntza lana errazteko, ikaskuntza-irakaskuntza prozesuan jarduteko ildoak, moduluko ikaskuntza emaitzak lortzea ahalbidetu behar dutenak, sei multzo bereizitan laburbil litezke, honako gai hauen gainean:
1. multzoa. Moduluaren sarrera. Moduluaren sarrera egiten da; bertan, testuingurua azaltzen da, zikloaren beraren barruan, eta simulazio ariketa laburra aurkezten da. Bestalde, ikasleek simulazio ariketa bat kudeatzeko egin beharreko eginkizunak azalduko dira.
2. multzoa. Kontabilitateko oinarrizko alderdiak. Bere liburu eta erregistroak.
3. multzoa. Kontabilitateko egitateak erregistratzea. Multzorik zabalena izanen litzateke eta, bertan, lan unitate kopuru handia sartuko litzateke; horiek enpresen oinarrizko eragiketen kontabilitateko erregistroaren azterketan oinarritzen dira. Unitate horiek guztiak, nabarmenki prozedurazko izaera badute ere, BEZaren, salerosketen eragiketen, gastu eta sarreren, hartzekodun eta zordunen, merkataritza eraginen, ibilgetu materialen eta urteko kontuen gaineko oinarri teorikoa izanen lukete oinarri. Edukien multzo honetan, moduluaren curriculumaren eduki nagusiak eta zailenak bilduko lirateke; beraz, gelako programazioetan, lan unitateen tenporalizazioa egitean, alderdi hori gogoan izan beharko litzateke.
4. multzoa. Kontabilitateko eta bankuko kontuak egiaztatzea. Bertan, halaber, kontabilitateak euskarri gisa baliatzeko moduko dokumentuen erregistro sistemak eduki beharko lituzkeen oinarrizko alderdiak aztertzen dira.
5. multzoa. Kontabilitateko kudeaketaren aplikazio informatikoa erabiltzea. Batik bat prozedurazko izaera du; izan ere, kontabilitateko kudeaketako aplikazio informatikoaren erabilerarekin lotutako gaitasunak garatzen ditu.
6. multzoa. Simulazio ariketa. Horren bidez asmoa da ikasleek simulatutako enpresa baten oinarrizko eta ohiko jardueren kontabilitateko erregistroak egitea. Beste guztiekin zeharka dagoen multzotzat hartzen da; izan ere, jarduera hauek moduluko eduki guztiak antolatzeko elementu gisa balioko dute.
Lan unitate bakoitzean diseina daitezkeen irakaskuntza-ikaskuntza jarduerak direla eta, horiek kontabilitateko errealitate praktikorako hurbiltasunari begira egon beharko lukete, mailaz maila eta modu errazean, lan munduan gertatzen diren eguneroko arazoak ebazteko aukera ematen duten ezagutza eta jardueren bidez. Horretarako, komenigarria izanen litzateke azalpen teoriko laburrak egitea eta, ondoren, adibide praktikoak ematea, kontzeptuak argitu ahal izateko; halaber, komenigarria izanen litzateke lan unitate bakoitzean ariketa ugari egitea, ikasleek gai bakoitzaren gaineko kontabilitate termino berariazkoak hurbiletik ezagutzeko.
Ordena horri jarraiki, garrantzi berezia izan beharko lukete, hasierako egoeraren balantzetik abiatuta, ikasleek ekitaldi ekonomiko batean zenbait eragiketa egitea eskatzen duten ariketa orokorrek; horien ondorioak erregularizazioak, itxierak, gehiketa eta saldoen egiaztapen balantzeak eta amaierako egoeraren balantzeak izan beharko luke. Ariketa orokor hauek ikastaro osoan zehar garatuko lirateke, eta, mailaz maila, eskolan gertatzen diren arazo berriak sartuko lirateke; ariketa orokor horiek gai guztiekin zeharka egindako ariketatzat joko lirateke.
Azkenik, irakaskuntza-ikaskuntza jarduera gisa, oso komenigarria izanen litzateke simulazio ariketa bat egitea; hori aurretik ere proposatu da, berezko entitatea duen edukien multzo gisa.
Ariketa horiek gelan gara litezke ikasturte amaieran eta, ahal dela, Enpresa ikasgelan modulua ematen duten irakasleekin koordinazioan; izan ere, simulatutako enpresa baten jarduerek erosketa, salmenta, ordainketa, sarrera eta abarren eragiketa zehatzak egiten dituen enpresa txiki baten ariketa osoa osatzen dute, eta horien eragiketak kontabilitatean erregistratu behar dira. Horrek dakar liburuak irekitzea eta ekitaldia ixtea. Ikasleek prozesu guztiak kontabilitatean garatzeko beharrezko eragiketa guztiak egin beharko dituzte; horretan datza ariketa honen garrantzia, ezagutzen orohartzaile gisa hartu beharko dena.
Simulazio ariketa egiteko, oinarrizko izanen litzateke ikasleek, modu pertsonalean, dokumentuen artxiboa eramatea simulatutako enpresarentzat; horrela, bere dokumentazioa A-Z motako artxiboan antolatu ahal izateko, barne banagailuekin, eta, bertan, liburu egunkari nagusiak, balantzeak, kutxako, bankuko liburu osagarriak bilduko liratekeela, kobratzeko eta ordaintzeko, biltegiko fitxetarako, etab.
Eskolan jarraitu beharreko metodologia dela eta, komenigarria izanen litzateke mintzaira argia erabiltzea, ulergarria eta erraza, ikasleak gidatu ahal izateko, urratsez urrats, planteatutako arazoen aurrean. Ikasle horiek beharko dute, kontabilitateko ezagutzaz gain, gaur egun nahitaezkoak diren beste zenbait gaitasun eta jarrera ere, besteak beste: beharrezkoa den informazioa lortzea, informazio hori interpretatzen jakitea, arau eta prozeduretan aldaketetara egokitzea, errealitatea zuzenean ikasbide izatea, izaera ekintzailea garatzea eta taldean lan egitea.
Enpresa praktikan kontabilitateak zenbait dokumenturen erabilera oinarri duela kontuan hartuta, erreferentzia gisa eduki behar da, beti, enpresan erabiltzen den benetako dokumentazioa. Halaber, alde batetik, gai honen gainean tratatzen den informazio bolumena eta, bestetik, informatikak gaur egungo bizitzan duen garrantzia kontuan hartuta, beharrezkotzat jotzen da kontabilitateko tratamendua arinduko duen aplikazio informatikoren bat erabiltzea.
Aurreko guztiaren ondorioz, beharrezkotzat jotzen da gela informatikoa izatea sarean eta horrek ikasle bakoitzarentzako ordenagailu bat izatea, kontabilitateko kudeaketako aplikazio informatikoa erabili ahal izateko.
Azkenik, eta modulu honetan erabil daitezkeen beste baliabide edo material batzuk direla eta, komenigarria izanen litzateke ikasleek eskura izatea Kontabilitateko Plan Orokorraren zenbait ale, bai eta enpresan normalean erabiltzen den administrazio dokumentazioa ere, besteak beste: albaranak, fakturak, letrak, txekeak, zergen dokumentazio ofiziala (PFEZ eta BEZa), bai eta lan dokumentazioa ere (nominak eta gizarte aseguruak).
Lanbide modulua: Ingelesa
Kodea: 0156.
Iraupena: 90 ordu.
Ikaskuntza emaitzak eta ebaluazio irizpideak.
1. Hizkuntza estandarrean emandako ahozko diskurtsoetan jasotako lanbide informazioa eta eguneroko informazioa ezagutzen du; horretarako, mezuaren eduki orokorra aztertu eta dagozkion hizkuntza baliabideekin lotzen du.
Ebaluazio irizpideak:
a) Mezua dagokion testuinguruan kokatu da.
b) Mezuaren ideia nagusia identifikatu da.
c) Zuzeneko, telefono bidezko edo beste entzumen baliabide baten bidezko mezuaren helburua ezagutu da.
d) Informazio berariazkoa ondorioztatu da, lanbideko eta eguneroko bizitzako ohiko alderdiekin lotutako mezuetatik.
e) Mezua osatzen duten elementuak zerrendatu dira.
f) Gai ezagunen gaineko diskurtsoaren ideia nagusiak identifikatu dira; horiek komunikazio bideen bidez transmititu dira, eta hizkuntza estandarrean eta argi eman dira.
g) Ahozko jarraibideak ezagutu dira eta oharrak bete dira.
h) Mezu bat osotasunean ulertzeko garrantziaz kontzientziatu da, guztiak eta horietako bakoitzaren elementu guztiak ulertzen ez badira ere.
2. Testu idatzietan jasotako lanbide informazioa interpretatzen du; horretarako, modu ulergarrian aztertzen ditu edukiak.
Ebaluazio irizpideak:
a) Kontsultarako materialak eta hiztegiak hautatu dira.
b) Modu ulergarrian irakurri dira testu errazak.
c) Mezuaren eduki orokorra interpretatu da.
d) Testua lanbide arloaren eremuarekin erlazionatu da.
e) Erabilitako terminologia identifikatu da.
f) Testu errazen itzulpenak egin dira; horretarako, laguntza materiala erabili da, beharrezkoa izan den kasuetan.
g) Euskarri telematikoen bidez jasotako mezua interpretatu da: posta elektronikoa, faxa, etab.
3. Ahozko mezu argiak eta behar bezala egituratuak bidaltzen ditu; horretarako, eragile aktibo gisa parte hartzen du lanbide elkarrizketetan.
Ebaluazio irizpideak:
a) Mezua bidaltzeko erabilitako erregistroak identifikatu dira.
b) Komunikatzeko, formulak, loturak eta elkarrekintza estrategiak erabili dira.
c) Protokolo arauak erabili dira aurkezpenetan.
d) Bere lanbidearekin lotutako gertakari labur eta ustekabeak deskribatu dira.
e) Behar bezala erabili da lanbideko terminologia.
f) Sentimenduak, ideiak eta iritziak adierazi dira.
g) Lanbide zereginaren jarduerak zerrendatu dira.
h) Bere eskumeneko lan prozesua deskribatu eta zerrendatu da.
i) Egindako proposamenak onartu ala ez onartzeko erabakia justifikatu da.
j) Hautatutako lanaren aukera edo prozedura zehatz baten hautaketa argudiatu da.
k) Diskurtsoa edo diskurtsoaren zati bat berriro egiteko eskatu da beharrezkotzat jo izan denean.
4. Testu errazak egiten ditu; horretarako, gramatika arauak eta horien helburuak lotzen ditu.
Ebaluazio irizpideak:
a) Eguneroko eta/edo lanbide alderdiekin lotutako testu laburrak idatzi dira.
b) Informazioa antolatu egin da, koherentziaz eta kohesioz.
c) Lanbide ingurunearekin lotutako testuen laburpenak egin dira.
d) Lanbide eremuko dokumentazio berariazkoa bete da.
e) Ezarritako formulak eta hiztegi berariazkoa aplikatu dira dokumentuak betetzean.
f) Emandako informazioen ideiak laburtu dira; horretarako, bere hizkuntza baliabideak erabili dira.
g) Eginen den dokumentuaren beraren kortesia formulak erabili dira.
5. Lanbide jarrera eta portaerak aplikatzen ditu komunikazio egoeretan; horretarako, atzerriko hizkuntzaren lurraldean ohikoak diren harremanak deskribatzen ditu.
Ebaluazio irizpideak:
a) Atzerriko hizkuntza erabiltzen duen erkidegoaren ohitura eta erabileren alderdirik garrantzitsuenak zehaztu dira.
b) Lurraldeko bertako gizarte harremanen protokolo eta arauak deskribatu dira.
c) Atzerriko hizkuntza erabiltzen duen erkidegoaren beraren balio eta sinesmenak identifikatu dira.
d) Lanbide arloko berezko gizarte eta lanbide alderdiak identifikatu dira, edozein testu motatan.
e) Atzerriko hizkuntzaren lurraldeko gizarte harremanen protokolo eta arauak aplikatu dira.
Edukiak.
Ahozko mezuen azterlana:
-Lanbideko eta eguneroko mezuak ulertzea:
Zuzeneko, telefono bidezko, grabatutako mezuak.
Lanbide arloko terminologia berariazkoa.
Ideia nagusiak eta bigarren mailako ideiak.
Gramatika baliabideak: aditz denborak, preposizioak, lokuzioak, baldintza eta zalantzaren adierazpena, boz pasiboaren erabilera, perpaus erlatiboak eta zeharkako estiloa.
Beste hizkuntza baliabide batzuk: gustuak eta lehentasunak, iradokizunak, argudiaketak, jarraibideak.
Ahozko hizkuntzaren azentuak.
Mezu idatziak interpretatzea:
-Lanbideko eta eguneroko oinarrizko mezu, testu eta artikuluak ulertzea:
Euskarri telematikoak: faxa, posta elektronikoa, burofaxa. Besteak beste.
Lanbide arloko terminologia berariazkoa.
Ideia nagusia eta bigarren mailako ideiak.
Gramatika baliabideak: aditz denborak, preposizioak, boz pasiboaren erabilera, perpaus erlatiboak eta zeharkako estiloa.
-Erlazio logikoak: aurkaritza, kontzesioa, konparazioa, baldintza, kausa, helburua, ondorioa.
-Denbora erlazioak: lehenagotasuna, ondorengotasuna eta aldiberekotasuna.
Ahozko mezuak sortzea:
-Ahozko mezuak bidaltzeko erabilitako erregistroak.
-Lanbide arloko terminologia berariazkoa.
-Gramatika baliabideak: aditz denborak, preposizioak, lokuzioak, baldintza eta zalantzaren adierazpena, boz pasiboaren erabilera, perpaus erlatiboak eta zeharkako estiloa.
-Beste hizkuntza baliabide batzuk. Gustuak eta lehentasunak, iradokizunak, argudiaketak eta jarraibideak.
-Fonetika. Bokalezko soinu eta fonemak eta horien konbinazioak eta soinuak eta kontsonantezko fonemak eta bere taldekatzeak.
-Gizarte harremanen, kortesia arauen eta erregistro aldeen hizkuntza adierazgailuak.
-Ahozko diskurtsoa mantendu eta horren jarraipena egitea:
Hitz egiteko txanda hartu, mantendu eta lagatzea.
Laguntzea, ulertzen dela erakustea, argitzeko eskatzea, etab.
Intonazioa, ahozko testuaren kohesio baliabide gisa: intonazio patroien erabilera.
Testu idatziak bidaltzea:
-Lanbideko eta eguneroko mezu eta testuak adierazi eta betetzea:
Curriculum Vitaea eta euskarri telematikoak: faxa, posta elektronikoa eta burofaxa, besteak beste.
Lanbide arloko terminologia berariazkoa.
Ideia nagusia eta bigarren mailako ideiak.
Gramatika baliabideak: aditz denborak, preposizioak, lokuzioak, boz pasiboaren erabilera, perpaus erlatiboak eta zeharkako estiloa.
-Erlazio logikoak: aurkaritza, kontzesioa, konparazioa, baldintza, kausa, helburua eta ondorioa.
-Denbora erlazioak: lehenagotasuna, ondorengotasuna eta aldiberekotasuna.
-Testu koherentzia:
Testua komunikazio testuingurura egokitzea.
Testu mota eta formatua.
Hizkuntzaren aldaera. Erregistroa.
Hautaketa lexikoa, egitura sintaktikoena eta eduki garrantzitsuarena.
Diskurtsoaren hasiera eta gaiaren sarrera. Garapena eta hedapena. Exenplifikazioa eta ondorioa eta/edo diskurtsoaren laburpena.
Puntuazio zeinuak erabiltzea.
Atzerriko hizkuntzaren (ingelesa) lurraldeetako kultura elementurik garrantzitsuenak identifikatu eta interpretatzea.
-Nazioarteko harremanetan gizarte eta kultura eta protokolo arauak baloratzea.
-Gizarte eta lanbide jarrera behar duten egoeretan, baliabide formal eta funtzionalak erabiltzea, enpresaren irudi egokia erakusteko.
Orientabide didaktikoak.
Modulu honek beharrezko prestakuntza dauka, bezeroarentzako arretarako, informazioa eta aholkularitza emateko, protokolo arauak garatu eta horien jarraipena egiteko eta kalitate prozesu eta protokoloak betetzeko eginkizunekin lotutako jarduerak egiteko. Hori dena, ingelesez.
Bezeroarentzako arretarako, informazioa eta aholkularitza emateko, protokolo arauak garatu eta horien jarraipena egiteko eta kalitate prozesu eta protokoloak betetzeko eginkizunak ingelesez betetzeak honako alderdi hauek hartzen ditu barne:
-Komunikazio teknikak erabili eta aplikatzea, bezeroari informazioa eta aholkularitza emateko zerbitzu prozesuetan.
-Erakunde protokoloa aplikatzea, hala eskatzen duten ekitaldiak antolatzen direnean.
-Administrazio laneko jarduerei lotutako kalitate prozesu eta protokoloak garatu eta formalizatzea.
Moduluaren helburuak lortzeko aukera ematen duten irakaskuntza-ikaskuntza prozesuko jarduera lerroak honako hauek izanen dira:
-Komunikazio prozesuak eta protokolo eta bezeroarentzako arretarako teknikak deskribatu, aztertu eta aplikatzea, bai aurrez aurrekoak bai urrutikoak, ingelesaren bidez.
-Administrazio eta beste edozein izaeratako (finantza, zerga, giza edo merkataritza baliabidea) dokumentuen ezaugarriak bereiztea.
-Kalitate prozesuak enpresan, bere ebaluazioa eta zerbitzuak ingelesez emateari lotutako dokumentuen identifikazioa eta formalizatzea.
-Bezeroek ingelesez egiten dituzten kexa edo erreklamazioen aurreko jarduketen identifikazioa, azterketa eta prozedurak.
Hori guztia dela eta, irakaskuntza-ikaskuntza prozesua, lehen mailako Oinarrizko ingelesaren moduluarekin gertatzen den bezalaxe, praktikoa den ikuspuntu batetik bideratu behar da. Gramatikaren irakaskuntza aurreko kurtsoetan ikasitakoaren berrikuspen gisa hartu behar da eta ikasleentzat egiazko interesa duten komunikazio egoeretan txertatu. Horrela, ikasleak errazago ohartuko dira ikasi behar duten hizkuntza erabiltzeko oinarrizko gaitasuna izateko beharra dutela.
Beraz iradokitzen da irakaskuntza-ikaskuntzaren metodologia erabiltzea, zereginen bidez, hau da, helburu zehatzak dituzten jardueren bidez, ikasleek hizkuntzari modu aktiboagoan heltzen diotelako.
Irakaskuntza-ikaskuntza prozesuan egiten diren jarduerak ikasleak ahalik eta egiazkoenak diren komunikazio egoeretan jartzeko moduan diseinatu behar dira. Teknikari honen lanbide profila kontuan hartuta, beharrezkotzat jotzen da modu berezian sustatzea irakurmeneko eta idazmeneko eta lanbide arloko eta eguneroko ahozko mezuen ulermen eta ekoizpeneko trebetasunak; izan ere, harreman ekonomikoen globalizazioaren etengabeko joerak dakar ingelesa nazioarteko elkartrukeetarako hizkuntza erabiltzea nahitaezkoa izatea, eta, beraz, administrazio arloko profesionalentzat nahitaezko beste alderdi bat izatea, egiten den dokumentu eta komunikazioen etengabeko kudeaketa dela eta. Trebetasun horiek bigarren mailan ematen den ingeleseko moduluan sakontzeko izanen dira, eta sektoreko etorkizuneko hizkuntza gaitasunerako beharrezko pausutzat hartzen dira.
Baliabideak erabiltzeari dagokionez, informazioaren teknologiak -batik bat Internet eta posta elektronikoa- oso erreminta baliotsuak dira, ikasleak komunikazio egoera errealetan jartzeko; izan ere, horietako gehienak, gaur egun, enpresaren barruan zein kanpoan gertatzen dira, euskarri informatikoan. Horretarako beharrezkoa da teknologia horiek eraginkortasunez erabiltzea. Era berean, modu logikoan sortzen da titulu honen gainerako modulu teknikoekin koordinatzeko beharra, gelan erabiltzeko benetako materialen iturri gisa.
Arreta jarri behar zaion beste kontu bat gaitasun soziolinguistikoen garapena da, gaitasun horiek irakaskuntza-ikaskuntza prozesu osoa kutsatu behar baitute. Garrantzitsua da, prestakuntza helburudun honen esparruan, bermatu ahal izatea ikasleek badakizkitela hizkuntza erabiltzeko ohiturak, adeitasunezko arauak, erregistro desberdinak eta horiek behar bezala erabiltzearen garrantzia, eta, oro har, ingelesa ama hizkuntza duten herrien idiosinkrasia ongien definitzen duten ezaugarri kulturalak.
Ebaluazioari dagokionez, iradokitzen da prozesu horren ardatza izan dadila ikustea ikasleek nola baliatzen dituzten beren hizkuntza ezagutzak eta trebetasunak eta zenbateko gaitasuna duten komunikaziorako estrategia desberdinak erabiltzeko. Helburu horri begira seinalatu dira modulu honetako ebaluazio irizpideak eta, ildo berean, hizkuntzetarako Europako Erreferentzia Esparrua oso bitarteko baliotsua izan daiteke ebaluazio erremintak diseinatzeko.
Azkenik, eta modulu honek eta foru dekretu honek arautzea helburu duen curriculuma osatzen duten gainerakoek duten harremana dela eta, beharrezkotzat jotzen da nabarmentzea -orientazio hauen hasieran adierazi den bezala- Enpresa komunikazioa eta bezeroarentzako arreta moduluarekin duen lotura; bertan, ikasleek ezagutu behar dituzten oinarrizko alderdiak aztertzen dira, Ingelesa moduluko edukiak hobeto aprobetxatzeko, bai ahozko komunikazioa, bai komunikazio idatzia enpresan. Halaber, bezeroen beharrak ezagutu eta kontsulta, kexa eta erreklamazioei, besteak beste, erantzuten zaie.
Era berean, nabarmendu behar da modulu honen eta Informazioaren tratamendu informatikoaren arteko elkarrekikotasuna; hori banatu egin da, pedagogia eta antolaketa motiboak tarteko, bi prestakuntza multzotan, ingelesez idatzitako dokumentazioaren tratamenduari dagokionez. Hori gero eta gehiago eskatzen da enpresa eremuan.
Azkenik, modulu honetan sartutako edukiak oso garrantzitsuak dira ikasleek, gaur egun, Interneten bidez eskura duten informazio guztia hobeto aprobetxatzeko. Halaber, oso interesgarria da, Lanerako prestakuntza eta orientazioa moduluan aurreikusitako edukiak lortzeko, batik bat honako hauen gainekoak: ikaskuntza eta enplegu aukeren azterlana Europan. Europa eremuan mugikortasuna errazten duten dokumentuak betetzea (Europako curriculum vitaea, Europass mugikortasun agiria, Ziurtagiriaren Gehigarri Europarra eta Europako Hizkuntzen Zorroa) eta Europako gizarte segurantzen sistemak aztertzea. Hori lagungarria izanen da beste lurralde batean ikasten edo lan egiten jarraitu nahi duten ikasleentzat.
Lanbide modulua: Lanerako prestakuntza eta orientazioa
Kodea: 0449.
Iraupena: 90 ordu.
Ikaskuntzaren emaitzak eta ebaluazio irizpideak.
1. Enplegu aukerak hautatzen ditu, laneratzeko bideak eta ikasteko alternatibak identifikatuz bizitzan zehar.
Ebaluazio irizpideak:
a) Norberaren nortasuna, asmoak, jarrerak eta prestakuntza baloratu dira erabakiak hartzeko.
b) Administrazio Kudeaketako teknikarientzako enplegu eta laneratze sorgune nagusiak identifikatu dira tokiko, eskualdeko, Estatuko eta Europako eremuetan.
c) Tituluaren profilarekin zerikusia duen lanbide jarduerarako zer nolako gaitasunak eta jarrerak eskatzen diren zehaztu da.
d) Administrazio Kudeaketako teknikariaren lanbide profilarekin zerikusia duten prestakuntza eta lanbide ibilbideak identifikatu dira.
e) Etengabeko prestakuntzak laneratu ahal izateko eta produkzio prozesuaren eskakizunetara moldatzeko gakoa den aldetik duen garrantzia baloratu da.
f) Lana bilatzeko prozesuan zein teknika erabiltzen diren zehaztu da.
g) Tituluarekin zerikusia duten lanbide sektoreetan autoenplegurako dauden aukerak aurreikusi dira.
2. Talde lanaren estrategiak aplikatzen ditu eta estrategia horien eraginkortasuna eta eragimena baloratzen ditu erakundearen helburuei begira.
Ebaluazio irizpideak:
a) Talde lanaren onurak baloratu dira, Administrazio Kudeaketako teknikariaren profilarekin zerikusia duten lan egoeretan.
b) Egiazko lan egoera batean eratzen ahal diren lantaldeak identifikatu dira.
c) Lantalde eraginkorraren ezaugarriak zehaztu dira eraginkortasunik gabeko lantaldeen aldean.
d) Lanbide sektorean lantaldearen funtzionamendua hobetzeko behar diren gizarte trebetasunak baloratu dira.
e) Lantaldeetan erabiltzen diren agiriak identifikatu dira: deialdiak, aktak eta aurkezpenak.
f) Lantaldeko kideen eginkizunen eta iritzien aniztasun beharrezkoa positiboki baloratu da.
g) Taldeko kideen artean gatazkak sortzen ahal direla eta hori erakundeen ezaugarrietako bat dela aitortu da.
h) Gatazka motak eta horien iturriak identifikatu dira, bai eta gatazkak konpontzeko prozedurak ere.
3. Lan harremanetatik sortzen diren eskubideak erabili eta betebeharrak bete egiten ditu, eta badaki horiek bereizten lan kontratuetan eta hitzarmen kolektiboetan.
Ebaluazio irizpideak:
a) Lan zuzenbideko kontzeptu nagusiak identifikatu dira.
b) Enpresaburu eta langileen arteko harremanetan esku hartzen duten erakunde nagusiak bereizi dira.
c) Lan harremanetatik sortzen diren eskubideak eta betebeharrak zehaztu dira.
d) Kontratazio mota nagusiak sailkatu dira eta zenbait kolektiboren kontratazioa sustatzeko neurriak identifikatu dira.
e) Indarra duen legedian lana eta familiako bizitza ongi uztartzeko ezarrita dauden neurriak baloratu dira.
f) Soldaten ordainagiria aztertu da eta hura osatzen duten elementu nagusiak identifikatu dira, tartean langilearen kotizazio oinarriak eta langileari eta enpresaburuari dagozkien kuotak daudela.
g) Lan harremanak aldatzearen, etetearen eta amaitzearen kausak eta ondorioak identifikatu dira.
h) Gatazka kolektiboetako neurriak eta gatazkak ebazteko prozedurak aztertu dira.
i) Administrazio Kudeaketako teknikari tituluarekin zerikusia duen lanbide sektoreari aplikatu beharreko hitzarmen kolektibo batean itundutako lan baldintzak zehaztu dira.
j) Lanaren antolaketaren ingurune berriak bereizten dituzten ezaugarriak identifikatu dira.
4. Gizarte Segurantzaren sistemak estaltzen dituen egoeretan zer nolako babesak dauden zehazten du eta prestazio motak identifikatzen ditu.
Ebaluazio irizpideak:
a) Gizarte Segurantzaren eginkizuna baloratu da, herritarren bizi kalitatea hobetzeko zutabe nagusia den aldetik.
b) Gizarte Segurantzaren sistemako araubideak identifikatu dira.
c) Gizarte Segurantzaren sistemak estaltzen dituen egoerak banan-banan aipatu dira.
d) Enpresaburuak eta langileak Gizarte Segurantzaren sistemaren barnean dituzten betebeharrak identifikatu dira.
e) Inguruko herrialde nagusietan gizarte segurantzaren arloan dauden aldeak identifikatu dira.
f) Gizarte Segurantzaren sistemako prestazioak sailkatu dira eta baldintzak identifikatu dira.
g) Legezko langabezia egoerak zehaztu dira zenbait kasu praktikotan.
h) Ikasleen ezaugarriei dagozkien langabezia prestazioen iraupena eta zenbatekoa kalkulatu dira, kotizaziopeko oinarrizko prestazioak eta laguntzako prestazioak bereiziz.
5. Laneko arriskuei aurrea hartzeko oinarrizko arau esparrua identifikatzen du eta prebentzioaren kulturak enpresako arlo eta jarduera guztietan duen garrantzia baloratzen du.
Ebaluazio irizpideak:
a) Laneko arriskuei aurrea hartzeko oinarrizko araudia identifikatu da.
b) Laneko arriskuen prebentzioaren arloko eskubide eta betebehar nagusiak zein diren zehaztu da.
c) Lan baldintzen eta langilearen osasunaren arteko lotura azaldu da.
d) Izan daitezkeen arrisku faktore ohikoenak sailkatu dira.
e) Arrisku faktoreen ondorioz gerta daitezkeen lanbide kalteak (lan istripuak eta lanbide eritasunak) sailkatu eta deskribatu dira.
6. Enpresan laneko arriskuen prebentzioaren kudeaketan parte hartzen duten eragileak identifikatzen ditu, laneko arriskuei aurrea hartzeko araudian ezarritako irizpideei jarraituz.
Ebaluazio irizpideak:
a) Enpresan prebentzioa kudeatzeko moduak sailkatu dira, laneko arriskuei aurrea hartzeko araudian ezarritako irizpideen arabera.
b) Prebentzioan parte hartzen duten eragile guztien erantzukizunak identifikatu dira.
c) Arriskuen prebentzioaren arloan langileek enpresan ordezkaritza izateko bideak zein diren zehaztu da.
d) Laneko arriskuen prebentzioarekin zerikusia duten erakunde publikoak identifikatu dira.
7. Bere jardueraren arriskuak ebaluatzen ditu, lan baldintzak eta bere lan inguruneko arrisku faktoreak aztertuz.
Ebaluazio irizpideak:
a) Administrazio jarduerak dituen arrisku faktoreak eta horietatik etor daitezkeen kalteak identifikatu dira.
b) Administrazio Kudeaketako teknikariaren lan inguruneetan ohikoenak diren arrisku egoerak sailkatu dira.
c) Enpresako arriskuen ebaluazioa egin da, arriskuak identifikatu eta baloratu dira, prebentzio neurriak proposatu dira eta horien eraginkortasunaren jarraipena eta kontrola egin dira.
d) Administrazio Kudeaketako teknikariaren lanbide profilarekin zerikusia duten lan inguruneetan prebentzioari begira garrantzia duten lan baldintzak zein diren zehaztu da.
8. Enpresa txiki bateko arriskuei aurrea hartzeko plana egiten parte hartzen du, lan inguruneko arrisku egoeren azterketatik abiaturik, eta prebentzio neurriak aplikatzen ditu.
Ebaluazio irizpideak:
a) Administrazio Kudeaketako teknikariaren lanbide sektorearekin zerikusia duen lantoki bateko prebentzio planaren edukia definitu da.
b) Aintzat hartu da garrantzitsua dela enpresan prebentzio plana izatea, larrialdietan egin beharreko jarduketen sekuentzia barne.
c) Enpresa txiki edo ertain batentzako larrialdi eta ebakuazio plana proiektatu da.
d) Kalteak beren sorburuan saihesteko eta saihestezinak diren ondorioak leuntzeko aplikatu behar diren prebentzio eta babes neurriak definitu dira.
e) Mota guztietako segurtasun seinaleen esanahia eta eremua aztertu dira.
f) Larrialdietan jarduteko protokoloak aztertu dira.
g) Zaurituak larritasunaren arabera sailkatzeko teknikak identifikatu dira.
h) Lehen sorospenetarako oinarrizko teknikak identifikatu dira, istripuaren lekuan aplikatu behar direnak kalte mota desberdinei aurre egiteko. Halaber, botika kutxaren osagaiak eta erabilera azaldu dira.
i) Langilearen osasuna zaintzeko betekizunak eta baldintzak eta horiek prebentzio neurri gisa duten garrantzia zehaztu dira.
Edukiak.
Lan bilaketa aktiboa:
-Lanbide karrerarako interesak, gaitasunak eta motibazio pertsonalak aztertzea.
-Erabakiak hartzeko prozesua.
-Administrazio Kudeaketako teknikariaren lanbide sektorea definitu eta aztertzea, inguruko lurralde eremuan nahiz Estatu mailan.
-Sektoreko enpresa txiki, ertain eta handietan lana bilatzeko prozesua haren eraginpeko lurralde eremuan, Estatuan eta Europar Batasunean. Eures sarea.
-Europan ikasteko eta lan egiteko aukerak.
-Etengabeko prestakuntzak Administrazio Kudeaketako teknikariaren lan eta lanbide ibilbiderako duen garrantzia baloratzea.
-Informazio hori ematen duten tokiko, eskualdeko, Estatuko eta Europako erakundeen identifikazioa.
-Administrazio Kudeaketako teknikariarekin zerikusia duten prestakuntza ibilbideak identifikatzea tokiko, eskualdeko, Estatuko eta Europako eremuetan.
-Lana bilatzeko teknikak eta erremintak: curriculum vitae ereduak, Europako curriculum vitae-a eta lan elkarrizketak. Europar Batasunean langileen mugikortasuna errazten duten beste agiri batzuk: Europass mugikortasun agiria, Ziurtagiriaren Gehigarri Europarra eta Europako Hizkuntzen Zorroa.
-Autoenplegua baloratzea laneratzeko hautabide gisa.
Gatazkaren kudeaketa eta lantaldeak:
-Talde lanak erakundearen eraginkortasunari begira dituen alde onak eta txarrak baloratzea.
-Administrazio arloko talde motak, betetzen dituzten eginkizunen arabera.
-Lantalde eraginkorraren ezaugarriak.
-Gizarte trebetasunak. Hitzezko eta hitzik gabeko komunikaziorako teknikak.
-Lan bileretan erabiltzen diren agiriak: deialdiak, aktak eta aurkezpenak.
-Lantaldean parte hartzea. Kideek har ditzaketen rolen azterketa.
-Gatazka: gatazkaren ezaugarriak, iturriak eta etapak.
-Gatazka konpondu edo ezabatzeko metodoak: bitartekotza, adiskidetzea, arbitrajea, epaiketa eta negoziazioa.
Lan kontratua:
-Lan arloko zuzenbidea.
-Banakako lan harremanen azterketa.
-Lan kontratuaren modalitateak eta kontratazioa sustatzeko neurriak.
-Lan harremanek sortzen dituzten eskubideak eta betebeharrak.
-Lan baldintzak. Soldata, lan denbora eta atsedena.
-Soldataren ordainagiria.
-Lan kontratuaren aldaketa, etetea eta iraungipena.
-Langileen ordezkaritza.
-Administrazio Kudeaketako teknikariaren lanbide eremuari aplikatu beharreko hitzarmen kolektibo baten azterketa.
-Lan gatazka kolektiboak.
-Lana antolatzeko ingurune berriak: azpikontratazioa, urrutiko lana eta beste batzuk.
-Langileentzako onurak antolamendu berrietan: malgutasuna, onura sozialak eta beste batzuk.
Gizarte Segurantza, lana eta langabezia:
-Gizarte Segurantzaren sistema, elkartasun sozialaren oinarrizko printzipio gisa.
-Gizarte Segurantzaren sistemaren egitura.
-Enpresaburuek eta langileek gizarte segurantzaren arloan dituzten betebehar nagusiak: afiliazioa, altak, bajak eta kotizazioa.
-Gizarte Segurantzaren ekintza babeslea.
-Gizarte Segurantza gure inguruko herrialde nagusietan.
-Langabezia babesa: kontzeptua eta babesten ahal diren egoerak.
Laneko segurtasun eta osasunaren arau esparrua eta oinarrizko kontzeptuak:
-Prebentzioaren kulturaren garrantzia jardueraren fase guztietan.
-Lanaren eta osasunaren arteko loturaren balorazioa.
-Lanbide arriskua. Arrisku faktoreen azterketa.
-Arrisku egoera bakoitzaren ondorioz langilearen osasunak nolako kalteak izan ditzakeen zehaztea.
-Laneko arriskuei aurrea hartzeko oinarrizko arau esparrua.
-Laneko arriskuen prebentzioaren arloko eskubideak eta betebeharrak.
Prebentzioaren kudeaketan parte hartzen duten agenteak eta haien erantzukizunak:
-Aurreneurrien kudeaketaren antolaketa enpresan.
-Langileen ordezkaritza prebentzioaren arloan.
-Laneko arriskuen prebentzioaren arloko erantzukizunak.
-Laneko arriskuen prebentzioarekin zerikusia duten erakunde publikoak.
Lanbide arriskuen ebaluazioa:
-Enpresako arriskuen ebaluazioa, prebentzio jardueraren oinarrizko elementu gisa.
-Segurtasun baldintzei lotutako arriskuen azterketa.
-Inguruneko baldintzei lotutako arriskuen azterketa.
-Baldintza ergonomiko eta psikosozialei lotutako arriskuak aztertzea.
-Berariazko arriskuak sektoreko industrian.
-Arriskuaren balorazioa.
Arriskuen prebentzioaren plangintza eta prebentzio eta babes neurrien aplikazioa enpresan:
-Prebentzioaren plangintza enpresan. Prebentzio plana eta horren edukia.
-Prebentzio neurriak hartzea: horien plangintza eta kontrola.
-Banakako eta taldeko prebentzio eta babes neurriak.
-Larrialdi eta ebakuazioetarako planak lan inguruneetan.
-Administrazioaren sektoreko ETE batentzako larrialdi plana egitea.
-Larrialdietan jarduteko protokoloa.
-Larrialdi medikoa eta lehen sorospenak. Oinarrizko kontzeptuak eta aplikazioa.
-Langileei prestakuntza ematea larrialdietako planei buruz eta lehen sorospenetarako teknikei buruz.
-Langileen osasuna zaintzea.
Orientabide didaktikoak.
Modulu honen bidez, ikasleek oinarrizko trebetasunak eta jarrerak bereganatzen dituzte lan munduan sartzeko eta beren lanbide karrera berdintasun baldintzetan garatzeko, administrazioaren sektorean, hala Espainiako lurraldean nola Europan.
Edukien hurrenkerari dagokionez, kontuan izanik ikastetxeak egokienak iruditzen zaizkion erabakiak hartzeko eskumena duela, lan arloko legeriari eta gizarte segurantzaren arloari buruzko edukiak jorra litezke lehenik, ikasleak motibatu ohi dituztelako; horrela ikasleek moduluari buruzko jarrera positiboa hartuko dute.
Jarraian laneko segurtasunaren eta osasunaren inguruko edukiak aurkez litezke, eta, gero, gatazkaren kudeaketari eta lantaldeei ekin. Azkenik lan bilaketari buruzko multzoa jorra liteke, ikasleak lan merkatuan sartu aurreko urrats gisa.
Modulu honetako ikaskuntzaren emaitzak lortzeko askotariko jarduerak daude aukeran. Hona hemen batzuk:
-Norberaren izaerari eta gizarte trebetasunen garapenari buruzko orientazio probak eta dinamikak egitea, prestakuntzaren eta asmoen arteko koherentzia pertsonala egiaztatzeko.
-Norberaren karrera planifikatzea: epe ertain eta luzerako lan helburuak ezartzea, beharrekin eta lehentasunekin bateragarriak. Helburu errealistak ezartzea, oraingo prestakuntzarekin eta proiektatuarekin koherenteak, eta nork bere ikaskuntzaren ardura hartzea.
-Lana bilatzen laguntzen ahal diguten bitartekoak eta erakundeak identifikatzea, bai gure ingurune hurbilenean bai Europan, horretarako erreminta egokiak erabiliz (Eures sarea, Europass, Ploteus eta beste batzuk).
-Lana bilatzeko behar den dokumentazioa garatzea: curriculum vitae-a, lan elkarrizketak, test psikoteknikoak eta beste batzuk.
-Jardueraren bat bakarka eta taldean egitea eta emaitzak konparatzea.
-Gatazka egoera bat simulatzea eta konponbide desberdinak aurkeztea.
-Sektoreko langileei eragiten dien lan arloko araudia identifikatzea.
-Langileen Estatutuaren edukia zikloari dagokion sektoreko hitzarmen kolektibo batekin alderatzea.
-Negoziazio kolektiboko prozesu bat simulatzea, langileen eta enpresaburuen interesak bateratzeko bide gisa.
-Zailtasun maila desberdinetako soldata ordainagiriak egitea.
-Gizarte Segurantzak babesten dituen egoerak identifikatzea.
-Zikloa eginda eskuratzen ahalko diren lanpostu ohikoenetan gerta daitezkeen arrisku egoerak aztertzea, aurreneurriak proposatzea eta ezarri beharreko aurreneurrien plangintza diseinatzea, hori guztia indarra duen araudiari jarraituz.
-Sektoreko enpresak ikusteko bisitak programatu eta egitea, ikasleek produkzio sektorearen errealitatea ezagutzeko aukera izan dezaten.
Modulu honen edukietarako ikus-entzunezko baliabideak edota Internet erabilita, ikaskuntza eta irakaskuntza prozesua azkarragoa eta eraginkorragoa izanen da. Pixkanaka ikasleek beren kabuz ebazten ahalko dituzte proposatzen zaizkien jarduketak eta egoerak.
Lanerako prestakuntza eta orientazioaren eta Giza baliabideen administrazio eragiketen moduluek elkarren artean hertsiki loturik daude, langileak erakarri eta hautatzeko edukiei, lan kontratuei, horren aldaketa eta amaitzeari, nomina eta Gizarte Segurantzari dagokienez. Beraz, nahitaez egon beharko du bi modulu horiek ematen dituzten irakasleen arteko koordinazioak, behar eta nahi ez den bikoizketarik ez gertatzeko.
Halaber, arreta eman beharko litzaioke lantegi, enpresa simulatzen den geletan emandako moduluekiko loturari, lan osasunaren eta segurtasunaren arloko prestakuntza osatze aldera.
Lanbide modulua: Lantokietako prestakuntza
Kodea: 0451.
Iraupena: 370 ordu.
Ikaskuntzaren emaitzak eta ebaluazio irizpideak.
1. Enpresaren egitura eta antolaketa identifikatzen ditu, horren barne eta kanpo eginkizunekin erlazionatuz, bai eta dagokion edo bere bezeroak dituen ekonomia sektorearekin ere.
Ebaluazio irizpideak:
a) Enpresaren antolamendu egitura eta enpresako arlo bakoitzaren eginkizunak identifikatu dira.
b) Enpresaren egitura sektorean dauden enpresa antolamenduekin alderatu da.
c) Zerbitzuaren ezaugarriak eta bezero mota erlazionatu egin dira enpresa jardueraren garapenarekin.
d) Produkzio prozesuko lan prozedurak identifikatu dira.
e) Giza baliabideek enpresaren jarduera ahalik ongien garatzeko eduki behar dituzten gaitasunak baloratu dira.
f) Jarduera honetan ohikoen izaten diren barreiapen bideen egokitasuna baloratu da.
2. Bere lanbide jardueran ohitura etiko eta lan ohitura egokiak aplikatzen ditu, lanpostuaren ezaugarrien eta enpresan ezarritako prozeduren araberakoak.
Ebaluazio irizpideak:
a) Honako hauek ezagutu eta justifikatu dira:
-Lanpostuak langileari eskatzen dizkion prestasuna eta denbora.
-Lanposturako behar diren jarrera pertsonalak (puntualtasuna, enpatia, besteak beste) eta profesionalak (ordena, garbitasuna eta erantzukizun, besteak beste).
-Lanbide jardueran arriskuei aurrea hartzeko beharrezkoak diren jarrerak eta pertsonak babesteko neurriak.
-Lanbide jardueraren kalitateari dagozkion jarrera eskakizunak.
-Lantaldearekiko harremanei eta enpresan ezarritako harreman hierarkikoei buruzko jarrerak.
-Lan esparruan egindako jardueren dokumentazioarekin zerikusia duten jarrerak.
-Laneratzeko eta lan munduan berriz sartzeko prestakuntza beharrak profesionalaren jarduera egokiaren esparru zientifiko eta teknikoan.
b) Lanbide jardueran laneko arriskuei aurrea hartzeko aplikatu behar diren arauak eta Laneko Arriskuei Aurrea Hartzeko Legearen funtsezko alderdiak identifikatu dira.
c) Norbanakoak babesteko ekipamenduak erabili dira, lanbide jardueraren arriskuen arabera eta enpresaren arauak betez.
d) Egindako jardueretan ingurumenarekiko errespetua agertu da.
e) Lanpostua edo jarduera egiten deneko eremua ongi antolatua, garbi eta oztoporik gabe eduki da.
f) Egokitutako lanaren gaineko erantzukizuna hartu du, jasotako jarraibideak interpretatu eta betez.
g) Komunikazio eraginkorra eratu da egoera bakoitzean arduradun den pertsonarekin eta taldekideekin.
h) Gainerako taldekideekin koordinatu da, agertu zaizkion inguruabar garrantzitsuak jakinaraziz.
i) Bere jardueraren eta lan aldaketetara egokitzearen garrantzia baloratu da.
j) Arau eta prozeduren aplikazioaren gaineko erantzukizuna hartu du lana garatzean.
3. Agindu, dokumentu eta komunikazioak erregistratzen ditu; horretarako, edukia interpretatzen du.
Ebaluazio irizpideak:
a) Dokumentu eta komunikazioak eskuratu eta interpretatzeko beharrezko baliabide eta materialak identifikatu dira.
b) Agindu, dokumentu eta komunikazioek duten informazioa identifikatu da.
c) Jasotako informazioaren premia eta/edo garrantzia zehaztu da.
d) Jasotako agindu, dokumentu eta komunikazioei lotutako zereginak zehaztu dira.
e) Jasotako aginduak gauzatzeko beharrezko baliabideak ezagutu eta zehaztu dira.
f) Komunikazio edo dokumentuak sailkatu dira, gero tramitatzeko.
g) Informazio horri lotutako lana interpretatu edo gauzatzeko ardura dagokion departamentuari bideratu zaizkio.
h) Enpresaren barne prozedurak eta irizpideak aplikatu dira.
4. Dokumentu edo komunikazioak egiten ditu, enpresak ezarritako irizpideei eta indarrean dagoen araudiari jarraiki.
Ebaluazio irizpideak:
a) Enpresan erabili ohi diren dokumentuak identifikatu dira.
b) Bete beharreko dokumentua identifikatu da.
c) Enpresa baten administrazio kudeaketako dokumentu berariazkoak egiteko araudia ezagutu da.
d) Dokumentuak egiteko behar den informazioa lortu da.
e) Dokumentuak betetzean baliabide edo euskarri egokiak erabili dira.
f) Beharrezkoak izan diren matematikako kalkuluak eta egiaztapenak egin dira.
g) Egin beharreko dokumentuen eremuak bete dira.
h) Hizkuntza eta idazketa zuzen erabili dira, egin beharreko zereginari egokituta.
i) Dokumentu edo komunikazioaren hartzailea identifikatu da.
j) Informazioaren eta komunikazioaren teknologiak erabili dira.
5. Administrazio dokumentazioa tramitatu eta kudeatzen du, enpresak ezarritako irizpideei eta indarrean dagoen araudiari jarraiki.
Ebaluazio irizpideak:
a) Egindako eta/edo jasotako dokumentuak egiaztatu eta berrikusi dira.
b) Dokumentuak enpresaren departamentuetako arduradunen aurrean aurkeztu dira.
c) Dokumentuak aurkeztu dira dagozkion administrazio publikoen eta enpresatik kanpoko erakundeen aurrean.
d) Dokumentazioa kudeatzeko epeak bete dira.
e) Komunikazio bide egokiak erabili dira.
f) Araudia ezagutu da.
g) Informazioaren eta komunikazioaren teknologiak erabili dira.
6. Administrazio dokumentazioa erregistratu eta artxibatzen du, enpresak ezarritako irizpideei eta indarrean dagoen araudiari jarraiki.
Ebaluazio irizpideak:
a) Enpresan erabilitako erregistratzeko eta artxibatzeko sistemak identifikatu dira.
b) Erregistratzeko baliabide edo euskarri egokienak erabili dira.
c) Erregistro liburuak bete dira.
d) Enpresan erabilitako dokumentazioa antolatzeko teknikak aplikatu dira.
e) Lanak ordenarekin eta garbitasunarekin egin dira.
f) Araudia ezagutu da.
g) Informazioaren eta komunikazioaren teknologiak erabili dira.
h) Informazioa artxibatzeko sistemak aplikatu dira.
7. Salmentako, produktuen sustapeneko eta bezeroarentzako arretarako eragiketak egiten ditu, eta enpresak ezarritako ezaugarri eta irizpideetara egokitzen da eta bertako merkataritza arloarekin jarduten du lankidetzan.
Ebaluazio irizpideak:
a) Bezeroen beharretara egokitutako eskaintzak egin dira, enpresaren merkataritza eta salmenta helburuen arabera.
b) Bezeroei aurkeztutako erreklamazioen aurrean konponbide edo konpontzeko bideak eskaini zaizkie.
c) Komunikazio teknikak eta gizarte trebetasunak aplikatu dira, bezeroarekiko enpatia errazteko.
d) Erosteko aukera errazteko gaitasuna mantendu da.
e) Produktuak eta zerbitzuak saltzeko teknikak aplikatu dira, merkaturatze bideen bidez.
f) Bezeroari enpresaren produktu eta zerbitzuei buruzko informazioa eman zaio.
g) Departamentuari enpresako bezeroek aurkeztutako erreklamazioak jakinarazi zaizkio.
Modulu honek lagundu egiten du titulu honetako gaitasunak osatzen, ikastetxean lortu direnak alegia, edo ikastetxean nekez lor daitezkeen gaitasun bereizgarriak garatzen.
3. ERANSKINA. PRESTAKUNTZA UNITATEAK
A) moduluak antolatzea prestakuntza unitateetan.
| 0437 lanbide modulua: Enpresa komunikazioa eta bezeroarentzako arreta (130 h) | ||
| KODEA | PRESTAKUNTZA UNITATEA | IRAUPENA (h) |
| 0437-UF01(NA) | Enpresa komunikazioko teknikak: ahozko komunikazioa: | 30 |
| 0437-UF02(NA) | Komunikazio idatzia eta informazio artxiboa enpresan. | 50 |
| 0437-UF03(NA) | Bezeroentzako arreta | 50 |
| 0438 lanbide modulua: Salerosketako administrazio eragiketak (130 h). | ||
| KODEA | PRESTAKUNTZA UNITATEA | IRAUPENA (h) |
| 0438-UF01(NA) | Salerosketako merkataritza kalkuluak | 20 |
| 0438-UF02(NA) | Salerosketako administrazio dokumentazioa. | 60 |
| 0438-UF03(NA) | Salerosketekin lotutako zerga betebeharrak. | 20 |
| 0438-UF04(NA) | Biltegiko izakinen kontrola | 30 |
| 0441 lanbide modulua: Kontabilitateko teknika (130 h) | ||
| KODEA | PRESTAKUNTZA UNITATEA | IRAUPENA (h) |
| 0441-UF01(NA) | Ondare elementuak eta kontabilitateko metodologia | 20 |
| 0441-UF02(NA) | ETE Kontabilitate Plan Orokorra | 20 |
| 0441-UF03(NA) | Enpresaren oinarrizko egitate ekonomikoak kontabilizatzea | 60 |
| 0441-UF04(NA) | Eragiketak kontabilizatzea, aplikazio informatiko berariazkoaren bidez | 30 |
| 0442 lanbide modulua: Giza baliabideen administrazio eragiketak (130 h). | ||
| KODEA | PRESTAKUNTZA UNITATEA | IRAUPENA (h) |
| 0442-UF01(NA) | Giza baliabideak: hautaketa, prestakuntza eta motibazioa | 30 |
| 0442-UF02(NA) | Lan kontratua: kontratazioa, aldaketa eta iraungipena | 40 |
| 0442-UF03(NA) | Nominak eta Gizarte Segurantza | 40 |
| 0442-UF04(NA) | Langileen kudeaketa integraleko kalitatea | 20 |
| NA04 lanbide modulua: Oinarrizko ingelesa I (60 h) | ||
| KODEA | PRESTAKUNTZA UNITATEA | IRAUPENA (h) |
| NA04 - UF01 | Oinarrizko ingelesa I | 60 |
| NA08 lanbide modulua: Edukien kudeaketa Web orrietan (60 h) | ||
| KODEA | PRESTAKUNTZA UNITATEA | IRAUPENA (h) |
| NA08 - UF01 | Web gunea: Kontzeptu orokorrak. Aplikazioak eta zerbitzuak | 20 |
| NA08 - UF02 | Edukiak Kudeatzeko Sistemak (CMS) | 40 |
| 0440 lanbide modulua: Informazioaren tratamendu informatikoa (330 h) | ||
| KODEA | PRESTAKUNTZA UNITATEA | IRAUPENA (h) |
| 0440-UF01(NA) | Teklatu eragiketa: hasiera eta oinarrizko abiadura | 40 |
| 0440-UF02(NA) | Teklatu eragiketa: abiadura | 50 |
| 0440-UF03(NA) | Sistema eragilearen hastapenak. Aplikazio informatikoak instalatu eta eguneratzea | 30 |
| 0440-UF04(NA) | Testu dokumentuak egitea, ereduzko testuen prozesadorearen bidez. | 50 |
| 0440-UF05(NA) | Dokumentuak eta txantiloiak egitea, ereduzko kalkulu orriaren bidez | 50 |
| 0440-UF06(NA) | Posta eta agenda elektronikoa kudeatzea | 20 |
| 0440-UF07(NA) | Irudi digitalak eta bideo sekuentziak, multimedia aurkezpenetan sartzeko | 30 |
| 0440-UF08(NA) | Datuak manipulatzeko eragiketak, ofimatikako ereduzko datu baseetan. | 60 |
| 0448 lanbide modulua: Diruzaintza kudeaketako eragiketa osagarriak (170 h) | ||
| KODEA | PRESTAKUNTZA UNITATEA | IRAUPENA (h) |
| 0448-UF01(NA) | Finantziazio eta inbertsio erremintak eta diruzaintzako kontrola | 30 |
| 0448-UF02(NA) | Bankuko kalkulu eta eragiketak I | 50 |
| 0448-UF03(NA) | Bankuko kalkulu eta eragiketak II | 50 |
| 0448-UF04(NA) | Burtsa eta aseguruen produktuak | 40 |
| 0439 lanbide modulua: Enpresa eta Administrazioa (90 h) | ||
| KODEA | PRESTAKUNTZA UNITATEA | IRAUPENA (h) |
| 0439-UF01(NA) | Enpresa eta berrikuntza | 20 |
| 0439-UF02(NA) | Enpresaren zerga sistema eta zerga betebeharrak | 40 |
| 0439-UF03(NA) | Administrazio publikoa | 30 |
| 0446 lanbide modulua: Enpresa ikasgelan (130 h) | ||
| KODEA | PRESTAKUNTZA UNITATEA | IRAUPENA (h) |
| 0446-UF01(NA) | Informazioa eta komunikazioa kudeatzea simulatutako enpresa baten bulegoan | 20 |
| 0446-UF02(NA) | Bitegiko erosketa eta kudeaketako administrazio eragiketak simulatutako enpresa batean | 20 |
| 0446-UF03(NA) | Simulatutako enpresa baten merkataritza politika kudeatzea | 30 |
| 0446-UF04(NA) | Kontabilitate, zerga eta finantzako dokumentazioa kudeatzea simulatutako enpresa batean | 30 |
| 0446-UF05(NA) | Langileak kudeatzeko dokumentazioa kudeatzea simulatutako enpresa batean | 30 |
| 0443 lanbide modulua: Kontabilitateko dokumentazioaren tratamendua (90 h) | ||
| KODEA | PRESTAKUNTZA UNITATEA | IRAUPENA (h) |
| 0443-UF01(NA) | Egitate ekonomikoen euskarri den dokumentazioa | 30 |
| 0443-UF02(NA) | Ohiko egitate ekonomikoak kontabilitatean erregistratzea ekitaldi ekonomiko batean | 60 |
| 0156 lanbide modulua: Ingelesa (90 h) | ||
| KODEA | PRESTAKUNTZA UNITATEA | IRAUPENA (h) |
| 0156-UF01(NA) | Ingelesa administrazio kudeaketan I | 40 |
| 0156-UF02(NA) | Ingelesa administrazio kudeaketan II | 50 |
| 0449 lanbide modulua: Lanerako prestakuntza eta orientazioa (90 h) | ||
| KODEA | PRESTAKUNTZA UNITATEA | IRAUPENA (h) |
| 0449-UF01(NA) | Laneko arriskuen prebentzioaren oinarrizko maila | 30 |
| 0449-UF02(NA) | Lan harremanak eta Gizarte Segurantza | 40 |
| 0449-UF03(NA) | Laneratzea eta gatazken ebazpena | 20 |
B) Prestakuntza unitateen garapena.
Lanbide modulua: Enpresa komunikazioa eta bezeroarentzako arreta
Iraupena: 130 ordu.
Kodea: 0437.
Prestakuntza unitatea: Enpresa komunikazioko teknikak: ahozko komunikazioa. Kodea: 0437 - UF01 (NA).
Iraupena: 30 ordu.
Enpresa komunikazioaren teknikak hautatzea:
-Komunikazioaren elementu eta oztopoak.
-Komunikazioa eta informazioa eta portaera.
-Giza eta lan harremanak enpresan.
-Enpresa antolaketa. Organigramak.
-Enpresa antolaketaren printzipio eta motak.
-Ereduzko departamentuak eta funtzio arloak.
-Langileen eginkizunak antolaketan.
-Komunikazio fluxuen deskribapena.
-Barne komunikazioa enpresan: komunikazio formala eta informala.
-Kanpo komunikazioa enpresan. Publizitatea eta harreman publikoak.
Ahozko komunikazioa transmititzea enpresan:
-Oinarrizko printzipioak ahozko komunikazioetan.
-Ahozko informazio eta arretaren arauak.
-Ahozko komunikaziorako, gizarte trebetasunetarako eta protokolorako teknikak.
-Hitzik gabeko komunikazioa.
-Hitzezko komunikazioa enpresa barruan.
-Telefono bidezko komunikazioa.
-Telefonoa eta bere erabilera. Telefonogunea. Telefono aurkibidearen erabilera. Telefonoz behar bezala hitz egiteko arauak.
-Informatika hitzezko komunikazioetan.
-Komunikazioak bisitei harrera egitean: harrera, identifikazioa, kudeaketa, agurra.
Prestakuntza unitatea: Komunikazio idatzia eta informazio artxiboa enpresan.
Kodea: 0437 - UF02 (NA).
Iraupena: 50 ordu.
Komunikazio idatzia transmititzea enpresan:
-Komunikazio idatzia enpresan.
-Komunikazio eta idazmenaren arauak.
-Merkataritzako korrespondentziaren ezaugarri nagusiak.
-Merkataritzako gutuna. Egitura, estiloak eta motak.
-Enpresan eta administrazio publikoetan erabiltzeko dokumentu moten formatuak.
-Bitarteko eta ekipamendu ofimatiko eta telematikoak.
-Posta elektronikoa.
-Korrespondentzia jaso, bidali eta erregistratzea.
-Posta zerbitzuak, korrespondentzia eta paketeriaren barne zirkulazioa.
-Informazioaren segurtasun eta isilpekotasun prozedurak aplikatzea.
Informazioa artxibatzea, paperezko euskarrian:
-Dokumentuak sailkatu eta antolatzea.
-Sailkapen arauak. Alde onak eta txarrak.
-Artxibatzeko teknikak: Izaera. Artxiboaren helburua.
-Dokumentuak artxibatzea. Datuak hartu eta lantzea eta horiek babestea.
-Artxibatzeko sistemak. Ohikoak. Mikrofilme bidezkoak. Informatikoak.
-Informazioaren sailkapena.
-Artxiboaren zentralizazioa edo deszentralizazioa.
-Artxibatzeko prozesua.
-Artxiboaren ondoriozko txostenak prestatu eta aurkeztea.
-Dokumentazioa ezabatu edo suntsitzea.
-Informazioaren eta dokumentazioaren isilpekotasuna.
Informazioa artxibatzea, euskarri informatikoan:
-Datu baseak informazioa tratatzeko.
-Datu basearen egitura eta eginkizunak.
-Datuak babesteko prozedurak.
-Artxiboak eta karpetak.
-Posta elektronikoa karpetetan antolatzea, bai eta komunikazio telematikoko bestelako sistema batzuk ere.
Prestakuntza unitatea: Bezeroentzako arreta.
Kodea: 0437 - UF03 (NA).
Iraupena: 50 ordu.
Bezeroen beharrak ezagutzea:
-Bezeroaren kontzeptua eta identifikazioa: barneko bezeroa; kanpoko bezeroa.
-Bezeroaren ezagutza eta bere motibazioak.
-Bezeroari arreta emateko elementuak: ingurunea, antolaketa eta enplegatuak.
-Bezeroari arreta emateko faseak: harrera, jarraipena, kudeaketa eta agurra.
-Bezeroak jasotako arreta dela-eta duen pertzepzioa.
-Bezeroa asebetetzea.
-Kanpoko bezeroarekiko harremanaren prozesuak.
Kontsulta, kexa eta erreklamazioei erantzutea:
-Bezeroari arreta emateko departamentua. Eginkizunak.
-Bezeroak jasotako arretari buruz egin duen balorazioa: erreklamazioa, kexa, iradokizunak, zorionak.
-Kexa edo erreklamazio baten elementuak.
-Kexa eta erreklamazioak ebazteko faseak.
-Kontsumitzailea.
-Kontsumo erakundeak.
-Kontsumoari buruzko araudia.
-Erreklamazio eta salaketak jasotzeko prozedura.
-Tramitazioa eta kudeaketa.
Enpresaren irudia sustatzea:
-Marketina jarduera ekonomikoan: horrek duen eragina enpresaren irudian.
-Marketinaren izaera eta helburua.
-Komunikazio politikak: publizitatea, harreman publikoak eta Korporazioaren Gizarte Erantzukizuna.
Kalitate prozedurak aplikatzea bezeroarentzako arretan:
-Zerbitzuaren kalitatea, enpresaren lehiakortasun elementu gisa.
-Zerbitzua ematean gertatutako arazoen tratamendua.
-Zerbitzuaren kontrolaren prozedurak.
-Zerbitzua ebaluatu eta kontrolatzea.
-Salmenta ondoko zerbitzuaren kontrola.
-Bezeroaren leialtasuna lortzea.
Lanbide modulua: Salerosketako administrazio eragiketak.
Iraupena: 130 ordu.
Kodea: 0438.
Prestakuntza unitatea: Salerosketako merkataritza kalkuluak.
Kodea: 0438 - UF01 (NA).
Iraupena: 20 ordu.
Merkataritzako antolaketa eta egitura enpresan:
-Enpresaren kontzeptua eta helburuak. Motak.
-Enpresaren merkataritza antolaketarako moduak.
-Merkaturatzeko sistema. Saltzeko bideak.
Salerosketako jardueraren oinarrizko kontzeptuak eta merkataritzako kalkuluak:
-Oinarrizko kontzeptuak: erosketaren prezioa, salmentaren prezioa, merkataritzako marjina, onura, erosketako gastuak eta salmentako gastuak.
-Deskontuak. Interesak eta errekarguak. Komisioak eta artesariak.
-Fakturazioan eta prezio unitarioetan oinarrizkoak diren merkataritzako kalkuluak.
-Ordainketa-kobrantza atzeratu edo aurreratuaren kalkuluak.
-Kobrantza dokumentuen kudeaketa eta negoziazioa.
Prestakuntza unitatea: Salerosketako administrazio dokumentazioa
Kodea: 0438 - UF02 (NA).
Iraupena: 60 ordu.
Salerosketako eragiketen administrazio dokumentuak prestatzea:
-Salerosketako merkataritza kontratua.
-Erosketa prozesua.
-Salmenta prozesua.
-Salmenta eta/edo banaketa bideak. Salgaiak bidali eta ematea.
-Salerosketako dokumentuak lantzea.
-Itzulketak.
-Hornitzaile eta bezeroen datu baseak.
-Bezeroen kudeaketako eta fakturazioko aplikazio informatikoak.
Kobrantza eta ordainketen tramitazioa:
-Kobratzeko eta ordaintzeko ohiko moduak. Kobrantza eta ordainketen dokumentuak.
-Kobrantza eta ordainketen administrazio prozesuak. Baimenak.
-Eperako kobrantza dokumentuen finantziazioa.
Prestakuntza unitatea: Salerosketarekin lotutako zerga betebeharrak.
Kodea: 0438 - UF03 (NA).
Iraupena: 20 ordu.
-Balio erantsiaren gaineko zerga.
-BEZaren aitorpen-likidazioa aurkezteko eredu eta epeak.
-Salerosketako eragiketen dokumentu euskarria eta euskarri informatikoa.
-Nahitaezko eta borondatezko erregistro liburuak.
-Hirugarren pertsonekiko zentsu aitorpena eta eragiketen aitorpena.
Prestakuntza unitatea: Biltegiko izakinen kontrola.
Kodea: 0438 - UF04 (NA).
Iraupena: 30 ordu.
-Izakin motak.
-Ontzi eta bilgarriak.
-Inbentarioak eta egiaztapenak.
-Izakinen kontrola eta kudeaketa. Administrazio prozedurak.
-Gutxieneko stocka eta stock hoberena.
-Izakinak baloratzeko metodoak.
-Salmenta prozesua.
-Biltegia kudeatzeko aplikazio informatikoa.
Lanbide modulua: Kontabilitateko teknika
Iraupena: 130 ordu.
Kodea: 0441.
Prestakuntza unitatea: Ondare elementuak eta kontabilitateko metodologia
Kodea: 0441 - UF01 (NA).
Iraupena: 20 ordu.
-Jarduera ekonomikoa eta ziklo ekonomikoa eta kontabilitatea.
-Ondasunak, eskubideak, betebeharrak.
-Enpresa baten aktiboa, pasiboa eta ondare garbia.
-Ondasun oreka.
-Inbentarioa: kontzeptua, motak eta egitura.
-Merkataritzako eragiketak, kontabilitateko ikuspegitik: kontabilitateko dokumentazioaren, merkataritzako dokumentazioaren tratamendua arautzen duen merkataritzako legeria: interpretazioa eta motak.
-Kontuen teoria: kontu motak eta partida biko metodoa, kontuaren kontzeptua, partida bikoitzean kargu eta abonuaren teoria, liburu egunkaria, liburu nagusia.
-Kontabilitate zikloaren garapena: kontabilitateko egitate motak, ekitaldiaren emaitzaren kalkulua, sarrerak eta gastuak, ziklo ekonomikoaren faseak bereizita.
Prestakuntza unitatea: ETE Kontabilitate Plan Orokorra.
Kodea: 0441 - UF02 (NA).
Iraupena: 20 ordu.
-Kontabilitateko normalizazioa. Kontabilitate Plan Orokorra (KPO).
-KPOren kontzeptu esparrua. Marko kontzeptualaren egitura. Urteko kontuak. Irudi zehatza. Kontabilitateko printzipioak.
-Urteko kontuak.
-Kontuen taula eta kontabilitateko harremanen definizioak.
Prestakuntza unitatea: Enpresaren oinarrizko egitate ekonomikoen kontabilizazioa
Kodea: 0441 - UF03 (NA).
Iraupena: 60 ordu.
Salgaien erosketa eta salmenta:
-Erosketa eta salmenten kontabilizazioa (jasandako eta jasanarazitako BEZaz).
-Erosketa eta salmentekin lotutako eragiketak (deskontuak, itzulketak, hobariak).
-Eragiketa horien ordainketak eta kobrantzak.
Beste gastu eta sarrera batzuk:
-Ekitaldi ekonomikoko gastu arruntak: kanpoko zerbitzuak, zergak, langile gastuak.
-Kudeaketa arrunteko beste sarrera batzuk: langileei zerbitzu emateagatiko sarrerak, errentamenduengatiko sarrerak, bestelako finantza sarrerak.
Ibilgetu materiala eta finantziazio iturriak:
-Ibilgetu materiala: kuota konstanteengatiko erosketa eta amortizazioa.
-Finantzaketa: kobratzeko eta ordaintzeko efektu komertzialak.
-Epe laburrerako eta luzerako zorrak kreditu entitateekin.
Ekitaldi amaierako eragiketak. Kontabilitate itxiera:
-BEZaren hiruhilekoko likidazioaren idazpenak.
-Izakinen erregularizazioa, biltegiko informazioaren arabera.
-Ekitaldiko emaitzaren kalkulua.
-Itxituraren idazpena eta egoeraren balantzea, ondare multzoen arabera.
Prestakuntza unitatea: Eragiketak kontabilizatzea, aplikazio informatiko berariazkoaren bidez
Kodea: 0441 - UF04 (NA).
Iraupena: 30 ordu.
-Kontabilitate partiden kudeaketa aplikazio informatikoan: ETE bat sortzea, azpikontuen alta eta bajekin; idazpenak kudeatzea, datuak sartuta; kokalekua eta kontsultak liburu nagusian, BEZaren likidazioa, ekitaldiaren itxiera.
-Aplikazioen oinarrizko mantentze eragiketak. Segurtasun kopiak.
-Aurretik zehaztutako idazpenak. Aplikazioaren ondoriozko eta aurretik zehaztutako idazpenak erabiltzea.
Lanbide modulua: Giza baliabideen administrazio eragiketak
Iraupena: 130.
Kodea: 0442.
Prestakuntza unitatea: Giza baliabideak: hautaketa, prestakuntza eta motibazioa.
Kodea: 0442 - UF01 (NA).
Iraupena: 30 ordu.
Langileak erakarri eta hautatzeko prozesuen administrazio tramitazioa:
-Lan araudiaren iturriak.
-Giza Baliabideen departamentuaren eginkizunak.
-Giza kapitalaren kudeaketa politikak enpresan.
-Biltzeko iturriak: kanpokoak eta barrukoak.
-Langileak aukeratzeko metodoak: hautaketa probak, elkarrizketa, taldeko dinamika, ebaluazio zentroak.
-Langileen espedientea.
-Enplegu berrira egokitzea.
Langileen prestakuntza, garapen eta konpentsazioaren administrazio tramitazioa.
-Motibazioarekin eta prestakuntzarekin lotutako administrazio politika eta prozedurak.
-Enpresa prestakuntzaren teknika nagusiak.
-Prestakuntza entitateak.
-Langileen konpentsazio, pizgarri eta onuren kontrola.
Prestakuntza unitatea: Lan kontratua: kontratazioa, aldaketa eta iraungipena.
Kodea: 0442 - UF02 (NA).
Iraupena: 40 ordu.
-Lan kontratuaren dokumentazioa prestatzea, aldatzea eta iraungitzea.
-Kontratuaren forma: kontratuaren gutxieneko edukia.
-Kontratazio modalitateak.
-Lanaldia eta lan egutegia.
-Lan kontratazioaren prozesua eta prozedura.
-Lan kontratuaren dokumentazioa eta formalizazioa.
-Lan kontratuaren etetea, aldaketa eta iraungipena.
-Kitapen agiria.
Prestakuntza unitatea: Nominak eta Gizarte Segurantza.
Kodea: 0442 - UF03 (NA).
Iraupena: 40 ordu.
-Soldataren ordainketaren eta betebehar atxikien dokumentazioa prestatzea.
-Gizarte Segurantzaren sistemaren erregimenak.
-Enpresaburuak Gizarte Segurantzarekin dituen betebeharrak.
-Soldaten ordainagiria prestatzea.
-Gizarte Segurantzari egindako kotizazioak.
-Kotizazio motak eta oinarriak.
Prestakuntza unitatea: Langileen kudeaketa integraleko kalitatea.
Kodea: 0442 - UF04 (NA).
Iraupena: 20 ordu.
Lan harremaneko gorabeherei buruzko dokumentazioa egitea:
-Ordutegiaren kontrola.
-Absentismoa
-Egoera berezien kudeaketa: lanerako ezintasuna, eszedentziak, baimenak, bidaiak.
Giza baliabideetako kudeaketa integraleko prozedurak aplikatzea:
-Laneko arriskuei aurrea hartzea: osasuna, kaltea, arriskua.
-Giza Baliabideetako Kalitate Osorako ereduaren funtsezko oinarri eta printzipioak.
-Datu pertsonalen babesari eta isilpekotasunari buruzko araudia.
Lanbide modulua: Oinarrizko ingelesa I
Kodea: NA04.
Iraupena: 60 ordu.
Modulu honetan, prestakuntza unitate bakarra dago eta horren iraupena eta garapena bat datoz curriculumeko Oinarrizko ingelesa I lanbide moduluan ezarritakoarekin.
Lanbide modulua: Edukien kudeaketa Web orrietan
Iraupena: 60 ordu.
Kodea: NA08.
Prestakuntza unitatea: Web gunea. Kontzeptu orokorrak. Aplikazioak eta zerbitzuak.
Kodea: NA08 - UF01.
Iraupena: 20 ordu.
-Ezaugarriak.
-Bilakaera.
-Kontzeptuak eta terminologia.
-Nabigatzaileak eta bilatzaileak.
-Web posta.
-Zerbitzuak eta aplikazioak Web 2.0.an. RSS, Feeds, eranskailuak eta sindikazioa, gizarte markagailuak. Ofimatika online. Multimedia erremintak online. Elkarlana sustatzen duten erremintak: Blogak, wikiak.
-Prospektiba.
Prestakuntza unitatea: Edukiak Kudeatzeko Sistemak (CMS)
Kodea: NA08 - UF02 (NA).
Iraupena: 40 ordu.
Edukiak Kudeatzeko Sistemen kontzeptu orokorrak (CMS):
-Edukiak Kudeatzeko Sistemak aplikatzea.
-Edukiak Kudeatzeko Sistemak erabiltzearen abantailak.
-Motak.
-Erabilera lizentziak.
-Edukiak Kudeatzeko Sistemen prospektiba.
CMS baten funtzionamendua, Web orrien edukiak kudeatzeko:
-Osagaiak.
-Edukiak sortzea.
-Txantiloiak.
-Edukien edizioa.
-Argitalpena.
-Eguneratzeak.
Lanbide modulua: Informazioaren tratamendu informatikoa
Iraupena: 330.
Kodea: 0440.
Prestakuntza unitatea: Teklatu eragiketa: hasiera eta oinarrizko abiadura.
Kodea: 0440 - UF01 (NA).
Iraupena: 40 ordu.
-Gorputz jarrera terminalaren aurrean.
-Terminal informatikoaren osaera.
-Atzamarrak jartzea.
-Trebetasun mekanografikoaren garapena: hitz bakunak idaztea, mailaz mailako zailtasuna duten hitzak idaztea, letra larriak, numerazioa eta puntuazio zeinuak, testuak kontrolatutako abiaduraz kopiatzea (gutxienez, minutuko 130 pultsazio, 5 minutuko probetan).
Prestakuntza unitatea: Teklatu eragiketa: abiadura.
Kodea: 0440 - UF02 (NA).
Iraupena: 50 ordu.
-Testuak abiadura kontrolatuaz kopiatzea, gutxienez minutuko 200 pultsazioz, 10 minutuko probetan.
-Ingelesezko testu laburrak idaztea.
-Akats zuzenketa.
Prestakuntza unitatea: Sistema eragilearen hastapenak. Aplikazio informatikoak instalatu eta eguneratzea.
Kodea: 0440 - UF03 (NA).
Iraupena: 30 ordu.
Sistema informatikoa eta sistema eragilea:
-Ordenagailuaren definizioa.
-PUZ eta barne memoriak.
-Sarrera eta irteerako periferikoak.
-Biltegi unitateak.
-Mahaigaina: leihoak, menuak, elkarrizketak.
-Instalatu eta konfiguratzeko prozedurak.
-Fitxategi eta karpeta kontzeptuak.
-Eragiketak fitxategi eta karpetekin.
Aplikazioak instalatu eta eguneratzea:
-Aplikazio ofimatikoen motak.
-Software lizentzia motak.
-Ustiapen inguruneetako beharrak.
-Aplikazioen eskakizuna.
-Aplikazioen osagai eta osagarriak.
-Instalatu eta konfiguratzeko prozedurak.
-Arazoen diagnostiko eta ebazpena.
-Erabiltzaileentzako laguntza teknikak.
Prestakuntza unitatea: Testu dokumentuak egitea, ereduzko testuen prozesadorearen bidez.
Kodea: 0440 - UF04 (NA).
Iraupena: 50 ordu.
-Dokumentuak eta txantiloiak egitea, testu prozesadoreen bidez:
-Estiloak.
-Inprimakiak.
-Dokumentuak konbinatzea.
-Txantiloiak sortu eta erabiltzea.
-Dokumentuak inportatu eta esportatzea.
-Talde lana: dokumentuen erkaketa, dokumentuen bertsioak, aldaketen egiaztatzea, besteak beste.
-Makroak diseinatu eta sortzea, agindu sinpleak gauzatzeko oinarrizkoak.
-Zenbait dokumentu mota prestatzea (eskuliburuak eta gertakari parteak, besteak beste).
-Softwarea eta hardwarea erabiltzea, testu eta irudiak sartzeko.
Prestakuntza unitatea: Dokumentuak eta txantiloiak egitea, ereduzko kalkulu orriaren bidez.
Kodea: 0440 - UF05 (NA).
Iraupena: 50 ordu.
-Dokumentuak eta txantiloiak egitea, kalkulu orrien bidez:
-Estiloak.
-Formula eta funtzioak erabiltzea.
-Taula eta grafiko dinamikoak sortzea.
-Txantiloiak eta morroiak erabiltzea.
-Kalkulu orriak inportatu eta esportatzea.
-Talde lan, bertsioen kontrol, aldaketen egiaztatze, eta beste zenbait aukera erabiltzea.
-Zenbait dokumentu mota prestatzea (aurrekontuak, fakturak, inbentarioak, besteak beste).
-Makroak diseinatu eta sortzea, agindu sinpleak gauzatzeko oinarrizkoak.
Prestakuntza unitatea: Posta elektronikoa kudeatzea eta agenda elektronikoa erabiltzea.
Kodea: 0440 - UF06 (NA).
Iraupena: 20 ordu.
-Posta eta agenda elektronikoa kudeatzea.
-Posta elektronikoko kontu motak.
-Lan ingurunea: konfigurazioa eta pertsonalizazioa.
-Txantiloi eta sinadura korporatiboak.
-Albisteen foroak ("news"), mezuak konfiguratu, erabili eta sinkronizatzea.
-Helbide liburua: inportatu, esportatu, harremanak gehitu, banaketa zerrendak sortu, zerrenda beste aplikazio ofimatiko batzuen eskuetan jarri.
-Postak kudeatzea: bidali, ezabatu, gorde, segurtasun kopiak, besteak beste.
-Agenda kudeatzea: hitzorduak, egutegia, oharrak, zereginak, besteak beste.
-Gailu mugikorrez sinkronizatzea.
-Erabiltzaileentzako laguntza teknikak.
Prestakuntza unitatea: Irudi digitalak eta bideo sekuentziak, multimedia aurkezpenetan sartzeko
Kodea: 0440 - UF07 (NA).
Iraupena: 30 ordu.
Irudiak prestatzea:
-Irudien formatuak eta bereizmena.
-Hautaketak, maskarak eta edukierak manipulatzea.
-Argazki ukituak, irudi eta koloreen oinarrizko parekatzeak erabiltzea.
-Iragazki eta efektu bakunak aplikatzea.
-Irudiak inportatu eta esportatzea.
-Irudiak lortzeko gailuak erabiltzea.
Bideoak manipulatzea:
-Bideo formatuak. Codec-ak.
-Denbora linea manipulatzea.
-Eszenak eta trantsizioak hautatzea.
-Tituluak eta audioa sartzea.
-Bideoak inportatu eta esportatzea.
Aurkezpenak egitea:
-Diapositibak diseinatu eta editatzea.
-Diapositibak, testuak eta objektuak formateatzea.
-Animazio efektuak eta trantsizio efektuak aplikatzea.
-Soinu eta bideoa aplikatzea.
-Aurkezpenak inportatu eta esportatzea.
-Txantiloiak eta morroiak erabiltzea. Diapositiba patroiak.
-Makroak diseinatu eta sortzea, agindu sinpleak gauzatzeko oinarrizkoak.
-Jendearentzako aurkezpena: proiektagailu bati konektatzea eta konfiguratzea.
Prestakuntza unitatea: Datuak manipulatzeko eragiketak, ofimatikako ereduzko datu baseetan.
Kodea: 0440 - UF08 (NA).
Iraupena: 60 ordu.
Ofimatikako datu baseak erabiltzea:
-Datu base erlazionalen elementuak.
-Datu baseak sortzea.
-Morroiak erabiltzea.
-Informazioa bilatu eta iragaztea.
-Makroak diseinatu eta sortzea, agindu sinpleak gauzatzeko oinarrizkoak.
Lanbide modulua: Diruzaintza kudeaketako eragiketa osagarriak.
Iraupena: 170 ordu.
Kodea: 0448.
Prestakuntza unitatea: Finantziazio eta inbertsio erremintak eta diruzaintzako kontrola
Kodea: 0448 - UF01 (NA).
Iraupena: 30 ordu.
Finantziazio, inbertsio eta zerbitzuen oinarrizko finantza erreminten tramitea:
-Espainiako finantza sistema: kontzeptua, ezaugarriak eta osaera.
-Bankuko eta bankukoak ez diren finantza erakundeak.
-Finantza merkatuak.
-Finantza aktiboak.
-Banku Zentraletako Europako sistema.
-Espainiako Bankua.
-Banku pribatua.
-Finantziazio, inbertsio eta zerbitzuen bankuko finantza erremintak.
-Finantziazio, inbertsio eta zerbitzuen bankuko finantza erremintak.
-Finantziaziorako beste finantza erreminta batzuk.
-Inbertsioaren errentagarritasuna.
-Finantziazio kostua.
Diruzaintzako kontrol metodoen aplikazioa:
-Diruzaintzako kudeaketa kontrolerako metodoak. Helburua. Ezaugarriak.
-Kobratzeko eta ordaintzeko enpresan ohikoak diren bitartekoak.
-Diruzaintzako erregistro liburuak.
-Kutxa eta bankuko kontrola.
-Diruzaintzako kudeaketarako aplikazio informatikoak.
Prestakuntza unitatea: Bankuko kalkulu eta eragiketak I.
Kodea: 0448 - UF02 (NA).
Iraupena: 50 ordu.
Oinarrizko finantza kalkuluak:
-Kapitalizazio bakuna.
-Eguneratze bakuna. Merkataritzako edo bankuko deskontua.
-Ehuneko hainbeste baliokideak kapitalizazio bakunean.
-Finantza baliokidetasuna kapitalizazio bakunean.
-Banku komisioak. Identifikazioa eta kalkulua: transferentziak, helbideratzeak, txartelak, kobrantza kudeaketa.
Oinarrizko banku eragiketak:
-Kapitalizazio eta deskontu bakuneko banku eragiketak: kontu korronteak, kreditu kontuak, efektuen deskontua.
-Banku eragiketa sinpleekin lotutako dokumentazioa.
-Kontu korronteen eta kreditu kontuen likidazioa, metodo hanburgotarraren bidez.
-Online banku zerbitzurik ohikoenak.
Prestakuntza unitatea: Bankuko kalkulu eta eragiketak II.
Kodea: 0448 - UF03 (NA).
Iraupena: 50 ordu.
Oinarrizko finantza kalkuluak:
-Kapitalizazio konposatua.
-Eguneratze konposatua. Merkataritzako edo bankuko deskontua.
-Interes tasa efektiboa edo urteko tasa baliokidea. Ehuneko hainbeste baliokideak kapitalizazio konposatuan.
-Finantza baliokidetasuna kapitalizazio konposatuan.
-Kapitalizazio bakunaren eta konposatuaren arteko desberdintasunak.
-Berehalako errenta konstanteak.
Oinarrizko banku eragiketak:
-Kapitalizazio konposatuko banku eragiketak: Maileguak.
-Banku eragiketa konposatuekin lotutako dokumentazioa.
-Banku eragileen aplikazio informatikoak.
-Beste online banku zerbitzu batzuk.
Prestakuntza unitatea: Burtsa eta aseguruen produktuak.
Kodea: 0448 - UF04 (NA).
Iraupena: 40 ordu.
Burtsako produktuak:
-Errenta finkoa eta errenta aldakorra.
-Baloreen merkatua: Merkataritzako burtsa.
-Burtsako indizeak: IBEX 35.
-Burtsako eragiketak.
-Laguntza informatikoa (Internet).
Aseguruen produktu eta zerbitzuak:
-Aseguru kontratua.
-Gauzen aseguruak.
-Pertsonen aseguruak.
-Laguntza informatikoa (Internet).
Lanbide modulua: Enpresa eta Administrazioa
Iraupena: 90 ordu.
Kodea: 0439.
Prestakuntza unitatea: Enpresa eta berrikuntza.
Kodea: 0439 - UF01 (NA).
Iraupena: 20 ordu.
-Prozesu berritzailea enpresa jardueran: arrisku faktoreak enpresa berrikuntzan, gaitasun ekintzaileen disgnostikoa.
-Ekimen ekintzailearen eta berrikuntzaren arrisku profila.
-Teknologia, enpresa berrikuntzaren gako gisa.
-Enpresen nazioartekotzea, garapen eta berrikuntzaren aukera gisa.
-Enpresa berrikuntzarako laguntzak eta erremintak: erakunde laguntza publiko eta pribatuak (aholkularitza, ideien finantziazioa, sariak, besteak beste) estatuan eta Nafarroako Foru Komunitatean.
-Enpresa eta enpresaburuaren kontzeptu juridikoa: enpresaren kontzeptua, enpresaburuaren kontzeptua, pertsona fisikoa, pertsona juridikoa, enpresa indibidualak, enpresaburu autonomoa, sozietate motak.
Prestakuntza unitatea: Enpresaren zerga sistema eta zerga betebeharrak.
Kodea: 0439 - UF02 (NA).
Iraupena: 40 ordu.
Zerga sistema:
-Estatuko eta Nafarroako aurrekontu orokorrak.
-Aurrekontuen zikloa.
-Gastu eta sarrera publikoa.
-Zergaren kontzeptua.
-Zergak eta helburu sozioekonomikoa.
-Zerga arau eta motak.
-Zerga motak.
-Aitorpen-likidazioaren elementuak.
-Zerga zorra iraungitzeko moduak.
-Zerga arloko arau-hauste eta zehapenak.
Enpresaren zerga betebeharrak Nafarroan:
-Jarduera ekonomikoen indizea.
-Zentsuko aitorpena. Alta jarduera ekonomikoen gaineko zentsuan.
-BEZa. Motak. Araubideak.
-PFEZren izaera eta aplikazio eremua.
-Enpresa eta lanbide jarduerak.
-Errentak balioztatzeko moduak.
-PFEZren atxikipenak.
-Aitorpen-likidazioaren eredu eta epeak.
-Sozietateen gaineko zergaren izaera eta elementuak.
Prestakuntza unitatea: Administrazio publikoa.
Kodea: 0439 - UF03 (NA).
Iraupena: 30 ordu.
Administrazio publikoaren egitura funtzionala eta juridikoa:
-Zuzenbidezko Estatua. Botere banaketa.
-Zuzenbidea.
-Zuzenbidearen iturriak.
-Arauak: hierarkia eta argitalpena.
-Administrazio Zentraleko organoak.
-Autonomia erkidegoko erakundeak, Nafarroako Foru Komunitatean sakonduz.
-Toki administrazioa.
-Funtzionario publikoak. Nafarroako Administrazio Publikoen zerbitzuko Langileriaren Estatutuaren testu bategina.
-Fede emaile publikoak.
-Europar Batasuna.
Administratu eta administrazio publikoaren arteko harremanak:
-Administrazio egintza.
-Administrazio prozedura. Faseak.
-Administrazio isiltasuna.
-Administrazio errekurtsoak.
-Administrazioarekiko auzien jurisdikzioa.
-Administrazio kontratuak: obra, hornikuntza eta zerbitzuetako kontratua.
Administrazio publikoaren aurrean dokumentazioa kudeatzea:
-Dokumentuak administrazioan.
-Artxibo publikoak.
-Erregistro publikoak.
-Herritarrek duten eskubidea informazioa eta arreta jasotzeko eta parte hartzeko.
-Informazioa jasotzeko eskubidea.
Lanbide modulua: Enpresa ikasgelan
Iraupena: 130 ordu.
Kodea: 0446.
Prestakuntza unitatea: Informazioa eta komunikazioa kudeatzea simulatutako enpresa baten bulegoan
Kodea: 0446 - UF01 (NA).
Iraupena: 20 ordu.
Enpresako informazioa antolatzea.
-Informazioa eskuratzea.
-Informazioaren kudeaketa eta tratamendu sistemak.
-Artxibatzea eta erregistratzea.
-Informazioa antolatzeko teknikak.
Komunikazioak:
-Telefono bidezko komunikazioa. Entzutea. Ahozko mezuak jasotzeko teknikak.
-Komunikazio idatzia.
-Komunikazioak, Interneten bidez: posta elektronikoa.
-Hornitzaile eta enplegatuekiko komunikazioa.
Prestakuntza unitatea: biltegiko erosketa eta kudeaketako administrazio eragiketak simulatutako enpresa batean
Kodea: 0446 - UF02 (NA).
Iraupena: 20 ordu.
-Hornikuntza arloarekin lotutako dokumentuak.
-Artikuluen alta eta familien araberako taldekatzeak.
-Biltegiaren egoerari buruzko txostenak.
-Hornitzaileei eskaerak kudeatzea.
Prestakuntza unitatea: Simulatutako enpresa baten merkataritza politika kudeatzea.
Kodea: 0446 - UF03 (NA).
Iraupena: 30 ordu.
-Katalogo eta eskaintzak prestatzea.
-Salmenten antolaketa eta teknikak.
-Salmenta eragiketen dokumentazioa prestatu eta kudeatzea.
-Bezeroarentzako arreta eta erreklamazioen kudeaketa.
Prestakuntza unitatea: Kontabilitate, zerga eta finantzako dokumentazioa kudeatzea simulatutako enpresa batean.
Kodea: 0446 - UF04 (NA).
Iraupena: 30 ordu.
-Finantza arloarekin lotutako dokumentuak.
-Zerga arloarekin lotutako dokumentuak.
-Kontabilitate arloarekin lotutako dokumentuak.
-Aplikazio informatiko berariazkoak.
Prestakuntza unitatea: Langileak kudeatzeko dokumentazioa kudeatzea simulatutako enpresa batean
Kodea: 0446 - UF05 (NA).
Iraupena: 30 ordu.
-Lan arloarekin lotutako dokumentuak.
-Laneko hitzarmen eta kategoriak. Kontratuak prestatzea.
-Gizarte Segurantzako alta eta bajak.
-Nominak eta gizarte aseguruak prestatzea.
-Kitapen agiriak.
Lanbide modulua: Kontabilitateko dokumentazioaren tratamendua.
Iraupena: 90 ordu.
Kodea: 0443.
Prestakuntza unitatea: Egitate ekonomikoen euskarri den dokumentazioa.
Kodea: 0443 - UF01 (NA).
Iraupena: 30 ordu.
-Merkataritza eta kontabilitateko dokumentazioa.
-Kontabilitateko informazioa justifikatzen duten dokumentuak kontabilitatean interpretatzea.
-Ereduzko merkataritza dokumentuak-frogagiriak.
-Merkataritzako dokumentuak antolatu eta artxibatzea, kontabilitateko helburuetarako.
Prestakuntza unitatea: Ohiko egitate ekonomikoak kontabilitatean erregistratzea ekitaldi ekonomiko batean.
Kodea: 0443 - UF02 (NA).
Iraupena: 60 ordu.
Ohiko egitate ekonomikoak kontabilitatean erregistratzea:
-Erosketa eta salmentekin lotutako eragiketak.
-Gastu eta sarrerak.
-Ibilgetu materiala.
-BEZaren likidazioa.
-Emaitzaren kalkulua.
-Ohiko egitate ekonomikoak kontabilitatean informatikaren bidez erregistratzea eta egiaztatzea.
Ekitaldi ekonomiko osoaren eragiketak kontabilizatzea:
-Irekitzeko idazpena.
-Eguneroko eragiketen kontabilitate erregistroa.
-Batuketak eta saldoak egiaztatzeko balantzea.
-Galera eta irabazien kontua.
-Amaierako egoeraren balantzea.
-Ixteko idazpena.
-Memoria.
-Ekitaldi osoa kontabilitatean informatikaren bidez erregistratzea eta egiaztatzea.
-Banku berdinkatzea.
Lanbide modulua: Ingelesa
Kodea: 0156.
Iraupena: 90 ordu.
Prestakuntza unitatea: Ingelesa administrazio kudeaketan I.
Kodea: 0156 - UF01 (NA).
Iraupena: 40 ordu.
Ahozko mezuak aztertzea eta oinarrizko mezu idatziak interpretatzea:
-Lanbideko eta eguneroko mezuak ulertzea.
-Mezuak, testuak, oinarrizko lanbideko eta eguneroko artikuluak ulertzea.
-Erlazio logikoak: aurkaritza, kontzesioa, konparazioa, baldintza, kausa, helburua, ondorioa.
-Denborazko erlazioak: lehenagokotasuna, gerokotasuna, aldiberekotasuna.
Oinarrizko ahozko mezuak sortzea:
-Ahozko mezuak bidaltzeko erabilitako erregistroak.
-Administrazio sektorearen terminologia berariazkoa.
-Gramatika baliabideak: aditz denborak, preposizioak, lokuzioak, baldintza eta zalantzen adierazpenak, boz pasiboaren erabilera, perpaus erlatiboa, zeharkako estiloa.
-Beste hizkuntza baliabide batzuk. Gustuak eta lehentasunak, iradokizunak, argudiaketak, jarraibideak.
-Fonetika. Bokalezko soinu eta fonemak eta bere konbinazio eta soinuak eta kontsonatezko fonemak eta bere taldekatzeak.
-Gizarte harremanen, kortesia arauen eta erregistro aldeen hizkuntza adierazgailuak.
-Ahozko diskurtsoari eutsi eta segitzea.
Oinarrizko testu idatziak bidaltzea:
-Lanbideko eta eguneroko mezu eta testuak adierazi eta betetzea.
-Erlazio logikoak: aurkaritza, kontzesioa, konparazioa, baldintza, kausa, helburua, ondorioa.
-Denborazko erlazioak: lehenagokotasuna, gerokotasuna, aldiberekotasuna.
-Testu koherentzia.
Prestakuntza unitatea: Ingelesa administrazio kudeaketan II.
Kodea: 0156 - UF02 (NA).
Iraupena: 50 ordu.
Ahozko mezuak aztertzea eta egindako mezu idatziak interpretatzea:
-Lanbideko eta eguneroko mezuak ulertzea.
-Mezuak, testuak, oinarrizko lanbideko eta eguneroko artikuluak ulertzea.
-Erlazio logikoak: aurkaritza, kontzesioa, konparazioa, baldintza, kausa, helburua, ondorioa.
-Denborazko erlazioak: lehenagokotasuna, gerokotasuna, aldiberekotasuna.
Egindako ahozko mezuak sortzea:
-Ahozko mezuak bidaltzeko erabilitako erregistroak.
-Administrazio sektorearen terminologia berariazkoa.
-Gramatika baliabideak: aditz denborak, preposizioak, lokuzioak, baldintza eta zalantzen adierazpenak, boz pasiboaren erabilera, perpaus erlatiboa, zeharkako estiloa.
-Beste hizkuntza baliabide batzuk. Gustuak eta lehentasunak, iradokizunak, argudiaketak, jarraibideak.
-Fonetika. Bokalezko soinu eta fonemak eta bere konbinazio eta soinuak eta kontsonatezko fonemak eta bere taldekatzeak.
-Gizarte harremanen, kortesia arauen eta erregistro aldeen hizkuntza adierazgailuak.
-Ahozko diskurtsoari eutsi eta segitzea.
Egindako testu idatziak bidaltzea:
-Lanbideko eta eguneroko mezu eta testuak adierazi eta betetzea.
-Erlazio logikoak: aurkaritza, kontzesioa, konparazioa, baldintza, kausa, helburua, ondorioa.
-Denborazko erlazioak: lehenagokotasuna, gerokotasuna, aldiberekotasuna.
-Testu koherentzia.
Atzerriko hizkuntzaren (ingelesa) lurraldeetan garrantzitsuenak diren kultura elementuak identifikatu eta interpretatzea.
-Gizarte eta kultura eta protokolo arauak baloratzea nazioarteko harremanetan.
-Baliabide formal eta funtzionalak erabiltzea gizarte eta lanbide jarrera behar duten egoeretan, enpresaren irudi egokia proiektatzeko.
Lanbide modulua: Lanerako prestakuntza eta orientazioa
Iraupena: 90 ordu.
Kodea: 0449.
Prestakuntza unitatea: Laneko arriskuen prebentzioaren oinarrizko maila.
Kodea: 0449 - UF01 (NA).
Iraupena: 30 ordu.
-Prebentzioaren kulturaren garrantzia jardueraren fase guztietan.
-Lanaren eta osasunaren arteko loturaren balorazioa.
-Lanbide arriskua. Arrisku faktoreen azterketa.
-Detektaturiko arrisku egoera bakoitzaren ondorioz langilearen osasunak nolako kalteak izan ditzakeen zehaztea.
-Laneko arriskuei aurrea hartzeko oinarrizko arau esparrua.
-Laneko arriskuen prebentzioaren arloko eskubideak eta betebeharrak.
-Aurreneurrien kudeaketaren antolaketa enpresan.
-Langileen ordezkaritza prebentzioaren arloan.
-Laneko arriskuen prebentzioaren arloko erantzukizunak.
-Laneko arriskuen prebentzioarekin zerikusia duten erakunde publikoak.
-Enpresako arriskuen ebaluazioa, prebentzio jardueraren oinarrizko elementu gisa.
-Segurtasun eta ingurumen baldintzei, baldintza ergonomikoei eta psikosozialei lotutako arriskuen azterketa.
-Arriskuaren balorazioa.
-Prebentzio neurriak hartzea: horien plangintza eta kontrola.
-Banakako eta taldeko prebentzio eta babes neurriak.
-Prebentzio plana eta horren edukia.
-Larrialdi eta ebakuazioetarako planak lan inguruneetan.
-ETE batentzako larrialdi plana egitea.
-Larrialdietan jarduteko protokoloa.
-Larrialdi medikoa eta lehen sorospenak. Oinarrizko kontzeptuak.
-Langileei prestakuntza ematea larrialdietako planei buruz eta lehen sorospenetarako teknikei buruz.
-Langileen osasuna zaintzea.
Prestakuntza unitatea: Lan harremanak eta Gizarte Segurantza.
Kodea: 0449 - UF02 (NA).
Iraupena: 40 ordu.
-Lan arloko zuzenbidea.
-Banakako lan harremanen azterketa.
-Lan kontratuaren modalitateak eta kontratazioa sustatzeko neurriak.
-Lan harremanek sortzen dituzten eskubideak eta betebeharrak.
-Lan baldintzak. Soldata, lan denbora eta atsedena.
-Soldataren ordainagiria.
-Lan kontratuaren aldaketa, etetea eta iraungipena.
-Langileen ordezkaritza.
-Lanbide esparru jakin batean aplikatu behar den hitzarmen kolektiboaren azterketa.
-Lan gatazka kolektiboak.
-Lana antolatzeko ingurune berriak: azpikontratazioa, urrutiko lana eta beste batzuk.
-Langileentzako onurak antolamendu berrietan: malgutasuna, onura sozialak eta beste batzuk.
-Gizarte Segurantzaren sistema, elkartasun sozialaren oinarrizko printzipio gisa.
-Gizarte Segurantzaren sistemaren egitura.
-Enpresaburuek eta langileek gizarte segurantzaren arloan dituzten betebehar nagusiak: afiliazioa, altak, bajak eta kotizazioa.
-Gizarte Segurantzaren ekintza babeslea.
-Gizarte Segurantza gure inguruko herrialde nagusietan.
-Langabezia babesa: kontzeptua eta babesten ahal diren egoerak.
Prestakuntza unitatea: Laneratzea eta gatazken ebazpena.
Kodea: 0449 - UF03 (NA).
Iraupena: 20 ordu.
-Lanbide karrerarako interesak, gaitasunak eta motibazio pertsonalak aztertzea.
-Erabakiak hartzeko prozesua.
-Lanbide sektore jakin bat definitu eta aztertzea, inguruko lurralde eremuan nahiz Estatu mailan.
-Sektoreko enpresa txiki, ertain eta handietan lana bilatzeko prozesua haren eraginpeko lurralde eremuan, Estatuan eta Europar Batasunean. Eures sarea.
-Europan ikasteko eta lan egiteko aukerak.
-Etengabeko prestakuntzak lan eta lanbide ibilbiderako duen garrantzia baloratzea. Informazio hori ematen duten tokiko, eskualdeko, Estatuko eta Europako erakundeen identifikazioa.
-Tokiko, eskualdeko, Estatuko eta Europako prestakuntza ibilbideak identifikatzea.
-Lana bilatzeko teknikak eta erremintak: curriculum vitae ereduak, Europako curriculum vitae-a eta lan elkarrizketak. Europar Batasunean langileen mugikortasuna errazten duten beste agiri batzuk: Europass mugikortasun agiria, Ziurtagiriaren Gehigarri Europarra eta Europako Hizkuntzen Zorroa.
-Autoenplegua baloratzea laneratzeko hautabide gisa.
-Talde lanak erakundearen eraginkortasunari begira dituen alde onak eta txarrak baloratzea.
-Lantalde motak, betetzen dituzten eginkizunen arabera.
-Lantalde eraginkorraren ezaugarriak.
-Gizarte trebetasunak. Hitzezko eta hitzik gabeko komunikazio teknikak.
-Lan bileretan erabilitako dokumentazioa: deialdiak, aktak eta aurkezpenak.
-Lantaldean parte hartzea. Kideek har ditzaketen rolen azterketa.
-Gatazka: gatazkaren ezaugarriak, iturriak eta etapak.
-Gatazka konpondu edo ezabatzeko metodoak: bitartekotza, adiskidetzea, arbitrajea, epaiketa eta negoziazioa.
| 4. ERANSKINA BALIOZKOTZEAK ETA SALBUESPENAK. 1/1990 Lege Organikoaren babesean Administrazio Kudeaketako teknikari tituluan ezarritako lanbide moduluen eta 2/2006 Lege Organikoaren babesean Administrazio Kudeaketako teknikari tituluan ezarritakoen arteko baliozkotzeak. |
| HEZIKETA ZIKLOKO LANBIDE MODULUAK (1/1990 HSAOL) | HEZIKETA ZIKLOKO LANBIDE MODULUAK (2/2006 HLO) |
| Administrazioa eta Kudeaketa | Administrazioa eta Kudeaketa |
| Komunikazioa, informazio artxiboa eta teklatu eragiketa | 0 0437. Enpresa komunikazioa eta bezeroarentzako arreta |
| Salerosketako administrazio kudeaketa | 0438. Salerosketako administrazio eragiketak |
| Langileen administrazio kudeaketa | 0442. Giza baliabideen administrazio eragiketak |
| Kontabilitate orokorra eta diruzaintza | 0441. Kontabilitateko teknika 0443. Kontabilitateko dokumentazioaren tratamendua |
| Finantza eta oinarrizko aseguruen produktu eta zerbitzuak | 0448. Diruzaintza kudeaketako eragiketa osagarriak |
| Administrazio kudeaketa publikoaren printzipioak | 0439. Enpresa eta Administrazioa |
| Aplikazio informatikoak | 0440. Informazioaren tratamendu informatikoa |
| Lantokiko prestakuntza | 0451. Lantokietako prestakuntza |
| 5. ERANSKINA LANBIDE MODULUEN ETA GAITASUN UNITATEEN ARTEKO KORRESPONDENTZIA A) Gaitasun unitateek lanbide moduluekin duten korrespondentzia, horiek baliozkotzeko. |
| EGIAZTATURIKO GAITASUN UNITATEAK | BALIOZKOTZEN AHAL DIREN LANBIDE MODULUAK |
| UC0975-2: komunikazioak jaso eta prozesatzea UC0978-2: Artxiboa kudeatzea ohiko euskarrian eta euskarri informatikoan | 0437. Enpresa komunikazioa eta bezeroarentzako arreta |
| UC0976-2: Merkataritza prozesuko administrazio kudeaketak egitea | 0438. Salerosketako administrazio eragiketak |
| UC0973-2: Datuak eta testuak sartzea terminal informatikoetan eta, horretarako, segurtasun, kalitate eta eragimen baldintzak betetzea UC0233-2: Informazioaren eta dokumentazioaren kudeaketan ofimatikako aplikazioak erabiltzea | 0440. Informazioaren tratamendu informatikoa |
| UC0977-2: Administrazio kudeaketako jardueretan, bezeroari dagokionez, erabiltzaile independentearen mailan komunikatzea atzerriko hizkuntzaren batean | 0156. Ingelesa* |
| UC0979-2: Diruzaintzako administrazio kudeaketak egitea | 0448. Diruzaintza kudeaketako eragiketa osagarriak |
| UC0980-2: Giza Baliabideetako administrazio arloko laguntzarako jarduerak egitea | 0442. Giza baliabideen administrazio eragiketak |
| UC0981-2: Kontabilitateko erregistroak egitea | 0443. Kontabilitateko dokumentazioaren tratamendua 0441. Kontabilitateko teknika |
| (*) Hezkuntzari buruzko maiatzaren 3ko 2/2006 Lege Organikoaren 66.4. artikuluan aurreikusitakoaren arabera baliozkotzen ahalko da | |
| B) Lanbide moduluek gaitasun unitateekin duten korrespondentzia, horiek egiaztatzeko. |
| GAINDITUTAKO LANBIDE MODULUAK | EGIAZTATZEN AHAL DIREN GAITASUN UNITATEAK |
| 0437. Enpresa komunikazioa eta bezeroarentzako arreta | UC0975-2: komunikazioak jaso eta prozesatzea UC0978-2: Artxiboa kudeatzea ohiko euskarrian eta euskarri informatikoan |
| 0438. Salerosketako administrazio eragiketak | UC0976-2: Merkataritza prozesuko administrazio kudeaketak egitea |
| 0440. Informazioaren tratamendu informatikoa | UC0973-2: Datuak eta testuak sartzea terminal informatikoetan eta, horretarako, segurtasun, kalitate eta eragimen baldintzak betetzea UC0233-2: Informazioaren eta dokumentazioaren kudeaketan ofimatikako aplikazioak erabiltzea |
| 0156. Ingelesa | UC0977-2: Administrazio kudeaketako jardueretan, bezeroari dagokionez, erabiltzaile independentearen mailan komunikatzea atzerriko hizkuntzaren batean |
| 0448. Diruzaintza kudeaketako eragiketa osagarriak | UC0979-2: Diruzaintzako administrazio kudeaketak egitea |
| 0442. Giza baliabideen administrazio eragiketak | UC0980-2: Giza Baliabideetako administrazio arloko laguntzarako jarduerak egitea |
| 0443. Kontabilitateko dokumentazioaren tratamendua 0441. Kontabilitateko teknika | UC0981-2: Kontabilitateko erregistroak egitea |
6. ERANSKINA. IRAKASLEAK
A) Irakasleen arloak
| LANBIDE MODULUA | IRAKASLEEN ESPEZIALITATEA | KIDEGOA | ||
| 0437. Enpresa komunikazioa eta bezeroarentzako arreta | Administrazio kudeaketako prozesuak | -Lanbide Heziketako irakasle teknikoak | ||
| 0438. Salerosketako administrazio eragiketak | Administrazio kudeaketako prozesuak | -Lanbide Heziketako irakasle teknikoak | ||
| 0439. Enpresa eta Administrazioa | Administrazio kudeaketako prozesuak | -Lanbide Heziketako irakasle teknikoak | ||
| 0440. Informazioaren tratamendu informatikoa | Administrazio kudeaketako prozesuak | -Lanbide Heziketako irakasle teknikoak | ||
| 0441. Kontabilitateko teknika | Enpresen administrazioa | -Bigarren Hezkuntzako katedraduna -Bigarren Hezkuntzako irakaslea | ||
| 0442. Giza baliabideen administrazio eragiketak | Administrazio kudeaketako prozesuak | -Lanbide Heziketako irakasle teknikoak | ||
| 0443. Kontabilitateko dokumentazioaren tratamendua | Enpresen administrazioa | -Bigarren Hezkuntzako katedraduna -Bigarren Hezkuntzako irakaslea | ||
| 0156. Ingelesa | Ingelesa | -Bigarren Hezkuntzako katedraduna -Bigarren Hezkuntzako irakaslea | ||
| 0446. Enpresa ikasgelan | Enpresen administrazioa | -Bigarren Hezkuntzako katedraduna -Bigarren Hezkuntzako irakaslea | ||
| Administrazio kudeaketako prozesuak | -Lanbide Heziketako irakasle teknikoak | |||
| 0448. Diruzaintza kudeaketako eragiketa osagarriak | Enpresen administrazioa | -Bigarren Hezkuntzako katedraduna -Bigarren Hezkuntzako irakaslea | ||
| 0449. Lanerako prestakuntza eta orientazioa | Lanerako prestakuntza eta orientazioa | -Bigarren Hezkuntzako katedraduna -Bigarren Hezkuntzako irakaslea | ||
| NA04. Oinarrizko ingelesa I | Ingelesa | -Bigarren Hezkuntzako katedraduna -Bigarren Hezkuntzako irakaslea | ||
| NA08. Edukien kudeaketa Web orrietan | Administrazio kudeaketako prozesuak | -Lanbide Heziketako irakasle teknikoak | ||
| Sistema eta aplikazio informatikoak | ||||
| B) Irakaslanari dagokionez baliokideak diren titulazioak. |
| KIDEGOAK | ESPEZIALITATEAK | TITULAZIOAK |
| Bigarren Hezkuntzako irakasleak | Lanerako Prestakuntza eta Orientazioa | -Enpresa Zientzietako diplomaduna -Lan Harremanetako diplomaduna -Gizarte Laneko diplomaduna -Gizarte Hezkuntzako diplomaduna -Kudeaketa eta Administrazio Publikoko diplomaduna |
| Enpresen Administrazioa | -Enpresa Zientzietako diplomaduna -Kudeaketa eta Administrazio Publikoko diplomaduna |
| C) Ikastetxe pribatuetarako behar diren titulazioak. |
| LANBIDE MODULUAK | TITULAZIOAK |
| 0441. Kontabilitateko teknika 0443. Kontabilitateko dokumentazioaren tratamendua 0156. Ingelesa 0448. Diruzaintza kudeaketako eragiketa osagarriak 0449. Lanerako Prestakuntza eta Orientazioa NA04. Oinarrizko ingelesa I | -Lizentziaduna, ingeniaria, arkitektoa edo kasuan kasuko graduko titulua, edo irakaslanari dagokionez baliokideak diren beste titulu batzuk |
| 0437. Enpresa komunikazioa eta bezeroarentzako arreta 0438. Salerosketako administrazio eragiketak 0439. Enpresa eta Administrazioa 0440. Informazioaren tratamendu informatikoa 0442. Giza baliabideen administrazio eragiketak 0446. Enpresa ikasgelan NA08. Edukien kudeaketa Web orrietan | -Lizentziaduna, ingeniaria, arkitektoa edo kasuan kasuko graduko titulua, edo beste titulu baliokide batzuk -Diplomaduna, ingeniari teknikoa, arkitekto teknikoa edo kasuan kasuko graduko titulua, edo beste titulu baliokide batzuk |
7. ERANSKINA. TOKIAK
Irakaslekua:
-Balio anitzeko gela.
-Administrazio tailerra.
Iragarkiaren kodea: F1014377
