LEXNAVARRA
110/2003 FORU DEKRETUA, MAIATZAREN 12KOA, NAFARROAKO UNIBERTSITATE PUBLIKOKO ESTATUTUAK ONESTEN DITUENA 
BON N.º 63 - 19/05/2003
NAFARROAKO UNIBERTSITATE PUBLIKOAREN BEHIN BETIKO ESTATUTUEN PROIEKTUA
ATARIKO TITULUA. XEDAPEN OROKORRAK
LEHENBIZIKO TITULUA. UNIBERTSITATEAREN EGITURA
I. KAPITULUA. XEDAPEN OROKORRA
II. KAPITULUA. OINARRIZKO IKASTEGIAK
III. KAPITULUA. SAILAK
IV. KAPITULUA. UNIBERTSITATEKO IKERKETAINSTITUTUAK
V. KAPITULUA. BESTE IKASTEGI BATZUK
BIGARREN TITULUA. UNIBERTSITATEAREN GOBERNUA
I. KAPITULUA. XEDAPEN OROKORRA
II. KAPITULUA. EREMU OROKORREKO ORGANO KOLEGIATUAK
- II. KAPITULUA
- 17. artikulua.
- 18. artikulua
- 19. artikulua.
- 20. artikulua.
- 21. artikulua
- 22. artikulua.
- 23. artikulua.
- 24. artikulua.
- 25. artikulua.
- 26. artikulua
- 27. artikulua
III. KAPITULUA. EREMU MUGATUKO ORGANO KOLEGIATUAK
- III. KAPITULUA
- 28. artikulua
- 29. artikulua.
- 30. artikulua.
- 31. artikulua.
- 32. artikulua.
- 33. artikulua.
- 34. artikulua.
IV. KAPITULUA. EREMU OROKORREKO ORGANO KIDE BAKARREKOAK
- IV. KAPITULUA
- 35. artikulua.
- 36. artikulua.
- 37. artikulua.
- 38. artikulua.
- 39. artikulua.
- 40. artikulua.
- 41. artikulua.
- 42. artikulua.
- 43. artikulua.
V. KAPITULUA. EREMU MUGATUKO ORGANO KIDE BAKARREKOAK
VI. KAPITULUA. GOBERNU ORGANOAK HAUTATU ETA KARGUGABETZEA
- 49. artikulua
- 50. artikulua
- 51. artikulua.
- 52. artikulua.
- 53. artikulua
- 54. artikulua.
- 55. artikulua.
- 56. artikulua.
HIRUGARREN TITULUA. IRAKASKUNTZA JARDUERAK ETA UNIBERTSITATE ZABALPENA
I. KAPITULUA. IRAKASKUNTZAK
II. KAPITULUA. GRADUONDOKOA ETA DOKTORETZA
III. KAPITULUA. IKERKETA ETA JAKINTZA HELARAZTEA
IV. KAPITULUA. KALITATEA
V. KAPITULUA. UNIBERTSITATE ZABALPENA
LAUGARREN TITULUA. UNIBERTSITATEKO KOMUNITATEA.
I. KAPITULUA. IRAKASLE ETA IKERTZAILEAK
- 74. artikulua
- 75. artikulua.
- 76. artikulua.
- 77. artikulua.
- 78. artikulua
- 79. artikulua
- 80. artikulua
- 81. artikulua
- 82. artikulua
- 83. artikulua
- 84. artikulua
- 85. artikulua.
- 85 bis artikulua
- 86. artikulua.
- 87. artikulua
- 88. artikulua
- 89. artikulua
- 90. artikulua.
- 91. artikulua
- 92. artikulua.
- 93. artikulua
- 94. artikulua
- 95. artikulua.
II. KAPITULUA. IKASLEAK
- 96. artikulua
- 97. artikulua.
- 98. artikulua.
- 99. artikulua.
- 100. artikulua.
- 101. artikulua.
- 102. artikulua.
- 103. artikulua.
- 104. artikulua.
III. KAPITULUA. ADMINISTRAZIO ETA ZERBITZUETAKO LANGILEAK
- 105. artikulua.
- 106. artikulua.
- 107. artikulua.
- 108. artikulua.
- 109. artikulua.
- 110. artikulua.
- 111. artikulua.
- 112. artikulua.
- 113. artikulua.
- 114. artikulua.
IV. KAPITULUA. UNIBERTSITATE KOMUNITATEKO ARARTEKOA
V. KAPITULUA. EUSKARA UNIBERTSITATEAN
- 118. artikulua.
- 119. artikulua.
- 120. artikulua.
- 121. artikulua.
- 122. artikulua.
- 123. artikulua.
- 124. artikulua.
- 125. artikulua.
BOSGARREN TITULUA. UNIBERTSITATEKO KOMUNITATERAKO ZERBITZUAK
SEIGARREN TITULUA. EKONOMIA ETA FINANTZA ERREGIMENA
I. KAPITULUA. XEDAPEN OROKORRAK
II. KAPITULUA. EKONOMIA ETA FINANTZA KUDEAKETA
III. KAPITULUA. DIRUSARRERAK MATRIKULA, ZERBITZU ETA KONTRATUENGATIK
IV. KAPITULUA. UNIBERTSITATEAREN ONDAREA
V. KAPITULUA. UNIBERTSITATEKO ARLO PUBLIKOA
- 141. artikulua.
- 142. artikulua.
- 143. artikulua.
- 144. artikulua.
- 145. artikulua.
- 146. artikulua.
- XEDAPEN GEHIGARRIAK
- Lehenbizikoa.
- Bigarrena.
- Hirugarrena.
- Laugarrena.
- Bosgarrena.
- Seigarrena
- Zazpigarrena
- Zortzigarrena
- Bederatzigarrena
- Hamargarrena
- Hamaikagarrena
- XEDAPEN IRAGANKORRAK
- Lehena. Unibertsitate Arautegiak.
- Bigarrena. Sail eta Ikastegiak.
- Bigarrena Bis. Ordezkaritza eta gobernu organoak berritzea .
- Hirugarrena. Errektorea.
- Laugarrena. Klaustroa.
- Bosgarrena. Gobernu kontseilua.
- Seigarrena. Doktoretza, Ikerketa, Kalitate eta Hizkuntza Plangintzarako Batzordeak.
- Zazpigarrena. Organo kolegiatuek eta kide bakarrekoek irautea.
- Zortzigarrena. Arauen aurreraeragina.
- Bederatzigarrena. Unibertsitate Komunitateko Arartekoa.
- Hamargarrena. Erreklamazio Batzordeak.
- Hamaikagarrena. Kide bakarreko organoak.
- Hamabigarrena. Administrazio kontratua duten irakasleak.
- Hamahirugarrena. Lanaldi Osoko Irakasle Elkartuak.
- Hamalaugarrena. Beste egokitzapen batzuk .
- Xedapen Indargabetzailea
- Azken Xedapena
Unibertsitateei buruzko abenduaren 21eko 6/2001 Lege Organikoko bigarren xedapen iragankorrak oinarrizko jarraibideak ematen ditu unibertsitateek beren estatutuak legeria berrira egokitu ditzaten.
6. artikuluko 2. idatz-zatiak xedatzen duenez, kasuan-kasukoa sortzen duen legea eta estatutuak izanen dituzte arau unibertsitateek. Hauexek prestatuko dituzte estatutuak eta, legezkoak direla begiratu ondoren, autonomi erkidegoko Gobernu Kontseiluak onetsiko ditu.
Lege horiek betetzeko asmoz, Nafarroako Unibertsitate Publikoak, 2003ko martxoaren 7an, Unibertsitateko Klaustroaren Erabakia igorri zion Nafarroako Gobernuari. Horren bidez, estatutuetarako proiektua onetsi eta Nafarroako Gobernuari igorri zitzaizkion, honek onets zitzan.
Nafarroako Gobernuak legezkoak direla begiratu ondoren, bidezko da Nafarroako Unibertsitate Publikoko Estatutuak onestea, Unibertsitateei buruzko abenduaren 21eko 6/2001 Lege Organikoko 6. artikuluko 2. idatz-zatiarekin bat.
Horiek horrela, Hezkuntza eta Kulutra kontseilariak proposaturik, eta Nafarroako Gobernuak bi mila eta hiruko maiatzaren hamabiko bilkuran hartutako Erabakiarekin bat,
DEKRETATU DUT:
Nafarroako Unibertsitate Publikoko Estatutuak onesten dira. Haien testua Foru Dekretu honen eranskinean doa.
Foru Dekretu honetan xedaturikoari aurka egiten dioten maila bereko edo apalagoko arau guztiak indarrik gabe gelditzen dira, espresuki Nafarroako Unibertsitate Publikoko Estatutuen onespena berresten duen martxoaren 13ko 68/1995 Foru Dekretua.
Nafarroako ALDIZKARI OFIZIALean argitara ematen diren egunean hartuko dute indarra Estatutu hauek.
NAFARROAKO UNIBERTSITATE PUBLIKOAREN BEHIN BETIKO ESTATUTUEN PROIEKTUA
Apirilaren 21eko 8/1987 Foru Legearen bidez Nafarroako Unibertsitate Publikoa sortu zen. Nafarroako Gobernuak behin-behineko estatutu-arauak onetsi zituen, Batzorde Sortzaileak otsailaren 2ko 30/1989 Foru Dekretuaren bidez horiek proposatu ondoren. Dekretua 9/1987 Legeak baimendu zuen, artean ez baitzen organorik unibertsitate autonomiari dagozkion ahalmenak erabiltzeko legeen baimena zuenik.
Nafarroako Unibertsitate Publikoaren Lehenengo Estatutuak Nafarroako unibertsitate-erakunde horren Klaustro eratzaileak egin eta onetsi zituen. Unibertsitatea, estatutuen edukiari buruz erabakitzean, autoantolatzeko bere ahalmena erabiltzen ari zen, Espainiako Konstituzioak onartzen baitzion, egun indargabetua den Unibertsitatea Eraberritzeko 11/1983 Lege Organikoarekin bat etorriz. Nafarroako Gobernuak Estatutuen onespena berretsi zuen, martxoaren 13ko 68/1995 Foru Dekretuaren bidez, behar duen legezko kontrola egin ondoren.
Unibertsitateei buruzko abenduaren 21eko 6/2001 Lege Organikoak estatutu prozesu berria hasi du Espainiako unibertsitate komunitatean. Nafarroako Unibertsitate Publikoak, legezko aginduak bultzatuta, egokiera baliatu du bere egitura eta gobernuari buruz hausnartzeko, baita irakaskuntza jarduerei buruz eta unibertsitateko beste gai batzuei buruz ere, guztiak ere, askatasunaren, berdintasunaren eta aurrerapenaren zerbitzuan den gizarte eraldakuntzarako tresna izateko betebehar funtsezkoari begira. Horrela, eremu orokorreko organoak sustatzen dituen antolaketa egitura diseinatu da, eremu mugatuko eta orokorreko organoen artean harreman kateatua ezarriz, sendotu egin nahi baita Nafarroako Unibertsitate hau autonomiaren erabileran kanpoko kontrol handiagoa izango duen sisteman, eta horrek ahaleginak batzen behartzen gaitu. Unibertsitateko komunitateak badaki, Europar gunearen atarian izanda, modu bakarra dela bizitza akademikoa eta goi mailako irakaskuntzarako zerbitzu publikoaren kalitatea berritzeko, eta modu hori da unibertsitateko arlo guztiak batera lan egitea, eta dauzkaten erantzukizunak zintzo betetzea.
Errendimendua sustatzeko eta Unibertsitatea bere funtsezko jardueretan modu dinamiko eta iraunkorrean aritu dadin, bide eraginkorra da, Estatutuen bidez, antolamendu berria ezartzea Nafarroako Unibersitate Publikoko bizitza akademikoan, beti ere, autonomia printzipioan oinarritua eta legeen esparruan garatua bada. Kontuan harturik Estatutuek jaso egiten dutela Unibertsitateak bere burua autonomiaz antolatzeko duen ahalmena, ulertu behar da haien aginduek ongi erakusten dutela Nafarroako unibersitate komunitatea osatzen duten arloek legez adierazitako borondatea. Izan ere, abiapuntutzat hartzen dugu unibertsitate autonomia funtsezko eskubidea dela; horrenbestez, autonomia hori arautzen duten xedapen guztiak bere eraginaren mesederako direla ulertu behar da.
Hori dela eta, Nafarroako Unibertsitate Publikoko Klaustroak Estatutu hauek onetsi ditu:
Estatutuak
ATARIKO TITULUA. XEDAPEN OROKORRAK
1. Nafarroako Unibertsitate Publikoa zuzenbide publikoko erakundea da, nortasun juridikoa eta ondare berekia dituena, eta bere eskumenen esparruan goi mailako hezkuntza emateko zerbitzu publikoa dauka bere gain.
2. Nafarroako Unibertsitate Publikoak, bere helburuak betetzeko, autonomia erregimenean dihardu, lege indardunetan xedatutakoari jarraikiz, organo eta administrazio eskudunei dagozkien koordinazio eginkizunak galarazi gabe.
3. Nafarroako Unibertsitate Publikoak Administrazio Publikotzat hartzen da zuzenbidean, eta, ondorioz, horren arabera dagozkion eskubide, ahalmen eta onurak izango ditu antolamendu jurudikoak onartzen dion moduan.
Hauek dira Nafarroako Unibertsitate Publikoaren eginkizunak:
a) Teknika, zientzia eta giza jakintzaren esparru guztietan profesional kualifikatuak prestatzea.
b) Zientzia, teknika eta giza jakintzaren sorkuntza, garapena, transmisioa eta kritika.
c) Jakintza hedatu, balioz hornitu eta bestetaratzea, kulturaren, bizitza kalitatearen eta gizarte eta ekonomia garapenaren zerbitzuan.
d) Kulturari eta etengabeko prestakunzari dagozkion unibertsitate zabalpeneko jarduerak garatzea, gizartearen aurrerapenerako lagungarri direnean.
Eginkizunak hobeki betetzeko eta berdintasunaren, parte-hartze demokratikoaren, gardentasunaren eta irakaskuntza askatasunaren printzipioetan oinarrituta, Nafarroako Unibertsitate Publikoak:
a) Ematen dituen ikasketen, irakaskuntzaren, ikerketaren eta kudeaketaren kalitatea eta bikaintasuna sustatuko ditu, eta horretarako prestakuntza, pizgarri, kontrol eta ebaluaziorako egoki diren neurriak hartuko ditu.
b) Harremanak ezarriko ditu beste unibertsitate batzuekin, eta ikerketarako eta goi mailako hezkuntzarako beste zentro batzuekin, atzerrian bere entzutea zabalduko du eta unibertsitate komunitateko kideen mugikortasuna erraztuko.
c) Gizarteak eta kulturak aurre egin dezaten, elkarrizketa, eztabaida eta ideien alderaketa sustatuko ditu, kultura, zientzia eta teknologia arloetan ardura hartuko duen erreferentziako erakunde aitzindari izateko borondatea baitauka.
d) Bere jarduerak ahal duen gehiena kanpora hedatzen saiatuko da, baita Nafarroako gizartearekin elkarreragina nagusitzen ere.
1. Nafarroako Unibertsitate Publikoaren armarria Nafarroako armarriaren erdiko gunea betetzen duen esmeralda berde batek osatzen du, berau urrezko eraztun batek inguratua, zeinetatik urrezko bost katemaila ateratzen baitira, hondo gorrian.
2. Ikurrak borobil baten tankera du eta Publica Universitas Navarrensis leloa ageri du inguruko urrezko azpilduran. Armarria irudikatzen denean, eta erakunde marka eta irudi moduan erabiltzen denean, unibertsitatearen izena idatziko zaio ondoan .
3. Unibertsitatearen zigiluak armarria irudikatzen du.
4. Unibertsitatearen bandera urdina da, eta erdian armarria dauka.
5. Gobernu Kontseiluak erabakiko du zein erregimen juridikok aginduko duen bere erakunde irudiaren ezaugarriak, marka grafikoak eta aplikazioak sortu, aldatu eta erabiltzeko.
LEHENBIZIKO TITULUA. UNIBERTSITATEAREN EGITURA
I. KAPITULUA. XEDAPEN OROKORRA
1. Eskolak, fakultateak, sailak, unibertsitateko ikerketa institutuak eta horren eginkizunak gauzatzeko eta, bereziki, titulu ofizialak emateko beharrezkoak diren beste ikastegi edo egitura batzuk dira Nafarroako Unibertsitate Publikoaren oinarrizko egitura osatzen dutenak.
2. Nafarroako Unibertsitate Publikoak beste ikastegi edo egitura batzuk sortzen ahalko ditu, baldin eta haren erakunde-helburuak garatzeko jarduerak aurreko idatz-zatian aipatzen ez badira.
II. KAPITULUA. OINARRIZKO IKASTEGIAK
1. Eskolak eta fakultateak dira ikasketak zein graduko tituluak erdiesteko diren irakaskuntza, administrazio eta kudeaketa prozesuak antolatzeko ardura duten ikastegiak. Halaber, unibertsitateko Gobernu Kontseiluak beste titulu batzuk erdiesteko esleitzen dizkien ikasketak ere ematen ahalko dituzte.
2. Nafarroako Unibertsitate Publikoko Gobernu Kontseiluak ahalmena izanen du aurreko idatz-zatiak aipatutako ikastegiak sortu, aldatu edo kentzea proposatzeko, bai eta lurralde nazional osoan ofizialak eta baliodunak diren tituluak erdiesteko ikasketak ezarri eta kentzeko ere.
3. Era berean, unibertsitateko Gizarte Kontseiluak bere iritzia emanen du, aurreko idatz-zatiak jasotzen dituen aukeretako edozeinetarako unibertsitateko Gobernu Kontseiluak edo Foru Komunitateak egiten dituen proposamen edo ekimenei buruz.
6.1 artikuluan adierazitako oinarrizko helburua ahalbidetzeko, hauek dira ikastegien eginkizunak:
a) Haien eskumeneko irakaskuntzaren ikasketa planetako irakasgaiak irakasteko programazioaren proposamena egitea.
b) Titulazio bakoitzeko ikasketa planei dagozkien programen berariazko jarraibideak ezartzea, non orientabidea eta eduki oinarrizkoak eta bazterrezinak jasoko baitira, baita irakasgaiak koordinatzeko eskakizunak ere.
c) Sailek izendaturiko irakasleekin xedatzea irakasgaiak egokiak direla titulazioetarako.
d) Irakasteko eta ikasteko metodologiak hobetzeko eragin eta laguntzea.
e) Kalitatearen ebaluaziorako eta ikasketen akreditaziorako ekimen guztietan hurbiletik laguntzea.
f) Aurrekontuak, kudeaketarako eta zuzendaritzarako baliabideak eta haien esku jarritako gainerako baliabide materialak ikasketei esleitzea.
g) Irakaskuntza ematen dela egiaztatzea.
h) Kredituen aintzatespen eta transferentzia espedienteak tramitatu eta ebaztea, baita ikasketa ziurtagiriak ematea ere, dauzkaten eskumenen barnean.
i) Bakoitzak bere ikasketen sustapena egitea.
j) Etorkizuneko tituludunei laneratzen lagunduko dieten jarduerak gauzatzea.
k) Beste unibertsitate eta zientzia erakunde batzuekin, eta bestelako entitate publiko zein pribatuekin harremanak sustatzea.
l) Beren barne araubideko erregelamendua egitea.
m) Indarra duten arauek edo Estatutu hauek esleitzen dizkieten beste edozein eginkizun.
III. KAPITULUA. SAILAK
1. Sailak dira jakintza arlo bateko edo batzuetako ikasketak ikastegi batean edo gehiagotan koordinatzeko ardura duten irakaskuntza eta ikerketa unitateak, betiere unibertsitatearen irakaskuntza programazioaren arabera, eta irakasleen irakaskuntza eta ikerketa jarduerak eta ekimenak laguntzeko ardura dutenak.
2. Sailak saileko kideak diren irakasleek eta ikertzaileek, sailari atxikitako irakasleek eta ikertzaileek eta horri esleituriko administrazio eta zerbitzuetako langileek osatzen dituzte.
3. Saileko kideak izanen dira unibertsitatearekin etengabeko lotura duten irakasleak eta ikertzaileak, eta, estatu edo autonomia legediaren arabera, doktorea izan beharra ezarrita duten figuretako kideak direnak.
4. Gainerako irakasleak eta ikertzaileak sailari atxikitako langiletzat joko dira.
1. Sailak sortu, aldatu eta kentzeko erabakia Gobernu Kontseiluak onetsiko du, ukituriko irakasleak eta ikertzaileak barne hartzen dituzten sailek eta Nafarroako Unibertsitate Publikoko ekonomia zerbitzuek eta zerbitzu juridikoek aldez aurretik txostena eginda.
2. Sailak sortu, aldatu eta kentzeko ekimena ukituriko sailei, Gobernu Kontseiluari edo irakasle eta ikertzaile interesdunei dagokie.
3. Ekimenarekin batera justifikazio memoria emanen da, eta horretan adieraziko dira zein den irakaskuntza, ikerketa eta kudeaketa jarduerak duen beharra eta ekarriko duen hobekuntza, zein diren ukituriko irakasleak, eta zein jarduera eta irakasteko eta ikertzeko baliabide esleituko zaizkien sailei.
4. Sailak eratzeko ondorioetarako, unibertsitateko Gobernu Kontseiluak ezarriko du hori eratzeko etengabeko lotura eta arduraldi osoa dituzten zenbat irakasle funtzionario eta doktore behar diren, gutxienez. Nolanahi ere, ez dira inoiz hogei baino gutxiago izanen.
5. Nafarroako Unibertsitate Publikoak sailen arteko bat-egitea sustatuko du, irakaskuntzaren efikazia eta kudeaketako eraginkortasun handiagoak lortzeko asmoz.
8. artikuluaren 1. idatz-zatian adierazitako oinarrizko helburuak bete daitezen, hauek dira sailen eginkizunak:
a) Unibertsitatearen irakaskuntza programazioan esleituta daukaten eginbeharra garatzeko egokienak diren irakasleak eta baliabide berekiak esleitu eta koordinatzea.
b) Aurrekontuak eta esleitzen zaizkien bitarteko guztiak kudeatzea, haien eginbeharrak betetzeko.
c) Irakaskuntza, ikerketa eta langileen kudeaketako gaitasuna hobetzeko sustapena egitea eta laguntzea.
d) Ikerketa eta unibertsitate hedapeneko jarduerak sustatu eta gauzatzea.
e) Beste unibertsitate eta zientzia erakunde batzuekin, eta bestelako entitate publiko zein pribatuekin harremanak sustatzea.
f) Pertsonekin, unibertsitateekin edo entitate publiko zein pribatuekin kontratuak egitea, Unibertsitateei buruzko Lege Organikoaren 83.1 artikuluan ezarritakoari jarraikiz.
g) Beren barne araubideko erregelamendua egitea.
h) Indarra duten arauek edo Estatutu hauek esleitzen dizkieten beste edozein eginkizun.
IV. KAPITULUA. UNIBERTSITATEKO IKERKETA-INSTITUTUAK
1. Unibertsitateko Ikerketa-Institutuak dira zientzia edo teknika ikerketan, edo arte sorkuntzan aritzen diren ikastegiak. Orobat, doktoretza eta graduondoko programak antolatu eta garatu ahal izango dituzte, bai eta aholku teknikoa eman ere, beren eskumenen esparruan.
2. Unibertsitateko ikerketa-institutuak honelakoak izan daitezke:
a) Nafarroako Unibertsitate Publikoarenak berarenak.
b) Nafarroako Unibertsitate Publikoari eratxikiak, izaera publikokoak zein pribatukoak.
c) Mistoak, beste erakunde publiko nahiz pribatu batzuekin lankidetzan sortuak.
d) Unibertsitateartekoak, beste Unibertsitate batzuekin lankidetzan sortuak.
3. Nafarroako Unibertsitate Publikoak Unibertsitate Institutuak sortzea bultzatuko du, beste erakunde publiko edo pribatu batzuekin partaidetasun erregimenean.
4. Unibertsitate Institutu mistoak edo unibertsitateartekoak sortzeko, eta Unibertsitate Institutuak Nafarroako Unibertsitate Publikoari eratxitzeko, hitzarmen egokia beharko da, eta horretan finantzaketaren erregimen banatua jasoko da, eta, behar denean, daukan kanpoko finantzaketa.
Nafarroako Unibertsitate Publikoko Gizarte Kontseiluak bere iritzia emanen du, Unibertsitate Institutuak sortu edo kentzeko Unibertsitateak edo Foru Komunitateak egiten dituen proposamen edo ekimenei buruz, 6. artikuluaren 3. idatz-zatian xedatu bezala.
V. KAPITULUA. BESTE IKASTEGI BATZUK
1. Hitzarmen baten bidez, irakaskuntzan, ikerketan zein arte sorkuntzan aritzen diren irakaskuntza ikastegiak atxikitzen ahalko zaizkio Nafarroako Unibertsitate Publikoari, izaera publiko nahiz pribatukoak. Atxikitzeko unibertsitateko Gobernu Kontseiluak proposamena egin beharko du, Gizarte Kontseiluak txostena egin ondoren, eta gero Foru Komunitateak atxikipena onetsi beharko du .
2. Unibertsitateko Gobernu Kontseiluaren proposamenak atxikipen hitzarmena bilduko du, eta horretan, gutxienez ere, ikasketen irakaskuntza araubidea jasoko da, eta, hala dagokionean, ikerketarena, baita irakasleen araubidea, gobernu organoak, ikasleak sartzeko prozedurak eta finantzaketa sistemak ere, nolanahi ere, unibertsitatearen kalitate estandar berekiak bermatuta daudela .
3. Nafarroako Unibertsitate Publikoak, eratxikipen hitzarmenean jasotzen den moduan, gainbegiratuko du eratxikitako ikastegietan emango den irakaskuntza, eta Nafarroako Unibertsitate Publikoko Errektoreari egokituko zaio ikastegi horietako irakasleentzako venia docendi ematea.
4. Osasun Zientzien arloan irakaskuntza eta ikerketa garatzeko, Nafarroako Unibertsitate Publikoak zilegi izango du titularitate publikoa duten osasun-erakundeekin hitzarmenak egitea, Unibertsitateei buruzko Lege Organikoan eta osasun-legerian aurrikusitakoarekin bat etorriz.
1. Ikasle-egoitza Nagusiak Unibertsitateak barnean dauzkan unibertsitate ikastegiak dira, egoitza emateaz gain, haietan bizi direnen kultura eta zientzia prestakuntza bultzatzen dutenak, beti ere, Estatutu hauen Atariko Tituluan biltzen diren printzipioak aintzat hartuz.
2. Gobernu Kontseiluak onetsiko du Kolegio Nagusiek funtzionatzeko eta ikasleak hartzeko izango duten erregimena.
3. Entitate edo erakunde publiko zein pribatuen mendean dauden ikasle-egoitza nagusiak eratxiki ahalko zaizkio Unibertsitateari. Nolanahi ere, Gobernu Kontseiluari egokituko zaio eratxikipen-hitzarmena onestea.
BIGARREN TITULUA. UNIBERTSITATEAREN GOBERNUA
I. KAPITULUA. XEDAPEN OROKORRA
1. Nafarroako Unibertsitate Publikoaren gobernua eta administrazioa organo eta kargu hauen bidez beteko dira:
a) Eremu orokorreko organo kolegiatuak: Gizarte Kontseilua, Gobernu Kontseilua eta unibertsitateko Klaustroa .
b) Eremu mugatuko organo kolegiatuak: Ikastegiko Batzordeak, eta Saileko eta Unibertsitateko Ikerketa-Institutuko Kontseiluak.
c) Eremu orokorreko organo kide bakarrekoak: Errektorea, Errektoreordeak, Idazkari Nagusia eta Kudeatzailea.
d) Eremu mugatuko organo kide bakarrekoak: Dekanoak eta Eskolako Zuzendariak, bai eta Saileko eta Unibertsitateko Ikerketa-Institutuko Zuzendariak.
e) Eremu mugatuko kargu kide bakarrekoak: Dekanordeak eta Eskolako Zuzendariordeak, Saileko eta Unibertsitateko Ikerketa-Institutuko Zuzendariordeak, eta Fakultateko, Eskolako, Saileko eta Unibertsitateko Ikerketa-Institutuko Zuzendariordeak.
2. Beren eskumenen esparruan, organo orokorren erabakiak nagusi dira organo mugatuenen gainean, eta organo kolegiatuenak kide bakarreko organoenen gainean, salbu eta lege indardunek espresuki finkatzen dituzten kasuetan.
1. Kide bakarreko organoetako karguak betetzeko arduraldi osoan aritu beharko da, Legean agertzen diren salbuespenak ezertan galarazi gabe. Ez da inola ere zilegi izango aldi berean kargu horietako batean baino gehiagotan aritzea.
2. Kide bakarreko karguetako eginkizunak betetzeko arduraldi osoan aritu beharko da, eta zilegi izango aldi berean kargu horietako batean baino gehiagotan aritzea.
3. Gobernu Kontseiluak ezarriko du bateraezintasun ekonomiko eta funtzionalen erregimena irakaskuntza-betekizunak betetzeko orduan.
II. KAPITULUA. EREMU OROKORREKO ORGANO KOLEGIATUAK
I. ATALA
GIZARTE KONTSEILUA
1. Nafarroako Unibertsitate Publikoaren Gizarte Kontseilua gizarteak Unibertsitatean parte hartzeko duen organo kolegiatua da.
2. Gobernu Konteiluak Gizarte Kontseiluan izango dituen hiru ordezkariak banaketa honen arabera hautatuko dituzte: irakasle bat, ikasle bat eta administrazio eta zerbitzuetako langile bat.
II. ATALA
GOBERNU KONTSEILUA
1. Gobernu Kontseilua unibertsitatearen gobernu organoa da.
2. Honako hauek osatuko dute Gobernu Kontseilua:
a) Errektorea, idazkari nagusia eta kudeatzailea.
b) Errektoreordeak.
c) Klaustroak bere kideen artean hautaturiko hamabi kide, klaustroaren arloen osaera islatuko dutenak, banaketa honen arabera:
1. Etengabeko lotura duten irakasle doktoreen sei ordezkari.
2. Aurreko kategorian aipatu gabeko irakasle eta ikertzaileen bi ordezkari.
3. Ikasleen bi ordezkari.
4. Administrazio eta zerbitzuetako langileen bi ordezkari.
d) Fakultateko dekanoen, eskolako zuzendarien eta, halakorik badago, unibertsitateko ikerketa institutuko zuzendarien bi ordezkari, beren artean hautatutakoak.
e) Saileko zuzendarien lau ordezkari, beren artean hautatutakoak.
f) Gizarte Kontseiluko bi kide, unibertsitate komunitatekoak ez direnak eta Gizarte Kontseiluak hautatzen dituenak.
1. Gobernu Kontseilua hiru hilabetez behin bederen bilduko da, bai eta Errektoreak hala erabakitzen duenean edo, gutxienez, batzordekideen %30ek hala eskatzen dutenean ere.
2. Gobernu Kontseilua lau urtez behin berrituko da, ikasleen ordezkarien kasuan izan ezik, horiek bi urtez behin berrituko baitira.
Hauek dira Gobernu Kontseiluaren eginkizunak:
a) Unibertsitatearen estrategia ildoak ezartzea eta Gizarte Kontseiluarekin batera plan estrategikoa adostea. Bi organoek hautatzen dituzten batzorde ordezkariek batera zehaztuko dute nola hartuko duen parte Gizarte Kontseiluak plan estrategikoaren proiektuan .
b) Jarraibide orokorrak eta horiek aplikatzeko prozedurak onestea, ikasketak, ikerketa, eta giza zein ekonomia baliabideak antolatzeko arloetan.
c) Gizarte Kontseiluari plan estrategikoaren finantzaketa proposatzea, hark onets dezan, hainbat urtetarako programazio proiektu baten bidez .
d) Gizarte Kontseiluari urteko aurrekontu-proiektua proposatzea, onets dezan.
e) Unibertsitateko irakakuntza programazioa onestea urtero.
f) Irakasleen eta administrazio eta zerbitzuetako langileen lanpostu zerrendarako proposamena onestea.
g) Ikasketa planak legez ezarritako prozedurari jarraikiz onestea, eta ekitea Gobernu Kontseiluak berak ikasketa planetarako onetsitako jarraibideei egokitu daitezen.
h) Dauzkan eskumenen barnean, irizpideak eta prozedurak ezartzea, irakasleak eta administrazio eta zerbitzuetako langileak hautatu eta kontratatzeko eta horien lanpostuen sustapena egiteko.
i) Unibertsitate irakaskidegoetako lanpostuak erabakitzeko lehiaketa batzordeetako kideak izendatzea.
j) Ikasketa ofizialen kredituak aintzatesteko eta transferitzeko baldintzak onestea, baita ikasketak eta titulu berekiak ezartzekoak ere, indarra duen araudian xedatutakoaren arabera .
k) Lanpostuen eskaintza erabakitzea, bai eta ikasleak onartzeko prozedurak ere, arau indardunetan xedatutakoaren arabera.
l) Behar den tokian bere ordezkariak izango direnak izendatzea.
m) Irakasleen eta administrazio eta zerbitzuetako langileen jarduera ebaluatzeko plangintza onestea, eta, dauzkan eskumenen barnean, ebaluazio irizpideak ezartzea.
n) Beste unibertsitate edo erakundeekin edota ikastegi publiko zein pribatuekin egiten diren lankidetza _eta truke_ hitzarmenak berrestea eta salatzea.
o) Bere barne-eraentzako arautegia onestea, ikastegi, sail eta unibertsitateko ikerketa-institutuentzako irizpide orokorrak erabakitzea; Batzorde Aholku-emailearen, ikastegien, sailen eta unibertsitateko ikerketa-institutuen barne-eraentzako arautegiak onestea, bai eta edozein arautegi beregain ere.
p) Irakaskuntza _eta lan_ egutegiak onestea.
q) Unibertsitatearen kalitate arloko jarraibideak onestea, eta hobetzeko ekintzen jarraipena egitea; halaber, ikasketetarako kalitate eskakizunak betetzen direla begiratzea .
r) Unibertsitateko komunitateko kideen lan baldintzak begiratzea.
s) Ohorezko goraipamenak ematea eta honoris causa doktoreen izendapena onestea.
t) Gizarte Kontseiluari, eta, hala badagokio, Foru Erkidegoari Unibertsitateei buruzko Lege Organikoaren 8.2, 10.3 eta 11.1 artikuluetan aurreikusitako gaiei buruzko proposamenak bidaltzea, baita arau indardunetan aurreikusten den beste edozein ere.
u) Estatutu hauen 5.2 artikuluan aipatzen diren ikastegi edo egiturak sortzea .
v) Edukirik gabe .
w) Irakaskuntza jarduerak kontrolatzeko mekanismoak erabakitzea.
x) Hizkuntza Plangintzarako Batzordea sortzea.
y) Funtzionamendurik hoberena izateko beharrezkotzat jotzen dituen batzorde ordezkariak eratzea.
z) Dagokion beste edozein eginkizun, lege indardunekin bat etorriz.
III. ATALA
UNIBERTSITATEKO KLAUSTROA
1. Unibertsitateko Klaustroa unibertsitateko komunitatea ordezkatzen duen organo gorena da.
2. Klaustroa errektoreak (klaustroburua izanen da), idazkari nagusiak, kudeatzaileak eta unibertsitate komunitateko arloetan hautatutako 120 klaustrokidek osatuko dute, honela banatuta:
a) Unibertsitatearekin etengabeko lotura duten irakasle doktoreen 71 ordezkari.
b) Aurreko kategorian aipatu gabeko irakasle eta ikertzaileen 13 ordezkari. Hauteskunde erregelamenduak zehaztuko ditu arlo horren azpiarloak, eta horietako bat erreserbatuko da doktoreak ez diren irakasle funtzionarioentzat. Hauteskunde Batzordeak arloko ordezkarien kopurua banatuko du azpiarloen artean, azpiarlo bakoitzeko hautesleekiko proportzioan.
c) Ikasleen 24 ordezkari.
d) Administrazio eta zerbitzuetako langileen 12 ordezkari.
3. Klaustrokideak ez diren errektoreordeak ere bileretara joan daitezke, hitzarekin baina botorik gabe.
1. Klaustroaren ohiko bilerak gutxienez urtean behin egingo dira, Errektoreak deituta.
2. Errektoreak Klaustroaren ohiz kanpoko bilerarako deia egingo du, bere ekimenez, klaustrokideen laurden batek hala eskatuta, edo Gobernu Kontseiluak, gehiengo absolutu bidez hartutako erabakiaz, hala eskatuta. Ohiz kanpoko bilera egiteko eskaeran eztabaidatu beharreko gaiak azalduko dira, alegia, ohiz kanpoko bilerarako deia egiteko arrazoia eman dutenak.
3. Klaustroaren ohiko bilerak ez dira egingo egutegi ofizialean azterketak egiteko hartutako egunetan, aurreikusitakoak ez badira bertan behera uzten, behintzat, egun horiek hartzen duten epearen barnean.
Hauek dira Klaustroaren eginkizunak:
a) Estatutuak egin eta eraberritzea.
b) Errektorea hautatzeko deia egitea, ohiz kanpokoa denean, lege indardunetan xedatutakoari jarraikiz.
c) Bere barne-eraentzako arautegia egitea, hauei buruzko gorabeherak bederen arautuko dituena: bileren erregimena, deialdia, eguneko aztergaiak eta zuzenketak eta mozioak aurkezteko eta erabakiak hartzeko prozedurak eta betebeharrak, bai eta bera aldatzea ere.
d) Unibertsitateko Komunitatearen Arartekoa hautatu eta kargugabetzea, Estatutu hauen 116. artikuluan xedatuari jarraikiz, eta haren funtzionamenduko arautegia onetsi eta aldatzea.
e) Gobernu Kontseiluan bere ordezkariak izango direnak hautatzea.
f) Egoki jotzen dituen batzordeak sortzea eta haien kideak hautatzea.
g) Unibertsitate irakaskidegoetan sartzeko lehiaketen ondorioz izan daitezkeen erreklamazioez arduratuko den batzordeko kideak izendatzea .
h) Indarreko legeek berariaz esleitzen dioten beste edozein eginkizun.
Klaustroa lau urtetik behin berrituko da, ikasleen ordezkarien kasuan izan ezik, horiek bi urtetik behin berrituko baitira.
1. Irakasleen eta administrazio eta zerbitzuetako langileen ordezkariak gehiengo sistemaren bidez hautatuko dituzte. Klaustroan ordezkaritza duen arlo bakoitzean hautesle bakoitzak, bete beharreko postuak zenbat diren, kopuru horren ehuneko hirurogeita hamarri, gehienez, eman ahal izango dio botoa. Arlo bakoitzean boto gehien jaso duten hautagaiak hautatuko dituzte, beti ere, ikusirik zenbat postu dauden betetzeko.
2. Ikasleen klaustrokideen hautaketa zerrenda itxiko sistema proportzional baten bidez egingo da, eta zerrenda hori arlo horrek hautatu behar duen klaustrokide kopuruari lotu beharko zaio. Aurkeztutako zerrendei postuak esleitzeko ere sistema proportzionala erabiliko da.
IV. ATALA
BATZORDE AHOLKU-EMAILEA
1. Errektoreari eta Gobernu Kontseiluari irakaskuntza gaietan aholkuak emateko ohiko organoa da Batzorde Aholku-emailea, eta haiei proposamenak egiteko ahalmena dauka.
2. Batzorde Aholku-emailea hauek osatuko dute: Errektoreak, Batzordeburu izango dena, Idazkari Nagusiak eta hamabi kidek, Gobernu Kontseiluak entzute handiko irakasle eta ikertzaileen artean hautatuak, irakaslanean, ikerketan edo kudeaketan merezimenduak egin badituzte, eta horiek ebaluazio positiboen bidez ziurtatuta badauzkate, arau indardunen arabera. Halaber, Aholkularitza Batzordeko kide izan daitezke, profil profesionalaren arabera, Batzordearen eginkizunak betetzen laguntza eman dezaketen beste batzuk. Gobernu Kontseiluak onetsiko ditu Aholkularitza Batzordeko kideak hautatzeko arauak, eta, beti ere, gehiengo absolutua beharko da kideak hautatzeko.
3. Batzorde Aholku-emailea lau urtetik behin berrituko da.
4. Batzorde Aholku-emailea urtean bi aldiz bederen bilduko da, bai eta Errektoreak hala erabaki edo, gutxienez, batzordekideen %30ek hala eskatzen dutenean ere.
5. Batzorde Aholku-emaileak bere barne-eraentzako arautegia egingo du, eta Gobernu Kontseiluaren eskutan jarri beharko du, onets dezan.
V. ATALA
ZUZENDARITZA KONTSEILUA
1. Errektoreari, esleituta dauzkan eskumenak garatzen laguntza ematen dion organoa da Zuzendaritza Kontseilua.
2. Zuzendaritza Kontseilua hauek osatuko dute: Errektoreak, Kontseiluburu dena, Errektoreordeek, Idazkari Nagusiak eta Kudeatzaileak.
3. Errektoreak deia egiten duenean bilduko da Zuzendaritza Kon- tseilua.
III. KAPITULUA. EREMU MUGATUKO ORGANO KOLEGIATUAK
I. ATALA
IKASTEGIKO BATZORDEA ETA ZUZENDARITZA TALDEA
1. Ikastegiak duen ohiko gobernu organoa da Ikastegiko Batzordea, eta ematen dituen ikasketak antolatzeko arduraduna, dauzkan eskumenen barnean.
2. Hauek dira Ikastegiko Batzordea osatuko dutenak:
a) Dekanoa edo zuzendaria, batzordeburua izanen dena.
b) Ikastegiko idazkaria.
c) Unibertsitatearekin etengabeko lotura duten hiru irakasle, dekanoak edo zuzendariak ikastegian irakasten ari direnen artean hautatutakoak.
d) Ikastegian irakasten ari diren irakasleak eta ikertzaileak ordezkatuko dituzten hiru irakasle. Horietatik bi unibertsitateko irakasleen kidegoetakoak edo kontrataturiko irakasle doktoreak izanen dira, eta hirugarrena, aldiz, gainerako irakasle eta ikertzaileen taldekoa.
e) Ikastegiari atxikitako titulazioetan matrikulatuta dauden ikasleen bi ordezkari.
f) Administrazio eta zerbitzuetako langileen ordezkari bat, ikastegiari atxikitakoa. Horrek ordezkoa izanen du, ikastegiari atxikitako langileen kopurua ikusita hori onartzen bada.
3. Dekanoak edo zuzendariak hautaturiko irakasleek eta arlo ezberdinetako ordezkariek Ikastegiko Batzordea osatuko dute, gutxienez. c), d) eta e) letretan ezarritako hautaketen eta ordezkaritzen kopurua gehitzen ahalko da proportzionalki eta adierazitako kopuruen hirukoitza izan arte, ikastegiko titulazioen eta ikasleen kopurua ikusita hori gomendatzen bada. Ikastegi bakoitzaren barne araubideko erregelamenduan zehaztuko da hautaketen eta ordezkaritzen kopurua.
4. 2. idatz-zatiaren d) letrari dagokionez, hautesleak eta hautagaiak izanen dira ikastegian irakasten duten irakasle eta ikertzaileak.
5. Ikastegiko Batzordekoak ez diren dekanorde edo zuzendariordeak ere bileretara joan daitezke, hitzarekin baina botorik gabe.
6. Ikastegiko Batzordea hiru hilean behin, bederen, bilduko da, baita dekanoak edo zuzendariak hala erabaki edo batzordekideen %30ek, gutxienez, hala eskatzen dutenean ere.
7. Ikastegiko Batzordea lau urtean behin berrituko da, ikasleen ordezkarien kasuan izan ezik, horiek bi urtean behin berrituko baitira.
Hauek dira Ikastegiko Batzordearen eginkizunak:
a) Bere eskumeneko ikasketei buruzko urteko txostenak onestea, baita txosten horiek ekarriko dituzten hobetzeko proposamenak ere.
b) Ikastegiko Estrategia Plana eta bere aldaketak onestea.
c) Dauzkan titulazio eta zikloetan, ikasleen onarpen-mugei buruz argibideak ematea.
d) Ikastegiaren barne-eraentzako arautegia egitea, Gobernu Kon- tseiluari onesteko emango zaiona.
e) Ikastegiko zuzendaritzak proposatuta, 7.b) artikuluan aipatutako berariazko jarraibideak eta 7.c) artikuluan aipatutako erabakia onestea, eta, behar denean, programetako desorekak ebaztea .
f) Gobernu Kontseiluari ikasketa planetarako eta horien aldaketarako proosamenak bidaltzea.
g) Aukerako irakasgaien eskaintza proposatzea, Gobernu Kontseiluak onetsitako irakaskuntza programazioaren jarraibide orokorrekin bat etorriz .
h) Jarraibide horien barnean, ikasketa planetako irakasgaiak emateko ardura sailei esleitzea .
i) Gobenu Kontseiluari proposamenak bidaltzea, ikasketak sortu, aldatu edo kentzeari buruz, baita ikasketa horiekin zerikusia duten ikastegiak sortu eta aldatzeari buruz ere, hori guztia Estatutu hauen 6.2 artikuluan jasotako Gobernu Kontseiluaren ekimen gaitasuna galarazi gabe .
j) Egokitzat jotzen dituen batzordeak sortzea, eta, hala denean, ukituriko sailei eskatzea haien ordezkariak hautatzeko.
k) Sailen arteko edo unibertsitateen arteko doktoretza programak proposatzea.
1. Ikastegiko zuzendaritza taldeak Dekanoari edo Zuzendariari laguntza emango die Ikastegiaren ohiko zuzendaritza eta kudeaketa lanak egiten.
2. Hauek osatuko dute: Dekanoak edo Zuzendariak, Ikastegiko burua baita, Ikastegiko Idazkariak, eta Dekanordeak edo Zuzendariordeak.
3. Ikastegiaren ardurako titulazio bakoitzeko edo titulazio talde bakoitzeko Dekanorde edo Zuzendariorde bat egon daiteke. Gobernu Kontseiluak ezarriko du zenbat izango diren, eta zein zuzendaritza taldeari laguntzeko administrazio baliabideak.
II. ATALA
SAILEKO KONTSEILUA ETA ZUZENDARITZA TALDEA
1. Saileko Kontseilua sailaren gobernu organo kolegiatua da, eta hauek osatzen dute:
a) Saileko kide guztiak.
b) Atxikitako langileen ordezkariak, aurreko letran aipaturiko langileen kopuru osoaren %10 osatuko dutenak; ez dira bi kide baino gutxiago izanen inoiz, horiek baldin badaude.
c) Sailak ematen dituen ikasketetako ikasleen ordezkariak, artikulu honen a) letran adierazitako langileen %10aren baliokidea izanen dena. Sailak ematen duen ikasketa maila bakoitzeko ordezkari bat egonen da, gutxienez.
d) Administrazio eta zerbitzuetako langileen ordezkari bat, sailari atxikia. Horrek ordezkoa izanen du, behar beste langile badaude .
2. Saileko Idazkariak Kontseiluko Idazkari gisa ere jardungo du. Kontseilukidea ez bada, bileretan hizpidea izango du eta botorik ez.
3. Kontseilukide ez diren Saileko Zuzendariordeek zilegi izango dute bileretara joatea, hizpidearekin eta botorik gabe.
4. Saileko Kontseilua hiru hilabetez behin bederen bilduko da, bai eta Kontseiluburuak hala erabaki edo, gutxienez, kontseilukideen %30ek hala eskatzen dutenean ere.
5. Saileko Batzordea lau urtez behin berrituko da, ikasleen ordezkarien kasuan izan ezik, horiek bi urtez behin berrituko baitira.
Hauek dira Saileko Kontseiluaren eskumenak:
a) Saileko Zuzendaria hautatu eta kargugabetzea proposatzea.
b) Sailaren urteroko irakaskuntza eta ikerketa lanen txostena onetsi eta argitara ematea, irakaskuntza eta ikerketa planak finkatzea eta doktoretza programak proposatzea.
c) Ikastegiko Estrategia Plana eta bere aldaketak onestea.
d) Saileko kideen ikerketa lanak sustatu eta laguntzea .
e) Irakaskuntza Antolatzeko Plana onestea.
f) Irakasle eta ikertzaileen lanpostu beharrak zehaztea, eta bete daitezen eskatzea, dauden moduen bidez, eta, halaber, administrazio eta zerbitzuetako langileen lanpostu beharrak proposatzea.
g) Estatutu hauek finkatzen duten esparruan, unibertsitate irakaskidegoetako irakasleen lanpostuak erdiesteko bidea ematen duten lehiaketak ebatziko dituzten batzordeetako kideak proposatzea.
h) Aurrekontu eta baliabideen esleipena banatzea, barne-eraentzako arautegian xedatuari jarraikiz.
i) Sailaren barne-eraentzako arautegia egitea, Gobernu Kontseiluari onesteko emango zaiona.
j) Gobernu Kontseiluari proposamenak bidaltzea, saileko kideak irakasle dituzten ikastegiak sortu eta aldatzeari buruz, hori guztia Estatutu hauen 6.2 artikuluan jasotako Gobernu Kontseiluaren ekimen gaitasuna galarazi gabe .
k) Gobernu Kontseiluari proposamenak bidaltzea, sailak sortu, aldatu edo kentzeari buruz, hori guztia Estatutu hauen 9.2 artikuluaren esparruan .
l) Egoki jotzen dituen batzordeak sortzea eta haien kideak hautatzea.
1. Saileko zuzendaritza taldeak Zuzendariari lagunduko dio Sailaren ohiko zuzendaritza, koordinazio eta kudeaketa lanak egiten.
2. Hauek osatuko dute: Zuzendariak, burua baita, Idazkariak eta Zuzendariordeak.
3. Gobernu Kontseiluak ezarriko du zenbat izango diren Zuzendariordeak, eta zein zuzendaritza taldeari laguntzeko administrazio baliabideak.
4. Zuzendariak Errektoreari proposatuko dio Saileko kideen artetik Idazkaria eta Zuzendariordeak izendatzea.
III. ATALA
UNIBERTSITATEKO IKERKETA-INSTITUTUKO KONTSEILUA
1. Unibertsitateko Ikerketa-Institutuko Kontseilua da Unibertsitate Institutuaren beraren gobernu organo kolegiatua.
2. Unibertsitateko Ikerketa-lnstitutuko Kontseiluak aplikagarri izango ditu Saileko Kontseiluaren osaera eta eskumenak erregulatzen dituzten arauak, Gobernu Kontseiluak berorren izaera dela-eta, erabakitzen dituen egokitzapenekin.
IV. KAPITULUA. EREMU OROKORREKO ORGANO KIDE BAKARREKOAK
I. ATALA
ERREKTOREA
1. Errektorea Unibertsitateko irakaskuntza agintari gorena da, eta bere ordezkaria.
2. Errektoreak bere gain dauzka Unibertsitatearen zuzendaritza, gobernua eta kudeaketa, organo kolegiatuek onetsitako jarduneko ildoak garatzen ditu, eta erabakiak betearazten ditu.
1. Unibertsitateko komunitateak aukeratzen du Errektorea, Nafarroako Unibertsitate Publikoan aritzen diren Unibertsitateko katedradunen artetik.
2. Errektorearen agintaldia lau urtekoa izango da, bata bestearen segidako agintaldi bat baizik ezin egingo du, eta, berriz hautagai izateko bi urtetik beherako agintaldiak ez zaizkio kontuan hartuko.
3. Errektore lanpostua bete gabe baldin badago, edo Errektorea ez denean edo gaixorik denean, Errektorearen ordezkoa berak izendatutako errektoreordea izango da, edo, bestela, antzinatasun handieneko errektoreordea, beti ere, ordezkoak Unibertsitateko katedradunak badira.
1. Unibertsitateko komunitateak hautaketa zuzenaren eta sufragio unibertsal, libre eta berdinaren bidez hautatuko du Errektorea.
2. Errektorea hautatzeko botoa haztatua izanen da, unibertsitate komunitateko arloka hartuta, alegia: Unibertsitatearekin etengabeko lotura duten irakasle doktoreak, gainerako irakasle eta ikertzaileak, ikasleak, eta administrazio eta zerbitzuetako langileak, portzentaje hauen arabera:
a) %59 unibertsitatearekin etengabeko lotura duten irakasle doktoreentzat izanen da.
b) %11 aurreko kategorian aipatu gabeko irakasle eta ikertzaileentzat.
c) %20 ikasleentzat.
d) %10 administrazio eta zerbitzuetako langileentzat .
3. Hauteskunde prozesu bakoitzean, Nafarroako Unibertsitate Publikoko Hauteskunde Batzordeak erabakiko ditu, Hauteskunde Arautegian aurretik ezarritako prozeduraren arabera, eta botoak zenbatu ondoren, zein izango diren haztapen-koefizienteak, arlo bakoitzean hautagaiei emandako boto baliodunei aplikatzeko, beren balioa eman diezaieten, Estatutu hauetan ezartzen diren ehunekoei begira.
4. Lehenengo txandan Errektore izendatuko dute emandako boto baliodunen erdia baino gehiago proportzioz lortzen duena, artikulu honetan aurreikusitako haztapenak egin eta erabaki ondoren. Izangaietan inork ez badu gehiengoa erdiesten, bigarren bozketari ekingo zaio, eta horretan lehenengo bozketan boto gehien izandako bi hautagaiek bakarrik hartuko dute parte, aipatu haztapenak kontuan harturik. Bigarren txandan, berriz, botoen gehiengo soila erdiesten duena izendatuko dute, lehengo haztapen berak kontuan harturik. Hautagai bakarra baldin bada, lehenengo txanda besterik ez da egingo.
1. Estatutu hauetako 54. artikuluan adierazitako arrazoiengatik utziko du kargua Errektoreak, d) idatz-zatian jasotako kasuan izan ezik, ez baita aplikagarria. Klaustroak hala erabakitzen duenean ere utziko dio karguari hurrengo artikuluan aurreikusiaren arabera.
2. Errektoreak jardunean jarraituko du Errektore berriak kargua hartu arte. Estatutu hauen 54. artikuluaren a), c), e), f) eta g) hizkietan jasotzen diren kasuetan, Errektorearen ordezkoa berak izendatutako errektoreordea izango da, edo, bestela, antzinatasun handieneko errektoreordea, beti ere, ordezkoak Unibertsitateko katedradunak badira. Hori guztia bermatzeko eginkizunei jarraituko zaizkiela eta Errektorea hautatzeko hauteskundeen deialdia egingo dela.
1. Unibertsitateko Klaustroak Errektorea hautatzeko ohiz kanpoko deialdia proposatu ahal izango du, klaustrokideen herenaren ekimenez, eta horretarako Unibertsitateko Erregistro Orokorrean idazkia aurkeztuko du, non, behar bezala egiaztatuta, proposamen-egileen sinadurak eta ekimenaren justifikazioa azalduko baitira. Egiaztapena proposamen-egile bakoitzak sinadura eta Nortasun Agiri Nazionalaren zenbakia emanez egingo du, edo, bestela, horrelakorik ez badu, nortasuna egiaztatzeko beste agiri ofizial bat emanez, eta horren kopia erantsiko dio aurkezteko idazkiari.
2. Aurreko atalean adierazitako eskakizunak betez ekimena aurkezteak deialdia ekarriko du berehala, hamabost egun baliodunen epean.
3. Ekimena eztabaidatzeko Klaustroaren bileran Klaustroko Mahaiburuordea izango da bilera-burua, edo, bestela, Mahaiak erabakitako mahaikidea.
4. Ekimenaren eztabaida proposamen-egile baten defentsarekin hasiko da, gero proposamenaren aldekoen txanda, eta ondoren kontrakoen txanda etorriko dira, eta lehenengo parte-hartzaileak bere erreplikarekin amaituko du eztabaida. Gainera, Errektoreari parte hartzeko txanda berezkoa eta erreplika egitekoa emango zaizkio.
5. Eztabaida amaiturik ekimena isilpeko bototara jarriko da, eta onetsia izateko klaustrokide guztien bi herenek eman beharko dute aldeko botoa.
6. Ekimena onesten bada, ondorioz, Errektorea hautatzeko Klaustrorako deialdia etorriko da, Klaustroaren desegintza eta Errektorearen kargu-uztea.
Ekimena onesten ez bada, ekimena sinatu dutenetan inork ezin izango du horrelako beste ekimenik aurkeztu, bozketa egin eta handik urtebete igaro arte.
7. Errektoreak dimisioa aurkezten badu, Errektorea hautatzeko ohiz kanpoko hauteskunde deialdirako ekimenaren izapideak eta bozketa geldiaraziko dira.
Hauek dira Errektorearen eginkizunak:
a) Unibertsitatea zuzentzea eta botere publiko eta edozein pertsona edo entitate publiko nahiz pribaturen aitzinean hura ordezkatzea.
b) Administrazio nahiz jurisdikziozko errekurtsoak jartzea, eta zuzenbidezko edozein negozio nahiz egintzatan Unibertsitatea judizialki eta administratiboki ordezkatzea. Ordezkapen hori betetzeko, zilegi izango du mandatuak ematea.
c) Unibertsitateko ekitaldien buru izatea, horietara joaten denean, legezko aurrezkotasunik ez bada.
d) Gobernu Kontseilurako, Klaustrorako eta Batzorde Aholku- emailerako deiak egin eta haien buru izatea, bai eta horien erabakiak eta Gizarte Kontseiluarenak betearaztea ere.
e) Unibertsitateko kide bakarreko organoei esleituriko eginkizunak aurrera eramaten direla eta organo kolegiatuen erabakiak betetzen direla zaindu eta begiratzea.
f) Unibertsitate irakaskidegoetako lanpostuak betetezeko lehiaketetarako deiak egitea, edo irakasle eta ikertzaileen, edota administrazio eta zerbitzuetako langileen lanpostuak bettzeko lehiaketetarako edo beste hautatze sistemetarako deiak egitea, eta Unibertsitatearen irakasleak eta administrazio eta zerbitzuetako langileak izendatu eta kontratzea.
g) Errektoreordeak, Idazkari Nagusia eta Errektorearen nahiz Errektoreordeen edo Idazkari Nagusiaren laguntzaile izan daitezkeenak izendatu eta kargugabetzea, Gobernu Kontseiluari argibideak emanez.
h) Gizarte Kontseiluarekin bat eginez, Kudeatzeailea izendatzea eta kargugabetzea, daukan eskumenari lotuz.
i) Irakaskidegoetako lanpostuetako irakasleak hautatuko dituzten batzordeetako kideak izendatzea, baita Erreklamazio Batzordeko kideak ere.
j) Tokian tokiko organoek aukeratutako gobernu organo kide bakarrekoak izendatzea eta kargugabetzeko erabakia hartzea, eta berdin Hauteskunde Batzordeak aldarrikatzen ez dituen organo kolegiatuetako kideen kasuan ere.
k) Unibertsitatean zerbitzu ematen ari diren langile guztien goi-burua izatea, baita Unibertsitateko Komunitateko kideena ere, lege indardunek beste organoei esleitzen ez dizkieten diziplina erabakiak eta espres esleitu ez zaizkien eskumenak harturik.
l) Titulu eta diplomak ematea.
m) Gastua baimendu eta ordainketak agintzea, onetsitako aurrekontua betearaziz.
n) Nafarroako Unibertsitate Publikoari dagozkion eskumenak erabiltzea, Unibertsitateko beste organo batzuk espres esleituta ez badauzkate.
o) Laguntza zuzeneko unitateari atxikitako langileen zuzendaritza funtzionala betetzea, bai zuzenean, bai unitate horretako arduradunarengan eskuordetuz.
p) Lege indardunek esleitzen dizkioten beste eginkizun guztiak betetzea.
II. ATALA
ERREKTOREORDEAK, IDAZKARI NAGUSIA ETA KUDEATZAILEA
1. Errektoreari Unibertsitatea gobernatzen laguntzea da Errektoreordeen lana, beraiei esleitutako eginkizunak koordinatu eta zuzenduz, eta Errektorearen ordezkapena eginez, hala eskatzen zaienean. Halaber, Estatutu hauek aurreikusitako kasuetan ere ordezkatuko dute.
2. Errektoreak Nafarroako Unibertsitate Publikoan aritzen diren irakasle doktoreen artetik izendatuko ditu Errektoreordeak. Errektoreordeek kargurari utziko diote Errektoreak erabakitzen duenean eta Estatutu hauen 54. artikuluan azaldutako zergatikoak direnean, d) hizkian aurreikusitakoa tartean ez bada.
1. Idazkari Nagusia Unibertsitateko Gizarte Kontseiluaz beste gobernu organo kolegiatuen egintza eta erabakien fede-emailea da.
2. Idazkari nagusia Gobernu Kontseiluko eta Klaustroko idazkari lanetan arituko da .
3. Errektoreak unibertsitatean zerbitzu ematen ari diren eta, haietan sartzeko, doktorearen, lizentziadunaren edo arkitektoaren titulua edo baliokidea izatea eskatzen duten kidegoetakoak diren funtzionario publikoen artean hautatuko du idazkari nagusia. Halaber, idazkari nagusiak kargua utziko du Estatutu hauen 54. artikuluan azaldutako zergatikoengatik, d) letran aurreikusitakoa ez bada .
4. Hauek dira Idazkari Nagusiaren eginkizunak:
a) Legez dagozkion aktak, Unibertsitateko gobernu organoenak, egin eta gordetzea.
b) Unibertsitateko Gobernu Kontseiluaren akta eta erabakien agiri eta ziurtapenak ematea, bai eta Unibertsitateko dokumentazio ofizialean dauden egintza edo egitate guztienak ere.
c) Azterketen kalifikazio aktak jaso eta gordetzea.
d) Unibertsitateko agiritegi nagusia eta zigilu ofiziala zaintzea.
e) Unibertsitatearen egintza ospatsuak antolatzea eta protokoloa betetzea.
f) Gobernu Kontseiluaren erabakiak eta Errektorearen ebazpenak, halakorik bada, argitaratzeko ardura.
g) Unibertsitateko erregistro orokorra zuzentzea.
h) Unibertsitateko jardueren urteko oroitidazkia egitea.
i) Bere karguagatik dituen beste eginkizun guztiak, edo indarrean diren legeek esleitzen dizkiotenak, betetzea.
5. Eginkizunak betetzeko, Idazkari Nagusiari Idazkariorde Nagusi batek lagun diezaioke, eta hori Errektoreak izendatu eta kargugabetuko du, artikulu honen 3. idatz-zatian azaldutako moduan.
1. Kudeatzailea da, gobernu organoek ezarritako jarraibideen arabera, Unibertsitateko administrazio eta ekonomia zerbitzuak antolatzeko ardura zuzena duena.
2. Kudeatzaileak ezin izango du irakaslanik egin eta bere jarduera arduraldi osokoa izango da.
3. Hauek dira Kudeatzailearen eginkizunak:
a) Unibertsitatearen administrazio eta ekonomia zerbitzuak kudeatzea.
b) Kudeatzailetzaren antolamendurako eta funtzionamendurako agiri markoa egitea.
c) Unibertsitatearen ondarea eta aurrekontua administratu eta kudeatzea, bai eta ondare horren inbentarioa egin eta eguneratzea ere.
d) Urteanitzeko programaziorako proposamena eta aurrekontuaren aurreproiektua egitea.
e) Unibertsitatearen administrazio eta zerbitzuetako langileriaren zuzendaritza organikoa eta, hala behar izanez gero funtzionala ere betetzea, Errektoreak eskuordetuta.
f) Lege indardunek esleitzen dioten beste edozein eginkizun.
4. Eginkizunak betetzeko, Kudeatzaileari egitura organikoak lagunduko dio, eta, behar baditu, kudeatzaileordeek, eta horiek Errektoreak izendatuko ditu Kudeatzaileak proposatuta.
V. KAPITULUA. EREMU MUGATUKO ORGANO KIDE BAKARREKOAK
I. ATALA
IKASTEGIKO DEKANOA EDO ZUZENDARIA
1. Dekanoa edo zuzendaria da fakultateko edo eskolako agintari nagusia, eta ikastegiko zuzendaritza eta ohiko kudeaketa lanak betetzen ditu.
2. Dekanoa edo zuzendaria zuzeneko hautaketaren eta bozketa libre eta isilpekoaren bidez hautatzen da, unibertsitateko irakasleen artean, unibertsitatearekin etengabeko lotura ematen duten kategorietako edozeinetan bost urteko antzinatasuna, gutxienez ere, badute eta ikastegian irakasten ari badira.
3. Dekanoa edo zuzendaria hautatzeko botoa haztatua izanen da, unibertsitate komunitateko arloka hurrengo portzentajeen arabera hartua:
a) %59 unibertsitatearekin etengabeko lotura duten irakasleentzat izanen da.
b) %21 gainerako irakasle eta ikertzaileentzat.
c) %20 ikastegian irakasten diren titulazioetan matrikulatuta dauden ikasleentzat.
4. Hauteskunde prozesu bakoitzean, hauteskunde erregelamenduan aurretik ezarritako prozeduraren arabera eta botoak zenbatu ondoren, unibertsitateko Hauteskunde Batzordeak arlo bakoitzean behar bezala ematen den kandidaturetarako botoari aplikatu beharreko haztapen koefizienteak zehaztuko ditu, Estatutu hauetan ezartzen diren portzentajeak kontuan hartuta, botoari dagokion benetako balioa emateko asmoz.
5. Dekano eta zuzendari hautatuko da lehen prozesuan behar bezala ematen diren kandidaturetarako botoen erdia baino gehiago eskuratzen duena, artikulu honetan ezarritako haztapenak egin eta aplikatu ondoren. Hautagaiek ez badute eskuratzen gehiengo hori, bigarren bozketa eginen da, eta horretan, aipatutako haztapenak kontuan hartuta, boto gehien eskuratu dituzten bi hautagaiak baino ez dira aurkeztuko. Bigarren prozesuan botoen gehiengo soila eskuratzen duen hautagaia hautatuko da, haztapen horiek kontuan hartuta. Kandidatura bakarra badago, lehen prozesua bakarrik gauzatuko da.
6. Hautagairik ez badago edo horiek beharrezko botoak eskuratzen ez badituzte, errektoreak unibertsitatearekin etengabeko lotura duen eta ikastegian irakasten duen irakasle bati emanen dio behin-behinean zuzendaritza lanak betetzeko ardura, eta Gobernu Kontseiluari berehala emanen dio horren berri.
7. Agintaldia lau urtekoa izanen du, eta bata bestearen segidako agintaldi bat baizik ez du izanen.
Hauek dira Dekano edo Zuzendariaren eginkizunak:
a) Ikastegia ordezkatzea.
b) Lagunduko dion zuzendaritza taldeko kideak izendatu ditzan proposatzea Errektoreari.
c) Ikastetxearen jarduerak zuzendu eta koordinatzea, bai eta administrazioa eta aurrekontuak kudeatzea ere.
d) Ikastegiko Batzorderako deiak egin eta haren buru izatea, bai eta haren erabakiak bete eta betearaztea ere.
e) Ikastetxeari eratxikitako administrazio eta zerbitzuetako langileen zuzendaritza funtzionala betetzea, langile horien lanbide-eskumenak ezertan kaltetu gabe.
f) Ikastegiak ematen dituen ikasketen administrazio-antolaketa egitea, bai eta eskola ordutegiak eta azterketen egunak finkatzea ere.
g) Ikastegian irakaskuntza betetzen dela zaintzea.
h) 7.e) artikuluan adierazitako jarraibide berariazkoak proposatzea, bai eta Ikastegiko titulazioetako irakasgaien programen edukiak koordinatzea ere. Koordinazio horrek, gutxienez ere, irakasteko metodologia, gai-zerrenda eta ebaluazioa hartuko ditu.
i) Irakaskuntzaren kalitatea etengabe hobetzen saiatzea, horretarako beharrezkoak diren neurri guztiak Sailei proposatuz.
j) Lege indardunek Ikastegiari eman eta Estatutu hauek Ikastegiko Batzordeari esleitzen ez dizkion eginkizun guztiak betetzea.
k) Lege indardunek esleitzen dioten beste edozein eginkizun.
II. ATALA
SAILEKO ZUZENDARIA
1. Saileko Zuzendaria Sailaren agintari nagusia da. Hori dela eta, ohiko agintaritza izango du bere esku, Saileko Kontseiluaren bileren buru izango da eta Kontseiluaren erabakiak betearaziko ditu.
2. Saileko zuzendaria saileko Kontseiluak hautatuko du, unibertsitatearekin etengabeko lotura duten eta horretako kideak diren irakasle doktoreen artean .
3. Saileko Zuzendaria hautatzeko Saileko kontseilukideen gehiengo absolutua beharko da. Gehiengo hori hautagai bakar batek ere lortzen ez badu, hurrenez-hurreneko bozketak egingo dira boto gehien izan duten bi hautagai izanez gero, haien artetik bat aukeratzeko, eta gehiengo soila lortzen duena izango da hautatua. Hautagai bakarra baldin bada, lehen bozketan izango da hautatua baldin eta aldeko botoak erroldaren erdiak baino gehiago badira, eta bigarren bozketan aldeko botoak kontrakoak baino gehiago badira.
4. Hautagairik ez badago, Errektoreak unibertsitate irakaskidegoetako irakasle bati emango dio behin-behinekoz zuzendaritza lanak betetzeko ardura, eta Gobernu Kontseiluari berehala emango dio horren berri.
5. Saileko Zuzendariaren agintaldia lau urtekoa izango da eta bata bestearen segidako agintaldi bat baizik ezin egingo du.
Hauek dira Saileko Zuzendariaren eginkizunak:
a) Saila ordezkatzea.
b) Lagunduko dion zuzendaritza taldeko kideak izendatu ditzan proposatzea Errektoreari.
c) Saileko irakaskuntzako eta ikerketako jarduerak koordinatzea.
d) Saileko Kontseilurako deiak egin eta haren buru izatea, bai eta haren erabakiak bete eta betearaztea ere.
e) Saileko langileen eskaerak zein iradokizunak jaso eta bideratzea .
f) Saileko administrazio eta aurrekontuen kudeaketa zuzentzea.
g) Sailari eratxikitako administrazio eta zerbitzuetako langileriaren zuzendaritza funtzionala betetzea, langile horien lanbide-eskumenak galarazi gabe.
h) Idazkariarekin batera, Sailaren urteko txostena egitea.
i) Irakaskuntza eta ikerketa konpromezuak bete daitezen zaintzea.
j) Hurrengo ikasturtean emango diren irakasgaien programak Ikastetxeetara igortzea. Programetan, gutxienez ere, hauek jasoko dira: helburuak, gai-zerrenda, irakasteko eta laneko metodologia, ebaluazio sistema eta bibliografia erreferentziak.
k) Dauzkan eskumenen barnean, bekadun eta ikertzaile bisitariei baimena ematea Sailean lan egin eta hango baliabideak erabil ditzaten, irakasten edo ikertzen aritzen direnean, Nafarroako Unibertsitate Publikoko langileen izaera hartu gabe ere.
l) Lege indardunek Sailari esleitzen dizkioten beste eskumen guztiak, beti ere, Estatutu hauetan Saileko Kontseiluari esleitzen ez bazaizkio.
III. ATALA
UNIBERTSITATEKO IKERKETA-INSTITUTUKO ZUZENDARIA
1. Zuzendaria da Unibertsitateko Ikerketa-Institutuko agintari gorena.
2. Errektoreak doktoreen artetik izendatuko du Zuzendaria, Unibertsitate Institutu bakoitzeko barne-eraentzako arautegian ezarritako arauen arabera, edo, bestela, Gobernu Kontseiluari izendapen horren berri emanez. Nafarroako Unibertsitate Publikoari atxikitako Unibertsitateko Ikerketa-Institutuetan atxikipen hitzarmenean xedatutakoak aginduko du.
Beti ere, gutxienez bi ikerketa-tarte onartuta dauzkaten irakasleen artetik izendatuko du, edo ebaluazio organismo eskudunei jarraikiz, merezimendu baliokideak ziurtatzen dituztenen artetik.
3. Agintaldia lau urtekoa izango du, eta bata bestearen segidako agintaldi bat baizik ezin egingo du, atxikipen hitzarmenean beste arauren bat ezartzen ez bada.
VI. KAPITULUA. GOBERNU ORGANOAK HAUTATU ETA KARGUGABETZEA
1. Klaustroan, ikastegietako batzordeetan, saileko kontseilu eta unibertsitateko ikerketa institutuetan eta gainerako gobernu eta ordezkaritza organoetan unibertsitate komunitateko arloetako ordezkariak hautatzeko, Unibertsitateei buruzko Lege Organikoan, Estatutu hauetan eta unibertsitate hauteskunde erregelamenduan xedatutakoari jarraituko zaio. Organo horietan emakumeak gizonak beste izaten lagunduko da .
2. Hautatzeko postuak hiru edo gehiago izanik, hautagaiei boto zuzena emateko gehiengo sistemaren bidez egiten diren gobernu organoetarako hauteskundeetan, hautatzaile bakoitzak, gehienez ere, hautagai kopuru honi eman diezaioke botoa: Klaustroari buruzko 25. artikuluan ezarritako betetzeko lanpostuei dagokion zatikiaren berdina den kopuruari. Zatiki hori aplikatzetik ateratako zenbakia osoa ez bada, goitik hurren duen zenbaki osoarekin biribilduko da.
3. Halaber, Estatutu hauen babesean eratuko diren Batzordeetako mahaikideak hautatzeko, Unibertsitatearen Hauteskunde Arautegiak aurreikusitakoari jarraituko zaio.
4. Aurreko idatz-zatiak aipatzen dituzten hautaketa prozesuetan aginduko duen Hauteskunde Arautegia onestea Gobernu Kontseiluari dagokio.
1. Hauteskundeetarako deia egiten den egunean Nafarroako Unibertsitate Publikoan zerbitzu ematen ari diren lagun guztiek izanen dute sufragio aktiborako eskubidea, bai eta lurralde nazional osoan ofizialak eta baliodunak diren tituluak erdiesteko ikasketetan egun horretan matrikulatuta dauden ikasleek ere.
2. Sufragio pasiborako eskubidea izanen dute aurreko egoeran daudenak, Unibertsitateei buruzko Lege Organikoaren eta Estatutu hauetako gainerako eskakizunak betetzen badituzte.
3. Artikulu honen lehen idatz-zatian aipatutako ikasketak ez direnak egiten dituzten ikasleek sufragio aktiborako eta pasiborako eskubidea izanen dute, Gobernu Kontseiluak horretarako onesten duen araudian xedatu bezala eta haren betekizunak errespetatuta.
4. Sufragiorako eskubidea norberarena da eta ezin zaio beste bati eman, ezta beste bat eskuorde jarri ere. Hauteskunde erregelamenduak posta bidezko botoa edo botoa aurretik emateko beste modu batzuk arautzen ahalko ditu.
5. Unibertsitate komunitateko partaideren bat bi arlo edo gehiagotakoa baldin bada, soilik haietako batean izanen da hauteslea eta hautagaia, hauteskunde erregelamenduan xedatutakoaren arabera.
1. Organo kolegiatuetan arloetako ordezkari izango direnak hautatzeko hauteskundeetarako deia horietako buruek egingo dute, Hauteskunde Arautegian erabakitako epe eta moduan.
2. Gobernu organo kide bakarrekoetan, uzten duen titularrak egingo du hauteskundeetarako deia, Hauteskunde Arautegian erabakitako epe eta moduan.
1. Unibertsitateko organo kolegiatuetako kideak zergatiko hauetako batengatik utziko diote karguari:
a) Zuzenbidez aitortutako ezgaitasunagatik.
b) Agintaldia amaitzeagatik.
c) Espres uko egiteagatik.
d) Hautatua izan zen arlokoa izateari uzteagatik.
e) Zein organotakoa izan den ordezkari, organo horren kide izateari uzteagatik, legeak aurreikusitako kasuetan izan ezik.
f) Zein kargutarako izendatu edo hautatu zuten, kargu hori uzteagatik.
g) Heriotzagatik.
h) Arau indardunetan aurreikusten den beste edozein zergatiko dela eta.
2. Ikasle ez den ordezkari batek karguko eginkizunak uzten baditu, hautatua izan zen hauteskundeetan boto gehien erdietsi zuen hurrengoak ordezkatuko du. Prozedura hori ezin bada erabili, arloko hauteskundeetarako deia egingo da postu hutsa betetzeko. Bi kasuetan agintaldian egongo da ordezkatutako ordezkariak izango zuen agintaldia bukatu arte.
3. Ikasle batek klaustrokide kargua uzten badu, hautatua izan zen zerrendan hurren dagoenak ordezkatuko du, halakorik bada. Izan ezean, ez da egoki izango beste bat hautatzea, hautatuari egokitu zitzaion agintaldia bukatu arte.
4. Ikasleen ordezkari batek kargua uzten badu Klaustroa ez den organo kolegiatu batean, hautatua izan zen hauteskundeetan boto gehien izan zituen hurrengoak ordezkatuko du. Prozedura hori ezin bada erabili, arloko hauteskundeetarako deia egingo da postu hutsa betetzeko. Bi kasuetan agintaldian egongo da ordezkatutako ordezkariak izango zuen agintaldia bukatu arte.
5. Unibertsitateko Hauteskunde Arautegiak ezarriko du organo kolegiatuetako kideak ordezkatzeko eta haien postu hutsak betetzeko erregimena.
1. Unibertsitateko Hauteskunde Batzorde Nagusiari eta tokiko Hauteskunde Batzordeei dagokie Nafarroako Unibertsitate Publikoko hauteskunde prozesuak antolatu eta kontrolatzea, horien emaitzak aldarrikatzea eta ebaztea, hauteskunde erregelamenduan xedatutakoaren arabera.
2. Hauek osatuko dute Hauteskunde Batzorde Nagusia:
a) Unibertsitateko idazkari nagusia, batzordeburua izanen dena.
b) Unibertsitatearekin etengabeko lotura duten irakasle doktoreen bi ordezkari, zozketa bidez hautatutakoak.
c) Aurreko kategorian aipatu gabeko irakasle eta ikertzaileen ordezkari bat, zozketa bidez hautatutakoa.
d) Ikasleen ordezkari bat, haien klaustrokideen artean zozketa bidez hautatutakoa.
e) Administrazio eta zerbitzuetako langileen ordezkari bat, unibertsitatean sei hilabetez lanean egon diren langileen artean zozketa bidez hautatutakoa.
f) Unibertsitateko zerbitzu juridikoetako administrazio arduraduna, Batzordeko idazkari lanetan arituko dena hitzarekin baina botorik gabe.
3. Tokiko Hauteskunde Batzordeak fakultatekoak, eskolakoak, sailekoak, unibertsitateko ikerketa institutukoa eta batzordekoak izan daitezke. Horietako bakoitzak honako kide hauek izanen ditu:
a) Fakultateko edo eskolako Hauteskunde Batzordeak: dekanoa edo zuzendaria (batzordeburua izanen da), dekanordea edo zuzendariordea, eta ikastegiko idazkaria.
b) Sail eta institutuetako Hauteskunde Batzordeak: zuzendaria (batzordeburua izanen da), zuzendariak hautaturiko zuzendariordea, eta saileko edo institutuko idazkaria.
c) Batzordeetako Hauteskunde Batzordeak: batzordeburua, eta berak gainerako batzordekideen artean hautaturiko idazkaria eta batzordekidea.
4. Hauteskunde Batzorde bateko kide bakoitzeko ordezko bat, gutxienez, hautatuko da, hauteskunde erregelamenduan ezarritako prozeduraren arabera.
5. Hauteskunde Batzorde bateko kide bat batzorde horren mendeko hauteskunde prozesu batean hautagai aurkezten bada, bere eginkizunak gauzatzeari utzi beharko dio prozesuak irauten duen bitartean eta, haren ordez, bateraezintasun edo abstentzio arrazoirik ez duen ordezkoak jardunen du.
6. Hauteskunde Batzorde Nagusiaren agintaldia lau urtekoa izanen da, ikasleen ordezkariaren kasuan izan ezik, horiena bi urtekoa izanen baita. Lanpostu hutsak betetzeko, batzordekideak hautatzeko ezarritako prozedura erabiliko da.
7. Unibertsitateko hauteskunde erregelamenduak esleitzen dizkion eginkizunez gain, Hauteskunde Batzorde Nagusiak honako eskumen hauek ditu:
a) Hauteskunde araudia interpretatzeko irizpideak bateratzea.
b) Klaustroa, Gobernu Kontseilua eta errektorea hautatzeko prozesuak antolatu eta kontrolatzea, horien emaitzak aldarrikatzea eta horiek inpugnatzea.
c) Tokiko Hauteskunde Batzordeak aldarrikatu ondoren, batzorde horien eskumeneko prozesuen inguruan sortzen diren kontuak errekurtso bidean ezagutzea.
8. Tokiko Hauteskunde Batzordeen eskumenak eta unibertsitateko Hauteskunde Batzorde Nagusiarenak antzekoak dira, baldin eta hauteskundeen eremua fakultate, eskola, sail, institutu edo batzordera mugatzen bada. Tokiko Hauteskunde Batzordeek ematen dituzten behin betiko ekintzen edo erabakien aurka errekurtsoa aurkezten ahalko da unibertsitateko Hauteskunde Batzorde Nagusian, hauteskunde erregelamenduan ezarritakoaren arabera.
9. Hauteskunde mahaiko kide izateari ezin zaio uko egin, ez bada, behintzat, behar bezala frogatutako zergatikoren bat, alegatzaileak behar bezala ziurtatua.
1. Eremu partikularreko kide bakarreko gobernu organoen titularrek zergatiko hauetako batengatik utziko diote karguari:
a) Zuzenbidez aitortutako ezgaitasunagatik.
b) Agintaldia amaitzeagatik.
c) Espres uko egiteagatik.
d) Zentsura mozio bat onetsia izateagatik, Estatutu hauen 55. eta 56. artikuluetan xedatutakoarekin bat etorriz.
e) Unibertsitateko komunitatekoa edo, kasuan kasu, Sail, Institutu, edo Ikastegikoa izateari uzteagatik.
f) Heriotzagatik.
g) Arau indardunetan aurreikusten den beste edozein zergatiko dela eta .
2. Ukoaren zergatikoak Ikastegiko Dekanoari edo Zuzendariari eragiten badio, edota Saileko edo Unibertsitateko Ikerketa-Institutuko Zuzendariari, jardunean egon daiteke dagokion hauteskunde prozesua ebatzi arte, edo, bestela, berak izendatutako Dekanordeak edo Zuzendariordeak ordezka dezake, halakorik badago, eta, bestela, aitzinatasun handienekoak.
Saileko nahiz Unibertsitateko Ikerketa-Institutuko Zuzendariak, edo Ikastegiko Zuzendariak nahiz Dekanoak hauteskundeetarako deia egingo du, Hauteskunde Arautegian ezarritako prozedurarekin bat etorriz. Hautatutako Zuzendariaren edo Dekanoaren agintaldiak ordezkatuaren agintaldia amaitzeko gelditzen den denboran iraungo du.
1. Nafarroako Unibertsitate Publikoko Sailetako Kontseiluek ahalmena dute berek hautatu dituzten zuzendariak kargugabetzeko, eta hori zentsura mozio bat aurkeztuz egingo dute.
2. Gutxienez ere, Saileko Kontseiluko kideen %25ek, era formalean, aurkeztu beharko dute zentsura mozioa, eta horrez gain, hautagai bat aurkeztuko dute, bai eta, hura hautatuz gero, unibertsitate politikan izango lituzkeen berariazko ildoen programa.
3. Zentsura mozioa aurkeztu, eta hurrengo hamabosgarren egunetik hogeita hamargarren egunera bitartean eztabaidatu eta bozkatuko da.
4. Zentsura mozioa onesteko ezinbestekoa izango da Saileko Kontseiluko kideen gehiengo absolutuaren aldeko botoa.
5. Zentsura mozioa onetsiz gero, mozio hori sinatu dutenek proposatutako hautagaia zuzen-zuzenean aldarrikatuko da.
6. Zentsura mozioak artikulu honen 4. zenbakian aurreikusitako gehiengo absolutua lortzen ez badu, mozioa sinatu dutenek ezin izango dute beste moziorik aurkeztu urte bat igaro arte.
1. Ikastegietako Batzordeak eta Unibertsitateko Ikerketa-Instituetako Kontseiluek ahalmena dute beren Dekano eta Zuzendariak kargugabetzeko, zentsura mozio bat onetsiz, bakoitzaren organo kolegiatuko kideen herenak hala eskatuta. Horretarako Unibertsitateko Erregistro Orokorrean idazkia aurkeztuko da, eta idazkian, behar bezala egiaztatuta, proposamen egileen sinadurak eta ekimenaren justifikazioa emango dira.
2. Aurreko idatz-zatian aurreikusitako eskakizunak dituen ekimena aurkezteak berarekin ekarriko du dagokion organo kolegiatuaren bilera egiteko deialdia, hamabost egun balioduneko epean, ekimena eztabaidatu eta bozketa egiteko.
3. Kasuan kasuko organo kolegiatuak ekimena onesteko, kideen gehiengo absolutuaren aldeko botoa beharko da.
4. Ekimena onesten bada, beste dekano bat edo zuzendari bat hautatuko da, Estatutu hauetan ezarritakoaren arabera .
5. Zentsura mozioak artikulu honen 3. zenbakian aurreikusitako gehiengo absolutua lortzen ez badu, mozioa sinatu dutenek ezin izango dute beste moziorik aurkeztu urte bat igaro arte.
HIRUGARREN TITULUA. IRAKASKUNTZA JARDUERAK ETA UNIBERTSITATE ZABALPENA
I. KAPITULUA. IRAKASKUNTZAK
1. Nafarroako Unibertsitate Publikoak bere ikastegi, sail eta beste egituren bitartez antolatuko ditu irakaskuntzak.
2. Nafarroako Unibertsitate Publikoan irakaskuntza honako hauen arabera antolatuko da:
a) Lurralde nazional osoan ofizialak eta baliodunak diren gradu, master eta doktoretza tituluak erdiesteko ikasketak.
b) Beste titulu batzuk erdiesteko ikasketak, eta etengabeko prestakuntzakoak, Gobernu Kontseiluak horretarako onetsiko dituen arauekin bat etorriz .
3. Aurreko ataleko b) hizkiak aipatzen dituen irakaskuntzak finantzatzeko joera izango da berek sortutako dirusarrerekin finantzatzea, eta beste unibertsitate batzuekin edo beste erakunde zein entitate batzuekin elkarlanean eman daitezke, horretarako egindako hitzarmenen arabera.
1. Sailen ardura izanen da atxiki zaizkien ikasketa planetako moduluak, gaiak edo irakasgaiak ematea, horretarako aukeratu dituzten irakasleen bidez, ikastegiko Batzordeek proposatuta, Gobernu Kontseiluak onesten dituen jarraibideen eta ikasketa planen arabera .
2. Sailen aukera izanen da, halaber, partaide diren doktoretza programetan esleituta dauzkaten moduluak, gaiak edo irakasgaiak ematea, horretarako aukeratu dituzten irakasleen bidez .
3. Aurreko idatz-zatiek aipatzen duten ardura ezin hartu duten ohiz kanpoko kasuetan, Gobernu Kontseiluak neurri egokiak hartuko ditu.
Nafarroako Unibertsitate Publikoko matrikulazioa eta deialdien araubidea gradu eta master ikasketak arautzen dituzten arauetan zehaztuko dira. Arau horiek Gobernu Kontseiluak onetsi beharko ditu. Nolanahi ere, arau horiek egiteko ikastegien iritzia entzunen da.
Irakaskuntza betekizunari estuki loturiko betebeharra da modulu, gai edo irakasgai bakoitzari atxikitako irakasleek irakaskuntza jarduerak garatzea. Arrazoi larriak edo ohiz kanpokoak direla eta, irakasle batek ezin badu eskola eman, sailek baliabideak hartuko dituzte, jarduera horiek ez kaltetzeko.
1. Beste unibertsitate edo ikastegi batzuetatik edota Nafarroako Unibertsitate Publikoko beste titulazioren batetik datozen ikasleek eskatzen ahalko dute beste ikasketa ofizial batzuetan jada gainditu dituzten kredituak aintzatesteko edo transferitzeko.
2. Halaber, beste titulu batzuk erdiesteko beste goi mailako ikasketa ofizial edo unibertsitate ikasketa batzuetan egindako kredituak zein egiaztaturiko lan eta lanbide esperientzia aintzatesten ahalko dira, indarra duen araudiaren arabera.
3. Kredituak aintzatesteko edo transferitzeko prozedura unibertsitateak horretarako egiten duen araudian ezarriko da.
II. KAPITULUA. GRADUONDOKOA ETA DOKTORETZA
1. Doktoretza unibertsitate ikasketa ofizialen hirugarren zikloa da, kalitate ikerketa zientifikoarekin zerikusia duten eskumenak eta gaitasunak eskuratzeko helburua duena.
2. Doktoretza programek ikerketa prestakuntzako alderdi antolatuak izanen dituzte, ECTS kredituetan egituratzea eskatuko ez dutenak.
3. Gainera, jatorrizko ikerketa lana den doktoretza tesia egin beharko da, doktoretza titulua eskuratzeko.
1. Doktoretza tesia egiteko, konpromisoa hartuko da doktoregaiaren, zuzendariaren/zuzendarien eta unibertsitatearen artean, hori gauzatzeko oinarrizko baldintzak ezartzeko.
2. Doktoretza Nafarroako Unibertsitate Publikoak onetsitako doktoretza programetako baten barnean eginen da.
3. Beste unibertsitate batzuekin batera doktoretza programak garatzen ahalko dira, eta horretarako beharrezko hitzarmenak sinatuko dira.
1. Nafarroako Unibertsitate Publikoak Doktoretza Batzordea izanen du. Haren osaera Gobernu Kontseiluaren araudiak zehaztuko du. Halaber, Gobernu Kontseiluak aukeratzen ahalko du batzorde horren eginkizunak beste organo edo ikastegi bati esleitzea.
2. Nolanahi ere, Doktoretza Batzordeko burua errektorea edo horretarako eskuordetzen duen errektoreordea izanen da.
3. Batzordekideek legeak ezarritako eskakizunak beteko dituzte, eta, betiere, gutxienez bi doktoretza tesitan zuzendari lanak egindakoak behar dute izan.
Doktoretza Batzordeak eskumena izanen du ikerketa aldian doktoretza programak ukitzen dituzten gaiak ebazteko. Bereziki, hauek dira dagozkion eginkizunak:
a) Ikertzaileen doktoretza aurreko prestakuntza prozesuan eraginkortasuna zaintzea, oro har doktoretzaren kalitatearen hobekuntza sustatuta eta babestuta.
b) Unibertsitateko doktoretza ikasleen artean harremana eta topaketa bultzatzea.
c) Doktoretza ikasleen mugikortasuna sustatzeko neurriak proposatzea, batez ere atzerriko erakundeei begira.
d) Ikerketa metodologia eta tekniketan zeharkako prestakuntza jarduerak proposatzea, unibertsitateko doktoretza ikasle guztien eskura egonen direnak.
e) Doktoretza tesia egiteko prozesuari buruzko jarraibide orokorrak eta araudiak egitea, Gobernu Kontseiluari aurkeztuko zaizkionak, hark onets ditzan.
f) Doktoretza programak Gobernu Kontseiluari aurkeztea, hark onets ditzan.
g) Doktoretza tesien konpromisoak eta horien aldaketak berrestea.
h) Doktoretza tesien Jarraipen Batzordeak, Ebaluazio Batzordeak eta Epaimahaiak hautatzea, unibertsitatearen araudiaren arabera.
i) Doktoretza tesien memoriak tramitatzeko onartzea, eta haiek gordetzeko eta unibertsitateko komunitateari jakinarazteko tramiteak gauzatzea.
j) Bitartekotza eginkizunak gauzatzea, doktoretza tesiak egitean eta aurkeztean gatazka badago.
k) Barne araubideko erregelamendua egitea, unibertsitateko Gobernu Kontseiluak onetsiko duena.
l) Indarra duten arauek esleitzen dizkioten beste edozein eginkizun.
III. KAPITULUA. IKERKETA ETA JAKINTZA HELARAZTEA
1. Nafarroako Unibertsitate Publikoaren funtsezko eginkizuna da ikerketa, bera baita irakaskuntzaren oinarria, komunitatearen aurrerapenerako baliabidea eta gizarte garapenerako tresna, haren emaitzak gizarteari helarazita. Horretarako bere egiten du ikerketa zientifiko, tekniko eta artistikoaren garapena, baita ikertzaileen prestakuntza ere, oinarrizko ikerketa eta gidatua zein jakintza eta teknologia helaraztea kontuan hartuta.
2. Ikerketarako askatasuna onartua eta bermatua da unibertsitate eremuan.
3. Unibertsitateak irakasle eta ikertzaile guztien ikerketarako arduraldia lagundu eta babestuko du.
4. Unibertsitateak kalitate ikerketari, garapenari eta berrikuntzari buruzko jarduerak eta ekimenak bultzatuko ditu, azpiegitura eta oinarrizko zerbitzuak emanda.
5. Unibertsitateak garatzen duen ikerketaren emaitzak baloratzea bultzatuko du, eta, bereziki, ikerketa jardueratik sortutako enpresen sorrera eta parte-hartzea sustatuko ditu.
6. Gobernu Kontseiluak Nafarroako Unibertsitate Publikoko irakasleek eta ikertzaileek enpresak eta, bereziki, oinarri teknologikoa dutenak sortzea arautzen duen araudia onetsiko du. Araudiak langile horiek eszedentzia hartzeko baldintzak, Unibertsitateei buruzko Lege Organikoak aipatzen duen bateraezintasun araubidea eta unibertsitateak sorturiko enpresaren kapitalean parte hartzeko baldintzak zehaztuko ditu, gutxienez.
1. Sailak, ikerketa taldeak, unibertsitateko ikerketa institutuak eta ikerketarako sor daitezkeen berariazko beste entitate edo egitura batzuk dira ikerketarako unitate arduradunak. Nafarroako Unibertsitate Publikoak bultzatu eta ziurtatuko du unitate horietan ikerketa lanak egitea eta, xede horri begira, antolaketa, aurrekontu eta kontratuei dagokienez beharrezkoak diren neurriak hartuko ditu. Horrez gain, ikerketa taldeek lanbide karrera garatzea sustatuko du, eremu guztietan emakumeen eta gizonen arteko oreka bultzatuta.
2. Halaber, unibertsitateak ikertzaileek eta taldeek ikerketa asmoak dituzten beste entitate edo ikastegi misto batzuetan parte hartzea sustatuko du, lehentasunezko ikerketa ildoak sustatzea badakarte, eta horretarako beharrezko hitzarmenak sinatuko dira. Gobernu Kontseiluak ikertzaileek eta ikerketa taldeek entitate edo ikastegi horietan parte hartzeko baldintzak arautuko ditu.
1. Nafarroako Unibertsitate Publikoak Ikerketa Batzordea izanen du, ikerketa bultzatzeko, jakintza helarazteko eta zientzia hedatzeko unibertsitatearen politikak proposatu eta horiei buruzko aholkularitza emateaz arduratuko dena.
2. Ikerketa Batzordea errektoreak edo horretarako eskuordetzen duen errektoreordeak (batzordeburua izanen da) eta etengabeko lotura duten hamalau irakasle doktorek osatuko dute. Horietatik bederatzi Gobernu Kontseiluak haren kidetasunaren eta talde bakoitzaren barnean hautatu beharreko ordezkari kopuruaren arabera zehazten dituen jakintza arloetako talde bakoitzeko kideek beren artean hautatuko dituzte, eta beste bostak Gobernu Kontseiluak hautatuko ditu, errektoreak proposatuta. Ikerketa Zerbitzuko funtzionario batek, batzordeburuak hautatzen duenak, idazkari jardunen du, hitzarekin baina botorik gabe.
3. Ikerketa Batzordeko kidea izateko, ikerketa jardueraren aldeko bi ebaluazio izan beharko dira, gutxienez.
4. Batzordekideek lau urteko agintaldia izanen dute. Bi urtez behin kideen erdia berriztatuko da, barne araubideko erregelamenduan zehaztu bezala.
Hauek dira Ikerketa Batzordearen eginkizunak:
a) Ikerketa politikari, jakintza helarazteari eta zientzia hedatzeari buruzko jarraibideak proposatzea, plan estrategikoaren esparruan.
b) Ikerketa sustatzeko programa berekiak, langileen ikerketa jarduerak bultzatuko dituztenak, proposatzea.
c) Ikerketa laguntzen eta beken deialdia eta geroko esleipena proposatzea.
d) Gobernu Kontseiluak edo Ikerketarako Errektoreordetzak eskatuta, unibertsitateko taldeen eta ikertzaileen ikerketa jardueraren jarraipen eta ebaluazio jarduerak egin eta agintzea.
e) Ikerketa jarduera aintzatesteko sariak ezarri eta ematea proposatzea.
f) Ikerketa taldeen aintzatespenari buruzko araudia proposatzea.
g) Ikerketa ikastegi edo institutuak sortzearen berri ematea.
h) Gobernu Kontseiluari, sailei, ikastegiei eta unibertsitateko ikerketa institutuei aholku ematea ikerketaren plangintza, koordinazio, sustapen-proposamen eta garapen kontrolaren gaietan.
i) Unibertsitatearen argitalpen zientifikoei eta zabaltzeko eta hedatzeko beste material batzuei buruzko aholku ematea.
j) Ikerketari laguntzeko unibertsitate azpiegitura eskuratu eta erabiltzeari buruzko aholku ematea.
k) Unibertsitatearen ikerketa bultzatzeko tresnen ondorioen jarraipena eta ebaluazioa egitea.
l) Barne araubideko erregelamendua egitea.
m) Estatutuek eta Gobernu Kontseiluak esleitzen dioten beste edozein eginkizun.
1. Unibertsitatean ikerlanaren ondorioz eta dagokien ikerketa eginkizunean irakasleek, ikasleek nahiz ikertzaileek egiten dituzten asmaketen titularitatea Unibertsitatearena da, beti ere, beren irakaskuntza eta ikerketaren eginkizunen eremukoak badira.
2. Irakasle, ikasle edo ikertzaile batek ente pribatu nahiz publiko batekin kontratua egin, eta ondorioz asmaketa bat egiten duenean, kontratuan zehaztuko da titularitatea zein alde kontratatzailerena den.
3. Kontratu bidez ente publiko nahiz pribatuei lotetsiriko ikerketa baten ondorioz asmaketa bat egiten bada eta horren titularitatea ente horiei esleitzen ez bazaie, Unibertsitatearena izango da.
4. 2. eta 3. idatz-zatietan aipatzen diren asmaketa guztien berri eman beharko dio asmatzaileak Unibertsitateari, eta Unibertsitateak asmatzaileari bi hilabeteko epean jakinaraziko dio asmaketaren gaineko eskubideak zein eremu geografiko eta funtzionalen barnean zainduko dizkion.
5. Betiere asmatzaileak eskubidea izanen du mozkinetan parte hartzeko, alegia, unibertsitateak 2. eta 4. idatz-zatietako asmaketen gaineko ustiapena egiteagatik edo eskubideen lagapenagatik dituenetan. Asmaketa bat ustiatzearen mozkinak honela banatuko dira:
a) %60 unibertsitateari dagokio
b) %40 egileari.
Gobernu Kontseiluak prozedura arautuko du, unibertsitateak bere gain hartuko dituen patenteen eskabideak eta hedapenak tramitatzea erabakitzeko eta, hala denean, titulartasuna edo ustiapen eskubideak hirugarrenei lagatzeko. Era berean, patente baten mozkinak egileen artean banatzeko modua eta unibertsitatearen barneko itzulkinen banaketa irizpideak arautuko ditu .
6. Artikulu honen 4. zenbakian sartzen ez diren herrialde eta aldietan, laga nahiz ustiatzeko eskubideak egilearenak izango dira.
7. Aurreko puntuak jasotzen duen asmaketa baten ustiapenaren ondorioz egileak mozkinen bat lortzen badu, Unibertsitateak mozkinaren %30 jasotzeko eskubidea izango du.
8. Arautegi hau industria jabetza motaren bat izan daitekeen edozein emaitzari aplikatuko zaio.
IV. KAPITULUA. KALITATEA
Nafarroako Unibertsitate Publikoak irakaskuntza eta ikerketa zerbitzuen kalitatea bermatuko du, baita gizarteari ematen dizkion beste zerbitzu batzuena ere. Horretarako, irakaskuntza eta kudeaketa jarduerak ebaluatuko dira, Gobernu Kontseiluak onetsitako kalitate arloko jarraibideek jasotzen dituzten etengabeko hobekuntzarako prozesuak zehazteko asmoz, hori guztia beste erakunde batzuek dauzkaten eskumenei kalterik egin gabe.
1. Nafarroako Unibertsitate Publikoko Kalitate Batzordea kalitate arloko ekintzen aholkularitza, proposamen eta jarraipen organo arrunta da. Batzorde horrek ikastegietako Kalitatea Bermatzeko Batzordeek egiten dituzten jarduerak koordinatuko ditu, batez ere tituluen aldizkako egiaztapenera bideratutakoak, beste edozein batzorde edo organori esleituriko kalitate arloko beste jarduera batzuk koordinatzeari kalterik egin gabe.
2. Gobernu Kontseiluak zehaztuko du Kalitate Batzordearen osaera. Dena den, honako kide hauek izanen ditu, gutxienez:
a) Errektorea edo horretarako eskuordetzen duen errektoreordea, batzordeburua izanen dena.
b) Dekanoak edo ikastegietako zuzendariak, ikastegietako Kalitate Batzordeetako buruak izanen direnak.
c) Gizarte Kontseiluko burua edo horrek eskuordetzen duen pertsona.
d) Unibertsitateko kalitateari lotutako prozesuetan aholkularitza eta laguntza eginkizunak egiten dituen administrazio unitateko arduraduna.
e) Ikasleen ordezkari bat.
Hauek dira Kalitate Batzordearen eginkizunak:
a) Unibertsitatearen kalitate arloko politikari eta helburuei buruzko jarraibideak proposatzea Gobernu Kontseiluari.
b) Kalitatea hobetzeko ekimenak eta pizgarriak proposatzea Gizarte Kontseiluari eta unibertsitateko gobernu organoei.
c) Bere eskumenen esparruan, kalitatearen ebaluaziorako eta etengabeko hobekuntzarako metodoak eta tresnak onestea, Gobernu Kontseiluak onesten dituen kalitate arloko jarraibideetan zehaztu bezala.
d) Organo egokiei jakinaraztea eta, hala denean, agindutako kalitate arloko jardueren prozesuak eta emaitzak balioztatzea.
e) Kalitate arloko jardueraren emaitzen urteko txostena onestea, Gobernu Kontseiluari eta Gizarte Kontseiluari bidaliko zaiena.
f) Barne araubideko erregelamendua egitea, Gobernu Kontseiluak onetsiko duena.
g) Estatutu hauek ezartzen dituzten beste edozein eginkizun.
V. KAPITULUA. UNIBERTSITATE ZABALPENA
1. Unibertsitateak unibertsitate zabalpeneko jarduerak garatuko ditu, Unibertsitateko komunitateko partaide guztiei eta, oro har, gizarteari zuzenduak, pentsamendu kritikoa sortzen eta hedatzen laguntzeko eta kultura, zientzia eta teknikaren zabalkunderako.
2. Unibertsitate zabalpeneko eginkizunen artean daude garapenerako lankidetza; gizarte eta kultura eraldaketa; parte hartzeko eta elkartasunaren mesederako diren kultura ohitura eta modu kritikoak sortu eta hedatzea, eta etengabeko prestakuntza irekia eta askotarikoa.
3. Unibertsitateak erakunde publiko edo pribatuekin lankidetzan aritzeko modua bilatuko du, unibertsitate zabalpeneko jarduerak garatzeari begira.
LAUGARREN TITULUA. UNIBERTSITATEKO KOMUNITATEA.
I. KAPITULUA. IRAKASLE ETA IKERTZAILEAK
1. Nafarroako Unibertsitate Publikoko irakasle eta ikertzaileak unibertsitateko irakasleen kidegoetako funtzionarioak eta langile kontratatuak izanen dira.
Irakaskuntza edo ikerketa eginkizunak garatzeko bekaren, obra edo zerbitzuko kontratuaren edo beste modalitate batzuen bidez unibertsitatearekin lotura duten beste langileak irakasle eta ikertzailetzat joko dira.
2. Irakasle funtzionarioak irakasle kidego hauetakoren batekoak izanen dira:
a) Unibertsitateko katedradunak
b) Unibertsitateko irakasle titularrak
3. Irakasle funtzionarioen taldearen barnean sartzen dira unibertsitate eskolako katedradunak eta irakasle titularrak, legean aurreikusi bezala.
4. Lanaldi osoaren baliokidea den lan araubidean kontratatzen diren langileak ezin izanen dira artikulu honen 1. idatz-zatiaren lehen paragrafoan aipatzen diren irakasle eta ikertzaileen %49 baino gehiago izan, eta modalitate hauen arabera kontratatuko dira:
a) Laguntzaileak
b) Irakasle laguntzaile doktoreak
c) Kontrataturiko irakasle doktoreak
d) Irakasle elkartuak
e) Irakasle bisitariak
f) Aurrekoekin parekagarriak diren eta indarreko legediak aipatzen dituen gainerako figura guztiak.
5. Unibertsitateak lan araubideko langileak kontratatzen ahalko ditu, Langileen Estatutuan ezarritako modalitateen bidez, lanpostua gordetzeko eskubidea duten langileak ordezteko.
6. Unibertsitateak beste irakasle eta ikertzaile batzuk izaten ahalko ditu, jarduera zientifikoak, teknikoak, jakintza helaraztekoak eta bestelakoak garatzeko.
7. Unibertsitateak bitarteko langileen bidez betetzen ahalko ditu unibertsitateko irakasleen kidegoetako lanpostuak, baita Unibertsitaterekin etengabeko lotura duten langileen lanpostuak ere, legez ezarritako prozeduraren arabera behin betiko bete arte.
Gobernu Kontseiluak, Saileko Kontseiluek aurretik egindako txostenak eta Nafarroako Unibertsitate Publikoko estrategia planaren ondoriozko beharrak kontuan harturik, onetsi egingo du irakasle eta ikertzaileen Lanpostu Zerrenda, baita horren aldaketak ere, lanpostuak gehitu, gutxitu edo izenez aldatzen badira. Hori guztia Unibertsitatearen aurrekontuak garatu, bete eta kontrolatzeko arauak galarazi gabe.
Funtzionario edo langile kontratatu izateagatik dauzkatenez gainera, irakasle eta ikertzaileek eskubide hauek izango dituzte:
a) Katedra askatasunarekin eta ikertzeko askatasunarekin aritzea lanean, muga bakarrak Konstituzioak eta legeek ezarritakoak, eta irakaskuntza plangintzaren eta ikasketen antolamenduaren ondoriozkoak besterik ez dituztela.
b) Instalazio eta bitarteko egokiak edukitzea irakaslana eta ikerlana behar bezalako segurtasun eta osasun baldintzetan egiteko, ezagupenak eguneratzeko eta irakaskuntza, kultura eta kirol jarduerak garatzeko.
c) Hobekuntzarako lanbide eta irakaskuntzako prestakuntza jasotzea, irakaskuntzan eta ikerketan egindako merezimenduen arabera garatu dezaten lanbide-karrera.
d) Ebaluatuak izatea eta ebaluazioaren emaitzen berri izatea, eta kalitatearen ebaluaziorako prozesuetan parte hartzea.
e) Unibertsitate komunitarearentzat interesa duten gaiei buruzko informazioa edukitzea, eta, bereziki, Unibertsitateko gobernu organoek hartutako erabakiei buruzkoa, berengan eragina badute.
Legeetan ezarritakoez gainera, hauek dira Nafarroako Unibertsitate Publikoko irakasle eta ikertzaileen betebeharrak:
a) Irakaslana, ikerlana eta kudeaketa-lana arduraz betetzea.
b) Irakaslana, ikerlana eta kudeaketa-lana hobetzeko, etengabeko prestakuntza garatzea.
c) Errendimendua ebaluatu eta kontrolatzeko organo eskudunek ezarritako prozeduretara jartzea, eta beren irakaslanen eta ikerlanen berri ematea, Unibertsitateko gobernu eta ordezkaritza organoek, beren eskumenen esparruan, horrela eskatzen dietenean.
d) Organo kolegiatuetan eta batzordeetan parte hartzen badute, haien bilkuretara joan eta haien jardueretan parte hartzea .
e) Unibertsitatearen ondareari begirunea izatea, eta haren instalazio, ondasun eta baliabideak, eta izen eta irudia zuzen erabiltzea.
1. Estatutuen 8.3 artikuluan aipatutako irakasle eta ikertzaileak Gobernu Kontseiluak zehazten duen sailean sartuko dira. Gobernu Kontseiluak, gainera, unibertsitateko ikerketa-institutu bat edo beste zentroren bat zehaztuko die, berari atxikitzeko, bidezkoa denean.
2. Aurreko paragrafoan aipatu gabeko irakasle eta ikertzaileak, Unibertsitateko zein sail edo egituratan diharduten, hari atxikita geldituko dira, sail edo egitura horren araudia beteko dute, eta ordezkaritza izanen dute gobernu organoetan, gainerako irakasle eta ikertzaileen sektorean.
Gobernu Kontseiluari dagokio, bere ekimenez edo Saileko Kontseiluak hala proposatuta, aldez aurretik eta nahiko denborarekin erabakitzea zein izanen diren hornitzeko lotura iraunkorra duten lanpostuak irakasle kidegoetan eta langile kontratudunen artean, horretarako ezarriko diren irizpideak kontuan hartuta. Lanpostu horien berri arauzko epeetan emanen da.
1. Unibertsitateak deialdia eginen du unibertsitateko irakasleen kidegoetako lanpostuak betetzeko lehiaketak egiteko, onetsiak izan badira eta aurrekontuko gastuen egoera-orrian diruz hornituak badaude.
2. Gobernu Kontseiluak ezarriko ditu deialdirako behar diren arauak, baloraziorako irizpide orokorrak eta lehiaketak egiteko epeak. Deialdiak Estatuko Aldizkari Ofizialean eta Nafarroakoan argitaratuko dira. Deialdietan, gutxienez ere, hauek azalduko dira: lanpostu bakoitzaren ezaugarriak, sarrera-lehiaketa ebatziko duen batzordearen osaera, lehiaketetarako epeak, garatzeko moduak eta aldiak, eta esleitzeko irizpideak.
3. Onartuen behin betiko zerrenda argitaratzen denetik lehiaketa ebazten den arteko denbora ez da lau hilabete baino luzeagoa izanen, epe hori ez bada luzatzen ezinbesteko kasuren batengatik, luzapenezko inpugnazioengatik edo errektoreak onartutako beste bidezko arrazoiren batengatik.
4. Lehiaketak ebatziko dituzten batzordeek hiru kide izanen dituzte:
a) Gobernu Kontseiluak izendatutako kide bat. Unibertsitateko katedraduna izan beharko du, eta batzordeburu ariko da.
b) Saileko Kontseiluak proposatutako hamar irakasleren artetik Gobernu Kontseiluak izendatutako kide bat.
c) Saileko Kontseiluak izendatutako kide bat.
5. Lehiaketa Batzordeko kide guztiek irakasteko eta ikertzeko gaitasun osoa izan beharko dute, eta lehiaketako lanpostuak duen kidegoaren kategoria bera, baliokidea edo goragokoa, eta gaitze nazionaleko batzordeetan parte hartzeko legez ezarritako gainerako eskakizun guztiak beteta edukiko dituzte. Batzordeko kideen curriculumak aditzera eman beharko dira. Batzordeak emakume eta gizon kopuru orekatuak izan beharko ditu, behar bezala justifikatutako arrazoi sendoak eta objektiboak direla medio hori ezinezkoa denean izan ezik.
6. Batzordekide guztiak errektoreak izendatuko ditu, baita idazkaria ere. Prozedura berari jarraituko zaio ordezko kideak proposatu, hautatu eta izendatzeko.
1. Sarrera-lehiaketetako batzordeek kontuan hartuko dituzte, betiere, izangaiaren ikasketa, irakaslan eta ikerlanen historiala eta haren irakaskuntza eta ikerketa proiektua. Halaber, dagokion arloan edo espezialitatean gaiak jendaurrean azaldu eta eztabaidatzeko duen gaitasuna aztertuko dute. Kudeaketa akademikoaren arloko jarduera, egindako lanen kalitatea eta kasuan kasuko eginkizun motarako egokitasuna ere kontuan hartuko dira.
2. Nolanahi ere, erabakietan izangai bakoitzaren balioespena azalduko da, arrazoituta eta zenbakizko puntuazioarekin batera. Puntuazioan ebaluatutako alderdi guztiak zehaztuko dira.
1. Lehiaketa Batzordearen proposamenaren aurka, lehiaketara onartutako izangaiek erreklamazioa aurkeztu ahal izanen dute errektorearen aurrean. Erreklamazioa tramitatzeko onartzen bada, izendapen guztiak eten eginen dira behin betiko ebazpena eman arte.
2. Gobernu Kontseiluak Erreklamazioetarako Batzordea izendatuko du. Batzordekideak unibertsitateko zazpi katedradun izanen dira, hainbat jakintza arlotakoak, eskarmentu handikoak irakaslanetan eta ikerlanetan. Berariaz izendatuko dira batzordeburua eta idazkaria. Lau urteko agintaldia izanen dute, eta bi urtetik behin partzialki berrituko zaie.
3. Batzordeak legez ezarritako epean ebatzi beharko ditu erreklamazioak.
4. Batzordearen ebazpena, errektorearentzat loteslea, arrazoitua izanen da, eta, baldin badaude, ados ez daudenen botoak azalduko ditu.
1. Unibertsitateak, lan araubidean, irakasle eta ikertzaileak kontratatu ahal izanen ditu, 74.4 artikuluan aurreikusitako kontratu motekin.
2. Lan-kontratuko langileak lehiaketa publiko bidez aukeratuko dituzte, irakasle bisitariak izan ezik. Arau hauek erabiliko dira:
a) Laguntzailea:
Lehena. Unibertsitateek laguntzaile gisa kontratatzen ahalko dituzte doktorego ikasketetan onartuta daudenak edo onartuak izateko baldintzak betetzen dituztenak.
Bigarrena. Kontratuaren xede nagusia pertsona horien irakaskuntza eta ikerketarako prestakuntza osatzea izanen da. Laguntzaileek irakaslan praktikoetan lagunduko dute; urtean gehienez 60 ordu eginen dituzte lan horietan.
Hirugarrena. Kontratua aldi baterakoa izanen da eta arduraldi osokoa.
Laugarrena. Kontratuak gutxienez urtebete iraunen du eta gehienez bost, eta luzatu edo berritu ahal izanen da, gehieneko iraupena baino laburragoa hitzartu bada. Betiere, guztizko iraunaldia ez da bost urtetik gorakoa izanen. Aldi baterako ezintasunak, amatasunak eta haurren adopzio edo harrerak kontratuaren indarraldia eten eginen dute.
b) Irakasle laguntzaile doktorea:
Lehena. Doktoreak kontratatuko dira. Kontratatu aurretik, haien jardueraren ebaluazio positiboa beharko da. Kalitatearen Ebaluaziorako eta Egiaztapenerako Agentzia Nazionalak eginen du ebaluazioa, edo bestela, autonomia erkidegoko legeriak zehazten duen kanpo-ebaluazioko organoak.
Bigarrena. Kontratuaren xedea irakaskuntza eta ikerketa lanak egitea izanen da.
Hirugarrena. Kontratua aldi baterakoa izanen da eta arduraldi osokoa.
Laugarrena. Kontratuak gutxienez urtebete iraunen du eta gehienez bost, eta luzatu edo berritu ahal izanen da, gehieneko iraupena baino laburragoa hitzartu bada. Betiere, guztizko iraunaldia ez da bost urtetik gorakoa izanen. Nolanahi ere, kontratu honek eta a) letran aurreikusitakoak, batera, unibertsitate batean edo gehiagotan, ez dute zortzi urte baino gehiago iraunen. Aldi baterako ezintasunak, amatasunak eta haurren adopzio edo harrerak kontratuaren indarraldia eten eginen dute.
c) Irakasle kontratatu doktorea:
Lehena. Kalitatearen Ebaluaziorako eta Egiaztapenerako Agentzia Nazionalak edo autonomia erkidegoko legeetan zehaztutako kanpo-ebaluazioko organoak ebaluazio positiboa egiten dien doktoreak kontratatuko dira.
Bigarrena. Kontratuaren xedea izanen da irakaskuntza eta ikerketa lanak edo, lehentasunez, ikerketa hutseko lanak egitea, irakaskuntzarako eta ikerkuntzarako gaitasun osoa izanik.
Hirugarrena. Kontratua mugagabea izanen da eta arduraldi osokoa.
d) Irakasle elkartua:
Lehena. Gaitasun ezagutua duten adituak kontratatu ahal izanen dira, lanbide jarduera unibertsitateko esparru akademikotik kanpo dutela frogatzen badute.
Bigarrena. Kontratuaren xedea irakaslanak egitea izanen da, espezialista horiek beren jakintza eta lanbide esperientziak ekar ditzaten Unibertsitatera.
Hirugarrena. Kontratua aldi baterakoa izanen da eta arduraldi partzialekoa.
Laugarrena. Kontratuak hiru hilabete, sei hilabete edo urtebete iraunen du, eta berritu ahal izanen da beste horrenbesteko aldietarako, baldin eta unibertsitateko eremu akademikotik kanpoko lanbide jarduerak irauten badu.
e) Irakasle bisitaria:
Lehena. Entzute handiko irakasle eta ikertzaileak kontratatu ahalko dira, Espainiako edo atzerriko beste unibertsitate eta ikerketa zentro batzuetatik heldu badira.
Bigarrena. Kontratuaren xedea irakaslanak edo ikerlanak egitea izanen da. Horien bitartez irakasleek beren ezagutzak eta irakaskuntzan nahiz ikerkuntzan duten eskarmentua ekarriko dituzte Unibertsitatera.
Hirugarrena. Kontratua aldi baterakoa izanen da, eta arduraldi partzialekoa edo osokoa. Aldeek adosten duten iraunaldia izanen du.
1. Irakasle eta ikertzaileen kontratazioa irakasleak kontratatzeko erregelamenduan arautuko da, eta hori Gobernu Kontseiluak egin eta onetsiko du; deialdiak eta lehiaketak egiteko behar diren arauak eta baloraziorako irizpide orokorrak bilduko ditu.
2. Nolanahi ere, lehiaketa publikoaren bidez egin beharreko kontratazioetan hauek aginduko dute:
a) Nafarroako Unibertsitate Publikoak eginen du lehiaketarako deialdia, erregelamenduz ezartzen den moduan. Lehiaketek behar bezalako publizitatea izanen dute, eta Unibertsitateen Kontseiluari, behar adina denbora lehenago, deialdiaren berri emanen zaio, unibertsitate guztietan jakinaraz dezan.
b) Lehiaketen deialdian hauek azalduko dira: lanpostuaren izena, egin beharreko lana, kontratuen iraunaldi zehatza eta arduraldiaren araubidea, lehiaketen epeak, mugaegunak eta egiteko aldiak, eta Gobernu Kontseiluak erabakitzen duen beste edozein baldintza.
c) Irakasle kontratatu doktoreen lanpostuak baloratuko dituzten kontratazio batzordeak 80.4 artikuluan aurreikusitakoak bezala eratu eta osatuko dira. Gainerako lanpostuetarako, Gobernu Kontseiluak izendatuko ditu kontratazio batzordeak, eta kide hauek izanen dituzte:
1. Errektoreorde eskuduna edo berak eskuordetutako pertsona, batzordeburu ariko dena.
2. Irakasleen kidegoetako bi irakasle, Gobernu Kontseiluak izendatuak.
3. Irakasleen kidegoetako bi irakasle, Departamentuak izendatuak, kontratazioari buruzko erregelamenduan xedatutakoarekin bat.
d) Kontratazio batzordeko kide guztiek lehiaketaren xedeari dagokion irakasteko eta ikertzeko gaitasun osoa izanen dute, eta lehiaketako lanpostuak duen kidegoaren kategoria bera, baliokidea edo goragokoa, eta legez ezarritako gainerako eskakizun guztiak beteko dituzte.
e) Langileak aukeratzean Konstituzioko berdintasun, merezimendu eta gaitasun printzipioak errespetatuko dira. Merezimendutzat joko da unibertsitateko irakasleen kidegoetan sartzeko lehiaketetan parte hartzeko baimendua izatea.
f) Nolanahi ere, erabakietan izangai bakoitzaren balioespena azalduko da, arrazoituta eta zenbakizko puntuazioarekin batera. Puntuazioan ebaluatutako alderdi guztiak zehaztuko dira.
3. Erreklamazio batzorde bat izanen da, hainbat jakintza arlotako irakasle-kidegoetako bost irakaslek osatuko dutena. Irakasle horiek irakaslanetan eta ikerlanetan eskarmentu handikoak izanen dira, eta Gobernu Kontseiluak hautatuko ditu. Lau urteko agintaldia izanen dute, eta bi urtetik behin partzialki berrituko zaie. Kontratazio batzordearen proposamenen kontrako erreklamazioak irakasle-kidegoetan sartzeko proposamenen kontrako erreklamazioetarako ezarritako epean eta baldintzetan eginen dira. Irakasle kontratatu doktoreen lanpostuei dagokienez, 82.2 artikuluan ezarritako Erreklamazio Batzordea ariko da.
Irakasle kontratatuek aplikagarri duten Hitzarmen Kolektiboan aurreikusitako lansaria eta gainerako osagarriak izango dituzte, arduraldiaren arabera, baina inoiz ere ez dituzte gaindituko Nafarroako Foru Erkidegoak ezarritako gehienezko mugak, Unibertsitateei buruzko 55. Artikuluak esleitzen dizkion eskumenak erabiliz, edo, horiek ezean, Gobernu Kontseiluak ezarritakoak.
Unibertsitateak irakasle emeritu izendatu ahal izanen ditu Unibertsitateari zerbitzu nabarmenak egin dizkioten irakasle erretiratuak.
Unibertsitateak, lege indardunen arabera, ohorezko lankideak izendatu ditzake aldi baterako, arduraldi ez-osoan eta jabetza intelektualaren ondoriozko saria besterik ez dutela. Sail jakin bati loturik egongo dira behin-behinean, eta haien kontura edo besteen kontura jarduera nagusi ordaindua duten adituen artetik izendatuko dituzte, Gobernu Kontseiluak arautegiz erabakiko dituen baldintzetan.
1. Gobernu Kontseiluak bekadunen estatutu bat onetsiko du bekadunak hautatu, eta haien eskubide eta betebeharrak arautzeko, bai eta izango duten lankidetza erregimena ikerlanean, irakaslanean eta unibertsitate zerbitzuetan.
2. Ikerketarako bekadunak ikasleak izango dira, eta ikerketa proiektuetan laguntza eman dezakete, eta, salbuespen gisa, irakaslanetan, dagokien estatutuak ezarritako mugen barnean.
1. Errektorea erabat salbuetsirik egonen da irakasteko eta ikasleei arreta emateko betebeharretatik.
2. Agintaldi osoa betetzen dutenean, errektorea, errektoreordeak eta idazkari nagusia, beren ezagutzak eguneratu ditzaten, irakaslanetik salbuetsiko dira, hala eskatzen badute eta, gehienez ere, urtebetez errektorea eta sei hilabetez gainerakoak. Bitarte horretan eskubidea izanen dute beren lanpostuko ordainsari guztiak jasotzeko.
3. Gobernu Kontseiluak, bere eskumenen esparruan, kudeaketaz arduratzeko araubidea erabakiko du, egin beharreko jardueraren araberakoa, gobernu organoetako kideentzat. Hala ere, bere eskumenen esparruan, errektoreak, Unibertsitateko beste kargu batzuk izendatzean, parekatu egin ditzake kargu horietako arduraldia eta ordainsaria eta araudi indardunean lehendik dauden gobernu organo edo karguetakoak.
4. Kide bakarreko gobernu organo diren pertsonek ezin izanen dute bestelako kargurik bete Nafarroako Unibertsitate Publikoan.
1. Nafarroako Unibertsitate Publikoak ikasketa lizentziak ematea bultzatuko du arduraldi osoa duten irakasleek irakaslanak edo ikerlanak egiteko, betiere, lan horiek Estatuko nahiz atzerriko unibertsitate, instituzio edo ikastetxe batekin lotura badute, aurrekontuen horniduraren arabera eta irakaskuntza bermatzen bada. Nolanahi ere, eskaerarekin batera Saileko Kontseiluaren txostena ere aurkeztuko da.
2. Gobernu Kontseiluak onetsiko du artikulu honetan aurreikusten den lizentzien araubidea.
1. Unibertsitatearekin lotura iraunkorra duten irakasle doktoreek, unibertsitate publikoetan lanaldi osoko jardueran sei urtez etengabe aritutakoan, irakaskuntzako eginbeharretatik erabat salbuetsita egoteko urte sabatikoa har dezakete, ikerlanak eta hobekuntza lanak egiteko, eta hori Gobernu Kontseiluak finkatutako prozedurari jarraikiz eginen dute. Urte sabatiko horretan legeak onartzen dituen lansariak jasoko dituzte .
2. Urte sabatikoa hartzeko eskaera, behar bezala justifikatua, Gobernu Kontseiluak onetsiko du Sailari entzun ondoren.
3. Nafarroako Unibertsitate Publikoak irakasleek urte sabatikoak har ditzaten, kontu-sail bat aurreikusiko du aurrekontuetan, Gizarte Kontseiluaren eskumenak galarazi gabe.
Ikasketak egiteko edo urte sabatikoa hartzeko baimena emateak inoiz ez du ekarriko lotura iraunkorra duten irakasleen plantilla handitzea.
Errektoreak unibertsitate irakaskidegoetako irakasleei zerbitzu-eginkizunak betetzeko baimena eman ahal izango die, ikasturte baterako, bakoitzari dagokion sailari entzun ondoren. Zerbitzu-eginkizun horiek gehienez ere bi aldiz berritu ahal izango dira, sailak aldeko txostena egin ondoren.
1. Ikerketarako beharrei begira eta Gobernu Kontseiluak finkatzen dituen arauekin bat etorriz, sailek lotura iraunkorra duten irakasleak irakaskuntza-betekizunetatik salbuetsi ahal izanen dituzte, erabat edo zati batean, eta gehienez ere, urtebetez. Horrelakoetan, sailek behar diren ordezkoak jartzeko neurriak hartuko dituzte.
2. Ordezkotza horiek betetzeko, sailek, bakoitzari dagokion Kontseiluari entzun ondoren, lotura iraunkorra eta arduraldi osoa duten irakasleetako batzuei irakaskuntza-betekizun gehiago eman diezazkiekete, baina inoiz ere ez diete emanen unibertsitateko irakasle titular batek astean dituen irakastorduen herena baino gehiago.
Nafarroako Unibertsitate Publikoan eta lanpostuan, gutxienez bi urteko antzinatasuna duten unibertsitate irakaskidegoetako funtzionarioei, Unibertsitateei buruzko Lege Organikoaren 67. artikuluko bigarren atalak in fine aurreikusten duen borondatezko eszedentzia egoeraz baliatzen direnean, kidego eta jakintza arlo berean lanpostua erreserban edukitzeko eskubidea gordeko zaie, eta Unibertsitateak ezin izango du amortizatu, ezta behin betikoz bete ere, irakaskidegoetako funtzionarioekin edota denbora mugagabeko kontratatuekin.
Gobernu Kontseiluak agertutako egoeren ondorioz lanpostuak berehalakoan eta aldi baterako betetzeko arautegi erregulatzailea onetsiko du, eta behar bezala bermatuko du gorabehera horiengatik sortutako irakaskuntza beharrak beteko direla.
II. KAPITULUA. IKASLEAK
1. Nafarroako Unibertsitate Publikoko ikasleak dira bertan matrikulatuta dauden guztiak. Unibertsitatearen organoetan parte hartu eta ordezkaritza betetzeari begira, ikasle izango dira soilik lurralde nazional osoan ofizialak eta baliodunak diren tituluak erdiesteko ikasketetan matrikulatuta daudenak.
2. Artikulu honetako lehen idatz-zatian aipatutako ikasketak ez, beste batzuk egiten dituzten ikasleek eskubidea izanen dute zehaztuko diren Unibertsitateko organoetan parte hartzeko eta ordezkaritza izateko, Gobernu Kontseiluak horretarako onetsiko duen araudian ezartzen diren baldintzekin.
3. Gobernu Kontseiluak ikasleen beste egoera batzuei aplikatu beharreko araubidea onetsi ahalko du.
Nafarroako Unibertsitate Publikoko ikasleen eskubideak dira:
a) Prestakuntza osoa jasotzea eta kalitatezko irakaskuntza kritikoa, zehatza, eguneratua eta didaktikaren aldetik egokia.
b) Matrikula egin aurretik, titulazio bakoitzeko eskaintza eta irakaskuntza programazioaren berri izatea, eta irakasgaien programak eta orduak, deialdi ofizialen egunak eta ebaluazio irizpide orokorrak ezagutzea.
c) Ikasleek ikasitakoen egiaztapena arautuko duten Unibertsitatearen arauak jakinaraztea, bai eta kalifikazioak eta horien berrikuspena ere, prozedura eraginkor eta banakakoa erabiliz, eta akta ofizialetan datuak jaso aurretik.
d) Ikasketak modu egokian garatzeko behar bezalako eraikuntzak beren esku izatea.
e) Eskolaz kanpoko jardueretan parte hartzea, balioen, kulturaren, kirolaren eta gizarte elkarbizitzaren arloetan hezteko, eta gaitasun kritikoa garatzeko.
f) Unibertsitatearen ordezkaritza eta gobernu organoetan parte hartzea, Estatutu hauetan ezarritako moduan.
g) Bekei eta ikasteko laguntzei buruzko argibideak edukitzeko modua izatea, baita zuzeneko interesa izanda, gai jakin batzuei buruzkoak ere, gardentasun printzipioari jarraikiz.
h) Elkartzeko eskubidea erabilgarri egiten duten baliabideak beren esku izatea, Unibertsitatearen ahalmenen arabera.
i) Irakaskuntza ebaluatzeko prozesuetan parte hartzea.
Nafarroako Unibertsitate Publikoko ikasleek eginbehar hauek dituzte:
a) Unibertsitate ikasle diren aldetik dagokien ikaslana egitea, nahikoa probetxugarri izateko.
b) Unibertsitatearen ondareari begirunea izatea, eta haren instalazio, ondasun eta baliabideak zuzen erabiltzea.
c) Zein kargutarako izan diren hautatuak edo izendatuak, kargu horiek arduraz betetzea.
d) Unibertsitateko komunitateko gainerakoekin elkarlanean aritzea Unibertsitateak ongi funtzionatu dezan eta zerbitzuak hobetu ditzan.
1. Ikasleen Kontseilua, Errektoreorde eskudunaren mende egongo dena, hau da: Unibertsitateko ikasleek eztabaidatzeko, kontsultarako eta ordezkaritzarako duten organoa.
2. Ikasleen Kontseilua Unibertsitateko Klaustroan ikasleen ordezkari direnak osatuko dute eta Unibertsitatean diren taldeko ordezkariak.
3. Ikasleen Kontseiluak, gutxienez ere, kontseiluburua eta idazkaria izango ditu eta Batzorde Iraunkor bat.
4. Kontseilua, gutxienez ere, urtean behin ohiko bilera bat egingo du kontseiluburua eta Batzorde Iraunkorreko kideak hautatzeko.
1. Ikasleen Kontseiluko buruak, bere eskumenen esparruan, ikasleen ordezkari gorena da edozein erakunderen aurrean. Kontseiluko Idazkariak kontseiluburuari laguntzeko eginkizuna izango du, eta bileretako aktak gordetzekoa.
2. Artikulu honetan aipatzen diren ordezkarien agintaldia ikasturte batekoa izango da. Guztiak ere aldatu egin daitezke, hautatu zituen taldeko herenak hala proposatuta, horretarako deitutako bileran daudenen gehiengo absolutuaz.
Unibertsitateak, bere ahalmenen arabera, funtzionamendu zuzenerako behar dituen baliabideak emango dizkio Ikasleen Kontseiluari.
Ikasleen Kontseiluak eskumen hauek dauzka:
a) Osaera eta funtzionamendua arautzeko erregelamendua egitea, gero Gobernu Kontseiluari onesteko emango zaiona.
b) Bideratu, eztabaidatu, proposatu, eta, hala behar izanez gero, gauzatzea Unibertsitateko ikasleengandik sortutako ekimenak, aurreko hizkian aipatutako arautegian erabakitako unibertsitate bideetatik.
c) Unibertsitate komunitatearengan eragina duen informazioa jaso eta ikasleei ematea.
d) Esleitzen zaizkion baliabide eta bitartekoak administratzea.
e) Unibertsitatearen zerbitzuei dagozkien ebaluazio prozesuetan parte hartzea.
f) Kalitate Batzordean ordezkariak hautatzea.
g) Bere araudiak ezartzen duenari jarraituz, ikastegietako batzordeetan eta sailetako kontseiluetan parte hartuko duten ikasleak hautatzea .
h) Arautegiak ezartzen duenaren arabera, beste erakunde edo organismoek eskatzen dituztenean, Ikasleen Kontseiluko ordezkariak hautatzea.
1. Nafarroako Unibertsitate Publikoko talde bakoitzak ordezkari bat eta, gehienez ere, bi ordezkariorde izango ditu.
2. Gobernu Kontseiluak onetsiko duen arautegian erabakiko da ordezkariak eta ordezkariordeak hautatzeko modua, Ikasleen Kontseiluari entzunda.
1. Hauek dira taldeko ordezkariaren eginkizunak:
a) Dagokien taldeko ikasleen ordezkariak izatea Ikasleen Kontseiluan, Fakultate edo Eskolako Kontseiluetan, eta, horretarako hautatuak izan badira, Fakultate edo Eskolako Batzordeetan eta Saileko Kontseiluetan.
b) Behar diren adierazpenak egin eta helaraztea, ikasleen eta Nafarroako Unibertsitate Publikoko edozein organoren arteko harremanak behar bezalakoak izan daitezen.
c) Unibertsitateko gobernu eta ordezkaritza organoetan ikasleen ordezkari direnei organo horietara eraman beharreko proposamen, eskaera eta kexak eramatea.
d) Dagokien talde edo ikasmailako ikasleen proposamenak, eskaerak eta kexak irakasleei jakinaraztea.
e) Eginkizuna zuzen betetzeko, egoki iruditzen zaien guztietan, ikasmaila edo taldeko ikasleei dei egitea, irakaskuntzako programazioa ahal den gehiena errespetatuz
f) Karguko eginkizunak errazago egiten laguntzeko asmoz, bileretara joateko dei egiten zaien guztietan, haietara joatea.
g) Unibertsitateak legez dauzkan helburuak garatzen eta horien kalitatea hobetzen laguntzea.
h) Ordezkaritza aldian behar bezala aritzeko beharrezko dituen beste edozein eginkizun betetzea.
2. Taldeko ordezkariak, arautzen duen arautegiari jarraikiz, artikulu honetako d) hizkitik h)-ra bitartekoetan diren eginkizunak ordezkariordeei eman ahal izango dizkie.
III. KAPITULUA. ADMINISTRAZIO ETA ZERBITZUETAKO LANGILEAK
1. Nafarroako Unibertsitate Publikoaren administrazio eta zerbitzuetako langileek Unibertsitateko komunitatean eginkizun tekniko, administratibo eta kudeatzekoak bere gain hartzen dituen sektorea osatzen dute, baita aholku eta laguntza emateko lana ere Unibertsitatearen eginkizunak garatzean, beti ere, beren eskumenen esparruan.
2. Nafarroako Unibertsitate Publikoaren administrazio eta zerbitzuetako langileria bertako funtzionarioek eta lan edo administraziozko kontratazio-erregimenean diharduten langileek osatzen dute, bai eta beste Administrazio Publikoetako langileek ere, beti ere, lege indardunek aurrikusitako eran betetzen badituzte beren eginkizunak, Nafarroako Unibertsitate Publikoan.
1. Administrazio eta zerbitzuetako langile funtzionarioengan Nafarroako Foru Erkidegoko funtzio publikoari buruzko legeek aginduko dute, Unibertsitatearen esparruan ezarriko diren berezitasunak galarazi gabe.
2. Administrazio eta zerbitzuetako lan-kontratatuengan lan-legeek eta aplikagarri duten hitzarmen kolektiboak edo hitzarmen kolektiboek aginduko dute.
3. Lege indardunek zilegitzen duten neurrian, Unibertsitateko langile kontratatuen erregimena eta lan baldintzak Nafarroako Administrazio Publikoetan langile kontratatuek dituzten baldintzekin berdinduko dira, Unibertsitateak dauzkan berezitasunak galarazi gabe.
Nafarroako Unibertsitate Publikoko administrazio eta zerbitzuetako langileek, lege indardunek onartutako beste batzuez gainera, honako eskubide hauek dituzte:
a) Unibertsitatearen gobernu eta ordezkaritza organoetan parte hartzea, Estatutu hauetan xedatutakoari jarraikiz.
b) Unibertsitatearekin batera erabakitzea, bere ordezkaritza organoen bidez, zein lan baldintzak izango dituzten.
c) Lanpostuari esleitutako eginkizunak zein diren jakitea, eta horiek egiteko informazioa eta baliabide egokiak edukitzea.
d) Nork bere prestakuntza, hobekuntza eta sustapena jasotzea, bere lanaren esparruan.
e) Unibertsitatearen eraikuntza eta zerbitzuak erabiltzea, hauen xedeei eta erregulatzen dituzten arauei jarraikiz.
Nafarroako Unibertsitate Publikoko administrazio eta zerbitzuetako langileek, indarrean diren legeek ezarritakoez gain, honako eginbehar hauek dituzte:
a) Beren lanpostuari esleituriko eginkizunak eta Unibertsitatearekin duten harremana dela medio sortzen diren beste horiek ere betetzea.
b) Emandako eginkizunak betetzeko prestatzea eta hobetzea, horretarako bideratutako jardueretan parte hartuz.
c) Nafarroako Unibertsitate Publikoaren hobekuntzarako, haren xedeak burutzeko eta zerbitzu publikoa den aldetik haren funtzionamendua hobetzeko beren esku dagoena egitea.
d) Unibertsitatearen ondareari begirunea izatea eta bera zaintzea.
e) Zein kargutarako izan diren hautatuak edo izendatuak, kargu horiek arduraz betetzea.
1. Nafarroako Unibertsitate Publikoan zerbitzu ematen duten funtzionarioak titulazio mailetan egituratuko dira, funtzionarioei buruzko foru legeetan haietan sartzeko eskatzen diren titulazio mailen arabera.
2. Lan-kontratuko langileek lanbide talde eta izendapenetan egituratuko dira, lan-arautegietan eta haien Hitzarmen Kolektiboetan xedatutakoaren arabera.
3. Ez da zilegi izango administrazio eta zerbitzuetako langileak beren lanpostuei ez dagokien eginkizunik egitera behartzea.
Maila handiagoko lanpostu bati dagozkion eginkizunak ematen zaizkienean, eginkizun eta lansari berriak esleitzeko, lege indardunetan xedatutakoari jarraituko zaio.
4. Nafarroako Unibertsitate Publikoak plantilla egituratzeko bere dokumentua egingo du, lanbide talde eta izendapenetan sartzeko eskatzen diren titulazio mailen arabera, eta, eginkizunen antzekotasunari begira, Administrazio Publikoetan dauden edo sortzen direnen baliokidek izango dira.
1. Gobernu Kontseiluak, Kudeatzaileak proposatuta, onetsi behar du lanpostuen zerrenda, eta Kudeatzaileak egingo du, ordezkaritza organoekin negoziatu ondoren, eta Unibertsitateko sail, ikastegi eta administrazio unitateek azaldutako irakaskuntzako, ikerkuntzako eta kudeaketako beharren arabera.
2. Plantilla egituratzeko dokumentuak hauek jasoko ditu gutxienez:
a) Funtzionario eta lan-kontratuko langileentzat gordetako lanpostuak.
b) Lanpostuak zein unitate organikori eratxikitzen zaizkion.
c) Lanpostuen izena.
d) Izen bereko lanpostuen kopurua.
e) Lanpostuak sailkatzeko hierarkia-mailak eta zailtasun eta ardura graduak.
f) Lanpostuaren eginkizunak.
g) Arduraldia.
h) Lanpostu bakoitzari esleituriko ordainsari osagarriak.
1. Daukan autonomiaren arabera, Nafarroako Unibertsitate Publikoak hautatuko ditu administrazio eta zerbitzuetako bere langileak, berdintasun, merezimendu eta gaitasun printzipioak, bai eta publizitatearena ere, bermatuz.
2. Lanpostuen zerrendan azaltzen diren lanpostu hutsak betetzeko hautaprobetarako deialdiak Errektoreak egingo ditu, arrazoirik gabeko berandutza izan gabe, eta hark ere aginduko du Estatuko Aldizkari Ofizialean eta Nafarroako ALDIZKARI OFIZIALean argitara daitezen.
1. Funtzionarioen egiturako lanpostuak hautatzeko epaimahaien jarduerak eta ebazpenak publikoak izango dira. Epaimahai horiek gutxienez ere bost kidek osatuko dituzte, honela banatuta:
a) Errektorea edo berak eskuordetua, batzordeburu izango baita.
b) Idazkari Nagusia edo berak eskuordetua.
c) Mahaikide bat Nafarroako Foru Komunitatean dauden administrazio publikoetakoa edo Estatuko beste unibertsitate publikoetakoa .
d) Mahaikide bat Nafarroako Unibertsitate Publikoko administrazio eta zerbitzuetako langileei dagokiena, Administrazio eta Zerbitzuetako Langile Batzordeak izendatua. Epaimahaiko idazkari lanak eginen ditu .
e) Mahaikide bat Nafarroako Unibertsitate Publikoko administrazio eta zerbitzuetako langileei dagokiena, maila bereko funtzionarioen artetik zozketaz izendatua .
2. Lan-kontratuko lanpostuetarako epaimahaiak lege indardunei lotuko zaizkio eta Errektoreak izendatuko ditu haien epaimahaiburuak. Epaimahaiburuak, hala behar denean, kalitate botoa izango du.
1. Lanpostu hutsak betetzeko, eta behe mailako Unibertsitateko funtzionarioak sustatzeari begira, Gobernu Kontseiluak erabakiko duen lanpostu kopurua gordeko da.
2. Lan-kontratuko langileen sustapena haien hitzarmenetan xedatua denaren arabera egingo da.
Administrazio eta zerbitzuetako langileen ordezkaritza organoak Langile Funtzionarioen Batzordea, eta, baldin bada, Enpresa Batzordea edo ordezkari sindikalena izango dira, eta haiek beren eskumenen esparruan beteko dituzte eginkizunak.
IV. KAPITULUA. UNIBERTSITATE KOMUNITATEKO ARARTEKOA
1. Unibertsitateko Komunitatearen Arartekoa da Klaustroaren komisionatu gorena, Unibertsitateko komunitateko partaide guztien eskubideak defendatu eta babesteko ardura duena, bai eta Estatutu hauetan xedatutakoa betetzekoa ere. Horretarako, Unibertsitatearen irakaskuntza eta administrazio jarduerak ikuskatu ahalko ditu, bai eta interesdun guztiei aholkuak zuzendu ere.
2. Unibertsitateak behar diren baliabideak emango dizkio bere eginkizunak betetzeko.
1. Klaustroak hautatuko du Unibertsitateko Komunitatearen Arartekoa, Unibertsitate komunitateko partaideen artetik eta klaustrokideen hiru bostenek osatutako gehiengoaren bidez, bere barne-erregelamenduan xedatutako prozedurarekin bat etorriz .
2. Haren agintaldia lau urtekoa izango da eta bata bestearen segidako bi agintaldi besterik ezin egingo du.
3. Kargua utziko du Klaustroak, lehenengo idatz-zatian aurreikusitako gehiengo bera izanda, erabaki hori hartzen duenean, hauetako arrazoiren bat dela eta: berak eskatuta, eginkizunak ez betetzeagatik edo eskubideak kaltetzeko moduko ekintzengatik.
1. Unibertsitateko Komunitatearen Arartekoa ez dago behartua aginduzko inolako manurik betetzera, ez eta agintari akademikoen, gobernu organoen nahiz Unibertsitateko komunitateko beste partaideren baten jarraibiderik burutzera ere.
2. Ofizioz nahiz parte batek eskatuta jardungo du eta jarduteko eskariak ez dira inongo formalitateren pean egongo, artikulu honen 4. zenbakian aurreikusten den arautegikoak salbuespen bakarra direla.
3. Unibertsitateko Komunitatearen Arartekoak Nafarroako Unibertsitate Publikoaren barneko edozein agiri izango du eskuragai. Unibertsitateko Komunitateko partaide guztiek dute bere eginkizunak betetzean Arartekoak zuzentzen dizkien eskariak eta errekerimenduak aintzat hartu beharra.
4. Klaustroak, Unibertsitateko Komunitateko Arartekoak proposatuta, erakundearen funtzionamendurako arautegia onetsiko du, baita horren aldaketak ere.
5. Unibertsitateko Komunitatearen Arartekoak urtero txosten bat egingo du eta Klaustroari aurkeztuko dio.
V. KAPITULUA. EUSKARA UNIBERTSITATEAN
1. Gaztelania eta euskara Nafarroako hizkuntzak dira, eta, beraz, unibertsitateko kide guztiek dute biak jakin eta erabiltzeko eskubidea, hurrengo artikuluak ezarritako moduan.
2. Nafarroako Unibertsitate Publikoan euskara administrazioan nola erabiliko den erabakitzeko erreferentziatzat hartuko dira organo eskudunek lege indardunei jarraikiz ematen dituzten hizkuntza jarraibideak.
1. Unibertsitateko Komunitateko partaide guztiek eskubide hauek dituzte:
a) Unibertsitatearen gobernu organo eta administrazio zerbitzuetara zuzentzean, Foru Erkidegoko bi hizkuntzetako edozeinetan hitz egitea.
b) Unibertsitateko bileretan Nafarroak dituen bi hizkuntzetako edozeinetan hitz egitea.
c) Unibertsitateak euskaraz eskaintzen dituen irakasgaietan irakaskuntzak euskaraz jaso eta eskaintzea, bai eta lanak, azterketak edo probak euskaraz egitea ere, Legeak ezartzen duen moduan.
2. Unibertsitateko organo guztiek, beren eskumen esparruetan, behartuta daude eskubide horiek bermatzen. Horretarako, Unibertsitateak behar diren baliabideak jarriko ditu.
1. Gobernu Kontseiluak, Hizkuntza Plangintzarako Batzordeak proposatuta, irakaskuntza jardueretan euskara erabiltzeko plangintza onetsiko du. Plangintza hori urte anitzekoa bada, Gizarte Kontseiluari emango zaio onesteko.
2. Unibertsitatea euskarazko irakaskuntza jarduerak garatzeaz arduratuko da eskaintzari eta gizarteko beharrei jarraituz.
1. Irakasleak eta administrazio eta zerbitzuetako langileak prestatu eta kontratatzeko politika garatuko du Unibertsitateak, irakaskuntza euskaraz ezartzeko eta administrazio eta lan harremanetan euskararen erabilera bermatzeko, Legeak ezarriko duen esparruan.
2. Unibertsitateak erabakiko du zein diren euskara jakiteko eskakizuna duten irakasleen lanpostuak, eta, behar badira, ikertzaileen lanpostuak, bai eta administrazio eta zerbitzuetako langileenak ere.
3. Euskara jakiteko eskakizuna ez duten lanpostuak betetzeko lehiaketetan, Gobernu Kontseiluak erabakiko du nola balioetsi hizkuntza horren ezagupena, lanpostuaren ezaugarrien arabera, lege indardunek erabakitzen duten moduan.
Barneko eta kanpoko administrazio dokumentazioan euskara eta gaztelania erabil daitezen saiatuko da Unibertsitatea, eta bermatuko du bi hizkuntzak erabiliko direla inprimakietan, paperetako menbretetan, barne eta kanpoko irudi eta errotulaziorako jardueretan, eta euskararen arloan publizitatea eta sustapena egitekoan, bai eta Nafarroako Foru Erkidegoan dauden administrazio publikoekin eta eremu horretako beste batzuekin dituen instituzio mailako harremanetan ere.
Hizkuntza plangintzari begira, Nafarroako Unibertsitate Publikoak harremanak izaten saiatuko da euskararen arloan lan egiten duten organismo publiko eta pribatuekin.
Gobernu Kontseiluak Hizkuntza Plangintzarako Batzorde bat sortuko du, eta horren eginkizunak izango dira proposamenak egitea Unibertsitatean euskara erabiltzeko plangintzari buruz, eta hizkuntza politikaren jarraipena egitea Unibertsitatean.
Euskararako Unitate Teknikoa Hizkuntza Plangintzarako Batzordeari laguntzeko baliabide teknikoa da, eta eginkizunak izango ditu itzulpenak egitea, administrazio-agirietan euskararen erabilera zuzena zaintzea, gobernu organoei euskara gaietan aholku ematea eta esleitu dakiokeen beste edozein eginkizun.
BOSGARREN TITULUA. UNIBERTSITATEKO KOMUNITATERAKO ZERBITZUAK
Nafarroako Unibertsitate Publikoak behar diren administrazio unitateak sortu, antolatu eta mantenduko ditu irakaskuntzari, ikerketari, teknologia eta jakintzaren transferentziari eta unibertsitate hedapenari laguntzeko, eta berdin egingo du Unibertsitateko komunitateari arreta emateko zerbitzuekin, bere eginkizunak hobeki bete ditzaten.
1. Unibertsitateak, gobernu organo eskudunek erabakitako jarraibideekin bat, bermatu egingo du administrazio unitateen antolamendua eta funtzionamendua, gutxienez honako unibertsitate zerbitzu hauek ematen badituzte:
a) Unibertsitateko irakaskuntzaren, ekonomiaren, administrazioaren eta giza baliabideen kudeaketa, kalitatearen kudeaketa barne.
b) Unibertsitateko irakaskuntza jarduerak eta kudeaketak funtzionatzeko egoki diren informatika baliabideak erabiltzeko eta funtzionatzeko moduan edukitzea, eta eguneratzea.
c) Irakaskuntza eta kudeaketa jarduerak eraginkortasunez egiteko behar diren informazio zientifiko, tekniko eta profesionalerako baliabideak erabili eta hedatzeko sistema.
d) Ikerketarako eta teknologia eta jakintzaren transferentziarako laguntza eta horien kudeaketa, finantza iturri publiko edo pribatuetarako bidea erraztuz, baita gai horietarako bitartekotza ere hirugarren entitate batzuekin.
e) Unibertsitate hedapeneko jarduerei lagundu eta horiek kudeatzea, kasuan kasu, kultura eta kirol jarduerak eta eginkizun horietarako gizartearekin dauden elkarlaneko bideak ere barnean hartuta.
f) Interesekotzat hartzen diren lan zientifiko, tekniko edo artistikoen argitalpen mota guztiak programatu eta burutzea, euskaraz, gaztelaniaz edo beste edozein hizkuntzatan eta edozein euskarritan.
g) Unibertsitatearenak diren agiri guztien zaintza integratua eta erabiltzeko kudeaketa, edozein dutela ere izaera, garaia eta euskarria.
h) Hizkuntzak ikasi eta hobetzeko jardueretarako laguntza eta kudeaketa.
2. Unibertsitateko komunitateari arreta emateko zerbitzuen artean, kasuan kasu, hauek izango dira: Unibertsitateko komunitateko kideen mugikortasunari laguntzekoak, lanbide-orientazioarenak, ikasketetan laguntzekoak, gizarte zerbitzuak eta unibertsitate egoitzarako direnak.
1. Unibertsitate zerbitzuak emateko ardura duten administrazio unitateak Errektoreak ebazpen bidez sortu, aldatu edo kenduko ditu, Kudeatzaileak proposatuta.
2. Unibertsitate zerbitzuak emateko ardura duten administrazio unitateak sortzeko Errektorearen ebazpenetan azalduko da zein giza baliabide eta baliabide material esleitu behar zaizkien beren jardueretarako, Gizarte Kontseiluak aurrekontu gaietan dituen eskumenak galarazi gabe.
1. Unibertsitate zerbitzuak emateko ardura duten administrazio unitateak Kudeatzailetzaren mendekoak izanen dira organikoki eta, bidezkoa denean, funtzionalki, 131. artikuluaren arabera ezarriko diren egoeretan izan ezik, eta, zein dituzten eskumenak, errektoreak, errektoreordeen, idazkari nagusiaren eta kudeatzailearen laguntzaz, eta Unibertsitatearen gainerako gobernu organoek erabakitzen dituzten jarraibide estrategikoei begira arituko dira .
2. Unibertsitate zerbitzuak emateko ardura duen administrazio unitate bakoitzak zuzendaritza bakarra edukiko du, bere kudeaketa eta funtzionamenduaren erantzule izango dena. Bai zuzendaritza-lanak, bai lan tekniko eta administratiboak Unibertsitatearen beraren langile teknikoek egingo dituzte, profesionaltasun, kualifikazio eta esperientzia irizpideei jarraiturik, edo, bestela, beste administrazio publikoko langileek egingo dituzte, lege indardunetan aurreikusitako egoeren arabera.
3. Unibertsitate zerbitzuak emateko ardura duen administrazio unitate bakoitza eskuduna izango da bere gaiekin zerikusia duten baliabide eta jardueren gainean.
Unibertsitatearen Kalitate Batzordeak unibertsitate zerbitzuen kalitatea etengabe hobetu dadin zainduko du, eta horretarako mekanismo egokiak jarriko ditu, erabiltzaileek horretan parte hartuko dutela.
Unibertsitate zerbitzu jakin batzuk Unibertsitatearen entitate instrumentalen bidez eman ahal izango dira. Halaber, beste entitate batzuen bidez ere eman ahal izango dira, Errektoreak sinatutako hitzarmen edo kontratuak izanda. Hitzarmenak badira, Gobernu Kontseiluak berretsiko ditu.
SEIGARREN TITULUA. EKONOMIA ETA FINANTZA ERREGIMENA
I. KAPITULUA. XEDAPEN OROKORRAK
Nafarroako Unibertsitate Publikoak autonomia dauka ekonomia eta finantza gaietan, eta bere ekonomia eta finantza lana betetzean hauei jarraituko die: Unibertsitateei buruzko Lege Organikoak ezarritakoari, Nafarroako Foru Erkidegoko sektore publikoari aplikagarri zaizkion finantza eta aurrekontuei buruzko legeei eta estatutu hauei.
1. Urteanitzeko programazioaren finantzazioa ematen duten Gobernu Kontseiluak ezarritako estrategia-ildoen esparruaren barnean egingo dira Unibertsitatearen aurrekontuak.
2. Helburu eta jardueren plangintza eraginkorra izan dadin, urteanitzeko programazioak, estaldura moduan, Foru Erkidegoarekin egindako finantzazio hitzarmen bat izango du, edo ematen ahal den Unibertsitatea Finantzatzeko Legea.
II. KAPITULUA. EKONOMIA ETA FINANTZA KUDEAKETA
1. Nafarroako Unibertsitate Publikoaren aurrekontua publikoa, bakarra eta orekatua izango da. Baimenduriko gastu guztiak hartuko ditu, eta, Unibertsitateei buruzko 81. artikuluak ezarritakoaren arabera, Unibertsitateak urte natural bakoitzean egiten dituen diru-sarreren zenbatespena ere.
2. Kontuak emateko eta ekonomia eta finantza kudeaketaren gardentasunari begira, aurrekontuaren egitura, kontabilitate sistema eta urteko kontuak dauzkaten dokumentuak arlo publikorako oro har emandako arauei egokitu beharko zaizkie, eta Foru Erkidegoak berezitasun handiagoz ezarri ditzakeenari, Unibertsitateei buruzko 82. artikuluan aurreikusiari jarraikiz.
3. Artikulu honen 2. zenbakian xedatua galarazi gabe, Nafarroako Unibertsitate Publikoaren aurrekontua betearazteko oinarriek helburutzat izango dute eraginkortasun eta eragimen handiena ahalbidetzea Unibertsitatearen ekonomia kudeaketan.
4. Urteanitzeko programazioa denean, aurrekontuarekin batera, urtero programa betetzen ote den jakiteko ebaluazioa egingo da. Aurrekontua onesten denean, urteanitzeko programazioan aurreikusitako kredituak baimendutzat joko dira.
5. Kudeatzailetzak aurrekontuaren aurreproiektua egingo du, eta horretan Foru Erkidegoari eskatzen zaion finantzazioaren zenbatekoa adieraziko du. Finantzazioaren zenbatekoak aurreikusi eta zehazteko hitzarmen edo finantzazio legerik ez bada, Errektoreak Foru Erkidegoko Gobernuari txosten bat bidaliko dio, hirugarren hiruhilekoa bukatu aurretik, eskatutako zenbatekoa zein den zehazteko.
6. Eskatutako finantzazioa zehazturik, Gobernu Kontseiluak aurrekontuaren proiektua onetsiko du, eta, dagoenean, urteanitzeko programazioa, Gizarte Kontseiluari onesteko emango diona. Gizarte Kontseiluak onetsirik, Foru Erkidegoko Gobernura bidaliko da.
7. Kudeatzailetzak, arauekin bat eginez, aurrekontuak betetzeari eta kitatzeari buruzko kontabilitate-agiriak egingo ditu, Gobernu Kontseiluak proposatuta, Gizarte Kontseiluak onesteko eskatzen dizkionak.
1. Errektoreak, Gobernu Kontseiluak aurretik baimenduz gero, kreditu-eragiketak adostu ditzake. Aurrekontuaren indarraldia gainditzen duten eragiketek Gizarte Kontseiluaren aldeko txostena eduki beharko dute, eta Foru Erkidegoak onetsiko ditu azkenean.
2. Unibertsitateei buruzko 81.3 h) artikuluan aurreikusitako baimena inplizitua dela ulertuko da, besterik gabe, aurrekontuaren ehuneko 5 gainditzen ez duten diruzaintzako eragiketen berri ematen denean. Era berean, kreditu-eragiketak baimendu direla ulertuko da hilabete bat pasatuta ebazpen berariazkorik ez bada, eta Autonomia Erkidegoak tartean eskatzen ez badu emandako dokumentazioa zuzentzea .
1. Nafarroako Unibertsitate Publikoak bere ekonomia eta finantza kudeaketaren barneko kontu-ikuskaritza bermatuko du. Horretarako prozedura egokiak jarriko ditu, bai eta beharrezko ebaluazio eta kontrolak ere .
2. Barneko kontu-ikuskaritza egiteko, langile tekniko adituak izanen dira, errektorearen mende ariko direnak zuzenean, ekonomia eta finantza kudeaketaren etengabeko ebaluazioa eta kontrola bermatzeko .
3. Nafarroako Unibertsitate Publikoak aldian-aldian kanpoko kontu-ikuskaritzak aginduko ditu, bere kudeaketa ekonomikoa ebaluatu eta kontrolatzeko. Kanpoko kontu-ikuskaritza eginez gero, Gizarte Kontseiluak eta Gobernu Kontseiluak espreski ezagutu beharko dituzte emaitzak.
III. KAPITULUA. DIRUSARRERAK MATRIKULA, ZERBITZU ETA KONTRATUENGATIK
1. Ikasketa berekien, etengabeko prestakuntzaren, unibertsitate zabalpenaren eta gainerako zerbitzuen prezioak Gizarte Kontseiluak ezarriko ditu, batez ere, kostuei eta zerbitzuen eskariari begira. Salbuespen gisa, arrazoizko beharrengatik, Errektoreak kontura onetsi ahal izango ditu prezio horiek, eta Gizarte Kontseiluak gero berresteko baldintza izanda.
2. Gizarte Kontseiluak Unibertsitatearen beken, laguntzen eta tasak ordaintzeko salbuespenen politika gauzatuko du, ekonomia baliabide gutxi dituzten ikasleek unibertsitate ikasketak zati batean edo osorik dohainik egiteko aukera izan dezaten. Ikasle horiek unibertsitate lankidetzako lanak egingo dituzte, beti ere, ikasketetan erdietsitako emaitzak kontuan hartuta.
3. Unibertsitatearen entitate edo fundazioek hitzarmen bidez ematen dituzten zerbitzuak direnean, horiek zerbitzuen prezioak eskuratu ahal izango dituzte, beti ere, hitzarmenean aurreikusiko diren kontrol eta kitatze prozedurei jarraikiz.
1. Nafarroako Unibertsitate Publikoak pertsonekin, unibertsitateekin edo entitate publiko edo pribatuekin kontratuak sustatuko ditu, zientzia, teknika edo arteen arloetako lanak egiteko, eta berezitasunetako irakaskuntzarako edo prestakuntzako jarduera berariazkoetarako.
2. Aurreko atalak aipatzen dituen jardueren kontratazioa Unibertsitatearen Katalogoan onartutako ikerketa taldeek egin dezakete, baita sailek eta unibertsitateko ikerketa-institutuek ere, edo irakasle eta ikertzaileak ikerketa emaitzak bestetaratzeko zerbitzuen bidez.
3. Kontratuek bete beharreko prozedura eta irizpide orokorrak Gobernu Kontseiluak onetsiko ditu, eta hauei buruzkoak dira: baimena, jarduera kontratatua, Unibertsitatearen izena eta ikurrak erabiltzea, aurrekontua eta ekonomiaren gaineko eragina. Irizpideak betez gero, kontratuak hauek sinatuko dituzte:
a) Errektoreak, Unibertsitatearen izenean, edo;
b) Sail edo unibertsitate institutuko zuzendariak, zuzentzen duen organoaren izenean, edo;
c) Ikertzaile nagusia edo ikerketa taldearen arduraduna taldearen izenean, edo;
d) Irakasleek bakoitzak bere izenean, aurreko zenbakian aipatzen den arautegian xedatzen denarekin bat etorriz.
4. Nafarroako Unibertsitate Publikoak Kontratu-Erregistro Berezia izango du, eta han gordailatu beharko dira artikulu honetan aipatzen diren kontratuak.
5. Ikerketarako Batzordeak egonkortasun eta garrantzizko irizpideak ezarriko ditu Unibertsitatearen Katalogoan baimendutako ikerketa taldeak horretan jasotzeko eta irauteko. Katalogoan, gutxienez ere, talde bakoitzeko ikertzaile nagusiaren edo arduradunaren izena jasota egongo da.
6. Aurreko zenbakietan aipatzen diren kontratuen bateragarritasuna, soilik indarrean diren legeek jasotako zioetakoren bat biltzen denean ukatu ahal izango da.
7. Ikerketa kontratuak garatzeko eskuratu diren ondasunak Unibertsitatearen ondarearenak izango dira gero, beti ere kontratu horietan kontrakorik erabakitzen ez bada.
IV. KAPITULUA. UNIBERTSITATEAREN ONDAREA
1. Nafarroako Unibertsitate Publikoaren ondarea dauzkan ondasun, eskubide eta akzioek osatzen dute, bai eta, ordenamendu juridikoak aurreikusitakoari jarraikiz, eskuratu ditzakeen beste batzuek ere.
2. Nafarroako Unibertsitate Publikoak bere gain hartzen du Foru Erkidegoaren jabetza publikoko ondasunetatik bere eginkizunak betetzeko beharrezkoak dituen ondasunen titularitatea, bai eta, geroan, Estatuak, Nafarroako Foru Erkidegoak zein toki korporazioek helburu horiexetarako bereizten dituztenak ere.
3. Nafarroako Unibertsitate Publikoak bere ondarearen inbentarioa egin eta eguneratuta edukiko du.
1. Gobernu Kontseiluak proposatu ondoren, Gizarte Kontseiluaren eginkizuna da jabari publikoko ondasunen desafektazioa erabakitzea, bai eta, perituaren tasazioaren arabera, Gizarte Kontseiluaren Foru Legean ezarritako zenbatekoa baino balio handiagoa duten ondareak besterentzea, trukatzea edo lagatzea ere.
2. Kudeatzaileak hala proposaturik eta Gobernu Kontseiluari horren berri emanez, Errektoreari dagokio baimena ematea, perituaren tasazioaren arabera, 1. zenbakian aipatzen den zenbatekoa baino balio txikiagoa duten ondare ondasunak besterentzeko.
V. KAPITULUA. UNIBERTSITATEKO ARLO PUBLIKOA
1. Unibertsitateak, bere kabuz edo beste entitate batzuekin elkarlanean, edozein motatako pertsona juridikoak sor ditzake, aplikagarri den legeria orokorraren arabera. Gizarte Kontseiluak onetsiko ditu Gobernu Kontseiluak hala proposaturik. Gizarte Kontseiluak ekonomia eta finantza alderdietan soilik hartuko du parte, sortu beharreko entitatearen helburua edo gobernu eta administrazioaren antolamenduari erreparatu gabe.
2. Fundazio zuzkidura edo kapital sozialerako ekarpen kontuetan, eta Unibertsitatearen aurrekontuen kargura aipatu entitateei egindako beste edozein ekarpen kontuetan Foru Erkidegoak horretarako ezarriko dituen arauei jarraituko zaizkie.
3. Entitate batzuen kapitalean edo ondare-funtse baliokidean Unibertsitateak gehiengo partaidetza baldin badu, entitate horiek behartuta daude Unibertsitateak dituen epe eta prozedura beretan kontu ematera. Horretarako Unibertsitateak 136. artikuluan aipatu barneko kontu-ikuskaritza prozeduren mendean jarri ahal izango ditu entitate horiek.
4. Entitate batzuen kapital sozialaren edo ondare-funtsean Unibertsitateak gehiengo partaidetza baldin badu, entitate horiek berdintasun, merezimendu eta gaitasun printzipioak, eta publikotasunarena, bermatuko dituzte langileak aukeratzerakoan.
1. Unibertsitateei buruzko Lege Organikoaren 84. artikuluaren babesean Unibertsitateak sortzen dituen entitateen fundazio zuzkidura edo kapital sozialaren ekarpena irizpide hauen mendean egongo dira:
a) Zuzkidura berariazkoa izango dute Unibertsitatearen aurrekontuetan.
b) Unibertsitatearen jabetza publikoko ondasunen ekarpenik ezin izango dute, kontzesio edo lagapen erregimenean ez bada, behintzat, eta akordioan ezarriko da zenbat denboratarako egin zaien eta noiz itzuli behar dioten Unibertsitateari.
c) Unibertsitatearen ekarpena fundazio zuzkiduraren edo kapital sozialaren ehuneko berrogeita hamar baino gehiago egiten duenean, Foru Erkidegoaren baimena beharko du, Erkidegoaren organo batek parte hartzen ez badu entitatearen patronatuan edo ohiko gobernu organoan.
2. Unibertsitateak fundazio zuzkidurak edo kapital ekarpenak areagotzen baditu, aurreko atalean azaldutako eskakizun berak izango dira.
3. Ez dira kapitalerako ekarpentzat hartuko, Unibertsitatearekin egindako hitzarmenen edo kontratuei lotuz, fundazio edo elkarte zibilei edo merkataritzakoei egin edo ematen zaizkien diru-laguntzak, transferentzia arruntak, ondasun ekarpenak edota irakaskuntzako, administrazioko edo kudeaketako zerbitzuak, eta berdin gertatuko zaie geroan sortutako entitateei edota Unibertsitateei buruzko Lege Organikoak indarra hartu aurretik sortutakoei.
ZAZPIGARREN TITULUA
ADMINISTRAZIO ERREGIMEN JURIDIKOA
Nafarroako Unibertsitate Publikoaren jarduera administrazio publikoetan aplikagarriak diren araubide juridikoaren eta administrazio prozedura erkidearen arauetan oinarrituko da, bai eta unibertsitate-legerian aurreikusitako prozedura berezietan ere, eta Estatutu hauetan eta horiek garatzeko arautegietan ezartzen diren prozedura berekiak arautzen dituztenen arauetan.
1. Errektorearen ebazpenek eta Klaustroaren, Gobernu Kontseiluaren, Gizarte Kontseiluaren eta Unibertsitateko Hauteskunde Batzorde Zentralaren ebazpenek administrazio bidea amaitzen dute eta zuzenean inpugnatu ahal izanen dira administrazioarekiko auzien jurisdikzioan .
2. Gainerako gobernu organoen erabaki zein ebazpenen aurka errekurtsoa jarri ahal izango da Errektorearen aurrean, administrazio bidea agortzen ez badute.
3. Administrazio bideko erreklamazioa ezinbesteko betebeharra da Lan-zuzenbidean edo Zuzenbide pribatuan oinarritutako ekintzak egiteko, erreklamazio hori lege lerruneko xedapen batek salbuesten duen kasuetan izan ezik. Erreklamazioa Errektoreari zuzenduko zaio, eta lege indardunetan xedatutakoaren arabera izapidetuko da.
Errektoreak, bidezkotzat jotzen duenean, Nafarroako Unibertsitate Publikoaren zuzenbidezko zerbitzuetatik kanpoko letratuei eman ahal izango die zuzenbidezko defentsa eta prozesu-babesa egiteko ardura, eta Gobernu Kontseiluari horren berri emango dio.
ZORTZIGARREN TITULUA
ESTATUTUAK ERABERRITZEA
1. Estatutuak eraberritzeko ekimena Errektoreari, Gobernu Kon- tseiluari, edo klaustrokideen %25i dagokie.
2. Eraberritzeko proposamena era formalean aurkeztuko da Klaustroko Mahaiaren aurrean. Proposamena arrazoitu egin beharko da eta, hala denean, izenpetzen duten klaustrokideen sinadurekin batera, proposatzen den hautazko testua ere aurkeztu beharko da. Eraberrikuntza osoa eskatzen bada, ordea, hori Klaustroak idatziko du.
3. Klaustroaren Mahaiari egokituko zaio Estatutuak eraberritzeko proposamenak izapidetzeko hartzea, aurreko idatz-zatietan xedatua betetzeko, eta, halaber, eraberrikuntza zatikakotzat edo osotzat ematea, aurreko idatz-zatian xedatuari jarraikiz, edo, bestela, eraberrikuntza aukerakotzat edo beharrezkotzat ematea, artikulu honen 6. idatz-zatian xedatuari jarraikiz.
4. Klaustroko Mahaiak Estatutuak eraberritzeko proposamena jakinaraziko die klaustrokideei, gutxienez ere, hilabete lehenago proposamena eztabaidatu eta bozketa egiteko bilera egin aurretik.
5. Eraberritzeko proposamenari dagokion bilera egiteko Klaustrorako deialdia aurreko idatz-zatiak xedatua bete, eta hurrengo hilabetean egin beharko da.
6. Nafarroako Unibertsitate Publikoaren Klaustroaren eginkizuna da Estatutuak eraberritzeko proiektua onestea, eta horretarako klaustrokideen hiru bostenen aldeko botoa beharko da. Estatutuak indarrean sartu eta gero ematen diren arauzko zein legezko xedapenetara haiek egokitu nahi badira, ordea, aski izango da bertaratutako klaustrokideen gehiengoaren aldeko botoa.
7. Eraberritzeko proposamenak Estatutu hauetan eskatzen den gehiengoa lortzen ez badu, ezin izango da proposamena errepikatu harik eta urte bat igaro arte.
8. Ezin izango da Estatutuak eraberritzeko proposamenik egin Klaustroaren agintaldia amaitu aurretiko hiru hilabeteetan.
9. Klaustroaren Barne-eraentzako Arautegiak garatuko du Estatutuak eraberritzeko prozedura, artikulu honetan xedatuari jarraikiz.
Gobernu Kontseiluaren eginkizuna izango da, Estatutu hauek aplikatzeko, beraietan agertzen ez diren xedapenak garatzea.
Ikastegi, sail, unibertsitate institutu nahiz ikasle-egoitza nagusi berriak sortzen direnean, Errektoreak izendatuko du haien behin-behineko zuzendaria edo, halakorik bada, dekanoa, Estatutu hauen arabera behar bezalako hautaketa egiten den arte.
Lege indardunetan aldaketarik izanez gero, Gobernu Kontseiluak emango ditu aldaketok eransteko jarraibideak, Estatutuak eraberritzen ez diren bitartean.
Ikerketarako Taldeen Katalogoa egingo da, Unibertsitateak onartutako talde guztien berri jasotzeko.
Halaber, Tituluen Erregistro Orokorra egongo da, non nazioan balioa duten titulu ofizial guztiak jasoko baitira, baita Nafarroako Unibertsitate Publikoak emandako titulu eta diploma berekiak ere.
Nafarroako Unibertsitate Publikoak, bere eskumenen esparruan, bakoitzari dagozkion askatasuna eta berdintasuna benetakoak eta eraginkorrak izateko baldintzak sustatuko ditu, eta, zehazki, erabat bete daitezen eragozten duten traba guztiak kenduko ditu, eta unibertsitate komunitateko kide guztien partaidetza erraztu.
1. Nafarroako Unibertsitate Publikoak aukera berdintasuna bermatuko die desgaitasunen bat duten Unibertsitateko kideei, edozein motatako bazterkeria eragotziko du, eta behar diren neurriak ezarriko ditu kide horiek beren egitekoak bete eta beren eskubideak osoki erabili ahal izan ditzaten.
2. Desgaitasunen bat duten ikasle eta Unibertsitateko gainerako kideei ezin izanen zaie bereizkeriarik egin desgaitasun horrengatik, ez zuzenean ez zeharka, Unibertsitatean sartzeari, bertan irauteari eta aitortzen zaizkien ikasketa tituluak eta bestelakoak erabiltzeari dagokienez.
3. Unibertsitateak ekintza egokiak sustatuko ditu Unibertsitateko komunitatean desgaitasunen ondorioz premia bereziak edo banakakoak dituzten kideek behar dituzten bitarteko, laguntza eta baliabideak eskuratu ditzaten, Unibertsitateko gainerako kideen aldean aukera berdinak izateko, benetan eta eraginkortasunez.
4. Unibertsitatearen eraikin, instalazio eta bulegoak, espazio birtualak barne, baita zerbitzuak, prozedurak eta informazio iturriak ere, pertsona guztientzat eskuragarriak izanen dira. Hartara, Unibertsitateko ezein kideri ez zaio galaraziko, desgaitasunen bat izateagatik, Unibertsitatera sartzeko eskubidea, bertan ibiltzekoa, bertan irautekoa, komunikatzekoa, informazioa lortzekoa eta antzeko beste batzuk erabiltzea berdintasun egiazko eta eraginkorrarekin.
Unibertsitateko inguruneek irisgarriak izan behar dute. Gai hori arautzen duen Estatuko eta autonomia erkidegoko legerian ezarritako baldintzak eta epeak bete behar dira.
5. Unibertsitateak proposatzen dituen ikasketa plan guztietan kontuan hartuko da edozein lanbide jardueratan aritzeko prestakuntzan errespetatu eta sustatu egin behar direla giza eskubideak, irisgarritasun unibertsalaren printzipioa eta guztientzako diseinuarena.
6. Elbarriak Gizarteratzeari buruzko apirilaren 7ko 13/1982 Legearen 30. artikuluan eta hura garatzeko arauetan ezarritakoarekin bat, desgaitasuna duten ikasleek, hots, Desgaitasuna duten pertsonen aukera berdintasunari, bereizkeriarik ezari eta irisgarritasun unibertsalari buruzko abenduaren 2ko 51/2003 Legearen 1.2 artikuluan aipatutakoek, eskubidea izanen dute unibertsitate tituluak lortzeko egiten dituzten ikasketetan tasa eta prezio publikoak ordaindu beharretik erabat salbuesteko.
Nafarroako Unibertsitate Publikoak, bere antolaketa-egituren artean, berdintasun unitateak izanen ditu, emakumeen eta gizonen arteko berdintasunaren printzipioarekin zerikusia duten eginkizunak bete ditzaten.
Unibertsitateko kide bakarreko organoei, haien titular eta kideei eta unibertsitate-komunitateko kideei gaztelaniaz emandako deiturak, baita estatutu hauetan gaztelaniaz genero maskulinoan jarritako beste edozein deitura ere, genero femeninora aldatutzat joko dira, deitura hartzen duen pertsona emakumezkoa denean.
Estatutuen erreformak indarra hartzen duen eguna baino lehenagotik Nafarroako Unibertsitate Publikoak dituen sailei ez zaie aplikatuko, iraun ahal izateko, estatutuen 9.4 artikuluan eskatzen den gutxieneko irakasle kopurua.
Baldin eta, Unibertsitateei buruzko Lege Organikoan aurreikusitako legezkotasun-kontrolaren ondorioz, Foru Komunitateko Gobernuak eragozpenen bat jartzen badio estatutuak aldatzeko proiektuari, Unibertsitateko Klaustroko Mahaiak horren berri emanen die klaustrokideei. Klaustroak zuzendu eginen ditu ezbaian jarritako alderdiak, batzorde testu-egilearen proposamenari jarraituz, osoko bilkura bakarrean eztabaida eta zuzeneko bozketa eginez. Eragozpenen berri jaso eta hurrengo hilean egin beharko da bilkura horretarako deia.
Lehena. Unibertsitate Arautegiak.
1. Estatutu hauek indarra hartu, eta hurrengo bi hilabeteko epean, Errektoreak Hauteskunde Arautegiaren Proiektua eta Arautegi Markoaren Proiektua aurkeztuko dizkio onesteko Behin-behineko Gobernu Kontseiluari. Arautegi Marko horri egokitu beharko zaizkio sail eta ikastegietako barne-eraentzako arautegiak.
2. Bi hilabeteko epean, Klaustroan ikasleen ordezkari direnek Ikasleen Kontseiluaren Barne-eraentzako Arautegia aurkeztu beharko diote onesteko Gobernu Kontseiluari.
Bigarrena. Sail eta Ikastegiak.
1. Estatutu hauek indarra hartu, eta hurrengo laugarren eta seigarren hilabeteen bitarteko epean, Sailetako Kontseiluak eratu eta haien zuzendariak hautatuko dituzte. Ikastegiko Batzordea eraturik, hiru hilabeteko epean Barne-eraentzako Arautegia egingo du, Gobernu Kontseiluak onetsitako Arautegi Markoari jarraikiz. Barne-eraentzako Arautegi hori onetsi arte, Saileko Kontseiluak orain arte dagoenari jarraituko dio, Estatutu hauei kontra egiten ez dieten gaietan.
2. Halaber, Estatutu hauek indarra hartu eta laugarren eta seigarren hilabeteen artean, ikastegietako dekanoak edo zuzendariak hautatuko dituzte, eta Ikastegietako Batzordeak eratuko. Ikastegiko Batzordea eraturik, hiru hilabeteko epean Barne-eraentzako Arautegia egingo du, Gobernu Kontseiluak onetsitako Arautegi Markoari jarraikiz. Barne-eraentzako Arautegi hori onetsi arte, Ikastegiko Batzordeak orain arte dagoenari jarraituko dio, Estatutu hauei kontra egiten ez dieten gaietan.
3. Hauteskunde Batzordeak hauteskunde egutegi komunak onetsiko ditu, sailetan eta ikastegietan egin beharreko hauteskunde prozesuak aldi berean egingo direla ziurtatzeko.
Bigarrena Bis. Ordezkaritza eta gobernu organoak berritzea .
Apirilaren 12ko 4/2007 Legearen babesean egindako estatutu-aldaketa honetan gobernu organo kolegiatuei eta kide bakarrekoei buruz dauden xedapenek indarra hartuko dute organo horiek erabat berritzen direnean, kideen edo titularren agintaldia amaituta. Xedapen horiek ez dira aplikatuko hauteskunde partzialetarako deialdia egin beharra badago, eta berez ez dute ekarriko hauteskunde aurreratuetarako deialdia egin beharrik.
Aurreko atalean ezarritakoa ez da aplikatuko apirilaren 12ko 4/2007 Legeak kide bakarreko gobernu organo jakin baterako hautagarri izateko ezartzen dituen baldintzei dagokienez.
Estatutuen aldaketa onesten denetik hasita lau hilabeteko epean, gobernu organo kolegiatuek beren barne funtzionamenduko erregelamenduek egokitu beharko dituzte, beharrezkoa bada.
Orain den Unibertsitate Errektoreak karguan jarraitu ahal izango du agintaldia bukatzen zaion arte, eta jardueran egongo da hurrengoak jabetza hartu arte. Errektorea hautatzeko deialdia, haren agintaldia iraungitzeko eguna kontuan harturik, hilabete bat lehenago egingo da, Estatutuen xedapenei jarraikiz.
Estatutu hauek indarra hartu, eta hurrengo bost hilabeteko gehienezko epean, Unibertsitateko Klaustroa hautatzeko deialdiari ekingo zaio, Estatutuetan xedatutakoari jarraikiz.
Bosgarrena. Gobernu kontseilua.
Behin-behineko Gobernu Kontseiluko kideak jardunean egongo dira ordezkoak izendatu edo hautatu arte, Estatutu hauetan xedatutako prozedurari jarraikiz. Estatutu hauek onetsi, eta Aldizkari Ofizialean argitara ematen direnetik aurrera, besterik gabe eratuta egongo da Gobernu Kontseilu berria, kontuan hartu gabe orduan zein zen Behin-behineko Gobernu Kontseiluaren osaera.
Seigarrena. Doktoretza, Ikerketa, Kalitate eta Hizkuntza Plangintzarako Batzordeak.
1. Estatutu hauek indarra hartu, eta hurrengo laugarren eta seigarren hilabeteen arteko epean, Doktoretza, Ikerketa, Kalitate eta Hizkuntza Plangintzarako Batzordeak eratuko dira, Hauteskunde Arautegian xedatuari jarraikiz.
2. Horiek berritzeari begira, eratu eta handik lau urtera, hala egin behar denean, zozketaz erabakiko da batzorde horietako zein kideri dagokien bi urtez gehiago jarraitzeko aukera.
Zazpigarrena. Organo kolegiatuek eta kide bakarrekoek irautea.
Estatutu hauek aipatzen dituzten gobernu organo kolegiatuak eta kide bakarrekoak, eta Batzordeak eratu arte, oraingo organo eta batzordeek beren eginkizunak izaten eta betetzen jarraituko dute, behar-beharrezko egokitzapenak eginik Unibertsitateei buruzko Lege Organikoaren eta Estatutu hauen ondoriozko konfigurazioarekin. Egin beharreko ordezkapen eta berrikuntzak, kasu bakoitzean indarra duten hauteskunde arauei jarraikiz egingo dira.
Zortzigarrena. Arauen aurreraeragina.
Estatutu hauen arautegiak eta garapen arauak onetsi arte, aplikagarri izango dira LRUren esparruan onetsitakoak, Unibertsitateei buruzko Lege Organikoari eta Estatutu hauei kontra egiten ez dieten gaietan, eta Gobernu Kontseiluak kontrakoa arautzen ez badu.
Bederatzigarrena. Unibertsitate Komunitateko Arartekoa.
1. Orain den Unibertsitate Arartekoak eginkizunetan jarraituko du organo horren eginkizunak berriz arautu arte eta berria hautatu arte.
2. Orain den Unibertsitateko Arartekoak aurreko idatz-zatiak aurreikusi baino lehenago kargua uzten badu, Unibertsitateko Klaustroak organo hori hautatzeari ekingo dio, lehengo arautegiari jarraikiz, Unibertsitateei buruzko Lege Organikoari kontra egiten ez dion gaietan.
Hamargarrena. Erreklamazio Batzordeak.
1. Orain den Erreklamazio Batzordeak eginkizunetan jarraituko du, Unibertsitateei buruzko Lege Organikoa argitaratu aurretik argitara emandako deialdietako lehiaketak ebatzi arte.
2. Estatutu hauek indarra hartu, eta hurrengo bost hilabeteetako epean, Unibertsitateei buruzko Lege Organikoaren 66.2 artikuluan aurreikusitako Erreklamazio Batzordeko kideak hautatzeari ekingo zaio. Epe hori bete aurretik eratu behar bada, Unibertsitateko Gobernu Kontseiluak arau egokiak emango ditu.
Hamaikagarrena. Kide bakarreko organoak.
Errektorea, ikastegietako dekano edo zuzendariak eta sailetako zuzendariak, Estatutu hauen arabera hauteskundeetarako deia egiten denean, bigarren agintaldi jarraituan badaude, beste behin bakarrik aurkeztu ahal izango dira kargurako.
Hamabigarrena. Administrazio kontratua duten irakasleak.
Unibertsitateei buruzko Lege Organikoak indarra hartu aurretik administrazio-kontratuak zituzten langileen plantillak egokituko ditu Nafarroako Unibertsitate Publikoak, eta orain diren administrazio-kontratuak lege horretan ezarritako kontratu-figura bihur daitezen erraztuko du.
Horretarako, Gobernu Kontseilua, interesdunei aurretik eskatu eta sailek irakasteko duten gaitasunari erreparatuta, orain diren administrazio-kontratuak lege horretan ezarritako kontratu-figura bihurtzen hasiko da. Bihurtze prozesu horretan Estatutu hauen 83 eta 84. artikuluetan ezarritako arauak aplikatuko dira.
Hamahirugarrena. Lanaldi Osoko Irakasle Elkartuak.
Unibertsitateei buruzko Lege Organikoak indarra hartu aurretik lanaldi osoko irakasle elkartu izateko kontratatutako langileen plantillak egokituko ditu Nafarroako Unibertsitate Publikoak, horretarako neurri hauek hartuz: Gobernu Kontseiluak, interesdunek aurretik eskatuta, orain diren lanaldi osoko irakasle elkartuen kontratuak Unibertsitateei buruzko Lege Organikoan ezarritako kontratu-figura bihurtzen hasiko da. Bihurtze eta egonkortze prozesu horretan ez dira aplikatuko Estatutuen 83. artikuluko arauak, kasuan kasuko ebaluazio agentziaren aldeko txostenari dagozkion gaietan izan ezik.
Hamalaugarrena. Beste egokitzapen batzuk .
Gobernu Kontseiluak behar diren arauak egin edo erabakiak hartuko ditu xedapen hauetan aurreikusi gabeko egoerak ebazteko.
Estatutu hauek indarra hartzen dutenetik, indarrik gabe geldituko dira martxoaren 13ko 68/1995 Foru Dekretuak onetsitako Estatutuak eta Estatutu hauetan xedatutakoari aurka egiten dioten xedapen guztiak.
Nafarroako ALDIZKARI OFIZIALean argitara ematen diren egunean hartuko dute indarra Estatutu hauek.
