(ir al contenido)

navarra.es

Castellano | Euskara | Français | English

LEXNAVARRA


Versión para imprimir
Versión en castellano

16/2006 FORU LEGEA, ABENDUAREN 5EKOA, JOKOARI BURUZKOA Nota de Vigencia

BON N.º 152 - 20/12/2006

  I. TITULUA. XEDAPEN OROKORRAK

  I. KAPITULUA. XEDEA, ESPARRUA ETA PRINTZIPIO OROKORRAK

  II. KAPITULUA. JOKOAK ETA APUSTUAK ETA HAIEN ARAUAK

  III. KAPITULUA. JOKOAK ETA APUSTUAK ANTOLATU ETA USTIATZEKO ARAUBIDEA

  II. TITULUA

  JOKOAK ETA APUSTUAK: DEFINIZIOAK ETA BETEBEHARRAK

  III. TITULUA. JOKOAK ETA APUSTUAK EGITEKO BAIMENDURIKO TOKI, LOKAL ETA ESTABLEZIMENDUAK

  IV. TITULUA. BAIMENEN TITULARRAK DIREN ENPRESAK, BERTAKO LANGILEAK ETA JOKALARIAK

  I. KAPITULUA. JOKO ENPRESAK

  II. KAPITULUA. JOKO ENPRESETAKO LANGILEAK

  III. KAPITULUA. JOKALARIAK

  V. TITULUA. JOKOEN ETA APUSTUEN IKUSKAPENA ETA KONTROLA

  VI. TITULUA. ZEHAPENEN ARAUBIDEA

  I. KAPITULUA. ZEHATZEKO AHALMENA

  II. KAPITULUA. ARAUHAUSTEAK

  III. KAPITULUA. ARAUHAUSTEEN MOTAK

  IV. KAPITULUA. ERANTZULEAK ETA ZEHAPENAK

  V. KAPITULUA. KAUTELAZKO NEURRIAK, DELITUAK ETA HUTSEGITEAK

Zioen azalpena

I

Jokoari buruzko ekainaren 27ko 11/1989 Foru Legea onetsi zen Nafarroako Foru eraentza berrezarri eta hobetzeari buruzko abuztuaren 10eko 13/1982 Lege Organikoaren 44. artikuluaren 16. idatz-zatiaren arabera kasino, joko eta apustuen arloan Nafarroari dagokion erabateko eskumena garatzeko. Lege hark Nafarroan jokoa arautzeko esparru egoki bat osatu du luzaz.

II

Norberak jokatu edo ez jokatzeko duen askatasunetik abiaturik garai hartan bezala, egia da jokoa eta apustuak arautzeko zeuden inguruabarretariko batzuek dirautela gaur egun, bereziki babestea merezi duten balio batzuei eutsi beharrak eta sektorean diharduten interesak aldeztu beharrak. Eskuarki, inguruabar horiek direla-eta aginte publikoen esku-hartzea beharrezkoa da zuzenbideko arau-esparru bat ezartzeko, jardueraren garapen baketsua bermatu, jarduera horri muga batzuk finkatu, hartan parte hartzen duten guztien segurtasun juridikoa defendatu eta haien osasunean edo haien ekonomian kaltea hartzen dutenak babesten dituena.

Bestalde, azken urte hauetan, jokoa dinamismo handiko sektore ekonomikoa izan da. Berrikuntza teknologikoak, muga ekonomikoen desagertzeak negozioari dakarzkion aukerak, globalizazioa eta informazioaren gizartearen garapena _bereziki, telefoniaren, Interneten eta posta elektronikoaren erabileraren ondoriozko aukerak eta telebistako formatu batzuetako praktika_ direla eta, jokoak eboluzio arin eta hedakorra izan du, modu eta era berrietara bihurtuz. Modu horiek jokalarien artean arrakasta izan dute berehala. Hainbeste ezen gaur egungo gizartean jokatzeko baliabide eta aukerak askotarikoak eta ezberdinak baitira. Batzuetan, arauturik dauden esparruetatik kanpo antolatzen diren joko eta apustu egiazko edo birtualetan parte hartzeko aukera kontuan harturik, zaila da lehen aipatu diren balio eta interesak zaintzea.

III

Ekainaren 27ko 11/1989 Foru Legeak indarra izan duen bitartean eskumen hori kudeatzen eta hari dagozkion eskumenak erabiltzen izaniko esperientziagatik, jokoaren araubidea indarra duen Zigor Kodera egokitu beharragatik, jokoa gero eta zail, nahasi eta sendotuagoa den errealitate bihurtu dela konturatzeagatik, arlo batzuk arautzean eta arautzeko atzeman diren arazoengatik eta enpresen ekintza askatasuna, gure sistema konstituzionalak onetsia, jardueraren kontrol administratiboarekin, beharrezkoa denarekin, bat etorrarazi nahi izateagatik, komeni da gaur egungo lege-esparrua aldatzea, beste bat, segurtasun juridikoa bermatzen duena eta jokoa gaur egungo egoera sozial eta ekonomikora egokitzeko gutxieneko bide juridikoak arautzen dituena, ezartzearren. Esparru berri horrek enpresen eskaintza eta gizartearen eskaria arautzen ditu, eta berrikuntza teknologiko eta garapen iraunkorraren menpe dagoen arlo baten arauzko eta beharrezko egokitzapenari aurre egiten ahalko dio. Labur bildurik, esparru horrek bide emanen du unean uneko inguruabarrekin bat datorren joko politika arintasunez garatzeko.

IV

Foru lege honek helburu horietarako erantzunak ematen ditu, eta honako egitura dauka: sei titulu, hamaika kapitulu, berrogeita bederatzi artikulu, xedapen gehigarri bat, bi xedapen indargabetzaile eta azken bi xedapen.

V

"Xedapen orokorrak" deritzon I. tituluan araubidearen xedea, aplikazio esparrua eta printzipio orokorrak zehazten dira. Jardueraren definizio zabal batetik abiatzen da. Gero, denbora-pasa edo josteta hutsak diren jarduerak baztertzen ditu. Izan ere, horietan ez da dirurik eskualdatzen edo, eskualdatuz gero, oihartzun gutxi dute gizartean eta garrantzi gutxi ekonomian, horietan entretenitzea garrantzitsuagoa baita jokalarientzat dirua irabaztea baino eta beraz horietan dihardutenen osasunak edo ekonomiak ez dute kalterik hartzen.

Nafarroako Joko eta Apustuen Katalogoa eta Erregistroa oinarrizko egiturak dira joko baimendu eta debekatuak zehazteko eta joko baimenduak kudeatu eta garatzeko. Hala ere, katalogoaren edukien oinarrizko eta orotariko definiziotik abiaturik, haien zurruntasuna malgutu nahi da. Izan ere, zurruntasun horrek bete-betean jotzen du sektorearen dinamismo handiaren kontra, eta sektorea irekia izatea bilatu nahi da. Labur bildurik, horrek bidea emanen du gaur egun baimendurik dauden joko eta apustuen zerrenda katalogo edo erregistroan biltzeko eta bertan sor litezkeen beste batzuk arintasunez sartzeko, gizartean edo ekonomian duten oihartzun eta garrantziagatik haiek arautzea komenigarritzat jotzen denean.

Titulu berean baimenak emateko oinarrizko araubidea eta haien titular ez izateko edo ezgaitzeko zergatikoak zehazten dira. Alde batetik, kontzeptuak Zigor Kodeari lotuko zaizkio. Bestetik, saihestuko da pertsona juridikoek berehala jokoak edo apustuak antolatu edo ustiatzeko baimena galtzeko aukera, haien bazkide edo partaideetariko baten bat inguruabar haietariko batean dagoenean. Ondorio hori bakarrik sortuko da joko enpresa zuzendu edo administratzeko eginkizun garrantzitsuak esleiturik dauzkatenendako, bazkideak izan edo ez.

Halaber, jokoan eta apustuetan erabiltzen diren material eta osagaiei buruzko araubidea eta haien publizitatea zehazten dira. Araubidea aldatzen da. Babesa eta publizitate informatiboa posible izanen dira.

Azkenik, jarduera planifikatzeko irizpideak aipatzen dira. Nafarroako Jokoaren Kontseiluaren sorrera ere mintzagai da. Foru Komunitatean jokoa eta apustuak arautzen eta kudeatzen interesaturik dauden sektore guztiek parte hartzeko organoa da.

VI

II. tituluak "Jokoak eta apustuak: definizioak eta betebeharrak" du izenburu. Araubidearen xede diren joko eta apustuen orotariko definizio zabala biltzen du. Joko eta apustuak Nafarroako Joko eta Apustuen Katalogoan zehatz jasoko dira. Definizioan baimentzen ahal diren joko guztiak sartzen dira. Joko makinak, apustuak, loteriak, txartel-jokoak, zozketak, tonbolak eta ausazko konbinazioak zehazten dituzten oinarrizko oharren berariazko zehaztapenarekin osatuko da.

VII

III. tituluak "Jokoak eta apustuak egiteko baimenduriko toki, lokal eta establezimenduak" du izenburu. Horretan xedatzen da toki horietan bakarrik bertarako berariaz baimenduriko joko eta apustuak egiten ahalko direla eta, bertan joko makinak paratzeko baimena emanez gero, enpresa operadoreek bakarrik ustiatzen ahalko dituztela, orain arte bezala.

VIII

IV. tituluak "Baimenen titularrak diren enpresak, bertako langileak eta jokalariak" du izenburu. Bertan bereizten dira, alde batetik, behin betikoz jokoak edo apustuak antolatzen eta ustiatzen jardun nahi duten pertsona fisiko edo juridikoak eta bakarrik aldi baterako eta, bestetik, bolada batez erregelamenduen bidez zehazten diren jokoetariko bat _ausazko konbinazioak, kasu_ antolatu nahi dutenak. Horrenbestez, lehenbizikoek bakarrik antolatu beharko dute joko enpresa gisa eta kasuan kasuko erregistroetan inskribatu. Horrekin batera, honako alderdiak biltzen dira: joko enpresen definizioa, sozietate moduan antolatzen diren enpresen betebeharrak eta horien partaidetza motak, zuzendaritza edo ordezkaritza organoak izendatu baino lehen hori administrazio publikoari jakinarazteko beharra, sozietate horien akzioen edo partaidetzen eskualdatzea ere jakinarazteko beharra, eta bestelako datu batzuk, halaber, administrazio publikoari jakinarazteko beharra. Halaber, jokoak eta apustuak antolatu eta egiteko baimenen titularrek bermeak emateko beharra ezartzen da, eta zer baldintza bete behar dituzten, horien artean, besteak beste, zuzendarien, akziodunen eta joko enpresetan diharduten langileen eta beren familien jardueren mugak, baita erabiltzaile edo jokalarien eskubideak eta debekuak ere.

IX

V. tituluak "Jokoen eta apustuen ikuskapena eta kontrola" du izenburu. Bertan jokoen eta apustuen ikuskapena eta kontrola arautzen da. Nafarroako Foru Komunitateko administrazioko funtzionarioen artetik eginkizun haiek dagozkienak agintaritzako agentetzat joko dira. Funtzionario horiek egiten dituzten ikuskapen aktek egiazkotasun ustea izanen dute eta bertan kontatzen diren egintzetarako frogatako balioko dute, bestela frogatu ezik. Presa handiko kautelazko neurriak hartzeko eskumena emanen zaie. Azkenik, jokoak eta apustuak kontrolatzeko ezar litezkeen sistema informatiko eta telematikoetako oinarriak finkatzen ditu.

X

Azkenik, VI. tituluak, "Zehapenen araubidea" izenekoak, honakoak biltzen ditu: arau-hauste administratiboen definizioa, arau-hausteen mailaketa (oso larriak, larriak eta arinak), haien erantzuleen salaketa, zehapenak ezartzeko prozedura eta zehapenen zenbatekoen mailaketa biltzen ditu.

I. TITULUA. XEDAPEN OROKORRAK

I. KAPITULUA. XEDEA, ESPARRUA ETA PRINTZIPIO OROKORRAK

1. artikulua. Xedea eta aplikazio esparrua Nota de Vigencia.

1. Foru lege honen xedea da mota guztietako joko eta apustuak Nafarroako Foru Komunitatean arautzea, haren eskumenen arabera. Haietatik aparte, zuzenean edo zeharka dirua, ondasunak edo ekonomikoki ebaluatzekoak diren eskubideak arriskatu edo eskualdatzen direneko jarduerak ere arautzen dira, ausazko edo ia ausazko prozesuen emaitzetan oinarritzen badira edo gertatzen ahal den edo ez zerbaiten iragarpenean oinarritzen badira, edozein direlarik jokalariek parte hartu eta aukerak hautatzeko duten nahia adierazteko erabiltzen diren modu eta baliabideak eta edozein delarik haien gaitasun edo trebetasunak edo zori hutsak emaitzan duen eragina.

Halaber, foru lege honek behar diren mekanismoak ezartzen ditu, Nafarroako Foru Komunitatearen eremuan mota guztietako kirol-apustuen publizitatea debekatuko dutenak, bai eta apustuekin zerikusia duen edozein negozioren publizitatea ere, kirolarien jantzietan, instalazioetan, babesletzan edo antzekoetan. Debeku hori kirol kategoria guztietan ezarriko da, eta aplikatu ahal izateko baldintzak izanen dira dena delako entitateak egoitza soziala Nafarroan izatea eta kirol-txapelketa, -jarduera edo -saioaren eremua tokikoa, probintziakoa edo autonomi-erkidegokoa izatea.

2. Denbora-pasa edo josteta hutseko joko edo apustuak foru lege honen esparrutik kanpo geldituko dira; hain zuzen ere, betebehar ekonomikorik sortzen ez dutenak eta, halaber, Nafarroako Foru Komunitateko administrazioaren arabera gizartean oihartzun gutxi dutenak edo eginbehar ekonomikoei dagokienez garrantzi gutxikoak direnak.

2. artikulua. Printzipio orokorrak Nota de Vigencia.

Nafarroako Foru Komunitatean jokoak eta apustuak arautu, antolatu, ustiatu eta egiteko printzipio hauei jarraitu beharko zaie:

a) Hirugarrenei jasan ditzaketen kalteak saihestea, bereziki sektorerik ahulenei, hala nola adingabeei edo laguntzadun desgaituei.

b) Segurtasun polizia eta pertsonak eta ondasunak babesteko ardura.

c) Enpresaburuen eta jokalarien segurtasun juridikoa, jokoen erregulartasuna eta gardentasuna, eta iruzurra debekatzea jokoen garapenean eta enpresaburuen eta jokalarien jardueran.

d) Sariak pagatzeko bermea.

e) Jokoen eskaintza gizartearen eskariarekin eta errealitate ekonomikoarekin bat etortzea.

2. bis. artikulua. Joko arduratsua Nota de Vigencia.

1. Nafarroako Foru Komunitateko Administrazioak joko arduratsuko politikak sustatuko ditu, halakotzat ulerturik harako haiek zeinetan jokoa, ardura sozialeko ikuspegi integral batetik, fenomeno konplexutzat hartuko baita, izan ditzakeen eragin negatiboetarako prebentzio, sentsibilizazio, esku-hartze, kontrol eta onbideratze ekintzak uztartzera behartzen duena.

Prebentzio-ekintzen helburua izanen da bermatzea jokoan diharduen pertsonaren jarduna haren borondate eta burujabetzarentzat kalterik gabe gauzatzen dela, osasungarritasun-parametroetan, eta saihestuz zori-jokoetan itxuragabeki parte hartzea nahiz halako parte-hartzetik erator litezkeen ondorio kaltegarriak.

Horretarako, Hezkuntza Departamentuak prebentzioaren arloko jarduketa programa berariazkoak ezarriko ditu ikastetxeetan ezar daitezen, eta lankidetza hitzarmenak sinatzen ahalko ditu jokoarekin zerikusia duten patologiak saihestea xede duten entitate eta elkarteeki.

2. Joko-antolatzaileek, beren jardunean aritzean, arreta berezia emanen diete arrisku-taldeei, eta joko-jarrera neurritsu eta arduratsuak sustatuko dituzte, egoki diren informazio-neurrien bitartez, zeinetan zehatz adieraziko baita debeku dutela parte hartzea adingabeek eta zaurgarriak diren bestelako kolektiboek, hala nola laguntzadun desgaituek, kasua bada.

2. ter artikulua. Joko eta apustuenpresek ezarri beharrekoak diren joko problematiko eta patologikoaren prebentziorako neurriak Nota de Vigencia.

1. Joko-enpresek eta joko- eta apustu-baimenen titular direnek neurri-plan bat prestatu behar dute jokoak pertsonengan sor litzakeen balizko efektu kaltegarriak samurtzeko, eta jokoen eta apustuen jarduera gidatzen duten printzipioak jaso behar dituzte.

2. Kasu guztietan, Nafarroako Foru Komunitatearen lurralde-esparruan soilik jarduten duten joko- eta apustu-enpresek, bai eta joko-atari edo -webguneen titularrek ere, honako ekintzez arduratu behar dute:

a) Arrisku-taldeei behar bezalako arreta eman.

b) Beharrezkoa den informazioa eskaini, parte-hartzaileek modua izan dezaten hautaketa arduratsu bat egiteko. Halaber sustatuko da joko-jarduera eta horrekiko jarrera neurritsua eta arduratsua izan daitezela, ez konpultsiboak.

c) Jakinarazi parte hartzeko eta jokoratzeko zer debeku dauzkaten adingabeek eta debekudunek, hain zuzen Joko-antolamenduko Zuzendaritza Nagusikoa den Jokoratze Debekuen Erregistroan sartuta daudenek, eta debeku horiek bermatzeko beharrezkoak diren kontrolbideak ezartzea. Horretarako, afixa bat beharko dute paratuta eduki ikusteko moduko toki batean, lokalaren barruan bai eta kanpoan ere, adierazten duena adingabeek eta debekudunen erregistroan inskribatuta dauden pertsonek debeku dutela apustuetan parte hartzea.

d) Beren langileei prestakuntza-ikastaroak eman, joko arduratsuaren jardunarekin eta joko problematiko eta patologikoaren prebentzioarekin zerikusia dutenak.

e) Ikusteko moduko toki batean adierazi nora jo daitekeen ludopatia-problema bat edukiz gero.

3. Joko-jarduerak erantzukizun sozial korporatiboaren oharmenez egin behar dituzte joko- eta apustu-enpresek, enpresa-jardun ireki eta gardenen bitartez, oinarrituak balio etikoetan eta enplegatuekiko, parte-hartzaileekiko, gizarte osoarekiko eta ingurumenarekiko begirunean.

4. Joko-enpresek parte-hartzaileei aukera eskaini behar diete beren gordailuei beren borondatez mugak ezartzeko, orokortasunez ezarritako zenbatekoak baino gutxiagokoak.

5. Jokalariei edo erabiltzaileei buruzko trukean gauzatu litezkeen joko problematikoaren eta patologikoaren prebentziorako ekintzek errespetatu egin beharko dute datu pertsonalak babestearen eta eskubide digitalak bermatzearen alorreko araubidea. Erregelamenduz antolatuko dira trukea egiteko bitartekoak eta bideak, bai eta jokalariek modua izan dezaten dagozkien eskubideak egikaritzeko, araubide horren ildotik.

6. Joko-enpresek ez dute zilegi izanen jokalariei mailegurik ematea, ez eta beste edozein kreditu-motarik ere, ez eta haiei hobaririk, doako partidarik edo diru bihurtzeko moduko elementurik ematea edo kredituak edo maileguak lortzeko produktu finantzarioak iragartzerik ere.

II. KAPITULUA. JOKOAK ETA APUSTUAK ETA HAIEN ARAUAK

3. artikulua. Nafarroako Joko eta Apustuen Katalogoa.

1. Nafarroako Gobernuari dagokio Nafarroako Joko eta Apustuen Katalogoa arautzea, bertan jokoak sartu eta, bidezko bada, bertatik kentzea, eta haietariko bakoitzari buruzko berariazko erregelamendua onestea.

2. Nafarroako Joko eta Apustuen Katalogoan foru lege honetan arautzen direnen ezaugarriak dituzten joko eta apustu guztiak sartuko dira, edozein delarik haiek egiten direneko baliabideak, materialak eta arauak, ausaz aukera batzuk sortzen dituen zoria eta ziurgabetasuna badute eta jokalariek ondoriozko betebehar ekonomikoak beren gain hartzen badituzte.

3. Ez dira Nafarroako Joko eta Apustuen Katalogoan sartuko pertsonen eskubideak urratzen ahal dituzten joko edo eskubideak, eta joko eta apustuak arautzeko foru lege honetako 2. artikuluan aipatzen diren printzipio orokorren edo interes publikoaren kontra jotzen dutenak ere ez.

4. artikulua. Joko eta apustu baimenduak.

Joko edo apustu bat baimendu ahal izateko, ezinbesteko betebeharra izanen da aldez aurretik Nafarroako Joko eta Apustuen Katalogoan sartzea, non haren izena, haren motak, haren deskripzioa eta hura garatzeko funtsezko arauak zehaztuko baitira eta, bidezko bada, haiek antolatu eta egiteko murriztapen eta mugak ere bai.

5. artikulua. Joko eta apustu debekatuak.

Nafarroako Joko eta Apustuen Katalogoan sarturik ez dauden joko eta apustuak eta sarturik egonik ere bertan ezarririko baldintza, murriztapen eta mugetatik aparte egiten direnak legez debekatuak izanen dira eta haiei loturiko dirua, efektuak eta materiala bahituko dira, kasu bakoitzean aplikatzekoak diren zehapenez gain.

6. artikulua. Joko eta apustuetarako materialak.

1. Jokoak eta apustuak betiere aldez aurretik homologaturiko ereduekin bat datozen materialekin eginen dira, salbu eta berariazko erregelamenduetan joko edo apustu batzuei dagokienez bestela xedatu ezik.

2. Arlo honetan eskumena duen Nafarroako Foru Komunitateko administrazioko organoari dagokio joko eta apustuen material, osagai eta tresnak, Nafarroan erabili behar direnak, homologatzea.

7. artikulua. Nafarroako Joko eta Apustuen Erregistroa.

1. Nafarroako Joko eta Apustuen Erregistroak, publizitaterako, ohar batzuk bilduko ditu bere ataletan:

a) Jokoen material eta osagaien egileak.

b) Eredu homologatuak.

c) Joko enpresei buruzko eta joko eta apustuak antolatu eta kudeatzeko baimenen titularrak diren pertsona fisiko eta juridikoei buruzko datuak.

d) Joko makinen operadoreak.

e) Jokoak eta apustuak egiteko baimena duten toki, lokal eta establezimenduak.

f) Joko makinak instalatzeko baimenak.

g) Joko makinak ustiatzeko baimenak.

h) Titulartasun aldaketak.

i) Ireki diren zehapen prozedurak, baita ezarri diren zehapenak ere, behin irmo bilakatu ondoren, eta, orobat, zehapenen ezeztapenak, preskripzioaldia bukatzen denean.

j) Joko jarduerei eta apustuei buruzko beste datu interesgarri batzuk, baita inskribatzen diren datuen aldaketak ere.

2. Nafarroako Gobernuak Nafarroako Joko eta Apustuen Erregistroaren antolamendu eta funtzionamendurako arauak ezarriko ditu.

8. artikulua. Plangintza.

Nafarroako Foru Komunitateko administrazioak jokoa eta apustuak planifikatzeko ahalmena izanen du, ondoko hauek kontuan harturik: gizarteko errealitatea eta jardueraren eragina, jardueraren ondorio ekonomikoak eta zerga arlokoak, jokoa dibertsifikatu beharra eta, azkenik, jokabide monopolistikoak edo lehiaren kontrakoak direnak saihestu beharra. Hori helburu, baimenak emateko irizpideak ezarriko ditu, bai kopuruari dagokionez, bai lurralde banaketari dagokionez, baita lortzeko behar diren baldintza objektiboei dagokienez ere.

9. artikulua. Nafarroako Jokoaren Kontseilua.

Nafarroako Gobernuak Nafarroako Jokoaren Kontseilua eratuko du, Nafarroako Foru Komunitateko administrazioan jokoaren eta apustuen arloko eskumena esleitua duen departamentuari atxikia. Jokoaren eta apustuen arloan aholku eman eta parte hartzeko organoa izanen da eta bertan parte hartuko dute bai lehentxeago aipatutako administrazioaren departamentuak, bai jokoaren eta apustuen arloan eskumena duten beste departamentu batzuek, baita arlo horretan interesa duten enpresa erakunde, sindikatu eta gizarte erakunderik adierazgarrienek ere.

10. artikulua. Jokoen publizitatea Nota de Vigencia.

1. Jokoari edo apustuei buruz eta jokatzeko edo apustuak egiteko lokal eta tokiei buruz publizitatea egiteko eta jarduera horiei babesa emateko, aurretik arlo horretan Nafarroako Foru Komunitateko Administrazioan eskumena duen departamentuari jakinarazi beharko zaio. Jakinarazpenean egin nahi den kanpainaren edo jardueraren datuak adierazi beharko dira, hasi baino hilabete bat lehenago gutxienez.

Publizitateak eta sustapenak betiere errespetatu beharko dute Haur eta nerabeei arreta eta babesa eman eta haien familiak, eskubideak eta berdintasuna sustatzeko Foru Legean xedatzen dena, bai eta hori garatzeko araudian ezarritakoa ere.

Administrazio eskudunak egiaztatu beharko du ezen, legez ezarritako printzipio, betebehar eta debekuak betetzeaz gainera, sustatzen direla joko-jarrera neurritsu, arduratsu eta ez-konpultsiboak, eta, betiere, mezuen bidez ohartarazten dela adingabeek jokoa debekatua dutela.

Kontuan hartu beharko dira, besteak beste, publizitatea emititzeko ordu-tarteak edo hedabideak, pertsona ospetsuak agertzearen debekua edo murriztapenak, eta babesletza- eta sustapen-jardueren erregulazioan joko-jarrera neurritsu eta ez-konpultsiboak sustatu beharra.

2. Ez da onartuko honelako komunikazio komertzialik:

Lehena. Joko-jardun burugabe, konpultsibo, itxuragabe, neurrigabe, adikziozko edo patologikoan aritzeko pizgarri direnak.

Bigarrena. Jokatzen ez duten pertsonak arbuiatu eta jokatzen dutenei gailentasun sozial halako bat ematen dietenak.

Hirugarrena. Joko-jarduerak lotzen dituztenak arrakasta pertsonal, familiar, sozial edo profesionala aditzera ematen duten ideia edo portaerekin.

Laugarrena. Joko bateko parte-hartzaileentzako maileguen edo beste edonolako kreditu-modalitateren eskaintzak egiten dituztenak.

Bosgarrena. Jokoa alternatibatzat iradokitzen dutenak problema pertsonal, profesional, finantzario edo hezkuntzakoen, bakardadearen edo depresioaren aldean.

Seigarrena. Saridun izateko aukerari buruz tronparazten dutenak edo apustu-errepikapena iradokitzen dutenak.

3. Beti debeku izanen da:

a) Apustu-enpresak kirol-kluben babesle izatea; bereziki, debeku da haien publizitatea jartzea kirol-jantzietan eta elastikoetan, edo kirol-instalazio eta estadioetan.

b) Apustuen publizitatea jartzea Nafarroan egin eta osorik edo partez dirulaguntza publikoen bidez finantzatzen den edozein kirol-jardueratan.

c) Publizitatea jartzea zentro hauetatik 300 metrora baino hurbilago dauden euskarrietan: ikastetxeak, kiroldegiak, kultura, josteta edo osasun zentroak, edo joko-adikzioa, osasun mentaleko arazo larriak edo adimen-desgaitasuna duten pertsonen errehabilitaziorako lokalak.

d) Kirol-enpresen publizitatea jartzea administrazio publikoen egoitzetan, 18 urtetik beherakoentzako gune publikoetan, osasun-zentroetan, gizarte-zentroetan, zentro-soziosanitarioetan, ikastetxeetan, zinema-aretoetan eta kirol-ekitaldiak egiten diren lokal eta instalazioetan.

e) Postaz, telefonoz edo bide telematikoez publizitatea egitea, eta, oro har, publizitatea etxera igortzea.

f) Publizitatea egitea Nafarroako egunkari, aldizkari edo bestelako informazio bideetan eta Nafarroan kokatutako irrati eta telebista zentroetan 05:00etatik hurrengo eguneko 01:00 arte.

4. Joko eta apustuen arloan eskumena duen departamentuak ahalmena izanen du proposatzen den jardueraren egitea debekatu edo baldintzatzeko, baldin eta jardueraren beraren edo bere agresibitatearen ondorioz kalte egiten ahal bazaie ordenamendu juridikoan ezarritako askatasun edo eskubideei, edo sektore sentiberaren bat erabili edo haiei kalte egiten bazaie, hala nola adingabeei, edota laguntzadun desgaituei. Horrelako kasuen berri emanen zaio gizarte zerbitzuen eta adingabeentzako babesaren arloan eskumena duen departamentuari.

5. Zaintza-lana eginen da jokoari buruzko publizitatean ez daitezen erabil halako pertsonak zeinak, beren lanbideagatik, ospe sozialagatik edo beste edozein zertzeladagatik, erreferentetzat har baitaitezke populazio orokorrarentzat eta, batez ere, gazte eta adingabeentzat. Aginduko da jokoan aritzeak ludopatia eragitearen eta aritze hori adingabeei debekatuta egotearen ohartarazpena esanbidez jasota utz dadin.

Publizitatean ez da inola ere onartuko osasun arloko profesionalek edo zientzialariek parte hartzerik, ez eta osasunarekin zerikusia duten elkarte, korporazio, fundazio edo erakundeen abalak erabiltzerik ere.

11. artikulua. Nafarroako Foru Komunitateko administrazioarekiko harremanak.

Harremanak izateko eta espedienteak tramitatzeko, bide telematiko eta elkarreragileak erabil daitezke, Nafarroako Foru Komunitateko administrazioak ezartzen dituen irizpideei jarraikiz. Horiez gainera, administrazio prozedura erkideari buruzko legedian onartzen diren baliabide orokorrak ere erabil daitezke.

III. KAPITULUA. JOKOAK ETA APUSTUAK ANTOLATU ETA USTIATZEKO ARAUBIDEA

12. artikulua. Baimena.

1. Katalogaturik dauden joko eta apustuak antolatu eta ustiatzea, eta, orobat, jokatzeko eta apustuak egiteko lokal edo establezimenduak ireki eta erabiltzea, edo horretarako guneak erabiltzea, Nafarroako Foru Komunitateko administrazioaren eta haren menpeko erakundeen esku edo joko enpresen esku egonen da bakar-bakarrik. Joko modalitate jakin batzuetan, hala ezarriz gero, pertsona fisiko edo juridikoek ere egiten ahalko dute, salbuespen gisa eta aldi baterako, baina horretarako, aurretik, kasuan-kasuan gaiaren arabera eskumena duen Foru Komunitateko organoaren administrazio baimena beharko dute.

2. Joko eta apustu modalitate batzuk komunikazio araubidearen menpe jartzen ahalko dira, ekonomian eta gizartean eragin txikiagoa badute, sustatzaileak joko enpresak ez badira eta azken helburua zein den begiratuta.

13. artikulua. Baimenak eman edo onartzeko modua.

1. Baimena lortu nahi dutenek behar bezala eskatu beharko dute, eskaerari erregelamenduz ezarrita dagoen dokumentazio guztia erantsiz. Artikulu honetako 2. artikuluan ezarritakoa aplikatu beharra dagoenean izan ezik, baimena eman edo ukatzeko epea hiru hilabetekoa izanen da. Epe hori ebazpen adierazirik eman eta jakinarazi gabe igarotzen bada, interesduna baimena administrazio-isiltasunez ukatu zaiola ulertzeko legitimatua egonen da, deusetan galarazi gabe organo eskudunak eman beharreko ebazpen adierazia.

2. Foru lege honen 8. artikuluan ezarritakoa aplikatuz, Nafarroako Foru Komunitatean joko jardueraren eta apustuen esparru jakin bateko baimen kopurua murrizten bada, baimenak lehiaketa publikoaren bidez emanen dira. Kasu horretan, baimena lortu nahi duten interesdun guztiek parte hartu beharko dute lehiaketan, deialdian ezartzen den moduan eta epean. Lehiaketa deialdiko oinarrietan ezarritakoaren arabera ebatziko da. Lehiaketa ebazteko deialdian ezartzen den epea bukatuz gero, interesduna legitimatua izanen da bere eskaera administrazio isilbidez ezetsi dela ulertzeko.

14. artikulua. Baimenen araubidea Nota de Vigencia.

1. Baimenak jardunaldi batera edo batzuetara mugatutako ekintzetarako izan daitezke, edo joko eta apustuen arloan denbora mugatu batean etenik gabe jarduteko (kasua bada, epe hori bukatuta, baimena berritzen ahalko dena) edo epe-mugarik gabe jarduteko.

2. Foru lege honen VI. tituluan ezartzen denaren arabera jartzen diren zehapenak deusetan galarazi gabe, baimenak emateko jartzen diren baldintzak betetzen ez badira, baimenak ezeztatu eta indargabetzen ahalko dira, bai, halaber, baimena eman zeneko garaian gertatu izanez gero baimena ezesteko arrazoia izanen zatekeen arrazoiren bat gerora gertatzen bada. Horrelako kasuetan, titularrak ez du kalte-ordainik jasotzeko eskubiderik izanen, ez batean ez bestean.

3. Baimenak ezin dira laga eta ezin dira hirugarren pertsonen bidez ustiatu, eta eskualdaketak ezartzen diren kasuetan eta baldintzetan baizik ez dira onartuko.

4. Joko edo apustuen enpresa edo negozio baten titulartasuna edo joko makinak instalatzeko baimena eskualdatuz gero, titular berriak beretzat hartuko ditu foru lege honetan ezarritakoaren arabera lehengo jabeak zituen betebeharrak.

5. Baimenak honako kasuetan iraungiko dira:

a) Baimena ezeztatu eta zehapena jarriz gero, foru lege honetan ezarritako kasuetan.

b) Baimenak epe-mugara iritsiz gero, deusetan galarazi gabe bidezko luzapenak egitea.

c) Titularrak uko eginez gero, Foru Komunitateko administrazioari jakinaraziz.

d) Administrazio zehapen irmo baten bidez titularra gaitasunik gabe utzi edo establezimendua itxiz gero.

e) Baimena iraungiz gero, erregelamenduz ezartzen diren baldintzetan.

f) Titularra hil edo haren nortasun juridikoa iraungiz gero, bidezko eskualdaketak galarazi gabe.

g) Epaileen epai irmo baten ondorioz, hala erabakitzen bada.

6. Joko eta apustuen establezimenduen arteko gutxieneko distantziak.

Inola ere ezin izanen da baimenik eman berariazko joko-establezimenduak zentro hauetatik 400 metrora baino hurbilago instalatzeko: adingabeei irakaskuntza arautuak ematen dizkieten ikastetxe publiko edo pribatuak, jokalari patologikoen errehabilitaziorako zentro ofizialak, adimen desgaitasuna edo gaixotasun mentala duten pertsonentzako egoitzak, osasun, kirol, kultura eta aisia zentroak eta gaztetxeak. Era berean, joko- eta apustu-establezimenduen arteko gutxieneko distantzia 400 metrokoa izanen da gutxienez ere.

Aurreko paragrafoan aipatutako distantzia (ezertan galarazi gabe udalerri bakoitzak gutxieneko distantzia hori handitzea) beti neurtuko da jabari publikoko bidean oinez egin daitekeen ibilbide laburrenetik.

Udalek gutxieneko distantzia hori baino handiagoa ezarri ahalko dute beren udal-mugarteetan.

15. artikulua. Bermeak.

1. Joko edo apustuak antolatu eta ustiatzeko baimenen titularrek eta, halaber, jokatzeko eta apustuak egiteko lokalak edo aretoak ireki edo erabiltzeko baimenen titularrek behar den bermeak jarri beharko dituzte eta joko edo apustu bakoitzerako ezartzen diren baldintzak eta betebeharrak bete.

2. Baimen horien titularrek Nafarroako Foru Komunitateko administrazioaren aldeko fidantza bat utzi beharko dute, erregelamenduz ezartzen diren baldintzen eta zenbatekoen arabera.

3. Fidantza horiek foru lege honetan ezartzen diren betebeharrak betetzearen pean geldituko dira; batez ere, zehapen araubidearen ondoriozko erantzukizunei eta sarien ordainketari buruz ezarritakoa bete beharko da eta jokoei eta apustuei dagozkien tributu berezien ondoriozko beharkizunak.

4. Fidantzetan eskatzen ahal den gehieneko diru kopuruak eguneraturik egon behar du.

16. artikulua. Jokoak eta apustuak antolatu eta ustiatzeko ezgaituak daudenak.

1. Ondoko egoeraren batean daudenek ezin izanen dute foru lege honetan araututuko joko edo apusturik antolatu edo ustiatu, ez eta horretarako behar diren baimenak lortu ere:

a) Eskaeraren egunaren aurreko bost urteko epean, epai irmo baten bidez kondenatua izatea honelako delitu bat egiteagatik: pertsona bat hiltzea, lesioak, askatasun sexualaren kontrako delitua, ondarearen kontrakoa, ordenamendu sozioekonomikoaren kontrakoa, Ogasun Publikoaren edo Gizarte Segurantzaren kontrakoa edo faltsutasuna.

b) Errehabilitaturik gabe dauden porrot eginak eta, legearen arabera ordainketen etendura edo hartzekodunen konkurtsoa aginduta, kaudimen gabekoak deklaratu direnak edo hartutako betebehar guztiak bete ez dituztenak.

c) Azkeneko bost urteotan ebazpen irmo baten bidez zehatuak izatea, jokoaren eta apustuen gaineko tributuen arloko bi arau-hausteren edo gehiagoren ondorioz.

d) Ebazpen irmo baten bidez jokoak edo apustuak antolatu edo ustiatzeko desgaikuntza ekarri duen zehapena jaso dutenak, desgaikuntzaldiak iraun bitartean.

2. Baimena eman edo onartu ondoren ezgaitasun egoeraren batean sartuz gero, baimena galduko da eta ezin izanen da hurrengo bost urteetan berriz eskatu.

3. Artikulu honetan bildutakoa pertsona juridikoei ere aplikatuko zaie, baldin eta horien administratzaile edo ahalordedunak, Zuzendaritza Batzordeko edo Administrazio Kontseiluko kideak edo kudeaketako, zuzendaritzako edo administrazioko kargudunak edo zuzendaritzako beste organo batzuetako kideak halako egoeraren batean baldin badaude, joko enpresen akziodun edo parte-hartzaile izan ala ez izan.

II. TITULUA

JOKOAK ETA APUSTUAK: DEFINIZIOAK ETA BETEBEHARRAK

17. artikulua. Jokoak eta apustuak.

1. Foru lege honen ondorioetarako, joko edo apustutzat hartuko dira ondoko baliabide hauek erabiliz garatzen direnak, jokalaria jokalekuan egon ala ez, eta are informatika edo baliabide telematiko edo elkarreragileen bidez egiten direnak ere: alternatibak zuzenean nahiz zeharka hautatzea, inprimakiak betetzea, kartoiak, bileteak, txartelak edo joko paperak erosi edo hautatzea edo, kasuan kasuko ondare eskualdaketen oinarri diren aurreikuspenen, alderaketen edo konparaketen emaitza ausaz emateko balio duten makina, erruleta, taula, karta, dado, pilota, bola, xafla, fitxa edo beste elementu erreal edo birtual batzuk erabiltzea jokoaren euskarri gisara.

2. Ondorio horietarako, joko publikoak edo titulartasun publikokoak dira administrazio publikoak edo haren menpeko erakundeek antolatu edo ustiatzen dituzten joko eta apustuak, eta joko pribatuak edo titulartasun pribatukoak, berriz, partikularrek antolatu eta ustiatzen dituztenak, baimena emateko erabiltzen diren teknikak kontuan hartu gabe.

18. artikulua. Joko makinak Nota de Vigencia.

1. Honako hauek hartzen dira joko makinatzat: erregelamenduz ezarriko diren ezaugarri eta mugak betez, partidaren prezioaren truke, makina erabili eta, jokoaren programaren edo ausazko sistema baten bidez, sari bat jasotzeko aukera ematen duten mekanismo eta gailuak, eskuzkoak edo automatikoak.

2. Joko makinatzat hartuko dira, orobat, joko, apustu, enbite edo zorizko osagairen bat izateagatik halakotzat jotzen direnak, betiere hurrengo idatz-zatian aipatzen diren salbuespenetan sartuta ez badaude.

3. Foru lege honetatik kanpo daude salmenta makinak, baldin eta erosleak aurretik aukeratzen dituen produktuak, salgaiak edo beste zerbitzu jakin batzuk mekanikoki trukatu edo saldu besterik egiten ez badute, betiere baldin eta jarritako diruak makinan bertan produktu horietarako adierazten den prezioarekin bat egiten badu eta produktua zuzenean ateratzen bada, inolako baldintzaren, aposturen, ausazko konbinazioren edo zorizko jokoren pean egon gabe, eta bai josteta hutseko makinak ere, ez badute inolako saririk ematen, ez zuzenean, ez zeharka, erabilera denbora errepikatzeko aukeraz gainera.

4. Nafarroako Gobernuak apustu-makinek bete beharreko baldintzak ezarriko ditu, bai eta, behar izanez gero, toki, lokal edo establezimendu jakinetan apustu-makinak jartzeko baldintzak ere.

Kasu guztietan, tabernetako edo ostalaritzako establezimenduetako apustu-makinetarako irisgarritasun-sistemak halako elementu teknikoak aintzat hartu beharko ditu zeinek modua emanen baitute haietarako irispidea kontrolatzeko, eta foru lege honen erregelamenduzko garapenean xedatutakoaren esanetara egonen da.

19. artikulua. Apustuak.

Apustutzat hartzen dira ondasunak, eskubideak edo dirua arriskatzen dituzten jarduerak, zalantzazko edo ausazko bukaera duen eta aurretik adostuta dagoen gertakari baten emaitza asmatzearen edo ez asmatzearen arabera antolatzen direnak.

20. artikulua. Loteriak eta txarteljokoak.

1. Loteria zozketa batean oinarritzen den jokoa da, non zenbaki jakin bat edo gehiago ausaz atera edo finkatzen den. Zenbaki horiekin guztiekin edo batzuekin bat datorren numerazioa duen bilete edo txartelen jabeek diruzko sari bat jasotzen dute, aurretik onetsitako sari-plan baten arabera, zozketaren egunarekin batera jokoaren esku-orrietan eta billete edo txarteletan aditzera eman beharko dena.

2. Txartel-jokoak dira salneurri baten truke erosleari egokitu zaion diruzko saria _halakorik bada_ berariaz erakusten duten txartelak erosiz egiten direnak. Saria ezezaguna izanen da denontzat, txartela ireki edo eskuz karraskatzen den arte. Joko mota hau bakarrik egin daiteke edo, bestela, aurretik adostuta dagoen beste batekin konbinatuz, eta betiere txartelaren salneurria eta litezkeen sariak adierazi beharko dira.

21. artikulua. Zozketak eta tonbolak.

1. Zozketa salneurri jakin baten truke joko paperak hartu edo erosi dituztenen artean ondasun edo eskubideak zozketatzen dituen jokoa da, gero diruz trukatu ezin direnak.

2. Tonbolak askotariko gauzen zozketak dira. Sariak momentuan jasotzekoak izan daitezke, edo hainbat puntu batu ondoren, edo geroko zozketa batean.

22. artikulua. Ausazko konbinazioak.

Ausazko konbinazioak beti marketineko operazioetan edo merkatuko produktu batzuen kontsumoa sustatzeko kanpainetan egiten diren jokoak dira, eta honetan oinarritzen dira: elementu jakin batzuen konbinazioak epe jakin batean osatzea. Konbinazioen elementuak aurretik zehaztuko dira edo ausaz aterako dira, eta jokalariei iragarri edo helarazi beharko zaizkie, zeinahi bide erabiliz. Konbinazioa zozketaren arauetan ezarri bezala osatuz gero, jokalariek zuzeneko sari bat jasoko dute edo hura esleitzeko zozketa batean hartuko dute parte, onesten diren arauei jarraikiz.

III. TITULUA. JOKOAK ETA APUSTUAK EGITEKO BAIMENDURIKO TOKI, LOKAL ETA ESTABLEZIMENDUAK

23. artikulua. Tokiak, lokalak eta establezimenduak Nota de Vigencia.

1. Foru lege honetan biltzen diren xedapenak bertan arautzen diren joko edo apustuak egiten diren toki, lokal eta establezimendu guztietan aplikatuko dira.

2. Joko eta apustu baimenduak Nafarroako Foru Komunitateko administrazioak baimenduriko toki, lokal eta establezimenduetan baizik ezin dira egin, hots, kasinoetan, bingo aretoetan, joko aretoetan eta, foru lege honen 12. artikuluaren arabera, erregelamenduz ezarritako betebehar eta baldintzak betetzen dituztenetan, kasuan kasuko baimenean biltzen diren zehaztapenekin betiere. Areto horietan baimendu diren joko eta apustuak eginen dira, ez besterik. Era berean, debekatuta dago toki, lokal edo establezimendu horietan edo horietatik beste arau batzuen bidez baimenduriko joko edo apustuak egin edo ustiatzeko lanetan lagundu edo parte hartzea, Nafarroako Foru Komunitateko administrazioaren baimenik izan gabe.

Baimenduriko toki, lokal eta establezimenduak tabernetatik eta ostalaritzako establezimenduetatik bereizi beharko dira. Debekatu egiten da aipatu establezimenduetan alkoholdun edarien kontsumoaren publizitatea eta sustapena egitea. Baimendutako tokiek, lokalek eta establezimenduek ez dute zilegi izanen kredituak edo maileguak lortzeko produktu finantzarioak iragartzerik.

3. Baimenduriko toki, lokal edo establezimenduetako joko makinak horrelako makinen enpresa operadoreek baizik ezin dituzte ustiatu.

24. artikulua. Kasinoak.

1. Batik bat, ausazko joko esklusiboak egiteko lokalak dira, non batzuetan, zerbait pagatuta, beste ikuskizun edo josteta jarduera osagarri batzuetan parte hartzeko aukera dagoen.

2. Kasinoak irekitzeko baimenak ematea Nafarroako Foru Komunitateko administrazioari dagokio, berak ezartzen dituen baldintzetan.

3. Kasinoak baimendu aurretik, Nafarroako Foru Komunitateko administrazioak hango plangintza onartu behar du, foru lege honen 8. artikuluan xedatutakoaren arabera.

25. artikulua. Bingo aretoak.

Bingo aretoak bingo izeneko loteria jokatzeko lokalak dira.

26. artikulua. Joko aretoak Nota de Vigencia.

1. Joko-aretoak dira joko-makinak ustiatzen direneko lokal edo guneak dauzkaten establezimenduak, eta halaber eduki ditzakete beste aukera ludiko baimendu batzuk aurrera eramateko prestaturik daudenak.

2. Aurreko apartatuan definitutako lokalek baldintza hauek bete beharko dituzte beti:

a) Gutxienez 150 metro karratu erabilgarriko azalera izan behar dute.

b) Nahitaez beharko dute harrera- edo onarpen-zerbitzu informatizatu bat eduki, sartzen utziko ez diena 18 urte baino gutxiagokoei eta jokoari beren kasa uko egin dioten pertsonei.

c) Errotulu batean jarri beharko dute joko-aretoa dela.

d) Ongi ikusteko moduan kartel bat jarri beharko dute adierazteko debeku dutela jokoetan parte hartzea adingabeek eta Jokoratze Debekuen Erregistroan inskribatutako pertsonek, lokalaren barnealdean eta kanpoaldean.

e) Harrera-zerbitzuan ongi ikusteko moduan iragarri beharko dute adikzioa sor dezakeela jokoetan gehiegi aritzeak, lokalaren barnealdean eta kanpoaldean.

f) Ikusteko moduko toki batean kokatu beharko dute, harrera-zerbitzuan, ludopatia-problema bat izanez gero nora jo daitekeen jakinarazten duen oharra.

26. bis artikulua. Kirolapustuen lokalak Nota de Vigencia.

1. Apustu-lokalak dira kirol-apustuen ustiapenerako establezimenduak.

2. Aurreko apartatuan definitutako lokalek baldintza hauek bete beharko dituzte beti:

a) Gutxienez 50 metro karratu erabilgarriko azalera izan behar dute.

b) Nahitaez beharko dute harrera- edo onarpen-zerbitzu informatizatu bat eduki, sartzen utziko ez diena 18 urte baino gutxiagokoei eta jokoari beren kasa uko egin dioten pertsonei.

c) Errotulu batean jarri beharko dute apustu-lokalak direla (edo apustu-guneak).

d) Ongi ikusteko moduan kartel bat jarri beharko dute adierazteko debeku dutela apustuetan parte hartzea adingabeek eta Jokoratze Debekuen Erregistroan inskribatutako pertsonek, lokalaren barnealdean eta kanpoaldean.

e) Harrera-zerbitzuan ongi ikusteko moduan iragarri behar dute adikzioa sor dezakeela joko eta apustuetan gehiegi aritzeak, lokalaren barnealdean eta kanpoaldean.

f) Joko-atarietan argiro adierazi beharko da adingabeek eta Jokoratze Debekuen Erregistroan inskribaturiko pertsonek debeku dutela apustuetan parte hartzea.

g) Ikusteko moduko toki batean kokatu beharko dute, harrera-zerbitzuan, ludopatia-problema bat izanez gero nora jo daitekeen jakinarazten duen oharra.

26. ter artikulua. Apustuterminalak ostalaritzako establezimenduetan edo antzekoetan Nota de Vigencia.

1. Taberna, taberna berezi, kafetegi eta kafe-ikuskizun gisa berariaz baimendutako ostalaritzako establezimenduek apustu-makina osagarri bat bakarrik instalatu ahalko dute. Hori gorabehera, baimena ematen ahal da lokal horietan sari programatuko joko-makina bat instalatzeko, B motakoa.

2. Foru lege honek indarra hartu ondoren paratzen den apustu-makinak apustu-irispidearen gaineko kontrola bermatzea ahalbidetzen duten elementu teknikoak eduki beharko ditu instalaturik, foru lege honetako 18.4 artikuluak ezarritakoari jarraikiz, halako moldez non ekidin eginen baita joko-debekuak dituzten pertsonak edo adingabeak jokoratu ahal izatea.

Joko-partidak amaitu ondoren, eta erabilia izaten ari ez den bitartean, desaktibatuta egonen da, soinuzko, ikusizko edo argizko kitzikagarririk ez dariola.

3. Hemezortzi hilabeteko egokitzapen-aldi bat ezartzen da, ostalaritzako establezimenduetan gaur egun instalatuta dauden makinei foru lege honen 18.4 artikuluan ezarritako sarbide-kontrol sistemak jar dakizkien.

4. Makina instalatuta dagoen ostalaritza-establezimenduaren titularraren erantzukizuna da legez ezarritako jokoratze-debekuak betetzea eta horiek establezimenduko langileei betearaztea.

5. Horrelako makinak aipatu ostalaritza-establezimenduetan instalatzerakoan, ezin dira paratu terraza edo bide publikoetan, ez eta lokalen kanpoaldean ere, ez eta ikastetxe-, unibertsitate-, osasungintza-, gizarte- edo gazteria-eraikinen barneko eta kirol-guneetako tabernetan edo kafetegietan.

IV. TITULUA. BAIMENEN TITULARRAK DIREN ENPRESAK, BERTAKO LANGILEAK ETA JOKALARIAK

I. KAPITULUA. JOKO ENPRESAK

27. artikulua. Joko enpresak.

Foru lege honen ondorioetarako, joko enpresak dira, merkataritza eta tributu arloetako arauetan eskatzen diren betekizunak betetzeaz gainera, Nafarroako Joko eta Apustuen Erregistroan inskribaturik egon eta, nork bere izenean, foru lege honetan araututako joko edo apusturen bat antolatu eta ustiatzeko enpresa jardueretan aritzen diren pertsona fisiko eta juridikoak.

28. artikulua. Jakinarazi beharrak.

1. Joko enpresak, datu pertsonalen babesari buruzko araudia betetzeaz gainera, enpresan lan egiten duten pertsonen gainean erregelamenduz ezartzen diren datuak jakinarazi beharko dizkiote Nafarroako Foru Komunitateko administrazioari, bai eta kontrol, koordinazio eta estatistika arloetan dagozkion eginkizunak betetze aldera hark eskatzen dion gainerako informazioa ere.

2. Era berean, joko enpresetako ordezkaritza eta zuzendaritza organoetan gertatzen diren aldaketen berri eman beharko diote Nafarroako Foru Komunitateko administrazioari, erregelamenduz ezartzen den epean.

29. artikulua. Sozietate moduan antolatzen diren enpresak.

1. Merkataritza sozietate gisa eratzen diren joko enpresek kapital osoa ordainduta izan beharko dute, zenbatekoei eta baldintzei dagokienez erregelamenduz ezarriko den bezala. Kapital hori sozietatearen partaidetzetan edo akzio izendunetan banatuko da eta sozietatearen estatutuetan berariaz adierazi beharko dira jokoaren sektorean xedetzat dituen jarduerak.

2. Joko enpresen akzio edo partaidetzak eskualdatu aurretik, Nafarroako Foru Komunitateko administrazioaren organo eskudunari idatziz jakinarazi beharko zaio.

II. KAPITULUA. JOKO ENPRESETAKO LANGILEAK

30. artikulua. Joko enpresetako langileen betebeharrak Nota de Vigencia.

1. Jokoak edo apustuak ustiatu eta kudeatzeko sektorean lanbide jardueraren bat egiten duten pertsonek, joko enpresa baten akziodun edo partaide izan ala ez izan, betebehar hauek izanen dituzte:

a) Zigor-aurrekaririk ez izatea foru lege honen 16.1.a) artikuluan adierazitako egoeraren bat dela kausa.

b) Lanbide jarduera horretan hasi aurreko bi urteko epean, foru lege honetan larri edo oso larritzat hartutako arau-hauste bat dela kausa, ebazpen irmo baten bidez administrazio zehapenik jaso gabea izatea.

2. Joko-aretoetan edo apustu-lokaletan beren lana bezeroak artatuz egiten duten langileek prestakuntza jaso beharko dute enpresarengandik, adikzioei eta joko patologikoko esku-hartzeari buruzkoa.

III. KAPITULUA. JOKALARIAK

31. artikulua. Eskubideak.

1. Jokalariek eskubidea dute begirunezko eta adeitasunezko tratua izateko, jokoaren eta apustuaren garapenari buruz behar dituzten argibide guztiak jasotzeko, indarpean edo mehatxupean aritu gabe libreki jokatzeko eta jokoa garbitasunez eta erregelamenduei jarraikiz egiteko.

2. Halaber, jokalariek eskubidea dute sariak kobratzeko, jasotzeko eskubidea sortu eta berehala.

32. artikulua. Joko jardunari eta joko aretoetarako sarbideari dagozkien debekuak Nota de Vigencia.

1. Honako hauek debeku dute jokoan parte hartzea, jokoan aritzea eta berariazko joko-establezimendu bezala baimenduta dauden areto eta tokietan sartzea:

a) Adingabeak. Adingabeek sarbidea debeku dutela adierazi beharko da lokaleko sarreran eta web orriaren atarian, argi eta ongi ikusteko moduan.

b) Epailearen erabakiaz horrela ezarria duten pertsonak.

c) Horditasun, droga-intoxikazio edo erotasun sintomak agertzen dituen edozein pertsona, edo armak eta halakotzat erabil daitezkeen objektuak daramatzala sartu nahi duena.

d) Jokoratze Debekuen Erregistroan joko-uko egile diren pertsonak.

2. Jokoak antolatu edo ustiatzeko baimenduta dagoen enpresa baten titularrek eta akziodun edo partaideek, bai eta horren zuzendaritzako langileek, enplegatuek, bai eta ezkontideek, lehen graduko aurreko nahiz ondorengo ahaideek ezin izanen dute jokalari gisa parte hartu hark antolatu edo ustiaturiko jokoetan.

3. Nafarroako Foru Komunitateko Administrazioak zilegi izanen du joko-jardunerako eta joko hori egiten den areto edo tokietara sartzeko debekua honakoei ezartzea:

a) Foru lege honetako arauak hausteagatiko zehapena jaso dutenei.

b) Beren borondatez hori eskatzen dutenei, harik eta, orobat borondatez, debeku hori kentzea eskatzen duten arte. Sartzeko debekutik debeku-kentzea arte gutxieneko denbora-epe bat igaro beharko da, zeina erregelamendu bidez zehaztuko baita.

4. Kasinoak, bingoak edo apustu-dendak dauzkaten joko enpresek, beren erantzukizunpean, sarrera-kontrol bat izanen dute, non bertaratzen diren pertsona edo online jokalari guztien identitatea jasoko den, izaera pertsonaleko datuak babesteari buruzko legediak ezarritako moduan eta epeetan. Kontrol horretan, sarrera debekatuko zaie adingabeei eta mozkortuta edo drogatuta dauden pertsonei, bai eta Nafarroako Gobernuak, agintari judizialen batek edo beste administrazio eskudunen batek jokorako sarbidea debekatu dieten pertsonei ere. Joko aretoek, beren erantzukizunpean, areto horietara sartzeko kontrol bat jarriko dute, non sarrera debekatuko zaien adingabeei eta mozkortuta edo drogatuta dauden pertsonei.

5. Joko enpresek, artikulu honetan aipatutakoak ez bezalako baldintza eta debekuak ezarri nahi izanez gero joko aretoetara sartzeari dagokionez, horretarako baimena eskatu beharko diote Nafarroako Foru Komunitateko Administrazioaren organo eskudunari

33. artikulua. Erreklamazio liburua.

1. Jokatzeko baimena duten establezimenduetan, erreklamazio liburu bat egonen da jokalarien eta jokoa eta apustuak ikuskatu eta kontrolatzeko ardura duten funtzionario publikoen eskura.

2. Liburu horretan jasotako erreklamazioak Nafarroako Foru Komunitateko administrazioan jokoen eta apustuen arloko eskumenak dituzten organoari igorriko zaizkio, horretarako ezartzen den epean.

V. TITULUA. JOKOEN ETA APUSTUEN IKUSKAPENA ETA KONTROLA

34. artikulua. Jokoen eta apustuen ikuskapena eta kontrola.

1. Nafarroako Foru Komunitateko administrazioan zein departamentuk dituen kasino, joko eta apustuen arloko eskumenak, horrexek izanen du jokoari eta apustuei loturiko jarduerak ikuskatu eta kontrolatzeko ardura eta, beraz, horiek aztertu eta egiaztatzekoa.

2. Foru Komunitatearen esparruan jokoa eta apustuak ikuskatu eta kontrolatzeko agindua duten Nafarroako Foru Komunitateko administrazioaren funtzionarioak agintaritzaren agentetzat hartuko dira, eta, hortaz, indarra duen legeriak ematen dien babesa izanen dute. Gainera, ahalmena izanen dute jokoaren arloan indarra duten arauak betetzen direla ikuskatu eta zaintzeko, hala nola joko areto, lokal eta establezimenduak, makinak, liburuak eta agiriak aztertu eta beren lana hobeki burutu eta arau-hausteen aktak egiteko balio dezakeen informazioa jasotzeko.

3. Agintea aitortu zaien funtzionarioek emandako ikuskapen aktetan jasotzen diren gertaerei berezko egia eta froga-indarra aitortuko zaie, besterik frogatzen ez den artean.

4. Esku hartzen duten agintaritzaren agenteek baimendu gabeko joko eta apustuetan aritzeko joko makinak, materialak eta elementuak prezintatu, bahitu eta gordailatzeko ahalmena izanen dute, kautelazko neurri premiazko gisara. Zehapen-espedientea hasteko eskumena duen organoak neurri hori berretsi beharko du, hartzen denetik hasita hamar egun balioduneko epean.

5. Dagozkion baimenen edo establezimenduen titular diren pertsona fisiko edo juridikoak, haien legezko ordezkariak, eta, azken batean, ikuskapena egiten denean jardueren ardura duten langileak behartuta egonen dira ikuskatzaileei eta haien laguntzaileei erraztasunak emateko, lokaletara eta bertako gela guztietara sartu eta ikuskapen lana egiteko behar diren liburu, erregistro eta dokumentuak azter ditzaten.

35. artikulua. Kontrolatzeko prozedurak.

Datu pertsonalak babestearen gainean indar duten legerian ezarritakoa bete beharra galarazi gabe, eta foru lege honetan eta hura garatzeko araudietan agindutakoa betetzen dela bermatzeko ezartzen diren kontrol neurriak osatzeko, informatika eta telematika bidezko loturak jartzen ahalko dira datuak transmititzeko.

VI. TITULUA. ZEHAPENEN ARAUBIDEA

I. KAPITULUA. ZEHATZEKO AHALMENA

36. artikulua. Zehapenen eskumena eta araubidea.

1. Jokoaren eta apustuen arloko zehapenak jartzeko ahalmena Nafarroako Foru Komunitateko administrazioari dagokio.

2. Zehapen prozedura hasi eta zehapenak jartzea Nafarroako Foru Komunitateko administrazioaren barruan jokoaren eta apustuen arloko eskumenak dituen departamentuari dagokio.

3. Foru lege honetan eta legea garatzeko erregelamenduetan aurreikusten ez den orotan, zehatzeko ahalmena Nafarroako Foru Komunitateko administrazioari buruzko abenduaren 3ko 15/2004 Foru Legearen V. tituluan ezarritakoaren araberakoa izanen da.

II. KAPITULUA. ARAU-HAUSTEAK

37. artikulua. Arauhauste administratiboak eta haien sailkapena.

1. Jokoaren eta apustuen arloko arau-hauste administratiboak dira foru lege honetan ezarritako ekintzak eta omisioak, baita zabarkeria hutsezkoak badira ere.

2. Jokoaren eta apustuen arloko arau-hausteak oso larriak, larriak edo arinak izan daitezke.

III. KAPITULUA. ARAU-HAUSTEEN MOTAK

38. artikulua. Arauhauste oso larriak.

Hauek dira arau-hauste oso larriak:

a) Homologatu edo baimendu gabeko jokoetan aritzeko materialak banatu, merkaturatu edo saltzea, bai eta iruzurrez manipulatzea ereNota de Vigencia.

b) Joko edo apustu debekatuak edo behar den administrazio baimena ez dutenak antolatu, ustiatu edo egitea, bai eta jokoak edo apustuak lokal baimendugabeetan edo lokal edo toki baimenduetatik kanpo antolatu, ustiatu edo egiteaNota de Vigencia.

c) Joko makinak edo elementuak instalatu edo ustiatzea behar den baimena izan gabe edo baimendutako kopurua gandituta.

d) Informaziorik ez ematea edo gezurrezko datuak nahiz agiriak aurkeztea, baimena lortzearren.

e) Emandako baimenak eskuordetu edo lagatzea, foru lege honetan eta legea garatzeko xedapenetan finkatutako baldintzak bete gabe.

f) Baimendutako apustuen edo sarien mugak aldatzea.

g) Homologatu edo baimendu gabeko joko makina zein elementuak erabiltzea, hala nola jokatzeko materiala iruzurrez ordeztea.

h) Jokoak edo apustuak manipulatzea jokalarien, apustu-egileen nahiz Nafarroako Ogasun Publikoaren kalterako.

i) Jokalari edo apustu-egileei irabazitako diru kopurua edo haren zati bat ez ematea.

j) Jokoak egiten diren areto, lokal edo establezimenduetan, joko edo apustuen baimenen titular, antolatzaile edo ustiatzaile diren enpresek, haien zerbitzuko langileek, establezimenduen zuzendaritzako taldekideek nahiz enplegatuek indarkeriaz, koakzioaz eta larderiaz tratatzea jokalariak.

k) Jokoak egiten diren areto, lokal edo establezimenduetan, joko edo apustuen baimenen titular, antolatzaile edo ustiatzaile diren enpresek, haien zerbitzuko langileek, establezimenduen zuzendaritzako taldekideek nahiz enplegatuek jokalariei eta apustu-egileei maileguak edo kredituak ematea, edo eman dakizkiela baimentzea.

l) Langileek eta zuzendaritzako kideek eta jokoa kudeatu, antolatu eta ustiatzen duten enpresa edo entitateetako akziodun eta partaidetzadunek, jokalari gisa, zuzenean edo beste pertsona batzuen bidez, enpresa horiek kudeatu edo ustiatzen duten jokoan parte hartzea, baita haien ezkontideek eta lerro zuzeneko lehen graduko aurrekoek eta ondorengoek ere.

m) Joko aretoetan sartzen edo jokoan edo apustuetan aritzen uztea nori eta, foru lege honetan edo bera garatzeko arauetan ezarritakoari jarraituz, horretarako debekua duten pertsoneiNota de Vigencia.

n) Baimenik ez duten pertsonek jokatzeko kartoiak, txartelak, boletoak edo billeteak saltzea, hala nola baimendutakoaz beste prezioan saltzea.

ñ) Jokoen eta apustuen edo horiek egiten diren lokal edo establezimenduen publizitatea egitea, hori debekaturik badago, edo, baimenduta egonik, ezarritako mugetatik at egitea.

o) Joko-makinak instalaturik dauden establezimenduen jabeek edo titularrek edo haien zerbitzuko langileek joko-makinak erabiltzea jokatzekoNota de Vigencia.

p) Bi arau-hauste larrirengatik administrazio bideko zehapen irmotik bi urte igaro baino lehen beste arau-hauste larri bat egitea.

q) Nafarroako Foru Komunitatearen eremuko mota guztietako kirol-apustuen publizitatea jartzea kirolarien jantzietan, instalazioetan, babesletzan edo antzekoetan, edozein motatako kirol-lehiaketa, -jarduera edo -gertakarietan, betiere entitateak Nafarroan badu egoitza soziala eta kirol-lehiaketa, -jarduera edo -gertakaria toki eremukoa edo autonomia erkidegoaren eremukoa bada Nota de Vigencia.

39. artikulua. Arauhauste larriak.

Hauek dira arau-hauste larriak:

a) Baimenik gabeko lokaletan nahiz baimenik ez duten pertsonek jokoak edo apustuak egiteko baimena ematea edo horiek egiten uztea, esanbidez nahiz isilbidez; orobat, lokal horietan baimenik gabekoak diren edo baimendutakoak baino gehiago diren joko makinak edo elementuak jarri edo ustiatzeaNota de Vigencia.

b) Baimendutako joko edo apustuak bestelako esparruetan ustiatzen laguntzea, horretarako baimenik ez duten lokaletan edo lokaletatik aritzeko bidea emanez.

c) Beharrezko baimenak emateko erabilitako baldintzak eta arauak haustea.

d) Joko aretoetan sartzen edo jokoan aritzen uztea nori eta, foru lege honetan eta bera garatzeko arauetan ezarritakoari jarraituz, horretarako debekua duten pertsoneiNota de Vigencia.

e) Joko enpresetako akziodunen edo sozietateko partaidetzaren aldaketen berririk ez ematea horiek egin aurretikNota de Vigencia.

f) Joko enpresen ordezkaritzako edo zuzendaritzako organoen aldaketen berririk ez ematea horretarako epeanNota de Vigencia.

g) Ezarritako mugetatik behera gutxitzea joko edo apustuetarako sozietateen kapitala edo enpresen fidantzak, bai eta administrazioari abisu eman gabe soziateko akzioen edo partaidetzen edozein transferentzia egitea ere.

h) Jakinarazpenik edo baimenik gabe Katalogoko jokoak erabiltzea salmenta sustapenetanNota de Vigencia.

i) Agintaritzaren agenteen nahiz horretarako gaiturik dauden funtzionarioen ikuskapen, kontrol eta zainketa jarduerei uko egitea edo horiek eragoztea.

j) Organo eskudunei jokoak eta apustuak kontrolatzeko behar den informazioa ez ematea.

k) Agindutako liburuak, dokumentazioa eta euskarri informatikoak ez izatea edo gaizki eramatea. Orobat, erregelamenduaren arabera sarrera erregistroa egin behar duten joko aretoetara joaten diren pertsonen fitxategiak edo euskarri informatikoak ez izatea edo gaizki eramatea.

l) Foru lege honen eta legea garatzeko xedapenen arabera eskatzen ahal den agiririk ez gordetzea lokalean.

m) Joko makinak eskualdatzea behar den baimena izan gabe.

n) Jokorako establezimenduan edo ezartzen diren tokietan ikusgai ez izatea jokoaz eta jokoan aritzeaz informazioa, mugak, ohartarazpenak edo debekuak jasotzen dituzten errotuluak, afixak edo bestelako agiriak, ez eta joko arduratsuarekin lotura zuzena duten beste batzuk ereNota de Vigencia.

ñ) Ordaindu ezin izan diren sariak Nafarroako Ogasun Publikoaren esku ez uztea.

o) Baimendu gabeko jokoetan aritzea jokalari gisa.

p) Jokoan eta apustuetan aritzeko baimendutako areto, lokal eta establezimenduetan erreklamazio orririk ez izateaNota de Vigencia.

q) Jokoaren eta apustuen arloko eskumenak dituen organoari erreklamazioak ez igortzea erregelamendu bidez ezarritako epeanNota de Vigencia.

r) Urtebeteko epean, bi arau-hauste arinengatik administrazio bidean zehapen irmoa jaso eta beste arau-hauste arin bat egitea.

40. artikulua. Arauhauste arinak.

Foru lege honetan eta legea garatzeko erregelamenduetan ezarritako baldintzak edo debekuak ez betetzea ekartzen duten ekintzak nahiz omisioak, arau-hauste oso larriak edo larriak ez badira.

IV. KAPITULUA. ERANTZULEAK ETA ZEHAPENAK

41. artikulua. Arauhausteen subjektu erantzuleak.

1. Foru lege honetan araututako arau-hausteen erantzuleak horien egileak dira, pertsona fisikoak edo juridikoak izan.

2. Baimenaren titularra den joko enpresako zuzendaritza taldekideek eta administrariek, hala nola lokal edo establezimendu horien titularren enplegatuek arau-hausterik eginez gero jokoan edo apustuetan aritzeko areto, lokal edo establezimenduetan nahiz joko makinak dauden lokaletan, horien zerbitzuak kontratatu dituzten pertsonak edo entitateak ere erantzule solidarioak izanen dira.

3. Joko eta apustuak antolatzen edo ustiatzen dituzten enpresek har litzaketen erantzukizunak ezertan galarazi gabe, adingabeek eta dena delakoagatik halako jardueretarako sarbidea edo parte-hartzea debekatua duten pertsonek erantzukizuna hartuko dute foru lege honen 40. artikuluan arin gisa tipifikaturiko arau-hauste bat egiteagatik Nota de Vigencia.

42. artikulua. Zehapenak.

1. Aurreko artikuluetan tipifikaturiko arau-hausteak honako zenbatekoak dituzten diru-isunekin zehatzen ahal dira:

a) Arau-hauste oso astunak, sei mila eta bat eurotik seiehun mila eurora bitarte.

b) Astunak, hiru mila eta bat eurotik sei mila eurora bitarte.

c) Arinak, hirurogei eurotik hiru mila eurora bitarteNota de Vigencia.

2. Jokoaren eta apustuen arloko zehapenen ondorioz bildutako diru guztiaren portzentaje bat, ehuneko 5 gutxienez, ludopatiaren prebentziorako eta errehabilitaziorako erabiliko daNota de Vigencia.

3. Ezin izanen da, inolaz ere, arau-haustearen ondorioz ateratzen den etekina isuna baino handiagoa izan. Horrelakoetan, zilegi izanen da isuna handitzea, lortutako etekina halako bi egin arte.

43. artikulua. Beste zehapen osagarri batzuk.

1. Arau-hauste oso larrien kasuan, eta kontuan harturik haien inguruko gorabeherak, isunaz aparte ondoko zehapen osagarriak jartzen ahalko dira:

a) Arau-hausleak eskuratutako baimen guztiak ezeztatzea, eta behin betikoz galtzea jokoa eta apustuak antolatu eta ustiatzeko gaikuntza, foru lege honen 16. artikuluan ezarri bezala.

b) Jokoan eta apustuetan aritzeko lokal eta establezimenduak behin betikoz itxi edo ezgaitzea.

c) Jokoak edo apustuak ustiatu edo jokoan nahiz apustuetan aritzeko lokalak irekitzeko arau-hausleak lortutako baimenak aldi batez etetea, bost urtez gehienez.

d) Jokoa eta apustuak antolatu eta ustiatzeko aldi batez ezgaitzea, foru lege honen 16. artikuluan ezarri bezala, bost urtez gehienez.

e) Jokoan eta apustuetan aritzeko lokala edo establezimendua aldi batez itxi edo ezgaitzea, bost urtez gehienez.

f) Jokoan eta apustuetan aritzeko enpresa, toki, lokal eta establezimenduetan lan egiteko aldi batez ezgaitzea, bost urtez gehienez.

g) Joko lokaletara sartzeko debekua.

h) Arau-haustearen xede izandako joko-makinak, -materialak edo -elementuak konfiskatu, gordailatu eta, zehapena irmoa denean, haiek suntsitu edo baliogabetzea, eta konfiskatutako dirua behin betiko bahitzeaNota de Vigencia.

2. Arau-hauste larrien kasuan, eta kontuan harturik haien inguruko gorabeherak, isunaz aparte ondoko neurri osagarriak jartzen ahalko dira:

a) Jokoak edo apustuak ustiatu edo jokoan nahiz apustuetan aritzeko lokalak irekitzeko arau-hausleak lortutako baimenak aldi batez etetea, urtebetez gehienez.

b) Jokoa eta apustuak antolatu eta ustiatzeko aldi batez ezgaitzea, foru lege honen 16. artikuluan ezarri bezala.

c) Jokoan eta apustuetan aritzeko lokala edo establezimendua aldi batez itxi edo ezgaitzea, urtebetez gehienez.

d) Jokoan eta apustuetan aritzeko enpresa, toki, lokal eta establezimenduetan lan egiteko aldi batez ezgaitzea, urtebetez gehienez.

e) Joko lokaletara sartzeko debekua.

f) Arau-haustearen xede izandako joko-makinak, -materialak edo -elementuak konfiskatu, gordailatu eta, zehapena irmoa denean, haiek suntsitu edo baliogabetzea, eta konfiskatutako dirua behin betiko bahitzeaNota de Vigencia.

3. Establezimendu baten jarduera nagusia ez bada jokoa, ezin izanen da hura ixtea ebatzi, baina kasu horretan ezgaitze-zehapena ezartzen ahalko da, eta, hortaz, bertan jokoa eta apustuak egiteko debekua ezarri, artikulu honetan aipatutako baldintza eta epeetan.

4. Adingabeei zehapen arinak ezarri ordez, ahal dela, neurri hezitzaileak ezarriko zaizkie, hala nola gizarte eta hezkuntza lanak edo komunitatearentzako neurriak Nota de Vigencia.

44. artikulua. Zehapenen mailaketa.

1. Zehapenak mailakatzeko, kontuan hartuko dira arau-haustea sortu duten ekintzen ezaugarriak eta kasuko gorabehera pertsonalak edo materialak, bereziki arau-hausleak nahita egin duen ala ez, sortutako kaltea, ekintzaren ondorio sozialak eta ekonomikoak eta behin baino gehiagotan egin diren. Betiere, arau-haustearen eta zehapenaren zenbatekoaren eta ondorioen arteko proportzionaltasun irizpideari jarraikiz jokatuko da.

2. Isunaz gain, arau-hauste bat egiteak berekin dakar Nafarroako Foru Komunitateko administrazioari edo kaltetuei bidegabe eskuratutako dirua itzuli beharra.

45. artikulua. Arauhausteen preskripzioa.

1. Arau-hauste oso larriek hiru urteren buruan preskribatuko dute, larriek bi urteren buruan eta arinek sei hilabeteren buruan.

2. Preskripzio epea arau-haustea egiten den egunean hasiko da zenbatzen, eta zehapen prozedura hasten denean eten eginen da, interesduna horren jakitun bada.

46. artikulua. Zehapenen preskripzioa.

1. Arau-hauste oso larriengatiko zehapenek hiru urteren buruan preskribatuko dute, larriek bi urteren buruan eta arinek sei hilabeteren buruan.

2. Zehapenen preskripzio epea zehapena ezartzen duen ebazpena irmotu eta biharamunetik hasiko da kontatzen.

47. artikulua. Arauhausteen eta zehapenen inskripzioa.

1. Nafarroako Foru Komunitateko administrazioak, ofizioz, arau-hausteak eta zehapenak Nafarroako Jokoaren eta Apustuen Erregistroan inskribatuko ditu, dagokien atalean.

2. Halaber, jarritako zehapenen preskripzioa ere Nafarroako Jokoaren eta Apustuen Erregistroan jasoko da, behin foru lege honen 46. artikuluan ezarritako epeak iragandakoan.

V. KAPITULUA. KAUTELAZKO NEURRIAK, DELITUAK ETA HUTSEGITEAK

48. artikulua. Kautelazko neurriak edo aurreneurriak.

Prozedura ebazteko eskumena duen organoak ahalmena izanen du noiznahi behin-behineko neurri batzuk ezartzeko, zertarako eta geroko ebazpena eragingarria izanen dela eta prozedura ongi bukatuko dela bermatzeko, interes orokorra defendatzeko, arau-haustearen ondorioak galarazteko eta, betiere, legeak betetzen direla bermatzeko. Besteak beste, ondoko behin-behineko neurriak hartzen ahalko dira:

a) Jarduera guztiz edo partez etetea.

b) Zentro, zerbitzu, establezimendu edo instalazioak ixtea.

c) Jokoan aritzeko materialak prezintatu, gordailatu edo bahitzea.

d) Fidantza galdatzea.

Behin-behineko neurriak hartzeko ebazpena eman baino lehen, interesdunari entzunaldia emanen zaio, gutxienez hamar egun baliodunez.

e) Egindako apustuak eta lortutako legez kanpoko etekinak konfiskatzea; horien zenbatekoaren sarrera egin beharko da Nafarroako Ogasun Publikoko Diruzaintza OrokorreanNota de Vigencia.

49. artikulua. Arauhauste penalak.

Zehapen prozedura baten tramitazioan delitua edo hutsegitea izan daitekeen egintzarik antzematen baldin bada, kasua aztertzen ari den administrazio organoak horren berri emanen dio dagokion organo judizialari edo Ministerio Fiskalari, eta administrazio prozedura etenen du, epai irmoa edo prozesua bukatzen duen ebazpena ematen den arte. Deliturik edo hutsegiterik ez dagoela erabakitzen bada, jarraipena emanen zaio zehapen espedienteari, auzitegietan frogatutzat eman diren egintzetan oinarriturik, ezer frogatutzat eman bada.

Lehen xedapen gehigarria ._ Genero edo efektu estankatuak Nota de Vigencia.

Bingo kartoiak eta Nafarroako Foru Komunitateko administrazioak baimendutako jokoetarako inprimakiak, billeteak, txartelak edo paperak egin, banatu eta ematea, bestelako agindurik ematen ez den bitartean, administrazio horri dagokio monopolio araubidean. Material hori genero edo efektu estankatutzat joko da, kontrabandoari buruzko legeriaren ondorioetarako.

Bigarren xedapen gehigarria.– Dirulaguntza publikoak Nota de Vigencia.

Dena delako joko-modalitatean jarduten duten enpresek osoki nahiz partzialki babesturiko edo haien publizitatea daukaten kirol-jarduerak ez dira dirulaguntza publikoak eskatzeko moduan egonen, eta halaber ezin izanen dute halako dirulaguntzarik lortu.

Lehen Xedapen Iragankorra ._Indarreko baimenen balioa.

Foru lege honek indarra hartu aurretik emandako baimenek indarra izanen dute haietan ezarritako epea bukatu arte.

Bigarren Xedapen Iragankorra ._Tramitatzen ari diren zehapen prozedurak.

Foru lege honek indarra hartu aurretik hasitako zehapen prozedurak lehengo araudiei jarraikiz tramitatuko dira.

Hirugarren Xedapen Iragankorra .–Etetea Nota de Vigencia.

2021eko irailaren 30era arte ez da eskaerarik onartuko, ezta baimenik emanen ere, joko- edo bingo-areto berriak edo berariazko apustu-lokal berriak ustiatzeko.

Era berean, ez da onartuko eskaerarik eta ez da emanen baimenaren bideragarritasunari buruzko aurretiko kontsulten ebazpenik.

Horrez gain, ez da eskaera berririk onartuko, ezta baimen berririk emanen ere, Joko-makinen Erregelamendua onesten duen uztailaren 31ko 181/1990 Foru Dekretuaren 10. artikuluan aipatutako lokaletan joko-makinak eta apustu-makina lagungarriak jartzeko, salbu iturburu badu ostalaritzako lokalaren titulartasunaren aldaketa.

Xedapen Indargabetzaile Bakarra ._Indargabetzeak.

Indarrik gabe uzten dira Jokoari buruzko ekainaren 27ko 11/1989 Foru Legea eta foru lege honetan ezarritakoaren aurkako arau guztiak.

Azken Xedapenetan Lehenbizikoa ._Betearazteko eta erregelamenduak emateko gaitasuna.

Foru lege honek gaia dela-eta eskudun den kontseilariari zuzenean ematen dizkion eskurantzak galarazi gabe, gainerako aferetan ahalmena ematen zaio Nafarroako Gobernuari foru lege honetan ezarritakoa garatu eta betearazteko behar diren xedapenak eman ditzan.

Azken Xedapenetan Bigarrena ._Indar hartzea.

Foru lege honek Nafarroako ALDIZKARI OFIZIALean argitaratu eta biharamunean hartuko du indarra.

Nik Nafarroako Foru Eraentza Berrezarri eta Hobetzeari buruzko Lege Organikoaren 22. artikuluan xedatutakoa bete dadin, foru lege hau B.M. Erregearen izenean aldarrikatzen dut, Nafarroako ALDIZKARI OFIZIALean berehala argitara eta "Estatuko Aldizkari Ofizialera" igor dadila agintzen dut eta herritar eta agintariei bete eta betearaz dezaten manatzen diet.

Iruñean, 2006ko abenduaren 14an._Nafarroako Gobernuko lehendakaria, Miguel Sanz Sesma.

Iragarkiaren kodea: F0619797

Gobierno de Navarra

Contacte con nosotros | Accesibilidad | Aviso legal | Mapa web