LEXNAVARRA
36/2010 FORU DEKRETUA, MAIATZAREN 31KOA, HAURREN ETA NERABEEN ARRETARAKO KONTSEILUA SORTU ETA HAREN OSAERA, ANTOLAKETA ETA FUNTZIONAMENDUA ARAUTZEN DITUENA.
BON N.º 75 - 21/06/2010
- Atariko
- 1. artikulua. Xedea.
- 2. artikulua. Helburuak.
- 3. artikulua. Izaera.
- 4. artikulua. Atxikipen organikoa.
- 5. artikulua. Eginkizunak.
- 6. artikulua. Kideak.
- 7. artikulua. Berezko kideak.
- 8. artikulua. Beste administrazio publiko batzuen eta adingabeen babesaren arloko erakundeen kide diren ordezkariak.
- 9. artikulua. Norberaren izenean ari diren kideak.
- 10. artikulua. Kontseiluko kideen agintaldiaren iraupena.
- 11. artikulua. Kargua uztea.
- 12. artikulua. Haurren eta Nerabeen Arretarako Kontseilua Osoko Bilkura edo Batzorde Iraunkor gisa aritzen ahalko da.
- 13. artikulua. Kontseiluko burutza.
- 14. artikulua. Kontseiluko buruordetza.
- 15. artikulua. Kontseiluko idazkaritza.
- 16. artikulua. Osoko Bilkura.
- 17. artikulua. Batzorde Iraunkorra.
- 18. artikulua. Aktak.
- 19. artikulua. Bitartekoak.
- AZKEN XEDAPENAK
- Lehenbizikoa. Arauak emateko ahalmena.
- Bigarrena. Indarra hartzea.
Nafarroako Foru Eraentza Birrezarri eta Hobetzeari buruzko abuztuaren 10eko 13/1982 Lege Organikoaren 44. artikuluaren 17., 18. eta 23. idatz-zatietan xedatzen denez, Nafarroako Foru Komunitateak eskumen osoa du gizarte laguntzaren arloan, haurren eta gazteen aldeko politikan, eta adingabeak babestu eta tutelatzeko eta gizarteratzeko erakunde eta establezimendu publikoen arloan. Gizarteratzearen arloan, Estatuko legeria orokorrari jarraitzen zaio.
Eskumen horiek erabiliz, Haurrentzako eta Nerabeentzako Sustapenari, Laguntzari eta Babesari buruzko abenduaren 5eko 15/2005 Foru Legea onetsi zen. Foru lege horren seigarren xedapen gehigarriak xedatzen du haurrak eta nerabeak zaintzeko kontseiluak sortuko direla tartean dauden departamentuen, toki entitateen, profesionalen, politikarien, elkarteen, gurasoen, haurren eta nerabeen partaidetzaz.
Lege aurreikuspen hori garatzeko, bidezkoa da Haurren eta Nerabeen Arretarako Kontseilua sortu, eta haren osaera, antolaketa eta funtzionamendua arautzen dituen foru dekretu hau onestea, Nafarroako Foru Komunitateko Administrazioari buruzko abenduaren 3ko 15/2004 Foru Legeak eta Herri Administrazioen Araubideari eta Administrazio Prozedura Erkideari buruzko azaroaren 26ko 30/1992 Legeak eratu duten kide anitzeko organoen araubide orokorrarekin bat etorriz.
Horiek horrela, Familia, Gazteria, Kirol eta Gizarte Gaietako kontseilariak proposaturik, Nafarroako Kontseiluaren aldeko txostenarekin bat, eta Nafarroako Gobernuak 2010eko maiatzaren 31ko bilkuran hartutako erabakiari jarraikiz,
DEKRETATU DUT:
I. KAPITULUA
XEDAPEN OROKORRAK
Foru dekretu honek helburu du Haurren eta Nerabeen Arretarako Kontseilua sortu, eta haren osaera, antolaketa eta funtzionamendua arautzea.
Haurren eta Nerabeen Arretarako Kontseiluaren helburuak hauek dira:
a) Adingabeen babesaren arloko eztabaidagune kualifikatua eta gizartearen isla dena sortzea.
b) Gizartea bultzatzea adingabeen babesaren arloko politika orokorraren eraketan parte hartzera eta elkar eragitera.
Haurren eta Nerabeen Arretarako Kontseilua Nafarroako Foru Komunitateko Administrazioak adingabeen babesaren arloan duen kontsulta eta aholkularitzarako kide anitzeko organoa da.
4. artikulua. Atxikipen organikoa.
Nafarroako Foru Komunitateko Administrazioan adingabeen babesaren arloan eskumena duen departamentuari organikoki atxikita egonen da Haurren eta Nerabeen Arretarako Kontseilua.
Haurren eta Nerabeen Arretarako Kontseiluak eginkizun hauek izanen ditu:
a) Adingabeen babesaren arloko foru legeen aurreproiektuen eta erregelamendu proiektuen gaineko txostenak egitea, aginduzkoak baina ez lotesleak.
b) Adingabeen babesaren arloko proposamenak eta iradokizunak egitea Nafarroako Foru Komunitateko Administrazioari eta, hala behar denean, haiek eskatuta, gainerako administrazio publikoei eta, oro har, Nafarroan adingabeen babesean esku hartzen duten entitate edo pertsonei.
c) Nafarroako Foru Komunitateko Administrazioan adingabeen babesaren arloan eskumena duen departamentuari laguntza eta aholkuak ematea.
d) Nafarroako Foru Komunitateko Administrazioan adingabeen babesaren arloan eskumena duen departamentuak proposaturik, Nafarroan haurrek eta nerabeek duten egoerari buruzko txosten eta azterlan orokor edo sektorialak prestatzea.
II. KAPITULUA
OSAERA
1. Haurren eta Nerabeen Arretarako Kontseilua 17 kidek osatuko dute eta Nafarroako Foru Komunitateko Administrazioan adingabeen babesaren arloan eskumena duen departamentuko titularrak izendatuko ditu kide horiek.
2. Kontseiluko kideek kargua onartu beharko dute izendatu baino lehen, Nafarroako Foru Komunitateko beste administrazio publiko batzuen ordezkari edo adingabeen babesaren arloko erakundeen ordezkari direnean, baita norbanako gisa ari direnean ere.
3. Haurren eta Nerabeen Arretarako Kontseiluko kideak izaten ahal dira:
a) Nafarroako Foru Komunitateko Administrazioaren ordezkari diren berezko kideak.
b) Beste administrazio publiko batzuen eta adingabeen babesaren arloko erakundeen kide diren ordezkariak.
c) Norberaren izenean ari diren kideak.
Haurren eta Nerabeen Arretarako Kontseiluaren berezko kideak hauek izanen dira:
1. Nafarroako Foru Komunitateko Administrazioan adingabeen babesaren arloan eskumena duen departamentuko titularra.
2. Adingabeen babesaren arloko eskumenak erabiltzen dituen zuzendaritza nagusiko titularra.
3. Adingabeen babesaren arloko eskumenak erabiltzen dituen zerbitzuko zuzendaritzako titularra.
4. Adingabeen babesaren arloan eskumena duen ataleko titularra.
5. Adingabeen babesaren arloan eskumena duen departamentuan administrazio publikoko teknikariaren lanpostua (adar juridikoa) betetzen duen pertsona bat, Kontseiluko idazkari jardunen duena.
8. artikulua. Beste administrazio publiko batzuen eta adingabeen babesaren arloko erakundeen kide diren ordezkariak.
1. Haurren eta Nerabeen Arretarako Kontseiluko kideak hauek izanen dira:
a) Nafarroako Udal eta Kontzejuen Federazioaren ordezkari bat, federazio horrek proposaturik.
b) Nafarroan kokatuta dauden unibertsitateen bi ordezkari, horiek proposaturik.
2. Era berean, Haurren eta Nerabeen Arretarako Kontseiluko kideak izanen dira adingabeen babesaren arloan lan egiten duten elkarteen eta profesionalen sei ordezkari, horiek guztiak ordezkatuko dituztenak. Kide horiek elkarte eta profesionalek proposaturik hautatuko dira. Proposamen hori egiteko, adingabeen babesaren arloan eskumena duen zuzendaritza nagusiak kandidaturak aurkezteko epea ezarriko du. Epea amaitutakoan sei kandidatura aurkezten badira, hautagai horiek zuzenean hautatuko dira. Sei kandidatura baino gehiago badaude, aldiz, adingabeen babesaren arloan eskumena duen zuzendaritza nagusiak eguna eta ordua adieraziko ditu, kandidatura guztien artean hautatzeko. Sei kandidatura baino gutxiago aurkezten badira, hautagai horiek eta beste ordezkari batzuk hautatuko dira, azken horiek onetsi ondoren, sei lekuak bete arte.
9. artikulua. Norberaren izenean ari diren kideak.
Haurren eta Nerabeen Arretarako Kontseiluko kideak izanen dira adingabeen babesaren arloan ospea, esperientzia eta lotura frogatzen dituzten hiru pertsona.
10. artikulua. Kontseiluko kideen agintaldiaren iraupena.
1. Haurren eta Nerabeen Arretarako Kontseiluko berezko kideek Nafarroako Foru Komunitateko Administrazioan izendatuak izan diren karguan aritzen diren bitartean beteko dituzte beren eginkizunak.
2. Haurren eta Nerabeen Arretarako Kontseiluko gainerako kideen agintaldiaren iraupena lau urtekoa izanen da, izendapena ematen den egunetik hasita.
3. Ez dago inolako denbora mugarik Haurren eta Nerabeen Arretarako Kontseiluko kideen agintaldi kopuruan.
1. Haurren eta Nerabeen Arretarako Kontseiluko berezko kideek arrazoi hauengatik utziko dute kargua:
a) Heriotza.
b) Nafarroako Foru Komunitateko Administrazioan adingabeen babesaren arloan espumean duen departamentuko ordezkaria izateari uztea, hori oinarri hartuta hautatu baitzen.
2. Haurren eta Nerabeen Arretarako Kontseiluko gainerako kideek arrazoi hauengatik utziko dute kargua:
a) Uko egitea.
b) Heriotza.
c) Agintaldia bukatzea.
d) 8. artikuluan adierazi diren administrazio publikoetako eta adingabeen babesaren arloko erakundeetako kidea izateari uztea, hori oinarri hartuta hautatu baitzen. Kasu horretan, ordezkoa kasu bakoitzean ezarririko prozedurari jarraikiz hautatuko da, hark daukan ordezkaritzaren arabera.
3. Era berean, Haurren eta Nerabeen Arretarako Kontseiluko kideek kargua utziko dute organo horretan dituzten eginkizunak ukitzen ahal dituen beste edozein arrazoirengatik, Nafarroako Foru Komunitateko Administrazioan adingabeen babesaren arloan eskumena duen departamentuko titularrak aintzat hartu beharko duena.
III. KAPITULUA
ANTOLAKETA
12. artikulua. Haurren eta Nerabeen Arretarako Kontseilua Osoko Bilkura edo Batzorde Iraunkor gisa aritzen ahalko da.
1. Osoko Bilkura kide guztiek osatuko dute.
2. Batzorde Iraunkorrak kide hauek izanen ditu:
a) Adingabeen babesaren arloko eskumenak erabiltzen dituen zuzendaritza nagusiko titularra, batzordeko buruaren eginkizunak beteko dituena.
b) Adingabeen babesaren arloko eskumenak erabiltzen dituen zerbitzuko zuzendaritzako titularra.
c) Adingabeen babesaren arloan eskumena duen ataleko titularra.
d) Kontseiluko idazkariaren eginkizunak beteko dituena.
e) Haurren eta Nerabeen Arretarako Kontseiluko kideek Osoko Bilkuran beraien artean hautatutako bost kide.
3. Batzorde Iraunkorrak berariazko batzordeak eratzea onartzen ahalko du, baita haien funtzionamendua eta osaera ere.
IV. KAPITULUA
FUNTZIONAMENDUA
13. artikulua. Kontseiluko burutza.
1. Nafarroako Foru Komunitateko Administrazioan adingabeen babesaren arloan eskumena duen departamentuko titularra izanen da Haurren eta Nerabeen Arretarako Kontseiluko burua, eta izendapenak berarekin zituen eginkizunak betetzeari uztean utziko du kargua ere.
2. Haurren eta Nerabeen Arretarako Kontseiluko buruak Nafarroako Foru Komunitateko Administrazioari buruzko abenduaren 3ko 15/2004 Foru Legearen 31. artikuluak oro har ematen dizkion eginkizunak izanen ditu.
3. Haurren eta Nerabeen Arretarako Kontseiluko buruak adingabeen babesaren arloko beste entitate edo aditu batzuk edo langile teknikoak gonbidatzen ahal ditu, Kontseiluko Osoko Bilkuran edo Batzorde Iraunkorrean parte hartu eta aztertu beharreko gaietan aholkua eman dezaten. Horiek, betiere, hitza izanen dute, baina botorik ez.
4. Kontseiluko burua kanpoan edo gaixorik badago edo legezko beste arrazoiren bat bada, Haurren eta Nerabeen Arretarako Kontseiluko buruordeak ordezkatuko du.
14. artikulua. Kontseiluko buruordetza.
Nafarroako Foru Komunitateko Administrazioan adingabeen babesaren arloko eskumenak erabiltzen dituen zuzendaritza nagusiko titularra izanen da Haurren eta Nerabeen Arretarako Kontseiluko buruordea eta, horretaz gain, Kontseiluko Batzorde Iraunkorreko buruaren eginkizunak beteko ditu; izendapenak berarekin zituen eginkizunak betetzeari uztean utziko du kargua ere.
15. artikulua. Kontseiluko idazkaritza.
1. Haurren eta Nerabeen Arretarako Kontseiluak idazkari baten laguntza izanen du, administrazio publikoko teknikariaren lanpostua (adar juridikoa) betetzen duena. Hitza eta botoa izanen ditu, eta edozein unetan hautatu eta kargutik kenduko da.
Era berean, idazkaria kanpoan edo gaixorik badago edo legezko beste arrazoiren bat bada, administrazio publikoko teknikariaren lanpostua (adar juridikoa) betetzen duen beste pertsona batek ordezkatuko du.
2. Haurren eta Nerabeen Arretarako Kontseiluko idazkariak Nafarroako Foru Komunitateko Administrazioari buruzko abenduaren 3ko 15/2004 Foru Legearen 33. artikuluan oro har xedatutako eginkizunak izanen ditu.
1. Haurren eta Nerabeen Arretarako Kontseiluaren Osoko Bilkura arrunta urtean behin eginen da.
2. Haurren eta Nerabeen Arretarako Kontseilua Osoko Bilkura berezian bilduko da kontseiluko buruak, bere ekimenez, horretarako deialdia egiten duenean edo gutxienez kideen bi herenek eskatzen dutenean; bigarren kasuan, Kontseiluko buruak hamar eguneko gehieneko epean egin beharko du deialdia, eskaera jaso duenetik zenbatuta.
3. Osoko Bilkura lehen deialdian eratzea baliozkoa izan dadin, Kontseiluko burua eta idazkaria edo horiek ordezten dituztenak bertan egon beharko dira, baita kideetako zortzi, gutxienez, ere. Bigarren deialdia automatikoki egintzat joko da, lehen deialdirako adierazitako orduaren ondoren ordu erdi igarotzen denean. Dena den, osoko bilkura baliozkoa izan dadin, Kontseiluko burua eta idazkaria edo horiek ordezten dituztenak bertan egon beharko dira, baita Kontseiluko kideetako sei, gutxienez, ere.
4. Osoko Bilkurak harturiko erabakiek balioa izan dezaten, bertaratutakoen gehiengoaren aldeko botoa beharko da. Botazioan berdinketarik izanez gero, Kontseiluko buruaren kalitateko botoa izanen da erabakigarria.
5. Haurren eta Nerabeen Arretarako Kontseiluko Osoko Bilkuraren eginkizunak foru dekretu honen 5. artikuluan ezarritakoak izanen dira.
17. artikulua. Batzorde Iraunkorra.
1. Batzorde Iraunkorra batzordeko buruak deituta bilduko da, berak egokitzat jotzen duenean, batzordeak bere gain dituen eginkizunak kontuan harturik.
2. Batzorde Iraunkorraren eraketak balioa izateko, burua, idazkaria eta kideetako erdia, gutxienez, bertan egon beharko dira.
3. Batzorde Iraunkorrak honako eginkizun hauek izanen ditu:
a) Osoko Bilkurak eskuordeturik aritzea haren gain berariaz utzitako eginkizunetan.
b) Haurren eta Nerabeen Arretarako Kontseiluaren eginkizunei buruzko proposamenak igortzea Osoko Bilkurari, balora eta azter ditzan.
c) Haurren eta Nerabeen Arretarako Kontseiluaren Osoko Bilkurari garatu edo egiten dituen jarduketen berri ematea.
d) Haurren eta Nerabeen Arretarako Kontseiluaren Osoko Bilkurako gai-zerrendari jarraikiz aztertu beharreko gai eta kontuei buruzko informazioa eman eta proposamenak egitea, Kontseiluko buruak gai-zerrenda zehazteko duen eskumena ukatu gabe.
e) Haurren eta Nerabeen Arretarako Kontseiluaren jardueren urteko memoria prestatzea; Osoko Bilkuran aurkeztuko da, onets dezan.
4. Batzorde Iraunkorrak harturiko erabakiek balioa izan dezaten, bertaratutakoen gehiengoaren aldeko botoa beharko da. Botazioan berdinketarik izanez gero, Kontseiluko buruaren kalitateko botoa izanen da erabakigarria.
1. Idazkariak Haurren eta Nerabeen Arretarako Kontseiluaren Osoko Bilkurak edo Batzorde Iraunkorrak egiten dituen bilkuren aktak eginen ditu. Aktak ondoko hauek jaso beharko ditu nahitaez: bildutakoen kopurua, eguneko gaien zerrenda, bilkura non eta noiz egin den, eztabaidetako puntu nagusiak, bai eta hartutako erabakien edukia ere, eta horretarako prestatutako liburuan edo liburuetan agerraraziko da.
2. Aktak bilkura horretan berean edo hurrengoan onartuko dira.
3. Aktak idazteko eta egiteko, Nafarroako Foru Komunitateko Administrazioari buruzko abenduaren 3ko 15/2004 Foru Legearen 34. artikuluan oro har ezarritakoari jarraituko zaio.
Nafarroako Foru Komunitateko Administrazioan adingabeen babesaren arloan eskumena duen departamentuak laguntza tekniko eta materiala emanen dio Haurren eta Nerabeen Arretarako Kontseiluari, Kontseilu horrek bere eginkizunak ongi bete ditzan.
Lehenbizikoa. Arauak emateko ahalmena.
Nafarroako Foru Komunitateko Administrazioan adingabeen babesaren arloan eskumena duen departamentuari ahalmena emanen zaio foru dekretu hau garatu eta betearazteko behar diren xedapen guztiak emateko.
Foru dekretu honek Nafarroako Aldizkari Ofizialean argitaratzen den egunean hartuko du indarra.
Iruñean, 2010eko maiatzaren 31n.-Nafarroako Gobernuko lehendakaria, Miguel Sanz Sesma.-Familia, Gazteria, Kirol eta Gizarte Gaietako kontseilaria, María Isabel García Malo.
Iragarkiaren kodea: F1009652
